lakbima.lk
2017-03-17 ඇමෙරිකා ඩොලරය ගැනුම් මිල රු.150.32 , විකුණුම් මිල රු154.17 | බි‍්‍රතාන්‍යය පවුම ගැනුම් මිල රු.184.90 , විකුණුම් මිල රු191.29 | යුරෝ යුරෝපය ගැනුම් මිල රු.160.89 , විකුණුම් මිල රු.167.08 | ස්වීස් ප‍්‍රෑන්ක් ගැනුම් මිල රු.149.89 , විකුණුම් මිල රු.155.90 | කැනඩා ඩොලරය ගැනුම් මිල රු.112.23 , විකුණුම් මිල රු.116.68 | ඔස්ට්‍රේලියා ඩොලරය ගැනුම් මිල රු.114.35 , විකුණුම් මිල රු.119.49 | සිංගප්පූරු ඩොලරය ගැනුම් මිල රු.106.67 , විකුණුම් මිල රු.110.61 | ජපානය යෙන් ගැනුම් මිල රු.1.3185 , විකුණුම් මිල රු.1.3688 |

ශ්‍රී ලංකාව සහ බංගලිදේශය අතර දඹුල්ල ජාත්‍යන්තර ක්‍රිකට් ක්‍රීඩාංගණයේ පැවැති පළමු එක්දින ක්‍රිකට් තරගයෙන් ලකුණු 90 ක ජයක් ලැබූ බංගලිදේශය තරග 3 කින් සමන්විත තරගාවලිය 1-0 ක් ලෙස පෙරමුණ ගැනීමට සමත්විය.
මුලින්ම පන්දුවට පහරදුන් බංගලිදේශය පන්දුවාර 50 දී කඩුලු 5 ට ලකුණු 324 ක් ලබා ගත් අතර ශ්‍රී ලංකාවට පන්දුවාර 45.1 කදී ලබා ගත හැකිවූයේ ලකුණු 234 ක් පමණි.
මෙය බංගලිදේශය ශ්‍රී ලංකාවට එරෙහිව ලැබූ 5 වැනි එක්දින ජය වන අතර ශ්‍රී ලංකාවට එරෙහිව එක්දින ඉනිමකදී වාර්තා කළ වැඩිම ලකුණු ප්‍රමාණය (ලකුණු 324) විය.
මෙම තරගයේදී විශිෂ්ට පිතිහරඹයක නිරත වෙමින් සිය 8 වැනි එක්දින ශතකය වාර්තා කළ තමීම් ඉක්බාල් තරගයේ වීරයා සම්මානය දිනා ගත්තේය. තමීම් පන්දු 142 කදී හතරේ පහර 15 ක් සහ හයේ පහරක් සහිතව ලකුණු 127 ක් ලබා ගත්තේය.
තමීම් ඉක්බාල් සහ ෂකිබ් අල් හසන් සිව්වැනි කඩුල්ල වෙනුවෙන් ලකුණු 144 ක වාර්තාගත සම්බන්ධතාවක් තැබූ අතර මීට පෙර එම වාර්තාව සතු වූ අර්ජුන-අරවින්ද එම කඩුල්ලට මීට වසර 27 කට පෙර ලකුණු 139 ක් රැස්කර තිබුණි.
බංගලිදේශය වෙනුවෙන් ප්‍රහාරයක් දියත් කළ සබිර් රහමන් පන්දු 56 කදී හතරේ පහර 10 ක් සහිතව ලකුණු 54 ක් ලැබූ අතර ෂකිබ් අල් හසන් පන්දු 71 කදී හතරේ පහර 4 ක් සහ හයේ පහරක් සහිතව ලකුණු 72 ක් ලබා තිබුණි.
අවසන් පන්දුවාර තුනේදී ප්‍රහාරයක් දියත් කළ මොසඩැක් හොසේන් පන්දු 9 කදී ලකුණු 24 ක්ද මහමදුල්ලා පන්දු 7 කදී ලකුණු 13 ක්ද ලබා ලකුණු සංඛ්‍යාව 324 දක්වා රැගෙන ගියේය.
සියලුම ශ්‍රී ලංකා පන්දු යවන්නන් ප්‍රහාරයකට ගොදුරු වෙද්දී සාර්ථක පන්දු යැවීමක නිරතවූ සුරංග ලක්මාල් ලකුණු 45 ට කඩුලු 2 ක් බිඳ හෙළීය.
ලකුණු 325 ක ඉලක්කයක් හඹා යාමට පිටියට පිවිසි ශ්‍රී ලංකා පි‍ලේ ආරම්භක පිතිකරු ධනුෂ්ක ගුණතිලක පළමු පන්දු වාරයේදීම දවා ගැනීමට මොර්ටාසා සමත් වූ අතර කුසල් මෙන්ඩිස් ලකුණු 4 කට දවා ගැනීමට මෙහෙඩි සමත් වීමෙන් ලකුණු 15 කට කඩුලු 2 ක් බිඳ වැටුණි.
නායක උපුල් තරංග ලකුණු 19 කට පිටියෙන් ඉවත් කිරීමට ටස්කින් අහමඩ් සමත් වීමෙන් ලකුණු 31 දී තෙවැනි කඩුල්ල බිඳ වැටුණි.
අසේල ගුණරත්න සහ දිනේෂ් චන්දිමාල් සිව්වැනි කඩුල්ල වෙනුවෙන් ලකුණු 56 ක සම්බන්ධතාවක් තැබිමෙන් පසු අසේල ලකුණු 24 කට පිටියෙන් ඉවත් කිරීමට ෂකිබ් සමත්වූ අතර පන්දු 70 කදී හතරේ පහර 6ක් සහිතව ලකුණු 59 ක් ලැබූ චන්දිමාල් දවා ගැනීමට මෙහෙඩි සමත්විය.
ඉන් පසු සචිත් පතිරණ (31), මිලින්ද සිරිවර්ධන (22), සටනක් දියත් කළ නමුත් ලකුණු වේගය අඩාල විය. තිසර පෙරේරා ප්‍රහාරාත්මක ඉනිමක නිරත වෙමින් පන්දු 35 කදී හතරේ පහර 4 ක් සහ හයේ පහර 2 ක් සහිතව ලකුණු 55 ක් වාර්තා කළද එය පරාජය වළක්වා ගැනීමට ප්‍රමාණවත් නොවීය.
බංගලිදේශය වෙනුවෙන් පන්දුවෙන් සාර්ථක ප්‍රතිඵල නෙලාගත් මොර්ටාසා කඩුලු 2 ක්ද, මුස්ටාෆිසුර් කඩුලු 3 ක්ද, මෙහෙඩි කඩුලු 2 ක්ද බිඳ හෙළීය.
ශ්‍රී ලංකාව සහ බංගලිදේශය අතර දෙවැනි එක්දින ක්‍රිකට් තරගය ලබන 28 දා දඹුල්‍ලේදී පැවැත්වේ.



