Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - [email protected] youtube
lakbima.lk

                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

පනාගොඩ යුද හමුදා ජනපදය තුළ පිහිටි ශ්‍රී ලංකා පාබල හමුදා රෙජිමේන්තු මධ්‍යස්ථානයේ ඉදිකරන ලද නව ගෘහස්ථ ක්‍රීඩාගාරය යුද හමුදාපති ලුතිනන් ජෙනරාල් මහේෂ් සේනානායක මහතා අතින් විවෘත කෙරුණි.
රුපියල් ලක්ෂ 78ක පමණ වියදමින් රෙජිමේන්තු සාමාජිකයන්ගේ ශ්‍රම දායකත්වයෙන් ඉදිකරන ලද මෙම ගෘහස්ථ ක්‍රීඩාගාරය ජාතික මට්ටමේ පහසුකම්වලින් සමන්විත වන අතර, වොලිබෝල්, ස්කොෂ්, පැසිපන්දු, බැඩ්මින්ටන් සහ බර ඉසිලීමේ ක්‍රීඩා සඳහා පහසුකම්වලින් සමන්විතව ඇත.
යුද හමුදා මාණ්ඩලික ප්‍රධානී මෙන්ම ශ්‍රී ලංකා පාබල හමුදා රෙජිමේන්තු අධිපති මේජර් ජෙනරාල් අමල් කරුණාසේකරගේ මූලිකත්වයෙන් සහ අධීක්ෂණයෙන් මෙම නව ක්‍රීඩා සංකීර්ණය ඉදිකෙරුණි.
යුද හමුදාපතිවරයා නව ගෘහස්ථ ක්‍රීඩාගාරයේ සමරු ඵලකය නිරාවරණය කළ අයුරු ඡායාරූපයේ.

31 වැනි රූපවාහිනී වොලිබෝල් තරගාවලියේ සුපර් ලීග් පිරිමි සහ කාන්තා මූලික වටයේ තරග අද (28දා) මීගමුව ජෙයරාජ් ප්‍රනාන්දුපුල්‍ලේ අනුස්මරණ ක්‍රීඩාංගණයේදී ආරම්භ කෙරේ.
සැප්තැම්බර් 2දා දක්වා පැවැත්වෙන මෙම තරගාවලිය ජාතික තරුණසේවා සභාව සහ ශ්‍රී ලංකා රූපවාහිනී සංස්ථාව එක්ව සංවිධානය කරනු ලබයි.
සුපර් ලීග් පිරිමි අංශය යටතේ ජාතික තරුණ සේවා සභාව, යුද හමුදාව, නාවික හමුදාව, ගුවන් හමුදාව, සිවිල් ආරක්ෂක දෙපාර්තමේන්තුව, විදුලිබල මණ්ඩලය සහ බ්‍රැන්ඩික්ස් යන කණ්ඩායම් 7 තරග වදියි.
තරුණ සේවා සභාව, යුද හමුදාව, නාවික හමුදාව, ගුවන් හමුදාව සහ කැෂුවලයින් යන කණ්ඩායම් 5 සුපර් ලීග් කාන්තා අංශය යටතේ තරග වදියි.
මෙම තරගාවලියට සමගාමීව පැවැති අභියෝග ශූරතා අංශයේ මූලික වටයේ තරග මේ වන විටත් අවසන්ව ඇති අතර, මෙම කාණ්ඩ දෙකේ සියලුම අවසන් තරග ඔක්තෝබර් 15දා සිට මහරගම ජාතික තරුණසේවා සභා ක්‍රීඩාංගණයේදී පැවැත්වීමට කටයුතු යොදා තිබේ.

