Coss Ear2
lakbima.lk
COSS Ear 1
                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

ඩී.එස්.අයි. අන්තර් පාසල් සුපර් ස්‍පෝර්ට්ස් වොලිබෝල් තරගාවලියේ අවුරුදු 19න් පහළ බාලක ශූරතාව දිනා ගැනීමට නාත්තන්ඩිය දම්මිස්සර විදුහල සමත් වූ අතර, බාලිකා ශූරතාව දිනා ගැනීමට ගලිගමුව මධ්‍ය මහා විදුහල සමත් විය. 
රුවන්වැල්ල රාජසිංහ මධ්‍ය මහා විදුහල සහ නාත්තණ්ඩිය දම්මිස්සර ජාතික පාසල අතර පැවැති අවු. 19න් පහළ බාලක අවසන් තරගයේදී තියුණු සටනකින් පසු තරග වට 3-2ක (21-25, 25-18, 19-25, 28-26, 15-9) ජයක් වාර්තා කළ නාත්තන්ඩිය දම්මිස්සර විදුහල බාලක ශූරතාව දිනා ගත්තේය.
හුංගම විජයබා ජාතික පාසල සහ කෑගල්ල ගලිගමුව මධ්‍ය මහා විදුහල අතර පැවැති අවු. 19න් පහළ බාලිකා අවසන් මහ තරගයේදී වට 3-0ක (25-17, 25-11, 25-15) ජයක් වාර්තා කළ ගලිගමුව මධ්‍ය මහා විදුහල බාලිකා ශූරතාව දිනා ගැනීමට සමත් විය.
ගලිගමුව මැදි විදුහ‍ලේ නිමේෂිකා සෙව්වන්දි දක්ෂතම ක්‍රීඩිකාව ලෙස සම්මාන දිනාගත් අතර, සචිනි රුවන්තිකා දක්ෂතම ප්‍රහාරිකාව ලෙසද, සුනේත්‍රා ප්‍රියදර්ශනී  දක්ෂතම පන්දු ඔසවන්නිය ලෙසද සම්මාන ලැබූහ.
මාරවිල ශා. ෂේවියර් විදුහ‍ලේ මිලින්ද නිර්මාල් දක්ෂතම ක්‍රීඩකයා ලෙසද, නවෝද් කෞෂල්‍ය දක්ෂතම පන්දු ඔසවන්නා ලෙසද, සමිත් ප්‍රමුදිත දක්ෂතම ප්‍රහාරකයා ලෙසද සම්මාන දිනා ගත්හ. 
ගලිගමුව මධ්‍ය මහා විද්‍යාලය සහ මහඋස්වැව රත්නපාල මහ විදුහල අතර පැවැති අවුරුදු 17න් පහළ බාලිකා අවසන් තරගයේදී වට 3-0ක (25-16, 25-23, 25-17) පහසු ජයක් වාර්තා කළ ගලිගමුව මධ්‍ය මහා විදුහල ශූරතාව දිනා ගත්තේය.
ගලිගමුව මැදි විදුහ‍ලේ දිලුක්ෂි හර්ෂණී දක්ෂතම ක්‍රීඩිකාව ලෙසද, රෝෂිනි ප්‍රමෝධි සෙනෙවිරත්න දක්ෂතම ඔසවන්නිය ලෙසද, රෂ්මි දිව්‍යාංජලී ලක්මාලි දක්ෂතම ප්‍රහාරිකාව ලෙසද සම්මාන දිනා ගත්හ.
අවුරුදු 15න් පහළ බාලක අවසන් තරගයේදී රුවන්වැල්ල රාජසිංහ මධ්‍ය මහා විදුහල වට 3-1කින් පරාජය කළ මාරවිල ශා. ෂේවියර් විදුහල ශූරතාව දිනා ගත්තේය.
