Coss Ear2
lakbima.lk
COSS Ear 1

හොලිවුඩයේ සහ වෙනත් වෘත්තීය ස්ථානවලදී කාන්තාවන්ට සිදුවන අතවර වලට විරුද්ධව හඬ නැගීමට හොලිවුඩ් නිළියන් තුන්සියයකට අධික පිරිසක් පෙරමුණක් පිහිටුවාගෙන තිබේ. ටයිම්ස් අප් නමින් හඳුන්වන මෙම ව්‍යාපාරය සම්බන්ධයෙන්ද නිව්යෝර්ක් ටයිම්ස් පුවත්පතේ පිටුවක දැන්වීමක්ද පළකොට තිබුණි.     
කලා ලොව මෙන්ම වෙනත් ස්ථානවලද කාන්තාවන්ට වෙනසක් අවශ්‍ය බවට ලබා දෙන පණිවුඩයක් ලෙස මෙම ව්‍යාපාරය එය පිහිටුවාගත් පිරිස විසින් හඳුන්වා දී තිබේ.
චිත්‍රපට නිෂ්පාදක හාවි වෙයින්ස්ටේන්ට විරුද්ධව හොලිවුඩ් නිළියන් විසින් ගෙනා අතවර චෝදනා සමග ඒ සම්බන්ධයෙන් දැඩි විරෝධයක් පැන නැගිණි.   
 
සී.එන්.එන්.

විදේශාධාර ලෙස ඇමෙරිකානු ඩොලර් බිලියන ගණනින් ලබාගන්නා අතරේ ඇමෙරිකාවට බොරු කියමින් හා ඇමෙරිකාව රවටමින් කටයුතු කළ බවට ජනපති ඩොනල්ඩ් ට්‍රම්ප් පාකිස්තානයට දොස් පවරා තිබේ. නව වසරේ තම පළමු ට්විටර් පණිවුඩය යවමින් ජනපතිවරයා වැඩිදුරටත් පවසා තිබුණේ පාකිස්තානය ත්‍රස්තවාදීන්ට රැකවරණය ලබාදෙන බවය. මෙම පණිවුඩයට තම දැඩි විරෝධය පළකරමින් පාකිස්තානය කියා ඇත්තේ ලබාගත් විදේශාධාර සියල්ල පැහැදිලිව ගණන් තබා ඇති බව හා ඇෆ්ගනිස්ථානය තුළ ඇමෙරිකාවේ පරාජය හමුවේ සිත් වේදනාවට පත් ජනපතිවරයා මෙසේ කතා කරන බවය.
පසුගිය අගෝස්තු මාසයේදී පාකිස්තානය වෙත යවන්නට තිබියදී ප්‍රමාද කළ ඇමෙරිකානු ඩොලර් මිලියන දෙසිය පනහක ණය මුදල ලබාදීම තවදුරටත් පමා කිරීමට ඇමෙරිකාව තීරණය කොට තිබේ.ත්‍රස්තවාදී කණ්ඩායම් රට තුළ ක්‍රියාත්මක වීම පාලනය කිරීමට පාකිස්තානය දිගින් දිගටම අ‍පොහොසත්වීම නිසා මෙම ණය මුදල පමා කරන්නට ඇමෙරිකාව තීරණය කොට තිබිණි. 
 
බි.බි.සී. 
 


