Coss Ear2
lakbima.lk
COSS Ear 1
                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

ෆ්ලොරිඩාවේ ඉර්මා සුළි කුණාටුව බලපෑ ප්‍රදේශ වෙත පැමිණෙන ජනතාවට මුළු නිවාසවලින් කාලක් පමණ සම්පූර්ණයෙන් වැනසී ඇති ආකාරය දැකගන්නට ලැබි තිබේ. පැයකට කිලෝමීටර් එකසිය අනූදෙකක වේගයෙන් ඇදීගිය ඉර්මා සුළි කුණාටුවෙන් නිවාස රැසක් විනාශ වී ඇති අන්දම මාධ්‍ය වාර්තා කර තිබේ. ජලය හා ආහාර ඇතුළු අත්‍යවශ්‍ය ද්‍රව්‍ය රැගෙන හදිසි සහන සේවා කණ්ඩායම් කුණාටුව වැඩිම විපතක් කළ ප්‍රදේශ වෙත ගොස් සිටිති.
ප්‍රාන්තය පුරා ඉර්මා කළ හානිය සොයා බැලීිමට ඇමෙරිකානු ජනපති ඩොනල්ඩ් ට්‍රම්ප් අද දිනයේ එහි සංචාරය කිරීමට නියමිතය. සති දෙකක් තුළ කුණාටුවෙන් විපතට පත් ජනතාව බැලීමට ට්‍රම්ප් යන තෙවැනි අවස්ථාව මෙය වන අතර මෙවර බිරිඳ මෙලානියාද ඔහු සමග යන බව වාර්තාවේ.
 
සී.එන්.එන්.

මියන්මාරයේ පවතින භීෂණකාරී තත්ත්වයෙන් මිදීම සඳහා පලායමින් සිටි රොහින්ගියා මුස්ලිම්වරුන්ගෙන් ඇතැමෙකුට හමුදාව අටවා ඇති බිම්බෝම්බවලින් අත පය අහිමිව ඇති බව වාර්තාවෙයි. ඒ අතරින් බංග්ලාදේශයේ රෝහලක ප්‍රතිකාර ලබන පහළොස් හැවිරිදි පිරිමි දරුවෙකුට පාද දෙකම අහිමිව ඇති බව වාර්තා වෙයි. එම රෝහ‍ලේම ප්‍රතිකාර ලබන කාන්තාවක් මාධ්‍ය වෙත පවසා ඇත්තේ තමා තම පවු‍ලේ උදවිය සමග පලායද්දී බිම් බෝම්බයකට හසු වූ බවය. කෙසේවුවද මේ බිම් බෝම්බ තබා ඇත්තේ කවුරුන්දැයි පැහැදිලි නැත.
පසුගිය සති කිහිපය තුළ රොහින්ගියා මුස්ලිම්වරුන් 300,000ක් පමණ මියන්මාරයෙන් ජීවිත ගලවාගෙන පළාවිත් සිටින බව පැවැසෙයි. තමන් සිවිල් වැසියන් ඉලක්ක කර පහරදෙන බවට ඇති චෝදනාව එරට හමුදාව ප්‍රතික්ෂේප කරයි. රොහින්ගියා මුස්ලිම්වරු පලායන දේශසීමාවන්හි බිම්බෝම්බ අටවන බවට ජාත්‍යන්තර ක්ෂමා සංවිධානය පසුගියදා මියන්මාර රජයට චෝදනා කළේය.
 
බි.බි.සීි.
 