ශා. ෂේවියර් විදුහ‍ලේ හිරුෂ ගනිදු ලක්ෂාන් දක්ෂතම ක්‍රීඩකයා ලෙසද, කවිඳු උදයංග දක්ෂතම පන්දු ඔසවන්නා ලෙසද සම්මාන දිනාගත් අතර, රාජසිංහ විදුහ‍ලේ කවිෂ්ක මධුසංඛ දක්ෂතම ප්‍රහාරකයා ලෙස සම්මාන ලැබිය.
අවුරුදු 15න් පහළ බාලිකා අවසන් තරගයේදී හුංගම විජයබා වට 3-0කින් (25-16, 26-24, 25-20) පරාජය කරමින් ශූරතාව දිනා ගැනීමට උහන තිස්සපුර විදුහල සමත් විය.
තිස්සපුර විදුහ‍ලේ අමන්දි භාග්‍යා දක්ෂතම ක්‍රීඩිකාව ලෙසද, නිවන්ති මධුමාලි දක්ෂතම පන්දු ඔසවන්නිය ලෙසද සම්මාන දිනාගත් අතර, විජයබා ජාතික පාස‍ලේ සුරේඛා දිල්ෂානි දක්ෂතම ප්‍රහාරිකාව ලෙස සම්මාන ලැබුවාය.
රුවන්වැල්ල රාජසිංහ සහ මාරවිල ශා. ෂේවියර් අතර පැවැති අවුරුදු 13න් පහළ බාලක අවසන් තරගයේදී වට 2-0ක ජයක් වාර්තා කිරීමට ශා. ෂේවියර් සමත් විය.
ශා. ෂේවියර් විදුහ‍ලේ සමිත් මධුෂාන් දක්ෂතම ක්‍රීඩකයා ලෙස සම්මාන ලැබූ අතර, රාජසිංහ විදුහ‍ලේ නිම්සර අතුකෝරල 
දක්ෂතම ප්‍රහාරකයා ලෙසද, ශා. ෂේවියර් විදුහ‍ලේ දිමෙත් චමුදිත දක්ෂතම පන්දු ඔසවන්නා ලෙසද සම්මාන ලැබිය.
උහන තිස්සපුර විදුහල සහ ත්‍රිකුණාමලය රාජකීය විදුහල අතර පැවැති අවු. 13න් පහළ බාලිකා අවසන් තරගයේදී වට 2-0ක (21-12, 2-113) ජයක් වාර්තා කිරීමට තිස්සපුර මහ විදුහල සමත් විය.
තිස්සපුර මහ විදුහ‍ලේ චතුරි පූර්ණිමා දක්ෂතම ක්‍රීඩිකාව ලෙස සම්මාන දිනාගත් අතර, තිස්සපුර මහ විදුහ‍ලේ සෙනුරි තරුෂිකා දක්ෂතම ප්‍රහාරිකාව ලෙසද, ත්‍රිකුණාමලය රාජකීය විදුහ‍ලේ ජේ.ඒ.පී. සඳුනි දක්ෂතම පන්දු ඔසවන්නිය ලෙසද සම්මාන දිනා ගත්හ.
අධ්‍යාපන අමාත්‍යාංශය සහ ශ්‍රී ලංකා පාසල් වොලිබෝල් සම්මේලනය එක්ව ඩී.එස්.අයි. සමාගමේ අනුග්‍රහය ඇතිව 17 වැනි වරටත් සංවිධානය කළ මෙම තරගාවලියේ ජාතික මට්ටමේ අවසන් ඊයේ සහ පෙරේදා (23 සහ 24දා) මහරගම ජාතික තරුණ සේවා සභා ගෘහස්ථ ක්‍රීඩාගාරයේදී පැවැත්විණි.
තරගාවලියේ ජය සංකේත ප්‍රදානය අධ්‍යාපන අමාත්‍ය අකිල විරාජ් කාරියවසම් මහතාගේ ප්‍රධානත්වයෙන් සහ 
විදුලිබල - පුනර්ජනනීය බලශක්ති අමාත්‍ය සහ ශ්‍රී ලංකා වොලිබෝල් සම්මේලනයේ සභාපති රංජිත් සියඹලාපිටිය, සීමාසහිත 
ඩී. සැම්සන් කර්මාන්ත 
සමූහයේ කළමනාකාර අධ්‍යක්ෂ තුසිත රාජපක්ෂ යන මහත්වරුන්ගේ සහභාගිත්වයෙන් පැවැත්විණි.
 
