Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - [email protected] youtube
Coss Ear2
lakbima.lk
COSS Ear 1
                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

නිසියාකාරව රාජකාරී නොකරන වනජීවී නිලධාරීන් සම්බන්ධයෙන් කඩිනම් විනය පියවර ගන්නා බව තිරසර සංවර්ධන හා වනජීවී නියෝජ්‍ය අමාත්‍ය සුමේධා ජී. ජයසේන මහත්මිය පවසයි.
නියෝජ්‍ය අමත්‍යවරිය මාධ්‍ය නිවේදනයක් නිකුත් කරමින් වැඩිදුරටත් පැවැසුවේ රාජකාරිය නිසිපරිදි නොකරන ඇතැම් නිලධාරීන් පිළිබඳව තොරතුරු ලැබෙමින් පවතින බවත් විෂය භාර අමාත්‍ය ගාමිණී ජයවික්‍රම පෙරේරා මහතා සමග සාකච්ඡා කර අදාළ විනය ක්‍රියාමාර්ග ක්‍රියාත්මක කරන බවත්ය.
විවිධ ප්‍රදේශවලින් වනඅලි තර්ජන එල්ල වී ඇති බවට ජනතාව දැනුවත් කිරීම් කරනවිට වනජීවී නිලධාරීන් දුරකථන මාර්ග ඔස්සේ සම්බන්ධ කරගත නොහැකි බවත් ඇතැම් නිලධාරීන් හිතා මතාම ජංගම  දුරකථනයට ප්‍රතිචාර  නොදක්වනවාදැයි සැකයක් පවතින බවත් ඇය සඳහන් කළාය.
වන අලින් ගම්වැදී ජනතාවට සිදුකරන හිරිහැර සම්බන්ධයෙන් ක්ෂණිකව වනජීවී නිලධාරීන්ගේ අවධානය යොමු නොවන බවත් හදිසි අවස්ථාවකදී   තමාටද ඇතැම් නිලධාරීන් දුරකථනය  ඔස්සේ සම්බන්ධ කර ගත නොහැකි බවත් මේ පිළිබඳ තමාගේ අවධානය යොමු වී ඇතැයි නියෝජ්‍ය අමාත්‍යවරිය  ප්‍රකාශ කළාය. 
මෙසේ වගකීමෙන් රාජකාරී කටයුතු නොකරන නිලධාරීන් සම්බන්ධයෙන් තමන් සොයා බලන බව ප්‍රකාශ කළාය. මේ සම්බන්ධයෙන් වහාම පියවර ගන්නා ලෙස වනජීවී සංරක්ෂණ දෙපාර්තමේන්තුවේ නිලධාරීන්ට දැනුම් දී තිබෙන බවද නියෝජ්‍ය අමාත්‍යවරිය අවධාරණය කර තිබේ.
 
