Coss Ear2
lakbima.lk
COSS Ear 1

දකුණු අප්‍රිකානු 20-20 ග්ලෝබල් ලීග් ක්‍රිකට් තරගාවලියේ ස්ටෙලන්බොෂ් කණ්ඩායමේ සුපිරි විදෙස් ක්‍රීඩකයා ලෙස ලසිත් මාලිංග තෝරා ගෙන තිබේ.
මෙහිදී සෙසු කණ්ඩායම්වල විදෙස් සුපිරි ක්‍රීඩකයන් ලෙස ක්‍රිස් ගේල්, කිරන් ‍පොලාර්ඩ්, ඩ්වේන් බ්‍රාවෝ, එවයින් මෝගන්, කෙවින් පීටර්සන්, ජේසන් රෝයි සහ බ්‍රෙන්ඩන් මැකලම් තෝරා ගෙන තිබේ.
මේ වන විට කණ්ඩායම් අටේ දේශීය සුපිරි ක්‍රීඩකයන්ද නම් කර ඇති අතර සෙසු ක්‍රීඩකයන් තේරීමේ වෙන්දේසිය ඊයේ රාත්‍රියේදී පැවැත්වීමට නියමිතව තිබුණි.
මෙම 20-20 තරගාවලිය ලබන නොවැම්බර් සහ දෙසැම්බර් මාසවල පැවැත්වීමට නියමිතව තිබේ.
තරගාවලියේ දේශීය සහ විදේශීය සුපිරි ක්‍රීඩක ලැයිස්තුව,

බෙනෝනි පිල
ක්වින්ටන් ඩි කොක් (දේශීය), ජේසන් රෝයි (විදේශීය)
බ්ලුම්ෆොන්ටයින් පිල
ඩේවිඩ් මිලර් (දේශීය), කිරන් ‍පොලාර්ඩ් (විදේශීය)
කේප්ටවුන් පිල
ජේ.පී. ඩුමිනි (දේශීය), ක්‍රිස් ගේල් (විදේශීය)
ඩර්බන් පිල
හෂීම් අම්ලා (දේශීය), එවයින් මෝගන් (විදේශීය)
ජෙහැනර්ස්බර්ග් පිල
කගිසෝ රබාඩා (දේශීය),  බ්‍රෙන්ඩන් මැකලම් (විදේශීය)
‍පෝර්ට් එලිසබත් පිල
ඉම්රාන් තහීර් (දේශීය), කෙවින් පීටර්සන් (විදේශීය)
ප්‍රිටෝරියා පිල
ඒ.බි. ඩිවිලියර්ස් (දේශීය), ඩ්වේන් බ්‍රාවෝ (විදේශීය)
ස්ටෙලන්බොෂ් පිල
ෆැෆ් ඩුප්ලෙසිස් (දේශීය), ලසිත් මාලිංග (විදේශීය){jcomments on}

