Coss Ear2
lakbima.lk
COSS Ear 1

ඉන්දියාව සහ ඕස්ට්‍රේලියාව අතර තරග 3කින් සමන්විත 20-20 ක්‍රිකට් තරගාවලියේ දෙවැනි තරගයෙන් කඩුලු 8ක ජයක් වාර්තා කළ ඕස්ට්‍රේලියාව තරගාවලිය 1-1ක් ලෙස සම කිරීමට සමත් විය. 
පළමුවෙන් පන්දුවට පහර දුන් ඉන්දියාව ජේසන් බෙරෙන්ඩේ‍රා්ෆ්ගේ සුපිරි පන්දු යැවීම හමුවේ ලකුණු 118කට දැවී ගිය අතර, පිළිතුරු ඉනිම ක්‍රීඩා කළ ඕස්ට්‍රේලියාව පන්දුවාර 15.3කදී කඩුලු 2ක් දැවී අදාළ ඉලක්කය සම්පූර්ණ කළේය.
ඕස්ට්‍රේලියාව වෙනුවෙන් පන්දුවෙන් විශිෂ්ට දස්කම් දැක්වූ ජේසන් බෙරෙන්ඩේ‍රා්ෆ් පන්දුවාර 4දී ලකුණු 21ට කඩුලු 4ක් බිඳ හෙලූ අතර, ඇඩම් සම්පා ලකුණු 19කට කඩුලු 2ක් බිඳ හෙළීය.
ලකුණු 119ක ජයග්‍රාහී ඉලක්කයක් හඹා ගිය ඕස්ට්‍රේලියානු ආරම්භක පිතිකරු යුගළය වූ අරොන් ෆින්ච් (8) සහ ඩේවිඩ් වෝනර් (2) අඩු ලකුණු සංඛ්‍යාවකට දැවී ගියද ඉන් පසු පිටියේ එක්වූ මොයිසස් හෙන්රිකස් සහ  ටේ‍රවිස් හෙඩ් තෙවැනි කඩුල්ල සඳහා නොබිඳුණු ලකුණු 109ක විශිෂ්ට සම්බන්ධතාවක් තබමින් ඕස්ට්‍රේලියානු ජය තහවුරු කළහ.
හෙන්රිකස් පන්දු 46කදී හතරේ පහර 4ක් සහ හයේ පහර 4ක් සමගින් නොදැවී ලකුණු 62ක් රැස් කළ අතර, ටේ‍රවිස් හෙඩ් පන්දු 34කදී හතරේ පහර 5ක් සහ හයේ පහරක් සමගින් නොදැවී ලකුණු 48ක් වාර්තා කළේය.
පළමුවෙන් පන්දුවට පහර දුන් ඉන්දීය කිසිදු පිතිකරුවකුට සාර්ථක වීමට ඕස්ට්‍රේලියානු පන්දු යවන්නෝ ඉඩ ලබා නොදුන් අතර, කෙදර් ජදාව් (27) සහ හර්දික් පාන්ඩ්යා (25) ඉනිමේ වැඩිම ලකුණු ලාභීන් වූහ.
 
ලකුණු තත්ත්වය :-
ඉන්දියාව පන්දුවාර 20දී සියලු දෙනා දැවී - 118යි
ෂර්මා 8, ධවාන් 2, කෝලි 0, මනිෂ් පාණ්ඩේ 6, ජදාව් 27, දෝනි 13, පාන්ඩ්යා 25, බුවනේෂ්වර් 1, කුල්දීප් යදාව් 16, බුම්රා 7, චහාල් 3,  බෙරෙන්ඩේ‍රා්ෆ් 21/4, ඇඩම් සම්පා 19/2
ඕස්ට්‍රේලියාව පන්දුවාර 15.3කදී - 122/2යි
ෆින්ච් 8, වෝනර් 2, හෙන්රිකස් 62, හෙඩ් 48

