Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - [email protected] youtube
Coss Ear2
lakbima.lk
COSS Ear 1
                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

ක්‍රීඩා අමාත්‍යාංශය පැවැත්වූ 2016 ජනාධිපති ක්‍රීඩා සම්මාන උළෙ‍ලේ වසරේ විශිෂ්ටතම ක්‍රීඩකයා ලෙස පිහිනුම් ශූර මැතිව් අබේසිංහ සම්මාන දිනාගත් අතර, මලල ක්‍රීඩා ශූරි නිමාලි ලියනාරච්චි පිට පිටම දෙවැනි වරටත් වසරේ විශිෂ්ටතම ක්‍රීඩිකාව ලෙස සම්මාන දිනා ගනු ලැබුවාය.
දක්ෂතම කනිෂ්ඨ ක්‍රීඩකයා ලෙස මලල ක්‍රීඩක ග්‍රේෂන් ධනංජයද, දක්ෂතම කනිෂ්ඨ ක්‍රීඩිකාව ලෙස පිහිනුම් ශූරී කිමිකෝ රහීම්ද සම්මාන දිනාගත් අතර, මලල ක්‍රීඩක සංතුෂ් වීරසිංහ සහ බර ඉසිලීමේ ක්‍රීඩිකා අර්ශිකා විජයබාස්කරන් යොවුන් ක්‍රීඩකයා සහ ක්‍රීඩිකාව ලෙස සම්මාන ලැබූහ.
 
