Coss Ear2
lakbima.lk
COSS Ear 1

ඇමෙරිකානු ජනාධිපති ඩොනල්ඩ් ට්‍රම්ප් යනු විවිධ හේතු නිසා නිතර කතාබහට ලක්වන, පුවත් මවන්නෙකු බවට පත්ව සිටින බව අමුතුවෙන් කිව යුත්තක් නොවේ. ඔහුගේ දේශපාලන තීන්දු තීරණ, ඔහුගේ ට්විටර් පණිවිඩ, ඔහු විසින් කරනු ලබන ඇතැම් ප්‍රකාශ ආදී බොහෝ දේ නිතරම සමාජය තුළ දැඩි අවධානයට ලක් වෙමින් විවිධ කැළඹීම්,  ආන්දෝලනයන්, මත ගැටුම් ඇති කරන්නට සමත් වන ආකාරය දැකිය හැකි වෙයි. කෙසේ හෝ වේවා මේ දිනවල ඔහු සම්බන්ධයෙන් කතාබහට ලක්වන එක් කාරණයක් බවට පත්ව තිබෙන්නේ ඔහුගේ සෞඛ්‍යය පිළිබඳ කාරණයයි. මේ ගැන වඩාත් අවධානයට ලක්වන්නට පටන් ගත්තේ ට්‍රම්ප්ගේ මානසික සෞඛ්‍යය සම්බන්ධයෙන් පසුගිය දිනවල විශාල ආන්දෝලනයක් ඇති වීම නිසාය. ඔහු ජනාධිපති පදවිය දැරීමට සුදුසු තරමේ මානසික තත්ත්වයක නොසිටින බවට චෝදනා නැගුණු අතර මයිකල් වොල්ෆ් විසින් ලියන ලද ජ්ඪපඥ චදඤ ජ්භපර නැමැති ‍පොතෙන් කියැවුණු ඇතැම් කාරණා එහි දී විශාල වශයෙන් අවධානයට ලක් විය. ට්‍රම්ප් ජනාධිපතිකම වැනි ධුරයක් දැරීමේදී අවශ්‍ය වන මානසික ස්ථාවර බවින් තොර කෙනෙකුය යන අදහසක් වොල්ෆ්ගේ ‍පොතේ ඇතැම් අනාවරණයන් නිසා ගම්‍ය වන අයුරු දැකිය හැකි විය.

කෙසේ හෝ වේවා, පසුගිය සතියේ නැවතත් ට්‍රම්ප්ගේ සෞඛ්‍යය සම්බන්ධයෙන් මෙන්ම ඔහුගේ ආහාර පුරුදු සහ ජීවන ෙශෙලිය ආදිය  සම්බන්ධයෙන්ද බොහෝ දේ කතාබහට ලක්වීමට පටන් ගත්තේය. ඒ, ඔහු එක්තරා වෛද්‍ය පරීක්ෂණයකට මුහුණ දීම හේතුවෙනි. එය ඇමෙරිකාවේ සෑම ජනාධිපතිවරයෙකුම සෑම වසරකටම වරක් පෙනී සිටිය යුතු පරීක්ෂණයකි. ට්‍රම්ප් ද ඔහුගේ ධුර කාලයේ පළමු වසර අවසන් වෙමින් තිබියදී පසුගිය 12 වෙනි දින පළමු වරට මෙම පරීක්ෂණයට පෙනී සිටියේය. නමුත් මෙම පරීක්ෂණයේ ප්‍රධාන අරමුණ වන්නේ ජනාධිපතිවරයෙකුගේ මානසික සෞඛ්‍යය පරීක්ෂා කිරීම නොව ඔහුගේ  ශාරීරික සෞඛ්‍යය පිළිබඳ පිරික්සා බැලීමයි.

ට්‍රම්ප් මෙම පරීක්ෂණයට පෙනී සිටීමට ආසන්න කාලයේ ඔහුගේ ඇතැම් පුරුදු සම්බන්ධයෙන් අපූරු තොරතුරු නිතර මාධ්‍ය තුළ කතාබහට ලක්වෙනු දැකිය හැකි විය. ඔහු බොහෝ විට තෙල් සහ සීනි අධික ආහාර ගැනීමට ප්‍රිය කරන කෙනෙකු බවත්, ව්‍යායාම කිරීමට ප්‍රියක් නැති, එපමණක් නොව ව්‍යායාමවලට එරෙහි මතයක් ද දරන කෙනෙකු බවත් මෙහිදී සඳහන් වනු දක්නට ලැබිණි. සාමාන්‍යයෙන් අධික කැලරි ප්‍රමාණයක් සහිත යයි පිලිගැනෙන, ක්ෂණික ආහාර (ජ්චඵබ ජ්ධධඤඵ)  යනුවෙන් හැඳින්වෙන ආහාර ගැනීමට මෙන්ම සීනී අධික චොකලට් අඩංගු බිම වර්ග පානය කිරීමටද ට්‍රම්ප් කැමැත්ත දැක් වූ බව වරක් ඔහු ගැන ලියූ ‍ලේඛකයෙකු සඳහන් කර තිබිණි. ට්‍රම්ප්ගේ එබඳු එක් ආහාර වේලක පමණක් කැලරි 2430ක් පමණ අන්තර්ගත වන බවත්, දිනකට පිරිමි පුද්ගලයෙකු ගත යුතු සමස්ත කැලරි ප්‍රමාණය 2500 ක් පමණ වන බවත් පැවැසිණි. මේ ආකාරයේ ආහාර ගැනීමට පුරුදු වීම ට්‍රම්ප්ගේ සෞඛ්‍යයට බලපෑ හැකි කාරණාවක් ලෙස ඒ පිළිබඳ අදහස් දැක් වූ වෛද්‍යවරුන් මාධ්‍ය වෙත පවසා තිබිණි. ට්‍රම්ප්ගේ වයස මේ වනවිට අවුරුදු 71ක් වන අතර ඒ පිළිබඳවද මෙහිදී අවධානයට ලක්විය යුතු බව ඔවුන් සඳහන් කර ඇත. ට්‍රම්ප් ඇමෙරිකාවේ ජනාධිපති ධුරයට පත් වයස්ගතම පුද්ගලයෙකු බවද මෙහිදී අමතක කළ නොහැක.
කෙසේ නමුත් ට්‍රම්ප්ගේ සෞඛ්‍ය පුරුදු අතර ඔහුට වාසිදායක එකක් ලෙස සැලකෙන්නේ ඔහු දුම් පානයෙන් සහ මත්පැන් පානයෙන් සහමුලින්ම වැළකී සිටින කෙනෙකු වීමයි. දුම් පානය කරන්නන් දෙස බලා සිටින විට තමාට අපුලක් දැනෙන බව ද,  මත්පැන් පානය නොකිරීමට පෙළඹුණේ  තදින් ඊට ඇබ්බැහිව සිටි සිය සොහොයුරා ෆෙඩී 43 වැනි වියේදී මිය යාමෙන් පසුව බව ද ට්‍රම්ප් වරක් ප්‍රකාශ කර තිබිණි. ට්‍රම්ප් ජීවිතයේ කවදාවත් දුම්පානය හෝ මත්පැන් පානය කර නොමැති බව සඳහන් වේ.