සමලිංගික විවාහයන් නීතිගත කිරීම සම්බන්ධයෙන් මහජන අදහස් විමසීමට ඕස්ට්‍රේලියානු රජය තැපැල් මගින් ඡන්ද පත්‍රිකා යැවීම අරඹා තිබේ. මේ හරහා නීතිය වෙනස් කළ නොහැකිවුවද වැඩි ඡන්ද ප්‍රමාණයක් ලැබුණොත් එය පාර්ලිමේන්තුවේදී නීතිය සම්මත කරගැනිමට උපයෝගීි වනු ඇත. අගමැති මැල්කම් ටර්න්බුල් ඇතුළු දේශපාලකයින් පවසා ඇත්තේ තමා මෙම යෝජනාවට සහය පළ කරන බවය. ලබන නොවැම්බර් හත්වැනිදා දක්වා තැපැල් මගින් තම අදහස් පළකිරීමට ජනතාවට ඉඩ ලැබෙන අතර නොවැම්බර් පහළොස්වැනිදා වනවිට එහි ප්‍රතිඵල ලැබෙනු ඇත. ඡන්ද පත්‍රිකා තැපෑලෙන් යැවීම ඇරඹීමත් සමග දේදුනු පැහැයෙන් ඇඳුම් ඇඳගත් ඕස්ට්‍රේලියානුවන් දහස් ගණනක් වීදි බැස මෙම යෝජනාවට පක්ෂව රැලියක් පැවැත්වූහ.
 
නිශානි දිසානායක
 

තම හයවැනි හා විශාලතම න්‍යෂ්ටික අත්හදාබැලීම සිදුකළ උතුරු කොරියාවට ඇමෙරිකාව නව සම්බාධක පනවා ඇත. මේ අනුව ඉන්ධන පිටරටින් ගෙන්වීම හා රෙදිපිළි අපනයනය කිරීමට සම්බාධක පනවා තිබේ. උතුරු කොරියාවේ අවි කර්මාන්තයට ඉන්ධන හිඟ කිරීම මෙහි අරමුණයි. උතුරු කොරියාවට සහයෝගය දක්වන රුසියාව හා චීනයද මෙම සම්බාධකවලට එකඟවීමත් සමග නිතරගයෙන් මෙම යෝජනාව සම්මත විය.
පසුගිය සඳුදා එක්සත් ජාතීන්ගේ ආරක්ෂක මණ්ඩලයේදී සම්මත කරගත් මෙම යෝජනාවන් සම්බන්ධයෙන් උතුරු කොරියාව දැඩි කෝපය පළකොට තිබිණි.  
 
සී.එන්.එන්.  
 
 

ගොඩනැගිලි බිමට සමතලා කරමින් හා හත්දෙනකුට මරු කැඳවමින් ඉර්මා සුළි කුණාටුව කැරිබියන් දූපත්වලට මහත් හානියක් සිදුකොට තිබේ.බාබුඩා නම් කුඩා දූපත තවදුරටත් මිනිස් වාසයකට සුදුසු නොවන පරිදි විනාශ වී ගොස් ඇති බවද ප්‍රංශ දේශ සීමාවේ පිහිටි සෙන්ට් මාටින් දූපත සම්පූර්ණයෙන් විනාශ වී ගොස් ඇති බවද වාර්තාවේ. සිදුවූ විපත කළ පාඩුව තවම ගණන් බලා නැති අතර ඉදිරි දිනවලදී මියගිය ගණන තවත් වැඩිවිය හැකි බව කියැවේ. මේ අතර තවත් කුණාටු දෙකක්ද චණ්ඩ මාරුතයන් බවට පත්වන ලකුණු දකින්නට තිබේ. වැඩිම අගය වන පහේ කාණ්ඩයේ සුළි සුළඟක් වන ඉර්මා මේ වනවිට ඇමෙරිකාවේ උතුරින් පිහිටි පුවටෝ රිකෝ මතින් හමායමින් පවතින බව කියැවේ.
ඉර්මා සමග ආ මහ වැසි හා දැඩි සුළං හේතුවෙන් පුවටෝ රිකෝ හි මිලියන තුනක් වන ජනතාවෙන් අඩකටම විදුලිය විසන්ධි වී ඇති අතර දින ගණනාවකට විදුලිය නොලැබෙනු ඇතැයි කියැවේ.අත්ලාන්තික් කලාපයේ එතෙක් මතෛක් හැමූ බලවත්ම කුණාටුව වන මෙය පැයකට කිලෝමීටර් දෙසීය අනූපහක වේගයෙන් හමාගිය අතර අද දිනයේදී ඩොමිනිකන් ජනරජයේ උතුරු කොටසට කඩා වදිනු ඇතැයි පැවැසෙයි. 

බි.බි.සී.

