Coss Ear2
lakbima.lk
COSS Ear 1


සංචාරක බංග්ලාදේශය සහ දකුණු අප්‍රිකාව අතර පැවැති දෙවැනි 20-20 ක්‍රිකට් තරගයේදී ඩේවිඩ් මිලර්ගේ වාර්තාගත ශතකය හේතුවෙන් ලකුණු 83ක ජයක් ලැබූ දකුණු අප්‍රිකාව තරගාවලිය 2-0ක් ලෙස ජය ගැනීමට සමත් විය.
මෙම තරගයේදී ඩේවිඩ් මිලර් පන්දු 35කදී ශතකයක් රැස් කරමින් 20-20 තරග ඉතිහාසයේ වේගවත්ම ශතකයේ ලෝක වාර්තාවේ හිමිකරුවා බවට පත්විය.
මීට පෙර පන්දු 45කදී ශතකයක් රැස් කරමින් මෙම වාර්තාවේ හිමිකරුවා වූ නවසීලන්තයේ රිචඩ් ලෙවී දෙවැනි තැනට පත්වූ අතර, පන්දු 46කදී ශතකයක් වාර්තා කළ දකුණු අප්‍රිකාවේ ෆෆ් ඩුප්ලෙසිස් තෙවැනි ස්ථානයේ පසුවෙයි.
පළමුවෙන් පන්දුවට පහර දුන් දකුණු අප්‍රිකාව පන්දුවාර 20දී කඩුලු 4ට ලකුණු 224ක් රැස් කළ අතර, පිළිතුරු ඉනිම ක්‍රීඩා කළ බංග්ලාදේශයට පන්දුවාර 18.3කදී සියලු දෙනා දැවී රැස්කරගත හැකිවූයේ ලකුණු 141ක් පමණි.
ඩේවිඩ් මිලර් පන්දු 35කදී හතරේ පහර 7ක් සහ හයේ පහර 9ක් සමගින් ශතකය වාර්තා කළ අතර, ඉනිම අවසන් වන විට පන්දු 36කදී නොදැවී ලකුණු 101ක් වාර්තා කළේය.
මිලර්ට අනගි සහයක් ලබාදුන් හෂීම් අම්ලා පන්දු 51කදී හතරේ පහර 11ක් සහ හයේ පහරක් සමගින් ලකුණු 85ක් වාර්තා කළේය.
බංග්ලාදේශය වෙනුවෙන් ෂකිබ් අල් හසන් සහ මොහොමඩ් සයිෆුඩීන් කඩුලු 2 බැගින් බිඳ හෙලූහ.
ලකුණු හඹායාමේදී සෞම්‍ය සර්කාර්  පන්දු 27කදී හතරේ පහර 6ක් සහ එක් හයේ පහරක් සමගින් ලකුණු 44ක් රැස් කළ අතර, මහමදුල්ලා ලකුණු 24ක්ද, සයිෆුඩීන් ලකුණු 23ක්ද වාර්තා කළහ.
දකුණු අප්‍රිකාව වෙනුවෙන් ඩුමිනි සහ පන්ගීසෝ කඩුලු 2 බැගින් බිඳ හෙලූහ.
ලකුණු තත්ත්වය :-
දකුණු අප්‍රිකාව පන්දුවාර 20දී - 224/4යි
අම්ලා 85, ඩිවිලියර්ස් 20, මිලර් (නොදැවී) 101, ෂකිබ් අල් හසන් 22/2, සයිෆුඩීන් 53/2
බංග්ලාදේශය පන්දුවාර 18.3කදී සියලු දෙනා දැවී 141යි
සෞම්‍ය සර්කාර් 44, මහමදුල්ලා 24, සයිෆුඩීන් 23, ඩුමිනි 23/2, පන්ගීසෝ 31/2