නමුත් ඔහුට අවාසිදායක ප්‍රධාන කාරණයක් ලෙස සැලකෙන්නේ ව්‍යායාම කිරීම පිළිබඳව දක්වන සෘන ආකල්පයයි. ඔහු එය වැදගත් කටයුත්තක් ලෙස සලකන බවක් නොපෙනේ. වුවමනාවට වඩා ව්‍යායාම කිරීමට පුරුදුව සිටි ඔහුගේ මිතුරන් බොහෝ දෙනෙකු දණහිස්වල සහ උකු‍ලේ ආබාධවලට ලක්ව සැත්කම්වලට භාජනය කෙරුණු බව ඔහු වරක් පුවත්පතකට පවසා තිබිණි. දේශපාලන රැස්වීම් සඳහා යාම සහ ඒවායේදී පැය ගණන් සිටගෙන සිටීම ව්‍යායාම කිරීම හා සමාන කටයුත්තක්ය යන්න ට්‍රම්ප්ගේ අදහසයි. ඔහුගේ සෞඛ්‍ය පුරුදු අතර අවධානයට ලක් වන තවත් කාරණාවක් වන්නේ  නින්දයි. තමා සාමාන්‍යයෙන් නිදාගන්නේ දිනකට පැය 4 ත්, 5ත් අතර කාලයක් බව වරක් ඔහු පැවැසුවේය. නමුත් සෞඛ්‍ය සම්පන්න දිවියක් සඳහා  දිනකට පැය හතක අටක නින්දක් අවශ්‍ය බව සාමාන්‍ය පිළිිගැනීමයි. නමුත් ට්‍රම්ප් වරක් හඟවා තිබුණේ වැඩි වේලාවක් නිදාගන්නට පුරුදු වුවහොත් මේ තරගකාරී සමාජයේ ඉදිරියට යාමට නොහැකි බවයි. දිනකට පැය දහයක් දොළහක් නිදාගන්නා පුද්ගලයෙකුට පැය තුන හතරක් නිදාගන්නා පුද්ගලයෙකු සමග තරගයක් දීමට අපහසු නොවේදැයි 2009 වසරේ එක්තරා සම්මුඛ සාකච්ඡාවකදී  ඔහු විමසා තිබිණි.  තමාගේ සාර්ථකත්වයට හේතුව නිදාගන්නා කාලය අඩුවීම බව ඔහු විශ්වාස කරන බව පෙනේ.

කෙසේ වෙතත් ට්‍රම්ප් විෂබිජ සම්බන්ධයෙන් නම් ලොකු බියක් දක්වන කෙනෙකු බවද අනාවරණය වෙයි. තමා නිතර පාවිච්චි කරන පෞද්ගලික භාණ්ඩ  පිටස්තර අයට ඇල්ලීමට පවා ඔහු ඉඩ නොදෙන බව සඳහන් වේ. වරක් බිම වැටී තිබූ ඔහුගේ කමිසයක් අහුලා තැබිමට ගිය ධවල මන්දිරයේ සේවකයෙකුට ඔහු දොස් පවරා ඇති බවද පැවැසේ. එසේම කිසිවෙකු තමාට වස දෙනු ඇතැයි යන බියකින් ඔහු පෙළෙන බවද ට්‍රම්ප් පිළිබඳ ලියැවුණු සමහර ‍ලේඛනවල සඳහන්ව තිබේ. ඔහු ක්ෂණික ආහාර සපයන ආයතනවලින් ආහාර ගන්නේ ද එම බිය නිසා බව වොල්ෆ්ගේ ජ්ඪපඥ චදඤ ජ්භපර ‍පොතේ ද සඳහන්ව තිබේ.

කෙසේ හෝ වේවා, පසුගිය 12 වෙනි දින ට්‍රම්ප්ගේ සෞඛ්‍ය තත්ත්වය සම්බන්ධයෙන් පවත්වන ලද වෛද්‍ය පරීක්ෂණයේ දී හෙළි වී ඇත්තේ ඔහු ඉතාම හොඳ සෞඛ්‍ය තත්ත්වයෙන් පසුවන බවයි. විශේෂයෙන් ඔහුගේ සෞඛ්‍ය පුරුදු හා සසඳා බලන විට මෙය ඉතා හොඳ ප්‍රතිඵලයක් බව  වෛද්‍යවරුන් සඳහන් කර තිබේ. නමුත් කැලරි ප්‍රමාණයෙන් අඩු ආහාර ගැනීමටත්, වැඩි වශයෙන් ව්‍යායාමවල යෙදීමටත් ඔහු යොමු වුවහොත් එය මෙම තත්ත්වය තවත් වැඩි දියුණු කිරීමට හේතු වනු ඇති බව ඔවුන් පවසා තිබිණි.

