Coss Ear2
lakbima.lk
COSS Ear 1

නැගෙනහිර චීන මුහුදේ භාණ්ඩ ප්‍රවාහන නැවක් හා ඉන්ධන නැවක් එකට ගැටී සිදු වූ ඉන්ධන කාන්දුව හේතුවෙන් දැඩි පාරිසරික හානියක් සිදුවනු ඇතැයි බිය පළව තිබේ. ඊයේ වනවිට දින දෙකක් තිස්සේ මෙම කාන්දුව පැවතිණි. සාන්චි නම් ඉන්ධන නැව ඊයේ උදෑසන වනවිටත් ගිනිගනිමින් පැවතිණි. එහි සේවය කළ ඉරාන ජාතිකයින් තිස්දෙනා හා බංග්ලාදේශ ජාතිකයින් දෙදෙනා අතුරුදහන්ව සිටිති. ඉන්ධන කාන්දුව හා ගින්නෙන් නැගෙන දුම හේතුවෙන් ඔවුන් සොයාගැනීම අපහසුව ඇති අතර මෙම බේරාගැනීමේ මෙහෙයුම සඳහා චීනයට සහායවීමට ඇමෙරිකාවද තම යුද ගුවන් යානයක් යවා තිබේ.

මේ වනවිට ඉන්ධන කාන්දු වී තිබෙන ප්‍රමාණය හා ඉන් ඇති වී තිබෙන පාරිසරික හානිය තවම ගණන් බැලීමට නොහැකිව තිබේ. මෙම ඉන්ධන නැව රැගෙන යමින් තිබුණේ කොන්ඩෙන්සේට් නම් ඉන්ධන වන අතර එහි කාන්දුවක් සිදුවුවහොත් සිදුවන හානිය වඩා බලවත් බව පැවැසෙයි. එය ජලයට එක් වූ විට සිදුවන හානිය සාමාන්‍ය ඉන්ධන එක්වන විට සිදුවන හානියට වඩා බලවත් බව පරිසරවේදීහු සිහිපත් කරති.එය පැහැයක් ඇතිව මෙන්ම නැතිවද දිස්විය හැකි බැවින් තෝරාබේරා ගෙන ඉවත් කිරීමට අපහසු වන බවද පැවැසෙයි.

සී.එන්.එන්

ඇමෙරිකානු ජනාධිපති ඩොනල්ඩ් ට්‍රම්ප් පිළිබඳව ලියන ලද මහත් ආන්දෝලනාත්මක ‍පොතක් නිසා මේ දිනවල ඇමෙරිකාවේ විශාල කැලඹීමක් හටගෙන තිබේ. ජ්ඪපඥ චදඤ ජ්භපර නම් වන මෙම ‍පොත ලියනු ලැබ ඇත්තේ මයිකල් වොල්ෆ් නමැති ‍ලේඛකයෙකු විසිනි.  ‍පොත ප්‍රකාශයට පත් වීම අවහිර කිරීමටද ට්‍රම්ප්ගේ පාර්ශ්වයෙන් උත්සාහයක් දැරුණු බව පැවැසුණි. නමුත් එය සාර්ථක වූයේ නැත. ‍පොත නිකුත් වීමට නියමිතව තිබුණේ අඟහරුවාදා (09 දා) වුවත් වාරණයක් ඇති වීමේ අනතුර වටහාගත් එහි ප්‍රකාශකයෝ පසුගිය සිකුරාදා එය වෙළෙඳ‍පොළට නිකුත් කිරීමට පියවර ගත්හ. මේ වනවිටත් එය ඉතා ඉහළ අලෙවි වාර්තා තබන්නට පටන්ගෙන ඇති බව සඳහන් වෙයි.

මාධ්‍යවේදියෙකුද වන මයිකල් වොල්ෆ්ගේ ‍පොතට ප්‍රධාන වශයෙන්ම පසුබිම් වන බව පැවැසෙන්නේ ට්‍රම්ප්ගේ ජනාධිපතිවරණ මෙහෙයුම පැවැති කාලය සහ ඉන්පසු ඔහු දිවුරුම් දීමෙන් අනතුරුව ගෙවුණු වසරක කාලය පිළිබඳ තොරතුරුය. මෙම ‍පොත සම්බන්ධයෙන් ලොකු ආන්දෝලනයක් ඇති වීමට ප්‍රධාන හේතුවක් වී ඇති බව පෙනෙන්නේ ට්‍රම්ප්ගේ මානසික සෞඛ්‍යය සම්බන්ධයෙන් සහ  ඔහු ඇමෙරිකාවේ ජනාධිපති ධුරයට මොනතරම් සුදුසුද යන්න සම්බන්ධයෙන් යම් යම් සැක සංකා එය විසින් මතු කරනු ලැබ තිබිම බැව් පෙනේ.

