Coss Ear2
lakbima.lk
COSS Ear 1

බ්‍රිතාන්‍යයේ මහ කොමසාරිස් කාර්යාලයේ ආරක්ෂක කටයුතු පිළිබද අමාත්‍ය උපදේශක බ්‍රිගේඩියර් ප්‍රියංකර ප්‍රනාන්දු මහතා මෙරටට කැඳවූයේ ඔහුගේ ආරක්ෂාව පිළිබඳ සලකා බැලීමට බව යුද හමුදාපති ලුතිනන් ජෙනරාල් මහේෂ් සේනානායක මහතා පවසයි.
ශ්‍රී ලංකා යුද හමුදාපතිවරයා ලෙස ඔහුගේ ආරක්ෂාව සම්බන්ධයෙන් තමා වගකිව යුතු බවද ඔහු පවසයි.
ඔහු එතෙර රටක සිටින බැවින් එරට නීති පද්ධතිය අනුව කටයුතු කිරීමේදී ශ්‍රී ලංකාවට ඊට මැදිහත් වීමේ හැකියාවක් නොමැති බැවින් මේ අවස්ථාවේ ඔහු එයින් ඉවත්ව සිටීම නුවණට හුරු ක්‍රියාවක් බවද ඔහු සඳහන් කර සිටියේය.
එමෙන්ම මෙම සිද්ධිය රටේ ජනතාව අනවශ්‍ය ලෙස ගැටලුවක් බවට පත් කරගෙන සිටින බව පෙනී යන බවත් බ්‍රිගේඩියර්වරයා හමුවූ මේ සම්බන්ධයෙන් සාකච්ඡා කර ඊට සුදුසු පියවරක් ගන්නා බවද යුද හමුදාපතිවරයා වැඩිදුරටත් සඳහන් කර සිටියේය.
බ්‍රිගේඩියර් ප්‍රියංකර ප්‍රනාන්දු මහතා ඉකුත් 70 වන නිදහස් සමරු උත්සවය දා ලන්ඩනයේදී ශ්‍රී ලංකා මහ කොමසාරිස් කාර්යාලය ඉදිරිපිට විරෝධතාවේ නිරත වූ එල්ටීටීඊ හිතවාදීන් පිරිසකට ගෙල පෙන්වා සංඥාවක් සිදුකිරීමේ සිද්ධිය සම්බන්ධයෙන් යුද හමුදාපතිවරයා එසේ පැවැසීය.
ඔහු මේ බව සඳහන් කර සිටියේ වන්නි ආරක්ෂක සේනා මූලස්ථානය යටතේ ස්ථාපිත 56 වන සේනාංකයේ ඉදිරිකරන ලද නව සේනාංක ගොඩනැගිල්ල විවෘත කිරීමේ අවස්ථාවට එක්වීමෙන් පසු මාධ්‍යවේදීන් නැගූ ප්‍රශ්නයකට පිළිතුරු දෙමිනි.

ශානිකා මාධවී පීරිස්

සියලුම පෞද්ගලික බස් රථ සඳහා ඩීසල් වෙනුවට භූමිතෙල් භාවිතා කිරීම සඳහා නීත්‍යානුකූල අවසර ලබාදෙන ලෙස සමස්ත ලංකා පෞද්ගලික බස් සමාගම් සමිති සම්මේලනයේ ප්‍රධාන ‍ලේකම් අංජන ප්‍රියංජිත් මහතා ඊයේ (25) පැවැසීය.
දැනටත් රටේ බහුතරයක් හොර රහසේ බස්රථ ධාවනයට භූමිතෙල් භාවිතා කරන බවත් එවැනි බස්හිමියන් බස් කර්මාන්තයෙන් ලාභ ලබන බවත් අංජන ප්‍රියංජිත් මහතා පැවැසීය.
බස් රථ ඇන්ජිමට භූමිතෙල් නිසා හානිදායක තත්ත්වයන් ඇති නොවන නමුත් තවත් අමතර කොටස් කිහිපයකට භූමිතෙල් අහිතකර විය හැකි බවද ඔහු පැවැසීය. එසේ වුවත් භූමිතෙල් භාවිතා කිරීම නිසා ෙදෙනිකව ලබන ලාභයෙන් එම අමතර කොටස්වලට යන වියදම පියවාගත හැකි බවද ඔහු පැවැසීය.
බොහෝ කාලයක සිට බස් හිමියන් හොර රහසේ කරන ලද මෙම ක්‍රියාව නීත්‍යානුකූලව ඉටුකර ගැනීමට අවසර දෙන ලෙසත් එසේ වුවහොත් මෙම වසරේ බස් ගාස්තු වැඩිවීමක්ද අවශ්‍ය නොවන බවත් අංජන ප්‍රියංජිත් මහතා පැවැසීය.