ජනවාරි

  • ඉස්තාන්බුල් නගරයේ සමාජ ශාලාවකට එල්ල කළ ප්‍රහාරයකින් තිස්නමයක් මියයයි.
  • කොසෝවෝ හිටපු අගමැති ප්‍රංශයේදී අත්අඩංගුවට පත්වෙයි.
  • ඇමෙරිකාවේ ෆ්ලොරිඩා ප්‍රාන්තයේ ‍පෝට් ලවුඩඩේල් ජාත්‍යන්තර ගුවන් තොටුපළේ මගී පර්යන්තයේදී පස්දෙනෙක් වෙඩි  තබා ඝාතනය කරයි.
  • පෘතුගාල ප්‍රජාතන්ත්‍රවාදයේ පියා ලෙස හැදින්වෙන එරට හිටපු ජනපති මරියෝ සෝඒරස් මියයයි.
  • ඝානාවේ නව ජනපති දිව්රුම් දෙයි.
  • ඉරානයේ හිටපු ජනපති රෆ්සන්ජානි මියයයි.
  • ලා ලා ලෑන්ඩ් ගෝල්ඩන් ග්ලෝබ් සම්මාන උළෙ‍ලේ වැඩිම සම්මාන දිනා වාර්තා වක් තබයි.
  • සඳ මත ගමන් කළ අවසන් මිනිසා වූ ජීන් සර්නන් මියයයි.
  • නයිජීරියාවේ ගුවන් හමුදා ප්‍රහාරයකින් සරණාගත කඳවුරක පනස් දෙකක් මියයයි.
  • ඇමෙරිකාවේ හතළිස්පස්වැනි ජනාධිපති ලෙස ඩොනල්ඩ් ට්‍රම්ප් දිව්රුම් දෙයි.


පෙබරවාරි

  • ඉන්දියාව චන්ද්‍රිකා එකසිය හතරක් ගුවන් ගතකොට වාර්තාවක් තබයි.
  • මෙල්බර්න් නගරයේ ගුවන් අනතුරකින් පහක් මියයයි.
  • හොංකොං හිටපු නායකයාට මාස විස්සක සිර දඬුවමක් හිමිවෙයි.
  • වියදම් අධික මංගල උත්සව කාශ්මීරය තහනම් කරයි.
  • සිරියාවේ මෝටර් රිය බෝම්බයකින් හතළිස් එකක් මියයයි.
  • ලොව වැඩිම කලක් සිරගතව සිටි මාධ්‍යවේදියා ලෙස සැලකෙන උස්බෙකිස්ථානයේ මුහම්මඩ් බෙකානොව් වසර දහඅටක් සිරගතව සිට නිදහස ලබයි.
  • චිලියේ ජල හිඟයෙන් මිලියන ගණනක් පීඩා විඳියි.
  • මොසුල් වැසියන් දෙදහස් පන්සියයක් නගරයෙන් පලායති.
  • ඇෆ්ගනිස්ථානයේදී තාලිබාන් සාමාජිකයන් කළ වෙඩි තැබිමකින් ‍පොලිස් නිලධාරීන් දහතුන් දෙනෙකු මියයයි.


මාර්තු

  • මෙක්සිකෝවෙන් ඇමෙරිකාවට එන අනවසර සංක්‍රමණිකයන්ගේ සියයට හතළිහක අඩුවීමක් වාර්තා වෙයි.
  • ගෝතමාලාවේ ළමා නිවාසයක ගින්නෙන් විසි එකක් මියයයි.
  • බලයෙන් පහකළ දකුණු කොරියානු ජනපතිනිය අත්අඩංගුවට ගන්නැයි උද්ඝෝෂණ පැවැත්වෙයි.
  • ඉතියෝපියාවේ අගනුවර වන අඩිස් අබාබාහි කුණු කන්දක් කඩාවැටීම හේතුවෙන් ඊට යටවී හතළිස් අටදෙනෙකු මියයයි.
  • නෙදර්ලන්ත මැතිවරණයෙන් අගමැතිගේ පක්ෂයට ජය හිමිවෙයි.  
  • සිව්දෙනකුට මරු කැඳවමින් බ්‍රිතාන්‍ය පාර්ලිමේන්තුව අසල ප්‍රහාරයක් සිදුවෙයි.
  • රුසියාවේ විපක්ෂ නායක අත්අඩංගුවට පත්වෙයි.
  • ඔස්ට්‍රේලියාවට කඩාවැදුණු ඩෙබි සුළි සුළඟින් විශාල දේපළ හානියක් සිදුවෙයි.
  • තුර්කිය සිරියාවේ හමුදා ක්‍රියාකාරකම් නවත්වයි.                                 
  • රිය අනතුරකින් ටෙක්සාස් ප්‍රාන්තයේ දහතුනක් මියයයි.


