Coss Ear2
lakbima.lk
COSS Ear 1

ශ්‍රී ලංකා බර ඉසිලීමේ සම්මේලනයේ මෙහෙයවීමෙන් කොළඹදී පවත්වන ලද ජාතික ‍‍‍ජ්‍යෙෂ්ඨ බර ඉසිලීමේ තරගාවලියේ පිරිමි සහ කාන්තා සමස්ත ශූරතා දිනා ගනිමින් කැපී පෙනෙන දස්කම් දැක්වීමට ශ්‍රී ලංකා ගුවන් හමුදාව සමත් විය.
පසුගිය වසරේ ශ්‍රී ලංකා යුද හමුදාව සමග සම ශූරතාව දිනාගත් ගුවන් හමුදා පිරිමි පිල මෙවර සමස්ත ශූරතාව දිනාගත් අතර, පසුගිය වසරේ මෙන් මෙවරත් සමස්ත කාන්තා ශූරතාව දිනා ගැනීමට ගුවන් හමුදා ක්‍රීඩිකාවෝ සමත් වූහ.
පිරිමි අනුශූරතාව යුද හමුදාව දිනාගත් අතර, කාන්තා අනුශූරතාව නාවික හමුදාව සතු විය. පිරිමි සහ කාන්තා තෙවැනි ස්ථාන නාවික හමුදාවට සහ යාපනය බර ඉසිලීමේ සමාජයට හිමි විය.
මෙවර තරගාවලියේ දක්ෂතම ක්‍රීඩකයා ලෙස තිලංක විරාජ් පළඟසිංහ (ගුවන් හමුදාව) සම්මාන දිනාගත් අතර, දක්ෂතම බර උසුලන්නිය ලෙස බි.ඩී. හංසනී ගෝමස් (ගුවන් හමුදාව) තිළිණ ලැබුවාය. 
පළඟසිංහ කිලෝ ග්‍රෑම් 69ට අඩු බර පන්තිය යටතේ ස්නැච් ක්‍රමයට කි.ග්‍රෑම් 125ක්ද, ක්ලීන් ඇන්ඩ් ජර්ක් ක්‍රමයට කිලෝ ග්‍රෑම් 160ක් ඔසවමින් ද, ගෝමස් කිලෝ ග්‍රෑම් 48ට අඩු බර පන්තිය යටතේ ස්නැච් ක්‍රමයට කිලෝ ග්‍රෑම් 63ක්ද, ක්ලීන් ඇන්ඩ් ජර්ක් ක්‍රමයට කිලෝ ග්‍රෑම් 83ක්ද ඔසවමින් දක්ෂතම ක්‍රීඩක ක්‍රීඩිකා සම්මාන දිනා ගත්හ.
මෙවර තරගාවලියේදී නව ශ්‍රී ලංකා වාර්තා 11ක් පිහිටුවීමට ක්‍රීඩක ක්‍රීඩිකාවෝ සමත් වූ අතර, ක්‍රීඩකයන් තිදෙනෙක් සහ ක්‍රීඩිකාවන් සිව්දෙනකු සුවිශේෂී දස්කම් දැක්වීම කැපී පෙනුණි.
චින්තන ගීතාල් විදානගේ කිලෝ ග්‍රෑම් 85ට අඩු බර පන්තිය යටතේ කිලෝ ග්‍රෑම් 300ක් ඔසවමින් මුළු බර එකතුව සඳහා ශ්‍රී ලංකා වාර්තාවක් බිහි කළ අතර, කිලෝ ග්‍රෑම් 77ට අඩු බර පන්තිය යටතේ ස්නැච් ක්‍රමයට කිලෝ ග්‍රෑම් 137ක් ඔසවමින් ඉන්දික දිසානායකද, කිලෝ ග්‍රෑම් 94ට අඩු බර පන්තිය යටතේ ශානක පීටර්ස් ක්ලීන් ඇන්ඩ් ජර්ක් ක්‍රමයට කිලෝ ග්‍රෑම් 170ක් ඔසවමින්ද නව ශ්‍රී ලංකා වාර්තා පිහිටුවීමට සමත් වූහ.
