Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - [email protected] youtube
Coss Ear2
lakbima.lk
COSS Ear 1
                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

‘හෙනම ගහපන්‘ දුම්රිය මගීහු රියදුරන්ට නියාමකවරුන්ට සාප කරති

දුම්රිය රියදුරන් සහ නියාමකවරුන් ඊයේ රාත්‍රී 7.30ට පමණ හදීසියේ ආරම්භ කළ වැඩ වර්ජනය අඛණ්ඩව පවත්වාගෙන යාමට තම සංගමය තීරණය කොට ඇතැයි ලෝකොමොට්ව් ඔපරේට්ව් ඉංජිනියර්ස් යූනියන් (දුම්රිය රියදුරු සංගමය) හි නියෝජිතයෙක් ලක්බිම ඔන්ලයින් වෙත පැවසීය.

එහෙත් සාමාන්‍ය මගී ජනතාව තබා දුම්රිය ස්ථානාධිපති වරුන් ඇතුළු දුම්රිය කාර්‍ය මණ්ඩලයටවත් නොදන්වා දුම්රිය රියදුරු සහ නියාමකවරුන් හදිසියේ අරඹන ලද මෙම වැඩ වර්ජනයෙන් දහස් සංඛ්‍යාත දුම්රිය මගීන් පිරිසක් දැඩි අසරණ තත්වයකට පත් වු බව අප වාර්තා කරුවෝ කියති.

විශේෂයෙන් මහා මාර්ග ගමන් පහසුව නොමැති ප්‍රධාන දුම්රිය මාර්ගය දෙපස ඇති ග්‍රාමීය ප්‍රදේශ බලා යන කාර්යාල සේවක සේවිකාවන් ඊයේ සවස කොළඹ කොටුව, මරදාන, දෙමටගොඩ, බම්බලපිටිය, කොල්ලුපිටිය යන දුම්රිය ස්ථාන වල එක් රොක් වී සිටි අතර එහිදී ඇති වූ උණුසුම් කාරී තත්වය මැඩපැවැත්විම සඳහා විශේෂ පොලිස් බල ඇණි සහ කැරළි මර්ධන යෙදවීමට සිදුවිය.

මේ අතර එම දුමිරිය ස්ථාන වලින් රාත්‍රි දුම්රිය සඳහා ප්‍රවේශ පත්‍ර නිකුත් කර තිබූ අතර රාත්‍රී තැපැල් දුම්රියන් මගින් ප්‍රවාහනය කිරීම පිණිණ නියමිත තැපැල් මළු දුම්රිය වේදීකාවන්ට පවා ගෙනවිත් තිබුණු දක්නා ලදී.

ඒ සම්බන්ධයෙන් කුපිත වූ දුම්රිය මගීන් දුම්රිය ස්ථානධිපති වරුන්ගේ කාර්යාල වටලන අවස්ථාවේ ඔවුන් කියා සිටියේ මෙම හදීසි දුම්රිය වර්ජනයට තමන් කිසිදු සම්බන්ධයක් නොමැති අතර අඩුම තරමින් ඒ පිළිබඳට තමන් නොදන්නා බවය.

කෙසේ හෝ මහා මාර්ග මගින් ප්‍රවාහන පහසුකම් නොමැති ප්‍රදේශ වලට යාමට දුම්රිය වේදිකාවට පැමිණ සිටි කාර්යාල සේවිකාවන් සිය ගණනක් කඳුළු වගුරවමින් සිටිනු කාගේත් සිත් සසළ කළ දර්ශනයක් බව අප මාධ්‍යවේදීහු කියති. ඒ් අතර ගැබිණි මව් වරුන් ද සිටි බව ඔවුහු වැඩි දුරටත් කියති.

මෙම හදිසි වැඩ වර්ජනයට හේතුව දුම්රිය රියදුරු සහායකයන් නිවැරදි පටිපාටියෙන් තොරව බඳවා ගැනීම බව දුම්රිය රියදුරු සංගමයේ ලේකම් ඉන්දික දොඩන්ගොඩ මහතා සඳහන් කළේය.

ඒ සම්බන්ධයෙන් ඊයේ පස්වරුවේ අග්‍රාමාත්‍ය උපදේශක ජේ.දඩැල්ලගේ මහතා ප්‍රමුඛ නිලධාරීන් සමඟ දුම්රිය වෘත්තිය සමිති නියෝජිතයන් සාකච්ඡා කළ මුත් ඉන් ප්‍රතිපළයක් නොමැති තැන මෙම තීරණයට එළඹි බව ද ලේකම් වරයා කීය.