2016 වසරේ ජනාධිපති ක්‍රීඩා සම්මාන
 
විශිෂ්ටම ක්‍රීඩකයා - මැතිව් අබේසිංහ (පිහිනුම්,
විශිෂ්ටම ක්‍රීඩිකාව - නිමාලි ලියනාරච්චි (මලල ක්‍රීඩා)
කනිෂ්ඨ ක්‍රීඩකයා - ග්‍රේෂන් ධනංජය (මලල ක්‍රීඩා)
කනිෂ්ඨ ක්‍රීඩිකාව - කිමිකෝ රහීම් (පිහිනුම්)
යොවුන් ක්‍රීඩකයා - සන්තුෂ් වීරසිංහ (මලල ක්‍රීඩා)
යොවුන් ක්‍රීඩිකාව - අර්ෂිකා විජයබාස්කර් (බර ඉසිලීම)
පැරා ක්‍රීඩකයා - දිනේෂ් ප්‍රියන්ත (මලල ක්‍රීඩා)
පැරා ක්‍රීඩිකාව - අමරා ඉන්දුමතී (මලල ක්‍රීඩා)
ජිවිත කාලයටම පිදෙන විශිෂ්ටතම සම්මාන
ක්‍රීඩා කීර්ති - ඩී.එච්. චන්ද්‍රසිරි (පාපන්දු)
ක්‍රීඩා රත්න - ආර්.ඒ. විමලසේන පෙරේරා (මලල ක්‍රීඩා)
ක්‍රීඩා භූෂන - කේ.ජී. භද්‍රා ගුණවර්ධන, ඩර්වින් පෙරේරා, යෝගානන්ද විජේසුන්දර, කේ.එල්.එස්. විජේදාස, රංජිත් වීරසේන, සුම්මා නවරත්න (මලල ක්‍රීඩා), මේජර් ජෙනරාල් සීතුරේ රාජා (රගර්)
ක්‍රීඩා වෛද්‍යවරයා - වෛද්‍ය ලාල් ඒකනායක 
ක්‍රීඩා විනිසුරුවරයා - යූ.ටී.බි. කිරිදෙන (බොක්සිං)
ක්‍රීඩා උපදේශක - මනෝජ් අබේසිංහ (පිහිනුම්)
ක්‍රීඩා උපදේශක (කනිෂ්ඨ) - පිලිප් රංජිත් පෙරේරා (මලල ක්‍රීඩා)
ක්‍රීඩා උපදේශක (යොවුන්) - අමිල ප්‍රසන්න විජයවික්‍රම (මලල ක්‍රීඩා)
ක්‍රීඩා පුහුණුකරු - සජිත් ජයලාල් (මලල ක්‍රීඩා)
ක්‍රීඩා කණ්ඩායම (යොවුන් - බාලක) - ශ්‍රී ලංකා අවු. 15න් පහළ ක්‍රිකට් කණ්ඩායම
ක්‍රීඩා කණ්ඩායම (යොවුන් - බාලිකා) - අවු. 16න් පහළ 4*400 මලල ක්‍රීඩා කණ්ඩායම
ක්‍රීඩා කණ්ඩායම (කනිෂ්ඨ - පිරිමි) - අවු. 20න් පහළ ශ්‍රී ලංකා රග්බි පිල
ආබාධිත සහ විශේෂිත වූ ක්‍රීඩා කණ්ඩායම - ශ්‍රී ලංකා දෘෂ්‍යාබාධිත ක්‍රිකට් කණ්ඩායම
දක්ෂතම පිරිමි ක්‍රීඩා කණ්ඩායම - ශ්‍රී ලංකා පිරිමි කැරම් කණ්ඩායම
දක්ෂතම කාන්තා ක්‍රීඩා කණ්ඩායම - ශ්‍රී ලංකා කාන්තා කැරම් කණ්ඩායම
ක්‍රීඩා ඉසව් ඉදිරිපත් කිරීම - ලංකා ස්‍පෝර්ට්ස් රයිසන්
ක්‍රීඩා ප්‍රවර්ධන අනුග්‍රාහක - 1. ඩයලොග් ආසියාටා, 2. ශ්‍රී ලංකා ටෙලිකොම් මොබිටෙල්, 3. ස්‍පෝර්ට්ස් ඉන්ෆෝ ඩොට් එල්.කේ.
ක්‍රීඩා ප්‍රවර්ධන අනුග්‍රාහක (කනිෂ්ඨ) - 1. නෙස්‍ලේ ලංකා මයිලෝ, 2. සිලෝන් බිස්කට්ස්, 3. සිංගර් ශ්‍රී ලංකා
වසරේ හොඳම රූපවාහිනී ක්‍රීඩා වැඩසටහන (සජීවී) - රාජකීය තුරඟ තරගාවලිය - ජාතික රූපවාහිනිය (සම්පත් ශ්‍රී පෙරේරා)
වසරේ හොඳම රූපවාහිනී වැඩසටහන (වාර්තා) - ක්‍රීඩාවේ ඇතුළු පැත්ත - සිරස (මංජුල තේනුවර)
ගුවන් විදුලි ක්‍රීඩා වැඩසටහන (සජීවී) - ක්‍රිකට් විස්තර ප්‍රචාරය - ශ්‍රී ලංකා ගුවන් විදුලි සංස්ථාව 
ගුවන් විදුලි ක්‍රීඩා වැඩසටහන (වාර්තා) - නෙත් ක්‍රීඩා තරුව - නෙත් එෆ්.එම්.
ක්‍රීඩා ග්‍රන්ථකරණය - සුසිල් රණසිංහ (වොලිබෝලයේ සියවස)
ක්‍රීඩා රූපවාහිනී නිෂ්පාදන - පපරේ ඩොට් කොම්
ක්‍රීඩා පිටුව (සිංහල) - ඉරිදා දිවයින
ක්‍රීඩා පිටුව (ඉංග්‍රීසි) - සිලෝන් ටුඩේ
ක්‍රීඩා පිටුව (දමිළ) - වීරකේසරී
ක්‍රීඩා මාධ්‍යවේදියා (මුද්‍රිත - සිංහ) - රොෂාන් පැතුම් සී. විජේරත්න (අද)
ක්‍රීඩා මාධ්‍යවේදියා (මුද්‍රිත - ඉංග්‍රීසි) - අංජන කළුආරච්චි (සිලෝන් ටුඩේ)
ක්‍රීඩා මාධ්‍යවේදියා (මුද්‍රිත - දමිළ) - එස්. ප්‍රසාද් (වීරකේසරී)
ක්‍රීඩා ඡායාරූපශිල්පියා - ඉසුරු සමීර පීරිස් (පපරෙ ඩොට් කොම්)
 
සුනිල් අභයවර්ධන
 
ඡායාරූප-නිමල්සිරි එදිරිසිංහ

මුම්බායි ඉන්දියන්ස් කණ්ඩායම රයිසින් පුනේ කණ්ඩායම පරාජය කරමින් 2017අයි පී එල් ශූරතාව දිනා ගැනීමට ඊයේ (21) රාත‍්‍රියේ සමත් විය.

