lakbima.lk
2017-04-21 ඇමෙරිකා ඩොලරය ගැනුම් මිල රු.150.5100 , විකුණුම් මිල රු.154.3100 | බි‍්‍රතාන්‍යය පවුම ගැනුම් මිල රු.191.9300 , විකුණුම් මිල රු.198.4400 | යුරෝ යුරෝපය ගැනුම් මිල රු.160.3000, විකුණුම් මිල රු.166.4200 | ස්වීස් ප‍්‍රෑන්ක් ගැනුම් මිල රු.149.6900 , විකුණුම් මිල රු.155.6300 | කැනඩා ඩොලරය ගැනුම් මිල රු.110.9600 , විකුණුම් මිල රු.115.3500 | ඔස්ට්‍රේලියා ඩොලරය ගැනුම් මිල රු.112.2600 , විකුණුම් මිල රු.117.3100 | සිංගප්පූරු ඩොලරය ගැනුම් මිල රු.107.2200 , විකුණුම් මිල රු.111.1400 | ජපානය යෙන් ගැනුම් මිල රු.1.3712, විකුණුම් මිල රු.1.4229 |

ප්‍රශස්ති දේශපාලනයට ඉදිරියේදී ඉඩ නැහැ

රජුන් ඉදිරියේ ප්‍රශස්ති ගයන දේශපාලන සම්ප්‍රදායකට ඉදිරියේදී ඉඩ නොමැති බව ජනාධිපති මෛත්‍රීපාල සිරිසේන මහතා අද (19) පැවැසීය.
ජනාධිපති මෛත්‍රීපාල සිරිසේන මහතා මේ බව ප්‍රකාශ කළේ ශ්‍රී ලංකා නිදහස් පක්ෂයේ තරුණ පෙරමුණ විසින් ආරම්භ කරන ලද දේශපාලන ශාස්ත්‍රාලය අද (19) පෙරවරුවේ ශ්‍රී ලංකා නිදහස් පක්ෂ මූලස්ථානයේදී විවෘත කරමිනි.
නායකයන් ඉදිරියේ සියලුදේට “එසේය” කියන දේශපාලනඥයන් නොව “එසේ නොව මෙසේ යැයි“ කරුණු පෙන්වා දිය හැකි තරුණ දේශපාලනඥයන් පිරිසක් රට තුළ බිහි විය යුතු බව පැවැසූ ජනාධිපතිවරයා දැනුම, බුද්ධිය සහ අවබෝධය සමග කටයුතු කරන දේශපාලන ව්‍යාපාරයක් වෙනුවෙන් මෙම ශාස්ත්‍රාලය ආරම්භ කිරීමට පියවර ගත් බව ද කියා සිටියේය.
අද පිරිසිදු දේශපාලන ව්‍යාපාරයක් ගොඩනැගීමට තිබෙන ප්‍රධානම අභියෝගය දේශපාලනඥයන්ට අත්දැකීම් නොමැතිකම බව මෙහිදී පැවැසූ ජනාධිපතිවරයා වරෙක ඇද වැටෙමින්, වරෙක නැගිටිමින් ඉදිරියට ආ ශ්‍රී ලංකා නිදහස් පක්ෂයේ දේශපාලන ගමන් මග පිළිබඳ පක්ෂයේ සෑම තරුණ දේශපාලනඥයකු තුළම අවබෝධයක් තිබිය යුතු බවද කියා සිටියේය.
ඕනෑම දූෂිතයෙකුට සුදු රෙදි හැඳ මැතිවරණ ජයග්‍රහණය කිරීමට හැකි වූයේ මනාප ඡන්ද ක්‍රමය නිසා බව ද පැවැසූ ජනාධිපතිවරයා දේශපාලන පක්ෂවල ඇදවැටීමත් පුද්ගලාභිවන්දනයත් සිදුවූ මෙම දේශපාලන ක්‍රමය නිවැරදි කළ හැක්කේ දැනුම සහ අවබෝධය ලබාදීම තුළින් බව ද කියා සිටියේය.
දේශපාලන න්‍යායකට වඩා නිදහසින් පසු ලංකාවේ දේශීයත්වය, අපේකම් මෙන්ම ලාංකීය සංස්කෘතිය අගයන දේශමාමකත්වයෙන් යුත් බලවේගයක අවශ්‍යතාවය ඉටු කරමින් ශ්‍රී ලංකා නිදහස් පක්ෂය බිහි වූ බව මෙහිදී ප්‍රකාශ කළ ජනාධිපතිවරයා නිවැරදි ප්‍රතිපත්තියක්, දර්ශනයක් සහ වැඩපිළිවෙළක් සමග පක්ෂය එදා මෙදාතුර ශක්තිමත් දේශපාලන පක්ෂයක් ලෙස ඉදිරියට ගමන් කරන බව කියා සිටියේය.
ශ්‍රී ලංකා නිදහස් පක්ෂය ශක්තිමත්ව ඉදිරියට ගෙන යා යුත්තේ පිරිසිදු හා අවංක දේශපාලන ව්‍යාපාරයක් වෙනුවෙන් බවද ප්‍රකාශ කළ ජනාධිපතිවරයා පසුගිය වසර දෙක තුළ ශ්‍රී ලංකා නිදහස් පක්ෂය ශක්තිමත් ගමනක් පැමිණ තිබෙන බවත් පක්ෂයේ කාන්තා හා තරුණ සංවිධාන සාර්ථක අන්දමින් ක්‍රියාත්මක කෙරෙන බවත් කියා සිටියේය.
නිවැරදි දර්ශනයක්, ප්‍රතිපත්තියක් සහ වැඩපිළිවෙළක් නොමැතිව දේශපාලන ව්‍යාපාරයක් ලෙස ඉදිරියට යාමට කිසිවෙකුටත් හැකියාවක් නොමැති බව ද පෙන්වා දුන් ජනාධිපතිවරයා ලොව කොතැනක හෝ සිදුව නොමැති එවැන්නක් ඉදිරියට ද සිදු නොවන බව කියා සිටියේය.
අනාගතයේදී පිරිසිදු දේශපාලනඥයකු බිහිකිරීම වෙනුවෙන් මෙම දේශපාලන ශාස්ත්‍රාලය ආරම්භ කර තිබෙන අතර තුන් මාසික පුහුණු පාඨමාලාවකින් අනතුරුව ජාත්‍යන්තරය පිළිගන්නා සහතික පත්‍රයක් පිරිනැමේ. පසුගිය දශක කිහිපය පුරා කතා කළ එහෙත් පක්ෂ ඉතිහාසය තුළ ඉටුකර ගත නොහැකි වූ මෙම දේශපාලන ශාස්ත්‍රාලය තම නායකත්වය තුළ ආරම්භ කිරීමට හැකිවීම පිළිබඳවද ජනාධිපතිවරයා මෙහිදී සිය සතුට පළ කළේය.
දේශපාලන ශාස්ත්‍රාලය සඳහා ඇතුළත් කෙරුණ පළමු සාමාජිකයන් තිදෙනා සඳහා ලියාපදිංචි කාඩ්පත් පිළිගැන්වීමද ජනාධිපතිවරයා අතින් සිදුවිය. නිදහස් පුවත් පතද ජනාධිපතිවරයා වෙත පිළිගැන්විණි.
අමාත්‍යවරුන් වන මහින්ද සමරසිංහ, සුසිල් ප්‍රේමජයන්ත, ෆයිසර් මුස්තාෆා යන මහත්වරුන්ද ශ්‍රී ලංකා නිදහස් පක්ෂයේ මහ ‍ලේකම් අමාත්‍ය දුමින්ද දිසානායක, ශ්‍රී ලංකා නිදහස් පක්ෂයේ තරුණ පෙරමුණේ සභාපති ශාන්ත බණ්ඩාර, ‍ලේකම් එරික් ප්‍රසන්න වීරවර්ධන යන මහත්වරුන් ඇතුළු තරුණ පෙරමුණේ සාමාජික සාමාජිකාවන් මීට එක්ව සිටියහ.

