Coss Ear2
lakbima.lk
COSS Ear 1

නවසීලන්තයේ පැවැත්වෙන අවු. 19න් පහළ ලෝක කුසලාන ක්‍රිකට් තරගාවලිය යටතේ ශ්‍රී ලංකාව සහභාගි වූ පළමු තරගයෙන් අයර්ලන්තයට එරෙහිව කඩුලු 7ක ජයක් වාර්තා කිරීමට සමත් විය.
පන්දුවාර 48කට සීමා වූ මෙම තරගයේ පළමුවෙන් පන්දුවට පහරදුන් අයර්ලන්තය කඩුලු 8ක් දැවී ලකුණු 207ක් රැස් කළ අතර, පිළිතුරු ඉනිම ක්‍රීඩා කළ ශ්‍රී ලංකාව පන්දුවාර 37.3කදී කඩුලු 3ක් දැවී ලකුණු 208ක් රැස් කරමින් ජය වාර්තා කළේය.
ඊයේ (14දා) වන්ගරෙයි කෝබාම් ඕවල් පිටියේ පැවැති මෙම තරගයේදී විශිෂ්ට පිතිහරඹයක් දියත් කළ වමත් ආරම්භක පිතිකරු ධනංජය ලක්ෂාන් නොදැවී ශතකයක් (101) සහ තුන් ඉරියව් දස්කම් දැක්වූ නායක කමිඳු මෙන්ඩිස් නොදැවී ලකුණු 74ක් රැස් කරමින් ශ්‍රී ලංකා ජය තහවුරු කළහ.
ආරම්භක පිතිකරු හසිත බෝයගොඩ (0) සහ නිපුන් ධනංජය (1) ඒරන් කොව්ලි හමුවේ දැවී යාමෙන් කඩුලු 2ක් ලකුණු 9ක් තුළ බිඳ වැටී ශ්‍රී ලංකාව අසීරු තත්ත්වයකට පත් විය.
ඉන්පසු ධනංජය ලක්ෂාන් සමග එක්වූ ක්‍රිෂාන් සංජුල තෙවැනි කඩුල්ල ලෙස ලකුණු 17කට දැවී යාමෙන් ශ්‍රී ලංකාවේ කඩුලු 3ක් ලකුණු 51ක් තුළ බිඳ වැටුණි.  
ඉන්පසු පිටියේ එක්වූ ධනංජය ලක්ෂාන් සහ නායක කමිඳු මෙන්ඩිස් සිව්වැනි කඩුල්ල වෙනුවෙන් ලකුණු 157ක නොබිඳුණු සම්බන්ධතාවක් ගොඩනංවමින් ශ්‍රී ලංකා ජය තහවුරු කළහ.
මිනිත්තු 151ක කාලයක් කඩුල්‍ලේ රැඳී සිටිමින් පන්දු 120කදී හතරේ පහර 8ක් සහ එක් හයේ පහරක් සමගින් නොදැවී ලකුණු 101ක් රැස් කළ ධනංජය ලක්ෂාන් තරගයේ වීරයා සම්මානය දිනා ගත්තේය.
කමිඳු මෙන්ඩිස් පන්දු 73කදී හතරේ පහර 6ක් සමගින් නොදැවී ලකුණු 74ක් රැස් කළ අතර, පන්දුවෙන්ද දස්කම් දක්වමින් ලකුණු 35ට කඩුලු 3ක් බිඳ හෙළීය.
පළමුවෙන් පන්දුවට පහර දුන් අයර්ලන්තය වෙනුවෙන් ආරම්භක පිතිකරු ජැමී ග්‍රාසි පන්දු 117කදී හතරේ පහර 7ක් සහ එක් හයේ පහරක් සමගින් ලකුණු 75ක් රැස් කළේය.
ලකුණු තත්ත්වය :-
අයර්ලන්ත අවු. 19න් පහළ පිල: 207/8 (පන්දුවාර 48) ජැමී ග්‍රාසි 75, මාර්ක් ඩොනෙගන් 36, ජොශුවා ලිට්ල් 25, නිපුන් මාලිංග 39/1, ජෙහාන් ඩැනියෙල් 38/1, කමිඳු මෙන්ඩිස් 35/3
ශ්‍රී ලංකා අවු. 19න් පහළ පිල: 208/3 (පන්දුවාර 37.3) ධනංජය ලක්ෂාන් නොදැවී 101, හසිත බෝයගොඩ 0, නිපුන් ධනංජය 1, ක්‍රිෂාන් සංජුල 17, කමිඳු මෙන්ඩිස් නොදැවී 74, ඒරන් කොව්ලි 26/2, මැක්ස් නෙවිල් 51/1