ශ්‍රී ලංකාව සහ පාකිස්තානය අතර ඩුබායිහි පැවැති දෙවැනි ටෙස්ට් ක්‍රිකට් තරගයෙන් ලකුණු 68ක ජයක් වාර්තා කළ ශ්‍රී ලංකාව පළමු දිවා රාත්‍රී ටෙස්ට් ජය සහ එක්සත් අරාබි එමීර් රාජ්‍යයේදී පළමු ටෙස්ට් තරගාවලි ජය හිමිකර ගනිමින් ඉතිහාසයට එක්විය.
මෙම තරගාවලියේ අබුඩාබිහි පැවැති පළමු තරගයෙන් ලකුණු 21ක ජයක් ලැබූ ශ්‍රී ලංකාව දෙවැනි තරගයෙන් ලකුණු 68ක ජයක් ලබමින් ටෙස්ට් තරගාවලිය 2-0ක් ලෙස ජය ගත්තේය.
ශ්‍රී ලංකා දෙවැනි ඉනිම ලකුණු 96කට සීමා වූ අතර, ලකුණු 317ක ඉලක්කයක් හඹා ගිය පාකිස්තානයට ලබාගත හැකිවූයේ ලකුණු 248ක් පමණි.
මේ අනුව ශ්‍රී ලංකාව පළමු වරට එක්සත් අරාබි එමීර් රාජ්‍යයේදී ටෙස්ට් තරගාවලියක් ජය ගැනීමට සමත් වූ අතර, ආරක්ෂක හේතූන් මත පාකිස්තානය එක්සත් අරාබි එමීර් රාජ්‍යයේ ක්‍රීඩා කිරීමෙන් පසු ලැබූ පළමු ටෙස්ට් තරගාවලි පරාජයද මෙය වෙයි.
දිනේෂ් චන්දිමාල්ගේ නායකත්වයෙන් යුත් ශ්‍රී ලංකා ක්‍රිකට් පිල සිය පළමු දිවා/රාත්‍රී ක්‍රිකට් තරගයේදීම ජය වාර්තා කරමින් ඉතිහාසයට එක්විය. 
තරගයේ සිව්වැනි දිනය අවසන් වන විට සෆ්රාස් අහමඩ් සහ අසාඩ් ෂෆීක් ලකුණු 148ක නොබිඳුණු සම්බන්ධතාවක් තබමින් පාකිස්තානු බලා‍පොරොත්තු ඉහළ නැංවූ නමුත් ඊයේ පෙරවරුවේ දිල්රුවන් පෙරේරා සෆ්රාස් අහමඩ් ලකුණු 68කට දවා ගැනීමත් සමගම තරගය ශ්‍රී ලංකාව දෙසට හැරුණි. 
ඉන්පසු පිටියට පිවිසි මොහොමඩ් අමීර් ලකුණු 4කට දවා ගැනීමට සමත් වූ දිල්රුවන් ඉනිමකදී කඩුලු 5ක් දවා ගැනීම සනිටුහන් කළේය.
ඉන්පසු යසීර් ෂා රංගනගේ පන්දුවක් හමුවේ දැවී යාමෙන් අසාඩ් ෂෆීක් එක් අන්තයක තනි විය.
හුදෙකලා සටනක නිරත වෙමින් ශතකයක් වාර්තා කළ අසාඩ් ෂෆීක් සුරංග ලක්මාල් හමුවේ කුසල් මෙන්ඩිස්ගේ විශිෂ්ට උඩ පන්දු රැකීම හමුවේ ලකුණු 112කට දැවී යාමත් සමගම පාකිස්තානු සටන අවසන් විය.
ෂෆීක් පන්දු 176කට මුහුණ දෙමින් හතරේ පහර 10ක් සහිතව සිය 11 වැනි ශතකය වාර්තා කර තිබුණි.
රංගන හේරත්ගේ පන්දුවක් හමුවේ වහාබ් රියාස් ලබාදුන් උඩ පන්දුව නායක දිනේෂ් චන්දිමාල් රැක ගැනීමත් සමගම ශ්‍රී ලංකාවට ඓතිහාසික ටෙස්ට් ජය හිමිවිය. 
පන්දුවෙන් දස්කම් දැක්වූ දිල්රුවන් පෙරේරා ඉනිම දෙකේදී ලකුණු 170කට කඩුලු 8ක් බිඳ හෙලූ අතර, රංගන හේරත් ඉනිම දෙකේදී ලකුණු 141කට කඩුලු 5ක් බිඳ හෙළීය. 
මෙම තරගයේ මුල් ඉනිමේදී ලකුණු 196ක් ලබමින් ශ්‍රී ලංකා ජයග්‍රහණය වෙනුවෙන් මූලික අඩිතාලම දැමූ දිමුත් කරුණාරත්න තරගයේ වීරයා සහ තරගාවලියේ වීරයා සම්මාන දිනා ගත්තේය.