තනුජා නානායක්කාර

වසර 2025 වන විට ළමා ජනගහනයෙන් සෑම තුන් දෙනකුගෙන් එක් අයකුගේම ආයු කාලය අවුරුදු 35 ක් දක්වා සීමා වනු ඇතැයි ජාත්‍යන්තර දියවැඩියා සංගමයේ නිර්මාතෘ ‍පෝල් සීමන් මහතා පෙන්වා දී ඇතැයි ළමා රෝග විශේෂඥ වෛද්‍ය අනුරුද්ධ පාදෙනිය මහතා සඳහන් කරයි.
මේ අනුව ලොව පුරා අවාසනාවන්ත දෙමාපිය යුගය මේ වන විට බිහිවෙමින් පවතින බව ඔහු පෙන්වා දෙන අතර දෙමාපියන්ගේ දෑස් ඉදිරිපිටම තම දරුවන් වළ දැමීමේ කාලය ආරම්භ වෙමින් පවතින බව ඔහු අවධාරණය කර ඇතැයි වෛද්‍ය පාදෙනිය සඳහන් කරයි.
දැනට දරුවන් පවත්වාගෙන යන ජීවන රටාව හා ආහාර රටාව මේ අවාසනාවන්ත තත්ත්වය උදාවීමට හේතුවී ඇතැයි වෛද්‍ය පාදෙනිය පෙන්වා දේ.
විස රසායනිකයන් යෙදූ ධන්‍ය වර්ග පරිභෝජනය කිරීම, එළවලු හා පලතුරු අඩුවෙන් ආහාරයට ගැනීම, වතුර පානය සීමා වීම, පැණි බිම වැඩි වශයෙන් පානය කිරීම, ලුණු සීනි සහ තෙල් අධික ලෙස ආහාරයට එකතු කිරීම මෙන්ම ව්‍යායාම, ක්‍රීඩා, කලාව, භාවනාව වැනි ක්‍රියාවන්ගෙන් ඈත්වීම දරුවන්ගේ ආයු කාලය මෙසේ පහළ යාමට ප්‍රධාන හේතුවක් වී ඇතැයි ‍පෝල් සීමන් පෙන්වා දී ඇතැයිද වෛද්‍ය පාදෙනිය මහතා සඳහන් කරයි.
ශ්‍රී ලංකාව තුළ දරුවන් හය දෙනකුගෙන් එක් අයකු ස්ථුල භාවයෙන් හෝ අධිබරින් යුක්ත වන බවත් අක්මාවේ තෙල් තැන්පත් වීමේ ප්‍රතිශතය ඉහළ යමින් පවතින බවත් හෙළිව ඇතැයිද විශේෂඥවරයා පෙන්වා දේ.
දරුවන්ව නිවැරදි ආහාර රටාවකට හා ජීවන රටාවකට යොමු කිරීම මගින් මේ අවාසනාවන්ත තත්ත්වයෙන් මුදවා ගැනීමට හැකිවනු ඇතැයිද වෛද්‍ය පාදෙනිය මහතා අවධාරණය කරයි.
 
ශ්‍රියානි විජේසිංහ

අපරාධ නිවාරණය සඳහා දිවයිනේ සියලුම ‍පොලිස් බල ප්‍රදේශ ආවරණය වන පරිදි පැය හතරක් පුරා සිදු කළ විශේෂ සෝදිසි මෙහෙයුමකදී විවිධ වැරදි සම්බන්ධයෙන් සැකපිට පුද්ගලයන් 1874ක් අත්අඩංගුවට ගෙන ඇති බව ‍පොලිස් මූලස්ථානය පවසයි.
පෙරේදා (16) අලුයම 1.00 සිට අලුයම 5.00 දක්වා කාලය තුළ මෙම මෙහෙයුම සිදුකර තිබේ.
මෙහිදී බිමත්ව රිය පැදවීම් සම්බන්ධයෙන් පුද්ගලයන් 501 ක්. වරෙන්තුකරුවන් 559ක්, විවිධ අපරාධයන්ට සැකපිට පුද්ගලයන් 722ක්, විවිධ අපරාධ සඳහා අවශ්‍ය කරන පුද්ගලයන් 92ක් අත්අඩංගුවට ගෙන  තිබේ.
එමෙන්ම මෙම මෙහෙයුමේදී රථ වාහන නඩු 4472ක්, නීති විරෝධී ගිනි අවි 06ක්, හෙරොයින් ග්‍රෑම් 24 මිලි ග්‍රෑම් 278ක්, ගංජා කිලෝ ග්‍රෑම් 08 මිලිග්‍රෑම්   522ක්, නීති විරෝධී මධ්‍යසාර ලීටර් 26239ක් හා වෙනත් මධ්‍යසාර ලීටර් 4309 ක් අත්අඩංගුවට ගෙන ඇත. 
‍පොලිස්පති පූජිත් ජයසුන්දර මහතාගේ නියෝග හා උපදෙස් මත ‍පොලිස් නිලධාරීන් 14706 ක් හා ‍පොලිස් නිල සුනඛයන් 10 කුගේ සහභාගිත්වයෙන් මෙම මෙහෙයුම සිදුකර තිබේ. 
 