ට්‍රම්ප්ගේ ඥානන හැකියාවන් (cognitive abilities) සම්බන්ධයෙන්ද මෙහිදී පරීක්ෂණ සිදු කර තිබේ. එහිදී මතක ශක්තිය, අවධානය යොමු කිරීමේ හැකියාව, ගණනය කිරීමේ හැකියාව, සංකල්පනයේ හැකියාව ආදිය ගැන සොයා බලනු ලැබේ. ට්‍රම්ප්ගේ පියා වන ෆේ‍රඩ්රික් ට්‍රම්ප් වයස අසූ ගණන්වලදී අල්ෂයිමර්ස් රෝගයට  ගොදුරු විය. මේ නිසා ට්‍රම්ප්ගේ ද මතක ශක්තිය ආදී ඉහත කී කාරණා ගැන විශේෂයෙන් පිරික්සා බැලෙන බව සඳහන් වේ. නමුත් මෙම පරීක්ෂණයෙන්ද ඔහු හොඳින් සමත්ව ඇති බව මාධ්‍ය අනාවරණය කර තිබිණි.

කිත්සිරි මල්වත්ත

රජිනිකාන්ත් සහ කමල් හසන් දෙමළ සිනමාවේ දැවැන්ත චරිත දෙකක් බව අමුතුවෙන් කිව යුත්තක් නොවේ. ඔවුන් ගේ චිත්‍රපටයක් තිරගත වන සෑම අවස්ථාවකම රසික රසිකාවන් ඒවා නරඹන්නට ‍පොදිකමින් දිව එන අතර රජිනි සහ කමල් දෙදෙනාම දෙමළ සිනමාවේ වැඩිම ආදායම් උපයන නළුවන් දෙපළක් බවද නොරහසකි. එමෙන්ම සිනමාව තුළ සිය ප්‍රතිරූපය පවත්වා ගැනීම සඳහා ඔවුන් අතර නිරන්තරයෙන් තරගයක් තිබූ බවද සඳහන් කළ හැකිය. රජිනි සහ කමල් හසන් අතර සිනමා තිරයේ පැවැති මෙම තරගය දැන් දේශපාලන කරළියටද සේන්දු වී ඇති අතර එයට හේතුව වන්නේ මේ දෙදෙනාම දේශපාලන ‍පොර පිටිය වෙත අවතීර්ණ වෙමින් සිටීමයි. එය මේ දිනවල තමිල්නාඩුව තුළ කතාබහට ලක්වන ප්‍රධානම මාතෘකාවක් බවට  පත්ව ඇති අයුරු දැකිය හැකි වෙයි. තමුන් දේශපාලනයට පිවිසෙන බව මේ සුපිරි නළුවන් දෙදෙනාම මේ වනවිට ප්‍රකාශයට පත් කර තිබේ. ඒ අතර රජිනිකාන්ත් පසුගිය දිනෙක එය නිල වශයෙන්ම ප්‍රකාශයට පත් කරමින් තමුන් නව පක්ෂයක් පිහිටුවන බවද සඳහන් කළේය. නමුත් කමල් හසන් තවම එවැනි නිල ප්‍රකාශයක් සිදු කර නැතත් ළඟදීම ඔහුද සිය පක්ෂය පිළිබඳව නිවේදනය කරනු ඇතැයි යන්න බොහෝ දෙනාගේ විශ්වාසයයි. පක්ෂය පිහිටුවීම මදක් ප්‍රමාද වන්නේ කිසිදු අඩුපාඩුවකින් තොරව එය කිරීමට වුවමනා නිසා බව ඔහු සඳහන් කර තිබිණි. 
දේශපාලන කරළියේ ඔවුන් දෙදෙනා තරග කරන්නට සූදානම් වෙද්දී සිනමාවේ ඔවුන් දෙදෙනා සම්බන්ධ අපූරු කතන්දර ද මේ දිනවල ඉන්දීය මාධ්‍ය තුළ නිතර සංසරණය වනු දක්නට ලැබේ. තමාට සිනමාවේ  තරගකාරයෙකු ඇති වූ බව  රජිනි සිනමාවට ආ මුල් දිනවලම තමාට දැනුණේ යැයි මෑතක කමල් හසන් පවසා තිබිණි. ඒ හා බැඳුණු අපූරු කතාවක් පසුගිය සතියේ ඉන්දීය පුවත්පතක පළවිය. මේ දෙදෙනාගෙන් වඩාත් ‍‍‍ජ්‍යෙෂ්ඨ නළුවා වන්නේ කමල් හසන්ය. ඔහු රජිනිට වඩා අවුරුදු හතරක්  වයසින් බාල වුවද සිනමාවට පිවිසුණේ රජිනිකාන්ත්ට කලිනි. රජිනි සිනමාවට එද්දී කමල් එහි යම් ස්ථාවරයක් ගොඩ නගාගෙන සිටියේය.  මේ දෙදෙනාගේම සිනමා ගමනට පදනම දැමූ සිනමා අධ්‍යක්ෂවරයා වූයේ කේ. බාලචන්දර්ය. රජිනි මදුරාසි සිනමා පාස‍ලේ සිට රඟපෑමට අවස්ථාවක් සොයමින් පළමු වරට බාලචන්දර් හමුවීමට පැමිණි අවස්ථාවේ කමල්ද එම ස්ථානයේ සිටි බව සඳහන් වෙයි. රජිනි බාලචන්දර්ගේ ඊළඟ චිත්‍රපටයේ කැපී පෙනෙන චරිතයක් හිමි කරගනු ඇතැයි යන යම් බියක් එම අවස්ථාවේ තමා තුළ ඇති වී යැයි කමල් පවසා තිබිණි. ‘බාලචන්දර් සර් ඔහුගේ ඊළඟ චිත්‍රපටය සඳහා නළුවන් පරීක්ෂණයට භාජනය කරන බව මට දැනගන්න ලැබුණා. තවත් කව්රු හරි හොඳ චරිතයක් හිමි කරගනු ඇත්දැයි මම ටිකක් කල්පනාකාරී වුණා. මම සර්ගේ කන්තෝරුව වෙත ගියාම දැනගන්න ලැබුණා සිනමා පාසල්වලින් කිහිප දෙනෙක් ඇවිත් ඉන්න බව. පූනේ හි සිනමා පාසලෙන් ආ කෙනෙකුත් එතැන සිටියා. නමුත් කිසියම් හේතුවක් නිසා ඔහුට බාලචන්දර් සර් තුළ 
ආකර්ෂණයක් ඇති කරන්න පුළුවන් වුණේ නැහැ’ කමල් මෑතක එක්තරා සිනමා උත්සවයකදී පවසා තිබිණි.
