Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - [email protected] youtube
lakbima.lk

                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

ශ්‍රී ලංකාව සහ සිම්බාබ්වේ අතර තරග 5 කින් සමන්විත එක්දින ක්‍රිකට් තරගාවලියේ තීරණාත්මක පස්වැනි එක්දින තරගය අද (10දා) සූරියවැව මහින්ද රාජපක්ෂ ක්‍රිකට් ක්‍රීඩාංගණයේදී පැවැත්වේ.
මෙම තරගයෙන් තරගාවලියේ ජයග්‍රාහකයා තීරණය කෙරෙන බැවින් උණුසුම් තරගයක් සඳහා දෙපිලම සූදානමින් පසුවෙයි.
අනපේක්ෂිත ලෙස සිම්බාබ්වේ තරගාවලිය සම කිරීම නිසා අවසන් තරගයේ පීඩනය මැතිව්ස් ප්‍රමුඛ ශ්‍රී ලංකා පිලට එල්ලවී තිබේ.
සිව්වැනි තරගයේදී පන්දු යවන්නන් දැඩි ප්‍රහාරයකට ලක්වීම නිසා අද පන්දු යවන්නන්ගේ වෙනසක් සිදු වීමට බොහෝ දුරට ඉඩකඩ ඇති බව වාර්තා වේ. සිව්වැනි තරගයට ක්‍රීඩා නොකළ නුවන් කුලසේකර, ලහිරු කුමාර, නුවන් ප්‍රදීප් සහ අකිල ධනංජය කෙරෙහි අද තේරීම් කමිටුවේ අවධානය යොමුවී තිබේ. 
සිව්වැනි තරගයෙන් පසු නායක මැතිව්ස්ද පැවැසුවේ පිතිකරුවන් ලකුණු 300 සීමාව ඉක්මවුවද එය ආරක්ෂා කර ගැනීමට පන්දු යවන්නන් අසමත්වීම කනගාටුවට කරුණක් බවයි.
පසුගිය සෙනසුරාදා පැවැති සිව්වැනි තරගයෙන් ඩක්වර්ත් ලුවිස් ක්‍රමයට කඩුලු 4 ක ජයක් ලැබූ සිම්බාබ්වේ තරගාවලිය 2-2ක් ලෙස සම කිරීමට සමත් විය.
එම තරගයේදී කාසියේ වාසිය දිනා මුලින්ම පන්දුවට පහරදුන් ශ්‍රී ලංකාව පන්දුවාර 50 දී කඩුලු 6 ට ලකුණු 300 ක් ලැබූ අතර වර්ෂාව හේතුවෙන් තරගය අත්හිටුවන විට සිම්බාබ්වේ පන්දුවාර 21 කදී කඩුලු 3 ට ලකණු 139 ක් ලබා සිටියේය.
ඉන්පසු ඩක්වර්ත් ලුවිස් ක්‍රමයට සිම්බාබ්වේට පන්දුවාර 31 කදී ලකුණු 219  ඉලක්කයක් හිමිවූ අතර පන්දුවාර 29.2 කදී කඩුලු 6 ට ලකුණු 219 ක් ලබා ජය ගනිමින් තරගාවලිය සම කිරීමට සිම්බාබ්වේට හැකිවිය.
සිම්බාබ්වේ වෙනුවෙන් සාර්ථක පිතිහරඹයක නිරත වෙමින් පන්දු 56 කදී හතරේ පහර 9 ක් සහ හයේ පහරක් සහිතව නොදැවී ලකුණු 69 ක් ලබාගත් කේ‍ර්ග් අර්වින් තරගයේ වීරයා සම්මානය දිනා ගත්තේය.
මෙම තරගයේදී සිදුවූ විශේෂතම සිදුවීම වූයේ ශ්‍රී ලංකා ආරම්භක පිතිකරු යුගලය වන නිරෝෂන් දික්වැල්ල සහ ධනුෂ්ක ගුණතිලක නව ලෝක වාර්තාවක් පිහිටුවීමට සමත් වීමයි.
පිට පිටම තරග දෙකකදී පළමු කඩුල්ල වෙනුවෙන් ලකුණු 200 කට වැඩි සම්බන්ධතාවක් තැබූ පළමු පිතිකරු යුගලය ලෙස දික්වැල්ල සහ ධනුෂ්ක වාර්තා ‍පොතට එක්විය.
මෙහිදී දික්වැල්ල පිට පිටම දෙවැනි ශතකය වාර්තා කරමින් පන්දු 118 දී හතරේ පහර 8 ක් සහිතව ලකුණු 116 ක් ලබා ගැනීමට සමත් විය.
මුල් කඩුල්ල වෙනුවෙන් ලකුණු 209 ක සම්බන්ධතාවක් වාර්තාවූ අතර ධනුෂ්ක ගුණතිලක පන්දු 101 කදී හතරේ පහර 7 ක් සහිතව ලකුණු 87 ක් වාර්තා කළේය.
නායක මැතිව්ස් සහ උපුල් තරංග එක්ව ලකුණු 41 ක සම්බන්ධතාවක් තැබිමෙන් පසු තරංග (22) රාසාට ගොදුරු වූ අතර අසේල ගුණරත්න (01) සහ කුසල් මෙන්ඩිස් (00) පිටියෙන් ඉවත් කිරීමට මෝෆු සමත් විය.
පන්දු 40 කදී හයේ පහර 2 ක් සහිතව ලකුණු 42 ක් ලැබූ මැතිව්ස් අවසන් පන්දුවේදී චටාරාගේ පන්දුවකට දැවී යන විට ශ්‍රී ලංකාව ලකුණු 300 ක් රැස් කරගෙන තිබුණි.
ලකුණු 301 ක ඉලක්කයක් හඹා යාමට පිටියට පිවිසි සිම්බාබ්වේ ආරම්භක පිතිකරුවන් වන මසකඩ්සා සහ මිරේ පළමු කඩුල්ල වෙනුවෙන් වේගවත් ලකුණු 67 ක සම්බන්ධතාවක් තැබූ අතර මසකඩ්සා (28) සහ මිරේ (43) පිටියෙන් ඉවත් කිරීමට වනිඳු හසරංග සමත් විය.
මුසකන්ඩා පන්දු 22 දී හතරේ පහර 5 ක් සහිතව ලකුණු 30 ක් ලබා චමීරට ගොදුරු වුවද ලකුණු වේගය රඳවා ගැනීමට සිම්බාබ්වේ පිතිකරුවෝ සමත් වූහ.
වර්ෂාවෙන් පසු විලියම්ස් (06) දවා ගැනීමට අසේල සමත් වූ අතර රාසා ලකුණු 10 කට දවා ගැනීමට වනිඳු සමත්විය.
වොලර් (20) සහ අර්වින් (නොදැවී 69) එක්ව 6 වැනි කඩුල්ල වෙනුවෙන් ලකුණු 43 ක සම්බන්ධතාවක් තබමින් සිම්බාබ්වේ ජය තහවුරු කළේය.
ශ්‍රී ලංකාව වෙනුවෙන් පන්දුවෙන් දස්කම් දැක්වූ වනිඳු හසරංග කඩුලු 3 ක් බිඳ හෙළීය.
 