මංගල ධර්මප්‍රේම දඹුල්‍ලේ සිට

ලබන ජූනි මාසයේ එංගලන්තයේ පැවැත්වෙන චැම්පියන්ස් කුසලාන ක්‍රිකට් තරගාවලියට සමගාමීව චැම්පියන්ස් කුසලාන ශ්‍රී ලංකාවේදී ප්‍රදර්ශනය කිරීම ක්‍රිකට් ආයතනයේදී සිදු කෙරුණි.එහිදී ක්‍රිකට් ‍ලේකම් මොහාන් ද සිල්වා, ක්‍රිකට් නායක ඇන්ජලෝ මැතිව්ස් සහ ක්‍රිකට් ප්‍රධාන විධායක ඈෂ්ලි ද සිල්වා මහතා කුසලාන නිරාවරණය කිරීමෙන් පසු.

ඡායාරූපය - ෆ්‍රෑන්ක් ද සොයිසා

සංචාරක බංග්ලාදේශය සහ ශ්‍රී ලංකා ක්‍රිකට් සභාපතිගේ පිල අතර අද (22දා) සී.සී.සී. පිටියේ පැවැති පුහුණු එක්දින ක්‍රිකට් තරගයෙන් තියුණු සටනකින් පසු ලකුණු 2ක ජයක් වාර්තා කිරීමට ක්‍රිකට් සභාපතිගේ පිල සමත් විය.
මෙම තරගයේදී අවසන් පන්දුව තෙක්ම තියුණු සටනක් පැවැති අතර, අවසන් පන්දුවාරයේදී ලකුණු 13ක ඉලක්කයක් බංග්ලාදේශයට හිමි වුවද ඔවුන්ට ලබාගත හැකිවූයේ ලකුණු 10ක් පමණි.
මුලින්ම පන්දුවට පහර දුන් ක්‍රිකට් සභාපතිගේ පිල පන්දුවාර 50දී කඩුලු 7ට ලකුණු 354ක් රැස් කළ අතර, බංග්ලාදේශයට පන්දුවාර 50දී කඩුලු 8ක් දැවී ලබාගත හැකිවූයේ ලකුණු 352ක් පමණි.
ලකුණු හඹායාමේදී පළමු පන්දුවේදීම ඉම්රුල් කේයස් දැවී ගියද සෞම්‍යා සකාර් සහ සබිර් රහමන් දෙවැනි කඩුල්ල වෙනුවෙන් ලකුණු 116ක සම්බන්ධතාවක් තබමින් හඹා යාම ආරම්භ කළේය.
නායක මිලින්ද සිරිවර්ධනගේ ක්‍රියාත්මක වීමෙන් සෞම්‍යා සකාර් ලකුණු 47කට දැවී ගිය අතර, ලකුණු 72ක් ලබාගත් සබිර් රහමන් දවා ගැනීමට චතුරංග ද සිල්වා සමත් වීමෙන් කඩුලු 3ක් ලකුණු 124ක් තුළ බිඳ වැටුණි.
මුෂ්ෆිකර් ලකුණු 20කට දැවී යාමෙන් පසු මොසඩැක් හොසේන් (53) සහ මහමදුල්ලා එක්ව ලකුණු 66 ක සම්බන්ධතාවක් තැබිමෙන් පසු ක්‍රියාත්මක වූ අකිල ධනංජය කඩුලු 3ක් දවා ගැනීමෙන් බංග්ලාදේශයේ කඩුලු 7ක් ලකුණු 239ක් තුළ බිඳ වැටුණි.
ඉන්පසු පිටියේ එක්වූ මහමදුල්ලා සහ නායක මොර්ටාසා දැඩි ප්‍රහාරයක් එල්ල කරමින් ලකුණු හඹා යාම වේගවත් කළේය.
මුළු ලකුණු සංඛ්‍යාව 340ක්ව තිබියදී ලකුණු 58ක් ලැබූ මොර්ටාසා දැවී යාමෙන් ජයග්‍රහණයේ වගකීම මහමදුල්ලා වෙත පැවරුණි. එහෙත් අවසන් පන්දුවාරයේදී ඉලක්කය පසු කිරීමට නොහැකි වූ මහමදුල්ලා පන්දු 68කදී හතරේ පහර 4ක් සහ හයේ පහරක් සහිතව නොදැවී ලකුණු 71ක් ලබා සිටියේය.