අධ්‍යාපන අමාත්‍යාංශය සංවිධානය කරන 33වැනි සමස්ත ලංකා පාසල් ක්‍රීඩා උළෙ‍ලේ අවුරුදු 20න් පහළ බාලක රග්බි ශූරතාව දිනා ගැනීමට කොළඹ ඉසිපතන විදුහල සමත් විය.
අවසන් මහ තරගයේදී ඉසිපතන හමුවේ ලකුණු 31-05කින් ගල්කිස්ස විද්‍යා විදුහල පරාජය ලැබිය.
ඉසිපතන ගෝල 3ක් සහ උත්සාහක දිනුම් 2ක් මගින් ලකුණු ලබාගත් අතර, විද්‍යා විදුහල එක් උත්සාහක දිනුමක් මගින් ලකුණු ලබා ගත්තේය.

කොළඹ රාජකීය විදුහල් ක්‍රීඩා සංකීර්ණයේදී පැවැති මෙම තරගාවලියේ අනුශූරතාව ගල්කිස්ස විද්‍යා විදුහල දිනාගත් අතර, තෙවැනි ස්ථානය මොරටු මහා විදුහල සතුවිය.
ඉසිපතන විදුහ‍ලේ පී.ඩබ්ලිව්. නදීෂ චමින්ද දක්ෂතම ක්‍රීඩකයා ලෙස සම්මාන දිනා ගත්තේය.
සමස්ත ලංකා පාසල් ක්‍රීඩා උළෙ‍ලේ මේ වන විට අවසන්ව ඇති කණ්ඩායම් තරග ප්‍රතිඵල පහත දැක්වේ.

දැල්පන්දු
අවු. 16න් පහළ බාලිකා
1. කුරුණෑගල ශුද්ධ වූ පවු‍ලේ කන්‍යාරාමය, 2. කොළඹ විශාඛා විදුහල, 3. කුරුණෑගල මලියදේ බාලිකා විදුහල
අවු. 18න් පහළ බාලිකා
1. කුරුණෑගල ශුද්ධ වූ පවු‍ලේ කන්‍යාරාමය, 2. කොළඹ විශාඛා විදුහල, 3. කළුතර බාලිකාව
අවු. 20න් පහළ බාලිකා
1. දෙහිවල පේ‍රස්බිටීරියන් බාලිකාව, 2. කුරුණෑගල ශුද්ධ වූ පවු‍ලේ කන්‍යාරාමය, 3. කොළඹ විශාඛා විදුහල
දක්ෂතම ක්‍රීඩිකාව :- රෂ්මි දිව්‍යාංජලී (දෙහිවල පේ‍රස්බිටීරියන්)

බැඩ්මින්ටන්
අවු. 17න් පහළ බාලක
1. අම්බලන්ගොඩ ධර්මාශෝක, 2. ගාල්ල රිච්මන්ඩ්, 3. කොළඹ නාලන්දා
අවු. 17න් පහළ බාලිකා
1. කොළඹ මියුසියස් විදුහල, 2. කොළඹ විශාඛා විදුහල, 3. නුගේගොඩ අනුලා විදුහල
අවු. 20න් පහළ බාලක
1. කොළඹ ආනන්ද විදුහල, 2, කොළඹ නාලන්දා විදුහල, 3. කොළඹ රාජකීය විදුහල
අවු. 20න් පහළ බාලිකා
1. කොළඹ විශාකා විදුහල, 2. කොළඹ සිරිමාවෝ බණ්ඩාරනායක විදුහල 3. කොළඹ මියුසියස් විදුහල
දක්ෂතම ක්‍රීඩකයා :- රන්තුෂ්ක සසිඳු (නාලන්දා විදුහල)
දක්ෂතම ක්‍රීඩිකාව :- හෂිනි අම්බලන්ගොඩ (විශාකා විදුහල)