තම ‍පොතට පදනම් වන්නේ  විවිධ පුද්ගලයන් සමග පවත්වන ලද සම්මුඛ සාකච්ඡා 200කට ආසන්න සංඛ්‍යාවකින් අනාවරණය වූ තොරතුරු බව වොල්ෆ් සඳහන් කර ඇත. ට්‍රම්ප් ජනාධිපති ධුරය සඳහා මානසික වශයෙන් කෙතරම් සුදුසුද යන්න සම්බන්ධයෙන් ධවල මන්දිරයේ ඉහළ නිලධාරීන් තුළ සැකසංකා තිබුණාය යන්න අවධානයට හසු කිරීමට වොල්ෆ්ගේ ‍පොත සමත්ව ඇති බව පැවැසේ. නමුත් ධවල මන්දිරය පාර්ශ්වයෙන් වොල්ෆ්ගේ ‍පොත මුළුමනින්ම මනඃකල්පිතයක් ලෙස බැහැර කර තිබෙනුද දැකිය හැකි විය.  

ට්‍රම්ප් ඔහුගේ කටයුතු වෙනුවෙන් ක්ෂණික ප්‍රතිඵල සහ අවධානය බලා‍පොරොත්තු වන ‘කුඩා ළමයෙකු’ ආකාරයෙන් ධවල මන්දිරයේ නිලධාරීන් සැලකූ බව වොල්ෆ් ප්‍රකාශ කර තිබිණි. ඔහු කිසිවක් නොකියවන, කිසිවෙකුට ඇහුම්කන් නොදෙන කෙනෙකු ලෙසද මෙම නිලධාරීන් සැලකූ බව වොල්ෆ් ප්‍රකාශ කර ඇත. එමෙන්ම ජනාධිපතිවරණයෙන් ජයගනු ඇතැයි ට්‍රම්ප් විශ්වාස නොකළ බවද, එය ජයගත් අවස්ථාවේ ඔහුගේ කණ්ඩායම එයින් කම්පනයට සහ බියට පත් වූ බවද මෙම ‍පොත අනාවරණය කර ඇත. එදින රාත්‍රියේ ට්‍රම්ප්ගේ බිරිඳ මෙලනියා ට්‍රම්ප් හඬමින් සිටි බවද, ඒ සතුටට නොවන බවද ‍පොතෙන් අනාවරණය වෙතැයි මාධ්‍ය සඳහන් කරයි. ට්‍රම්ප් ධවල මන්දිරයට එතරම් ප්‍රියක් නොදැක්වූ බවද,  එය තරමක් බිය උපදවන තැනක් ලෙස දුටු බවද ‍පොතෙහි ඇතුළත් වන බව පැවැසේ. ට්‍රම්ප්ගේ දියණිය වන ඉවන්කා ට්‍රම්ප්ට ඇමෙරිකාවේ ප්‍රථම ජනාධිපතිනිය වීමේ සිහිනයක් ඇතැයි යන්න වොල්ෆ්ගේ ‍පොතෙන් හෙළි වන තවත් කාරණයක් බව සඳහන්ය. තමාට කිසිවෙකු වස දෙනු ඇතැයි යන බියකින්ද ජනාධිපතිවරයා පසුවන බව එහි සඳහන් යැයි අනාවරණය වෙයි. ඒ නිසා ඔහු තමාගේ පෞද්ගලික භාණ්ඩ බොහොමයක් වෙනත් අය අල්ලනවාට නොකැමැති බවද එහි කියැවේ. එමෙන්ම ට්‍රම්ප්-මෙලනියා යුවළගේ විවාහ ජීවිතය හා සම්බන්ධ යම් යම් කාරණා ගැනද එහි සාකච්ඡා කර ඇති බව සඳහන්ව තිබිණි.

