lakbima.lk
2017-04-21 ඇමෙරිකා ඩොලරය ගැනුම් මිල රු.150.5100 , විකුණුම් මිල රු.154.3100 | බි‍්‍රතාන්‍යය පවුම ගැනුම් මිල රු.191.9300 , විකුණුම් මිල රු.198.4400 | යුරෝ යුරෝපය ගැනුම් මිල රු.160.3000, විකුණුම් මිල රු.166.4200 | ස්වීස් ප‍්‍රෑන්ක් ගැනුම් මිල රු.149.6900 , විකුණුම් මිල රු.155.6300 | කැනඩා ඩොලරය ගැනුම් මිල රු.110.9600 , විකුණුම් මිල රු.115.3500 | ඔස්ට්‍රේලියා ඩොලරය ගැනුම් මිල රු.112.2600 , විකුණුම් මිල රු.117.3100 | සිංගප්පූරු ඩොලරය ගැනුම් මිල රු.107.2200 , විකුණුම් මිල රු.111.1400 | ජපානය යෙන් ගැනුම් මිල රු.1.3712, විකුණුම් මිල රු.1.4229 |

කොටකෙතන ඝාතන සැකකරුට නඩු පවරන්න නීතිපති උපදෙස්

කහවත්ත කොටකෙතන 2012 වසරේ ජූලි 17 වෙනිදා මවක් සහ දියණියක් දූෂණය කර ඝාතනය කිරීම සම්බන්ධයෙන් කොටකෙතන කාන්තා ඝාතන රැල්ලට සැකපිට අත්අඩංගුවට ගෙන රක්ෂිත බන්ධනාගාර ගත කර සිටින නීල් ලක්ෂ්මන් නමැත්තාට එරෙහිව නඩු පැවරීමට නීතිපති උපදෙස් ලැබි ඇතැයි අපරාධ පරීක්ෂණ දෙපාර්තමේන්තු තොරතුරු අනාවරණය කළේය.
එම ද්විත්ව ඝාතනයට සැකපිට අපරාධ පරීක්ෂණ දෙපාර්තමේන්තුව එකල පුද්ගලයන් කිහිප දෙනකු අත්අඩංගුවට ගෙන ඔවුන්ට එරෙහිව නඩුද පවරනු ලැබිය. විශේෂ කාරණයක් සේ සලකා කොළඹ මහාධිකරණයේ අදාළ නඩු විභාගය පැවැත්වූ අතර වසර එකහමාරක් තිස්සේ නඩු විභාගය පැවැත්විණි. නාමල් චමින්ද සිල්වා එල්. තුෂාර සහ එල්. මිතිල යන තිදෙනාට එරෙහිව පැවැති එම නඩු විභාගයේ තීන්දුව 2015 මැයි 28 වෙනිදා ප්‍රකාශයට පත්වූයේ දක්ෂ නීතිඥ තර්ක විතර්ක හේතුවෙන් ඒ තිදෙනා නිදොස් කොට නිදහස් වීමෙනි.
එල්ලුම්ගහට යන්නට සූදානමින් සිටි ඔවුන් එසේ නිදහස ලබනවිට කහවත්ත කොටකෙතන ජනතාව වීදිබැස උද්ඝෝෂණය කරන්නට වූයේ එම නඩු තීන්දුව ඔවුන් බලා‍පොරොත්තු නොවූ එකක් වූ බැවිනි.
අනතුරුව නැවතත් කොටකෙතනේ කාන්තා ඝාතන කිහිපයක්ම සිදුවූ අතර 2015 සැප්තැම්බර් 18 වෙනිදා 19 වෙනි ඝාතනය  කළ නාදන් පාඩු නමැති 49 හැවිරිදි කාන්තාව ඝාතනය විය. ඒ සම්බන්ධයෙන් දීර්ඝ විමර්ශනයක නිරත වූ අපරාධ පරීක්ෂණ දෙපාර්තමේන්තුව නීල් ලක්ෂ්මන් නමැත්තාව සැකපිට අත්අඩංගුවට ගත්තේය. ඩී.එන්.ඒ. පරීක්ෂාවේදී හෙළිවන්නේ කොටකෙතනේ කාන්තා ඝාතන 07කට ඔහු සම්බන්ධ බවය. ඒ අතර 2012 ජුලි 17 වෙනිදා සිදුවුණු හේවාගමගේ පුෂ්පකුමාරි සහ ලියනාරච්චි ප්‍රේමාවතී යන දියණියගේත් මවගේත් ඝාතන විය. ඔහු එම ඝාතන 07 පමණක් නොව තවත් ඝාතන කිහිපයක්ම කර තිබිණි. ඒවා සිදුකළ ආකාරය ගැන ඔහු හෙළිදරව්වක් කර තිබුණේ එතෙක් කොටකෙතනේ කාන්තා ඝාතන ගැන විමර්ශන පැවැත්වූ නිලධාරීන් පවා විමතියට පත්කරවමිනි. ඒ ඔවුන් එතෙක් කලක් සැකකරුවන් යැයි කියා අත්අඩංගුවට ගෙන තිබුණේ එම ඝාතනවලට කිසිදු සම්බන්ධකමක් නැති පුද්ගලයන් වූ බැවිනි. 2015 අප්‍රේල් 04 වෙනිදා සිදුවුණු චන්ද්‍රකාන්ති ස්වර්ණලතාගේ ඝාතනයද ඒ අතර විය. එම ඝාතනයට සැකපිට ‍පොලීසිය අත්අඩංගුවට ගෙන තිබුණේ ඇගේ පුතාය. පෙම්වතියට තෑග්ගක් ලබාදීමට රුපියල් 15000ක මුදලක් නොදුන් නිසා මව මරා සිරුර කොටකෙතන ඇළේ සැඟවූ බව පුතා සඳහන් කළ බව ‍පොලීසිය ප්‍රකාශ කළේය. එහෙත් එම ඝාතනයද කර ඇත්තේ නීල් ලක්ෂ්මන් බවත් පුතා ඊට සම්බන්ධයක් නැති බවත් දැන් අනාවරණය වී තිබේ.
කොටකෙතනේ සිදුවුණු ඝාතන 07කට අදාළව නීල් ලක්ෂ්මන්ට එරෙහිව නීතිය ක්‍රියාත්මක කිරීමට මේ වනවිට නීතිපති උපදෙස් පතා ඇති බව අපරාධ පරීක්ෂණ දෙපාර්තමේන්තු තොරතුරු අනාවරණය කළේය.
ඒ සියලු ඝාතනවලට සැකපිට යැයි කියා ‍පොලීසිය විවිධ පුද්ගලයන් අත්අඩංගුවට ගෙන තිබිණි.
 