මංගල ධර්මප්‍රේම සූරියවැව සිට

සංචාරක සිම්බාබ්වේ කණ්ඩායම හා ශ්‍රී ලංකා කණ්ඩායම අතර පැවැත්වෙන තරග 05 කින් සමන්විත එක්දින තරඟාවලියේ තෙවැනි තරඟයේ ජය ශ්‍රී ලංකා කණ්ඩායම ලබා ගත්තේය.සිම්බාබ්වේ කණ්ඩායම සිය පන්දුවාර 50 අවසානයේ කඩුලු 8 කට ලකුණු 310යි.ශ්‍රී ලංකා කණ්ඩායම පන්දුවාර 47යි පන්දු 2කදි කඩුලු 2ක් දැවී ලකුණු 312 ක් රැස්කරගෙන තරඟය ජය ගත්තේය.

ප්‍රංශ පාපැදි සවාරියේ බ්‍රිතාන්‍ය පාපැදි ශූර මාක් කැවෙන්ඩිශ් ව අනතුරකට ලක් කිරීමේ චෝදනාවට ස්ලෝවැකියානු ලෝක පාපැදි ශූර පීටර් සගාන්ව තරඟාවලියෙන් ඉවත් කිරීමට සංවිධායකයින් කටයුතු කර ඇතැයි විදෙස් මාධ්‍ය වාරතා කරයි.

ප්‍රංශ පාපැදි සවාරියේ සිව් වන අදියරේ අවසන් සීමාව අසලදී පීටර් සගාන් විසින් මාක් කැවෙන්ඩිශ් ව වැලමියෙන් ඇන බිම හෙළන අයුරු දැක්වෙන වීඩියෝවක්ද නිකුත් වී ඇති අතර අනතුර හේතුවෙන් මාක් කැවෙන්ඩිශ්ගේ උරහිසේ අස්ථි බිඳීගොස් ඇතැයිද වාර්තා වේ.