ශානිකා මාධවී පීරිස් / ජෝන් ඇන්තනී - වෙන්නප්පුව

වෛද්‍ය අධ්‍යාපනයේ අවම ප්‍රමිතිය සකස් විය යුත්තේ පෙර වසරේ වෛද්‍ය විද්‍යාලයට ඇතුළත් වූ අවම ලකුණු මත විය යුතු බවට ශ්‍රී ලංකා වෛද්‍ය සභාවේ කළමනාකරණ කමිටුව තීරණය කර ඇත.
මේ අනුව අවම ප්‍රමිතිය සෑම වසරකම වෙනස් වනු ඇතැයි ශ්‍රී ලංකා වෛද්‍ය සභාවේ ‍ලේඛකාධිකාරි වෛද්‍ය ටෙරන්ස් ද සිල්වා මහතා සඳහන් කරයි.
පසුගිය වසරේ (2016) රජයේ වෛද්‍ය පීඨයට ඇතුළත් කරගනු ලැබූ ශිෂ්‍යයාගේ අවම ලකුණු මේ වසරේ (2017) වෛද්‍ය අධ්‍යාපනයේ අවම ප්‍රමිතිය ලෙස සැලකීම මේ අනුව සිදුවන බව හෙතෙම සඳහන් කරයි.
මේ අනුව පසුගිය වසරේ අවම ප්‍රමිතිය ලෙස සලකා ඇත්තේ බි 3 ක් යැයි ශ්‍රී ලංකා වෛද්‍ය සභාව පෙන්වා දේ.
මෙම ක්‍රමවේදයට අනුව වෛද්‍ය අධ්‍යාපනයේ අවම ප්‍රමිතිය සකස් විය යුතු බවට වෛද්‍ය සභාව ඇතුළු විශ්වවිද්‍යාල මහාචාර්යවරුන්, ආචාර්යවරුන් එකඟතාවකට පැමිණි බවත් එම එකඟතා ලියවිල්ල සෞඛ්‍ය ඇමැතිවරයා වෙත යොමු කළ බවත් වෛද්‍ය ටෙරන්ස් මහතා පෙන්වා දේ. කෙසේ නමුත් මේ වන විට සී 2 යි, එස් 1 ක් ලෙස වෛද්‍ය අධ්‍යාපනයේ අවම ප්‍රමිතිය සකස් කර කැබිනට් මණ්ඩලය මගින් සම්මත කර ඇති බව වෛද්‍ය ටෙරන්ස් ද සිල්වා මහතා කියා සිටියි.
මේ අනුව විද්වත් මණ්ඩලය මගින් කලින් සකස් කළ වෛද්‍ය අධ්‍යාපනයේ අවම ප්‍රමිතිය පිළිබඳ යෝජනාව නැවත කැබිනට් මණ්ඩලයට ඉදිරිපත් කරන ලෙස සෞඛ්‍ය ඇමැතිවරයාගෙන් ඉල්ලීමට ශ්‍රී ලංකා වෛද්‍ය සභාවේ කළමනාකරණ කමිටුව තීරණය කළ බවද හෙතෙම පැවැසීය.
 