කාන්තා අංශයේදී කැපී පෙනුණු ධම්මිකා හරිස්චන්ද්‍ර (කිලෝ ග්‍රෑම් 90ට අඩු බර පන්තිය) සහ නෙත්මිණි හපුතැන්න (කිලෝ ග්‍රෑම් 90ට වැඩි බර පන්තිය) නව ශ්‍රී ලංකා වාර්තා 3 බැගින් බිහි කළ අතර, එන්.එස්. රාජපක්ෂ (කි.ග්‍රෑ. 58 බර පන්තිය) සහ ඩී. ආශිකා (කි.ග්‍රෑම් 63 බර පන්තිය) නව ශ්‍රී ලංකා වාර්තාව බැගින් පිහිටුවීමට සමත් වූහ. 
මෙම තරගාවලියේදී කි.ග්‍රෑ. 56 බර පන්තියේදී යූ.ඩී.අයි. කුමාර (යුද හමුදාව), කි.ග්‍රෑ. 62 බර පන්තියේදී ඒ.යූ.ඒ.එම්. විජේසිංහ (ගුවන් හමුදාව), කි.ග්‍රෑ. 69 බර පන්තියේදී තිලංක විරාජ් පළඟසිංහ (ගුවන් හමුදාව), කි.ග්‍රෑ. 77 බර පන්තියේදී ඉන්දික දිසානායක (නාවික හමුදාව), කි.ග්‍රෑ. 85 බර පන්තියේදී චින්තන ගීතාල් විදානගේ (නාවික හමුදාව), කි.ග්‍රෑ. 94 බර පන්තියේදී ශානක පීටර්ස් (ගුවන් හමුදාව), කි.ග්‍රෑ. 105 බර පන්තියේදී ඩී.සී. ජයවික්‍රම (ගුවන් හමුදාව) සහ කි.ග්‍රෑ. 105ට වැඩි බර පන්තියේදී ඩබ්ලිව්.පී. උෂාන් චාරුක (ගුවන් හමුදාව) පිරිමි රන් පදක්කම් දිනා ගැනීමට සමත් වූහ.
ගුවන් හමුදාවේ බි.ඩී. හංසනී ගෝමස් (කි.ග්‍රෑ. 48ට බර පන්තිය), ඩබ්ලිව්.එන්.එස්. රාජපක්ෂ (කි.ග්‍රෑ. 58 බර පන්තිය), ඒ.එස්. වික්‍රමසිංහ (කි.ග්‍රෑ. 69 බර පන්තිය) කාන්තා රන් පදක්කම් දිනාගත් අතර, මහනුවර තරුණ ක්‍රිස්තියානි සංගමයේ ධම්මිකා හරිස්චන්ද්‍ර (කි.ග්‍රෑ. 90 බර පන්තිය), ‍පොළොන්නරුව බර ඉසිලීමේ සංගමයේ නෙත්මිණි හපුතැන්න (කි.ග්‍රෑ. 90ට වැඩි බර පන්තිය), යාපනය බර ඉසිලීමේ සමාජයේ ඩී. ආශිකා (කි.ග්‍රෑ. 63 බර පන්තිය), නාවික හමුදාවේ ඩී. චතුරිකා ප්‍රියන්ති (කි.ග්‍රෑ. 75 බර පන්තිය) සහ චමරි වර්ණකුලසූරිය (කි.ග්‍රෑ. 53 බර පන්තිය) රන් පදක්කම් දිනා ගැනීමට සමත් වූහ.
 