කෙසේ වෙතත් ‍පොතේ ඇතුළත් වන සමහර කරුණුවල සත්‍යතාව සම්බන්ධයෙන් ඇතැමුන් ප්‍රශ්න කර තිබෙනුද මාධ්‍ය තුළ දැකිය හැකි වෙයි. නමුත් මයිකල් වොල්ෆ් සිය ‍පොතෙහි ඇතුළත් කරුණුවල සත්‍යතාව වෙනුවෙන් දඩි ලෙස පෙනී සිටියි. තමුන් කිසි විටෙක වොල්ෆ්ට ධවල මන්දිරයට ඇතුළේ වීමට අවසර නොදුන් බවද, ‍පොත වෙනුවෙන් ඔහු සමග කිසි විටෙක සාකච්ඡා නොකළ බවද මේ අතර ට්‍රම්ප් ප්‍රකාශ කර තිබිණි. වොල්ෆ් මේ කතාවද ප්‍රතික්‍ෂේප කරයි. ඔහු පවසා ඇත්තේ තමා පැය තුනකට ආසන්න කාලයක් ට්‍රම්ප් සමග සාකච්ඡා කළ බව සහ ඒ පිලිබඳ වාර්තා ඇති බවයි. වරක් ජනාධිපතිවරණ මෙහෙයුම පැවැති කාලයේද, තවත් වරක් ට්‍රම්ප්ගේ දිවුරුම් දීමෙන් පසුද ඒ ආකාරයෙන් සාකච්ඡා කළ බව ඔහු පවසා තිබේ.
ඇමෙරිකාවේ ජනාධිපති ධුරය වැනි භාරදූර පදවියක් දැරීම සඳහා සුදුසු මානසික තත්ත්වයක ට්‍රම්ප් නොසිටින බවට වොල්ෆ්ගේ ‍පොතෙන් මතු වන අදහස් සම්බන්ධයෙන් පසුගිය සෙනසුරාදා (06 දා) ට්‍රම්ප් අපූරු ප්‍රතිචාරයක් දක්වා තිබෙනු දැකිය හැකි විය. ‘සත්‍ය වශයෙන්ම මගේ ජීවිතයේ ලොකුම සම්පත් දෙක වූයේ මානසික ස්ථාවර බව සහ දක්ෂ බවයි‘ යනුවෙන් ඔහු පවසා තිබේ. තමා ඉතා සාර්ථක ව්‍යාපාරිකයෙකුගේ සිට ඉහළම පෙළේ රූපවාහිනි තරුවක් බවටද, ඉන්පසු
පළමු වතාවේම ඇමෙරිකාවේ ජනාධිපති බවටද පත්වීමට සමත් වූ බව පවසා ඇති ට්‍රම්ප් ඒ නිසා  දක්ෂයෙකු නොව ප්‍රාඥයෙකු (ඨඥදඪභඵ) වීමටද තමා සුදුස්සෙකු බැව් පවසා ඇත. ‘’නිකම්ම ප්‍රාඥයෙකු නොව ඉතා ස්ථාවර ප්‍රාඥයෙකු....’’ යනුවෙන්ද ඔහු ඊට එකතු කර තිබේ. වොල්ෆ්ගේ ‍පොත හුදෙක් ප්‍රබන්ධයක් බවටත්, වොල්ෆ් යනු වංචනිකයෙකු බවටත් ට්‍රම්ප් චෝදනා කරයි. ‘’මම හොඳම අධ්‍යාපන ආයතනවලට ගිය නිසා ඉතා විශිෂ්ට ශිෂ්‍යයෙකු බවට පත් වුණා. ඉන්පසුව බිලියන පිට බිලියන උපයමින් ඉහළම පෙළේ ව්‍යාපාරිකයෙකු වුණා. රූපවාහිනි ක්‍ෂේත්‍රයට ඇතුළේ වෙමින් විශාල සාර්ථකත්වයක් හිමි කරගත්තා. ඔබ සියලු දෙනාම දන්නා ලෙස ජනාධිපති තරගයට ඉදිරිපත් වී පළමු වතාවේම ජයග්‍රහණය කළා.’ යනුවෙන් ට්‍රම්ප් ප්‍රකාශ කර තිබිණි. මේ ප්‍රකාශ තුළින්, ඔහු මානසික වශයෙන් අස්ථාවර කෙනෙකු බවට වොල්ෆ්ගේ ‍පොතෙන් මතුවන චෝදනා බිඳ දැමීමට ජනාධිපතිවරයා විශාල උත්සාහයක් ගන්නා බව දැකිය හැකි වෙයි.