2012, 2013, 2014, 2015 යන වසරවලදී ප්‍රංශ පාපැදි සවාරියේ ජයග්‍රාහී ස්ථාන වර්තා කිරීමට ස්ලෝවැකියානු ලෝක පාපැදි ශූර පීටර් සගාන් සමත්විය

දියගම මහින්ද රාජපක්ෂ ක්‍රීඩා සංකීර්ණයේදී ඊයේ (04) ඇරඹි ශ්‍රීමත් ජෝන් ටාබට් ජ්‍යෙෂ්ඨ මලල ක්‍රීඩා තරගාවලියේ දිනය නිමාවන විට පැවැති තරඟ කීපයක ප්‍රතිඵල පහත පරිදි වේ.

18න් පහළ බාලිකා යගුලිය විසිකිරීම

පළමු ස්ථානය ශහිනි පීටසන් (ශුද්ධ වූ පවුලේ කන්‍යාරාමය)

දෙවන ස්ථානය රශ්මි හීන්කෙන්ද (ලයිසියම් වත්තල)

තෙවන ස්ථානය වාසනා කුමාරි (හංවැල්ල රාජසිංහ ම.ම.වි)

20න් පහළ බාලක උස පැනීම

පළමු ස්ථානය උෂාන් තිවංක (මාරිස් ස්ටෙල්ලා විද්‍යාලය)

දෙවන ස්ථානය වී. රත්නායක (ඩඩ්ලි සේනානායක විදුහල තෝලංගමුව)

තෙවන ස්ථානය රුවන් සේනාධීර (ගොඩකවෙල රාහුල විද්‍යාලය)

16න් පහළ බාලක තුන් පිම්ම

පළමු ස්ථානය රොෂේන් දුල්මින් (ශාන්ත මරියා විදුහල හලාවත)

දෙවන ස්ථානය අයේෂ්මන්ත ද සිල්වා (මාරිස් ස්ටෙල්ලා විද්‍යාලය)

තෙවන ස්ථානය යෝසුව සෙරෝන් (බලපිටිය සිද්ධාර්ථ ම.ම.වි)

16න් පහළ බාලිකා හෙල්ල විසිකිරීම

පළමු ස්ථානය හසන්ති දිසානායක (වලල ඒ. රත්නායක විද්‍යාලය)

 

තොරතුරු මූලාශ්‍ර - Dialog

පළමු එක්දින තරගය පරාජයවීමෙන් පසු සිම්බාබ්වේ පිතිකරුවන්ට පන්දු යැවූ රටාව වෙනස් කළ බව ඊයේ තරගයේ වීරයා වූ ලක්ෂාන් සඳකැන් පැවැසීය.
පළමු තරගයේදී ඔවුන් අපේ දඟ පන්දු යවන්නන්ට හොඳින් පහර දුන්නා. ඒ නිසා මෙම තරගයේදී අපි වේගය අඩාල කිරීමත් පතිත කරන ස්ථානය වෙනස් කරන්නත් කටයුතු කළා. එහි ප්‍රතිඵලය ලැබුණා යැයි සඳකැන් පවසයි.
මාස කිහිපයකට පසු ක්‍රිඩා කළ එක්දින තරගයේදී කඩුලු ලබා ගැනීමට හැකිවූ බවත් නායකයා ඇතුලු සියලුම ක්‍රීඩකයන්ගෙන් හොඳ සහයක් ලැබුණු බවත් සඳකැන් පවසයි.
පළමු තරගයට පෙර දින අසනීප තත්ත්වයක් ඇතිවු බැවින් ක්‍රීඩා කිරීමට නොහැකි වූ බව පවසන සඳකැන් ඉදිරි තරගවලදී සුපුරුදු දස්කම් දැක්වීමට බලා‍පොරොත්තු වන බවද පවසයි.
මෙම තරගයේදී කඩුල්ලම ඉලක්ක කරගෙන පන්දු යැවීමට සූදානමින් පසු වූ බවත් සිම්බාබ්වේ පිතිකරුවන්ට එරෙහිව පන්දු රකින්නන් යොදවන ස්ථානද වෙනස් කළ බව සඳකැන් පවසයි.
නවක ක්‍රීඩක වනිඳු හොඳින් පන්දු යැවූ බව පවසන සඳකැන් සිය පළමු තරගයේදී එල්ල වන පීඩනය ඔහු හොඳින් පාලනය කළ බවද පවසයි.
පළමු තරගයෙන් පරාජයවීම පිළිබඳව කනගාටුවන නමුත් ඉදිරි සියලු තරග සාර්ථකව නිම කිරීමට බලා‍පොරොත්තු වන බව පවසයි.