‘එතැන තවත් කෙනෙක් හිටියා. මම ඇහුවා ඔහුත් පූනේ සිනමා පාසලෙන්ද කියලා. සර්ගේ කාමරයට ඇතුල් වෙන්න කලින් ඔහු මට කිව්වා ඔහු මදුරාසි සිනමා පාසලෙන් කියලා. ඔහු තමයි රජිනිකාන්ත්’ කමල් හසන් රජිනි දුටු පළමු අවස්ථාව එයයි. ‘බාලචන්දර් සර් ඔහුට කැමති වුණා. චිත්‍රපටයේ හොඳ චරිතය ඔහුට යාවි දැයි මම ටිකක් කනගාටු වුණා’ කමල් තවදුරටත් කියා තිබිණි. ඔහු මේ ගැන සිත කළබල කරගත් නිසා කමල්ගේ සිත සනසන්නට බාලචන්දර්ට සිදු වූ බවද සඳහන් වෙයි. ප්‍රධාන චරිතය ලැබෙන්නේ කමල්ට බවත්, රජිනි රඟපාන්නේ සුළු චරිතයක් බවත් පවසමින් ඔහු කමල්ගේ සිත අස්වසා තිබේ. ඉදිරියේදී රජිනි තමාට ලොකු තරගයක් දෙනු ඇති බව ඔහු දුටු මුල් අවස්ථාවේම කමල් දැනගන්නට ඇතැයි මෙම කතාව ඇසූ සමහරුන් පවසා තිබිණි. කෙසේ වෙතත් මුල් කාලයේ කමල් ප්‍රධාන චරිතය රඟපාද්දී රජිනි රඟපෑවේ ඔහුගේ සහායකයාගේ චරිතය හෝ දුෂ්ටයාගේ චරිතයයි. රජිනි ඔහුගේ රංගන ජීවිතය ආරම්භ කළේ බාලචන්දර් අධ්‍යක්ෂණය කළ ‘අපූර්ව රාගන්ගල්’ චිත්‍රපටයෙනි. ඒ 1975 වසරේ ය. රජිනිගේ නියම නම ෂිවාජි රාඕ ගයික්වාඩ් වූ අතර ඔහුට රජිනිකාන්ත් යන නම දුන්නේ ද බාලචන්දර් බව කියැවේ. කමල් සිනමාවට පිවිස තිබුණේ 1970 පමණය.
ඉහත කතාවේ ඉතිරි කොටස පසුගිය දිනෙක රජිනි විසින් අනාවරණය කරනු ලැබ තිබිණි. බාලචන්දර්ගේ කාමරය තුළට ගිය පසු රජිනි තමාට දෙමළ කතා කිරීමට බැරි බව බාලචන්දර් සමග කියා තිබේ. එවිට බාලචන්දර් පවසා ඇත්තේ එසේ නම් කන්නඩ බසින් යම් රඟපෑමක් කරන ලෙසය. ‘මම ඒ විදියට රඟපාල පෙන්නුවා. ඊට පස්සේ ඔහු බර කල්පනාවකට වැටුණා. මගේ හිත නොසන්සුන් වුණා. මට හිතුණේ ඔහු මගේ රඟපෑමට කැමති වෙන්න නැතුව ඇති කියලයි. මට බණියි කියලත් හිතුණා. ඒත් ටික වෙලාවකට පස්සේ ඔහු කතා කරල කිව්ව ඔහුගෙ ඊළඟ චිත්‍රපට තුනටම මාව තෝරගන්නව කියල. මාව ඉහළම තලයකට ගෙන යන බවත් ඔහු එදා මට කිව්වා’ රජිනි පවසා තිබිණි. කමල් සහ රජිනි ඉන්පසු ටික කලක් එකම චිත්‍රපටවල රඟපෑහ. පසුව ඔවුන් එයින් මිදී, වෙන වෙනම චිත්‍රපටවල රඟපාන්නට පටන් ගත්තත් කවදත් ඔවුන් අතර දැඩි මිත්‍රත්වයක් පැවැති බව සඳහන් වෙයි.
ඔවුන් දෙදෙනාගේ මෙම දැඩි මිත්‍රත්වය මෙන්ම ඔවුන් සතු දැවැන්ත ප්‍රතිරූප සහ ජනතා ආකර්ෂණයද නිසා ඉදිරියේදී මෙම දෙපළ තමිල්නාඩු දේශපාලනය තුළ විශාල බලපෑමක් කිරීමට සමත් වනු ඇතැයි යන විශ්වාසය බොහෝ දෙනා තුළ තිබෙන බව පෙනේ. 2016 වසරේ සිදු වූ ජයලලිතාගේ අභාවයෙන් පසු එම ප්‍රාන්තය තුළ පවතින නායකත්ව අර්බුදය විසඳීමට ඔවුන් දෙදෙනා සමත් වනු ඇතැයි බොහෝ දුරට අපේක්ෂා කළ හැකිය. දේශපාලනය තුළ ඔවුන්ගේ අරමුණුද බොහෝ දුරට සමපාත වන බවක් දැනට දක්නට තිබේ. දෙදෙනාම පවසන්නේ තමිල්නාඩුව තුළ පවතින වංචා දූෂණවලින් පිරි, ජරාජීර්ණ දේශපාලන සංස්කෘතිය කණපිට හරවා සුද්ධ කිරීම සිය අපේක්ෂාව බවයි. 
අරමුණු අතින් සමාන වුවද ඔවුන් දෙදෙනාගේ ගමන් මාර්ගවල යම් යම් වෙනස්කම් ඇති බවද මෙහිදී අමතක කළ හැකි නොවේ. නිදසුනක් ලෙස රජිනි අගමැති නරේන්ද්‍ර මෝදි ගේ භාරතීය ජනතා පක්ෂයට වඩාත් සමීප බවක් පැවැසෙන අතර ඔහු එම පක්ෂයේ ඉත්තෙකු බවටද කලෙක සිට අදහස් මතු වෙමින් තිබේ. අගමැති මෝදි කිහිපවරක්ම ඔහු හමු වී කතා බහ කිරීමද මෙම සැකය තීව්‍ර කිරීමට දායක වී තිබිණි. අනික් අතට කමල් භාරතීය ජනතා පක්ෂයේ දර්ශනයට, ප්‍රතිපත්තිවලට එතරම් කැමැත්තක් දක්වන බවක් නොපෙනේ.  මේ අතර, භාරතීය ජනතා පක්ෂයේ ප්‍රතිවාදියා වන ඉන්දීය කොංග්‍රස් පක්ෂයේ වත්මන් නායක රහුල් ගාන්ධි කමල් හසන් සිය පක්ෂයේ තමිල්නාඩු සභාපතිවරයා කිරීමට කැමැත්තෙන් සිටින බවට මෙයට ටික කලකට පෙර යම් යම් ආරංචි පැතිරිණි.  එමෙන්ම රහුල් මෙයට ටික දිනකට පෙර කොංග්‍රස් පක්ෂයේ නායකත්වයට පත් වූ අවස්ථාවේ කමල් ඔහුට සුබ පතමින් පණිවුඩයක්ද නිකුත් කර තිබිණි. රජිනි සහ කමල්  දෙදෙනා ඉදිරියේදී වෙනම පක්ෂ දෙකක් පිහිටුවුවත් ඔවුන් ප්‍රධාන ජාතික පක්ෂ වන භාරතීය ජනතා පක්ෂයට සහ කොංග්‍රස් පක්ෂයට සහය දක්වනු ඇත්ද යන සාධාරණ සැකයක්ද මතුවීම වැළකිය හැකි නොවේ. මෙම ජාතික පක්ෂ දැන් කාලයක් තිස්සේම සිටින්නේ තමිල්නාඩුව තුළ පදනමක් ඇති කරගැනීමට නොහැකිවය. එහි කවදත් බලය මාරු වූයේ ජයලලිතා නායකත්වය දැරූ ඕල් ඉන්ඩියා අන්නා ද්‍රවිඩ මුන්නේත්‍ර කසාගම් සහ කරුණානිධි නායකත්වය දරන ද්‍රවිඩ මුන්නේත්‍ර කසාගම් පක්ෂය අතරය. මෙම තත්ත්වය තුළ ඉහත කී ජාතික පක්ෂ රජිනි සහ කමල් හරහා තමිල්නාඩුව තුළ යම් බලයක් ගොඩනගා ගැනීමට සැලසුම් කරනවාද යන්නද සැක සහිතය. 
 