පන්දුවෙන් දස්කම් දැක්වූ අකිල ධනංජය ලකුණු 61ට කඩුලු 3ක් බිඳ හෙලූ අතර, චතුරංග ද සිල්වා කඩුලු 2ක් බිඳ හෙළීය.
මුලින්ම පන්දුවට පහර දුන් ශ්‍රී ලංකාව වෙනුවෙන් අර්ධ ශතක වාර්තා කිරීමට කුසල් ජනිත්, සඳුන් වීරක්කොඩි සහ ධනංජය ද සිල්වා සමත් වූහ.
කුසල් ජනිත් සහ සඳුන් වීරක්කොඩි අතර, දෙවැනි කඩුල්ල වෙනුවෙන් ලකුණු 114ක සම්බන්ධතාවක් වාර්තා වූ අතර, සඳුන් වීරක්කොඩි පන්දු 54කදී හතරේ පහර 8ක් සහ හයේ පහර 2ක් සහිතව ලකුණු 67ක් වාර්තා කළේය.
සාර්ථක ඉනිමක් ක්‍රීඩා කළ කුසල් ජනිත් පන්දු 78කදී හතරේ පහර 4ක් සහිතව ලකුණු 64ක් ලබා සෙසු පිතිකරුවන්ට අවස්ථාව ලබා දෙමින් පිටියෙන් ඉවත්ව ගියේය.
ඉන්පසු පිටියට පිවිසි නායක මිලින්ද සිරිවර්ධන පන්දු 29කදී ලකුණු 32ක් ලැබූ අතර, ධනංජය ද සිල්වා පන්දු 47කදී හතරේ පහර 5ක් සහිතව ලකුණු 52ක් ලබා ගත්තේය.
චතුරංග ද සිල්වා ලකුණු 28ක් ලබාගත් අතර, වේගවත් ඉනිමක් ක්‍රීඩා කළ තිසර පෙරේරා පන්දු 30කදී හතරේ පහර 2ක් සහ එක් හයේ පහරක් සහිතව ලකුණු 41ක්ද, දසුන් ශානක පන්දු 12කදී හතරේ පහර 2ක් සහ එක් හයේ පහරක් සහිතව නොදැවී ලකුණු 26ක්ද වාර්තා කළේය.
ශ්‍රී ලංකාව සහ බංග්ලාදේශය අතර පළමු එක්දින තරගය ලබන 25දා දඹුල්ල ජාත්‍යන්තර ක්‍රිකට් ක්‍රීඩාංගණයේදී පැවැත්වේ.

ලකුණු තත්ත්වය :-
ක්‍රිකට් සභාපතිගේ පිල පන්දුවාර 50දී කඩුලු 7ට ලකුණු 354යි
ඩිල්ෂාන් මුණවීර 24, කුසල් ජනිත් 64, සඳුන් වීරක්කොඩි 67, මිලින්ද සිරිවර්ධන 32, ධනංජය ද සිල්වා 52, චතුරංග ද සිල්වා 28, තිසර පෙරේරා 41, දසුන් ශානක නොදැවී 26, ලහිරු මධුසංඛ නොදැවී 1, මොර්ටාසා 66/1, ටස්කින් අහමඩ් 56/1, අබුල් හසන් 35/1, සන්සාමුල් ඉස්ලාම් 27/1

බංග්ලාදේශය පන්දුවාර 50දී කඩුලු 8ට ලකුණු - 352යි
ඉම්රුල් කේයස් 0, සෞම්‍යා සකාර් 4, සබිර් රහමන් 72, මුස්ෆිකර් රහීම් 20, මොසඩැක් හොසේන් 53, මහමදුල්ලා (නොදැවී) 71, ෂුවගාටා හොම් 2, සන්සාමුල් ඉස්ලාම් 5, මෂ්රෆී මොර්ටාසා 58, මොහොමඩ් සයිෆුඩීන් (නොදැවී) 2, අකිල ධනංජය 61/3, චතුරංග ද සිල්වා 53/2, ලහිරු මධුසංඛ 39/1, බිනුර ප්‍රනාන්දු 46/1, මිලින්ද සිරිවර්ධන 59/1