පානුක රාජපක්ෂ

හදිසි හෘද්යාබාධයකින් මිය ගිය ඉන්දිය සුපිරි නිළි ශ්‍රීදේවිට හෘද රෝග පිළිබඳ කිසිදු ඉතිහාසයක් නොතිබූ බවත් ඊයේ(24) රාත්‍රී 11ට පමණ ඩුබායිහි හෝටල් කාමරයේදී සිදුවූ මෙම අනපේක්ෂිත සිදුවීමේන් මුළු කපූර් පවුලම මහත් කම්පනයට පත්ව සිටින බවත් ශ්‍රීදේවිගේ සැමියා වන බොනී කපූර්ගේ බාල සොයූරු සිනමා නළු සංජය කපූර් ඩුබාහි පළවන කාලීජ් ටයිම්ස් පුවත්පතට පවසා තිබේ.

ඩුබාහි පැවැති ඥාති පුත්‍ර මෝහිඩ් මර්වාගේ මංගල උත්සවයට සහභාගි වී හෝටල් කාමරයට පැමිණීමෙන් අනතුරුව මෙම මරණය සිදුවී ඇත.

දමයන්ති ගමගේ

වත්මන් රජයේ දෙවැනි අමාත්‍ය මණ්ඩල සංශෝධනය අද පෙරවරුවේ ජනාධිපති මෛත්‍රීපාල සිරිසේන මහතා විසින් ජනාධිපති ලේකම් කාර්යාලයේදි සිදු කොට ඇත.මෙහිදි අමාත්‍ය හරීන් ප්‍රනාන්දු මහතා ඩිජිටල් යටිතල පහසුකම්  සහ විදේශ රැකියා පිළිබඳ කැබිනට් අමාත්‍යවරයා වශයෙන් ද  සාගල රත්නායක මහතා යෞවන කටයුතු හා දක්ෂිණ සංවර්ධන කැබිනට් අමාත්‍යවරයා වශයෙන් ද කබීර් හෂීම් මහතා උසස් අධ්‍යාපන හා මහාමාර්ග කැබිනට් අමාත්‍යවරයා වශයෙන් ද පත්කොට ඇත.

මේ අතර ලක්ෂ්මන් කිරි ඇල්ල මහතා රාජ්‍ය ව්‍යවසාය හා කඳුරට සංවර්ධන කැබිනට් අමාත්‍යවරයා ලෙස පත් කරඇත.ආචාර්ය හර්ෂ ද සිල්වා මහතා ජාතික ප්‍රතිපත්ති හා ආර්ථික කටයුතු පිළිබඳ රාජ්‍ය ඇමැති ලෙස ද පාර්ලිමේන්තු මන්ත්‍රී රවීන්ද්‍ර සමරවික්‍රම මහතා වනජීවි හා තිරසාර සංවර්ධන පිළිබඳ රාජ්‍ය ඇමැතිවරයා ලෙසද පියසේන ගමගේ මහතා යෞවන කටයුතු හා දක්ෂිණ සංවර්ධන රාජ්‍ය ඇමැතිවරයා වශයෙන් ද පත් කොට ඇති අතර අජිත්.පී.පෙරේරා මහතා  පුනරුත්තාපන හා බන්ධනාගාර රාජ්‍ය ඇමැතිවරයා වශයෙන් පත් කොට ඇත.

ජේ.සී.අලවතුවල මහතා  ස්වදේශ කටයුතු නියෝජ්‍ය ඇමැතිවරයා ලෙස පත්කොට තිබේ.මේ අතර බොහෝ දෙනෙකුගේ අවධානයට ලක් වූ නීතිය හා සාමය පිළිබඳ කැබිනට්අමාත්‍ය ධුරය හිමිකොට ඇත්තේ අග්‍රාමාත්‍ය රනිල් වික්‍රමසිංහ මහතාටය.