කිත්සිරි මල්වත්ත

උතුරු කැලිෆෝනියාවේ නායයාමකින් මියගිය පිරිස දාඵහතක් දක්වා ඉහළ ගොස් ඇති අතර අතුරුදහන්ව සිටින අනෙක් අය සොයා මෙහෙයුමක් දියත් කොට තිබේ. පසුගිය මාසයේ ලැව්ගිනිවලින් පීිඩාවිදි මෙම සැන්ටා බාබරා ප්‍රදේශයේ සිදු වූ නායයාමෙන් තුවාල ලැබූ පිරිස විසිඅටකි. නිවාස සියයක් පමණ ‍පොළොවට සමතලාවී ඇති අතර තවත් නිවාස තුන්සියයකට පමණ හානි සිදුව තිබේ.

එක් සහන සේවකයෙක් කඳුඵ පිරී දෑසින් මාධ්‍ය වෙත පවසා සිටියේ නාය ගිය තැන තිබි මඩ තැවරුනු බෝනික්කෙක් මෙන් තමා පිටතට ගත්තේ කුඩා දැරියක බවයි. වයස අවුරුදු දෙකක් පමණ වූ මෙම දැරිය වහා රෝහලට පිටත්කර යැවු බවද, ඇගේ උකුලට හානි සිදුව තිබූ බවද වාර්තා විය.

සී.එන්.එන්.

මේවනවිට ජර්මනිය සහ එහි චාන්සලර්වරිය වන ඇන්ජෙලා මර්කල් මුහුණ දී සිටින දේශපාලන අර්බුදය යුරෝපය සම්බන්ධයෙන් වඩාත්ම කතාබහට ලක්වන කාරණාවක් බවට පත්ව තිබේ. 2005 සිට වසර 12 ක කාලයක් අඛණ්ඩව ජර්මනිය පාලනය කළ මර්කල්ගේ ජනප්‍රියත්වය කමෛන් බිඳ වැටෙමින් ඇති බව දක්නට ඇති අතර ඇයට තව වැඩි කලක් බලය රැකගෙන සිටිය හැකි වේවිද යන්න ගැන බරපතළ සැක සංකා මතුවෙමින් ඇති අන්දම දැකිය හැකි වෙයි. ජර්මනියේ පසුගිය මහා මැතිවරණය පවත්වා දැන් මාස තුනකට ආසන්න කාලයක් ගත වූ පසුවත් තවමත් ආණ්ඩුවක් පිහිටුවීමට නොහැකි තත්ත්වයක් මතුව තිබිම මෙම අර්බුදය වඩාත් බරපතළ කිරීමට හේතු වී තිබේ.