සැහැල්ලු පන්දු ක්‍රිකට්
බාලක
1. පානදුර ශ්‍රී සුමංගල පිරිමි විද්‍යාලය, 2. පුත්තලම කල්පිටිය නිර්මල මාතා සිංහල මහා විද්‍යාලය, 3. බලංගොඩ ආනන්ද මෛත්‍රීය මධ්‍ය මහා විද්‍යාලය
බාලිකා
1. රත්ගම දේවපතිරාජ විද්‍යාලය, 2. එප්පාවල ශ්‍රී සිද්ධාර්ථ මධ්‍ය මහා විද්‍යාලය, 3. වැලිගම ශ්‍රී සුමංගල බාලිකා විද්‍යාලය

වෙරළ වොලිබෝල්
අවු. 20න් පහළ බාලක
1. සීදූව දවිසමර විදුහල, 2. වවුනියාව සිරි සුමන ම.වි., 3. යාපනය කොන්ඩලාරු දමිල ම.වි.
අවු. 2න් පළ බාලිකා
1. ආනමඩුව මහා විදුහල, 2. හලාවත වෑකඩ මහ විදුහල, 3. දෙනියාය මහා විදුහල
දක්ෂතම ක්‍රීඩකයා :- මිහිරංග උදයකුමාර (සීදූව දවිසමර)
දක්ෂතම ක්‍රීඩිකාව :- තරුෂි අයෝද්‍යා (ආනමඩුව ම.වි.)

ඇරොබික් ජිම්නාස්ටික්
බාලක
1. හෝමාගම මහින්ද රාජපක්ෂ විදුහල, 2. ‍පොල්ගහවෙල පරාක්‍රමබාහු මධ්‍ය මහා විදුහල, 3. නුගේගොඩ ශා. ජෝන් විදුහල
බාලිකා
1. කඩවත මහාමායා බාලිකා විදුහල, 2. හෝමාගම මහින්ද රාජපක්ෂ විදුහල, 3. කොළඹ විශාඛා විදුහල
දක්ෂතම ක්‍රීඩකයා :- එම්. හරිත් ප්‍රමුදිත (රිච්මන්ඩ්)
දක්ෂතම ක්‍රීඩිකාව :- එස්. චූලනී කෞෂල්‍යා (හෝමාගම මහින්ද රාජපක්ෂ විදුහල)

මල්ලව‍පොර
1. වලල ඒ. රත්නායක විදුහල, 2. මොරටුව වේල්ස් කුමර විදුහල, 3. දෙමටගොඩ වේළුවන විදුහල
දක්ෂතම ක්‍රීඩකයා :- එම්.ජී.පී. බිම්සර (වලල ඒ. රත්නායක)

තේ‍රා්බෝල්
අවු. 17න් පහළ බාලක
1. වැල්ලවාය ජේ.එම්. කුමාරදාස මහා විදුහල, 2. කුරුවිට එරත්න මහා විදුහල, 3. කෑගලු විද්‍යාලය
අවු. 17න් පහළ බාලිකා
1. කොළඹ සිරිමාවෝ බණ්ඩාරනායක විදුහල, 2. මාතර තෙලිජ්ජවිල මහා විදුහල, 3. වැල්ලවාය ජේ.එම්. කුමාරදාස මහා විදුහල
අවු. 20න් පහළ බාලක
1. කුරුවිට මධ්‍ය විද්‍යාලය, 2. හොරණ ශ්‍රීපාලි විදුහල, 3. යාපනය යූනියන් විදුහල
අවු. 20න් පහළ බාලිකා
1. කොළඹ සිරිමාවෝ බණ්ඩාරනායක විදුහල, 2. යාපනය යූනියන් විදුහල, 3. කෑගල්ල ශා. ජෝසප් බාලිකා විදුහල
දක්ෂතම ක්‍රීඩකයා :- ඩබ්ලිව්.ඩී.එස්.එම්. අබේරත්න (කුරුවිට මධ්‍ය විදුහල)
දක්ෂතම ක්‍රීඩිකාව :- අෂිනි මධුෂානි (කොළඹ සිරිමාවෝ බණ්ඩාරනායක විදුහල)