අප්‍රේල්

  • සිරියාවේ රසායනික අවි ප්‍රහාරයකින් දහඅටක් මියයයි.
  • කාශ්මීර අතුරු මැතිවරණය අතරේ සිදුවූ අරගලවලින් හයදෙනෙකු මියයයි.
  • කැලිෆෝනියාවේ පාසලක වෙඩි තැබිමකින් තිදෙනෙක් මියයයි.
  • ජර්මනියේ පාපන්දු කණ්ඩායමක් ගමන් කළ බසයට ප්‍රහාරයක් එල්ල වෙයි.
  • සිරියාවේ බෝම්බයක් පිපිරීමෙන් හතළිස්පහක් මියයයි.
  • ලොව වයස්ගතම පුද්ගලයා වූ ඉතාලියේ එමා මොරානෝ වයස අවුරුදු 117 දී මිය  යයි.
  • ජනමත විචාරණයේදී තුර්කි ජනතාව වත්මන් ජනපතිට පක්ෂව ඡන්දය දෙයි.
  • ඇමෙරිකාවේ කැලිෆෝනියාවේදී කළු ජාතිකයකු කළ වෙඩි තැබිමකින් සුදු ජාතිකයන් තිදෙනෙක් මියයයි.
  • ඕස්ට්‍රේලියාව පුරවැසිභාවය ලබාදීමේ නීති දැඩිකරයි.
  • කියුබාවේ හමුදා ගුවන් යානයක් අනතුරට ලක්වීමෙන් අටක් මියයයි.


මැයි

  • ප්‍රංශ ජනපතිවරණයෙන් එමෑනුවෙල් මැක්රොන්ට ජය හිමිවෙයි.
  • ලොව පුරා රටවල් එකසිය පනහක පරිගණක යන්ත්‍ර 200,000 කට හානි සිදුකරමින් සයිබර් ප්‍රහාරයක් එල්ල වෙයි.
  • ප්‍රේමය වෙනුවෙන් ජපන් රජ කුමරියක් කිරුළට ඇති අයිතිය අත්හරියි.
  • ඉරාන  ජනපතිවරණයෙන් ජනපති හසන් රවුහානි නැවත ජය ලබයි.
  • වෙනිසුවෙලා ජනපතිට එරෙහි විරෝධතාවලින් හතළිස්අටක් මියයයි.
  • කේට් කුමරියගේ සොයුරිය පිපා විවාහවෙයි.
  • සුපිරි ගායිකා ඒරියානාගේ සංගීත ප්‍රසංගයකට එල්ල වූ මරාගෙන මැරෙන  ප්‍රහාරයකින් විසිදෙකක් මියයයි.
  • ඇමෙරිකානු ජනපති බටහිර ඉවුරේදී පලස්තීන නායකයා හමුවෙයි.
  • ඉන්දියාවේ බස් රථ අනතුරකින් විසිඑකක් මියයයි.
  • ජේම්ස් බොන්ඩ් චරිතය රඟපාමින් ජනප්‍රිය වූ ප්‍රවීණ හොලිවුඩ් නළු රොජර් මුවර් මියයයි.


ජුනි

  • හයදෙනෙකුට මරු කැඳවමින් ලන්ඩන් පාලම මත ත්‍රස්ත ප්‍රහාරයක් සිදුවෙයි.
  • පැරිස් දේශගුණික ගිවිසුමින් ඇමෙරිකාව ඉවත් වෙයි.
  • ඉරාන පාර්ලිමේන්තුවට ප්‍රහාරයක් එල්ල වෙයි.
  • මියන්මාරයට අයත් හමුදා ගුවන් යානයක් අනතුරට ලක්වීමෙන් එහි ගමන් කළ එකසිය විසිදෙදෙනා මියයයි.
  • ඉන්දියාවේ ගිනිකෙළි කම්හලක පිපිරීමකින් විසිතුනක් මියයයි.
  • ප්‍රංශ මහ මැතිවරණයෙන් ජනපතිගේ පක්ෂයට විශිෂ්ට ජයක් හිමිවෙයි.
  • චීනය වෙනුවෙන් තායිවානය සමග සබඳතා පැනමාව අත්හරියි.   
  • පැනමාවේ හිටපු ජනපති ඇමෙරිකාවේදී අත්අඩංගුවට ගනියි.
  • ලන්ඩනයේ ගොඩනැගිල්ලක ගින්නකින් හැත්තෑවක් මියයයි.
  • චීනයේ සිචුවාන් ප්‍රාන්තයේ ගම්මානයක සිදුවූ භූමිකම්පාවෙන් අනූදෙනෙක් අතුරුදහන් වෙයි.