සපුමල් වීදියබණ්ඩාර

අළුබඳුන ටෙස්ට් ක්‍රිකට් තරගාවලිය යටතේ ඕස්ට්‍රේලියාව සහ එංගලන්තය අතර මෙල්බර්න්හිදී පැවැති සිව්වැනි තරගය ජය පරාජයෙන් තොරව අවසන් විය.
තරගයේ සිව්වැනි සහ 5 වැනි දිනයන්ට වර්ෂාවෙන් බාධා එල්ල වූ අතර,  එංගලන්ත මුල් ඉනිම වෙනුවෙන් නොදැවී ලකුණු 244ක් රැස් කළ ඇලිස්ටයාර් කුක් තරගයේ වීරයා ලෙස නම් කරනු ලැබිය.
ඕස්ට්‍රේලියාව මුල් ඉනිම වෙනුවෙන් ලකුණු 327ක් රැස් කළ අතර, ඊට පිළිතුරු ලෙස එංගලන්තය ලකුණු 491ක් රැස් කිරීමට සමත් විය.
එංගලන්ත මුල් ඉනිමට වඩා ලකුණු 164ක් පිටුපසින් සිට දෙවැනි ඉනිම ඇරඹූ ඕස්ට්‍රේලියාවේ කඩුලු 2ක් ලකුණු 65ක් තුළ බිඳ වැටුණි.
නායක ස්ටීවන් ස්මිත්ගේ සටන්කාමී ඉනිම හේතුවෙන් වර්ෂාවට තරගය නතර කරන විට ඕස්ට්‍රේලියාව කඩුලු 4ට ලකුණු 263ක් ලබා සිටියේය.
ස්ටීවන් ස්මිත් මිනිත්තු 438ක් කඩුල්‍ලේ රැඳී සිටිමින් පන්දු 275කදී හතරේ පහර 6ක් සමගින් නොදැවී ලකුණු 102ක් රැස් කළ අතර, පළමු ඉනිමේදී ශතකයක් වාර්තා කළ ඩේවිඩ් වෝනර්ද පන්දු 227කදී හතරේ පහර 8ක් සමගින් ලකුණු 86ක් වාර්තා කළේය.
ස්මිත් සහ වෝනර් තෙවැනි කඩුල්ල වෙනුවෙන් ලකුණු 107ක සම්බන්ධතාවක් ගොඩනංවමින් ඕස්ට්‍රේලියානු දෙවැනි ඉනිම අසීරු තත්ත්වයෙන් ගොඩ ගැනීමට සමත් වූහ.
 
ලකුණු තත්ත්වය :
ඕස්ට්‍රේලියාව මුල් ඉනිම - 327යි
වෝනර් 103, ස්මිත් 76, මාර්ෂ් 61, බ්‍රෝඩ් 51/4, ඇන්ඩර්සන් 61/3, වෝක්ස් 72/2
එංගලන්තය මුල් ඉනිම - 491යි
