Coss Ear2
lakbima.lk
COSS Ear 1

පාකිස්තානයට නැවතත් ජාත්‍යන්තර ක්‍රිකට් තරග රැගෙන ඒම වෙනුවෙන් සංවිධානය කරන ලද ලෝක ක්‍රිකට් පිල සහ පාකිස්තානු ක්‍රිකට් පිල අතර තරග 3කින් සමන්විත නිදහස් කුසලාන 20-20 ක්‍රිකට් තරගාවලියේ පළමු තරගයෙන් ලකුණු 20ක ජයක් වාර්තා කිරීමට පාකිස්තානය සමත් විය.

මුලින්ම පන්දුවට පහර දුන් පාකිස්තානය පන්දුවාර 20දී කඩුලු 5ට ලකුණු 197ක් ලබාගත් අතර, ලෝක පිලට පන්දුවාර 20දී ලබාගත හැකිවූයේ කඩුලු 7ට ලකුණු 177ක් පමණි.

පාකිස්තානය වෙනුවෙන් පිත්තෙන් විශිෂ්ට දස්කම් දක්වමින් පන්දු 52කදී හතරේ පහර 10ක් සහ හයේ පහර 2ක් සහිතව ලකුණු 86ක් වාර්තා කළ බාබර් අසාම් තරයේ වීරයා සම්මානය දිනා ගත්තේය.

අසාම්ට අනගි සහයක් ලබාදුන් අහමඩ් ෂෙෂාඩ් පන්දු 34කදී හතරේ පහර 3ක් සහිතව ලකුණු 39ක් ලබාගත් අතර, ෂොයබේ මලික් පන්දු 20දී හතරේ පහර 4ක් සහ හයේ පහර 2ක් සහිතව ලකුණු 38ක් වාර්තා කළේය.

ලෝක පිල වෙනුවෙන් පන්දුවෙන් දස්කම් දැක්වූ තිසර පෙරේරා ලකුණු 51ට කඩුලු 2ක් බිඳ හෙලූ අතර, මොනි මෝකල්, බෙන් කටින් සහ ඉම්රාන් තහීර් එක් කඩුල්ල බැගින් බිඳ හෙළීය.

පිළිතුරු ඉනිම ක්‍රීඩා කළ ලෝක පි‍ලේ කිසිදු ක්‍රීඩකයකුට ප්‍රහාරාත්මක ඉනිමක් දියත් කිරීමට නොහැකි වූ අතර, ඩැරන් සමී සහ ෆැෆ් ඩුප්ලෙසිස් ලකුණු 29 බැගින් වාර්තා කළේය.

පාකිස්තානය වෙනුවෙන් පන්දුවෙන් දස්කම් දැක්වූ සොහෙල් ඛාන්, රුම්මාන් රීස් සහ ෂඩාබ් ඛාන් කඩුලු 2 බැගින් බිඳ හෙළීය.

මෙම තරගාවලියේ දෙවැනි තරගය ඊයේ (13දා) පත්‍රය මුද්‍රණයට යන අවස්ථාව වන විටත් පැවැත්වෙමින් තිබුණි.

ලකුණු තත්ත්වය :-
පාකිස්තානය පන්දුවාර 20දී - 197/5යි
ෆකාර් සමාන් 8, අහමඩ් ෂෙෂාඩ් 39, බාබර් අසාම් 86, ෂොයබේ මලික් 38, සෆ්රාස් අහමඩ් 4, ඉමාඩ් වසීම් නොදැවී 15, මොනි මෝකල් 32/1, තිසර පෙරේරා 51/2, බෙන් කටින් 38/1, ඉම්රාන් තහීර් 34/1
ලෝක ක්‍රිකට් පිල පන්දුවාර 20දී - 177/7යි
තමීම් ඉක්බාල් 18,හෂීම් අම්ලා 26, ටිම් පේන් 25, ඩුප්ලෙසිස් 29, ඩේවිඩ් මිලර් 9, ග්‍රාන්ට් එලියට් 14, තිසර පෙරේරා 17, ඩැරන් සමී නොදැවී 29, සොහෙල් ඛාන් 28/2, රුම්මාන් රීස් 37/2, ෂඩාබ් ඛාන් 33/2{jcomments on}