ජර්මන් මැතිවරණය පැවැත්වුණේ පසුගිය සැප්තැම්බර් මාසයේය. නමුත් ආසන 709 කින් සමන්විත වූ මෙවර පාර්ලිමේන්තුවේ බහුතරයක් දිනාගන්නට කිසිදු පක්ෂයකට හැකියාව ලැබුණේ නැත.  මැතිවරණයට කලින් ජර්මනිය පාලනය කරමින් සිටියේ මර්කල් නායකත්වය දැරූ සන්ධානයක් විසිනි. ක්‍රිස්තියානි ප්‍රජාතන්ත්‍රවාදී සංගමය (Christian Democratic Union) සහ ක්‍රිස්තියානි සමාජ සංගමය (Christian Social Union) මෙම සන්ධානයට ඇතුළත් විය. නමුත් මෙම පාර්ශ්වයට  සැප්තැම්බර් මැතිවරණයේදී දිනාගන්නට හැකි වූයේ ආසන 246 ක් පමණි. ආණ්ඩුවක් පිහිටුවීමට නම් අවම වශයෙන්  ආසන 355 ක් දිනාගත යුතුව තිබිණි. මෙයට කලින් 2013 වසරේ පැවති මැතිවරණයෙන් මර්කල් ගේ මෙම සන්ධානයට ආසන 311 ක් දිනාගැනීමට හැකිව තිබුණු අතර මෙවර එය ආසන 65 කින් පහතට වැටී තිබිම කැපී පෙනුණු කාරණාවක් විය. 2013 දී මර්කල්ගේ පාර්ශ්වය ආණ්ඩුව පිහිටුවූයේ එරට තවත් ප්‍රධාන පක්ෂයක් වූ සමාජ ප්‍රජාතන්ත්‍රවාදී පක්ෂය (Social Democratic Party) සමග එක් වෙමිනි. එම සමාජ ප්‍රජාතන්ත්‍රවාදී පක්ෂය එවර ආසන 193 ක් දිනාගන්නට සමත්ව තිබිණි.

2013 දී මෙන්ම මෙවරද ආණ්ඩුවක් පිහිටුවීමට නම් මර්කල්ගේ පාර්ශ්වය (CDU+CSU) තවත් පක්ෂයක් සමග එක් විය යුතුය. නමුත් මෙවර ගැටළුව බවට පත්ව ඇත්තේ කිසිදු පක්ෂයක් ඒ සඳහා කැමති කර ගැනීමට තවමත් මර්කල් අසමත්ව සිටීමයි. මේ සඳහා මුලින්ම ඇය සාකච්ඡා කළේ වාමාංශික පක්ෂයක් වන හරිත පක්ෂය සහ ව්‍යාපාරික හිතවාදී පක්ෂයක් වන නිදහස් ප්‍රජාතන්ත්‍රවාදීන් (Free Democrats) නැමැති පක්ෂය සමග ය. නමුත් පසුගිය නොවැම්බරයේ එම සාකච්ඡා බිඳ වැටුණි. මර්කල්ට ඉහත කී පක්ෂ දෙක සමග සාකච්ඡා කිරීමට සිදු වූයේ පසුගිය වතාවේ ඇය සමග එක්ව ආණ්ඩු කළ සමාජ ප්‍රජාතන්ත්‍රවාදී පක්ෂය මෙවර ඇය සමග ආණ්ඩු කිරීමට ඇකැමැති වීම හේතුවෙනි. ඔවුන් මේ ආකාරයෙන් අකැමැති වීමට ප්‍රධාන හේතුවක් වූයේ මර්කල් සමග එක්ව ආණ්ඩු කළ කාලය තුළ ඔවුන්ගේ ජනප්‍රියත්වය වඩාත් පහත වැටුණු බව පෙනී යාමයි. 2013 මැතිවරණයේ දී ආසන 193 ක් දිනාගෙන සිටි ඔවුන්ට මෙවර දිනාගත හැකි වූයේ ආසන 153 ක් පමණි. මෙයට හේතුව ඔවුන් මර්කල්ගේ සන්ධානය සමග එක්ව සිටියදී ඔවුන්ගේ අනන්‍යතාව විශාල වශයෙන් දියවී යාම බවට බොහෝ අදහස් පලවන්නට පටන් ගෙන තිබිණි. සමාජ ප්‍රජාතන්ත්‍රවාදී පක්ෂය සහ මර්කල්ගේ පාර්ශ්වය අතර ප්‍රතිපත්තිමය වශයෙන්ද බොහෝ වෙනස්කම් මතු වී තිබිණි. 2017 වසරේ සමාජ ප්‍රජාතන්ත්‍රවාදී පක්ෂයේ  නායකත්වයට අලුත් කෙනෙකු, එනම්  මාටින් ෂුල්ස්  පත්වීමද, ඔහුගේ අදහස්වල තිබූ විශේෂතා ද තවත් සාධකයක් විය.

විශේෂයෙන් බදු ප්‍රතිපත්ති, සමාජ සුබසාධන ප්‍රතිපත්ති ආදිය සම්බන්ධයෙන් මෙන්ම යුරෝපා සංගමයේ අනාගතයට අදාළ ප්‍රතිපත්ති සම්බන්ධයෙන්ද මෙම දෙපාර්ශ්වය අතර යම් වෙනස්කම් තිබේ. එමෙන්ම මේ වනවිට ජර්මනියට බලපාන ප්‍රධානම ගැටලුවක් බවට පත්ව තිබෙන සංක්‍රමණිකයින් සහ සරණාගතයින් පිළිබඳ කාරණයේදී ද මෙම පක්ෂවල අදහස් එතරම් නොගැළපෙන බව පෙනී යයි. නිදසුනක් ලෙස සරණාගතයින්ට සලසන සහනවලට සීමා ඇති කිරීමට මර්කල්ගේ පාර්ශ්වය යෝජනා කරද්දී ෂුල්ස් ගේ පාර්ශ්වය ඊට එතරම් එකඟ නොවන බව සඳහන් වේ. එමෙන්ම යුරෝපා සංගමයට අයත් රටවල් අතර සබඳතා වඩාත් ශක්තිමත් කිරීමට ෂුල්ස් ගේ පක්ෂය යෝජනා කරද්දී මර්කල්ගේ පාර්ශ්වය ඒ සම්බන්ධයෙන් දක්වන අදහස් ඊට වෙනස් බව පෙනේ. මෙම තත්ත්වය තුළ මෙවර මර්කල්ගේ පාර්ශ්වය  සහ ෂුල්ස්ගේ පක්ෂය අතර සන්ධානයක් ගොඩ නගා ආණ්ඩුවක් පිහිටුවීම සම්බන්ධයෙන් විවිධ ගැටලු මතුව ඇති බව පෙනී යයි.