ඊශ්‍රායල ජෙට් යානා තම රටේ බටහිර පිහිටි හමුදා කඳවුරකට පහරදුන් බව සිරියාව කියා සිටින අතර ආරංචිය පැතිර යන්නේ එම ප්‍රහාරය එල්ලවූයේ සිරියාවේ රසායනික අවි කම්හලකට බවය. එරට හමුදාව නිකුත් කළ නිවේදනයක දැක්වෙනුයේ ලෙබනන් අහස් සීමාවේ සිට එවූ රොකට් ප්‍රහාර මස්යාෆ් අසල හමුදා කඳවුරට පතිත වීමෙන් සොල්දාදුවන් දෙදෙනෙක් මියගිය බවයි.රසායනික අවි කම්හලකට මෙම ප්‍රහාරය එල්ලවූ බව කියැවෙන්නේ නිල නොවන අරාබි මාධ්‍ය තුළිනි.
මීට පෙරද සිරියාවේ රසායනික අවි කම්හල් වෙත ප්‍රහාර එල්ලකොට ඇති බව කියැවෙන ඊශ්‍රායලය මේ සම්බන්ධයෙන් කිසිවක් ප්‍රකාශ කොට නැත. පසුගිය අප්‍රේල් මාසයේදී කැරලිකරුවන් අල්ලාගෙන සිටි නගරයකට සිරියානු හමුදාව රසායනික අවි ප්‍රහාරයක් එල්ල කළ බවට ඇමෙරිකාව සිදුකළ පරීක්ෂණවලින් තහවුරු වී දිනකට පසු මෙම ප්‍රහාරය ගැන වාර්තා විය.

සී.එන්.එන්.

IMAGE

බ්‍රොයිලර් කාපුවාම හෘද රෝග-දියවැඩියාව හැදෙනවාමයි

IMAGE 2018 Jan 21 11:38
කුකුළු මස් සහ පීකුදු ආහාරයට ගැනීම පිළිබඳ මේ දිනවල සමාජයේ උණුසුම් කතිකාවක් ගොඩ නැගෙමින් පවතී....
Views - 47

‍ජ්‍යොතිෂය පට්ටපල් බොරුවක්

IMAGE 2018 Jan 21 10:29
ජ්‍යොතිෂය මිථ්‍යාවක් වන්නේ කෙසේද? යන මැයෙන් (පසුගිය ජනවාරි 16 අඟහරුවාදා කොළඹ 08, කොටා රෝඩ් හි...
Views - 198

රැඳවියකු බැලීමට ආ රූමතියට නියාමකගෙන් 'යෝජනාවක්'

IMAGE 2018 Jan 18 10:53
අනුරාධපුර බන්ධනාගාරයේ රක්ෂිත බන්ධනාගාර ගත කර සිටින සිය ඥාතියකු බැලීමට සහෝදරියක සමග ගිය...
Views - 6922

අයිවෝ ඩෙනිස් රෝහ‍ලේ

IMAGE 2018 Jan 17 10:59
මෙරට බිහි වූ විශිෂ්ටතම සංගීතඥයකු වූ සුනිල් ශාන්තයන්ගේ ගීත උරුමය ඉදිරි පරපුර වෙත රැගෙන ආ...
Views - 4540

ඡන්දය වෙනුවෙන් 'වඩියකට' ඉඩ දෙන්නැයි අපේක්ෂකයෝ ඉල්ලති

IMAGE 2018 Jan 16 10:42
තමන් කිසිදා  කසිප්පු පෙරීම නොකළ නමුත් මැතිවරණය අවසන් වන තුරු පමණක්  කාර්යාලය පිටුපස දින...
Views - 6029

අහඹු ගැබ් ගැනීම් වලකන පෙති ඇසුරුම් 20 අනුරපුර පාසලක

IMAGE 2018 Jan 16 09:59
පාසල ශුද්ධ පවිත්‍ර කිරීමේ ශ්‍රමදානයකට සහභාගී වූ මවකට අනුරාධපුර නගරයේ පාසලක තිබී අහඹු ලෙස...
Views - 6718

Please publish modules in offcanvas position.

X

Right Click

No right click