(සටහන :- පමෝද්)

ඩයලොග් අන්තර් ක්‍රීඩා සමාජ ලීග් රග්බි තරගාවලිය යටතේ පැවැති මහනුවර සහ සී.ආර්. අතර තරගයෙන් ලකුණු 50-15 ක දැවැන්ත ජයක් වාර්තා කිරීමට මහනුවර සමත් විය.
පළමු භාගයේදී ලකුණු 21-03 ක් ලෙස පෙරමුණ ගෙන සිටි මහනුවර අවසානයේ උත්සාහක දිනුම් 8 ක් සහිතව විශිෂ්ට ජයක් ලැබිය.
මහනුවර වෙනුවෙන් රිචඩ් ධර්මපාල (2) තරිඳු චතුරංග, ධනුෂ්ක රංජන්, උචිත ජයසූරිය, ශ්‍රීනාත් සූරියබණ්ඩාර, නයිජල් රත්වත්ත සහ ජේසන් දිසානායක උත්සාහක දිනුම් වාර්තා කළ අතර නයිජල් රත්වත්ත ප්‍රවර්ථන 5 ක් සාර්ථකව නිම කළේය.
සී.ආර්. වෙනුවෙන් රීසා රිෆයිඩීන් සහ චරණ චාමිල්කර උත්සාහක දිනුම් වාර්තා කළ අතර තරින්ද රත්වත්ත ප්‍රවර්ථනයක්ද රීසා රිෆයිඩීන් දඬුවම් පහරක්ද සාර්ථකව නිම කළේය.
සී.එච්.-ගුවන් හමුදාව
සී.එච්. සහ ගුවන් හමුදාව අතර පැවැති තරගයෙන් ලකුණු 28-12 ක ජයක් වාර්තා කිරීමට සී.එච්. සමත් විය.
පළමු භාගය අවසන් වන විට සී.එච්. ලකුණු 10-09 ක් ලෙස පෙරමුණ ගෙන සිටි අතර සී.එච්. ගෝල 2ක් උත්සාහක දිනුමක් සහ දඬුවම් පහර 3 ක් මගින් ලකුණු ලබා ගත් අතර ගුවන් හමුදාව දඬුවම් පහර 4 ක් මගින් ලකුණු ලබා ගත්තේය.
සී.එච්. වෙනුවෙන් අවිශ්ක ලී, ප්‍රදීප් කුරුකුලසූරිය සහ ලී කීගල් උත්සාහක දිනුම් වාර්තා කළ අතර සැමුවෙල් මධුවන්ත ප්‍රවර්ථන 2 ක් සහ දඬුවම් පහර 3 ක් මගින් ලකුණු ලබා ගත්තේය.
ගුවන් හමුදාව වෙනුවෙන් චරිත් සෙනවිරත්න දඬුවම් පහර 4 ක් සාර්ථකව නිම කළේය.
නාවික හමුදාව-‍පොලිසිය
නාවික හමුදාව සහ ‍පොලිසිය අතර තරගයෙන් ලකුණු 45-26 ක ජයක් වාර්තා කිරීමට නාවික හමුදාව සමත් විය.
පළමු භාගයේදී ලකුණු
17-12 ක් ලෙස නාවික හමුදාව පෙරමුණ ගෙන සිටි අතර නාවික හමුදාව ගෝල 5 ක් සහ උත්සාහක දිනුම් 2 ක් මගින්ද, ‍පොලිසිය ගෝල 3 ක් සහ උත්සාහක දිනුමක් මගින්ද ලකුණු ලබා ගත්තේය.
නාවික හමුදාව වෙනුවෙන් ස්ටීවන් ගේ‍රගරි (2), තිළිණ වීරසිංහ (2), චරිත් සිල්වා, සුපුන් ඩිල්ෂාන් සහ හර්ෂ මධුරංග උත්සාහ දිනුම් වාර්තා කළ අතර ‍පොලිසිය වෙනුවෙන් ජනිත් චානක (2), ජනිත් චන්දිමාල් සහ උදය සංජුල උත්සාහක දිනුම් වාර්තා කළ අතර සංදේශ් ජයවික්‍රම ප්‍රවර්ථන 3 ක් සාර්ථකව නිම කළේය.
හැව්ලොක්ස්-යුද හමුදාව
හැව්ලොක්ස් සහ යුද හමුදාව අතර තරගයෙන් ලකුණු 27-08 ක ජයක් වාර්තා කිරීමට හැව්ලොක්ස් සමත් විය.
හැව්ලොක්ස් ගෝල 3 ක්, දඬුවම් පහරක් සහ ඩේ‍රාප් ගෝලයක් මගින් ලකුණු ලබාගත් අතර යුද හමුදාව උත්සාහක දිනුමක් සහ දඬුවම් පහරක් මගින් ලකුණු ලබා ගත්තේය.
හැව්ලොක්ස් වෙනුවෙන් අස්මීර් තජුඩීන්, ලසිඳු කරුණාතිලක සහ චානක බණ්ඩාර උත්සාහක දිනුම් වාර්තා කළ අතර රීසා මුබාරක් ප්‍රවර්ථන 3 ක් දඬුවම් පහරක් සහ ඩේ‍රාප් ගෝලයක් මගින් ලකුණු ලබා ගත්තේය.
යුද හමුදාව වෙනුවෙන් අසෝක ජයලාල් උත්සාහක දිනුමක් ලබා ගත් අතර ගයාන් සාලින්ද දඬුවම් පහරක් මගින් ලකුණු ලබා ගත්තේය.