ප්‍රභාත් විදානපතිරණ

ශ්‍රී ලංකා යුද හමුදා  54 වන අන්තර් රෙජිමේන්තු මලල ක්‍රීඩා ශූරතාවලිය ඊයේ (03) දියගම මහින්ද රාජපක්ෂ ක්‍රීඩාංගණයේ දී ආරම්භ විය.

දින 03ක් පුරා පැවැත්වීමට නියමිත මෙම තරගාවලියේ දී ශ්‍රී ලංකා යුද හමුදාවේ සියලුම රෙජිමේන්තු නියෝජනය කරමින් මලල ක්‍රීඩක ක්‍රීඩිකාවන් ජවන හා පිටිය ඉසව්වල දී තරග බිමට පිවිසෙනු ඇත.

ඊයේ දිනය නිමාකරමින් කාන්තා හා පිරිමි මීටර 200 අවසන් තරග පැවැත් වුණු අතර එහි පිරිමි මීටර 200 ඉසව්වේ අවසන් තරගය සඳහා ශ්‍රී ලංකාවේ ජාතික තලය තුළ ඉහළ දක්‍ෂතා දක්වන හිමාෂ ඒශාන් සහභාගී වීම කැපී පෙනුණි.

තරගාරම්භයේ දී  හිමාෂ ඉදිරියෙන් සිටීමට සමත් වුවත් පසුව ඔහු අභිබවා යන්නට දිලීප් රුවන් සහ කාලිංග කුමාරගේ සමත් වූහ.

දිලීප් රුවන්  ඉසව්වේ රන් පදක්කම දිනා ගැනීමට සමාත් වූ අතර රිදී පදක්කම කුමාරගේ විසින් දිනාගනු ලැබීය. හිමාෂ හට හිමිවූයේ තුන්වන ස්ථානය යි.

සත්ප්‍රයාම ඉසව්ව සඳහා වන ශ්‍රී ලංකා ජාතික වාර්තාවට හිමිකම් කියන වී. සුගන්ධි කාන්තා මීටර 200 අවසන් තරගයට සහභාගි විය.

තරගාරම්භයේ දී වී. සුගන්ධි ඉදිරියෙන් සිටි නමුත්  තරගයේ අවසන් මීටර කිහිපය තුළ දී ඇයව අභිබවා යමින් එස්. ෆර්ඩිනැන්ඩිස් විසින් එම ඉසව්වේ රන් පදක්කමත්, එස්. ජයසිංහ විසින් රිදී පදක්කමත් දිනා ගැනීමට සමත් වූහ.

ඒ අනුව සුගන්ධිට  තුන්වන ස්ථානයෙන් සෑහීමකට පත්වීමට සිදු විය.{jcomments on}

ශ්‍රී ලංකාව සහ පාකිස්තානය අතර අබුඩාබිහිදී ඊයේ (28දා) ආරම්භ වූ පළමු ටෙස්ට් ක්‍රිකට් තරගයේ මුලින්ම පන්දුවට පහර දුන් ශ්‍රී ලංකාව දිනය අවසන් වන විට කඩුලු 4ක් දැවී ලකුණු 227ක් ලබා සිටියේය.