බංගලිදේශයට එරෙහිව ශ්‍රී ලංකාවෙන් ප්‍රබල පිලක්

සංචාරක බංග්ලාදේශ පිල සහ ශ්‍රී ලංකා ක්‍රිකට් සභාපතිගේ පිල අතර පුහුණු එක්දින තරගය අද (22දා) සී.සී.සී. ක්‍රීඩාංගණයේදී පැවැත්වේ.
මෙම තරගයේදී බංග්ලාදේශ පිල මෂ්රාෆි මොර්ටාසා විසින් මෙහෙයවනු ලබන අතර, ශ්‍රී ලංකා ක්‍රිකට් සභාපතිගේ පිල මිලින්ද සිරිවර්ධන විසින් මෙහෙයවනු ලබයි.
මෙම තරගය සඳහා 12 දෙනකුගෙන් යුත් ශ්‍රී ලංකා කණ්ඩායම නම්කර ඇති අතර, එයට ඇතුළත්ව ඇති ක්‍රීඩකයන් සියලු දෙනාම ජාතික පිල නියෝජනය කර තිබිම කැපී පෙනෙයි.
වත්මන් එක්දින පිලට නම් කර ඇති කුසල් ජනිත් පෙරේරා, ධනංජය ද සිල්වා, තිසර පෙරේරා සහ සචිත් පතිරණ මෙම තරගයට නම් කර තිබිම කැපී පෙනෙන සිදුවීමකි.
ශ්‍රී ලංකා ක්‍රිකට් සභාපතිගේ පි‍ලේ පිතිකරුවන් ලෙස කුසල් ජනිත් පෙරේරා, ඩිල්ෂාන් මුණවීර, සඳුන් වීරක්කොඩි, ධනංජය ද සිල්වා සහ මිලින්ද සිරිවර්ධනද නම් කර තිබේ.
තුන් ඉරියව් ක්‍රීඩකයන් ලෙස චතුරංග ද සිල්වා, තිසර පෙරේරා, ලහිරු මධුසංඛ, දසුන් ශානක සහ සචිත් පතිරණ කණ්ඩායමට එක්කර තිබේ.
කලකට පසු දඟ පන්දු යවන අඛිල ධනංජය ක්‍රිකට් සභාපතිගේ පිලට නම් කර තිබිම විශේෂ සිදුවීමකි.
ශ්‍රී ලංකාව සහ බංග්ලාදේශය අතර පළමු එක්දින ක්‍රිකට් තරගය ලබන 25දා දිවා රාත්‍රී තරගයක් ලෙස දඹුල්ල ජාත්‍යන්තර ක්‍රිකට් ක්‍රීඩාංගණයේදී පැවැත්වේ.

බංග්ලාදේශ සංචිතය
මෂ්රාෆි මොර්ටාසා (නායක), ඉම්රුල් කේයස්, තමීම් ඉක්බාල්, මහමදුල්ලා, මොසඩැක් හොසේන්, මුෂ්ෆිකර් රහීම්, මුස්්ටාෆිසූර් රහමන්, ෂකිබ් අල් හසන්, ෂබිර් රහමන්, නුරුල් හසන්, රුබෙල් හොසේන්, ෂුවගාටාහොම්, සෞම්‍යා සකාර්, සුභාෂිස් රෝයි, සම්සමුල් ඉස්ලාම්, ටස්කින් අහමඩ්

ශ්‍රී ලංකා ක්‍රිකට් සභාපතිගේ පිල
මිලින්ද සිරිවර්ධන (නායක), කුසල් ජනිත් පෙරේරා, ඩිල්ෂාන් මුණවීර, සඳුන් වීරක්කොඩි, ධනංජය ද සිල්වා, චතුරංග ද සිල්වා, තිසර පෙරේරා, ලහිරු මධුසංඛ, දසුන් ශානක, අඛිල ධනංජය, සචිත් පතිරණ, බිනුර ප්‍රනාන්දු