ශ්‍රී ලංකාව සහ ඉන්දියාව අතර පල්ලෙකැ‍ලේ ජාත්‍යන්තර ක්‍රිකට් ක්‍රීඩාංගණයේ ඊයේ (27දා) පැවැති තෙවැනි එක්දින ක්‍රිකට් තරගයෙන් කඩුලු 6ක ජයක් ලැබූ ඉන්දියාව තරග 5 කින් සමන්විත තරගාවලිය 3-0 ක් ලෙස ජය ගැනීමට සමත්විය.
කාසියේ වාසිය දිනා මුලින්ම පන්දුවට පහරදුන් ශ්‍රී ලංකාව පන්දුවාර 50 දී කඩුලු 9 ට ලකුණු 217 ක් රැස් කළ අතර ඉන්දියාව පන්දුවාර 45.1කදී කඩුලු 4ට ලකුණු 218ක් ලබමින් ජය වාර්තා කළේය.
තරගාවලිය පුරාම අසාර්ථකවී සිටින ශ්‍රී ලංකා පිතිකරුවන් ඊයේද අසාර්ථක වූ අතර ඉන් උපරිම ප්‍රයෝජනය ගත් ජස්ප්‍රිට් බුම්රා ලකුණු 27 ට කඩුලු 5 ක් බිඳ දමමින් තරගයේ වීරයා සම්මානය දිනා ගත්තේය.
ලකුණු 218 ක ඉලක්කයක් හඹා යාමට පිටියට පිවිසි ඉන්දීය පෙර පෙල කඩුලු 4ක් ලකුණු 61 ක් තුළ බිඳ වැටුණද ඉනිමේ සියලු බර කරට ගනිමින් සුපිරි ශතකයක් වාර්තා කළ රෝහිත් ෂර්මා ඉන්දීය ජය තහවුරු කළේය.
ලකුණු අතර සිටින ධවාන් ලකුණු 5 කට දවා ගැනීමට මාලිංග සමත්වූ අතර නායක කෝලි ලකුණු 3 කට පිටියෙන් ඉවත් කිරීමට විශ්ව සමත් විය.
රාහුල් ලකුණු 17 කට දවාගත් අකිල ධනංජය කෙදර් ජදාව් ලකුණු ලබා ගැනීමට පෙර දවා ගැනීමෙන් ඉන්දියාව අසීරු තත්ත්වයකට පත්විය.
එහෙත් පිටියේ එක්වූ රෝහිත් ෂර්මා සහ එම්. එස්. දෝනි 5 වැනි කඩුල්ල වෙනුවෙන් ලකුණු 157ක සම්බන්ධතාවක් තබමින් ඉන්දීය ජය මාවත විවර කළේය.
සිය 12 වැනි එක්දින ශතකය වාර්තා කළ රෝහිත් ෂර්මා පන්දු 145 කදී හතරේ පහර 16ක් සහ හයේ පහර 2ක් සහිතව නොදැවී ලකුණු 124ක් ලැබූ අතර දෝනි පන්දු 86කදී හතරේ පහර 4ක් සහ එක් හයේ පහරක් සහිතව නොදැවී ලකුණු 67ක් වාර්තා කළේය.
මුලින්ම පන්දුවට පහරදුන් ශ්‍රී ලංකාවේ ප්‍රහාරක පිතිකරු දික්වැල්ල ලකුණු 13 කට දවාගත් බුම්රා අංක 3 පිතිකරු කුසල් මෙන්ඩිස් එක් ලකුණකට දවා ගැනීමෙන් කඩුලු 2 ක් ලකුණු 28 ක් තුළ බිඳ වැටුණි.
ඉන්පසු පිටියේ එක්වූ චන්දිමාල් සහ තිරිමාන්න බිඳ වැටුණු ඉනිම ගොඩනංවමින් තෙවැනි කඩුල්ල වෙනුවෙන් ලකුණු 72 ක සම්බන්ධතාවක් තැබුවද ලකුණු ලබා ගැනීමේ වේගය දුර්වල මට්ටමක විය.
පන්දු 71 කදී හතරේ පහර 4 ක් සහිතව ලකුණු 36 ක් ලැබූ චන්දිමාල් දවා ගැනීමට හාර්දික් පාන්ඩ්යා සමත් වීමෙන් පසු මැතිව්ස් සහ තිරිමාන්න පිටියේ එක්විය.
එහෙත් අනවශ්‍ය රිවර්ස් ස්වීප් පහරක් එල්ල කිරීමට උත්සාහා කළ මැතිව්ස් ලකුණු 11 ක් ලබා කෙදර් ජදාව්ට සිය කඩුල්ල පූජා කිරීමෙන් ශ්‍රී ලංකාව අසීරු අඩියකට ඇද වැටුණි.
යළිත් බුම්රා කැඳවීමට කෝලි තීරණය කළ අතර පන්දු 105 කදී හතරේ පහර 5 ක් සහ එක් හයේ පහරක් සහිතව ලකුණු 80 ක් ලබා සිටි ලහිරු තිරිමාන්නට ශ්‍රී ලංකාවේ 5 වැනි කඩුල්ල ලෙස පිටියෙන් ඉවත්වීමට සිදුවිය.
නායක කපුගෙදර ලකුණු 14 කට දවා ගැනීමට පටෙල් සමත් වීමෙන් පසු පන්දු 27 කදී හතරේ පහර 4 ක් සහිතව ලකුණු 29 ක් ලබාසිටි මිලින්ද සිරිවර්ධන දවා ගනිමින් සිය සිව්වැනි කඩුල්ල බිඳ හෙළීමට බුම්රා සමත්විය.
අකිල ධනංජය බුම්රා හමුවේ ලකුණු 2 කට දැවී ගිය අතර චමීර ලකුණු 6 කට දුවද්දී දැවී යාමකට හසුවිය. ශ්‍රී ලංකාවට අවසානයේ පන්දුවාර 50 දී ලබාගත හැකිවූයේ කඩුලු 9 ට ලකුණු 217 ක් පමණි.
බුම්රා කඩුලු 5 ක්ද, පාන්ඩ්යා, පටෙල් සහ ජදාව් එක් කඩුල්ල බැගින් බිඳ හෙලූහ.