කාසියේ වාසිය දිනූ ශ්‍රී ලංකා නායක දිනේෂ් චන්දිමාල් මුලින්ම පන්දුවට පහර දීමට තීරණය කළ අතර, තරගය සඳහා පිතිකරුවන් 6ක් දඟ පන්දු යවන්නන් 3ක් සහ වේග පන්දු යවන්නන් දෙදෙනකු නම්කර තිබුණි.
ඊයේ ශ්‍රී ලංකාව වෙනුවෙන් සාර්ථක පිතිහරඹයක නිරත වූ ආරම්භක පිතිකරු දිමුත් කරුණාරත්න සහ නායක දිනේෂ් චන්දිමාල් ශ්‍රී ලංකා ඉනිම ගොඩනංවමින් පරීක්ෂාකාරී පිතිහරඹයක නිරත වීය.
සාර්ථක ඉනිමක් ක්‍රීඩා කළ දිමුත් පන්දු 205 කදී හතරේ පහර 5ක් සහිතව ලකුණු 93ක් ලබා අවාසනාවන්ත ලෙස දුවද්දී දැවී යාමකට හසුවීමෙන් ශතකය අහිමිකර ගත්තේය.

කඩුලු 3ක් බිඳ වැටී තිබියදී පිටියට පිවිසි දිනේෂ් චන්දිමාල් නායකත්වයේ ඉනිමක් ක්‍රීඩා කරමින් දිනය අවසන් වන විට පන්දු 184කදී හතරේ පහර 6ක් සහිතව නොදැවී ලකුණු 60ක් ලබමින් ශ්‍රී ලංකාවේ බලාපාරොත්තු ඉහළ නැංවීය.
දිමුත් කරුණාරත්න පිටියෙන් ඉවත් වීමෙන් පසු පැමිණි නිරෝෂන් දික්වැල්ල ප්‍රහාරාත්මක පිතිහරඹයක නිරත වෙමින් පන්දු 63කදී හතරේ පහර 5ක් සහ එක් හයේ පහරක් සහිතව නොදැවී ලකුණු 42ක් ලබා කඩුල්‍ලේ රැඳී සිටියි.
ආරම්භක පිතිකරු කෞෂාල් සිල්වා ලකුණු 12කට දවා ගැනීමට හසන් අලී සමත් වූ අතර, අංක 3 පිතිකරු ලහිරු තිරිමාන්න ලකුණු ලබා ගැනීමට පෙර දවා ගත් යසීර් ෂා සිය 150 වැනි ටෙස්ට් කඩුල්ල ලබා ගත්තේය.
කුසල් මෙන්ඩිස් ලකුණු 10කට පිටියෙන් ඉවත් කළ යසීර් ෂා දිනය අවසන් වන විට ලකුණු 59කට කඩුලු 2ක් ලබා සිටි අතර, හසන් අලී ලකුණු 58කට කඩුලු 1ක් ලබා ගත්තේය.

අද තරගයේ දෙවැනි දිනයයි. {jcomments on}

එංගලන්තය සහ බටහිර ඉන්දීය කොදෙව් අතර බ්‍රිස්ටල්හිදී පැවැති තෙවැනි එක්දින ක්‍රිකට් තරගයෙන් ලකුණු 124ක ජයක් වාර්තා කළ එංගලන්තය 2-0ක් ලෙස තරගාවලියේ පෙරමුණ ගැනීමට සමත් විය.
එංගලන්තය වෙනුවෙන් වේගවත් ඉනිමක් ක්‍රීඩා කරමින් ශතකයක් වාර්තා කළ මොයින් අලී තරගයේ වීරයා ලෙස සම්මාන දිනා ගත්තේය.

පළමුවෙන් පන්දුවට පහර දුන් එංගලන්තය පන්දුවාර 50දී කඩුලු 9ට ලකුණු 369ක් රැස් කළ අතර, පිළිතුරු ඉනිම ක්‍රීඩා කළ බටහිර ඉන්දීය කොදෙව්වන්ට පන්දුවාර 39.1කදී සියලු දෙනා දැවී රැස්කරගත හැකිවූයේ ලකුණු 245ක් පමණි.
එංගලන්තය වෙනුවෙන් මොයින් අලී පන්දු 57කදී හතරේ පහර 7ක් සහ හයේ පහර 8ක් සහිතව වේගවත් ලකුණු 102ක් රැස් කළ අතර, ජෝ රූට් ලකුණු 84ක්ද බෙන් ස්ටෝක්ස් ලකුණු 73ක්ද වාර්තා කළහ.