මේ අතර ‍පොත විසින් කරනු ඇති බලපෑම ගැන කතුවරයා වන වොල්ෆ්ගෙන් මාධ්‍යවේදියෙකු විමසූ විට ඔහු පිළිතුරු දී ඇත්තේ ට්‍රම්ප් පාලනය අවසන් කරන ක්‍රියාදාමයකට එය මුල පුරනු ඇති බවයි.

කෙසේ හෝ වේවා ජ්ඪපඥ චදඤ ජ්භපර පිළිබඳව ඇතිව තිබෙන මෙම උණුසුම් වාද විවාද නිසා එය මේ වනවිට උණුකැවුම් මෙන් විකිණෙන්නට පටන්ගෙන ඇති බව වාර්තා වෙයි. ඇතැම් සමීක්ෂණ අනුව මේ වනවිට ඇමෙරිකාවේ වැඩිම වේගයෙන් අලෙවි වන ‍පොත ලෙස වාර්තා තැබිමට එය සමත්ව සිටියි. ‍පොතට ලැබි ඇති ප්‍රසිද්ධියත්, එයට ට්‍රම්ප් විසින්ම ලබාදෙමින් ඇති අවධානය සහ ‘’වැදගත්කමත්’’ නිසා ඉදිරියේදී මෙය ඔහුට විශාල බලපෑමක් කරනු ඇතැයි බොහෝ දුරට අනුමාන කළ හැකි වෙයි.

කිත්සිරි මල්වත්ත

සීත කාලයේදී බටහිර යුරෝපය හරහා හමායන දරුණු සුළිකුණාටුවකින් මේ වනවිට තිදෙනෙක් මියගොස් ඇති අතර අර්බුදකාරී තත්ත්වයක් නිර්මාණය වී තිබේ. දහස් ගණනකට විදුලිය අහිමි වී ඇති අතර ගුවන් ගමන්වලටද දැඩි ලෙස බාධා ඇති වූ බව වාර්තාවෙයි. මියගිය අයගෙන් දෙදෙනෙක් ස්පාක්ද්ක්දයේ උතුරු ප්‍රදේශයේ පිහිටි බාස්ක් වෙරළේ සිටින විට විශාල මුහුදු රළකට හසුව ගසාගෙන ගොස් තිබුණු අතර ප්‍රංශ ඇල්ප්ස්හි හිම ක්‍රීඩාවෙහි යෙදී සිටිය අයෙකු මත ගසක් කඩාවැටීමෙන් ඔහු මියගොස් තිබේ.
පළමු වතාවට නෙදර්ලන්තය තම රට අවට මුහුදු බාධක පහම වසා  දමන්නට පියවර ගත් අතර ඉන් දෙකක් පසුව විවර කෙරිණි. ගුවන්ගමන් රැසක් අවලංගු කෙරුණු ඇම්ස්ටර්ඩෑම් ගුවන් තොටුපළේ පැයකට කිලෝමීටර් 110ක වේගයෙන් සුළං හමායන බව වාර්තා විය.

සී.එන්.එන්.