මංගල ධර්මප්‍රේම පල්ලෙකැ‍ලේ සිට{jcomments on}


ශ්‍රී ලංකාව සහ ඉන්දියාව අතර පල්ලෙකැ‍ලේ ජාත්‍යන්තර ක්‍රිකට් ක්‍රීඩාංගණයේ පැවැති දෙවැනි එක්දින ක්‍රිකට් තරගයෙන් ඩක්වර්ත් ලුවිස් ක්‍රමයට කඩුලු 3 ක ජයක් ලැබූ ඉන්දියාව තරගාවලිය 2-0 ක් ලෙස පෙරමුණ ගැනීමට ඊයේ (24දා) සමත්විය.
මුලින්ම පන්දුවට පහරදුන් ශ්‍රී ලංකාව පන්දුවාර 50 දී කඩුලු 8 ට ලකුණු 236 ක් රැස්කළ අතර වර්ෂාව හේතුවෙන් ඩක්වර්ත් ලුවිස් ක්‍රමයට පන්දුවාර 47 දී ලකුණු 231 ක ඉලක්කයක් හඹා ගිය ඉන්දියාව පන්දුවාර 44.2 දී කඩුලු 7 ට ලකුණු 231 ක් ලබමින් ජය ගත්තේය.
අකිල ධනංජයගේ සුපිරි පන්දු යැවීම හමුවේ ඉන්දියාවේ කඩුලු 7 ක් ලකුණු 131 ක් තුළ බිඳ වැටුණද එම්.එස්. දෝනි සහ බුවන‍ෂේවර් කුමාර් එක්ව 8 වැනි කඩුල්ල වෙනුවෙන් නොබිඳුණු ලකුණු 100 ක සම්බන්ධතාවයක් තබමින් ඉන්දීය ජය තහවුරු කළහ.
සිය පළමු එක්දින අර්ධ ශතකය වාර්තා කරමින් පන්දු 80 කදී හතරේ පහර 4 ක් සහ හයේ පහරක් සහිතව නොදැවී ලකුණු 53 ක් රැස් කිරීමට බුවන‍ෂේවර් කුමාර් සමත්වූ අතර වගකීමකින් යුතුව පන්දුවට පහරදුන් දෝනි පන්දු 68 දී එක් හතරේ පහරක් සහිතව නොදැවී ලකුණු 45 ක් ලැබිය.
සිය එක්දින දිවියේ හොඳම පන්දු යැවීම වාර්තා කළ අකිල ධනංජය ලකුණු 54 ට කඩුලු 6 ක් බිඳ දමා තරගයේ වීරයා සම්මානය දිනා ගත්තද සෙසු පන්දු යවන්නන්ගේ දුර්වලතාවයෙන්  ශ්‍රී ලංකාවට පරාජය වීමට සිදුවිය.
ලකුණු හඹා යාමේදී ඉන්දීය ආරම්භක පිතිකරුවන් වන ෂිකර් ධවාන් සහ රෝහිත් ෂර්මා සාර්ථක ආරම්භයක් ලබා දෙමින් පළමු කඩුල්ල වෙනුවෙන් ලකුණු 109 ක සම්බන්ධතාවක් තැබිමෙන් පසු අකිල ධනංජය ක්‍රියාත්මක වීමෙන් පන්දු 45 දී හතරේ පහර 5 ක් සහ හයේ පහර 3 ක් සහිතව ලකුණු 54 ක් ලබා සිටි රෝහිත්
ෂර්මාට ක්‍රීඩාගාරයට යෑමට සිදුවිය.
පන්දු 50 කදී හතරේ පහර 6 ක් සහ හයේ පහරක් සහිතව ලකුණු 49 ක් ලබාසිටි ෂිකර් ධවාන් පිටියෙන් ඉවත් කිරීමට ඇන්ජලෝ මැතිව්ස් විශිෂ්ට ගණයේ උඩ පන්දු රැකීමක නිරත වීමෙන් මිලින්ද සිරිවර්ධනගේ පන්දුවක් හමුවේ ලකුණු 113 දී දෙවැනි කඩුල්ල බිඳ වැටුණි.