ශ්‍රියානි විජේසිංහ

ශ්‍රී ලංකාවෙන් ආනයනය කෙරෙන තේ සඳහා රුසියාව විසින් තාවකාලිකව පනවා ඇති  තහනම සම්බන්ධව අමාත්‍යාංශ තුනක් සමග ඒකාබද්ධව ප්‍රතිචාර දැක්වීමට සැලසුම්කර ඇති බව මෙරට විදේශ කටයුතු අමාත්‍යාංශය සඳහන් කරයි.
මෙරට තේ අපනයනය මෙසේ රුසියාව විසින් අත්හිටුවීම නිසා මතුව ඇති අර්බුදයට විසඳුමක් ලබාගැනීම සඳහා තේ මණ්ඩලසභාපතිවරයා මෙන්ම විදේශ කටයුතු අමාත්‍යාංශයේ නියොජිතයන් පිරිසක්ද මේ වන විටත් මෙරට රුසියානු සභාපතිවරයා සමග සාකච්ඡා ආරම්භ කර ඇති බවද විදේශ අමාත්‍යාංශය  සඳහන් කරයි.
 වැවිලි කර්මාන්ත අමාත්‍ය නවීන් දිසානායක මහතාද මෙම අර්බුදය පිළිබඳ සොයාබලා කටයුතු කිරීම සඳහා  ඉදිරි දින කිහිපය තුළ රුසියාවේ සංචාරයක නිරතවීමට නියමිත බවද අමාත්‍යාංශය සඳහන් කරයි. එසේම රුසියානු තේ නිෂ්පාදන සම්මේලනයද නැවතත් ශ්‍රී ලංකාවේ තේ ආනයනය සඳහා අවසර ලබාදෙන ලෙස එරට  ආරක්ෂක අධිකාරියෙන් ඉල්ලීමක් කිරීමට සැරසෙන බවද මෙරට විදේශ අමාත්‍යාංශයට තොරතුරු වාර්තා වී ඇත.
ශ්‍රී ලංකාවේ ආනයනය කෙරෙන තේ ඇතුළු සියලුම කෘෂිකාර්මික නිෂ්පාදන සඳහා තාවකාලික තහනමක් පැනවීමට රුසියානු  කෘෂිකර්ම ආරක්ෂණ අධිකාරිය පසුගියදා තීරණය කරනු ලැබිය.
එම තහනම අද (18) සිට ක්‍රියාත්මක වීමට නියමිතය. ශ්‍රී ලංකාවෙන් ආනයනය කළ එක් තේ තොගයක තිබි කෘමියෙකු හමුවීම මෙම තහනම  පැනවීමට  හේතු වී ඇති බව පැවැසේ.