ශ්‍රී ලංකාව සහ පාකිස්තානය අතර ලාහෝර්හිදී පැවැති තෙවැනි 20-20 තරගයෙන් ලකුණු 36ක ජයක් වාර්තා කළ පාකිස්තානය තරගාවලිය 3-0ක් ලෙස ජය ගැනීමට සමත් විය.
මුලින්ම පන්දුවට පහර දුන් පාකිස්තානය පන්දුවාර 20දී කඩුලු 3ට ලකුණු 180ක් ලැබූ අතර, ශ්‍රී ලංකාවට පන්දුවාර 20දී ලබාගත හැකිවූයේ කඩුලු 9කට ලකුණු 144ක් පමණි. 
මෙම තරගයේදී පාකිස්තානු පිතිකරුවන් සියල්ලම සාර්ථක පිතිහරඹයක නිරත වූ අතර, වේගවත් ඉනිමක් ක්‍රීඩා කළ ෂොයිබ් මලික් පන්දු 24කදී හතරේ පහර 5ක් සහ හයේ පහර 2ක් සහිතව ලකුණු 51ක් ලබමින් තරගයේ වීරයා සම්මානය දිනා ගත්තේය.
ඔහුට අනගි සහයක් දුන් බාබර් අසාම් නොදැවී ලකුණු 34ක් රැස් කළ අතර, උමාර් අමීන් පන්දු 37කදී ලකුණු 45ක්ද, ෆකාර් සමාන් පන්දු 27කදී ලකුණු 31ක්ද වාර්තා කළහ.
ශ්‍රී ලංකාව වෙනුවෙන් විකුම් සංජය, ඩිල්ෂාන් මුණවීර සහ ඉසුරු උදාන එක් කඩුල්ල බැගින් ලබා ගත්හ.
ලකුණු හඹා යාමේදී යළිත් වරක් ශ්‍රී ලංකා පෙර පෙළ බිඳ වැටුණු අතර, ලකුණු 21ක් තුළ කඩුලු 3ක් බිඳ වැටුණි. 
ඩිල්ෂාන් මුණවීර 1 ලකුණකට මොහොමඩ් අමීර්ට ගොදුරු වූ අතර, සධීර සමරවික්‍රම ලකුණු 4කට දවා ගැනීමට ඉමාඩ් වසීම් සමත් විය.
ධනුෂ්ක ගුණතිලක ලකුණු 9ක් ලබා හෆීස්ට ගොදුරු වූ අතර, මහේල උඩවත්ත ෆාහිම් අෂ්රෆ් හමුවේ ලකුණු 11කට දැවී ගියේය.
ඉන්පසු පිටියේ එක්වූ දසුන් ශානක සහ චතුරංග ද සිල්වා සාර්ථක සම්බන්ධතාවක් වාර්තා කළ අතර, පන්දු 36කදී හතරේ පහර 5ක් සහ හයේ පහර 3ක් සහිතව ලකුණු 54ක් ලැබූ දසුන් ශානක ෆාහිම් අෂ්රෆ් හමුවේ දැවී යාමෙන් ශ්‍රී ලංකා සටන අඩපණ විය. 
ලකුණු 21ක් ලබූ චතුරංග ද සිල්වා මොහොමඩ් අමීර්ගේ දෙවැනි කඩුල්ල ලෙස පිටියෙන් ඉවත් වූ අතර, නායක තිසර පෙරේරා හසන් අලී හමුවේ ලකුණු 10කට දැවී යාමෙන් ශ්‍රී ලංකාවේ බලා‍පොරොත්තු සුන්විය.
සීක්කුගේ ප්‍රසන්න (16) සහ සචිත් පතිරණ (14) දවා ගත් මොහොමඩ් අමීර් ලකුණු 13ට කඩුලු 4ක් බිඳ හෙළීය.
පන්දුවාර 20 අවසානයේ ශ්‍රී ලංකාවට ලබාගත හැකිවූයේ කඩුලු 9ට ලකුණු 144ක් පමණි. 