කැරිබියන් ප්‍රිමියර් ලීග් ක්‍රිකට් තරගාවලියේ පේට්රියට්ස් සහ නයිට්රයිඩර්ස් අතර පැවැති අවසන් මහා තරගයෙන් කඩුලු 3 ක ජයක් ලැබූ නයිට්රයිඩර්ස් දෙවැනි වරට ශූරතාව දිනා ගැනීමට සමත් විය.
මුලින්ම පන්දුවට පහර දුන් පේට්රියට්ස් පියන්දුවාර 20දී කඩුලු 6ට ලකුණු 135ක් ලබාගත් අතර, නයිට්රයිඩර්ස් පන්දුවාර 19කදී කඩුලු 7ට ලකුණු 136ක් ලබමින් ජය වාර්තා කළේය.
නයිට්රයිඩර්ස් කඩුලු 7ක් ලකුණු 90ක් තුළ බිඳ වැටී තිබූ අවස්ථාවේ පිටියට පිවිස පන්දු 14කදී හතරේ පහර 2ක් සහ හයේ පහර 2ක් සහිතව නොදැවී ලකුණු 29ක් රැස් කළ කෙවන් කූපර් තරගයේ වීරයා සම්මානය දිනා ගත්තේය.
මෙම තරගයේදී කොදෙව් සුපිරි ප්‍රහාරක ආරම්භක පිතිකරුවන් වන ක්‍රිස් ගේල් සහ එවන් ලුවිස් අසාර්ථක වීමෙන් පේට්රියට්ස්ට පරාජය වීමට සිදුවිය.
 
ලකුණු තත්ත්වය :-
පේට්රියට්ස් පන්දුවාර 20දී - 135/6යි
ක්‍රිස් ගේල් 1, එවන් ලුවිස් 16, මොහොමඩ් හෆීස් 5, ජොනතන් කාටර් 21, බ්‍රෙන්ඩන් කිංග් 19, බෙවන් තෝමස් 17, කාලෝස් බ්‍රාත්වේට් නොදැවී 30, මොහොමඩ් නබි නොදැවී 18, සීල්ස් 29/2, බිටන් 27/1, නාරයින් 8/1, කූපර් 12/2
නයිට්රයිඩර්ස් පන්දුවාර 19කදී 136/7යි
නාරයින් 3, කොලින් මුන්රෝ 29, ඩ්වේන් බ්‍රාවෝ 00, හම්සා තරීක් 18, ඩැරන් බ්‍රාවෝ 1, දිනේෂ් රම්ඩීන් නොදැවී 26, ඩෑන් ක්‍රිස්ටියන් 8, සීල්ස් 2, කෙවන් කූපර් නොදැවී 29, කොට්රල් 21/2, හෆීස් 19/2, ෂම්සි 20/2

ඕස්ට්‍රේලියාවේ ගෝල්ඩ්කෝස්ට් නගරයේදී පැවැති ‍පොදුරාජ්‍ය මණ්ඩලයීය බර ඉසිලීමේ තරගාවලියේ කනිෂ්ඨ අංශය යටතේ තරග වැදුණු ශ්‍රී ලංකාවේ ඉසුරු සේනාධීර ලෝකඩ පදක්කමක් දිනා ගැනීමට සමත් වී තිබේ.
කිලෝ ග්‍රෑම් 94ට අඩු බර පන්තිය යටතේ තරග කළ ඉසුරු සේනාධීර ස්නැච් ක්‍රමයට කිලෝ ග්‍රෑම් 130ක් සහ ක්ලීන් ඇන්ඩ් ජර්ක් ක්‍රමයට කිලෝ ග්‍රෑම් 155ක බරක් ඔසවමින් කිලෝ ග්‍රෑම් 285ක මුළු බර එකතුවක් සටහන් කරමින් මෙම පදක්කම දිනාගෙන තිබේ.
ඉසුරු සේනාධීර ‍‍‍ජ්‍යෙෂ්ඨ අංශය යටතේද කිලෝ ග්‍රෑම් 94ට අඩු බර පන්තිය යටතේ තරග කළ නමුත් පදක්කමක් දිනා ගැනීමට නොහැකි විය.
මෙම තරගාවලියට ශ්‍රී ලංකාවෙන් ක්‍රීඩක ක්‍රීඩිකාවන් 19 දෙනකුගෙන් යුත් කණ්ඩායමක් සහභාගි වූ අතර, එහිදී ‍‍‍ජ්‍යෙෂ්ඨ
අංශයේ කිලෝ ග්‍රෑම් 56ට අඩු බර පන්තිය නියෝජනය කළ චතුරංග ලක්මාල් රිදී පදක්කමක්ද, කිලෝ ග්‍රෑම් 48ට අඩු බර පන්තිය නියෝජනය කළ හංසනී ගෝමස් ලෝකඩ පදක්කමක්ද දිනා ගැනීමට සමත් වූහ.
 