ප්‍රභාත් විදානපතිරණ

16 වැනි ‘සිංගර් බ්ලූ අන්ඩ් ගෝල්ඩ්’ ආරාධිත පාසල් අවු. 20න් පහළ සත් සාමාජික හොකී තරගාවලියේ බාලක ශූරතාව කොළඹ නාලන්දා විදුහල දිනාගත් අතර, බාලිකා ශූරතාව දිනා ගැනීමට කොළඹ මියුසියස් විදුහල සමත් විය.
කොළඹ රාජකීය විද්‍යාලයීය ක්‍රීඩාංගණයේදී පවත්වන ලද මෙම තරගාවලියේ බාලක අනුශූරතාව මීගමුව මාරිස්ටෙලා විදුහලට හිමිවූ අතර. බාලිකා අනුශූරතාව මහනුවර සීතාදේවි බාලිකා විදුහල සතුවිය.
බාලක සහ බාලිකා තෙවැනි ස්ථාන ගල්කිස්ස ශා. තෝමස් විදුහලට සහ නාවල ජනාධිපති බාලිකා විදුහලට හිමිවිය.
මෙවර තරගාවලියේ දක්ෂතම ක්‍රීඩකයා ලෙස නාලන්දා විදුහ‍ලේ බෝධික ඩයස් සම්මාන ලැබූ අතර, මියුසියස් විදුහ‍ලේ ලිනාරා තිලකරත්න දක්ෂතම ක්‍රීඩිකාව ලෙස සම්මාන ලැබුවාය.
දක්ෂතම ගෝල් රකින්නා ලෙස මීගමුව මාරිස්ටෙලා විදුහ‍ලේ දිලූක කවිහාර කුලසේකර ද, දක්ෂතම ගෝල් රකින්නිය ලෙස මියුසියස් විදුහ‍ලේ තමාෂා වීරසිංහ ද සම්මාන දිනා ගත්හ.
නාලන්දා සහ මාරිස්ටෙලා අතර පැවැති බාලක අවසන් තරගයේදී ගෝල් 1-0ක තියුණු ජයක් වාර්තා කර ගනිමින් ඉතිහාසයේ දෙවැනි වරට සිංගර් කුසලාන දිනා ගැනීමට නාලන්දා ක්‍රීඩාකයෝ සමත් වූහ.
ජයග්‍රාහී ගෝලය කෙටි ආන්තික පහරක් ආශ්‍රිතව වාර්තා කිරීමට බෝධික ඩයස් සමත් විය. 
මියුසියස් විදුහල සහ සීතාදේවි බාලිකා විදුහල අතර පැවැති බාලිකා අවසන් මහ තරගයද තියුණු මුහුණුවරක් ඉසිලූ නමුත් එහිදී මනා පන්දු පාලනයක නිරත වෙමින් ගෝල් 1-0ක ජයක් වාර්තා කිරීමට මියුසියස් ක්‍රීඩිකාවෝ සමත් වූහ.
මෙම තරගයේ ජයග්‍රාහී ගෝලය තරගය ඇරඹි පළමු භාගයේදීම සටහන් කිරීමට ලිනාරා තිලකරත්න සමත් වූවාය.
සිංගර් ශ්‍රී ලංකා සමාගමේ අනුග්‍රහය ඇතිව කොළඹ රාජකීය විද්‍යාලයීය හොකී සංගමය විසින් මෙම තරගාවලිය සංවිධානය කළේය.
 