කොරියානු කලාපය තුළ යුද්ධයක් ඇති වේවිද යන්න දැන් ටික කාලයක සිටම යම් ආතතියක් ඇති කරන්නට සමත්ව ඇති කාරණාවකි. මෙයට ප්‍රධානම හේතුව වූයේ උතුරු කොරියාව ක්‍රියාවට නගමින් සිටින ඔවුන්ගේ න්‍යෂ්ටික මිසයිල 
වැඩපිළිවෙළත්, ඊට එරෙහිව ඇමෙරිකාව සහ ඇමෙරිකාවේ මිතුරන් වන දකුණු කොරියාව, ජපානය වැනි පාර්ශ්ව දක්වන විරුද්ධත්වයත්ය. මේ නිසා උණුසුම් ගැටුම්කාරී තත්ත්වයක් වැඩිදියුණු වෙමින් පැවැති අතර උතුරු කොරියාව ඇමෙරිකාවට පහර දිය හැකි දිගු දුර මිසයිල පවා අත්හදා බලන්නට පටන් ගැනීමත් සමග තත්ත්වය වඩාත් දරුණු අතට හැරෙන්නට  ගත්තේය. යම් විදියකින් මෙම තත්ත්වය දුර දිග ගොස් යුද්ධයක් ඇති වූවා නම් ඇමෙරිකාව පමණක් නොව ඇමෙරිකාවේ මිතුරෙකු වන දකුණු කොරියාව ද උතුරු කොරියාවේ ප්‍රධාන ඉලක්කයක් බවට පත්වීමටත්,  කොරියානු කලාපයම එකම යුද පිටියක් බවට පත්වීමටත් ලොකු ඉඩක්  තිබිණි.
කෙසේ නමුත් නව වසරේ උදාවත් සමග ඇති වූයේ බොහෝදෙනෙකු බලා‍පොරොත්තු නොවූ ආකාරයේ සිදුවීමකි. එනම් මේ වනවිට මුළු ලෝකයේම අවධානය දිනාගෙන සිටින, ඇතැමුන් ඉතා දැඩි සහ හිතුවක්කාර පාලකයෙකු ලෙස හඳුනාගන්නා උතුරු කොරියාවේ නායක කිම් ජොංග්-උන් සිය දකුණු කොරියානු අසල්වැසියා සමග සාකච්ඡා මාර්ගයට පිවිසීමට තමා සූදානම් බව ප්‍රකාශයට පත් කිරීමයි. ඔහු මේ බැව් පවසා සිටියේ ජනවාරි 1 වෙනි දින ජාතිය අමතමින් සිය අලුත් අවුරුදු කතාව කරමිනි. ‘2018 වසර උතුරු කොරියාවටත්, දකුණු කොරියාවටත් විශේෂ වසරක්’ බව ඔහු සඳහන් කළේය. ‘උතුරු කොරියාව සිය 70 වෙනි සංවත්සරය සමරන අතර දකුණු කොරියාව ශීත සෘතු ඔලිම්පික් (Winter Olympics) උළෙල පවත්වයි. උතුරු සහ දකුණු කොරියාවන් අතර ගල්ගැසී ඇති සබඳතා නැවත පණ ගැන්වීමට අප කටයුතු කළ යුතුයි. එමගින් මේ අරුත්බර වසර අප ජාතීන්ගේ ඉතිහාසයේ විශේෂයෙන් සටහන් වන වසරක් බවට පත් කළ යුතුයි.’ කිම් ජොංග්-උන් ප්‍රකාශ කළේය. එපමණක් නොව ලබන පෙබරවාරි මාසයේ දකුණු කොරියාවේ පැවැත්වෙන ශීත සෘතු ඔලිම්පික් තරගාවලිය සඳහා තම රටේ ක්‍රීඩක ක්‍රීඩිකාවන් සහභාගි කරවීම සම්බන්ධයෙන් සලකා බැලීමට සූදානම් බවක්ද ඔහු තව දුරටත් පවසා සිටියේය. ‘මෙම ඔලිම්පික් තරගාවලිය සඳහා උතුරු කොරියාව සහභාගි වීම ජනතාවගේ සමගිය පෙන්වීමට අගනා අවස්ථාවක් වනු ඇති අතර තරගාවලිය සාර්ථක වේවායිද අපි ප්‍රාර්ථනා කරමු’ කිම් ජොංග්-උන් සඳහන් කළේය. උතුරේ සහ දකුණේ නිලධාරීන්ට ඉක්මනින් මුණගැසී මේ සම්බන්ධයෙන් සාකච්ඡා කිරීමට හැකියාව ඇති බවද ඔහු පවසා තිබිණි.
මේ අතර දකුණු කොරියානු ජනාධිපති මූන් ජේ-ඉන් ද සිය අසල්වැසියාගේ මෙම අලුත් සූදානම නිසා සතුටට පත්ව ඇති බව පෙනෙන අතර ඒ සම්බන්ධයෙන් ඉතා යහපත් ප්‍රතිචාරයක් දක්වා තිබේ. ඔහු පවසා ඇත්තේ මෙය දෙරට අතර සබඳතා වැඩි දියුණු කර ගැනීමට ලැබෙන තීරණාත්මක අවස්ථාවක් බවයි. උතුරු කොරියාවේ ක්‍රීඩක ක්‍රීඩිකාවන්ගේ සහභාගිත්වය වෙනුවෙන් ඉක්මනින් කටයුතු යොදන ලෙස ඔහු සිය නිලධාරීන්ට දැනුම් දී ඇත. උතුරු කොරියාව ඔලිම්පික් තරගාවලියට සහභාගි වීමට සූදානම් බව පැවසීම මහත් සතුට දනවන කාරණයක් බව එම ඔලිම්පික් සංවිධාන කමිටුවේ  සභාපති ලී හී-බියොම් ද මාධ්‍ය වෙත සඳහන් කර තිබිණි. තම කමිටුව ඉතා උදේ‍යා්ගයෙන් යුතුව මෙම යෝජනාව බාර ගන්නා බවත්, එය අලුත් අවුරුදු තෑග්ගක් වැනි බවත් ඔහු තවදුරටත් පවසා තිබේ.