බටහිර ඉන්දීය කොදෙව් සහ සිම්බාබ්වේ අතර බුලවායෝහිදී පැවැති පළමු ටෙස්ට් ක්‍රිකට් තරගයෙන් ලකුණු 117ක ජයක් වාර්තා කිරීමට කොදෙව්වෝ සමත් වූහ.
මේ අනුව කොදෙව් ක්‍රීඩකයෝ තරග දෙකකින් සමන්විත ටෙස්ට් තරගාවලිය 1-0ක් ලෙස පෙරමුණ ගෙන සිටිති.
ජයග්‍රහණය සඳහා ලකුණු 433ක ඉලක්කයක් හඹා ගිය සිම්බාබ්වේ දෙවැනි ඉනිම ලකුණු 316කට සීමා කරමින් ලකුණු 117ක ජයක් වාර්තා කිරීමට කොදෙව්වෝ සමත් වූහ.
කොදෙව් ජයග්‍රහණය වෙනුවෙන් විශිෂ්ට පන්දු යැවීමක නිරත වූ දේවේන්ද්‍ර බිෂූ තරගයේ වීරයා සම්මානය දිනා ගත්තේය.
දේවේන්ද්‍ර බිෂූ මුල් ඉනිමේදී ලකුණු 79ට කඩුලු 5ක් බිඳ හෙලූ අතර, දෙවැනි ඉනිමේදී පිත්තෙන් දස්කම් දක්වමින් ලකුණු 44ක් සහ ලකුණු 105ට කඩුලු 4ක් බිඳ හෙළීය.
 
ලකුණු තත්ත්වය :-
කොදෙව් මුල් ඉනිම - 219යි
කිරාන් පවෙල් 56, ෂායි හෝප් නොදැවී 90, රොස්ටන් ච්ෙස් 31, ක්‍රීමර් 64/4, විලියම්ස් 20/3
සිම්බාබ්වේ මුල් ඉනිම - 159යි
මසකඩ්සා 42, සොලමන් මීර් 27, කේ‍ර්ග් අර්වින් 39, බිෂූ 79/5, හෝල්ඩර් 25/2, රෝච් 23/2
කොදෙව් දෙවැනි ඉනිම - 373යි
බ්‍රාත්වේට් 86, කයිල් හෝප් 43, ෂායි හෝප් 44, ච්ෙස් 95, බිෂූ 44, ක්‍රීමර් 114/4, විලියම්ස් 91/3, කයිල් ජාවිස් 66/2
සිම්බාබ්වේ දෙවැනි ඉනිම - 316යි
මසකඩ්සා 57, මීර් 47, ටේලර් 73, ෂිකන්දර් රාසා 30, ජාවිස් නොදැවී 23, මෝෆු 33, බිෂූ 105/4, ච්ෙස් 61/2