එස්.ටි.පි.සිල්වා

ඉන්දීය සිනමාවේ සුපිරි නිළියක වූ ශ්‍රීදේවි ඊයේ අභාවප්‍රාප්ත වුවාය.හදිසී හෘදයාබාධයකට ලක්ව මිය යනවිට ඇය 54 වෙනි වියේ පසු විය. ඇය ඩුබායි හිදී අවසන් සුසුම් හෙළුවේ සිය සැමියා වන බොනී කපූර්ගේ  ඥාති පුත්‍ර මෝහිඩ් මර්වාගේ විවාහ මංගලෝත්සවයට සහභාගීවෙමින් සිටියදීය.

ඇගේ අකල් මරණයෙන් සමස්ත ඉන්දියාවම ශෝකයෙන් ඇලලී ඇති අතර ඉන්දීය අගමැති නරසිංහ මෝදි පවා මේ වන විටත් ශෝක පණිවිඩ නිකුත් කොට ඇත.1978 වසරේ තිරගතවූ ඉන්දු ලංකා සම නිෂ්පාදනයක් වු පයිලට් ප්‍රේමනාත් චිත්‍රපටයේ උප ප්‍රධාන චරිතයක් ඇය රගපෑ අතර දකුණු ඉන්දීය ප්‍රකට නළු ශ්‍රීවාජී ගනේෂන් සමග එහි ප්‍රධාන චරිතය රගපාන ලද්දේ ශ්‍රී ලාංකිය සම්මානනීය නිළි මාලනී ෆොන්සේකාය.

පසුව ඉන්දියානු කෘති 200කට පමණ දායක වූ ශ්‍රීදේවි ඉන්දීය පුරවැසියකුට දිනාගත හැකි ඉහළම සම්මානයක් වන පද්මශ්‍රී සම්මානයෙන් ද පිදුම් ලැබුවාය.ඒ 2013 වසරේදීය.දේහය අද පස්වරු 2.00ට ඉන්දියාවට ගෙනඒමට නියමිතව තිබිණි.

එස්.ටී.පි.සිල්වා

පළාත් පාලන ආයතනවල බලය පිහිටුවීමේදී ශ්‍රී ලංකා ‍පොදුජන පෙරමුණට සහයෝගය දැක්වීමට නොහැකිනම්, කිසිසේත්ම එක්සත් ජාතික පක්ෂයට සහයෝගය නොදෙන්නැයි ශ්‍රී ලංකා නිදහස් පක්ෂයේ මැති ඇමැතිවරු පිරිසක් ජනාධිපති මෛත්‍රීපාල සිරිසේනගෙන් ඉල්ලීමක් කිරීමට නියමිතය.
ශ්‍රී ලංකා නිදහස් පක්ෂයට හා එක්සත් ජාතික පක්ෂයට රටේ ජනතාවගේ පවතින විරෝධය පසුගිය පළාත් පාලන මැතිවරණයෙන් තහවුරු වූ බවත් සභාවල බලය පිහිටුවීමේදී එක්සත් ජාතික පක්ෂයට සහයෝගය දැක්වුවහොත් පවතින ජනතා විරෝධය තවදුරටත් තීව්‍ර වනු ඇති බවත් මෙම පිරිසගේ අදහසවී ඇත. එසේ වුවහොත් ඉදිරියේදී පැවැත්වීමට නියමිතව ඇති පළාත් සභා මැතිවරණවලදී ශ්‍රී ලංකා නිදහස් පක්ෂයට පවතින තත්ත්වය හෝ ආරක්ෂා කර ගැනීමට නොහැකිව ශ්‍රී ලංකා ‍පොදුජන පෙරමුණට පහසු ජයග්‍රහණයක් අත් කර ගැනීමට හැකි වන බව ද මොවුහු පෙන්වා දෙති.
එම නිසා ශ්‍රී ලංකා ‍පොදුජන පෙරමුණට සහයෝගය දැක්වීමට නොහැකි නම්,ඒ ඒ පළාත් පාලන ආයතනවලදී ශ්‍රී ලංකා නිදහස් පක්ෂය ස්වාධීනව කටයුතු කරන ලෙස ද මෙම මැති ඇමැතිවරු ජනාධිපතිවරයාගෙන් ඉල්ලීමක් කිරීමට නියමිතය.