මතෛක් කලක් දකුණු කොරියාව දැඩි සතුරෙකු ලෙසත්, ඇමෙරිකාවේ මිතුරෙකු ලෙසත් සලකමින් විවිධ වාග් ප්‍රහාර ආදිය එල්ල කරමින් සිටි උතුරු කොරියාවේ නායකයා මේ ආකාරයෙන් සාකච්ඡාමය මාර්ගයක් පිළිබඳ යෝජනා කරන්නට ඇත්තේ මන්ද යන්න සම්බන්ධයෙන් විවිධ අර්ථකථන ඉදිරිපත් වෙයි. මේ හරහා කිම් ජොංග්-උන් ඉතා ශූර උපාය මාර්ගික ක්‍රියාමාර්ගයක් දියත් කර ඇති බව එක් අදහසකි.  දකුණු කොරියාව සමග සාමයක් ඇති කර ගැනීම හරහා ඔහු මේ වනවිට දකුණු කොරියාව සහ ඇමෙරිකාව අතර ඇති සම්බන්ධය දුරස් කිරීමට වෑයම් කරනවා විය හැකි බව ඇතැම් නිරීක්ෂකයින්ගේ විශ්වාසය වී තිබේ. උතුරු කොරියාව තම සමීපම අසල්වැසියා වීමත්, එහි යුද ශක්තිය දිනෙන් දින ඉහළ යමින් තිබිමත්, කලාපයේ බලවතා වන චීනය උතුරු කොරියාවට හිතවත් ස්ථාවරයක පසුවීමත්, චීනය දකුණු කොරියාවට ද විශාල වශයෙන් අවශ්‍ය වන පාර්ශ්වයක් වීමත් ආදී කාරණා නිසා දකුණු කොරියාවට උතුරු කොරියාව සමග සම්බන්ධතා නැවත ඇති කර ගැනීම වැදගත් කාරණාවකි. කිම් ජොංග්-උන් සාම වෑයමක් සඳහා අත දිගු කරන්නේ මෙම යථාර්ථය දන්නා නිසාත්, දකුණු කොරියාව නිසැකවම සාකච්ඡා සඳහා එකඟ වන බව විශ්වාස කරන නිසාත් විය හැකිය. ඒ හරහා ඇමෙරිකාවට සිටින ප්‍රබල දකුණු කොරියානු මිතුරා ඔවුන්ගෙන් ඈත් කිරීම කිම් ජොන්-උන්ගේ අරමුණ විය හැකි බව මෙහිදී පළවන එක් මතයක් වී තිබේ.
අනික් අතට ඇමෙරිකාවේ ප්‍රමූඛත්වයෙන් එක්සත් ජාතීන්ගේ ආරක්ෂක මණ්ඩලය හරහා දිගින් දිගටම උතුරු කොරියාවට එරෙහිව දරුණු සම්බාධක ඉදිරිපත් වීම නිසාත්, මෙම සම්බාධකවලට චීනය, රුසියාව වැනි පාර්ශ්වවල පවා එකඟතාව පළවෙමින් තිබිම නිසාත් උතුරු කොරියාවට යම් පීඩනයක් දැනෙන්නට පටන්ගෙන ඇති බව තවත් මතයකි. කිම් ජොංග්-උන් දැන් සාකච්ඡා සඳහා වැඩි සූදානමක් පෙන්නුම් කරන්නේ මෙම තත්ත්වය නිසා බව මෙහිදී පෙන්වා දෙනු ලැබේ.
කෙසේ හෝ වේවා, දකුණු කොරියානු ජනාධිපතිවරයා සිය කැබිනට් මණ්ඩලය සමග මේ පිළිබඳ විශේෂ සාකච්ඡාවක් පවත්වා ඇති අතර ලබන සතියේ උතුරු කොරියාවේ ඉහළ පෙ‍ලේ නියෝජිත කණ්ඩායමක් සමග දේශ සීමාව ආසන්න ස්ථානයකදී සාකච්ඡා පැවැත්වීමට තීරණය කර ඇති බව මාධ්‍ය වාර්තා කර තිබිණි. උතුරු කොරියාව සමග සාකච්ඡා කිරීමට නම් ඔවුන් සිය න්‍යෂ්ටික වැඩපිළිවෙළ නතර කිරීම සම්බන්ධයෙන්ද සාකච්ඡා කිරීමට එකඟ විය යුතු බව විශේෂයෙන් ඇමෙරිකාව නිතර කියා සිටින කතාවකි. නමුත් උතුරු කොරියාව කිසි ලෙසකින්වත් එම වැඩපිළිවෙළ අත්හැරීමට සූදානම් නැත. නමුත් මෙවර පැවැත්වෙන සාකච්ඡාවලදී මේ සම්බන්ධයෙන්ද සාකච්ඡා කිරීමට අපේක්ෂා කරන බව දකුණු කොරියානු ජනාධිපති මූන් ජේ-ඉන් පවසා තිබිණි.
දකුණු කොරියාව සම්බන්ධයෙන් මිත්‍රශීලී ආකල්පයකින් කිම් ජොංග්-උන් කතා කර තිබුණද ඇමෙරිකාව සම්බන්ධයෙන් නම් ඔහු කිසිසේත් එවැනි ආකල්පයක් දක්වා තිබුණේ නැත. සම්පූර්ණ ඇමෙරිකාවම හසු කර ගත හැකි න්‍යෂ්ටික අවි දැන් තමුන් සතු බවත්, මේවා ක්‍රියාත්මක කරන ‘න්‍යෂ්ටික බොත්තම’ නිතර තමුන්ගේ මේසය මත තිබෙන බවත් ඔහු පවසා තිබිණි. මෙයට ප්‍රතිචාර දක්වමින් ඇමෙරිකානු ජනාධිපති ඩොනල්ඩ් ට්‍රම්ප් ද ප්‍රකාශ කර තිබුණේ තමුන් සතුව ද න්‍යෂ්ටික බොත්තමක් ඇති බවත්, එය කිම් ජොංග්-උන් ගේ බොත්තමට වඩා ලොකු සහ බලවත් එකක් බවත් ය. කෙසේ හෝ වේවා ලබන සතියේ උතුරු සහ දකුණු කොරියාවන් අතර පැවැත්වීමට නියමිත සාකච්ඡා සහ ඉන්පසු ඇති වන තත්ත්වයන් කවරාකාර වනු ඇත්ද යන්න ලෝකයම කුතුහලයෙන් යුතුව බලා සිටින කාරණාවක් බවට මේ වනවිට පත්ව තිබේ. 
 
