Coss Ear2
lakbima.lk
COSS Ear 1

ඒකාබද්ධයේ කණ්ඩායමක් ශ්‍රීලනිපයෙන් ඡන්දයට

 

ඉදිරි පළාත් පාලන මැතිවරණයේදී ඒකාබද්ධ විපක්ෂය නියෝජනය කරන මන්ත්‍රීවරු පිරිසක් ශ්‍රී ලංකා නිදහස් පක්ෂය සමග මැතිවරණයට ඉදිරිපත් වන බව එම පක්ෂයේ භාණ්ඩාගාරික, අමාත්‍ය එස්. බි. දිසානායක මහතා පැවැසීය.
කම්කරු දින සැමරුමට සහභාගි වීමෙන් අනතුරුව එම පිරිස මෙම තීරණය ගෙන ඇති බවත් ඔවුන් මෙන්ම ඒකාබද්ධ විපක්ෂයේ ප්‍රධානීන්ගේ පවුල්වල සාමාජිකයන්ද ශ්‍රී ලංකා නිදහස් පක්ෂයට එක්වන බවට තොරතුරු ලැබුණු බව මහනුවර පැවැති උත්සවයකින් අනතුරුව මාධ්‍ය හමුවේ අමාත්‍යවරයා මේ බව කීවේය.
හිටපු අමාත්‍ය ජී. එල්. පීරිස් මහතාගේ සභාපතිත්වයෙන් යුතු ශ්‍රී ලංකා ‍පොදුජන පෙරමුණ සංවිධානය කළ මැයි දින රැලියට හිටපු ජනපති මහින්ද රාජපක්ෂ මහතා සහභාගි වූයේ කෝපයෙන් බවත් ඒ බව තමන්ට හොඳින් වැටහුණු බවත් කී අමාත්‍යවරයා මෙසේ කීවේය.
මහින්ද රාජපක්ෂ මහතාට මෙම මැයි රැලියට සහභාගි වීමට නොහැකියි. නමුත් ඔහු පැමිණි අයුරින් වැටහෙනවා, ඔහු පැමිණියේ අකමැත්තෙන්, කේන්තියෙන් බව. ශ්‍රී ලංකා ‍පොදුජන පෙරමුණ නිර්මාණය කළේ බැසිල් රාජපක්ෂ මහතාට වත්මන් ආණ්ඩුවේ ප්‍රබල පාර්ශ්වයකින් දුන් ‍පොරොන්දුවක් මතයි. ඒ ‍පොරොන්දුව තමයි, පළාත් පාලන මැතිවරණය ස්ථීර ලෙසම පැරණි ක්‍රමයට පැවැත්විය යුතු යැයි සඳහන් වීම. ඒ ‍පොරොන්දුව වෙනුවෙන් නව පක්ෂයක් නිර්මාණය කළා. නව ‍පොහොට්ටු පක්ෂය නිර්මාණය කරනවාට මහින්ද රාජපක්ෂ මහතා කිසිසේත්ම මනාප වුණේ නැහැ.
නමුත් පැහැදිලිවම කිව යුතුයි කොට්ඨාස ක්‍රමයට පැවැත්වෙන මැතිවරණයක් සඳහා නීති මේ වන විට සම්පාදනය කොට අවසන්. තම අපේක්ෂාව ඉටු නොවුණු නිසා එතුමා බලවත් කෝපයෙන් සිටින බව මම දැක්කා. ඒ නිසා තමයි, එතුමාට වැරදුණේ.
පළාත් පාලන සහ ප්‍රාදේශීය සභා, නගර සභා මැතිවරණ තිබුණත් ඒකාබද්ධ විපක්ෂය ඉන් පරාජයට පත්වෙනවා. ඔවුන්ගේ ශක්තිමත් ආසන සඳහා අපගේ ප්‍රබල අපේක්ෂකයන් ඉදිරිපත් කළහොත් නිසැක වශයෙන්ම ඔවුන් පරාජයට පත්වෙනවා. මේ සත්‍යය මහින්ද රාජපක්ෂ මහතා හොඳින්ම දන්නවා. එම පක්ෂයේ වැඩි දෙනකු අපේ පක්ෂය යටතේ තරග කරන තත්ත්වයට අප පත්කරනවා. ඒ සඳහා අවශ්‍ය ව්‍යාපාරය මේ වනවිට පක්ෂයේ ගොඩ නැගෙමින් අවසන්. එපමණක් නොව ඊට අවශ්‍ය ව්‍යාපාරය ඔහුගේ පවුල තුළින්ම  ගොඩනැගෙනවා. පවු‍ලේම බලගතු දෙතුන් දෙනකු ඉදිරියේදී අප සමග එක්වෙනවා යැයි සමාජ සවිබල ගැන්වීමේ හා සුබසාධන අමාත්‍ය එස්. බි. දිසානායක මහතා සඳහන් කළේය.
 
නදීක දයා බණ්ඩාර - මහනුවර අතිරේක
 

IMAGE

සංසාර සිහිනයේ ගී සංකල්පනය මම 'ටැබ් එකේ ටයිප් කරපු' එකක්

IMAGE 2018 Feb 21 12:00
සනුක වික්‍රමසිංහ ගායනා කරන “සංසාර සිහිනේ” කලක පටන් බොහෝ ගීත දර්ශකවල පෙරමුණ ගෙන තිබෙන...
Views - 1229

මම නාට්‍ය කලාවෙ ඉන්නේ ඒ ගැන තියන 'උණ' නිසයි

IMAGE 2018 Feb 21 11:53
වේදිකාව, පුංචිතිරය සහ සිනමාව යන මාධ්‍ය ත්‍රිත්වයෙහිම සිය ප්‍රතිභාව ප්‍රකට කළ කලාකරුවකුවන...
Views - 704

බිරිඳ රැකියාවක් නොකිරීම මගේ සාර්ථකවයට හේතුවක්

IMAGE 2018 Feb 20 14:38
“සිරස ජූනියර් සුපර් ස්ටාර්..” තරගය ගැන මුලින්ම අප ඔබගෙන් විමසන්න කැමතියි.. ඇත්තෙන්ම “සිරස...
Views - 4097

බිරිඳට පින් තකා සුනඛයන්ට දිනපතා සහල් කිලෝ 08ක දනක්

IMAGE 2018 Feb 20 14:23
මිනිසා තිරිසනුන් වන අවස්ථාත් තිරිසනා මිනිසුන් වන අවස්ථාත් අපට බොහෝ විට දක්නට ලැබුණද...
Views - 2352

ලංකාවේ අන්තිම රජු සැඟවූ නිධානය කෝ?

IMAGE 2018 Feb 19 11:34
මහනුවර රජ කළ රාජාධිරාජසිංහ රජුට බිසෝවරුන් කිහිප දෙනෙක්ම සිටියහ. ඔවුන් අතර අලමේලු අම්මා,...
Views - 4383

රඟපෑමෙන් සමුගත් හේතුව නදීකා කියයි

IMAGE 2018 Feb 19 10:41
“චංචල රේඛා” චිත්‍රපටයේ “දං චූටි” නාඳුනන කෙනෙක් එදා සිනමා ලෝලීන් අතර හිටියේ නැහැ....
Views - 5540

Please publish modules in offcanvas position.