ජුලි

  • මෙක්සිකෝවේ වෙඩි තැබිමකින් දහහතරක් මියයයි.
  • ලැව්ගිනි එකසිය අසූවක් කැනඩාවේ බ්‍රිටිෂ් කොලම්බියා ප්‍රදේශයේ පැතිරෙයි.
  • තුර්කි ජනපතිට විරෝධය පා උද්ඝෝෂණ කෙරේ.
  • ඇමෙරිකාවේ හමුදා ගුවන් යානයක් අනතුරට ලක්වීමෙන් දහසයක් මියයයි.
  • කාශ්මීරයේ සිදුකළ ප්‍රහාරයකින් හින්දු වන්දනාකරුවන් හතක් මියයයි.
  • බ්‍රසීලයේ හිටපු ජනපතිට වසර නමයහමාරක සිර දඬුවමක් හිමිවෙයි.
  • සෙනෙගාලයේ පාපන්දු ක්‍රීඩාංගණයක අනතුරකින් අටක් මියයයි.
  • මෙක්සිකෝවේ හිටපු ආණ්ඩුකාරවරයා ගෝතමාලාවෙන් පිටුවහල් කරයි.
  • ඇෆ්ගනිස්ථානයේ හත්දෙනෙක් තාලිබාන්වරුන් අතින් ඝාතනය වෙයි.


අගෝස්තු

  • ඇමෙරිකාව වෙනිසුවෙලා නායකයාට සම්බාධක පනවයි.
  • සමලිංගික විවාහ සඳහා ඕස්ට්‍රේලියාවේ සහයෝගය වැඩිවී ඇති බව වාර්තා වෙයි.
  • උතුරු කොරියාවට නව සම්බාධක පැනවීමට එක්සත් ජාතීන්ගේ අනුමැතිය ලැබෙයි.  
  • කෙන්යා මැතිවරණයේදී උහුරු කෙන්යාටා ජය ලබයි.
  • චීනයේ සිචුආන් ප්‍රදේශයේ දරුණු භුමිකම්පාවකින් දහතුන් දෙනෙකු මියයයි.
  • තාලිබාන් අත්අඩංගුවේ සිටි ප්‍රාණ ඇපකරුවන් දෙසිය තිස්පහක් නිදහස් කරයි.
  • ඇමෙරිකාව කියුබානු තානාපති නිලධාරීන් දෙදෙනෙක් නෙරපයි.
  • බර්කිනා පාසෝ රාජ්‍යයේ ත්‍රස්ත ප්‍රහාරයකින් දහහතක් මියයයි.
  • සියරා ලියෝන්හි අගනුවර තුන්සියයකට මරු කැඳවමින් නායයෑමක් සිදුවෙයි.
  • නයිජීරියාවේ මරාගෙන මැරෙන බෝම්බ ප්‍රහාරයකින් විසිහතක් මියයයි.