සපුමල් වීදිය බණ්ඩාර

ඉන්දියාව සහ නවසීලන්තය අතර තරග 3කින් සමන්විත එක්දින ක්‍රිකට් තරගාවලියේ මුම්බායිහිදී පැවැති පළමු තරගයෙන් කඩුලු 6ක ජයක් වාර්තා කිරීමට නවසීලන්තය සමත් විය.
පළමුවෙන් පන්දුවට පහර දුන් ඉන්දියාව පන්දුවාර 50දී කඩුලු 8ට ලකුණු 280ක් රැස් කළ අතර, පිළිතුරු ඉනිම ක්‍රීඩා කළ නවසීලන්තය පන්දුවාර 49කදී කඩුලු 4ට ලකුණු 284ක් රැස් කරමින් ජය වාර්තා කළේය.
නවසීලන්ත ජයග්‍රහණය වෙනුවෙන් විශිෂ්ට ඉනිමක් ක්‍රීඩා කළ ටොම් ‍ලේතම් පන්දු 102කදී හතරේ පහර 8ක් සහ හයේ පහර 2ක් සමගින් නොදැවී ලකුණු 103ක් රැස් කළ අතර, ඔහුට අනගි සහයක් ලබා දුන් රොස් ටේලර් පන්දු 100කදී හතරේ පහර 8ක් සමගින් ලකුණු 95ක් වාර්තා කළේය.
කඩුලු 3ක් ලකුණු 80ක් තුළ බිඳ වැටී තිබියදී පිටියේ එක්වූ ‍ලේතම් සහ ටේලර් සිව්වැනි කඩුල්ල වෙනුවෙන් ලකුණු 200ක සම්බන්ධතාවක් තබමින් නවසීලන්ත ජය තහවුරු කළහ.
සිය 200 වැනි එක්දින තරගයට සහභාගි වූ ඉන්දීය නායක විරාත් කෝලි පන්දු 125කදී හතරේ පහර 9ක් සහ හයේ පහර 2ක් සමගින් ලකුණු 121ක් වාර්තා කළේය.
සිය 31 වැනි එක්දින ශතකය වාර්තා කළ කෝලි ලොව එක්දින ශතක ලාභීන්ගේ ලැයිස්තුවේ දෙවැන්නා බවටද පත්විය.
කෝලිගේ මෙම දස්කමත් සමග තරග 375කදී ශතක 30ක් ලබා දෙවැනි ස්ථානයේ පසුවූ ඕස්ට්‍රේලියාවේ හිටපු නායක රිකී ‍පොන්ටින් තෙවැනි ස්ථානයට පත්වූ අතර, තරග 463කදී ශතක 49ක් ලැබූ ඉන්දීය හිටපු සුපිරි පිතිකරු සචින් තෙන්ඩුල්කාර් පළමු තැන රැඳී සිටියි.
සිය 200 වැනි එක්දින තරගයේදී ශතකයක් වාර්තා කළ ලොව දෙවැනි පිතිකරුවා බවටද කෝලි පත්වූ අතර, මීට පෙර මෙම දස්කම දකුණු අප්‍රිකාවේ ඒ.බි. ඩිවිලියර්ස් සිදුකර තිබුණි.
නවසීලන්තය වෙනුවෙන් පන්දුවෙන් දස්කම් දැක්වූ ටේ‍රන්ට් බෝල්ට් ලකුණු 35ට කඩුලු 4ක් බිඳ හෙලූ අතර, ටිම් සවුති ලකුණු 73ට කඩුලු 3ක් බිඳ හෙළීය.
ලකුණු තත්ත්වය :-
ඉන්දියාව පන්දුවාර 50දී - 280/8යි
කෝලි 121, කාර්තික් 37, දෝනි 25, බුවනේෂ්වර් 26, බෝල්ට් 35/4, සවුති 73/3
නවසීලන්තය පන්දුවාර 49කදී - 284/4යි
ගප්ටිල් 32, මුන්රෝ 28, ටේලර් 95, ‍ලේතම් (නොදැවී) 103