පානුක රාජපක්ෂ

Add comment

ප්‍රතිචාර දැක්වීමේ කොන්දේසි : -
ප්‍රතිචාර දැක්වීමේදී පරුෂ වචන අපහාස කිරීම් ලිපියට අදාල නොවන ප්‍රතිචාර පල කිරීමෙන් වලකින ලෙස කරුණාවෙන් දන්වා සිටිමු.


IMAGE

රූපලාවන්‍ය සැත්කම් ඇබ්බැහියාවට මුල්වන රෝගය අපේ රටේත්!

IMAGE 2017 Apr 26 11:36
රූපලාවන්‍ය සැත්කම් සියයක් මගින් තම රූප සොබාව පවත්වාගෙන යාම නිසා ‘මිනිස් බෝනික්කිය’ යන...
Views - 9

සිවුරු හොරා දිවිල්ලෙන් දැනේ

IMAGE 2017 Apr 25 13:31
“පුහුල් හොරා කරෙන් දැනේ” යනුවෙන් රසවත් ජන කතාවක් ඇත. මේ “සිවුරුහොරා දිවිල්ලෙන් දැනේ”...
Views - 2886

ගම්පහ ටියුෂන් ලිංගික උප සංස්කෘතිය කුරුණෑගලත්?

IMAGE 2017 Apr 25 11:46
කුරුණෑගල ශික්ෂණ රෝහලේ ලිංගාශ්‍රිත රෝග මර්දන ඒකකයෙන් ප්‍රතිකාර ගන්නා පිරිසෙන් යම්...
Views - 1477

ප්ලාස්ටික් සැත්කම් උන්මාදනී මෙලොව හැරයයි

IMAGE 2017 Apr 25 10:17
සිය සිරුර් අගපසග උලුප්පා පෙනෙන ආකාරයෙන් ප්ලාස්ටික් සැත්කම් කර ගැනීමේ උන්මාදයකින් පෙළුණු...
Views - 9693

මිනිපිරියගේ උපන්දිනේට බෙන්ස් එකක් දුන් හිටපු ඇමති සීයා

IMAGE 2017 Apr 24 15:39
හිටපු අමාත්‍ය ප්‍රියංකර ජයරත්න මහතාගේ දියණියගේ දියණිය වන ජොවීන්‍යා (Jovinya) මාරසිංහ පසුගිය දා...
Views - 4253

අඩ නිරුවත් විලාසිතා ලිංගික අපරාධ වලට මුලක් නොවේ

IMAGE 2017 Apr 24 12:36
කාන්තා අඩ නිරුවත් විලාසිතා නිසා ලිංගික අපරාධ වැඩි විය හැකි බවට සමාජය පුරා පැතිරයන මතය කිසිදු...
Views - 1554

Please publish modules in offcanvas position.