සැප්තැම්බර්

  • මුම්බායේ ගොඩනැගිල්ලක් කඩා වැටීමෙන් තිස්තුනක් මියයයි.
  • හාවි සුළි සුළඟ ඇමෙරිකාවේ ටෙක්සාස් ප්‍රාන්තයට දැඩි විනාශයක් සිදුකරයි.
  • තමාට එල්ල කරන ප්‍රහාර හමුවේ රොහින්ගියා මුස්ලිම්වරු  මියන්මාරයේ සිට බංග්ලාදේශය බලා පලායයි..
  • ඉර්මා සුළිකුණාටුව කැරිබියන් දුපත් වනසයි.
  • සිරියාවේ රසායනික පද්ධතියකට ඊශ්‍රායලයෙන් ප්‍රහාරයක් එල්ල වෙයි.
  • මෙක්සිකෝවට බලපෑ දරුණු භුමිකම්පාවෙන් හැටපහක් මියයයි.
  • උතුරු කොරියාවට ඇමෙරිකාවෙන් නව සම්බාධක පැනවෙයි.
  • නෝර්වේ මහමැතිවරණයෙන් පාලක පක්ෂය ජය ලබයි.
  • සිංගප්පූරුවේදී නැව් දෙකක් ගැටී පහක් අතුරුදන් වෙයි.


ඔක්තෝබර්

  • ඇමෙරිකාවේ ලාස් වේගාස් නගරයේ පැවැති ප්‍රසංගයක සිදුවූ වෙඩි තැබිමකින් පනස්අටක් මියයයි.
  • කාශ්මීරයේ හමුදා කඳවුරකට මරාගෙන මැරෙන ප්‍රහාරයක් එල්ල වෙයි.
  • නයිජර් රාජ්‍යයේදී ඇමෙරිකානු සෙබළුන් තිදෙනෙක් ඝාතනය කරයි.
  • ඔස්කාර් සම්මානලාභී චිත්‍රපට නිෂ්පාදක හාවී වෙයින්ස්ටේන්ට ලිංගික අපචාර චෝදනා එල්ල වෙයි.
  • රොහින්ගියා සරණාගතයන් ගිය බෝට්ටුවක් පෙරළී දොළහක් මියයයි.
  • පහළොස්දෙනකුට මරු කැඳවමින් කැලිෆෝනියාවේ ලැව්ගිනි පැතිරෙයි.
  • උතුරු කොරියානු සම්බාධක උල්ලංඝනය කරන නැව්වලට එක්සත් ජාතීන් තහනම් නියෝග පනවයි.
  • ඕස්ට්‍රේලියාවේ ද්විත්ව පුරවැසි මන්ත්‍රීවරුන් අධිකරණයට කැඳවයි.


නොවැම්බර්

  • නිව්යෝර්ක් නගරයට එල්ල වූ ත්‍රස්ත ප්‍රහාරයෙන් අටක් මියයයි.
  • ඕස්ට්‍රේලියාවේ අයර්ස් රොක් නැගීම 2019 සිට තහනම් කරයි.  
  • ටෙක්සාස්හි දේවස්ථානයක වෙඩි තැබිමකින් විසිහයක් මියයයි.
  • මහ රැජින ඇතුළු ධන කුවේරයන්ගේ නීතිවිරෝධී බැංකු ගිණුම් ගැන තොරතුරු හෙළිවෙයි.
  • කාබුල්හි රූපවාහිනී ආයතනයක වෙඩි තැබිමෙන් එක් අයෙක් මියයයි.
  • සිඩ්නි නගරයේ පාසලකට මෝටර් රියක් කඩා වැදීමෙන් ළමුන් දෙදෙනෙක් මියයයි.  
  • ඉරාකයෙන් සමූහ මිනීවළවල් කිහිපයක් හමුවෙයි.
  • ඕස්ට්‍රේලියාවේ ජනමත විචාරණයකින් සමලිංගික විවාහයන්ට අනුමැතිය ලැබෙයි.
  • ග්‍රීසියේ ගංවතුරින් පහළොවක් මියයයි.
  • බාලි ගිනිකන්ද ගැන පිපිරී යා හැකි බවට ගුවන් සේවාවන්ට අනතුරු ඇඟවීම් නිකුත් කෙරේ.