 නිහාල් පීරිස් 

උතුරු කොරියාව ලබන පෙබරවාරි මාසයේ දකුණු කොරියාවේ සෝල් නගරයේ පවත්වන සීත ඔලිඉම්පික් උළෙලට ක්‍රීඩක, ක්‍රීඩිකාවන් කණ්ඩායමක් යවන්නට ඉඩ ඇති බවට පසුගියදා උතුරු කොරියානු නායකයා නව වසර වෙනුවෙන් රූපවාහිනිය හරහා කළ කතාවකදී පැවැසීම සම්බන්ධයෙන් දකුණු කොරියාව තම සතුට පළකොට තිබේ. ජනවාරි නමවැනිදා මේ සම්බන්ධයෙන් ඉහළ මට්ටමින් සාකච්ඡා කිරීමට තමා සූදානම් බවද කියන දකුණු කොරියාව මෙවැනි සාකච්ඡාවක් ඉතා වැදගත් බවද, දෙරට අතර ඇති අර්බුදකාරී තත්ත්වය සමනය කරගැනීමට මෙය වටිනා අවස්ථාවක් බවද පවසා තිබේ. දකුණු කොරියාව සමග සාකච්ඡා කිරීමට තමා නිරතුරු සූදානම් බවද මෙහිදී උතුරු කොරියානු නායකයා කියා තිබිණි.
තම රටේ සියලුම න්‍යෂ්ටික අවි ඇමෙරිකාවට එල්ල වී ඇති බවත්, මෙය යථාර්ථය මිස තර්ජනයක් නොවන බවත් ඔහු වැඩිදුරටත් කියා සිටියේය.ඇමෙරිකාවට කිසිවිටෙකත් යුද්ධයක් ආරම්භ කිරීමට නොහැකි වන ලෙස තම මේසය යට නිරතුරු න්‍යෂ්ටික බෝම්බය පිපිරවීමේ බොත්තම ඇති බව උතුරු කොරියානු නායකයා කියයි. එම තර්ජනයට ප්‍රතිචාර දක්වන මෙන් මාධ්‍යකරුවෝ ඇමෙරිකානු ජනපති ඩොනල්ඩ් ට්‍රම්ප්ගෙන් ඉල්ලා සිටි අවස්ථාවේ ඔහු කියා සිටියේ “අපි බලමුකො” යනුවෙනි.
 