(සපුමල්)

Daya Kaluකොරියාවේ නිල සංචාරයක නිරතවූ ක්‍රීඩා අමාත්‍ය දයාසිරි ජයසේකර මහතාට කුකිවොන් (kukkiwon) ටයිකොන්ඩෝ මූලස්ථානය විසින් 7 වන ශ්‍රේණියේ ටයිකොන්ඩෝ ගෞරව කළු පටියක් ප්‍රදානය කිරීම සිදු විය. එම මූලස්ථානය විසින් කිසියම් රාජ්‍යයක ක්‍රීඩා අමාත්‍යවරයකුට ප්‍රදානය කරනු ලබන ගෞරව කළු පටිහි උපරිම ශ්‍රේණිය 6 වන අතර දයාසිරි ජයසෙකර මහතා වූෂු ක්‍රීඩාව ඇතුළු තවත් ආත්මාරක්ෂක සටන් ක්‍රම හදාරමින් පෙන්වා ඇති දක්ෂතා හේතුවෙන් පැවති එන සම්ප්‍රදාය ඉක්මවා 7 වන ශ්‍රේණියේ කළු පටියක් ප්‍රදානය කිරීමට කටයුතු යොදා තිබීම විශේෂත්වයක් විය.

ඕස්ට්‍රේලියාවේ ගෝල්ඩ්කෝස්ට්හි පිහිටි ක්‍රීඩා හා විනෝදාංශ මධ්‍යස්ථාන ක්‍රීඩාගාරයේදී පැවැත්වෙන ‍පොදුරාජ්‍ය මණ්ඩලයීය බර ඉසිලීමේ තරගාවලියේදී ශ්‍රී ලංකාවේ චතුරංග ලක්මාල් රිදී පදක්කමක්ද, හංසනී ගෝමස් ලෝකඩ පදක්කමක්ද දිනා ගැනීමට සමත් වී තිබේ.
චතුරංග ලක්මාල් කිලෝ ග්‍රෑම් 56ට අඩු බරපන්තිය යටතේ තරග බිමට පිවිසෙමින් ස්නැච් ක්‍රමයට කිලෝ ග්‍රෑම් 117ක්ද, ක්ලීන් ඇන්ඩ් ජර්ක් ක්‍රමයට කිලෝ ග්‍රෑම් 130ක්ද සමගින් කිලෝ ග්‍රෑම් 247ක මුළු  බර එකතුවක් සටහන් කරමින් රිදී පදක්කම දිනාගෙන තිබේ. 
චතුරංග ලක්මාල් ස්නැච් ක්‍රමයට එසවූ කිලෝ ග්‍රෑම් 117ක බර ප්‍රමාණය නව ශ්‍රී ලංකා වාර්තාවක්ද වීම විශේෂත්වයක් වන අතර, මීට පෙර එම වාර්තාව කිලෝ ග්‍රෑම් 114ක් ලෙස සටහන් වී තිබුණි.
පසුගිය වසරේ ඉන්දියාවේදී පැවැති දකුණු ආසියානු ක්‍රීඩා උළෙ‍ලේ රිදී පදක්කම්ලාභියකු වන චතුරංග ලක්මාල් ‍පොදුරාජ්‍ය මණ්ඩලයීය බර ඉසිලීමේ තරගාවලියකදී දිනාගත් පළමු පදක්කම ලෙසද මෙය සටහන් වෙයි.
මෙම ඉසව්වේදී ස්නැච් ක්‍රමයට කිලෝ ග්‍රෑම් 117ක්ද, ක්ලීන් ඇන්ඩ් ජර්ක් ක්‍රමයට කිලෝ ග්‍රෑම් 140ක්ද සමගින් කිලෝ ග්‍රෑම් 257ක මුළු බර එකතුවක් සටහන් කළ මලයාසියානු ක්‍රීඩකයාට රන් පදක්කම හිමිවිය.
කාන්තා තරගාවලිය යටතේ කිලෝ ග්‍රෑම් 48ට අඩු බර පන්තිය යටතේ තරග කළ හංසනී ගෝමස් ලෝකඩ පදක්කමක් දිනා ගැනීම කැපී පෙනෙන සිදුවීමක් විය.
එහිදී හංසනී ගෝමස් ස්නැච් ක්‍රමයට කිලෝ ග්‍රෑම් 63ක්ද, ක්ලීන් ඇන්ඩ් ජර්ක් ක්‍රමයට කිලෝ ග්‍රෑම් 86 ක්ද සමගින් කිලෝ ග්‍රෑම් 149ක මුළු බර එකතුවක් සටහන් කර ගනිමින් ලෝකඩ පදක්කම දිනාගෙන තිබේ.
තිලංග පළඟසිංහ සහ සුදේශ් පීරිස් කිලෝ ග්‍රෑම් 62ට අඩු බරපන්තිය යටතේ ඊයේ (5දා) රාත්‍රියේ තරග වැදීමට නියමිතව තිබූ අතර, ඉන්දික දිසානායක කිලෝ ග්‍රෑම් 69ට අඩු බර පන්තිය යටතේ අද (6දා) තරග බිමට පිවිසෙයි.
(සපුමල්)