ඩී.එස්.අයි. අන්තර් පාසල් සුපර් ස්‍පෝර්ට්ස් වොලිබෝල් තරගාවලියේ අවුරුදු 19න් පහළ බාලක ශූරතාව දිනා ගැනීමට නාත්තන්ඩිය දම්මිස්සර විදුහල සමත් වූ අතර, බාලිකා ශූරතාව දිනා ගැනීමට ගලිගමුව මධ්‍ය මහා විදුහල සමත් විය. 
රුවන්වැල්ල රාජසිංහ මධ්‍ය මහා විදුහල සහ නාත්තණ්ඩිය දම්මිස්සර ජාතික පාසල අතර පැවැති අවු. 19න් පහළ බාලක අවසන් තරගයේදී තියුණු සටනකින් පසු තරග වට 3-2ක (21-25, 25-18, 19-25, 28-26, 15-9) ජයක් වාර්තා කළ නාත්තන්ඩිය දම්මිස්සර විදුහල බාලක ශූරතාව දිනා ගත්තේය.
හුංගම විජයබා ජාතික පාසල සහ කෑගල්ල ගලිගමුව මධ්‍ය මහා විදුහල අතර පැවැති අවු. 19න් පහළ බාලිකා අවසන් මහ තරගයේදී වට 3-0ක (25-17, 25-11, 25-15) ජයක් වාර්තා කළ ගලිගමුව මධ්‍ය මහා විදුහල බාලිකා ශූරතාව දිනා ගැනීමට සමත් විය.
ගලිගමුව මැදි විදුහ‍ලේ නිමේෂිකා සෙව්වන්දි දක්ෂතම ක්‍රීඩිකාව ලෙස සම්මාන දිනාගත් අතර, සචිනි රුවන්තිකා දක්ෂතම ප්‍රහාරිකාව ලෙසද, සුනේත්‍රා ප්‍රියදර්ශනී  දක්ෂතම පන්දු ඔසවන්නිය ලෙසද සම්මාන ලැබූහ.
මාරවිල ශා. ෂේවියර් විදුහ‍ලේ මිලින්ද නිර්මාල් දක්ෂතම ක්‍රීඩකයා ලෙසද, නවෝද් කෞෂල්‍ය දක්ෂතම පන්දු ඔසවන්නා ලෙසද, සමිත් ප්‍රමුදිත දක්ෂතම ප්‍රහාරකයා ලෙසද සම්මාන දිනා ගත්හ. 
ගලිගමුව මධ්‍ය මහා විද්‍යාලය සහ මහඋස්වැව රත්නපාල මහ විදුහල අතර පැවැති අවුරුදු 17න් පහළ බාලිකා අවසන් තරගයේදී වට 3-0ක (25-16, 25-23, 25-17) පහසු ජයක් වාර්තා කළ ගලිගමුව මධ්‍ය මහා විදුහල ශූරතාව දිනා ගත්තේය.
ගලිගමුව මැදි විදුහ‍ලේ දිලුක්ෂි හර්ෂණී දක්ෂතම ක්‍රීඩිකාව ලෙසද, රෝෂිනි ප්‍රමෝධි සෙනෙවිරත්න දක්ෂතම ඔසවන්නිය ලෙසද, රෂ්මි දිව්‍යාංජලී ලක්මාලි දක්ෂතම ප්‍රහාරිකාව ලෙසද සම්මාන දිනා ගත්හ.
අවුරුදු 15න් පහළ බාලක අවසන් තරගයේදී රුවන්වැල්ල රාජසිංහ මධ්‍ය මහා විදුහල වට 3-1කින් පරාජය කළ මාරවිල ශා. ෂේවියර් විදුහල ශූරතාව දිනා ගත්තේය.
ශා. ෂේවියර් විදුහ‍ලේ හිරුෂ ගනිදු ලක්ෂාන් දක්ෂතම ක්‍රීඩකයා ලෙසද, කවිඳු උදයංග දක්ෂතම පන්දු ඔසවන්නා ලෙසද සම්මාන දිනාගත් අතර, රාජසිංහ විදුහ‍ලේ කවිෂ්ක මධුසංඛ දක්ෂතම ප්‍රහාරකයා ලෙස සම්මාන ලැබිය.