කෙසේ හෝ වේවා මෙම සතිය ඇන්ජෙලා මර්කල්ට ඉතා තීරණාත්මක සතියක් බවට පත්ව තිබේ. ඇගේ පාර්ශ්වය සහ  ෂුල්ස් ගේ පක්ෂය අතර අවසන් වරටත් සාකච්ඡා වාරයක් මේ වනවිට පැවැත්වෙමින් ඇති අතර මෙම සාකච්ඡා වාරය තුළද ඔවුන් දෙපාර්ශ්වයට එකඟතාවකට පැමිණීමට නොහැකි වුවහොත් ජර්මනියේ දේශපාලන අර්බුදය තවදුරටත් දිග්ගැස්සීමටත්, නැවත මහා මැතිවරණයක් කැඳවීමට සිදුවන තත්ත්වයක් ඇති වීමටත් ඉඩ තිබේ. නමුත්  නැවත  මැතිවරණයකට යාම මෙම ප්‍රධාන පක්ෂ දෙකටම භයානක ප්‍රතිඵල අත්කර දිය හැකි කාරණයක් බව බොහෝ නිරීක්ෂකයින්ගේ අදහසයි. එයට හේතුව නම් මේ වනවිට තුන්වැනි බලවේගයක් ලෙස මතුවෙමින් ඇති 'ජර්මනියට විකල්පයක්' (Alternative for Germany) නැමැති පක්ෂය ඊළඟ මැතිවරණයකදී වඩාත් ශක්තිමත් වීමට ඇති ඉඩකඩයි. ප්‍රධාන පක්ෂ දෙකට යම් එකඟතාවකට පැමිණීමට නොහැකි වුවහොත් ඔවුන් පිළිබඳ ජනතා විශ්වාසය තවදුරටත් බිඳ වැටීමට ඉඩ ඇති අතර එය 'ජර්මනියට විකල්පයක්' පක්ෂයට වාසිදායක පසුබිමක් නිර්මාණය කරනු ඇති බවට අදහස් පළවෙයි.

'ජර්මනියට විකල්පයක්'
පක්ෂය යනු බොහෝ දුරට ජාතිකවාදී ස්ථාවරයක පිහිටා කටයුතු කරන පක්ෂයකි. ජර්මනියේ ජාතික ආර්ථිකයක් ගැන, ජර්මන් අනන්‍යතාවක් ගැන ඔවුහු නිතර කතා කරති. ඔවුන්ගේ එක් ප්‍රධාන ස්ථාවරයක් වන්නේ ජර්මනිය යුරෝපා සංගමයෙන් හැකිතාක් ඈත් විය යුතුය යන්නයි. එමෙන්ම සරණාගතයින්, සංක්‍රමණිකයින් සම්බන්ධයෙන්ද දැඩි සීමා ඇති කිරීමට ඔවුහු අපේක්ෂා කරති. යුරෝපා සංගමයට වුවමනාවට වඩා බැඳී සිටීම මෙන්ම සංක්‍රමණිකයින්ට ඉඩ දීමද ජර්මන් ආර්ථිකයට සහ ජර්මන් අනන්‍යතාවට දැඩි හානියක් කරන බව ඔවුන්ගේ විශ්වාසය වී තිබේ. මෙම පක්ෂයේ අදහස් හිට්ලර් වැනි නායකයින් විසින් අනුදක්නා ලද නාසිවාදී මතවාද හා සමාන්තරව යන බවට එල්ල වන චෝදනා ද නිතර දකින්නට ලැබේ. මේ නිසා ජර්මනියේ ප්‍රධාන පක්ෂ මෙන්ම යුරෝපා සංගමයේ සුරක්ෂිතතාව ගැන සිතන බොහෝ පාර්ශ්වද 'ජර්මනියට විකල්පයක්' පක්ෂය බලවත් වීම සම්බන්ධයෙන් ප්‍රසාදයක් දක්වන්නේ නැත.  ඔවුන් සිතන්නේ ජාතිකවාදය ජර්මනියේ හෝ යුරෝපයේ අභියෝගවලට විසඳුමක් නොවන බවයි. මේ නිසා එබඳු ජාතිකවාදී පක්ෂයක් ශක්තිමත් කරන මැතිවරණයකට නැවත වතාවක් යන්නට සිදුවීම වළක්වා ප්‍රධාන පක්ෂ අතර කෙසේ හෝ එකඟතාවක් ඇති කරගෙන ආණ්ඩුවක් පිහිටුවීම පිළිබඳව ලොකු අවධානයක් යොමු වෙමින් ඇත. ඒ නිසා සමාජ ප්‍රජාතන්ත්‍රවාදී පක්ෂය සහ මර්කල්ගේ පාර්ශ්වය තමුන්ගේ ඇතැම් ප්‍රතිපත්ති නම්‍යශීලී ලෙස වෙනස් කරගනිමින් යම් එකඟතාවකට පැමිණීමට බොහෝ දුරට ඉඩ තිබේ. ඒ පිළිබඳව මෙම සතිය තුළ යමක් සිදුවනු ඇති බව බොහෝ දේශපාලන නිරීක්ෂකයින්ගේ විශ්වාසයයි.