දෙසැම්බර්

  • ජර්මනියේ ‍පොලීසිය හා පැසිස්ට් විරෝධීන් අතර ගැටුම් ඇතිවෙයි.
  • ට්‍රම්ප්ගේ ගමන් තහනමට අධිකරණයේ සහය ලැබෙයි.
  • ඇමෙරිකාව පළමුවරට ජෙරුසලම ඊශ්‍රායලයේ අගනුවර ලෙස පිළිගනියි.
  • වෙනිසුවෙලා විපක්ෂයට ජනපතිවරණය තහනම් කරයි.
  • දකුණු කැලිෆෝනියාවේ එතෙක් මතෛක් ඇතිවූ දරුණුතම ලැව්ගින්න පැතිරෙයි.
  • ජනප්‍රිය ඉන්දියානු ක්‍රිකට් ක්‍රීඩක විරාත් කොහ්ලි සහ ජනප්‍රිය බොලිවුඩ් නිළි අනුෂ්කා
  • ෂර්මා ඉතාලියේදී විවාහ වෙයි.
  • චිලියේ ගමක් නායයාමකින් වැනසෙයි.
  • ඉන්දියාවේ ගුජරාතයේ මැතිවරණයෙන් පාලක පක්ෂය ජය ලබයි.
  • ඇමෙරිකාවේ දුම්රිය පීලිපැනීමකින් තිදෙනෙක් මියයයි.

 
නිශානි දිසානායක

ලයිබිරියාවේ ජනපතිවරණයේ දෙවන වටයේදී ඡන්දය ප්‍රකාශ කරන ජනතාව  හිටපු පාපන්දු තරුවක් හෝ උප ජනපතිවරයා ජනපති පදවියට පත්කර ගැනීමේ අදහසින් ඡන්දය ප්‍රකාශ කරන බව වාර්තා වෙයි. ඒ අතරින් ජාත්‍යන්තර මට්ටමේ පාපන්දු තරුවක් වන පනස් එක් හැවිරිදි ජෝර්ජ් වී පළමුවැනි වටයේ ජය ලැබුවද අවශ්‍ය සියයට පනහ ලබාගැනීමට ඔහු සමත් වී නැත. එලන් ජොන්සන් සර්ලීෆ්ගෙන් පසු එරට නායකත්වය සඳහා කෙනෙකු තෝරාගැනීම සඳහා වූ දෙවන වටය නීතිමය හේතූන් මත කල් ගියේය.
දහනව වැනි ශත වර්ෂයේදී නිදහස ලැබූ ඇමෙරිකානු වහලුන් විසින් ගොඩනගන ලද ලයිබිරියාව වසර හැත්තෑ තුනක කාලයක් තිස්සේ අර්බුදයකින් තොරව බලය හුවමාරු කරගැනීමක් සිදුකොට නැත. ඊයේ උදෑසන ඇරඹුණු මැතිවරණය සවස් වන තුරු පැවැත්විණි.
 
සී.එන්.එන්.

පෙරූ රාජ්‍යයේ හිටපු ජනපති ඇල්බර්ටෝ ෆුජිමෝරිට ජනපති සමාවක් ලැබිමට එරෙහිව පෙරූ රාජ්‍යයේ විරෝධතා ඇතිවී තිබේ. දෙවන දිනයටත් විරෝධතා පවත්වමින් එරට අගනුවර වන ලිමාහි පැවැත්වෙන විරෝධතාවන්ට සහභාගි වන පිරිස් සමාව දීමට එරෙහිව සටන් පාඨ කියන බව වාර්තා විය. සෞඛ්‍යමය හේතූන් මත නත්තලට පෙර දිනයේ වත්මන් ජනපතිවරයා විසින් හිටපු ජනපතිවරයාට සමාව දී තිබිණි.
මානව හිමිකම් උල්ලංඝනය හා දූෂණ චෝදනා මත වසර විසිපහකට සිරගෙට නියමව සිටි හිටපු ජනපතිවරයා රෝගාතුරවීම හේතුවෙන් පසුගියදා බන්ධනාගාරයේ සිට රෝහලට යවා තිබිණි. අඩු රුධිර පීඩනයෙන් පෙළෙමින් සිටි ඔහුගේ හෘද ස්පන්දනය අක්‍රමවත් බවද හෙළිවිය.  
 
බි.බි.සී.