(ප්‍රභාත්)

මාත‍ලේ එඩ්වඩ් ක්‍රීඩාංගණයේදී පවත්වන ලද ඒ.ජේ. විජේසිංහ කුසලාන ආරාධිත පාසල් අවු. 20න් පහළ බාලක හොකී ශූරතාව දිනා ගැනීමට මාත‍ලේ ක්‍රිස්තුදේව විදුහල් පිල සමත් විය.
ක්‍රිස්තුදේව විදුහලට හිමි ‘ඒ.ජේ. විජේසිංහ අනුස්මරණ කුසලාන’ ප්‍රධාන ආරාධිතයා වූ මාත‍ලේ දිස්ත්‍රික් පාර්ලිමේන්තු මන්ත්‍රී රංජිත් අලුවිහාරේ මහතා අතින් ලබාගන්නා අයුරු ඡායාරූපයේ...
(සපුමල්)

අධ්‍යාපන අමාත්‍යාංශය සහ ශ්‍රී ලංකා පාසල් දැල්පන්දු සංගමය නෙස්‍ලේ ලංකා සමාගමේ අනුග්‍රහයෙන් පවත්වන ලද 26 වැනි මයිලෝ කුසලාන පාසල් දැල්පන්දු තරගාවලියේදී පිට පිටම  10 වැනි වරටත් සමස්ත ශූරතාව දිනා ගැනීමට කුරුණෑගල ශුද්ධ වූ පවු‍ලේ කන්‍යාරාමය සමත් විය.
බදුල්ල වින්සන්ට් ඩයස් ක්‍රීඩාංගණය කේන්ද්‍රකර ගනිමින් පැවැති මෙම තරගාවලියේ ‘ඒ’ කාණ්ඩයේ අවු. 13න් පහළ සහ 19න් පහළ ශූරතාව දිනාගත් කුරුණෑගල ශුද්ධ වූ පවු‍ලේ කන්‍යාරාමය අවු. 17න් පහළ තෙවැනි ස්ථානය දිනා ගැනීමට සමත් විය.
මෙවර තරගාවලියේ සමස්ත අනුශූරතාව කොළඹ විශාඛා සහ කළුතර බාලිකාවට සම ලෙස හිමිවීම කැපී පෙනෙන සිදුවීමක් විය.
ශිෂ්‍ය ශිෂ්‍යාවන් 1000ට වඩා අඩු පාසල් වෙනුවෙන් පැවැති ‘බි’ කාණ්ඩයේ තරගාවලියේදී බුත්තල රන්ජන් විජේරත්න විදුහල පිට පිට දෙවැනි වරටත් අවුරුදු 19න් පහළ ශූරතාව දිනා ගැනීම විශේෂත්වයක් විය.
‘ඒ’ කාණ්ඩයේ අවු. 19න් පහළ දක්ෂතම ක්‍රීඩිකාව ලෙස සුසීමා කුමාරි බණ්ඩාර (කු/ ශු. ප. කන්‍යාරාමය) , අවු. 17න් පහළ දක්ෂතම ක්‍රීඩිකාව ලෙස සනුද්‍රි තුඩුවගේ (විශාඛා), අවු. 15න් පහළ දක්ෂතම ක්‍රීඩිකාව ලෙස ඩිලක්ෂි රවිහාරි (කළුතර බාලිකාව) සහ අවු. 13න් පහළ දක්ෂතම ක්‍රීඩිකාව ලෙස දුලාංජලී නිරූපමා ප්‍රනාන්දු (කු/ ශු. ප. කන්‍යාරාමය) සම්මාන දිනා ගත්හ.
තරගාවලියේ ත්‍යාග ප්‍රධාන උත්සවයේ ප්‍රධාන අමුත්තා ලෙස විදුලි සංදේශ හා ඩිජිටල් යටිතල පහසුකම් අමාත්‍ය හරීන් ප්‍රනාන්දු මහතා සහභාගි වූ අතර, නෙස්‍ලේ ලංකා සමාගමේ සජීව වික්‍රමසිංහ සහ දමිත කුලතුංග යන මහත්වරුන් ද ඊට එක්වූහ.