මිගුවෙල් කමින්ස් ලකුණු 82ට කඩුලු 3ක් බිඳ හෙලූ අතර, ජේසන් හෝල්ඩර් ලකුණු 81ට කඩුලු 2ක් බිඳ හෙළීය.
කොදෙව් වෙනුවෙන් ක්‍රිස් ගේල් පන්දු 78කදී හතරේ පහර 9ක් සහ හයේ පහර 6ක් සහිතව ලකුණු 94ක් රැස් කළද සෙසු පිතිකරුවෝ අසාර්ථක වූහ.

එංගලන්ත ජයග්‍රහණය වෙනුවෙන් විශිෂ්ට පන්දු යැවීමක නිරත වූ ලියම් ප්ලන්කට් ලකුණු 52ට කඩුලු 5ක් බිඳ හෙලූ අතර, අදිල් රෂීඩ් ලකුණු 34ට කඩුලු 3ක් බිඳ හෙළීය.

ලකුණු තත්ත්වය :-
එංගලන්තය පන්දුවාර 50දී - 369/9යි
මොයින් අලී 102, ජෝ රූට් 84, බෙන් ස්ටෝක්ස් 73, ඇලෙක්ස් හේල්ස් 36, ක්‍රිස් වෝක්ස් 34, මිගුවෙල් කමින්ස් 82/3, ජේසන් හෝල්ඩර් 81/2
බටහිර ඉන්දීය කොදෙව් පන්දුවාර 39.1කදී - 245යි
ක්‍රිස් ගේල් 94, ජේසන් මොහොමඩ් 38, ජේසන් හෝල්ඩර් 34, ලියම් ප්ලන්කට් 52/5, අදිල් රෂීඩ් 34/3{jcomments on}

 

IMAGE

නෙලා සමග ඔබ හමුවට එන බෙනට්ගේ පුතා

IMAGE 2018 Feb 25 14:21
අද වෙද්දී උදාර රත්නායක කියන්නේ නළුවෙක්ද? එහෙමත් නැතිනම් දේශපාලනඥයෙක්ද? නළුකම මගේ වෘත්තිය...
Views - 632

මගෙන් නම් සල්ලි ඉල්ලුවේ නෑ ඒත් මේ වගේ කතාවක් නම් කිව්වා

IMAGE 2018 Feb 25 14:08
මේ වෙද්දී ඉන්දිකාගේ කලා දිවිය දශක දෙකකටත් එහා ගිය එකක් නේද? ඔව්. මම මුලින්ම ක්‍ෂේත්‍රයට එකතු...
Views - 1153

රනිල් සල් සපු නා හැර ගියේ ඇයි?

IMAGE 2018 Feb 25 13:52
“සල් සපු නා” ටෙලි නාට්‍යයේ දැන් රනිල්ව දකින්නට ලැබෙන්නේ නැහැ. ඇයි ඒ ? මම තාවකාලිකව ‘සල්...
Views - 1011

තාත්තගේ අකමැත්තෙන් රඟපාන්න ආපු උපාසක අම්මා

IMAGE 2018 Feb 25 12:18
කොහොමද ඔබට අංජනා එහෙමත් නැත්නම් උපාසක අක්කා වෙන්න අවස්ථාව ලැබුණේ? මාව උපාසක අම්මා කළේ...
Views - 780

බසයේදී දුන් බොරු විවාහ පොරොන්දුවෙන් පවුල්ජීවිතේ 'හබක්'

IMAGE 2018 Feb 23 12:25
ඔහු අගනුවර ප්‍රසිද්ධ සමාගමක විධායක නිලධාරියෙකි. වයස අවුරුදු 40 ඉක්මවූ ඔහුට රූමත් බිරිඳක් සහ...
Views - 5437

අහිමි පෙම ඉල්ලා පෙම්වතියට ප්‍රසිද්ධියේ ගුටි ඇනලා

IMAGE 2018 Feb 23 10:42
පැරණි පෙම්වතියගෙන් අහිමි වූ ආදරය නැවත ඉල්ලා එය නොලැබුණු විට නාරාහේන්පිට ප්‍රදේශයේදී ඇයට...
Views - 3591

Please publish modules in offcanvas position.