සී.එන්.එන්.

හොලිවුඩයේ සහ වෙනත් වෘත්තීය ස්ථානවලදී කාන්තාවන්ට සිදුවන අතවර වලට විරුද්ධව හඬ නැගීමට හොලිවුඩ් නිළියන් තුන්සියයකට අධික පිරිසක් පෙරමුණක් පිහිටුවාගෙන තිබේ. ටයිම්ස් අප් නමින් හඳුන්වන මෙම ව්‍යාපාරය සම්බන්ධයෙන්ද නිව්යෝර්ක් ටයිම්ස් පුවත්පතේ පිටුවක දැන්වීමක්ද පළකොට තිබුණි.     
කලා ලොව මෙන්ම වෙනත් ස්ථානවලද කාන්තාවන්ට වෙනසක් අවශ්‍ය බවට ලබා දෙන පණිවුඩයක් ලෙස මෙම ව්‍යාපාරය එය පිහිටුවාගත් පිරිස විසින් හඳුන්වා දී තිබේ.
චිත්‍රපට නිෂ්පාදක හාවි වෙයින්ස්ටේන්ට විරුද්ධව හොලිවුඩ් නිළියන් විසින් ගෙනා අතවර චෝදනා සමග ඒ සම්බන්ධයෙන් දැඩි විරෝධයක් පැන නැගිණි.   
 
සී.එන්.එන්.

IMAGE

සංසාර සිහිනයේ ගී සංකල්පනය මම 'ටැබ් එකේ ටයිප් කරපු' එකක්

IMAGE 2018 Feb 21 12:00
සනුක වික්‍රමසිංහ ගායනා කරන “සංසාර සිහිනේ” කලක පටන් බොහෝ ගීත දර්ශකවල පෙරමුණ ගෙන තිබෙන...
Views - 747

මම නාට්‍ය කලාවෙ ඉන්නේ ඒ ගැන තියන 'උණ' නිසයි

IMAGE 2018 Feb 21 11:53
වේදිකාව, පුංචිතිරය සහ සිනමාව යන මාධ්‍ය ත්‍රිත්වයෙහිම සිය ප්‍රතිභාව ප්‍රකට කළ කලාකරුවකුවන...
Views - 357

බිරිඳ රැකියාවක් නොකිරීම මගේ සාර්ථකවයට හේතුවක්

IMAGE 2018 Feb 20 14:38
“සිරස ජූනියර් සුපර් ස්ටාර්..” තරගය ගැන මුලින්ම අප ඔබගෙන් විමසන්න කැමතියි.. ඇත්තෙන්ම “සිරස...
Views - 3464

බිරිඳට පින් තකා සුනඛයන්ට දිනපතා සහල් කිලෝ 08ක දනක්

IMAGE 2018 Feb 20 14:23
මිනිසා තිරිසනුන් වන අවස්ථාත් තිරිසනා මිනිසුන් වන අවස්ථාත් අපට බොහෝ විට දක්නට ලැබුණද...
Views - 1961

ලංකාවේ අන්තිම රජු සැඟවූ නිධානය කෝ?

IMAGE 2018 Feb 19 11:34
මහනුවර රජ කළ රාජාධිරාජසිංහ රජුට බිසෝවරුන් කිහිප දෙනෙක්ම සිටියහ. ඔවුන් අතර අලමේලු අම්මා,...
Views - 3955

රඟපෑමෙන් සමුගත් හේතුව නදීකා කියයි

IMAGE 2018 Feb 19 10:41
“චංචල රේඛා” චිත්‍රපටයේ “දං චූටි” නාඳුනන කෙනෙක් එදා සිනමා ලෝලීන් අතර හිටියේ නැහැ....
Views - 5046

Please publish modules in offcanvas position.