ශ්‍රී ලංකාව සහ පාකිස්තානය අතර සාජාහිදී පැවැති 5 වැනි එක්දින ක්‍රිකට් තරගයෙන් කඩුලු 9ක පරාජයක් ලැබූ ශ්‍රී ලංකාව තරගාවලිය 5-0ක් ලෙස පරාජයට පත්විය.
යළිත් පිතිකරුවන් අසාර්ථක වීම නිසා මුලින්ම පන්දුවට පහර දුන් ශ්‍රී ලංකාව පන්දුවාර 26.2කදී ලකුණු 103කට දැවී ගිය අතර පාකිස්තානය පන්දුවාර 20.2කදී එක් කඩුල්ලක් දැවී ලකුණු 105ක් ලබමින් ජය වාර්තා කළේය.
මෙම පරාජය ශ්‍රී ලංකාව පිට පිටම ලැබූ 12 වැනි එක්දින පරාජය ලෙස වාර්තා ‍පොතට එක්විය.
ශ්‍රී ලංකා ඉනිම බිඳ දැමූ උස්මාන් ඛාන් විශිෂ්ට පන්දු යැවීමක නිරත වෙමින් ලකුණු 34ට කඩුලු 5ක් බිඳ හෙළමින් තරගයේ වීරයා සම්මානය දිනා ගත්තේය.
සිය පළමු පන්දු වාරයේදීම සධීර සමරවික්‍රම සහ දිනේෂ් චන්දිමාල් ලකුණු ලබා ගැනීමට පෙර ක්‍රීඩා ගාරයට යැවීමට සමත් වූ උස්මාන් ඛාන් සිය දෙවැනි පන්දු වාරයේදී උපුල් තරංග (8), නිරෝෂන් දික්වැල්ල (0) දවා ගැනීමෙන් ශ්‍රී ලංකාවේ කඩුලු 4ක් ලකුණු 8ක් තුළ බිඳ වැටුණි.
සිය සිව්වැනි පන්දු වාරයේදී මිලින්ද සිරිවර්ධන ලකුණු 6කට පිටියෙන් ඉවත් කළ උස්මාන් ඛාන් 5 වැනි කඩුල්ල ලබා ගනිද්දී ශ්‍රී ලංකාවේ ලකුණු පුවරුව කඩුලු 5ට ලකුණු 20ක් ලෙස සටහන් විය.
ඉනිම ගොඩනැංවීමට උත්සාහයක නිරත වූ ලහිරු තිරිමාන්න ලකුණු 19කට දවා ගැනීමට හසන් අලී සමත් වීමෙන් පසු සීක්කුගේ ප්‍රසන්න ලකුණු 16කට දුවද්දී දැවී යාමකට හසුවිය.
ඉනිමේ වැඩිම ලකුණු ලාභියා වූ තිසර පෙරේරා ලකුණු 25කට දවාගත් ෂඩාබ් ඛාන් වැන්ඩසේ ලකුණු 2 කට දවා ගැනීමෙන් 9 වැනි කඩුල්ල ලකුණු 85දී බිඳ වැටුණි.
දුෂ්මන්ත චමීර ලකුණු 11කට දවා ගැනීමට හසන් අලී සමත් වීමත් සමගම ශ්‍රී ලංකා ඉනිම ලකුණු 103කට අවසන් විය.
පන්දුවෙන් දස්කම් දැක්වූ උස්මාන් ඛාන් ලකුණු 34ට කඩුලු 5ක් බිඳ හෙලූ අතර, හසන් අලී සහ ෂඩාබ් ඛාන් කඩුලු 2 බැගින් බිඳ හෙලූහ.
ලකුණු 104ක පහසු ඉලක්කයක් හඹා යාමට පිටියට පිවිසි ඉමාම් උල් හක් සහ ෆකර් සමාන් පළමු කඩුල්ල වෙනුවෙන් ලකුණු 84ක සම්බන්ධතාවක් තැබිමෙන් පසු ෆකාර් සමාන් ලකුණු 48කට දවා ගැනීමට වැන්ඩසේ සමත් විය.
පාකිස්තානය ඉලක්කය පසු කරන විට ඉමාම් උල් හක් හතරේ පහර 4ක් සහ එක් හයේ පහරක් සහිතව නොදැවී ලකුණු 45ක් ලබා සිටියේය. තරගාවලිය පුරා පන්දුවෙන් දස්කම් දැක්වූ හසන් අලී තරගාවලියේ වීරයා සම්මානය දිනා ගත්තේය.