අවුරුදු 15න් පහළ බාලිකා අවසන් තරගයේදී හුංගම විජයබා වට 3-0කින් (25-16, 26-24, 25-20) පරාජය කරමින් ශූරතාව දිනා ගැනීමට උහන තිස්සපුර විදුහල සමත් විය.
තිස්සපුර විදුහ‍ලේ අමන්දි භාග්‍යා දක්ෂතම ක්‍රීඩිකාව ලෙසද, නිවන්ති මධුමාලි දක්ෂතම පන්දු ඔසවන්නිය ලෙසද සම්මාන දිනාගත් අතර, විජයබා ජාතික පාස‍ලේ සුරේඛා දිල්ෂානි දක්ෂතම ප්‍රහාරිකාව ලෙස සම්මාන ලැබුවාය.
රුවන්වැල්ල රාජසිංහ සහ මාරවිල ශා. ෂේවියර් අතර පැවැති අවුරුදු 13න් පහළ බාලක අවසන් තරගයේදී වට 2-0ක ජයක් වාර්තා කිරීමට ශා. ෂේවියර් සමත් විය.
ශා. ෂේවියර් විදුහ‍ලේ සමිත් මධුෂාන් දක්ෂතම ක්‍රීඩකයා ලෙස සම්මාන ලැබූ අතර, රාජසිංහ විදුහ‍ලේ නිම්සර අතුකෝරල 
දක්ෂතම ප්‍රහාරකයා ලෙසද, ශා. ෂේවියර් විදුහ‍ලේ දිමෙත් චමුදිත දක්ෂතම පන්දු ඔසවන්නා ලෙසද සම්මාන ලැබිය.
උහන තිස්සපුර විදුහල සහ ත්‍රිකුණාමලය රාජකීය විදුහල අතර පැවැති අවු. 13න් පහළ බාලිකා අවසන් තරගයේදී වට 2-0ක (21-12, 2-113) ජයක් වාර්තා කිරීමට තිස්සපුර මහ විදුහල සමත් විය.
තිස්සපුර මහ විදුහ‍ලේ චතුරි පූර්ණිමා දක්ෂතම ක්‍රීඩිකාව ලෙස සම්මාන දිනාගත් අතර, තිස්සපුර මහ විදුහ‍ලේ සෙනුරි තරුෂිකා දක්ෂතම ප්‍රහාරිකාව ලෙසද, ත්‍රිකුණාමලය රාජකීය විදුහ‍ලේ ජේ.ඒ.පී. සඳුනි දක්ෂතම පන්දු ඔසවන්නිය ලෙසද සම්මාන දිනා ගත්හ.
අධ්‍යාපන අමාත්‍යාංශය සහ ශ්‍රී ලංකා පාසල් වොලිබෝල් සම්මේලනය එක්ව ඩී.එස්.අයි. සමාගමේ අනුග්‍රහය ඇතිව 17 වැනි වරටත් සංවිධානය කළ මෙම තරගාවලියේ ජාතික මට්ටමේ අවසන් ඊයේ සහ පෙරේදා (23 සහ 24දා) මහරගම ජාතික තරුණ සේවා සභා ගෘහස්ථ ක්‍රීඩාගාරයේදී පැවැත්විණි.
තරගාවලියේ ජය සංකේත ප්‍රදානය අධ්‍යාපන අමාත්‍ය අකිල විරාජ් කාරියවසම් මහතාගේ ප්‍රධානත්වයෙන් සහ 
විදුලිබල - පුනර්ජනනීය බලශක්ති අමාත්‍ය සහ ශ්‍රී ලංකා වොලිබෝල් සම්මේලනයේ සභාපති රංජිත් සියඹලාපිටිය, සීමාසහිත 
ඩී. සැම්සන් කර්මාන්ත 
සමූහයේ කළමනාකාර අධ්‍යක්ෂ තුසිත රාජපක්ෂ යන මහත්වරුන්ගේ සහභාගිත්වයෙන් පැවැත්විණි.
 