ඕස්ට්‍රේලියාව සහ ඉන්දියාව අතර රන්චිහිදී පැවැති තෙවැනි ටෙස්ට් ක්‍රිකට් තරගය ජය පරාජයෙන් තොරව අවසන් විය.
මේ අනුව තරග 1-1ක් ලෙස සම තත්ත්වයේ පවතින තරගාවලියේ තීරණාත්මක අවසන් සහ සිව්වැනි තරගය ලබන 25දා ධරම්සාලාහිදී පැවැත්වේ.
ඉනිමක පරාජයෙන් බේරීමට ලකුණු 152ක ඉලක්කයක් හඹා යාමට පිටියට පිවිසි ඕස්ට්‍රේලියානු දෙවැනි ඉනිමේ ඉදිරි පෙළ කඩුලු 4ම ලකුණු 63ක් තුළ බිඳ වැටුණද ෂෝන්
මාෂ් සහ පීටර් හෑන්ඩ්ස්කොම්බ් 5 වැනි කඩුල්ලට ලකුණ 124ක සම්බන්ධතාවක් පිහිටුවමින් තරගය ජය පරාජයෙන් තොරව අවසන් කිරීමට සමත් වූහ.
ෂෝන් මාෂ් හතරේ පහර 7ක් සමගින් ලකුණු 53ක් වාර්තා කළ අතර, හෑන්ඩ්ස්කොම්බ් හතරේ පහර 7ක් සමගින් නොදැවී ලකුණු 72ක් වාර්තා කළේය.
තරගය නිමාවට පත්වන විට ඕස්ට්‍රේලියානු දෙවැනි ඉනිම කඩුලු 6ට ලකුණු 204ක් රැස් කරමින් ලකුණු 52ක් ඉදිරියෙන් පසුවිය.
ඉන්දීය මුල් ඉනිම වනුවෙන් චෙටස්වර් පුජාරා හතරේ පහර 21ක් සමගින් ද්විත්ව ශතකයක් (202) වාර්තා කළ අතර, විදිමන් සහා හතරේ පහර 8ක් සහ හයේ පහරක් සමගින් ලකුණු 117ක් වාර්තා කළේය.
ඕස්ට්‍රේලියානු මුල් ඉනිම වෙනුවෙන් නායක ස්ටීවන් ස්මිත් නොදැවී ලකුණු 178ක් රැස් කළ අතර, ග්ලෙන් මැක්ස්වෙල් ලකුණු 104ක් වාර්තා කළේය.
පන්දුවෙන් විශිෂ්ට දස්කම් දැක්වූ රවින්ද්‍ර ජඩේජා මුළු තරගයේදී කඩුලු 9ක් බිඳ හෙළීය.
ලකුණු තත්ත්වය :-
ඕස්ට්‍රේලියාව මුල් ඉනිම - 451යි
මැට් රේන්ෂෝව් 44, ස්ටීවන් ස්මිත් (නොදැවී) 178, ග්‍ලේන් මැක්ස්වෙල් 104, රවින්ද්‍ර ජඩේජා 124/5, උමේෂ් යදාව් 106/3
ඉන්දියාව මුල් ඉනිම - 603/9යි
ලෝකේෂ් රාහුල් 67, මුරලි විජේ 82, චෙටස්වර් පුජාරා 202, විදිමන් සහා 117, රවින්ද්‍ර ජඩේජා (නොදැවී) 54, පැට් කමින්ස් 106/4, ස්ටීවන් ඕකීෆ් 199/3
ඕස්ට්‍රේලියාව දෙවැනි ඉනිම -204/6 යි
ෂෝන් මාෂ් 53, පීටර් හෑන්ඩ්ස්කොම්බ් නොදැවී 72, රවින්ද්‍ර ජඩේජා 54/4

ශ්‍රී ලංකා අන්තර් සමාජ ගොල්ෆ් ශූරතාවලිය 2017 හි සමස්ථ ජයග්‍රහණය අත්කර ගැනීමට නාවික හමුදාව පසුගිය 18 වන දින සමත් විය. එම තරඟාවලිය ශ්‍රී ලංකා ගොල්ෆ් සංගමය විසින් සංවිධානය කර තිබිණි.

මහනුවර, දිගන ප්‍රදේශයේ “වික්ටෝරියා ගොල්ෆ් කන්ට්‍රි රිසෝට්” හි පැවති එම තරඟාවලිය සඳහා යුද හමුදා, ගුවන් හමුදා කණ්ඩායම් මෙන්ම, කොළඹ රාජකීය ගොල්ෆ් සංගමය, වික්ටෝරියා ගොල්ෆ් කණ්ඩායම් සහ ඒකාබද්ධ ගොල්ෆ් ක්‍රීඩා සමාජ කණ්ඩායම් නියෝජනය කරමින් තරඟකරුවන් 100 කට අධික පිරිසක් සහභාගී වී සිටියහ. කෙසේ වෙතත් ඔවුන් සියළු දෙනා අභිබවමින් නාවික හමුදා කණ්ඩායම මෙම ජයග්‍රහණය අත්කර ගැනීමට සමත් විය.

ඒ අනුව, තරඟාවලියේ සමස්ථ ශූරතාවය, ක්‍රීඩා සමාජ තරඟාවලි සමස්ථ ශූරතාවය මෙන්ම තනි, තනිව සංවිධානය කර තිබූ, ලංව පිහිටීම තරඟඉසව්ව, දිගු දුර පහර දීමේ ශූරතාවය, ලකුණු ලබා ගැනීමේ අනු ශූරතාවය, දළ ලකුණු ලබා ගැනීමේ ශූරතාවය සහ ශුද්ධ ලකුණු ලබා ගැනීමේ අනු ශූරතාවය නාවික හමුදා කණ්ඩායම විසින් දිනා ගන්නා ලදී. තවද, පසුගිය වසරේ (2016) නුවරඑළිය ගොල්ෆ් ක්‍රීඩා සමාජයේදී පවත්වන ලද ආරක්ෂක සේවා ගොල්ෆ් ශූරතාවය දිනා ගැනීමට සමත් වූයේද ශ්‍රී ලංකා නාවික හමුදාවයි.

නාවික හමුදාධිපති, වයිස් අද්මිරාල් රවීන්ද්‍ර විජේගුණරත්න මහතාගේ මගපෙන්වීම යටතේ නාවික හමුදා ගොල්ෆ් ක්‍රීඩකයින්ට අවශ්‍ය පුහුණුව ලබා දෙන අතර, එතුමා නාවික හමුදා ගොල්ෆ් සංචිතයේ සභාපතිවරයා ලෙස ද කටයුතු කරනු ලබයි. ගොල්ෆ් ක්‍රීඩක ක්‍රීඩිකාවන්ගේ හැකියාවන් වර්ධනය කිරීම උදෙසා ත්‍රිකුණාමලය නාවික තඨාකංගනයේ නවීන පහසුකම් වලින් යුත් ගොල්ෆ් ක්‍රීඩා පිටියක් ස්ථාපිත කර ඇති අතර, නාවික හමුදාධිපතිතුමාගේ සංකල්පයක් මත ආධුනික ක්‍රීඩක ක්‍රීඩිකාවන්ගේ හැකියාවන් වර්ධනය කිරීමේ අරමුණින් යුතුව,වැලිසර පිහිටි ශ්‍රී ලංකා නාවික නෞකා ගැමුණු ආයතනයේ “ඇක්වා”ගොල්ෆ්පිටිය ස්ථාපිත කර ඇත.