තරගයේ ප‍්‍රථමයෙන් පන්දුවට පහරදුන් මුම්බායි ඉන්දියන්ස් කණ්ඩායමට නියමිතපන්දුවාර 20දී කඩුලූ 08ක් දැවී රැස්කර ගැනීමට හැකිවූයේ ලකුණු 129ක්පමණි.

ලකුණු 79කට කඩුලූ 07ක් බිඳ වැටී තිබු අවස්ථාවේ පිටියට පිවිසි කෘනාල්පාන්ඩයා කණ්ඩායමේ ලකුණු සංඛ්‍යාව ඉහළ නැංවීමට විශාල දායකත්වයක් දුන් අතර ඔහු පන්දු 38ක දී ලකුණු 47රැස් කිරීමට සමත් විය.

පිළිතුරු ඉණිම ක‍්‍රීඩා කළ රයිසින් පූනේ කණ්ඩායමට පන්දුවාර 20දී කඩුලූ 06ක් දැවී රැස්කර ගත හැකි වූයේ ලකුණු 128ක් පමණි.

නායක ස්ටීව් ස්මිත් පන්දු 50ක දී ලකුණු 51ක් රැස් කලත් තරගය ජයග‍්‍රහණයකිරීම සඳහා අවසන් පන්දුවාරයේ දී ලකුණු 11ක් රැස්කර ගතයුතුව තිබුණ ද ඔවුන්ටරැස්කර ගත හැකිවූයේ ලකුණු 09ක් පමණි.

පන්දු යැවීමේ දී මිචෙල් ජොන්සන් ලකුණු 26කට කඩුලූ 03ක් බිඳ හෙළු අතර ජස්ප‍්‍රිඞ් බුම්රා ලකුණු 26කට කඩුලූ 02යි.

ආසියානු ශූරතා රග්බි තරගාවලිය යටතේ සිය දෙවැනි අභියෝගයට මුහුණ දුන් රොෂාන් වීරරත්නගේ නායකත්වයෙන් යුත් ශ්‍රී ලංකා පිල ඊයේ (17දා) එක්සත් අරාබි එමීර් රාජ්‍යය ලකුණු 33-17කින් පරාජය කිරීමට සමත් විය.
විදෙස් ක්‍රීඩකයන් රැසකගෙන් සමන්විත වූ එක්සත් අරාබි එමීර් පිල පළමු භාගයේදී ශ්‍රී ලංකාවට තියුණු සටනක් ලබා දුන්නද දෙවැනි භාගයේදී විශිෂ්ට ක්‍රීඩා විලාශයක නිරත වූ  ශ්‍රී ලංකාව අවසානයේ පහසු ජයක් හිමිකර ගත්තේය.
ශ්‍රී ලංකාව ගෝල 2ක්, උත්සාහක දිනුම් 2ක් සහ දඬුවම් පහර 3ක් මගින් ලකුණු ලබාගත් අතර, එක්සත් අරාබි එමීර් ගෝල 2ක් සහ දඬුවම් පහරක් මගින් ලකුණු ලබා ගත්තේය.
තරගයේ පළමු භාගය අවසන් වන විට ශ්‍රී ලංකාව ලකුණු 18-17ක් ලෙස පෙරමුණේ පසුවිය.