සිය මංගල එක්දින ක්‍රිකට් තරගයේදී කඩුලු ත්‍රිත්වයක් ලැබූ ලොව තෙවැනි පන්දු යවන්නා බවට පත්වීමට වනිඳු හසරංග ඊයේ (2දා) ගාල්ල ජාත්‍යන්තර ක්‍රිකට් ක්‍රීඩාංගණයේදී සමත්විය.
ඉනිමේ 34 වැනි පන්දුවාරයේදී මැල්කම් වොලර්, ඩොනල්ඩ් ටිරිපානෝ සහ චටාරාගේ කඩුලු පිට පිටම දවා ගනිමින් වනිඳු හසරංග වාර්තා ‍පොතට එක්විය.
සිය මංගල එක්දින තරගයේදී කඩුලු ත්‍රිත්වයක් ලැබූ පළමු ශ්‍රී ලංකා පන්දු යවන්නා වන වනිඳු හසරංග ගාල්ල රිච්මන්ඩ් විදුහලින් ක්‍රිකට් පිටියට පිවිස අවුරුදු 19 න් පහළ ශ්‍රී ලංකා පිල නියෝජනය කළේය.
මීට පෙර 2014 දී බංගලිදේශ පි‍ලේ ටයිජුල් ඉස්ලාම් මීර්පූර්හිදී සිම්බාබ්වේට එරෙහිවද, 2015 දී දකුණු අප්‍රිකානු පි‍ලේ කගිසෝ රබාඩා මීර්පූර්හිදී බංගලිදේශයට එරෙහිවද මංගල එක්දින තරගයේදී කඩුලු ත්‍රිත්වයක් ලබා තිබුණි.

IMAGE

සැමියාගේ බිමත්කම සහ නොගැළපීම නිසයි විවාහය බිඳ වැටුණේ

IMAGE 2017 Nov 23 13:33
තිලකා රණසිංහගේ ජීවිතයේ වඩාත්ම සතුටු වූ අවස්ථාව හා වැඩියෙන්ම දුක් වූ අවස්ථාව සිහිපත් කරන්න...
Views - 1835

ලංකාව හැර ගිය නතාෂා ආපහු ඇවිත් කියපු කතාව

IMAGE 2017 Nov 23 08:03
නතාෂා පෙරේරා පහුගිය කාලයේ වැඩිපුර දකින්නට ලැබුණේ නැහැ. ඒ ඇය තමන්ගේ ආදරණීය සැමියා ප්‍රිහාන්...
Views - 2163

55 වියැති බැංකු ලොක්කා 29 කන්තෝරු නෝනා සමඟ 'හනිමූන්' ගිහින්

IMAGE 2017 Nov 22 12:50
බැංකුවක උසස් නිලයක් දරන පනස්පස් හැවිරිදි සිය සැමියා වසර ගණනාවක් තිස්සේ විසිනව හැවිරිදි රජයේ...
Views - 4970

අහසේ සිට බිමට පනින එස්.ටී.එෆ්. යුවතියෝ

IMAGE 2017 Nov 22 10:55
අම්පාර උහන ගුවන් ධාවන පථයෙන් අහසට නැඟගත්, එම්. අයි. 17 වර්ගයේ හෙලිකොප්ටරය  නිලඹර දෙපළු කරමින්...
Views - 2963

මිහිදුම සහ වැස්ස ගැන 'කාලගුණ විද්‍යාවෙන්' බොරු කී‍වේ ඇයි?

IMAGE 2017 Nov 22 10:43
මේ දිනවල අළුයම් කාලයේ අගනුවර ඇතුළු ප්‍රදේශ රැසක දැඩි මිහිදුම් තත්ත්වයක් දක්නට ලැබුණු බව...
Views - 1721

මුගාබේගේ බිරිඳ ද පක්ෂයෙන් නෙරපයි

IMAGE 2017 Nov 21 09:37
වසර 37  ක කාලයක් සිම්බාබ්වේ දේශය පාලනය කළ රොබට් මුගාබේ නිවාස අඩස්සියට ගනිමින් හමුදාව එරට...
Views - 2599

Please publish modules in offcanvas position.

Web Analytics