තවද, මෙම වසරේ නොවැම්බර් මස ශ්‍රී ලංකාවේ පැවැත්වීමට නියමිත 11 වන අන්තර්ජාතික හමුදාක්‍රීඩා කවුන්සිල (CISM)ගොල්ෆ් ශූරතාවලියේ සභාපතිවරයා ලෙස නාවික හමුදාධිපතිතුමා ඒකමතිකව තෝරා පත් කර ගෙන ඇති අතර, එම තරඟාවලිය සඳහා රටවල් 15 ක් සහභාගී වීමට නියමිතව ඇත.

අන්තර් සමාජ ගොල්ෆ් ශූරතාවලිය 2017 හි ජයග්‍රාකයන්

1.    ලංව පිහිටීම තරඟඉසව්ව                     -           සාමාන්‍ය නැවි, ජීවීසී උදයංග

2.    දිගු දුර පහර දීමේ ශූරතාවය                  -           බල නැවි, ආර්එම්එස් රූපසිංහ

3.    ලකුණු ලබා ගැනීමේ අනු ශූරතාවය     -           ශාරීරික අභ්‍යාසක, ඩබ්එම් වෛද්‍යරත්න

4.    දළ ලකුණු ලබා ගැනීමේ ශූරතාවය  -                සාමාන්‍ය නැවි, ටී ශිවකුමාර්

5.   ශුද්ධ ලකුණු ලබා ගැනීමේ අනු ශූරතාවය-       සාමාන්‍ය නැවි, ටී ශිවකුමාර්    

දකුණු ලක ගාල්ල නගරයේ ප්‍රධාන පෙ‍ලේ පාසල් ද්විත්වයක් වන රිච්මන්ඩ් හා මහින්ද දෙවිදුහල් අතර වන “ආදරවන්තයින්ගේ සටන” ලෙස විරුදාවලි ලද වාර්ෂික මහා ක්‍රිකට් තරගය 112 වැනි වරටත් 17 සහ 18 දෙදින පුරා ගාල්ල ජාත්‍යන්තර ක්‍රිකට් ක්‍රීඩාංගණයේදී පැවැත්වේ.
රජිත් ප්‍රියාන්ගේ නායකත්වයෙන් යුතුව 2008 වසරේදී මහින්ද පිල අවසන් වරට මහා ක්‍රිකට් තරගයක ජය ලබා ඇති අතර, 2015 වසරේදී රිච්මන්ඩ් පිල සිතාර ගිම්හාන්ගේ නායකත්වයෙන් යුතුව අවසන් වරට ජය ලැබිය.   
2016 යොවුන් ලෝක කුසලාන ක්‍රිකට් තරගාවලියේදී ශ්‍රී ලංකා යොවුන් පිල නියෝජනය කළ සහ මේ වන විට ශ්‍රී ලංකා වයස අවුරුදු 19න් පහළ පිල මෙහෙයවීමේ වගකීම පැවරී ඇති අත්දැකීම් බහුල ක්‍රීඩකයකු වන කමිඳු මෙන්ඩිස් විසින් මෙම 112 වැනි මහා ක්‍රිකට් තරගයේදී රිච්මන්ඩ් පිලට නායකත්වය ලබා දෙන අතර, හසරු චාමිකර උප නායක ලෙස කටයුතු කරයි.
මෙවර මහා ක්‍රිකට් තරගයේදී මහින්ද පි‍ලේ නායකත්වය හංසික වැළිහිඳ වෙත පැවරී ඇති අතර, රේෂාන් කාවින්ද උප නායක ලෙස කටයුතු කරයි.
රිච්ම්න්ඩ් පිල මෙවර පාසල් ක්‍රිකට් තරගවාරයේදී පළමු කොටසේ ‘ඒ’ කාණ්ඩය යටතේ තරග වැද කෑගල්ල ශාන්ත මරියා, අම්බලන්ගොඩ ධර්මාශෝක, මහනුවර ධර්මරාජ සහ පන්නිපිටිය ධර්මපාල විද්‍යාලයට එරෙහිව පූර්ණ ජය ලබමින් තම කාණ්ඩයේ ශූරයින් බවට පත්විය. පළමු කොටසේ දෙදින තරගාවලියේ මෙන්ම සීමිත පන්දුවාර තරගාවලියේද අවසන් පූර්ව වටයට සුදුසුකම් ලැබිමට ගාල්ල රිච්මන්ඩ් පිල මේ වන විට සමත්වී සිටියි. මීට අමතරව කොළඹ ඩී.එස්. සේනානායක, කොළඹ නාලන්දා, කොළඹ රාජකීය, කුරුණෑගල මලියදේව, බම්බලපිටිය ශාන්ත පීතර, වත්තල ශාන්ත අන්තෝනි, මාතර ශාන්ත තෝමස් සහ කොළඹ මහානාම යන කණ්ඩායම් වලට එරෙහිව පළමු ඉනිමේ ජය ලැබිමට ද රිච්මන්ඩ් පිල සමත්විය. රිච්මන්ඩ් පිල තරග 15කට සහභාගිවී ඉන් තරග 4ක පූර්ණ ජය ලැබූ අතර, තරග 8කදී පළමු ඉනිමේ ජය ලබා ඇත.