ඉන් පසු ක්‍රියාත්මක වූ අකිල ධනංජය එකම පන්දු වාරයකදී කඩුලු 3 ක් දවා ගැනීමෙන් ඉන්දයාවේ කඩුලු 5 ක් ලකුණු 119 ක් තුළ බිඳ වැටුණි.
පිතිකරු ලැයිස්තුව වෙනස් කරමින් කෝලිට පෙර එවූ කෙදර් ජදාව් (1) දවාගත් අකිල ඉන් පන්දු 2 කට පසු කෝලි ලකුණු 4 කට දවාගත් අතර අවසන් පන්දුවේදී රාහුල් (4) දවා ගැනීමෙන් ශ්‍රී ලංකාව ප්‍රබල තත්ත්වයකට පත්විය.
සිය 5 වැනි කඩුල්ල ලෙස හාර්දික් පාන්ඩ්යා ලකුණු ලබා ගැනීමට පෙර දවාගත් අකිල තුන් ඉරියව් ක්‍රීඩක අක්ෂාර් පටෙල් ලකුණු 6 කට දවා ගැනීමෙන් ඉන්දියාවේ 7 වැනි කඩුල්ල ලකුණු 131 දී දවා ගත්තේ දෝනි එක් අන්තයක තනි කරවමිනි.
එහෙත් ශ්‍රී ලංකාවේ බලා‍පොරොත්තු සුන් කරමින් දෝනි සහ බුවන‍ෂේවර් ඉන්දියාවට නොතිබූ ජයක් හිමිකර දුන්හ.
මුලින්ම පන්දුවට පහරදුන් ශ්‍රී ලංකාව වෙනුවෙන් දික්වැල්ල සහ ධනුෂ්ක ලකුණු 41 ක සම්බන්ධතාවයක් තැබූ අතර බුම්රාගේ පන්දුවක් හමුවේ දික්වැල්ල ලකුණු 31 කට දැවී යාමෙන් පසු ධනුෂ්ක (19) සහ කුසල් (19) පිටියෙන් ඉවත් කිරීමට චහාල් සමත්විය.
නායක තරංග ලකුණු 9 කට පිටියෙන් ඉවත් කිරීමට පාන්ඩ්යා සමත්වීමෙන් පසු මැතිව්ස් ලකුණු 20 කට පිටියෙන් ඉවත් කිරීමට අක්ෂාර් පටෙල් සමත්වීමෙන් කඩුලු 5 ක් ලකුණු 121 ක් තුළ බිඳ වැටුණි.
ඉන් පසු පිටියේ එක්වූ මිලින්ද සිරිවර්ධන සහ චාමර කපුගෙදර එක්ව බිඳ වැටුණු ශ්‍රී ලංකා ඉනිම ගොඩනංවමින් 6 වැනි කඩුල්ල වෙනුවෙන් ලකුණු 91 ක සම්බන්ධතාවක් තැබිමට සමත් වූහ.
පන්දු 58 කදී හතරේ පහර 2 ක් සහ හයේ පහරක් සහිතව ලකුණු 58 ක් ලැබූ මිලින්ද සිරිවර්ධන පිටියෙන් ඉවත් කිරීමට බුවන‍ෂේවර් කුමාර් සමත්වූ අතර පන්දු 61 දී හතරේ පහර 2 ක් සහිතව ලකුණු 40 ක් ලැබූ කපුගෙදර දවා ගැනීමට බුම්රා සමත් විය.
පන්දුවෙන් විශිෂ්ට දස්කම් දැක්වූ බුම්රා අවසානයේ අකිල ධනංජයගේ කඩුල්ල සහිතව ලකුණු 43 ට කඩුලු 4 ක් බිඳ හෙලීය. චහාල් ලකුණු 43 ට කඩුලු 2 ක්ද පාන්ඩ්යා සහ පටෙල් එක් කඩුල්ල බැගින්ද බිඳ හෙලූහ.
ශ්‍රී ලංකාව සහ ඉන්දියාව අතර තෙවැනි එක්දින තරගය ලබන 27 දා පල්ලෙකැ‍ලේදී පැවැත්වේ.