කුක් (නොදැවී) 244, රූට් 61, බ්‍රෝඩ් 56, කමින්ස් 117/4, ලයන් 109/3, හේසල්වුඩ් 96/3
ඕස්ට්‍රේලියාව දෙවැනි ඉනිම - 263/4යි
වෝනර් 86, ස්මිත් (නොදැවී) 102, මාර්ෂ් (නොදැවී) 29

නවසීලන්තය සහ බටහිර ඉන්දීය කොදෙව් අතර ක්‍රයිස්චර්ච්හි පැවැති තෙවැනි එක්දින ක්‍රිකට් තරගයෙන් ඩක්වර්ත් ලුවිස් ක්‍රමයට ලකුණු 66ක ජයක් ලැබූ නවසීලන්තය  පිට පිටම තෙවැනි ජයත් වාර්තා කළේය.
මේ අනුව තරග 3කින් සමන්විත එක්දින ක්‍රිකට් තරගාවලිය තරග 3-0ක් ලෙස ජය ගැනීමට නවසීලන්තය සමත් විය.
පළමුවෙන් පන්දුවට පහර දුන් නවසීලන්තය කඩුලු 4ට ලකුණු 131ක් ලබා සිටියදී වර්ෂාව ඇදහැලීම හේතුවෙන් ඉනිම පන්දුවාර 23කට සීමා විය. ඩක්වර්ත් ලුවිස් ක්‍රමයට අනුව කොදෙව්වන්ට ජයග්‍රහණය සඳහා ලකුණු 166ක ඉලක්කයක් හිමි වූ අතර, ඔවුන්ට කඩුලු 9ක් දැවී රැස්කරගත හැකිවූයේ ලකුණු 99ක් පමණි.
නවසීලන්තය වෙනුවෙන් පන්දු 54කදී හතරේ පහර 6ක් සමගින් නොදැවී ලකුණු 47ක් රැස් කළ රොස් ටේලර් තරගයේ වීරයා සම්මානය දිනාගත් අතර, තරගාවලිය පුරා පන්දුවෙන් දස්කම් දැක්වූ ටේ‍රන්ට් බෝල්ට් තරගාවලියේ වීරයා ලෙස නම් කෙරුණි.
මෙම තරගයේදීද ටේ‍රන්ට් බෝල්ට් ලකුණු 18ට කඩුලු 3ක් බිඳ හෙලූ අතර, මිචෙල් සැන්ට්නර් ලකුණු 15ට කඩුලු 3ක්ද, මැට් හෙන්රි කඩුලු 2ක්ද බිඳ හෙලූහ.
කොදෙව් ඉනිමෙ කඩුලු 9ක් ලකුණු 73ක් තුළ බිඳ වැටුණු අතර, නිකිටා මිලර් පන්දු 41කදී නොදැවී ලකුණු 20ක් සහ ෂැනොන් ගේබ්‍රියෙල් පන්දු 20කදී ලකුණු 12ක් රැස් කරමින් නොදැවී පිටියේ රැඳී සිටියහ.
 