 කමණී හෙට්ටිආරච්චි

පළාත් පාලන මැතිවරණයේදී කොට්ඨාස ඡන්ද ප්‍රතිඵලයෙන් මෙන්ම පළාත් පාලන ආයතනයේ ප්‍රතිඵලයෙන් 5 ක ඡන්ද ප්‍රතිශතයක් ලබා නොගත් පක්ෂ හා ස්වාධීන කණ්ඩායම් රැසක ඇප මුදල් රාජසන්තක වන බව මැතිවරණ කොමිසමේ සභාපති මහින්ද දේශප්‍රිය පවසයි.
මැතිවරණ කොට්ඨාසයේ ඡන්ද ප්‍රතිඵලයෙන් 5කට වඩා ඡන්ද නොගත් අපේක්ෂකයන්ගේ ඇප මුදල් රාජසන්තක වන අතර මුළු ආයතනයේ ප්‍රතිඵලයෙන් 5ක් නොගත් පක්ෂවල හා ස්වාධීන කණ්ඩායම්වල සමානුපාතික ලැයිස්තුවේ සිටින අපේක්ෂකයන්ගේ ඇප මුදල් රාජසන්තක වේ.
ඇප මුදල් අහිමි වන අපේක්ෂකයන් අතර සමානුපාතික ලැයිස්තුවෙන් පත් වූ මන්ත්‍රීවරුන්ද සිටින බව ද මැතිවරණ කොමිසම සඳහන් කරයි.
ඇප මුදල් රාජසන්තක වන පක්ෂවල හා ස්වාධීන කණ්ඩායම්වල අපේක්ෂකයන්ගේ නාම ‍ලේඛන හා මුදල් ප්‍රමාණය මේ වන විට සකස් කරමින් සිටිනා බවද මැතිවරණ කොමිසමේ සභාපතිවරයා කීවේය.
පළාත් පාලන මැතිවරණ නව සංශෝධනයේදී 5 වඩා ඡන්ද ලබා නොගන්නා පක්ෂ හා ස්වාධීන කණ්ඩායම්වලට ද මන්ත්‍රී ධුර අහිමි වීමේ වගන්තිය ඉවත් කර තිබේ. දේශපාලන පක්ෂයක අපේක්ෂකයෙකුට රුපියල් 1500ක ඇප මුදලක්ද ස්වාධීන කණ්ඩායම් අපේක්ෂකයෙකු රුපියල් 2500ක ඇප මුදලක් ද මැතිවරණය වෙනුවෙන් තැන්පත් කර තිබුණි.

 ලසන්ත වීරකුලසූරිය

ජනතාව වෙනුවෙන් දෛනිකව ගත යුතු ක්‍රියාමාර්ග සොයා බැලීම සඳහා එක්සත් ජාතික පක්ෂ ‍‍‍ජ්‍යෙෂ්ඨ ඇමැතිවරුන් මසකට වරක් රැස්වීමට තීරණය කර තිබේ.එක්සත් ජාතික පක්ෂ ‍‍‍ජ්‍යෙෂ්ඨ ඇමැතිවරු මෙම තීරණය ගෙන ඇත්තේ අග්‍රාමාත්‍ය රනිල් වික්‍රමසිංහ මහතාගේ උපදෙස් මතය.
මසකට වරක් රැස්වෙන ‍‍‍ජ්‍යෙෂ්ඨ අමාත්‍ය කමිටුවට උතුරු නැගෙනහිර පළාත් ද ඇතුළුව දිවයිනේ සියලුම පළාත් නියෝජනය කරමින් ඇමැතිවරු ඇතුළත් වේ.ජීවන වියදම, බඩු මිල ඉහළ යාම, ජනතා සහන දීම ඇතුළු කරුණු ගණනාවක් ගැන ‍‍‍ජ්‍යෙෂ්ඨ අමාත්‍ය හමුවේදී ඒ සඳහා ගතයුතු පියවරයන් ගැන තීන්දු ගැනීමට නියමිතය.
ඉකුත් සිකුරාදා (23) අගමැති රනිල් වික්‍රමසිංහ මහතාගේ ප්‍රධානත්වයෙන් ‍‍‍ජ්‍යෙෂ්ඨ අමාත්‍ය හමුව පැවැත්විණි. එම හමුව මසකට වරක් පැවැත්වීමටද එහිදී තීරණය කර ඇත.
පළාත් පාලන මැතිවරණයෙන් පසු පක්ෂයක් ලෙස ගන්නා සංශෝධනවල පළමු පියවරක් වශයෙන් මේ කමිටුව රැස්වේ.