මෙවර පාසල් ක්‍රිකට් තරගවාරයේදී පළමු කොටසේ ‘බි’ කාණ්ඩය යටතේ තරගවැදුණු මහින්ද පිල එහිදී තරග 17කට සහභාගිවී තරග 4ක පළමු ඉනිමේ ජය ලැබිමට සමත්විය. ගාල්ල මහින්ද පිල එහිදී කොළඹ රාජකීය, අම්බලන්ගොඩ ධර්මාශෝක, පන්නිපිටිය ධර්මපාල සහ මාතර ශාන්ත සර්වේෂස් යන කණ්ඩායම් වලට එරෙහිව පළමු ඉනිමේ ජය ලැබිය. එම අතරවලදී එක් තරගයක් පරාජයට පත්විය.
අර්ධ ශතක 6ක් සමගින් ලකුණු 700 සීමාව ඉක්මවූ ධනංජය ලක්ෂාන් කන්ඩායමේ වැඩිම ලකුණුලාභියා බවට පත්ව ඇති අතර, ඔහු පන්දුවෙන් දස්කම් දක්වමින් කඩුලු 45ක් ද දවාලීය. කඩුලු 50 සීමාව ඉක්මවූ සඳුන් මෙන්ඩිස් කණ්ඩායමේ වැඩිම කඩුලුලාභී පන්දු යවන්නා බවට පත්ව සිටියි. ශ්‍රී ලංකා යොවුන් පිල නියෝජනය කළ අත්දැකීම් බහුල නායක කමිඳු මෙන්ඩිස් ශතක 2ක් සමගින් ලකුණු 500 සීමාව ඉක්මවූ අතර, අවිඳු තීක්ෂණ එක් ශතකයක් සමගින් ලකුණු 500 සීමාව ඉක්මවූ අතර කඩුලු 40කට වැඩි සංඛ්‍යාවක් දවාලීමට සමත්විය. තවීෂ අභිෂේක් එක් ශතකයක් සමගින් ලකුණු 500 සීමාව ඉක්මවූ අතර, උප නායක හසරු චාමිකර ලකුණු 400 සීමාව ඉක්මවීමට සමත්විය. ශ්‍රී ලංකා යොවුන් පිල නියෝජනය කළ තිලංග උදේෂන කඩුලු 25කට වැඩි සංඛ්‍යාවක් දවාලීමට සමත්විය. මීට අමතරව රවිෂ්ක විජේසිරි කෙරෙහිද මෙම මහා ක්‍රිකට් තරගයේදී රිච්මන්ඩ් පිල වැඩි බලා‍පොරොත්තු තබා සිටියි.
එක් ශතකයක් සහ අර්ධ ශතක 7ක් සමගින් ලකුණු 800 සීමාව ඉක්මවූ නායක හංසික වැළිහිඳ කණ්ඩායමේ වැඩිම ලකුණුලාභී පිතිකරු බවට පත්ව සිටින අතර, කවිඳු එදිරිවීර කණ්ඩායමේ වැඩිම කඩුලුලාභී පන්දු යවන්නා බවට පත්වී සිටියි. කවිඳු එදිරිවීර ලකුණු 600 සීමාව ඉක්මවූ අතර, රේෂාන් කාවින්ද ලකුණු 400 සීමාව ඉක්මවූ අතර, කඩුලු 35ක් දවාලීමට සමත්වී සිටියි. කේ.කේ. කෙවින් ලකුණු 500 සීමාව ඉක්මවූ අතර, කඩුලු 44ක් දවාලීය. ප්‍රමිත් හංසික ලකුණු 400 සීමාව ඉක්මවූ අතර, කඩුලු 30ක් දවාලීය. විනුර දුල්සර, නවෝද් පරණවිතාන සහ අශේන් කණ්ඩම්බි ලකුණු 400 සීමාව ඉක්මවීමට සමත්ව සිටිති. මෙවර තරගවාරයේදී දස්කම් දැක්වූ මෙම ක්‍රීඩකයින්ට අමතරව නවක ක්‍රීඩක නිපුන් මාලිංග කෙරෙහිද මෙම මහා ක්‍රිකට් තරගයේදී මහින්ද පිල ඉහළ බලා‍පොරොත්තු තබා ඇත.
විදුහල්පති සම්පත් වේරගොඩ මහතාගේ උපදෙස් පරිදි දමිත් ප්‍රසන්න මහතා රිච්මන්ඩ් විද්‍යාලයීය ක්‍රිකට් භාර ආචාර්ය ලෙස කටයුතු කරයි. රිච්මන්ඩ් ආදි ක්‍රිකට් ක්‍රීරඩකයකු වන ධම්මික සුදර්ශන මහතා පුහුණුකරු ලෙස කටයුතු කරන අතර ප්‍රේම් ලක්මාල් මහතා සහාය පුහුණුකරු ලෙස කටයුතු කරයි.
විදුහල්පති ගාමිණි ජයවර්ධන මහතාගේ උපදෙස් පරිදි ඩී.ඩබ්ලිව්.කේ. හෙට්ටිආරච්චි මහතා මහින්ද විද්‍යාලයීය ක්‍රිකට් භාර ආචාර්ය ලෙස කටයුතු කරයි. ආදි මහින්ද ක්‍රිකට් ක්‍රීරඩකයකු වන ධනුෂ්ක දෙනගම මහතා පුහුණුකරු ලෙස කටයුතු කරන අතර, තවත් ආදි මහින්ද ක්‍රිකට් ක්‍රීඩකයකු වන එල්.යූ.ආර්. ශ්‍රියාවංශ මහතා සහාය පුහුණුකරු ලෙස කටයුතු කරයි.