ශ්‍රී ලංකාව සහ ඉන්දියාව අතර ආර්. ප්‍රේමදාස පිටියේ පැවැති සිව්වැනි එක්දින ක්‍රිකට් තරගයෙන් ලකුණු 168 ක ජයක් වාර්තා කිරීමට ඊයේ (31දා) ඉන්දියාව සමත් විය.
මේ අනුව තරග 5 කින් සමන්විත එක්දින තරගාවලිය තරග 4-0 ක් ලෙස ඉන්දියාව පෙරමුණේ පසුවෙයි.
කාසියේ වාසිය දිනා මුලින්ම පන්දුවට පහරදුන් ඉන්දියාව පන්දුවාර 50 දී කඩුලු 5 ට ලකුණු 375 ක් වාර්තා කළ අතර ශ්‍රී ලංකාවට පන්දුවාර 42.4 කදී ලබාගත හැකිවූයේ ලකුණු 207 ක් පමණි.
ඉන්දියාව වෙනුවෙන් සුපිරි පිතිහරඹයක නිරත වෙමින් ශතක රැස් කිරීමට විරාත් කෝලි සහ රෝහිත් ෂර්මා සමත්වූ අතර ඔවුන් දෙදෙනා අතර දෙවැනි කඩුල්‍ලේ සම්බන්ධතාවය ලකුණු 214 ක් විය.
සිය 29 වැනි එක්දින ශතකය වාර්තා කළ කෝලි පන්දු 96 කදී හතරේ පහර 17 ක් සහ හයේ පහර 2 ක් සහිතව ලකුණු 131 ක් ලබා ගත්තේය.
මෙවර තරගාවලියේදී පිට පිටම දෙවැනි ශතකය මෙන්ම සිය එක්දින දිවියේ 13 වැනි ශතකය වාර්තා කළ රෝහිත් ෂර්මා පන්දු 88 කදී හතරේ පහර 11 ක් සහ හයේ පහර 3 ක් සහිතව ලකුණු 104 ක් වාර්තා කළේය.
කෝලි දවාගත් ලසිත් මාලිංග සිය 300 වැනි එක්දින කඩුල්ල ලබා ගත් අතර මීට පෙර ශ්‍රී ලංකාව වෙනුවෙන් මුරලි, වාස් සහ ජයසූරිය මෙම දස්කම කර තිබුණි.
පාන්ඩ්යා ලකුණු 19 කට දවාගත් මැතිව්ස් ඊළඟ පන්දුවේදී රෝහිත් දවා ගත්තද රාහුල් ධනංජයගේ පන්දුවක් හමුවේ ලකුණු 7 කට දැවී යාමෙන් පසු පිටියේ එක්වූ දෝනි සහ මනීෂ් පාන්ඩේ ශ්‍රී ලංකාවේ බලාපාරොත්තු සුන් කළේය.
දෝනි සහ පාන්ඩේ අතර ලකුණු 101 ක සම්බන්ධතාවක් වාර්තා වූ අතර පාන්ඩේ නොදැවී ලකුණු 50 ක්ද දෝනි නොදැවී ලකුණු 49 ක්ද ලබා තිබුණි.
පන්දුවෙන් දස්කම් දැක්වූ මැතිව්ස් ලකුණු 24 ට කඩුලු 2 ක් බිඳ හෙලූ අතර විශ්ව, මාලිංග සහ ධනංජය එක් කඩුල්ල බැගින් බිඳ හෙලූහ.
ලකුණු 376 ක අසීරු ඉලක්කයක් හඹා යාමට පිටියට පිවිසි ශ්‍රී ලංකාවේ කඩුලු 4 ක් ලකුණු 68 කට බිඳ වැටුණු අතර මැතිව්ස් සහ මිලින්ද අතර 5 වැනි කඩුල්ල වෙනුවෙන් ලකුණු 73 ක සම්බන්ධතාවක් වාර්තා විය.