කෙසේ නමුත් වසර 12 ක් තිස්සේ ජර්මනියේ නායිකාව වූ මර්කල්ගේ ජනප්‍රියත්වය කවරදාටත් වඩා පිරිහෙමින් ඇති බවද බොහෝ ජනමත සමීක්ෂණවලින් හෙළි වී ඇති බැව් පසුගිය දිනවල මාධ්‍ය අනාවරණය කර තිබිණි. පසුගිය කාලයේ සංක්‍රමණිකයින් සම්බන්ධයෙන් ඇය දැක්වූ ලිහිල් ප්‍රතිපත්ති, ජර්මනිය තුළ එල්ල වූ ත්‍රස්ත ප්‍රහාර ආදිය ඊට බලපා ඇති බව දැකිය හැකි වෙයි. කෙසේ නමුත් ජර්මනියේ සෙසු නායකයින් හා සසඳා බලද්දී මර්කල් තවමත් සාපේක්ෂව ශක්තිමත් තත්ත්වයක සිටින බවද අමතක කළ හැකි නොවේ. නමුත් ඇය ෂුල්ස් ගේ සමාජ ප්‍රජාතන්ත්‍රවාදී පක්ෂය සමග සන්ධානයක් ගොඩනගා ගනිමින් ආණ්ඩුවක් පිහිටුවීමට සමත් වේවිද නැද්ද යන්න මත ඇගේ අනාගතය බොහෝ දුරට තීරණය වනු ඇතැයිද බලා‍පොරොත්තු විය හැකි වේ.

නිහාල් පීරිස්

දෙසැම්බරයේ සිට ක්‍රියාත්මක වූ නව නීතිය හා එය බලගන්වන්නට දී තිබූ දින තිහක කාලයෙන් පසු මුල්වරට ඔස්ට්‍රේලියාවේ සමලිංගික විවාහ මංගල උත්සව කිහිපයක් පවත්වා තිබේ. මෙසේ විවාහ වූ යුවළවල් අතර ඔලිම්පික් ධාවන ශූර කේ්‍රග් බර්න්ස් හා ඔහුගේ සහකරු මෙන්ම ඔලිම්පික් ශුරයෙකුදවූ ලුක් සලිවන් ද වූ අතර පසුගිය සඳුදා මැදියම් රැයේදී නිව් සවුත් වේල්ස්හි ඔවුන්ගේ විවාහය සිදුවිය.

ඒ අනුව ඔස්ට්‍රේලියාව සමලිංගික විවාහ නීත්‍යානුකූල බවට පිළිගත් විසිපස් වැනි රට වනු ඇත.






සී.එන්.එන්.

මාධ්‍ය සාකච්ඡාවකදී තමාගෙන් අසන ප්‍රශ්නවලින් වැළකී සිටින්නට උපක්‍රමයක් ලෙස තායිලන්ත අගමැතිවරයා තමාගේ කාඩ්බෝඩ් අනුරුවක් සිටවු පුවතක් වාර්තාවෙයි.තායිලන්ත අගමැති ප්‍රයුත් චැන් ඕචා බැංකොක් හි රාජ්‍ය මන්දි රය ඉදිරිපිට කෙටි මාධ්‍ය සාකච්ඡාවකට සහභාගි වූ අතර පසුව ඔහුගේ ජීවමාන ප්‍රමාණයේ කාඩ්බෝඩ් අනුරුවක් එහි ගෙනැවිත් රඳවන ලදී. රාජ්‍ය අර්බුද හෝ දේශපාලනය ගැන යම් ප්‍රශ්න ඇසිය යුතුනම් මොහුගෙන් අසන ලෙස කියමින් තම අනුරුව දැක්වූ අගමැතිවරයා මාධ්‍යවේදින්ට අතවනමින් එතැනින් පිටව ගොස් තිබේ.
2014 වසරේ හමුදා කුමන්ත්‍රණයක් මෙහෙය වූ මොහුව පසුව අගමැතිවරයා ලෙස පත්කරගන්නා ලදී. මැතිවරණයක් පැවැත්වීමට එරට රජය ‍පොරොන්දු වී සිටියද එය දිනෙන් දින කල් දමමින් සිටියි.


බි.බි.සී.

IMAGE

සංසාර සිහිනයේ ගී සංකල්පනය මම 'ටැබ් එකේ ටයිප් කරපු' එකක්

IMAGE 2018 Feb 21 12:00
සනුක වික්‍රමසිංහ ගායනා කරන “සංසාර සිහිනේ” කලක පටන් බොහෝ ගීත දර්ශකවල පෙරමුණ ගෙන තිබෙන...
Views - 2212

මම නාට්‍ය කලාවෙ ඉන්නේ ඒ ගැන තියන 'උණ' නිසයි

IMAGE 2018 Feb 21 11:53
වේදිකාව, පුංචිතිරය සහ සිනමාව යන මාධ්‍ය ත්‍රිත්වයෙහිම සිය ප්‍රතිභාව ප්‍රකට කළ කලාකරුවකුවන...
Views - 1229

බිරිඳ රැකියාවක් නොකිරීම මගේ සාර්ථකවයට හේතුවක්

IMAGE 2018 Feb 20 14:38
“සිරස ජූනියර් සුපර් ස්ටාර්..” තරගය ගැන මුලින්ම අප ඔබගෙන් විමසන්න කැමතියි.. ඇත්තෙන්ම “සිරස...
Views - 5383

බිරිඳට පින් තකා සුනඛයන්ට දිනපතා සහල් කිලෝ 08ක දනක්

IMAGE 2018 Feb 20 14:23
මිනිසා තිරිසනුන් වන අවස්ථාත් තිරිසනා මිනිසුන් වන අවස්ථාත් අපට බොහෝ විට දක්නට ලැබුණද...
Views - 3114

ලංකාවේ අන්තිම රජු සැඟවූ නිධානය කෝ?

IMAGE 2018 Feb 19 11:34
මහනුවර රජ කළ රාජාධිරාජසිංහ රජුට බිසෝවරුන් කිහිප දෙනෙක්ම සිටියහ. ඔවුන් අතර අලමේලු අම්මා,...
Views - 5207

රඟපෑමෙන් සමුගත් හේතුව නදීකා කියයි

IMAGE 2018 Feb 19 10:41
“චංචල රේඛා” චිත්‍රපටයේ “දං චූටි” නාඳුනන කෙනෙක් එදා සිනමා ලෝලීන් අතර හිටියේ නැහැ....
Views - 6462

Please publish modules in offcanvas position.