ලකුණු පුවරුව

ශ්‍රී ලංකාව

නිරෝෂන් දික්වැල්ල ඇ. ධවාන් ප. බුම්රා31ධනුෂ්ක ගුණතිලක ස්ට. දෝනි ප. චහාල් 19
කුසල් මෙන්ඩිස් ක.මු.ක. ප. චහාල් 19
උපුල් තරංග ඇ. කෝලි ප. පාන්ඩ්යා  9
ඇන්ජලෝ මැතිව්ස් ක.මු.ක. ප. පටෙල්20
මිලින්ද සිරිවර්ධන ඇ. ෂර්මා ප. බුම්රා58
චාමර කපුගෙදර ප. බුම්රා40
අකිල ධනන්ජය ඇ. පටෙල් ප. බුම්රා9
දුෂ්මන්ත චමීර (නොදැවී)6
විශ්ව ප්‍රනාන්දු (නොදැවී)3
අතිරේක 22
මුළු ලකුණු (පන්දුවාර 50දී කඩුලු 8ක් දැවී)236
කඩුලු බිඳ වැටීම :- 1-41, 2-70, 3-81, 4-99, 5-121, 6-212, 7-221,
8-230
පන්දු යැවීම :- බුවන‍ෂේවර් කුමාර් 10-0-53-0, ජස්ප්‍රිට් බුම්රා 10-2-43-4, යස්වෙන්ද්‍ර චහාල් 10-1-43-2, හර්දික් පාන්ඩ්යා 5.2-0-24-1, අක්ෂාර් පටෙල් 10-0-30-1, කෙදර් ජදාව් 4.4-0-32-0

ඉන්දියාව

රෝහිත් ෂර්මා ක.මු.ක. ප. ධනංජය54ෂිකර් ධවාන් ඇ. මැතිව්ස් ප. සිරිවර්ධන 49
ලොකේශ් රාහුල් ප. ධනංජය 4
කෙදර් ජදාව් ප. ධනංජය1
විරාත් කෝලි ප. ධනංජය4
එම්.එස්. දෝනි (නොදැවී)45
හාර්දික් පාන්ඩ්යා ස්ට. දික්වැල්ල ප. ධනංජය0
අක්ෂාර් පටෙල් ක.මු.ක. ප. ධනංජය6
බුවන‍ෂේවර් කුමාර් (නොදැවී)53
අතිරේක 15
මුළු ලකුණු (පන්දුවාර 44.2කදී කඩුලු 7දැවී)231
කඩුලු බිඳ වැටීම :- 1-109, 2-113, 3-114, 4-118, 5-119, 6-121, 7-131
පන්දු යැවීම :- ලසිත් මාලිංග 8-0-49-0, විශ්ව ප්‍රනාන්දු 6.2-0-32-0, ඇන්ජලෝ මැතිව්ස් 3-0-11-0, දුෂ්මන්ත චමීර 7-0-45-0, අකිල ධනංජය 10-0-54-6, මිලින්ද සිරිවර්ධන 10-0-39-1