චැම්පියන්ස් කුසලාන ක්‍රිකට් තරගාවලියට සහභාගි වන ඇන්ජලෝ මැතිව්ස්ගේ නායකත්වයෙන් යුත් ශ්‍රී ලංකා ක්‍රිකට් පිල අද (18දා) පෙරවරුවේ එංගලන්තය බලා පිටත්ව ගියේය.
කණ්ඩායම පිටත්ව යාමට පෙර ඊයේ (17දා) පැවැති මාධ්‍ය හමුවේදී ක්‍රිකට් සභාපතිවරයා පැවසුවේ ක්‍රීඩකයන්ට අවශ්‍ය සියලුම දේ ලබාදී ඇති බවත් දැන් ක්‍රීඩකයන් රට වෙනුවෙන් සිය දස්කම් දැක්විය යුතු බවයි.
“අපි පසුගිය මාස කිහිපයේ සියලුම පහසුකම් ලබා දුන්නා. හොඳම පුහුණුකරුවන් ලබා දුන්නා. දැන් ඒ අය මාතෘභූමිය වෙනුවෙන්, රට වෙනුවෙන් උපරිම දස්කම් දක්වා කුසලාන ලංකාවට ගෙන එයි කියා විශ්වාස කරනවා” යැයි සුමතිපාල මහතා පැවැසීය.
සියලුම ක්‍රීඩකයන්ට පවුම් ලක්ෂ 9ක රක්ෂනාවරණයක් ලබාදී ඇති බවත්, මෙවන් විශාල ආවරණයක් ලැබෙන්නේ ශ්‍රී ලංකාවේ පළමු වරට බවත් සුමතිපාල මහතා පැවැසීය.
මෙහිදී අදහස් දැක්වූ ශ්‍රී ලංකා නායක ඇන්ජලෝ මැතිව්ස් පැවසුවේ පසුගිය සති කිහිපයේදී සාර්ථක පුහුණුවක් ලැබූ බවත් එහි ප්‍රතිඵල ලබා දීමට ක්‍රීඩකයන් සූදානමින් සිටින බවයි.
“අපි දිනෙන් දින දියුණු වුණා. අපිට උපරිම පහසුකම් ලැබුණා. පුහුණු කඳවුර ඉතා වැදගත්. එංගලන්තයේදී සති දෙකක පුහුණුවද අපිට වැදගත් වෙනවා. ලැබූ සියලු දේ තරගාවලියේදී කිරීම දැන් අපේ වගකීම” යැයි මැතිව්ස් පවසයි.
මේ අතර පුහුණුකරු ග්‍රැහැම් ෆෝඩ් පවසන්නේ මේ දිනවල එංගලන්තයේ තණතීරුවල හැසිරීම අනුව පිතිකරුවන්ට වාසිදායක තත්ත්වයක් පවතින බැවින් ඉන් ප්‍රයෝජන ගැනීමට ශ්‍රී ලංකාවට හැකිවන බවයි. 
“පුහුණුවීම් සියල්ල හොඳින් සිදුවුණා. නවකයන් දැන් සටනක් දෙන්න පුළුවන් තත්ත්වයක ඉන්නවා. ඒත් චැම්පියන්ස් කුසලාන තරගාවලිය විශාල අභියෝගයක්” යැයි ෆෝඩ් පවසයි.
තරගයෙන් තරගය ජයගෙන තරගාවලියේ ඉදිරියට යෑමට සැලසුම් සකස් කරන බවද ෆෝඩ් පවසයි.
 