ලකුණු තත්ත්වය :-
නවසීලන්තය පන්දුවාර 23දී - 131/4යි
වෝකර් 2, මුන්රෝ 21, ටේලර් (නොදැවී) 47, බෘෘම් 2, ‍ලේතම් 37, නිකලස් (නොදැවී) 18, කොට්රල් 19/2
බටහිර ඉන්දීය කොදෙව් පන්දුවාර 23දී - 99/9යි
ගේල් 4, වෝල්ටන් 0, ෂායි හෝප් 2, කයිල් හෝප් 1, මොහොමඩ් 1, හෝල්ඩර් 34, පවෙල් 11, නර්ස් 1, මිලර් (නොදැවී) 20, කොට්රල් 3, ගේබ්‍රියල් (නොදැවී) 12, බෝල්ට් 18/3, සැන්ට්නර් 15/3, හෙන්රි 18/2

නවසීලන්තය සහ බටහිර ඉන්දීය කොදෙව් අතර තරග තුනකින් සමන්විත එක්දින ක්‍රිකට් තරගාවලියේ ක්‍රයිස්චර්ච්හිදී පැවැති දෙවැනි තරගයෙන් ලකුණු 204ක විශිෂ්ට ජයක් වාර්තා කළ නවසීලන්තය තරගාවලිය 2-0ක් ලෙස ජය ගැනීමට සමත් විය.
නවසීලන්ත ජයග්‍රහණය වෙනුවෙන් විශිෂ්ට පන්දු යැවීමක නිරත වූ ටේ‍රන්ට් බෝල්ට් ලකුණු 34ට කඩුලු 7ක් බිඳ හෙළමින් තරගයේ වීරයා සම්මානය දිනා ගත්තේය.
පළමුවෙන් පන්දුවට පහර දුන් නවසීලන්තය පන්දුවාර 50දී කඩුලු 6ට ලකුණු 325ක් රැස් කළ අතර, පිළිතුරු ඉනිම ක්‍රීඩා කළ කොදෙව් ඉනිම පන්දුවාර 28කදී ලකුණු 121කට අවසන් විය.
නවසීලන්ත ආරම්භක පිතිකරු ජෝර්ජ් වෝකර් පන්දු 53කදී හතරේ පහර 4ක් සහ හයේ පහර 2ක් සමගින් ලකුණු 58ක් වාර්තා කළ අතර, ඔහුට අනගි සහයක් ලබා දුන් කොලින් මුන්රෝ පන්දු 25කදී ලකුණු 30ක් වාර්තා කරමින් පළමු කඩුල්ල සඳහා ලකුණු 50ක සම්බන්ධතාවක් ගොඩනැංවූහ.
රොස් ටේලර් පන්දු 66කදී හතරේ පහර 5ක් සමගින් ලකුණු 57ක් වාර්තා කළ අතර, ඉනිමේ වැඩිම ලකුණු ලාභියා වෙමින් හෙන්රි නිකලස් පන්දු 62කදී හතරේ පහර 7ක් සහ හයේ පහර 2ක් සමගින් නොදැවී ලකුණු 83ක් රැස් කළේය.
හෙන්රිට අනගි සහයක් ලබා දුන් ටොඩ් ඇස්‍ලේ පන්දු 45කදී ලකුණු 49ක් රැස් කරමින් මුළු ලකුණු සංඛ්‍යාව ඉහළ නැංවීමට දායක විය.
කොදෙව් සියළුම පන්දු යවන්නන් දැඩි ප්‍රහාරයකට ලක්වූ අතර, ෂෙල්ඩන් කොට්රල් ලකුණු 62ට කඩුලු 3ක්ද, ජේසන් හෝල්ඩර් ලකුණු 52ට කඩුලු 2ක්ද බිඳ හෙලූහ.
ජයග්‍රහණය සඳහා ලකුණු 326ක ඉලක්කයක් හඹා යාමට පිටියට පිවිසි කොදෙව් කිසිදු පිතිකරුවකුට ලකුණු 30 සීමාව පසු කිරීමට ටේ‍රන්ට් බෝල්ට් සහ ලොකී ෆර්ගියුසන් ඉඩ ලබා නොදුන්හ.
කොදෙව් ඉනිමේ ඉහළ ලකුණු ලාභියා වෙමින් ඈස්ලි නර්ස් ලකුණු 27ක් රැස් කළ අතර, ෂායි හෝප් ලකුණු 23කින් දායක විය.
කොදෙව් ඉනිම බිඳ දැමූ ටේ‍රන්ට් බෝල්ට් පන්දුවාර 10දී ලකුණු 34ට කඩුලු 7ක් බිඳ හෙලූ අතර, ෆර්ගියුසන් ලකුණු 17ට කඩුලු 3ක් බිඳ හෙළීය.
 