ඒකාබද්ධ විපක්ෂය නියෝජනය කරන ප්‍රබලයන් රැසක් ශ්‍රී ලංකා නිදහස් පක්ෂය සමග එක්වීම සඳහා සාකාච්ඡා කරමින් සිටින බව සමාජ සවිබල ගැන්වීම්, සුබසාධන හා කන්ද උඩරට උරුමයන් පිළිබඳ අමාත්‍ය එස්.බි. දිසානායක මහතා පැවැසීය. 
එම විපක්ෂයේ ප්‍රබලයන් කිහිපදෙනකු ජනාධිපතිවරයා සමග සාකච්ඡා කළ බවත්, ඉදිරියේදී බොහෝ දේවල්  සිදුවිය හැකි බව සමෘද්ධි අභිමානි මහනුවර නාගරික රථගා‍ලේදී පැවැති දිස්ත්‍රික් සමෘද්ධි ‍පොළ විවෘත කිරීමෙන් අනතුරුව මාධ්‍ය හමුවේදී අමාත්‍යවරයා මේ බව කීවේය. 
ඒකාබද්ධ ‍පොහොට්ටු විපක්ෂයේ  පාක්ෂිකයන් විශාල පිරිසක් අද වන විට ශ්‍රී ලංකා නිදහස් පක්ෂය සමගින් එක්වෙමින් සිටින බවත් ඒ නිසා සිය පක්ෂයට මෙවර මැතිවරණය වඩා වාසිදායක වන බව කී අමාත්‍යවරයා මෙසේ ප්‍රකාශ කළේය. 
ශ්‍රී  ලංකා නිදහස් පක්ෂය ඇතුළු එක්සත් ජනතා නිදහස් සන්ධානය නියෝජනය කළ හැකි වැඩි පිරිසක් අද අප සමග ඉන්නවා. තොණ්ඩමන් නියෝජනය කරන පක්ෂයේ වැඩි පිරිසක්, ශ්‍රී ලංකා කොමියුනිස්ට් පක්ෂය, දිනේෂ් ගුණවර්ධනයන්ගේ මහජන එක්සත් පෙරමුණ පක්ෂයෙන් අඩක්, විමල් වීරවංශයන්ගේ ජාතික නිදහස් පෙරමුණම අප සමග පෙනී සිටිනවා. විමල් වීරවංශගේ කථාවෙන් පෙනෙන්නේ ඔහු දැඩි කළකිරීමකින් සිටින බවයි. 
මහින්ද රාජපක්ෂ මහතා සහ ශ්‍රී ලංකා නිදහස් පක්ෂය එක් කිරීමට දැඩි වෙහෙසෙක් දැරූ නමුත් එය අසාර්ථක වුණා. එසේ වුණේ බැසිල් රාජපක්ෂ, නාමල් රාජපක්ෂ වැනි අයගේ මත නිසයි. ශ්‍රී ලංකා නිදහස් පක්ෂය පරාජය වීම තුළ සිය ආරක්ෂාව තහවුරු වන බව බැසිල් රාජපක්ෂ හිතනවා. සිය පුතු වන නාමල් රාජපක්ෂට වර්ෂ 2025 දී දේශපාලන අනාගතයක් තිබෙන්නේ ශ්‍රී ලංකා නිදහස් පක්ෂය අද පරාජය වීම තුළ යැයි මහින්ද රජපක්ෂ මහතා සිතනවා. 
නාමල් රාජපක්ෂ වැනි තරුණ කණ්ඩායම්වලට  මතුවන ගැටලුව වන්නේ ප්‍රධාන පක්ෂ එක්වූ විට ඔවුන්ට ඉදිරිපෙළ නොලැබිමයි. ඒ නිසා අලියාගේ වල්ගය වෙනවාට වඩා මැස්සාගේ ඔළුව වෙන එන එක හොඳ යැයි ඔවුන් සිතනවා.
 
නදීක දයා බණ්ඩාර - මහනුවර අතිරේක 

දේශගුණික විපර්යාස හේතුවෙන් බඩු මිල ඉහළ  යාම පාලනය කිරීම සඳහා රජය හඳුන්වා දුන් සහන  මල්ලට ඇතුළත් සියලුම අත්‍යවශ්‍ය භණ්ඩ සතොස මෙන්ම පෞද්ගලික වෙළෙඳජාලය ඔස්සේද  තොග මිලටම අලෙවි කරන ලෙස අගමැති රනිල් වික්‍රමසිංහ මහතා උපදෙස් දී තිබේ.
ඒ අනුව දිවයින පුරා ව්‍යාප්තව ඇති සියලුම සතොස වෙළෙඳසල්  සහ පෞද්ගලික  අංශයේ සතු දහසකට අධික වෙළෙඳසල් මගින්ද   තොග මිල ගණන් යටතේ අත්‍යවශ්‍ය ආහාර වර්ග හතක් අලෙවි කරන බව කර්මාන්ත හා වාණිජ කටයුතු අමාත්‍ය රිෂාඩ් බදියුදීන් මහතා පවසයි.
දැඩි නියඟය, අධික වර්ෂාව, ගංවතුර ආදී  තත්ත්වයන් පසුගිය දින කිහිපය පුරාම ඇතිවීම හේතුවෙන් සහල්, ‍පොල් ඇතුළු අත්‍යවශ්‍ය ආහාර ද්‍රව්‍ය මිල ඉහළයාම සම්බන්ධයෙන් ජනාධිපති මෛත්‍රීපාල සිරිසේන හා අගමැති රනිල් වික්‍රමසිංහ යන මහත්වරු පසුගිය සතියේදී දැඩි අවධානයක් යොමු කර ඇත.
ඒ අනුව සහන මල්‍ලේ අත්‍යවශ්‍ය භාණ්ඩ සියල්ල  සතොසට අමතරව  පෞද්ගලික වෙළෙඳසල්වලින් තොග මිලට  අලෙවි කරන ලෙස අගමැතිවරයා උපදෙස් දී ඇත. සුපිරි  වෙළෙඳසල්වල නිලධාරීන් අරලියගහ මන්දිරයට කැඳවා මේ සම්බන්ධයෙන් දැනුම් දීමටද අගමැතිවරයා පියවර ගෙන ඇත. 
මීට අමතරව ආර්ථික මධ්‍යස්ථාන මුල්කර ගනිමින් තොග මිලට අත්‍යවශ්‍ය භාණ්ඩ  වෑන් රථ ඔස්සේ ගම්වලට ගොස් බෙදා හැරීමේ වැඩපිළිවෙළක්ද  ආරම්භ කරන ලෙස අගමැතිවරයා උපදෙස් දී ඇත.
 