මංගල ධර්මප්‍රේම

ශ්‍රී ලංකා ක්‍රිකට් පි‍ලේ එක්දින සහ 20-20 නව නායකයා ලෙස ඇන්ජලෝ මැතිව්ස් පත් කළ බව ඊයේ (9දා) පැවැති මාධ්‍ය හමුවේදී ක්‍රිකට් සභාපති තිලංග සුමතිපාල මහතා පැවැසීය.
නව පුහුණුකරු චන්දික හතුරුසිංහ මහතා පත්වීමෙන් පසු දීර්ඝ කාලීන හා කෙටි කාලීන සැලසුම් යටතේ මැතිව්ස් නැවතත් නායකත්වයට පත් කළ බවත්, ඒ පිළිබඳව ක්‍රීඩා ඇමැතිවරයාගේ අනුමැතිය හිමිවූ බවත් සුමතිපාල මහතා පැවැසීය.
මීට මාස 6කට පෙර මැතිව්ස් නායකත්වයෙන් ඉවත් වූ අතර, මීළඟ ලෝක කුසලානට නව නායකයකු යටතේ කණ්ඩායම ගොඩනැංවීමට තමන් ඉල්ලා අස්වූ බව ප්‍රකාශ කළේය.
මේ අතර දිනේෂ් චන්දිමාල් ටෙස්ට් නායකයා ලෙස කටයුතු කරන අතර, එක්දින හා 20-20 උප නායකයා ලෙසද නම් කර තිබේ.
නායකත්වයට පැමිණීම පිළිබඳව අදහස් දක්වන මැතිව්ස් පවසන්නේ නැවත නායකත්වය ගැනීමට අදහසක් නොතිබූ නමුත් රටේ අවශ්‍යතාවය සලකා බලා මෙම තීරණය ගත් බවයි.
“මම ගියේ ආයෙත් නායකත්වයට එන්න ‍නෙවෙයි. ඒත් ක්‍රිකට් සභාපතිතුමායි, හතුරුසිංහ අයියයි කතා කරලා කිව්වා නායකත්වය භාර ගන්න කියලා. දින කිහිපයක් කල්පනා කරලා මම එකඟ වුණා.” යැයි මැතිව්ස් පැවැසීය. 
2008-10 කාලය තුළ ශ්‍රී ලංකා ‘ඒ’ පි‍ලේ පුහුණුකරු වූ හතුරුසිංහ සමග වැඩකර ඇති බව පැවැසූ මැතිව්ස් ඉන්පසු ශ්‍රී ලංකා පි‍ලේදීද හතුරු සමග වැඩ කර ඇති බැවින් ඔහු ගැන හොඳින් දන්නා බවද පවසයි.
මේ අවස්ථාවේ නායකත්වය භාර ගැනීමට හොඳම සුදුස්සා මැතිව්ස් බව පවසන පුහුණුකරු චන්දික හතුරුසිංහ ආබාධ සුව කරගෙන කණ්ඩායමේ රැඳී සිටීමට ඔහුට උදව් කිරීමට සූදානම් බවද පවසයි.
 