ප්‍රභාත් විදානපතිරණ

16 වැනි ‘සිංගර් බ්ලූ අන්ඩ් ගෝල්ඩ්’ ආරාධිත පාසල් අවු. 20න් පහළ සත් සාමාජික හොකී තරගාවලියේ බාලක ශූරතාව කොළඹ නාලන්දා විදුහල දිනාගත් අතර, බාලිකා ශූරතාව දිනා ගැනීමට කොළඹ මියුසියස් විදුහල සමත් විය.
කොළඹ රාජකීය විද්‍යාලයීය ක්‍රීඩාංගණයේදී පවත්වන ලද මෙම තරගාවලියේ බාලක අනුශූරතාව මීගමුව මාරිස්ටෙලා විදුහලට හිමිවූ අතර. බාලිකා අනුශූරතාව මහනුවර සීතාදේවි බාලිකා විදුහල සතුවිය.
බාලක සහ බාලිකා තෙවැනි ස්ථාන ගල්කිස්ස ශා. තෝමස් විදුහලට සහ නාවල ජනාධිපති බාලිකා විදුහලට හිමිවිය.
මෙවර තරගාවලියේ දක්ෂතම ක්‍රීඩකයා ලෙස නාලන්දා විදුහ‍ලේ බෝධික ඩයස් සම්මාන ලැබූ අතර, මියුසියස් විදුහ‍ලේ ලිනාරා තිලකරත්න දක්ෂතම ක්‍රීඩිකාව ලෙස සම්මාන ලැබුවාය.
දක්ෂතම ගෝල් රකින්නා ලෙස මීගමුව මාරිස්ටෙලා විදුහ‍ලේ දිලූක කවිහාර කුලසේකර ද, දක්ෂතම ගෝල් රකින්නිය ලෙස මියුසියස් විදුහ‍ලේ තමාෂා වීරසිංහ ද සම්මාන දිනා ගත්හ.
නාලන්දා සහ මාරිස්ටෙලා අතර පැවැති බාලක අවසන් තරගයේදී ගෝල් 1-0ක තියුණු ජයක් වාර්තා කර ගනිමින් ඉතිහාසයේ දෙවැනි වරට සිංගර් කුසලාන දිනා ගැනීමට නාලන්දා ක්‍රීඩාකයෝ සමත් වූහ.
ජයග්‍රාහී ගෝලය කෙටි ආන්තික පහරක් ආශ්‍රිතව වාර්තා කිරීමට බෝධික ඩයස් සමත් විය. 
මියුසියස් විදුහල සහ සීතාදේවි බාලිකා විදුහල අතර පැවැති බාලිකා අවසන් මහ තරගයද තියුණු මුහුණුවරක් ඉසිලූ නමුත් එහිදී මනා පන්දු පාලනයක නිරත වෙමින් ගෝල් 1-0ක ජයක් වාර්තා කිරීමට මියුසියස් ක්‍රීඩිකාවෝ සමත් වූහ.
මෙම තරගයේ ජයග්‍රාහී ගෝලය තරගය ඇරඹි පළමු භාගයේදීම සටහන් කිරීමට ලිනාරා තිලකරත්න සමත් වූවාය.
සිංගර් ශ්‍රී ලංකා සමාගමේ අනුග්‍රහය ඇතිව කොළඹ රාජකීය විද්‍යාලයීය හොකී සංගමය විසින් මෙම තරගාවලිය සංවිධානය කළේය.
 
සපුමල් වීදිය බණ්ඩාර

ඉන්දියාව සහ නවසීලන්තය අතර තරග 3කින් සමන්විත එක්දින ක්‍රිකට් තරගාවලියේ මුම්බායිහිදී පැවැති පළමු තරගයෙන් කඩුලු 6ක ජයක් වාර්තා කිරීමට නවසීලන්තය සමත් විය.
පළමුවෙන් පන්දුවට පහර දුන් ඉන්දියාව පන්දුවාර 50දී කඩුලු 8ට ලකුණු 280ක් රැස් කළ අතර, පිළිතුරු ඉනිම ක්‍රීඩා කළ නවසීලන්තය පන්දුවාර 49කදී කඩුලු 4ට ලකුණු 284ක් රැස් කරමින් ජය වාර්තා කළේය.
නවසීලන්ත ජයග්‍රහණය වෙනුවෙන් විශිෂ්ට ඉනිමක් ක්‍රීඩා කළ ටොම් ‍ලේතම් පන්දු 102කදී හතරේ පහර 8ක් සහ හයේ පහර 2ක් සමගින් නොදැවී ලකුණු 103ක් රැස් කළ අතර, ඔහුට අනගි සහයක් ලබා දුන් රොස් ටේලර් පන්දු 100කදී හතරේ පහර 8ක් සමගින් ලකුණු 95ක් වාර්තා කළේය.
කඩුලු 3ක් ලකුණු 80ක් තුළ බිඳ වැටී තිබියදී පිටියේ එක්වූ ‍ලේතම් සහ ටේලර් සිව්වැනි කඩුල්ල වෙනුවෙන් ලකුණු 200ක සම්බන්ධතාවක් තබමින් නවසීලන්ත ජය තහවුරු කළහ.
සිය 200 වැනි එක්දින තරගයට සහභාගි වූ ඉන්දීය නායක විරාත් කෝලි පන්දු 125කදී හතරේ පහර 9ක් සහ හයේ පහර 2ක් සමගින් ලකුණු 121ක් වාර්තා කළේය.
සිය 31 වැනි එක්දින ශතකය වාර්තා කළ කෝලි ලොව එක්දින ශතක ලාභීන්ගේ ලැයිස්තුවේ දෙවැන්නා බවටද පත්විය.
කෝලිගේ මෙම දස්කමත් සමග තරග 375කදී ශතක 30ක් ලබා දෙවැනි ස්ථානයේ පසුවූ ඕස්ට්‍රේලියාවේ හිටපු නායක රිකී ‍පොන්ටින් තෙවැනි ස්ථානයට පත්වූ අතර, තරග 463කදී ශතක 49ක් ලැබූ ඉන්දීය හිටපු සුපිරි පිතිකරු සචින් තෙන්ඩුල්කාර් පළමු තැන රැඳී සිටියි.
සිය 200 වැනි එක්දින තරගයේදී ශතකයක් වාර්තා කළ ලොව දෙවැනි පිතිකරුවා බවටද කෝලි පත්වූ අතර, මීට පෙර මෙම දස්කම දකුණු අප්‍රිකාවේ ඒ.බි. ඩිවිලියර්ස් සිදුකර තිබුණි.
නවසීලන්තය වෙනුවෙන් පන්දුවෙන් දස්කම් දැක්වූ ටේ‍රන්ට් බෝල්ට් ලකුණු 35ට කඩුලු 4ක් බිඳ හෙලූ අතර, ටිම් සවුති ලකුණු 73ට කඩුලු 3ක් බිඳ හෙළීය.
ලකුණු තත්ත්වය :-
ඉන්දියාව පන්දුවාර 50දී - 280/8යි
කෝලි 121, කාර්තික් 37, දෝනි 25, බුවනේෂ්වර් 26, බෝල්ට් 35/4, සවුති 73/3
නවසීලන්තය පන්දුවාර 49කදී - 284/4යි
ගප්ටිල් 32, මුන්රෝ 28, ටේලර් 95, ‍ලේතම් (නොදැවී) 103