ශ්‍රී ලංකාව සහ පාකිස්තානය අතර තරග 3කින් සමන්විත 20-20 ක්‍රිකට් තරගාවලිය සඳහා ශ්‍රී ලංකා සංචිතය නම්කර ඇති අතර, එහි නායකත්වය තිසර පෙරේරාට පවරා තිබේ.
මෙම තරගාවලියේ පළමු තරග දෙක එක්සත් අරාබි එමීර් රාජ්‍යයේදී පැවැත්වෙන අතර, අවසන් තරගය පාකිස්තානයේ ලාහෝර් නුවරදී පැවැත්වේ.
ශ්‍රී ලංකා පි‍ලේ ක්‍රීඩකයන් රැසක් ලාහෝර් යාමට අකමැත්ත ප්‍රකාශ කිරීමත් සමගම නවක ක්‍රීඩකයන් රැසකගෙන් සමන්විත ශ්‍රී ලංකා සංචිතය නම්කර තිබේ.
 මෙහිදී නිත්‍ය නායක උපුල් තරංග ලාහෝර් යාමට අකමැත්ත ප්‍රකාශ කළ අතර, ඔහු සමග අකිල ධනංජය, වනිඳු හසරංග, නිරෝෂන් දික්වැල්ල, සුරංග ලක්මාල්, ලසිත් මාලිංග සහ ඇන්ජලෝ මැතිව්ස්ද මෙම තරගාවලියට ක්‍රීඩා නොකරති.
ශ්‍රී ලංකා පි‍ලේ ප්‍රධාන පුහුණුකරු නික් ‍පෝතාස් සහ භෞත චිකිත්සක නිර්මලන් තණබාලසිංහම්ද ලාහෝර් යාමට අකමැත්ත ප්‍රකාශ කර ඇති නමුත් ඔවුන් දෙදෙනා පළමු තරග දෙකේදී කණ්ඩායම සමග රැඳී සිටිති.
නිරෝෂන් දික්වැල්ල ක්‍රීඩා නොකිරීම හේතුවෙන් නවක ක්‍රීඩක මිනෝද් භානුක කඩුලු රකින්නා ලෙස කණ්ඩායමට නම්කර තිබේ.
තහනමකට ලක්වූ ධනුෂ්ක ගුණතිලකගේ තහනම ලිහිල් කිරීම නිසා ඔහු කණ්ඩායමට නම්කර ඇති අතර, නවක ක්‍රීඩක සධීර සමරවික්‍රම මෙන්ම කලකට පසු මහේල උඩවත්ත කණ්ඩායමට නම්කර තිබේ. 
මේ අනුව පිතිකරුවන් ලෙස ඩිල්ෂාන් මුණවීර, ධනුෂ්ක ගුණතිලක, සධීර සමරවික්‍රම, අශාන් ප්‍රියන්ජන්, මහේල උඩවත්ත, දසුන් ශානක සහ මිනෝද් භානුක කණ්ඩායමට එක්වී සිටිති.
තිසර පෙරේරා, සචිත් පතිරණ සහ සීක්කුගේ ප්‍රසන්න තුන් ඉරියව් ක්‍රීඩකයන් ලෙස ක්‍රීඩා කරන අතර, විකුම් සංජය, ලහිරු ගමගේ, විශ්ව ප්‍රනාන්දු සහ ඉසුරු උදාන වේගපන්දු යවන්නන් ලෙස නම්කර තිබේ.
ජෙෆ්රි වැන්ඩසේ සහ චතුරංගද සිල්වා දඟ පන්දු යවන්නන් ලෙස කණ්ඩායමට නම්කර තිබේ. 
ශ්‍රී ලංකාව සහ පාකිස්තානය අතර පළමු 20-20 තරගය 26දා අබුඩාබිහිදී පැවැත්වේ.
 