ගයාන් කුමාර වීරසිංහ

Add comment

ප්‍රතිචාර දැක්වීමේ කොන්දේසි : -
ප්‍රතිචාර දැක්වීමේදී පරුෂ වචන අපහාස කිරීම් ලිපියට අදාල නොවන ප්‍රතිචාර පල කිරීමෙන් වලකින ලෙස කරුණාවෙන් දන්වා සිටිමු.


IMAGE

විවාහය සතුටක් තනිකඩ ජීවිතය දුකක් ඒත් මම විවාහ වෙන්නේ නෑ

IMAGE 2017 Apr 23 18:12
“සතුටයි දුකයි“ අතර ගෙවී යන ජීවිතයේ අහුමුළු ස්පර්ශ කරන ‘සතුටයි දුකයි‘ කියන අපේ...
Views - 661

කුණු කන්දට විරුද්ධ වුණාම මට ගැහුවා, නඩු දැම්මා

IMAGE 2017 Apr 23 14:22
මීතොටමුල්‍ලේ කුණු කන්දේ මේ ඛිෙදවාචකය සිදු වන බවට කල් තියාම දැනගෙන හුන් පුද්ගලයෙක් හුන්නේය....
Views - 551

ශරීරයේ සීනි අඩුකරන 'මස්බැද්ද' ගැන රහසක්

IMAGE 2017 Apr 20 12:15
මගෙන් ප්‍රතිකාර ගන්නා රෝගියකුට දියවැඩියාව පාලනය කර ගැනීම පිණිස වන ඖෂධ සහ වෛද්‍ය උපදෙස් නියම...
Views - 29189

සෝමාලියානු කොල්ලකරුවන්ගෙන් නිදහස් වූ අපේ සූපවේදියා

IMAGE 2017 Apr 19 13:29
අපි අටදෙනාට පණ පිටින් ලංකාවට ඒමට අවස්ථාවක් ලැබෙයි කියලා මම කවදාවත් හිතුවේ නෑ. මට අද විශාල...
Views - 2490

මතුරට තරුණියට වතුපිටිවලින් හමුවූ ‘විස්මිත නෑයෝ’

IMAGE 2017 Apr 19 12:04
දිනය පසුගිය අප්‍රේල් දහසය වන ඉරිදාය. ස්ථානය වතුපිටිවල ප්‍රදේශයේ  නිවසකි. වේලාව පස්වරු දෙක...
Views - 6769

වැඩිපුර අවුරුදු කෑ සිවිල් ආරක්ෂක සෙබළා මරුට

IMAGE 2017 Apr 19 10:06
වැඩිමහල් සහෝදරයාගේ නිවසේ පැවැති අවුරුදු සාදයකට සහභාගි වී ප්‍රමාණය ඉක්මවා රාත්‍රී ආහාරය...
Views - 3296

Please publish modules in offcanvas position.