මංගල ධර්මප්‍රේම පල්ලෙකැ‍ලේ සිට

ලොව විශිෂ්ටතම ප්‍රහාරක පිතිකරුවකු ලෙස සැලකෙන ක්‍රිස් ගේල් වසර දෙකකට පසු කොදෙව් එක්දින සංචිතයට කැඳවා තිබේ.
ක්‍රිස් ගේල් සමග මැද පෙළ පිතිකරු මාලන් සැමුවෙල්ස් ද වසරකට පසු යළිත් කණ්ඩායමට කැඳවා ඇති නමුත් කිරාන් ‍පොලාර්ඩ්ට ස්ථානයක් හිමිවී නොමැති බව වාර්තා වේ.
එංගලන්තය සහ බටහිර ඉන්දීය කොදෙව් අතර තරග 6 කින් සමන්විත එක්දින ක්‍රිකට් තරගාවලිය ලබන මස මුල් සතියේදී ආරම්භ වීමට නියමිතව ඇති අතර, එහිදී ලෝක කුසලාන ක්‍රිකට් තරගාවලියට කෙළින්ම සුදුසුකම් ලබා ගැනීම සඳහා තරගාවලිය ජය ගැනීමට කොදෙව් පිලට සිදුවී තිබේ.
මේ අතර ආබාධයක් හේතුවෙන් තුන් ඉරියව් ක්‍රීඩක ඩ්වේන් බ්‍රාවෝට තරගාවලිය අහිමි වී ඇති අතර, සුනිල් නාරයින් සහ ඩැරන් බ්‍රාවෝ තරගාවලියට සහභාගි විය නොහැකි බව දන්වා තිබේ. 
කණ්ඩායමේ නායකත්වය ජේසන් හෝල්ඩර්ට හිමිවී ඇති අතර, ගේල් සහ සැමුවෙල්ස්ගේ පැමිණීමෙන් පිතිකරණ අංශය ශක්තිමත් කිරීමට තේරීම් කමිටුව බලා‍පොරොත්තු වෙයි.
 
කොදෙව් එක්දින සංචිතය
ජේසන් හෝල්ඩර් (නායක), ක්‍රිස් ගේල්, එවින් ලුවිස්, මාලන් සැමුවෙල්ස්, දේවේන්ද්‍ර බිෂූ, මිගුවල් කමින්ස්, කයිල් හෝප්, ෂායි හෝප්, අල්සාරි ජෝසප්, ජේසන් මොහොමඩ්, ඈෂ්ලි නර්ස්, රොව්මාන් පවෙල්, ජෙරම් ටේලර්, කෙස්රික් විලියම්ස්, සුනිල් ඇම්බ්‍රිස්

එංගලන්තය සහ බටහිර ඉන්දීය කොදෙව් අතර බර්මින්හැම්හිදී පැවැති දිවා රාත්‍රී ටෙස්ට් ක්‍රිකට් තරගයෙන් ඉනිමක සහ ලකුණු 209ක ජයක් වාර්තා කිරීමට එංගලන්තය සමත් විය.
එංගලන්තය ජයග්‍රහණය වෙනුවෙන් ලකුණු 243ක් රැස් කරමින් විශිෂ්ට ඉනිමක් ක්‍රීඩා කළ ඇලිස්ටයාර් කුක් තරගයේ වීරයා සම්මානය දිනා ගත්තේය.
පළමුවෙන් පන්දුවට පහර දුන් එංගලන්තය කඩුලු 8ට ලකුණු 514ක් රැස් කරමින් ඉනිම අත්හිටුවූ අතර, කොදෙව් මුල් ඉනිම ලකුණු 168කට සීමා විය. ඉනිමක පරාජයෙන් බේරීමට ලකුණු 346ක ඉලක්කයක් හඹා ගිය කොදෙව් දෙවැනි ඉනිමද ලකුණු 137කට සීමා කිරීමට එංගලන්ත පන්දු යවන්නෝ සමත් වූහ.
එංගලන්තය වෙනුවෙන් විශිෂ්ට ඉනිමක් ක්‍රීඩා කළ ආරම්භක පිතිකරු ඇලිස්ටයාර් කුක් පන්දු 407කදී හතරේ පහර 33ක් සමගින් ලකුණු 243ක් වාර්තා කළ අතර, ඔහුට අනඟි සහයක් ලබා දුන් ජෝ රූට් හතරේ පහර 22ක් සමගින් ලකුණු 136ක් වාර්තා කරමින් තෙවැනි කඩුල්ල සඳහා ලකුණු 248ක විශිෂ්ට සම්බන්ධතාවක් ගොඩනැංවූහ.
 