ලසන්ත වීරකුලසූරිය / ගයාත්‍රි ගීගනආරච්චි

දින කීපයකට පෙර මිය ගිය බවට සැකකරන වන අලියෙකුගේ මළ සිරුරක් කරුවලගස්වැව - පලීගම වැව් ඉස්මත්තේ තිබියදී හමුවී ඇති බව වන ජීවී නිලධාරීන් කියති.

වයස අවුරුදු 15 ක් පමණ වන මෙම වන අලියා පසුගිය කාලයේ කිසියම් රෝගී තත්ත්වයකින් පෙළෙමින් සිට ඇත. දින 05 කට පමණ පෙර වන ජීවී නිලධාරීන් මෙම සතාට ප්‍රතිකාර කිරීමක්ද සිදු කර ඇත.

කරුවලගස්වැව - පලීගම ප්‍රදේශයේදී මීට වසර 02 කට පමණ පෙර දළ ඇතෙකු කිසියම් පිරිසක් විසින් වෙඩි තබා ඝාතනය කර තිබුණු අතර, පසුගිය කාලය තුළ වන අලින් කීප දෙනෙකුම මෙම ප්‍රදේශයේදී මිය ගොස් ඇත.

මිය ගොස් ඇති වන අලියාගේ පශ්චාත් මරණ පරීක්ෂණය පැවැත්වීමට නියමිතය.


ජුඩ් සමන්ත

උඩුදුම්බර, රඹුක්වැල්ල ග්‍රාමයේ තාප්පේපිට වෙල්යායේ කොටසක් හිටිහැටියේ ගිලා බැස ඇතැයි ගොවිහු පවසති.

මෙම වෙල්යායේ අක්කර භාගයක පමණ කොටසක් දින කිහිපයක සිට  පුපුරා ගිලා බැස තිබුණු බවත් අද(17) වන විට වෙල්යාය අඩි පහකට වැඩි ප්‍රමාණයක් ගිලා බැස ඇති බව ඔවුහු පැවසති. ගොවියන් පවසන්නේ ගිලා බැසීම මේ වන විටත් සක්‍රීය තත්ත්වයේ පවතින බවයි.

මේ දිනවල කඩින් කඩ වැසි ඇද හැලෙමින් පවතින අතර මෙම වෙල්යාය මීට පෙර ගිලා බැස නොමැති බවත් මේ හේතුවෙන් සෙසු වෙල්යායන් කරා ජලය ගෙන යන ඇල මාර්ගයට හානි විය හැකි බව ද ගොවිහු පෙන්වා දෙති.

ගිලා බැසීම සම්බන්ධයෙන් යම් ඉක්මන් සොයාබැලීමක් බලධාරීන් විසින් කළ යුතු බවද ඔවුහු වැඩි දුරටත් කියා සිටිති.  