ශ්‍රී ලංකා 20-20 සංචිතය
තිසර පෙරේරා (නායක), ඩිල්ෂාන් මුණවීර, ධනුෂ්ක ගුණතිලක, සධීර සමරවික්‍රම, අශාන් ප්‍රියන්ජන්, මහේල උඩවත්ත, දසුන් ශානක, මිනෝද් භානුක, සචිත් පතිරණ, විකුම් සංජය, ලහිරු ගමගේ, සීක්කුගේ ප්‍රසන්න, විශ්ව ප්‍රනාන්දු, උසුරු උදාන, ජෙෆ්රි වැන්ඩසේ, චතුරංග ද සිල්වා
 

ශ්‍රී ලංකා ‘ඒ’ සහ බටහිර ඉන්දීය කොදෙව් ‘ඒ’ අතර ෆ්ලෝරන්ස් හෝල්හි පැවැති දෙවැනි සිව්දින ක්‍රිකට් තරගයෙන් ලකුණු 280ක ජයක් වාර්තා කළ ශ්‍රී ලංකාව තරගාවලිය 1-1ක් ලෙස සම කිරීමට සමත් විය.
මෙම තරගයේදී විශිෂ්ට පන්දු යැවීමක නිරත වෙමින් ඉනිම දෙකේදීම කඩුලු 12ක් බිඳ හෙලූ මලින්ද පුෂ්පකුමාර ශ්‍රී ලංකා ජයග්‍රහණයේ නියමුවා බවට පත්විය.
මුලින්ම පන්දුවට පහර දුන් ශ්‍රී ලංකා ‘ඒ’ ලකුණු 294ක් ලබාගත් අතර, කොදෙව් ‘ඒ’ මුල් ඉනිම ලකුණු 137කට සීමා විය. 
ශ්‍රී ලංකා ‘ඒ’ දෙවැනි ඉනිමේදී කඩුලු 9ට ලකුණු 267ක් ලබා ඉනිම අත්හිටවූ අතර, ලකුණු 425ක ඉලක්කයක් හඹා ගිය කොදෙව් ‘ඒ’ට ලබාගත හැකිවූයේ ලකුණු 144ක් පමණි.
ශ්‍රී ලංකා ‘ඒ’ වෙනුවෙන් සාර්ථක ඉනිමක් ක්‍රීඩා කළ දසුන් ශානක මුල් ඉනිමේ නොදැවී ලකුණු 102ක්ද, දෙවැනි ඉනිමේ ලකුණු 60ක්ද ලබාගත් අතර, ධනංජය ද සිල්වා මුල් ඉනිමේ ලකුණු 73ක්ද, රොෂේන් සිල්වා දෙවැනි ඉනිමේදී ලකුණු 86ක්ද, වනිඳු හසරංග නොදැවී ලකුණු 50ක්ද වාර්තා කළහ.
කොදෙව් ‘ඒ’ කිසිදු පිතිකරුවෙකුට සාර්ථක වීමට අවකාශ නොලැබුණු අතර, මලින්ද පුෂ්පකුමාර මුල් ඉනිමේ ලකුණු 52ට කඩුලු 6ක්ද, දෙවැනි ඉනිමේදී ලකුණු 46ට කඩුලු 6ක්ද බිඳ හෙළීය.
 