ලකුණු තත්ත්වය :- 
එංගලන්තය මුල් ඉනිම - 514/8යි
කුක් 243, රූට් 136, ඩේවිඩ් මලන් 65, රොස්ටන් ච්ෙස් 113/4, කෙමර් රෝච් 86/2
බටහිර ඉන්දීය කොදෙව් මුල් ඉනිම - 168යි
බ්ලැක්වුඩ් 79, ඇන්ඩර්සන් 34/3, රෝලන්ඩ් ජෝන්ස් 31/2, ස්ටුවර්ට් බ්‍රෝඩ් 47/2
බටහිර ඉන්දීය කොදෙව් දෙවැනි ඉනිම - 137යි
බ්‍රාත්වේට් 40, ස්ටුවර්ට් බ්‍රෝඩ් 34/3, ඇන්ඩර්සන් 12/2, රෝලන්ඩ් ජෝන්ස් 18/2, මොයින් අලී 54/2

සුගතදාස පිහිනුම් තටාකයේදී නිමාවට පත්වූ ජාතික පංච ප්‍රයාම පිහිනුම් තරගාවලියේ අවු. 11න් පහළ දක්ෂතම ක්‍රීඩකයා ලෙස සම්මාන ලැබූ මහනුවර ධර්මරාජ විදුහ‍ලේ යූ.එච්. රමිත් පේසර ඡායාරූපයෙන් දිස්වේ.
සමනල ආර, පසුපස ආර, ළය ආර, නිදහස් ආර සහ මිශ්‍ර ආර යන පංච ප්‍රයාම තරගවලදී අඩුම කාලයන් වාර්තා කරමින් රමිත් පේසර මෙම සම්මානය දිනා ගත්තේය.
රමිත් පේසරගේ පියා වන සුගත් උයන්හේවා මහතා මහනුවර ධර්මරාජයේ පුහුණුකරු ලෙස කටයුතු කරන අතර, ඒ මහතා වසර 19ක් අඛණ්ඩව ශ්‍රී ලංකා පාසල් පිහිනුම් සමස්ත ශූරතාව දිනාගත් මහනුවර මහාමායා බාලිකාවේ පුහුණුකරු ලෙසද කටයුතු කරයි.

IMAGE

සංසාර සිහිනයේ ගී සංකල්පනය මම 'ටැබ් එකේ ටයිප් කරපු' එකක්

IMAGE 2018 Feb 21 12:00
සනුක වික්‍රමසිංහ ගායනා කරන “සංසාර සිහිනේ” කලක පටන් බොහෝ ගීත දර්ශකවල පෙරමුණ ගෙන තිබෙන...
Views - 2213

මම නාට්‍ය කලාවෙ ඉන්නේ ඒ ගැන තියන 'උණ' නිසයි

IMAGE 2018 Feb 21 11:53
වේදිකාව, පුංචිතිරය සහ සිනමාව යන මාධ්‍ය ත්‍රිත්වයෙහිම සිය ප්‍රතිභාව ප්‍රකට කළ කලාකරුවකුවන...
Views - 1231

බිරිඳ රැකියාවක් නොකිරීම මගේ සාර්ථකවයට හේතුවක්

IMAGE 2018 Feb 20 14:38
“සිරස ජූනියර් සුපර් ස්ටාර්..” තරගය ගැන මුලින්ම අප ඔබගෙන් විමසන්න කැමතියි.. ඇත්තෙන්ම “සිරස...
Views - 5385

බිරිඳට පින් තකා සුනඛයන්ට දිනපතා සහල් කිලෝ 08ක දනක්

IMAGE 2018 Feb 20 14:23
මිනිසා තිරිසනුන් වන අවස්ථාත් තිරිසනා මිනිසුන් වන අවස්ථාත් අපට බොහෝ විට දක්නට ලැබුණද...
Views - 3116

ලංකාවේ අන්තිම රජු සැඟවූ නිධානය කෝ?

IMAGE 2018 Feb 19 11:34
මහනුවර රජ කළ රාජාධිරාජසිංහ රජුට බිසෝවරුන් කිහිප දෙනෙක්ම සිටියහ. ඔවුන් අතර අලමේලු අම්මා,...
Views - 5209

රඟපෑමෙන් සමුගත් හේතුව නදීකා කියයි

IMAGE 2018 Feb 19 10:41
“චංචල රේඛා” චිත්‍රපටයේ “දං චූටි” නාඳුනන කෙනෙක් එදා සිනමා ලෝලීන් අතර හිටියේ නැහැ....
Views - 6468

Please publish modules in offcanvas position.