 ලසන්ත වීරකුලසූරිය

පාතාල ක්‍රියාකාරිකයෙකු වන දඩල්ලගේ මංජු හෙවත් D මංජු නැමැත්තා අද (23) පස්වරුවේ පොලිස් විශේෂ කාර්ය බලකාය සමග වත්තලදී ඇති වූ වෙඩි හුවමාරුවකින් මියගොස් ඇත.

මෙම වෙඩි හුවමාරුව සිදුව ඇත්තේ විශේෂ කාර්ය බලකා කණ්ඩායමක් මොහු අත්අඩංගුවට ගැනීමට සැරසුණු අවස්ථාවේ දීය.

 

ඉන්දු - ලංකා සහෝදරත්වය වර්ධනය කරමින් යාපනය, කච්චතිව් දූපතේ පිහිටි ඓතිහාසික ශාන්ත අන්තෝනි දේවස්ථානයේ වාර්ෂික මංගල්‍යය අද හා හෙට (23 හා 24) දිනවල අති උත්කර්ෂවත් හා භක්තිපූර්වකව පැවැත්වෙන බව ශ්‍රී ලංකා නාවික හමුදාව පවසයි.

 දේව මෙහෙය දෙමළ භාෂාවට අමතරව සිංහල භාෂාවෙන්ද පැවත්වෙන බව නාවික හමුදාව පවසයි. යාපනය පදවි අනුනායක ජස්ටින් ඥානප්‍රකාශම් හිමිපාණන්ගේ ප්‍රධානත්වයෙන් දෙමළ භාෂාවෙන් දේව මෙහෙයද, ගාල්ල පදවියේ රදගුරු ෂර්මන් වික්‍රමසිංහ හිමිපාණන්ගේ ප්‍රධානත්වයෙන් සිංහල භාෂාවෙන් දේව මෙහෙයද පැවැත්වේ.
මංගල්‍යයට පැමිණෙන ඉන්දියානු ඇතුළු සියලුම බැතිමතුන් හට ආහාර පාන , පිරිසිදු පානීය ජලය, සනීපාරක්ෂක පහසුකම් ලබාදීම, නාවික හමුදාව විසින් සිදුකරනු ලබයි.
එමෙන්ම පැමිණෙන බැතිමතුන්ගේ ආරක්ෂාව සඳහා ‍පොලීසිය, ජීවිතාරක්ෂක නාවිකයන් මෙන්ම නෞකා යාත්‍රා ද සූදනාම් කර ඇති බව නාවික හමුදා මාධ්‍ය ප්‍රකාශක කොමාන්ඩර් දිනේෂ් බණ්ඩාර මහතා පවසයි.
මෙම මංගල්‍යය සඳහා ඉන්දියාවේ සිටද බැතිමතුන් පැමිණෙන හෙයින් ශ්‍රී ලංකා රේගුවේ නිලධාරීන්, ආගමන විගමන දෙපාර්තමේන්තුවේ නිලධාරීන්, දුරකථන  සන්නිවේදන පහසුකම් ලබාදීම  සඳහා  එම සමාගම් නිලධාරීන්, විදේශ මුදල්  මාරු කිරීමට අවැසි අයට එම මුදල් මාරු කිරීමේ පහසුකම් ලබා දීමට බැංකු නිලධාරීන්, ප්‍රථමාධාර අවැසි අයට ප්‍රථමාධාර ලබාදීම සඳහා සෞඛ්‍ය වෛද්‍ය නිලධාරී කාර්යාලයේ නිලධාරීන් සහ ඉන්දීය මහකොමසාරිස් කාර්යාලයේ යාපනය ශාඛාවේ නිලධාරීන් ඇතුළු කණ්ඩායම් රැසක් එක්වෙන්නේ යයි, නාවික හමුදාව පවසයි.