මංගල ධර්මප්‍රේම

ඉන්දියාව සහ දකුණු අප්‍රිකාව අතර තරග 3කින් සමන්විත ටෙස්ට් ක්‍රිකට් තරගාවලියේ කේප්ටවුන්හිදී පැවැති පළමු තරගයේ එක් දිනයක් ඉතිරිව තිබියදීම පන්දු යවන්නන්ගේ විශිෂ්ට දස්කම් හේතුවෙන් ලකුණු 72ක ජයක් වාර්තා කිරීමට දකුණු අප්‍රිකාව සමත් විය.
දකුණු අප්‍රිකානු ජයග්‍රහණයේ නියමුවා වූ වර්නන් පිලැන්ඩර් මුල් ඉනිමේදී ලකුණු 33ට කඩුලු 3ක් සහ දෙවැනි ඉනිමේදී ලකුණු 42ට කඩුලු 6ක් බිඳ හෙළමින් තරගයේ වීරයා බවට පත්විය.
ඉන්දියාවට ජයග්‍රහණය සඳහා ලකුණු 208ක පහසු ඉලක්කයක් හිමි වුවද දකුණු අප්‍රිකානුවන්ගේ විශිෂ්ට පන්දු යැවීම හමුවේ ඉනිම ලකුණු 135කට අවසන් විය.
වර්ෂාවෙන් බාධා එල්ල වීම හේතුවෙන් තෙවැනි දිනය පන්දුවාර 20කට සීමා වූ අතර, සිව්වැනි දිනයේදී පන්දුවාර 64ක් තුළදී කණ්ඩායම් දෙකේම කඩුලු 18ක් බිඳ වැටීම කැපී පෙනෙන සිදුවීමක් විය.
වර්නන් පිලැන්ඩර් ඉන්දීය දෙවැනි ඉනිමේ 43 වැනි පන්දුවාරයේදී කඩුලු 3ක් බිඳ දමමින් දකුණු අප්‍රිකානු ජය තහවුරු කළ අතර, ඔහුට අනගි සහයක් ලබා දුන් මෝනි මෝකල් සහ කගිසෝ රබාඩා කඩුලු 2 බැගින් බිඳ හෙලූහ.
 
ලකුණු තත්ත්වය :- 
 
දකුණු අප්‍රිකාව මුල් ඉනිම - 286යි
ඩිවිලියර්ස් 65, ඩුප්ලෙසිස් 62, ඩි කොක් 43, පිලැන්ඩර් 23, මහරාජ් 35, රබාඩා 26, බුවනේෂ්වර් 87/4, 
ඇෂ්වින් 21/2
 
ඉන්දියාව මුල් ඉනිම - 209යි
පුජාරා 26, පාන්ඩ්යා 93, බුවනේෂ්වර් 25, පිලැන්ඩර් 33/3, ස්ටේන් 51/2, මෝකල් 57/2, රබාඩා 34/3
 
දකුණු අප්‍රිකාව දෙවැනි ඉනිම - 130යි
මාක්රාම් 34, එල්ගා 25, ඩිවිලියර්ස් 35, බුවනේෂ්වර් 33/2, බුම්රා 39/3, ෂමී 28/3, පාන්ඩ්යා 27/2
 
ඉන්දියාව දෙවැනි ඉනිම - 135යි
කෝලි 28, ඇෂ්වින් 37, පිලැන්ඩර් 42/6, මෝකල් 39/2, රබාඩා 41/2

ශ්‍රී ලංකා ක්‍රිකට් පි‍ලේ එක්දින ක්‍රිකට් නායකයා නම් කිරීම ලබන 9දා සිදු කරන බව ශ්‍රී ලංකා ක්‍රිකට් ආයතනය නිවේදනය කරයි.
අවසන් වරට පැවැති එක්දින තරගාවලියේදී ශ්‍රී ලංකා පිල මෙහෙය වූ තිසර පෙරේරාට නායකත්වය අහිමි වන බව වාර්තා වේ.
පසුගිය කාල වකවානුවේදී ශ්‍රී ලංකා එක්දින පි‍ලේ නායකයා ලෙස උපුල් තරංග නම් කර තිබූ අතර, දිගින් දිගටම තරග පරාජය වීමත් සමගම ඔහුගේ නායකත්වය තිසර පෙරේරාට පැවරීමට තේරීම් කමිටුව පියවර ගත්තේය.
ලබන 9දා පත්වන නායකයා ඇන්ජලෝ මැතිව්ස් හෝ දිනේෂ් චන්දිමාල්ගෙන් කෙනෙකු බව තේරීම් කමිටු සභාපතිවරයා තමන්ට දැන්වූ බව ක්‍රිකට් සභාපති තිලංග සුමතිපාල මහතා ප්‍රකාශ කළ බව ක්‍රිකට් නිවේදනයේ දැක්වේ.
ඇන්ජලෝ මැතිව්ස් මීට පෙර ශ්‍රී ලංකා එක්දින පි‍ලේ නායකත්වය දරා ඇති අතර, මැතිව්ස් ආබාධයට ලක්වූ අවස්ථාවල තරග කිහිපයකදී චන්දිමාල් නායකත්වය හොබවා තිබේ.