රිච්මන්ඩ් සංචිතය - කමිඳු මෙන්ඩිස් (නායක), හසරු චාමිකර (උප නායක), ධනංජය ලක්ෂාන්, අවිඳු තීක්ෂණ, තිලංග උදේෂන, තවීෂ අභිෂේක්, රවිෂ්ක විජේසිරි, ආදිත්‍ය සිරිවර්ධන, සඳුන් මෙන්ඩිස්, දුවීන් කලංසූරිය, කසුන් තාරක, තිසර දිවාන්, විනුජ කිරිඇල්ල, විශ්මිත විජේසිරි, සත්සර කුමාර, දමිත් ප්‍රසන්න මහතා (ක්‍රිකට් භාර ආචාර්ය), ධම්මික සුදර්ශන මහතා (පුහුණුකරු), ප්‍රේම් ලක්මාල් ද සිල්වා මහතා (සහාය පුහුණුකරු)

මහින්ද සංචිතය - හංසික වැළිහිඳ (නායක), රේෂාන් කාවින්ද (උප නායක), විනුර දුල්සර, නවෝද් පරණවිතාන, අශේන් කණ්ඩම්බි, පසන් පෙතංගොඩ, ප්‍රමිත් හංසික, කවිඳු එදිරිවීර, කේ.කේ. කෙවින්, නිපුන් මාලිංග, චාමර සඳරුවන්, කළිඳු ශ්‍රීසර, පසිඳු හෙට්ටිආරච්චි, ප්‍රගීත් ගුණතිලක, තිළිණ නිසංසල, ඩී.ඩබ්ලිව්.කේ. හෙට්ටිආරච්චි (ක්‍රිකට් භාර ආචාර්ය), ධනුෂ්ක දෙනගම (පුහුණුකරු), එල්.යූ.ආර්. ශ්‍රියාවංශ (සහාය පුහුණුකරු)

පමෝද් ලසන්ත

Page 1 of 4

IMAGE

සුද්දන් දෙකට පැලූ 'මීයන් ඇල්ලේ' කතාව

IMAGE 2017 Mar 27 16:59
වර්ෂ 1815දී අප රටේ පාලනය මුළුමනින්ම සිය’තට ගත් ඉංග්‍රීසි ජාතිකයන් එය නැවත අප අතට පත් කරන ලද්දේ...
Views - 158

මැතිනිය බක්කි කරත්තෙන් ඉස්කෝ‍ලේ ගිය හැටි

IMAGE 2017 Mar 27 11:07
ඒ වර්ෂ 1923 ජූලි මස 9 බ්‍රහස්පතින්දායි. රත්නපුර දඹවින්න වලව්වෙන් පිටත් වූ බක්කි කරත්තය නගරයේ...
Views - 686

සමහර සාස්තර බලාගෙන හිටියා වගේ කියැවෙන්නේ කොහොමද?

IMAGE 2017 Mar 27 10:43
ගතවූ වසර විසිඅටක කාලය තුළ මම වරින්වර ‘බලා සිටියාක් මෙන් සත්‍ය පවසෙතැ’යි බොහෝ දෙනකු කී...
Views - 896

සමහරු සල්ලි මත්තේ නැහෙද්දී තාත්තා වින්දනය සොයමින්...

IMAGE 2017 Mar 26 14:43
සිංහල වේදිකාව, සිනමාව සහ රූපවාහිනිය විජයග්‍රහණය කළ චරිතාංග නළුවකු වශයෙන් ජයලත් මනෝරත්නයන්...
Views - 5034

රන්ජන් එක්ක ගත්ත මංගල ඡායාරූපය නිසා මට ප්‍රශ්න පිට...

IMAGE 2017 Mar 26 14:30
ජනප්‍රිය නළු නිළියන් දෙ‍පොළක් වූ රන්ජන් රාමනායක සහ අනූෂා දමයන්ති පෙනී සිටි මංගල ඡායාරූපය...
Views - 3194

හෘද රෝගීන් අනියම් සබඳතා පවත්වන්නේ බලාගෙනයි!

IMAGE 2017 Mar 24 13:39
හදවත් රෝග ලක්ෂණ ඇත්තවුන් සහ හදවත් රෝග වැළදුන පුද්ගලයන් තුළ තම ලිංගික ජීවිතය සම්බන්ධයෙන්...
Views - 5009

Please publish modules in offcanvas position.