ඒ කෙසේ හෝ ඊයේ මධ්‍යම රාත්‍රියෙන් ඇරඹීමට තිබූ වැඩ වර්ජනය රාත්‍රී 7.30ට පමණ ආරම්භ කිරීමට සිදු වූයේ රාත්‍රී සේවා මුර සඳහා යොදා සිටි රියදුරන් එම සේවා මුරයට වාර්තා කිරීම ප්‍රතික්ෂේප කිරීම නිසා යැයි දුම්රිය රියදුරු සංගමයේ ප්‍රකාශකයෙක් ලක්බිම ඔන්ලයින් වෙත කීය.

ඒ කෙසේ හෝ මෙම හදීසි වර්ජනය නිසා මහත් අසරණ බවට පත් දුම්රිය මගීන් දුමිරිය රියැදුරන්ට සහ නියාමක වරුන් ගේ අත්නෝමතික ක්‍රියාමාර්ග මුල් කොට අසභ්‍ය වචනයෙන් බැන වදිනු හා ‘තිරිසන් වැඩ, හෙනම ගහපන් ‘ වැනි වදන් වැඩිපුරම අසන්නට ලැබුණු බවත් අප මාධ්‍යවේදීහු කියති.

මීට පෙර කොතෙකුත් දුම්රිය වර්ජන සිදුව ඇතැත් මෙසේ දුම්රිය මගීන් මහ මඟ අතරමං කළ දුම්රිය වර්ජනයක් මීට පෙර සිදු නොවූ බව පවසන දුම්රිය මගීන් වැඩි දුරටත් පවසනුයේ මීට තම වෘත්තීය සමිති ඉල්ලීම් ඉක්මවා ගිය දේශපාලනික න්‍යාය පත්‍රයක් ඇතුල් වී ඇති බවට තමන් තුළ සාධාරණ සැකයක් පහළ වී ඇති බවය.

වත්මන් රජය පෙරළා දැමීමට අවශ්‍ය නම් ඒ සඳහා අසරණ මහජනතාව කබලෙන් ලිපට ඇද දමන මෙවැනි පහත් ක්‍රියාවල නොයෙදෙන ලෙසද තමන් දුම්රිය රියදුරන්ගෙන් සහ නියාමකවරුන්ගෙන් ඉල්ලා සිටින බව ඒ සම්බන්ධයෙන් අදහස් දැක්වූ දුම්රිය මගීහු ලක්බිම ඔන්ලයින් වෙත කීය.

එස්.ටී.පී.සිල්වා

IMAGE

තනි දළයා සිපිරිගෙට යනු බලා ගල්ගමු වැසියෝ කඳුළු සලති

IMAGE 2017 Dec 18 13:25
තම පවුලක නාහෙට නාහන හිතුවක්කාර තරුණයෙකු වුව බන්ධනාගාරගත වන්නේ නම් එම පවුලේ ඥාතීන් තුළ විශාල...
Views - 614

සාර්ථක ගැබ් ගැන්වීමක් සඳහා පිරිමියෙකු සතු සුදුසුකම්

IMAGE 2017 Dec 18 12:42
දරු පිළිසිඳ ගැනීමකදී කාන්තාවක තුළ තිබිය යුතු සුදුසුකම් පිළිබඳව බොහෝ දෙනෙක් කථා කරනවා. නමුත්...
Views - 1210

ඉදිරියට යනකොට මට හිතුණා මේ ජයග්‍රහණය ලැබෙයි කියලා

IMAGE 2017 Dec 18 10:00
දෙරණ  සිහින තරු වේදිකාව අදියර හයක් පුරා නවක ගායන තරු රැසක්ම සංගීත ක්ෂේත්‍රයට බිහි කළේය....
Views - 611

හීං බබා සීයා වෙන්න කලින් මම හිඟන්නෙක්

IMAGE 2017 Dec 18 09:11
සේන ගුණවර්ධන කියන ඔබව දැන් රටම හඳුනන්නේ “හීං බබා සීයා” නමින්. වයසට ගිහින් හරි රටම හඳුනන...
Views - 1677

හැරී කුමරුගේ සහ මෙගන් මාර්කල් ගේ විවාහ දිනය නිවේදනය කරයි

IMAGE 2017 Dec 18 09:03
බ්‍රිතාන්‍යයේ රජ පවුල පිළිබඳ තොරතුරු කියවීමට කැමැත්ත දක්වන බොහෝ දෙනෙකු තුළ පසුගිය දිනවල...
Views - 506

තනුජා සිරස හැර යයි

IMAGE 2017 Dec 17 12:25
පෞද්ගලික රූපවාහිනී නාලිකා මේ රටේ ඇති කළ වෙනස තුළ බිහි වූ ප්‍රබල චරිතයක් තමයි තනුජා ජයවර්ධන...
Views - 4210

Please publish modules in offcanvas position.