ශ්‍රී ලංකා ‘ඒ’ මුල් ඉනිම 294යි
සඳුන් වීරක්කොඩි 8, රොන් චන්ද්‍රගුප්ත 9, ධනංජය ද සිල්වා 73, චරිත් අසලංක 41, රොෂේන් සිල්වා 30, ෂෙහාන් ජයසූරිය 0, දසුන් ශානක නොදැවී 102, වනිඳු හසරංග 4, මලින්ද පුෂ්පකුමාර 0, කසුන් රාජිත 1, අසිත ප්‍රනාන්දු 4, ජෝසප් 32/3, කෝන්වෝල් 85/2, ජේකොබ්ස් 74/2
කොදෙව් ‘ඒ’ මුල් ඉනිම 137යි
කෝන්වෝල් 46, ඇම්බ්‍රිස් 29, මලින්ද පුෂ්පකුමාර 52/6, ෂෙහාන් ජයසූරිය 8/2
ශ්‍රී ලංකා ‘ඒ’ දෙවැනි ඉනිම 267/9යි
සඳුන් වීරක්කොඩි 2, රොන් චන්ද්‍රගුප්ත 14, ධනංජය ද සිල්වා 1, චරිත් අසලංක 1, රොෂේන් සිල්වා 86, ෂෙහාන් ජයසූරිය 32, දසුන් ශානක 60, වනිඳු හසරංග නොදැවී 50, මලින්ද පුෂ්පකුමාර 10, අසිත ප්‍රනාන්දු 0, කෝන්වෝල් 107/5
කොදෙව් ‘ඒ’ දෙවැනි ඉනිම - 144යි
ඇම්බ්‍රිස් 41, මලින්ද පුෂ්පකුමාර 46/6, ෂෙහාන් ජයසූරිය 48/2
IMAGE

රැඳවියකු බැලීමට ආ රූමතියට නියාමකගෙන් 'යෝජනාවක්'

IMAGE 2018 Jan 18 10:53
අනුරාධපුර බන්ධනාගාරයේ රක්ෂිත බන්ධනාගාර ගත කර සිටින සිය ඥාතියකු බැලීමට සහෝදරියක සමග ගිය...
Views - 4682

අයිවෝ ඩෙනිස් රෝහ‍ලේ

IMAGE 2018 Jan 17 10:59
මෙරට බිහි වූ විශිෂ්ටතම සංගීතඥයකු වූ සුනිල් ශාන්තයන්ගේ ගීත උරුමය ඉදිරි පරපුර වෙත රැගෙන ආ...
Views - 3352

ඡන්දය වෙනුවෙන් 'වඩියකට' ඉඩ දෙන්නැයි අපේක්ෂකයෝ ඉල්ලති

IMAGE 2018 Jan 16 10:42
තමන් කිසිදා  කසිප්පු පෙරීම නොකළ නමුත් මැතිවරණය අවසන් වන තුරු පමණක්  කාර්යාලය පිටුපස දින...
Views - 4823

අහඹු ගැබ් ගැනීම් වලකන පෙති ඇසුරුම් 20 අනුරපුර පාසලක

IMAGE 2018 Jan 16 09:59
පාසල ශුද්ධ පවිත්‍ර කිරීමේ ශ්‍රමදානයකට සහභාගී වූ මවකට අනුරාධපුර නගරයේ පාසලක තිබී අහඹු ලෙස...
Views - 5444

අන්තර්ජාල ඡායාරූපයේ සත්‍ය කතාව උදාරි හෙළි කරයි

IMAGE 2018 Jan 15 12:15
ප්‍රවේගය සිනමා පටයෙන් බොහෝ දෙනාගේ ආදරය දිනාගත් උදාරි පෙරේරාගේ තට්ට හිස සහිත ඡායාරූප පෙළක්...
Views - 6265

හොලිවුඩ් නිළියන්ටත් ලිංගික හිංසන

IMAGE 2018 Jan 15 11:49
වසර හැත්තෑ පහක කාලය තුළ අමුතුම ආකාරයේ ගෝල්ඩන් ග්ලෝබ් සම්මාන උළෙලක් පළමු වරට පසුගිය ඉරිදා...
Views - 3834

Please publish modules in offcanvas position.

X

Right Click

No right click