මංගල ධර්මප්‍රේම

ඉන්දීය ප්‍රිමියර් ලීග් ක්‍රිකට් තරගාවලියේ අවසන් වටයට සුදුසුකම් ලබා ගැනීමට මුම්බායි ඉන්දියන්ස්, සන්රයිසස් හයිද්‍රාබාද් සහ කල්කටා නයිට්රයිඩර්ස් සමත් විය.
මෙම තරගාවලියේ කලින්ම අවසන් වටයට සුදුසුකම් ලබා සිටි මුම්බායි ඉන්දියන්ස් පෙරේදා (13දා) පැවැති තරගයේදී කල්කටා නයිට්රයිඩර්ස් ලකුණු 9කින් පරාජය කරමින් ලකුණු සටහනේ පළමුතැන හිමිකර ගත්තේය.
කල්කටා නයිට්රයිඩර්ස් මෙම තරගයෙන් පරාජය ලබා ලකුණු සටහනේ දෙවැනි ස්ථානය අහිමි වුවද ඔවුන් අවසන් වටයට සුදුසුකම් ලැබිය. 
මෙම තරගයේදී මුම්බායි ජයග්‍රහණය වෙනුවෙන් පන්දු 37කදී හතරේ පහර 6ක් සහ හයේ පහර 3ක් සමගින් වේගවත් ලකුණු 63ක් රැස් කළ අම්බති රයිදු තරගයේ වීරයා සම්මානය දිනාගත්තේය.
මුම්බායි ජයග්‍රහණය වෙනුවෙන් පන්දුවෙන් දස්කම් දැක්වූ හර්දික් පාන්ඩයා, විනේ කුමාර් සහ ටිම් සවුති කඩුලු 2 බැගින් බිඳ හෙලූහ.
 
ලකුණු තත්ත්වය :-
මුම්බායි ඉන්දියන්ස් පන්දුවාර 20දී - 173/5යි
සෞරබ් තිවාරි 52, රෝහිත් ෂර්මා 27, අම්බති රයිදු 63, ටේ‍රන්ට් බෝල්ට් 30/2
කල්කටා නයිට්රයිඩර්ස් පන්දුවාර 20දී - 164/8යි
ක්‍රිස් ලින් 26, ගාම්බිර් 21, මනිෂ් පාන්ඩේ 33, යූසුෆ් පතාන් 20, ග්‍රෑන්ඩ්හෝම් 29, හර්දික් පාන්ඩයා 22/2, විනේ කුමාර් 31/2, ටිම් සවුති 39/2

ආසියනු ශූරතා රග්බි තරගාවලිය යටතේ ඊයේ (14දා) මලයාසියාවේදී පැවැති ශ්‍රී ලංකාව සහ පිලිපීනය අතර තරගයෙන් ලකුණු 24-13 ක විශිෂ්ට ජයක් වාර්තා කිරීමට රොෂාන් වීරරත්නගේ නායකත්වයෙන් යුත් ශ්‍රී ලංකා පිල සමත්විය.
තරගයේ පළමු භාගය අවසන් වන විට ලකුණු 11-0 ක් ලෙස ශ්‍රී ලංකාව පෙරමුණ ගෙන සිටියේය.
තරගය ආරම්භයේදී මුලින්ම ලකුණු රැස්කළ ශ්‍රී ලංකාව වෙනුවෙන් ධනුෂ්ක රංජන් උත්සාහක දිනුමක් වාර්තා කළ අතර එහි ප්‍රවර්තනය අසාර්ථකවීම නිසා ශ්‍රී ලංකාව ලකුණු 5-0 ක් ලෙස පෙරමුණ ගත්තේය.
ඉන් පසු තිලිණ විජේසිංහ ශ්‍රී ලංකාව වෙනුවෙන් දඬුවම් පහර 2 ක් සාර්ථකව නිම කිරීම නිසා ලකුණු තත්ත්වය 11-00 ක් විය.
පළමු භාගයේදී පිලිපීනයට ලකුණු ලබා නොදීමට ශ්‍රී ලංකාව වගබලා ගත්තේය.
දෙවැනි භාගයේදී පිලිපීනය දඬුවම් පහරක් වාර්තා කළ අතර තිලිණ විජේසිංහ සිය තෙවැනි දඬුවම් පහර සාර්ථකව නිම කිරීම නිසා ශ්‍රී ලංකාව ලකුණු 14-03 ක් ලෙස පෙරමුණේ පසුවිය.
යළිත් ක්‍රියාත්මකවූ ශ්‍රී ලංකා පිල තිලිණ, නිෂෝන්, රොෂාන් සහ රිචඩ් ධර්මපාලගේ සම්බන්ධතාවයෙන් උත්සාහක දිනුමක් වාර්තා කිරීමට රිචඩ් ධර්මපාල සමත්විය. එහි ප්‍රවර්තනය සාර්ථකව නිම කිරීමට තිලිණ විජේසිංහ සමත්වීමෙන් ශ්‍රී ලංකාව ලකුණු 21-03 ක් ලෙස පෙරමුණ ගත්තේය.
ඉන් පසු ක්‍රියාත්මකවූ පිලිපීනය උත්සාහක දිනුමක් වාර්තා කළ අතර එහි ප්‍රවර්තනය අසාර්ථකවීම නිසා ලකුණු තත්ත්වය 21-08 ක් විය.
සිය  දෙවැනි උත්සාහක දිනුම වාර්තා කිරීමට පිලිපීනය සමත්වූ නමුත් එහි ප්‍රවර්තනය අසාර්ථකවීම නිසා ලකුණු තත්ත්වය 21-13 ක් විය.
අවසන් මොහොතේ යළිත් ක්‍රියාත්මක වූ තිලිණ වීජේසිංහ සිය සිව්වැනි දඬුවම් පහර සාර්ථකව නිම කිරීම නිසා ශ්‍රී ලංකාවට ලකුණු 24-13 ක ජයක් හිමිවිය.
මෙම තරගාවලියේ ශ්‍රී ලංකාව සහභාගි වන දෙවැනි තරගය එක්සත් අරාබි එමීර් රාජ්‍යයට එරෙහිව ලබන 17දා පැවැත්වේ.
IMAGE