ලකුණු තත්ත්වය :-
නවසීලන්තය පන්දුවාර 50දී - 325/6යි
වෝකර් 58, මුන්රෝ 30, ටේලර් 57, ‍ලේතම් 20, නිකලස් (නොදැවී) 83, ඇස්‍ලේ 49, කොට්රල් 62/3, හෝල්ඩර් 52/2, බිටන් 60/1
බටහිර ඉන්දීය කොදෙව් පන්දුවාර 28කදී - 121යි
ෂායි හෝප් 23, ජේසන් මොහොමඩ් 18, හෝල්ඩර් 13, නර්ස් 27, බෝල්ට් 34/7, ෆර්ගියුසන් 17/3

ශ්‍රී ලංකාව සහ ඉන්දියාව අතර කටක්හි පැවැති පළමු 20-20 තරගයෙන් ලකුණු 93ක ජයක් වාර්තා කිරීමට ඉන්දියාව සමත් විය.
මේ අනුව තරග තුනකින් සමන්විත තරගාවලිය 1-0ක් ලෙස පෙරමුණ ගැනීමට ඉන්දියාව සමත් වී සිටියි. 
ඊයේ මුලින්ම පන්දුවට පහර දුන් ඉන්දියාව පන්දුවාර 20දී කඩුලු 3ට ලකුණු 180ක් රැස් කළ අතර, ශ්‍රී ලංකාවට පන්දුවාර 16කදී ලබාගත හැකිවූයේ ලකුණු 87ක් පමණි.
ඉන්දීය ජයග්‍රහණය වෙනුවෙන් සුපිරි පන්දු යැවීමක නිරත වූ යස්වෙන්දර් චහාල් ලකුණු 23ට කඩුලු 4ක් බිඳ දමමින් තරගයේ වීරයා සම්මානය දිනා ගත්තේය. 
පිතිකරණයේදී ඉන්දීය ඉනිම ගොඩනැංවූ ලෝකේශ් රාහුල් පන්දු 48කදී හතරේ පහර 7ක් සහ එක් හයේ පහරක් සහිතව ලකුණු 61ක් වාර්තා කළ අතර, දෝනි නොදැවී ලකුණු 39ක්ද, මනිෂ් පාන්ඩේ නොදැවී ලකුණු 32ක්ද රැස් කළහ.
ලෝකේෂ් රාහුල් සහ ශ්‍රියාස් අයියර් (24) අතර දෙවැනි කඩුල්ල වෙනුවෙන් ලකුණු 63ක සම්බන්ධතාවක් වාර්තා වූ අතර, එම්.එස්. දෝනි සහ මනිෂ් පාන්ඩේ අතර ලකුණු 68ක නොබිඳුණු සම්බන්ධතාවක් වාර්තා විය. 
ශ්‍රී ලංකාව වෙනුවෙන් ඇන්ජලෝ මැතිව්ස්, තිසර පෙරේරා සහ නුවන් ප්‍රදීප් එක් කඩුල්ල බැගින් බිඳ හෙලූහ. 
ලකුණු හඹායාමේදී යළිත් වරක් ශ්‍රී ලංකා පිතිකරුවන් අන්ත අසරණ තත්ත්වයකට පත් වූ අතර, කිසිදු පිතිකරුවෙකුට සාර්ථක ඉනිමක් ක්‍රීඩාකරගත නොහැකි විය.
ආරම්භක පිතිකරු දික්වැල්ල (13) දවා ගැනීමට උනඩ්කට් සමත් වීමෙන් පසු ක්‍රියාත්මක වූ චහාල් තරංග (23), මැතිව්ස් (1), අසේල ගුණරත්න (4) දවා ගැනීමෙන් ශ්‍රී ලංකාවේ කඩුලු 4ක් ලකුණු 55ක් තුළ බිඳ වැටුණි. 
දසුන් ශානක එක් ලකුණකට දවා ගැනීමට කුල්දීප් යදාව් සමත් වූ අතර, සිය සිව්වැනි කඩුල්ල ලෙස නායක තිසර පෙරේරා (3) පිටියෙන් ඉවත් කිරීමට චහාල් සමත් වීමෙන් ශ්‍රී ලංකාවේ අවසන් බලා‍පොරොත්තුවද බිඳ වැටුණි. කලකට පසු 20-20 පිටියට පිවිසි කුසල් ජනිත් ලකුණු 19ක් ලබා කුල්දීප් යදාව්ගේ දෙවැනි කඩුල්ල ලෙස පිටියෙන් ඉවත් වීමෙන් පසු හාර්දික් පාන්ඩ්යා ශ්‍රී ලංකා පසුපෙළ බිඳ දැමීය. 
අකිල ධනන්ජය (7) දවාගත් පාන්ඩ්යා දුෂ්මන්ත චමීර (12) සහ විශ්ව ප්‍රනාන්දු (2) දවා ගැනීමෙන් පන්දුවාර 16දී ශ්‍රී ලංකා ඉනිම ලකුණු 87කට අවසන් විය. ඉන්දියාව වෙනුවෙන් පන්දුවෙන් දස්කම් දැක්වූ යස්වෙන්දර් චහාල් ලකුණු 23ට කඩුලු 4ක්ද, හාර්දික් පාන්ඩ්යා ලකුණු 29ට කඩුලු 3ක්ද, කුල්දීප් යදාව් ලකුණු 18ට කඩුලු 2ක්ද බිඳ හෙලූහ.