මැතිව්ස් වරින්වර ආබාධවලට ගොදුරු වීම නිසා නායකත්වයෙන් ඉවත් වීමට තීරණය කර තිබුණි.
මේ අනුව එළැඹෙන 15 දා ආරම්භ වන බංග්ලාදේශ තුන්කොන් ක්‍රිකට් තරගාවලියේ සිට 2019 ලෝක කුසලාන තෙක් නව නායකයා කටයුතු කිරීමට බොහෝ දුරට ඉඩකඩ ඇති බව වාර්තා වේ.
නායකයා පත් කිරීම
පිළිබඳව විශේෂ සාකච්ඡාවක් පසුගිය 3දා ක්‍රිකට් සභාපති තිලංග සුමතිපාල මහතාගේ ප්‍රධානත්වයෙන් පැවැති බවද ක්‍රිකට් නිවේදනයේ දැක්වේ.
මෙම සාකච්ඡාවට ජාත්‍යන්තර ක්‍රිකට් ප්‍රධානී කේ. මතිවානන්, ක්‍රිකට් ප්‍රධාන විධායක ඈෂ්ලි ද සිල්වා, තේරීම් කමිටු සභාපති ග්‍රැහැම් ලැබ්රෝයි, ක්‍රිකට්
කළමනාකරු අසංක ගුරුසිංහ සහ නව පුහුණුකරු චන්දික හතුරුසිංහ මහත්වරු සහභාගි වූ බව ක්‍රිකට් නිවේදනයේ දැක්වේ.


මංගල ධර්මප්‍රේම

නවසීලන්තය සහ බටහිර ඉන්දීය කොදෙව් අතර මවුන්ට් මුන්ගනායිහිදී පැවැති තෙවැනි 20-20 තරගයෙන් ලකුණු 119ක ජයක් ලැබු නවසීලන්තය තරගාවලිය 2-0ක් ලෙස ජය ගැනීමට සමත් විය.
මෙම තරගයේදී නවසීලන්තය සිය 20-20 තරග ඉතිහාසයේ ඉහළම ලකුණු සංඛ්‍යාව (243) වාර්තා කළ අතර, කොලින් මුන්රෝ සිය තෙවැනි 20-20 ශතකය රැස් කරමින් තරගයේ වීරයා බවට පත්විය.
පළමුවෙන් පන්දුවට පහර දුන් නවසීලන්තය පන්දුවාර 20දී කඩුලු 5ට ලකුණු 243ක් රැස් කළ අතර, පිළිතුරු ඉනිම ක්‍රීඩා කළ කොදෙව් ඉනිම පන්දුවාර 16.3දී ලකුණු 124කට සීමා විය.
විශිෂ්ට පිතිහරඹයක නිරත වූ ආරම්භක පිතිකරු කොලින් මුන්රෝ පන්දු 53කදී හතරේ පහර 3ක් සහ හයේ පහර 10ක් සමගින් ලකුණු 104ක් රැස් කළ අතර, ඔහුට අනගි සහයක් ලබා දුන් මාටින් ගප්ටිල් පන්දු 38කදී හතරේ පහර 5ක් සහ හයේ පහර 2ක් සමගින් ලකුණු 63ක් වාර්තා කළේය.
ගප්ටිල් සහ මුන්රෝ පළමු කඩුල්ල සඳහා ලකුණු 136ක විශිෂ්ට සම්බන්ධතාවක් ගොඩනැංවූහ.
පිටියට පිවිසි සෑම නවසීලන්ත පිතිකරුවෙක්්ම හයේ පහර එල්ල කිරීම හේතුවෙන්  මුළු ඉනිම පුරා හයේ පහර 17ක් වාර්තා විය.
කොදෙව් වෙනුවෙන් කාලෝස් බ්‍රාත්වේට් ලකුණු 50ට කඩුලු 2ක් බිඳ හෙළීය.
ජයග්‍රහණය සඳහා ලකුණු 244ක ඉලක්කයක් හඹා යාමට පිටියට පිවිසි කොදෙව් ආරම්භක පිතිකරු යුගළය වන චැඩ්වික් වෝල්ටන් සහ ක්‍රිස් ගේල් ලකුණු ලබා ගැනීමට පෙර ක්‍රීඩා ගාරය වෙත හරවා යැවීමට ටිම් සවුති සමත් විය.
කොදෙව් ඉනිමේ වැඩිම ලකුණු ලාභියා වූ ඇන්ඩ්‍රි ෆ්ලෙචර් පන්දු 32කදී හතරේ පහර 4ක් සහ හයේ පහර 3ක් සමගින් ලකුණු 46ක් වාර්තා කළ අතර, සෙසු සියලුම පිතිකරුවෝ අසාර්ථක වූහ.
විශිෂ්ට පන්දු යැවීමක නිරත වූ ටිම් සවුති පන්දුවාර 2.3කදී ලකුණු 21ට කඩුලු 3ක් බිඳ හෙලූ අතර, ටේ‍රන්ට් බෝල්ට් සහ ඉෂ් සෝඩි කඩුලු 2 බැගින් බිඳ හෙලූහ.
 