නත්තල් දිනයේදී බ්‍රිතාන්‍ය මුහුදු සීමාව අසල උතුරු මුහුදේදී රුසියානු යුද නැවකට බ්‍රිතාන්‍ය නැවක් විසින් මගපෙන්වනු ලැබු බව වාර්තා වෙයි. එච්.එම්.එස්. සෙන්ට් ඇල්බන්ස් නම් බ්‍රිතාන්‍ය නැව විසින් ඇඩ්මිරල් ගොර්ෂ්කව් නම් නෞකාව ජාතික වශයෙන් තමාට වැදගත් මුහුදු සීමාවේ ගැවසෙන බව නිරීක්ෂණය කොට තිබිණි. මේ සම්බන්ධයෙන් රුසියාව කිසිවක් ප්‍රකාශ කොට නැත.
බ්‍රිතාන්‍ය මුහුදු සීමාවේ රුසියානු නැව් ගැවසීම මෑතක සිට වැඩිවී ඇති බවද බ්‍රිතාන්‍ය රාජකීය නාවුක හමුදාව පවසයි.මුහුද යට ඇති අන්තර්ජාල කේබල්වලට රුසියාවෙන් එල්ල වන තර්ජන ගැනද බ්‍රිතාන්‍ය පසුගියදා සඳහන් කොට තිබිණි.  
බ්‍රිතාන්‍යයේ ආරක්ෂක මාණ්ඩලික ‍ලේකම් එයාර් චීෆ් මාර්ෂල් ශ්‍රීමත් ස්ටුවර්ට් පීච් මෙම මස මුලදී කියා සිටියේ සන්නිවේදන කටයුතු ආරක්ෂා කිරීමට බ්‍රිතාන්‍යය හා නේටෝව මුල්තැන දිය යුතු බවය.
 
සී.එන්.එන්.

IMAGE

සංසාර සිහිනයේ ගී සංකල්පනය මම 'ටැබ් එකේ ටයිප් කරපු' එකක්

IMAGE 2018 Feb 21 12:00
සනුක වික්‍රමසිංහ ගායනා කරන “සංසාර සිහිනේ” කලක පටන් බොහෝ ගීත දර්ශකවල පෙරමුණ ගෙන තිබෙන...
Views - 1940

මම නාට්‍ය කලාවෙ ඉන්නේ ඒ ගැන තියන 'උණ' නිසයි

IMAGE 2018 Feb 21 11:53
වේදිකාව, පුංචිතිරය සහ සිනමාව යන මාධ්‍ය ත්‍රිත්වයෙහිම සිය ප්‍රතිභාව ප්‍රකට කළ කලාකරුවකුවන...
Views - 1050

බිරිඳ රැකියාවක් නොකිරීම මගේ සාර්ථකවයට හේතුවක්

IMAGE 2018 Feb 20 14:38
“සිරස ජූනියර් සුපර් ස්ටාර්..” තරගය ගැන මුලින්ම අප ඔබගෙන් විමසන්න කැමතියි.. ඇත්තෙන්ම “සිරස...
Views - 5002

බිරිඳට පින් තකා සුනඛයන්ට දිනපතා සහල් කිලෝ 08ක දනක්

IMAGE 2018 Feb 20 14:23
මිනිසා තිරිසනුන් වන අවස්ථාත් තිරිසනා මිනිසුන් වන අවස්ථාත් අපට බොහෝ විට දක්නට ලැබුණද...
Views - 2875

ලංකාවේ අන්තිම රජු සැඟවූ නිධානය කෝ?

IMAGE 2018 Feb 19 11:34
මහනුවර රජ කළ රාජාධිරාජසිංහ රජුට බිසෝවරුන් කිහිප දෙනෙක්ම සිටියහ. ඔවුන් අතර අලමේලු අම්මා,...
Views - 4953

රඟපෑමෙන් සමුගත් හේතුව නදීකා කියයි

IMAGE 2018 Feb 19 10:41
“චංචල රේඛා” චිත්‍රපටයේ “දං චූටි” නාඳුනන කෙනෙක් එදා සිනමා ලෝලීන් අතර හිටියේ නැහැ....
Views - 6174

Please publish modules in offcanvas position.