IMAGE

සංසාර සිහිනයේ ගී සංකල්පනය මම 'ටැබ් එකේ ටයිප් කරපු' එකක්

IMAGE 2018 Feb 21 12:00
සනුක වික්‍රමසිංහ ගායනා කරන “සංසාර සිහිනේ” කලක පටන් බොහෝ ගීත දර්ශකවල පෙරමුණ ගෙන තිබෙන...
Views - 1228

මම නාට්‍ය කලාවෙ ඉන්නේ ඒ ගැන තියන 'උණ' නිසයි

IMAGE 2018 Feb 21 11:53
වේදිකාව, පුංචිතිරය සහ සිනමාව යන මාධ්‍ය ත්‍රිත්වයෙහිම සිය ප්‍රතිභාව ප්‍රකට කළ කලාකරුවකුවන...
Views - 702

බිරිඳ රැකියාවක් නොකිරීම මගේ සාර්ථකවයට හේතුවක්

IMAGE 2018 Feb 20 14:38
“සිරස ජූනියර් සුපර් ස්ටාර්..” තරගය ගැන මුලින්ම අප ඔබගෙන් විමසන්න කැමතියි.. ඇත්තෙන්ම “සිරස...
Views - 4093

බිරිඳට පින් තකා සුනඛයන්ට දිනපතා සහල් කිලෝ 08ක දනක්

IMAGE 2018 Feb 20 14:23
මිනිසා තිරිසනුන් වන අවස්ථාත් තිරිසනා මිනිසුන් වන අවස්ථාත් අපට බොහෝ විට දක්නට ලැබුණද...
Views - 2351

ලංකාවේ අන්තිම රජු සැඟවූ නිධානය කෝ?

IMAGE 2018 Feb 19 11:34
මහනුවර රජ කළ රාජාධිරාජසිංහ රජුට බිසෝවරුන් කිහිප දෙනෙක්ම සිටියහ. ඔවුන් අතර අලමේලු අම්මා,...
Views - 4382

රඟපෑමෙන් සමුගත් හේතුව නදීකා කියයි

IMAGE 2018 Feb 19 10:41
“චංචල රේඛා” චිත්‍රපටයේ “දං චූටි” නාඳුනන කෙනෙක් එදා සිනමා ලෝලීන් අතර හිටියේ නැහැ....
Views - 5536

Please publish modules in offcanvas position.