ෆේස්බුක් එකෙන් ඔබේ හිතේ ලෙඩ ගැනත් කියන්න පුළුවන්

IMAGE 2017 Dec 15 10:42
ඔබටත් ෆේස්බුක් ගිණුමක් තිබෙනවාද? එසේ ගිණුමක් තිබෙනවා නම් ඔබ ඒ සඳහා දවසකට; සතියකට හෝ මාසයකට පැය...
Views - 1848

සුද්දන්ට උණවටුන එපා කරවන ඩිස්කෝ ඩාන්ස්

IMAGE 2017 Dec 14 07:56
ආචාර්ය ආතර් සී. ක්ලාක් විද්වතා පවසන ආකාරයට උණවටුන වෙරළ තීරය ලෝකයේ ඇති දර්ශනීය වෙරළ දොළහෙන්...
Views - 3273

ගැබිණි නිලධාරිනිය අධ්‍යක්ෂක හා 'හනිමූන්' ගිහින්

IMAGE 2017 Dec 13 10:33
ඔහු මෙරට ප්‍රමුඛතම සමාගමක අධ්‍යක්ෂ වරයෙකි. වයස අවුරුදු 40 ක් පමණ වන ඔහු දරු දෙදෙනෙකුගේ පියෙක්...
Views - 9041

2017 විශ්ව රූ රැජින ඩෙමී සහ අපේ ක‍්‍රිස්ටියානා

IMAGE 2017 Dec 13 10:17
ලෝක රූ රැජින තේරීමේ තරගයේ උණුසුම පහව යෑමටත් පෙර තවත් සුරූපිනියක් විශ්ව රූ රැජින ලෙස  කිරුළ...
Views - 4687

ඉන්දීය ක්‍රිකට් නායක විරාත් කෝලි නිලියක ගේ අත ගනී

IMAGE 2017 Dec 12 12:41
ඉන්දීය ක්‍රිකට් නායක විරාත් කෝලි ඊයේ (11) යුග දිවියට එළඹුණි. ඔහුගේ අතගත් මනාලිය වූයේ බොලිවුඩ්...
Views - 4851

පාතාලයට ඔත්තු දීමේ වරදට වෙඩි කෑ රූපලාවන්‍ය ශිල්පිනිය

IMAGE 2017 Dec 12 10:22
අතුරුගිරිය නගරයේ පිහිටි සයෝනාරා රූපලාවන්‍යාගාරයේ හිමිකාරිය වන හතළිස්හත් වියැති මංජුලා...
Views - 6578

Please publish modules in offcanvas position.