ශ්‍රී ලංකාව සහ ඉන්දියාව අතර විශාඛාපට්නම්හි පැවැති තෙවැනි එක්දින ක්‍රිකට් තරගයෙන් කඩුලු 8ක පහසු ජයක් ලැබූ ඉන්දියාව තරගාවලිය 2-1ක් ලෙස ජය ගැනීමට සමත් විය.
මුලින්ම පන්දුවට පහර දුන් ශ්‍රී ලංකාව පන්දුවාර 44.5කදී ලකුණු 215කට දැවී ගිය අතර, ඉන්දියාව පන්දුවාර 32.1කදී කඩුලු 2ට ලකුණු 219ක් ලබමින් ජය වාර්තා කළේය.
සිය එක්දින දිවියේ 12 වැනි ශතකය වාර්තා කළ ෂිකර් ධවාන් පන්දු 85කදී හතරේ පහර 13ක් සහ හයේ පහර 2ක් සහිතව නොදැවී ලකුණු 100ක් ලබමින් තරගාවලියේ වීරයා බවට පත්විය.
රෝහිත් ෂර්මා ලකුණු 7කට දැවී යාමෙන් පසු පිටියේ එක්වූ ධවාන් සහ අයියර් දෙවැනි කඩුල්ල වෙනුවෙන් ලකුණු 135ක සම්බන්ධතාවක් තැබූ අතර, පන්දු 63කදී හතරේ පහර 8ක් සහ එක් හයේ පහරක් සහිතව ලකුණු 65ක් වාර්තා කිරීමට අයියර් සමත් විය.
හතරේ පහරකින් ඉන්දීය ජය තහවුරු කළ දිනේෂ් කාර්තික් පන්දු 31කදී නොදැවී ලකුණු 26ක් ලබා තිබුණි.
මුලින්ම පන්දුවට පහර දුන් ශ්‍රී ලංකාවේ පළමු කඩුල්ල ලෙස ධනුෂ්ක ගුණතිලක ලකුණු 13කට දැවී ගියද උපුල් තරංග සහ සධීර සමරවික්‍රම එක්ව දෙවැනි කඩුල්ල වෙනුවෙන් ලකුණු 121ක සම්බන්ධතාවක් තබමින් සාර්ථක අඩිතාලමක් ලබා දුන්නේය.
සධීර ලකුණු 42කට දැවී ගිය අතර, පන්දු 82කදී හතරේ පහර 12ක් සහ හයේ පහර 3ක් සහිතව ලකුණු 95ක් ලැබූ තරංග දැවී යාමෙන් පසු ශ්‍රී ලංකා ඉනිම බිඳ වැටුණි. 
පන්දුවාර 27කදී ශ්‍රී ලංකාව ලකුණු 160ක් ලබා සිටියද තරංග දැවී යාමෙන් පසු අවසානයේ ශ්‍රී ලංකාවට ලබාගත හැකිවූයේ ලකුණු 215ක් පමණි.
ශ්‍රී ලංකා ඉනිම බිඳ දැමූ කුල්දීප් යදාව් ලකුණු 42ට කඩුලු 3ක් බිඳ හෙළමින් තරගයේ වීරයා බවට පත්වූ අතර, යස්වෙන්දර් චහාල් ලකුණු 41ට කඩුලු 3ක්ද බිඳ හෙළීය.
 

IMAGE

සංසාර සිහිනයේ ගී සංකල්පනය මම 'ටැබ් එකේ ටයිප් කරපු' එකක්

IMAGE 2018 Feb 21 12:00
සනුක වික්‍රමසිංහ ගායනා කරන “සංසාර සිහිනේ” කලක පටන් බොහෝ ගීත දර්ශකවල පෙරමුණ ගෙන තිබෙන...
Views - 1940

මම නාට්‍ය කලාවෙ ඉන්නේ ඒ ගැන තියන 'උණ' නිසයි

IMAGE 2018 Feb 21 11:53
වේදිකාව, පුංචිතිරය සහ සිනමාව යන මාධ්‍ය ත්‍රිත්වයෙහිම සිය ප්‍රතිභාව ප්‍රකට කළ කලාකරුවකුවන...
Views - 1050

බිරිඳ රැකියාවක් නොකිරීම මගේ සාර්ථකවයට හේතුවක්

IMAGE 2018 Feb 20 14:38
“සිරස ජූනියර් සුපර් ස්ටාර්..” තරගය ගැන මුලින්ම අප ඔබගෙන් විමසන්න කැමතියි.. ඇත්තෙන්ම “සිරස...
Views - 5001

බිරිඳට පින් තකා සුනඛයන්ට දිනපතා සහල් කිලෝ 08ක දනක්

IMAGE 2018 Feb 20 14:23
මිනිසා තිරිසනුන් වන අවස්ථාත් තිරිසනා මිනිසුන් වන අවස්ථාත් අපට බොහෝ විට දක්නට ලැබුණද...
Views - 2875

ලංකාවේ අන්තිම රජු සැඟවූ නිධානය කෝ?

IMAGE 2018 Feb 19 11:34
මහනුවර රජ කළ රාජාධිරාජසිංහ රජුට බිසෝවරුන් කිහිප දෙනෙක්ම සිටියහ. ඔවුන් අතර අලමේලු අම්මා,...
Views - 4953

රඟපෑමෙන් සමුගත් හේතුව නදීකා කියයි

IMAGE 2018 Feb 19 10:41
“චංචල රේඛා” චිත්‍රපටයේ “දං චූටි” නාඳුනන කෙනෙක් එදා සිනමා ලෝලීන් අතර හිටියේ නැහැ....
Views - 6174

Please publish modules in offcanvas position.