ලකුණු තත්ත්වය :- 
නවසීලන්තය පන්දුවාර 20දී කඩුලු 5ක් දැවී 243යි
ගප්ටිල් 63, මුන්රෝ 104, බෘෘස් 23, විලියම්සන් 19, බ්‍රාත්වේට් 50/2
බටහිර ඉන්දීය කොදෙව් පන්දුවාර 16.3කදී සියලු දෙනා දැවී 124යි
ෆ්ලෙචර් 46, පවෙල් 16, බ්‍රාත්වේට් 15, සවුති 21/3, බෝල්ට් 29/2, සෝඩි 25/2 

IMAGE

සංසාර සිහිනයේ ගී සංකල්පනය මම 'ටැබ් එකේ ටයිප් කරපු' එකක්

IMAGE 2018 Feb 21 12:00
සනුක වික්‍රමසිංහ ගායනා කරන “සංසාර සිහිනේ” කලක පටන් බොහෝ ගීත දර්ශකවල පෙරමුණ ගෙන තිබෙන...
Views - 2211

මම නාට්‍ය කලාවෙ ඉන්නේ ඒ ගැන තියන 'උණ' නිසයි

IMAGE 2018 Feb 21 11:53
වේදිකාව, පුංචිතිරය සහ සිනමාව යන මාධ්‍ය ත්‍රිත්වයෙහිම සිය ප්‍රතිභාව ප්‍රකට කළ කලාකරුවකුවන...
Views - 1229

බිරිඳ රැකියාවක් නොකිරීම මගේ සාර්ථකවයට හේතුවක්

IMAGE 2018 Feb 20 14:38
“සිරස ජූනියර් සුපර් ස්ටාර්..” තරගය ගැන මුලින්ම අප ඔබගෙන් විමසන්න කැමතියි.. ඇත්තෙන්ම “සිරස...
Views - 5379

බිරිඳට පින් තකා සුනඛයන්ට දිනපතා සහල් කිලෝ 08ක දනක්

IMAGE 2018 Feb 20 14:23
මිනිසා තිරිසනුන් වන අවස්ථාත් තිරිසනා මිනිසුන් වන අවස්ථාත් අපට බොහෝ විට දක්නට ලැබුණද...
Views - 3111

ලංකාවේ අන්තිම රජු සැඟවූ නිධානය කෝ?

IMAGE 2018 Feb 19 11:34
මහනුවර රජ කළ රාජාධිරාජසිංහ රජුට බිසෝවරුන් කිහිප දෙනෙක්ම සිටියහ. ඔවුන් අතර අලමේලු අම්මා,...
Views - 5206

රඟපෑමෙන් සමුගත් හේතුව නදීකා කියයි

IMAGE 2018 Feb 19 10:41
“චංචල රේඛා” චිත්‍රපටයේ “දං චූටි” නාඳුනන කෙනෙක් එදා සිනමා ලෝලීන් අතර හිටියේ නැහැ....
Views - 6461

Please publish modules in offcanvas position.