මිලින්ද ලකුණු 39 කට දැවී යාමෙන් පසු හුදෙකලාවූ මැතිව්ස් පන්දු 80 කදී හතරේ පහර 10 ක් සහිතව ලකුණු 70 ක් ලබා ගත්තේය.
ඉන්දියාව වෙනුවෙන් පන්දුවෙන් දස්කම් දැක්වූ ජස්ප්‍රිට් බුම්රා කඩුලු 2 ක්ද, පාන්ඩ්යා කඩුලු 2 ක්ද, කුල්දීප් යදාව් කඩුලු 2 ක්ද බිඳ හෙලූහ.
ශ්‍රී ලංකාව සහ ඉන්දියාව අතර 5 වැනි සහ අවසන් එක්දින ක්‍රිකට් තරගය 3 දා ආර්. ප්‍රේමදාස පිටියේදී පැවැත්වේ.
ලකුණු පුවරුව
ඉන්දියාව
රෝහිත් ෂර්මා ඇ. දික්වැල්ල ප. මැතිව්ස්104ෂිකර් ධවාන් ඇ. පුෂ්පකුමාර ප. ප්‍රනාන්දු 4
විරාත් කෝලි ඇ. මුණවීර ප. මාලිංග131
හාර්දික් පාන්ඩ්යා ඇ. වනිඳු ප. මැතිව්ස්19
ලෝකේශ් රාහුල් ඇ. වනිඳු ප. ධනංජය 7
මනිෂ් පාන්ඩේ (නොදැවී)50
එම්.එස්. දෝනි (නොදැවී)49
අතිරේක 11
මුළු ලකුණු (පන්දුවාර 50දී කඩුලු 5ක් දැවී)375
කඩුලු බිඳ වැටීම :- 1-6, 2-225, 3-262, 4-262, 5-274
පන්දු යැවීම :- ලසිත් මාලිංග 10-0-82-1, විශ්ව ප්‍රනාන්දු 8-1-76-1, ඇන්ජලෝ මැතිව්ස් 6-2-24-2, මලින්ද පුෂ්පකුමාර 9-0-65-0, අකිල ධනංජය 10-0-68-1, වනිඳු හසරංග 2-0-19-0, මිලින්ද සිරිවර්ධන 5-0-36-0
ශ්‍රී ලංකාව
නිරෝෂන් දික්වැල්ල ඇ. දෝනි ප. තකූර් 14
ඩිල්ෂාන් මුණවීර ඇ. දෝනි ප. බුම්රා11
කුසල් මෙන්ඩිස් දු.දැ.ගි. (රාහුල්)1
ලහිරු තිරිමාන්න ඇ. ධවාන් ප. පාන්ඩ්යා18
ඇන්ජලෝ මැතිව්ස් ඇ. තකූර් ප. පටෙල්70
මිලින්ද සිරිවර්ධන ඇ. දෝනි ප. පාන්ඩ්යා39
වනිඳු හසරංග දු.දැ.ගි (බුම්රා/පටෙල්)22
අකිල ධනංජය (නොදැවී)11
මලින්ද පුෂ්පකුමාර ඇ. පාන්ඩ්යා ප. බුම්රා 3
විශ්ව ප්‍රනාන්දු ඇ. හා ප. කුල්දීප් යදාව් 5
ලසිත් මාලිංග ප. කුල්දීප් යදාව් 0
අතිරේක 13
මුළු ලකුණු (පන්දුවාර 42.4කදී සියලු දෙනා දැවී)207
කඩුලු බිඳ වැටීම :- 1-22, 2-26, 3-37, 4-68, 5-141, 6-177, 7-190, 8-196, 9-207, 10-207  
පන්දු යැවීම :- ෂර්දුල් තකූර් 7-0-26-1, ජස්ප්‍රිට් බුම්රා 7-0-32-2, හර්දික් පාන්ඩ්යා 8-0-50-2, විරාත් කෝලි 2-0-12-0, කුල්දීප් යදාව් 8.4-1-31-2, අක්ෂාර් පටෙල් 10-0-55-1