ශානිකා මාධවී පීරිස්

එක්සත් රාජධානියේ ශ්‍රී ලංකා මහකොමසාරිස් අමාරි විජේවර්ධන මහත්මිය සිය ධුරයෙන් ඉල්ලා අස් වූ බවට පළවන ප්‍රවෘත්ති සාවද්‍ය බවත් ඇගේ ධුර කාලය එළැඹෙන මාර්තු 31වනදා වන විට අවසන් වන බවත් විදේශ කටයුතු අමාත්‍යාංශය සඳහන් කරයි.

කෙසේ වෙතත් මහ කොමසාරිස් විජේවර්ධන  මහත්මිය සිය ධුර කාලය පිළිබඳ ගිවිසුම 2018මාර්තු  31වැනිදා වන විට සිය කැමැත්තෙන් අවසන් කරනු ඇති බවද විදේශ කටයුතු අමාත්‍යංශයේ නිල වෙබ් අඩවියේ සඳහන් කර ඇත.

මේ අතර බ්‍රිතාන්‍ය මහ කොමසාරිස් කාර්යාලයේ සේවය කළ බ්‍රිගේඩියර් ප්‍රියංකර ප්‍රනාන්දු මහතාද යුද හමුදා කැඳවීමකට අනුව ඊයේ (22) ලංකාවට පැමිණියේය.

පානුක රාජපක්ෂ

Page 1 of 249

 

IMAGE

නෙලා සමග ඔබ හමුවට එන බෙනට්ගේ පුතා

IMAGE 2018 Feb 25 14:21
අද වෙද්දී උදාර රත්නායක කියන්නේ නළුවෙක්ද? එහෙමත් නැතිනම් දේශපාලනඥයෙක්ද? නළුකම මගේ වෘත්තිය...
Views - 681

මගෙන් නම් සල්ලි ඉල්ලුවේ නෑ ඒත් මේ වගේ කතාවක් නම් කිව්වා

IMAGE 2018 Feb 25 14:08
මේ වෙද්දී ඉන්දිකාගේ කලා දිවිය දශක දෙකකටත් එහා ගිය එකක් නේද? ඔව්. මම මුලින්ම ක්‍ෂේත්‍රයට එකතු...
Views - 1245

රනිල් සල් සපු නා හැර ගියේ ඇයි?

IMAGE 2018 Feb 25 13:52
“සල් සපු නා” ටෙලි නාට්‍යයේ දැන් රනිල්ව දකින්නට ලැබෙන්නේ නැහැ. ඇයි ඒ ? මම තාවකාලිකව ‘සල්...
Views - 1082

තාත්තගේ අකමැත්තෙන් රඟපාන්න ආපු උපාසක අම්මා

IMAGE 2018 Feb 25 12:18
කොහොමද ඔබට අංජනා එහෙමත් නැත්නම් උපාසක අක්කා වෙන්න අවස්ථාව ලැබුණේ? මාව උපාසක අම්මා කළේ...
Views - 833

බසයේදී දුන් බොරු විවාහ පොරොන්දුවෙන් පවුල්ජීවිතේ 'හබක්'

IMAGE 2018 Feb 23 12:25
ඔහු අගනුවර ප්‍රසිද්ධ සමාගමක විධායක නිලධාරියෙකි. වයස අවුරුදු 40 ඉක්මවූ ඔහුට රූමත් බිරිඳක් සහ...
Views - 5518

අහිමි පෙම ඉල්ලා පෙම්වතියට ප්‍රසිද්ධියේ ගුටි ඇනලා

IMAGE 2018 Feb 23 10:42
පැරණි පෙම්වතියගෙන් අහිමි වූ ආදරය නැවත ඉල්ලා එය නොලැබුණු විට නාරාහේන්පිට ප්‍රදේශයේදී ඇයට...
Views - 3642

Please publish modules in offcanvas position.