Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - [email protected] youtube
lakbima.lk

                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

පින්බර වෙසක් තෙමඟුල උදා වූ වගයි

ශ‍්‍රී බුද්ධ වර්ෂ 2560 ශ‍්‍රී වෛශ්‍යාඛ මංගල්‍යය දැන් උදා වී ඇත. මෙවර වෙසක් පුර පසලොස්වක පෝය මැයි 10 වන දින පූර්ව භාග 1.07 ට උදා වන අතර මැයි 11 වන දින පූර්ව භාග 3.12 ට පොහොය ගෙවීමට නියමිත ය. සෑම ශ්‍රී ලාංකීය බෞද්ධයකුම පාහේ බුද්ධාභිවන්දනා මුල් කොට ගත් දාන ශීල භාවනා ආදී ත්‍රිවිධ පුණ්‍ය ක්‍රියා වල යෙදෙන මෙම උතුම් දිනයේ දිවයිනේ සෑම බෞද්ධ විහාරස්ථානයකම විශේෂ ආගමික වැඩ සටහන් පැවැත් වේ. දිවයින පුරා තොරණ, පහන් කූඩු ආදියෙන් ඔපවත් කෙරෙන වෙසක් උත්සවය ශ්‍රී ලංකාවේ ප්‍රධානතම ආලෝක මංගල්‍යය ලෙසද හැදින් වේ. 
 
මෙවර වෙසක් උත්සවය වඩාත් උත්කර්ෂවත් වනුයේ 14 වන එක්සත් ජාතීන්ගේ වෙසක් උළෙල ද මෙවර ශ‍්‍රී ලංකාවේ පැවැත්වෙන නිසා ය. 
 
ස්වදේශ කටයුතු අමාත්‍යාංශය විසින් මැයි 07 සිට 13 වන දා දක්වා වෙසක් සතියක් ප‍්‍රකාශයට පත්කොට ඇති අතර මැයි 10,11 දෙදින තුල සුරාසල්, මස් මාංශ අලෙවි හල්, සූදු ක‍්‍රීඩා පවත්වන ස්ථාන, සමාජ ශාලා වැසීමට රජය තීරණය කොට ඇත. මේ පිළිබඳ නිවේදනය ස්වදේශ කටයුතු අමාත්‍යාංශ ලේකම්වරයා විසින් පළාත් ප‍්‍රධාන ලේකම්වරුන් සහ දිස්ත‍්‍රික් ලේකම්වරුන් වෙත දන්වා යවා තිබේ. 
 
මෙවර වෙසක් උත්සවය වෙනුවෙන් ද රථ වාහන පොලිසිය කොළඹ නගරය සඳහා විශේෂ රථවාහන සැලැස්මක් ක‍්‍රියාත්මක කරන අතර මෙම වෙසක් සතිය නිමිත්තෙන් කොළඹ හා තදාසන්න ප‍්‍රදේශ ඇතුළුව මුළු දිවයිනම ආවරණය වන පරිදි මේ වන විට විශේෂ ආරක්ෂක වැඩපිළිවෙළක් ද ක‍්‍රියාවට නංවා තිබේ. 
 
එමෙන්ම ජාත්‍යන්තර වෙසක් උළෙල සඳහා සහභාගී වන රාජ්‍ය නායකයන් මුල්කොට දේශපාලන විරෝධතා හර්තාල් සිදුකිරීමට ඇතැම් පිරිස් ගනු ලබන උත්සාහයන් වැළැක්වීමට ද අවශ්‍ය වැඩකටයුතු සකස් කොට තිබේ. 
 
තවද ඔළුබක්කන් නැටීම ඇතුළු බෞද්ධ ආගමික හරයන්ට හානි වන විකාර රූපී නාටක හා සංදර්ශන නවත්වන ලෙස ද පොලිස්පතිවරයා දිවයිනේ සියලූම පොලිස් ස්ථානවලට නියෝග කොට තිබේ. 
 
එමෙන්ම නීති විරෝධී මත්පැන් අලෙවි කරන ස්ථාන සම්බන්ධයෙන් නීතිමය පියවර ගැනීම සඳහා සුරාබදු දෙපාර්තමේන්තුවේ මෙහෙයුම් ඒකක සීරුවෙන් තබා ඇත. මේ අතර දිවයිනේ පැවැත්වෙන සියලුම දන්සල් මේ වන විට බුද්ධ ශාසන දෙපාර්තමේන්තුව යටතේ ලියාපදිංචි කොට ඇති අතර ඒවායෙහි ආහාර පානවල සෞඛ්‍යාරක්ෂිත බව පිළිබඳව විමසිලිමත් වීමට මහජන සෞඛ්‍ය පරීක්ෂකවරු සූදානමින් සිටිති. 
 
එස්. ටී. සිල්වා

Add comment

ප්‍රතිචාර දැක්වීමේ කොන්දේසි : -
ප්‍රතිචාර දැක්වීමේදී පරුෂ වචන අපහාස කිරීම් ලිපියට අදාල නොවන ප්‍රතිචාර පල කිරීමෙන් වලකින ලෙස කරුණාවෙන් දන්වා සිටිමු.


Security code
Refresh

IMAGE

සැමියාගේ බිමත්කම සහ නොගැළපීම නිසයි විවාහය බිඳ වැටුණේ

IMAGE 2017 Nov 23 13:33
තිලකා රණසිංහගේ ජීවිතයේ වඩාත්ම සතුටු වූ අවස්ථාව හා වැඩියෙන්ම දුක් වූ අවස්ථාව සිහිපත් කරන්න...
Views - 1843

ලංකාව හැර ගිය නතාෂා ආපහු ඇවිත් කියපු කතාව

IMAGE 2017 Nov 23 08:03
නතාෂා පෙරේරා පහුගිය කාලයේ වැඩිපුර දකින්නට ලැබුණේ නැහැ. ඒ ඇය තමන්ගේ ආදරණීය සැමියා ප්‍රිහාන්...
Views - 2175

55 වියැති බැංකු ලොක්කා 29 කන්තෝරු නෝනා සමඟ 'හනිමූන්' ගිහින්

IMAGE 2017 Nov 22 12:50
බැංකුවක උසස් නිලයක් දරන පනස්පස් හැවිරිදි සිය සැමියා වසර ගණනාවක් තිස්සේ විසිනව හැවිරිදි රජයේ...
Views - 4976

අහසේ සිට බිමට පනින එස්.ටී.එෆ්. යුවතියෝ

IMAGE 2017 Nov 22 10:55
අම්පාර උහන ගුවන් ධාවන පථයෙන් අහසට නැඟගත්, එම්. අයි. 17 වර්ගයේ හෙලිකොප්ටරය  නිලඹර දෙපළු කරමින්...
Views - 2970

මිහිදුම සහ වැස්ස ගැන 'කාලගුණ විද්‍යාවෙන්' බොරු කී‍වේ ඇයි?

IMAGE 2017 Nov 22 10:43
මේ දිනවල අළුයම් කාලයේ අගනුවර ඇතුළු ප්‍රදේශ රැසක දැඩි මිහිදුම් තත්ත්වයක් දක්නට ලැබුණු බව...
Views - 1728

මුගාබේගේ බිරිඳ ද පක්ෂයෙන් නෙරපයි

IMAGE 2017 Nov 21 09:37
වසර 37  ක කාලයක් සිම්බාබ්වේ දේශය පාලනය කළ රොබට් මුගාබේ නිවාස අඩස්සියට ගනිමින් හමුදාව එරට...
Views - 2603

Please publish modules in offcanvas position.

Web Analytics