නදීක දයා බණ්ඩාර - මහනුවර

ශ්‍රී ලාංකීය දේශීය සම්ප්‍රදායට අනුව චීන ජාතික නව යුවතිපතින් සිය දෙනෙකු එකම දිනයක ශ්‍රී ලංකාවේදී යුග දිවියට පත් වන රාජකීය විවාහ මංගල්‍යයෝත්සවය අද (17) පස්වරු 3.00ට කොළඹ මහනගර සභා භූමියේදී පැවැත්වේ.

ජනාධිපති මෛත්‍රීපාල සිරිසේන අග්‍රාමාත්‍ය රනිල් වික්‍රමසිංහ යන මහත්වරු සහ අමාත්‍යවරු ඇතුළු තවත් ශ්‍රීලාංකීය සහ චීන නියෝජිත වරු විශාල පිරිසක් මෙම විවාහ මංගල්‍යයට සහභාගී වෙති.

කොළඹ බදුල්ල ප්‍රධාන මාර්ගයේ හල්දුම්මුල්ල ප්‍රදේශයේ මාර්ගය අවහිර කරමින් සිදුකෙරෙන උද්ඝෝෂණයක් නිසා මේ වන විට එහි වාහන ගමනා ගමනය බාධා එල්ලවී තිබේ.

වන අලි ප්‍රහාරයකින් පුද්ගලයකු මිය යාම මෙම උද්ඝෝෂණයට මුල් වී ඇති බව වාර්තා වේ.

Page 1 of 185

IMAGE

තනුජා සිරස හැර යයි

IMAGE 2017 Dec 17 12:25
පෞද්ගලික රූපවාහිනී නාලිකා මේ රටේ ඇති කළ වෙනස තුළ බිහි වූ ප්‍රබල චරිතයක් තමයි තනුජා ජයවර්ධන...
Views - 2395

මගේ ගීත ගායනා කරන්න එපා වික්ටර්ගෙන් පුතුන්ට නියෝගයක්

IMAGE 2017 Dec 17 11:32
නව පරපුරේ සංගීතවේදියකු වන ඉරාජ් වීරරත්න මීට මාස කිහිපයකට පෙර නිර්මාණය කළ දැණුනා නම්වූ...
Views - 2357

රුපියල් දහසේ නෝට්ටු මවන භූතයෙක්

IMAGE 2017 Dec 17 10:13
නිවෙස්වලට කඩාවැදී ගෙහිමියන්ට වින පමුණුවන භූතයන් ගැන අපි කොතෙකුත් අසා ඇත්තෙමු. එහෙත්,...
Views - 1315

ෆේස්බුක් එකෙන් ඔබේ හිතේ ලෙඩ ගැනත් කියන්න පුළුවන්

IMAGE 2017 Dec 15 10:42
ඔබටත් ෆේස්බුක් ගිණුමක් තිබෙනවාද? එසේ ගිණුමක් තිබෙනවා නම් ඔබ ඒ සඳහා දවසකට; සතියකට හෝ මාසයකට පැය...
Views - 2758

සුද්දන්ට උණවටුන එපා කරවන ඩිස්කෝ ඩාන්ස්

IMAGE 2017 Dec 14 07:56
ආචාර්ය ආතර් සී. ක්ලාක් විද්වතා පවසන ආකාරයට උණවටුන වෙරළ තීරය ලෝකයේ ඇති දර්ශනීය වෙරළ දොළහෙන්...
Views - 4226

ගැබිණි නිලධාරිනිය අධ්‍යක්ෂක හා 'හනිමූන්' ගිහින්

IMAGE 2017 Dec 13 10:33
ඔහු මෙරට ප්‍රමුඛතම සමාගමක අධ්‍යක්ෂ වරයෙකි. වයස අවුරුදු 40 ක් පමණ වන ඔහු දරු දෙදෙනෙකුගේ පියෙක්...
Views - 10470

Please publish modules in offcanvas position.