මංගල ධර්මප්‍රේම

 

IMAGE

බසයේදී දුන් බොරු විවාහ පොරොන්දුවෙන් පවුල්ජීවිතේ 'හබක්'

IMAGE 2018 Feb 23 12:25
ඔහු අගනුවර ප්‍රසිද්ධ සමාගමක විධායක නිලධාරියෙකි. වයස අවුරුදු 40 ඉක්මවූ ඔහුට රූමත් බිරිඳක් සහ...
Views - 2188

අහිමි පෙම ඉල්ලා පෙම්වතියට ප්‍රසිද්ධියේ ගුටි ඇනලා

IMAGE 2018 Feb 23 10:42
පැරණි පෙම්වතියගෙන් අහිමි වූ ආදරය නැවත ඉල්ලා එය නොලැබුණු විට නාරාහේන්පිට ප්‍රදේශයේදී ඇයට...
Views - 1574

සංසාර සිහිනයේ ගී සංකල්පනය මම 'ටැබ් එකේ ටයිප් කරපු' එකක්

IMAGE 2018 Feb 21 12:00
සනුක වික්‍රමසිංහ ගායනා කරන “සංසාර සිහිනේ” කලක පටන් බොහෝ ගීත දර්ශකවල පෙරමුණ ගෙන තිබෙන...
Views - 3118

මම නාට්‍ය කලාවෙ ඉන්නේ ඒ ගැන තියන 'උණ' නිසයි

IMAGE 2018 Feb 21 11:53
වේදිකාව, පුංචිතිරය සහ සිනමාව යන මාධ්‍ය ත්‍රිත්වයෙහිම සිය ප්‍රතිභාව ප්‍රකට කළ කලාකරුවකුවන...
Views - 1823

බිරිඳ රැකියාවක් නොකිරීම මගේ සාර්ථකවයට හේතුවක්

IMAGE 2018 Feb 20 14:38
“සිරස ජූනියර් සුපර් ස්ටාර්..” තරගය ගැන මුලින්ම අප ඔබගෙන් විමසන්න කැමතියි.. ඇත්තෙන්ම “සිරස...
Views - 6586

බිරිඳට පින් තකා සුනඛයන්ට දිනපතා සහල් කිලෝ 08ක දනක්

IMAGE 2018 Feb 20 14:23
මිනිසා තිරිසනුන් වන අවස්ථාත් තිරිසනා මිනිසුන් වන අවස්ථාත් අපට බොහෝ විට දක්නට ලැබුණද...
Views - 3976

Please publish modules in offcanvas position.