තරග ප්‍රතිඵල
‘ඒ’ කාණ්ඩය
19න් පහළ ශූරතාව - කුරුණෑගල ශුද්ධ වූ පවු‍ලේ කන්‍යාරාමය, අනුශූරතාව - විශාඛා විදුහල
17න් පහළ ශූරතාව - විශාඛා විදුහල, අනුශූරතාව - කළුතර බාලිකාව
අවු. 15න් පහළ ශූරතාව - කළුතර බාලිකාව, අනුශූරතාව - මියුසියස් විදුහල
අවු. 13න් පහළ ශූරතාව - කුරුණෑගල ශුද්ධ වූ පවු‍ලේ කන්‍යාරාමය, අනුශූරතාව - මහනුවර උසස් බාලිකාව
‘බි’ කාණ්ඩය
අවු. 19න් පහළ ශූරතාව - බුත්තල රන්ජන් විජේරත්න විදුහල, අනුශූරතාව - බලංගොඩ රත්මලවින්න මහ විදුහල
අවු. 17න් පහළ ශූරතාව - බණ්ඩාර‍පොල මහ විදුහල, අනුශූරතාව - සිරිමල්වත්ත මහ විදුහල
අවු. 15න් පහළ ශූරතාව - කැලණිය ශුද්ධ වූ පවු‍ලේ කන්‍යාරාමය, අනුශූරතාව - මාතර කොකාවල මහ විදුහල

නිමල්සිරි එදිරිසිංහ

ශ්‍රී ලංකා යුද හමුදා පැරා පිහිනුම් තරගාවලියේදී රන් පදක්කම් 21ක් දිනාගත් පාබල රෙජිමේන්තුව ශූරතාව දිනා ගැනීමට සමත් විය.
යුද හමුදා පැරා ක්‍රීඩා කමිටුව 20 වෙනි වරටත් සංවිධානය කළ මෙම තරගාවලිය පනාගොඩ පිහිනුම් තටාකයේදී පැවැත්විණි.
මෙම තරගාවලියට පාබල, විජයබා, කාලතුවක්කු, ගැමුණු හේවා, සිංහ සහ ගජබා රෙජිමේන්තු නියෝජනය කරමින් ක්‍රීඩකයින් සහභාගි වූහ.
ජයග්‍රාහී පාබල රෙජිමේන්තුව ශූරතා කුසලාන ලබාගන්නා අයුරු ඡායාරූපයේ දිස්වේ.

ධර්මසිරි විජේරත්න - හංවැල්ල

චීනයේ චැංගින් නුවර පැවැති 13 වැනි ආසියානු පාසල් චෙස් තරගාවලියේදී කුලීෂ සාරනාත් රන් පදක්කමක් දිනාගත් අතර, විනෝලි ඔනෙත්මා ලෝකඩ පදක්කමක් දිනාගෙන තිබේ.
මීගමුව ගේට්වේ ජාත්‍යන්තර පාස‍ලේ කුලීෂ සාරනාත් නානායක්කාර අවු. 15න් පහළ වයස් කාණ්ඩයේ ක්‍රීඩකයින් 24 දෙනෙක් අතුරින් තරග වට 9කදී ලකුණු 7.5ක් හිමිකර ගනිමින් අපරාජිතව රන් පදක්කම දිනාගෙන තිබේ.
මෙම ජයග්‍රහණයත් සමගින් ඔහුට ලෝක චෙස් සම්මේලනය විසින් පිරිනමන “ෆිඩේ මාස්ටර්” නාමය හිමිවී තිබේ.
කොළඹ විශාකා විද්‍යාලයේ  විනෝලි ඔනෙත්මා විතානාරච්චි අවු. 11න් පහළ ඉසව්වේදී තරග වට 9න් වට 5ක් ජය ගනිමින්, 2ක් පරාජයට පත්ව,  2ක් ජය පැරදුමෙන් තොරව අවසන් කර ගනිමින් ලකුණු 6ක් ලබා ක්‍රීඩිකාවන් 19 දෙනෙක් අතුරින් ලෝකඩ පදක්කම දිනාගෙන තිබේ.
IMAGE

සැමියාගේ බිමත්කම සහ නොගැළපීම නිසයි විවාහය බිඳ වැටුණේ

IMAGE 2017 Nov 23 13:33
තිලකා රණසිංහගේ ජීවිතයේ වඩාත්ම සතුටු වූ අවස්ථාව හා වැඩියෙන්ම දුක් වූ අවස්ථාව සිහිපත් කරන්න...
Views - 4893

ලංකාව හැර ගිය නතාෂා ආපහු ඇවිත් කියපු කතාව

IMAGE 2017 Nov 23 08:03
නතාෂා පෙරේරා පහුගිය කාලයේ වැඩිපුර දකින්නට ලැබුණේ නැහැ. ඒ ඇය තමන්ගේ ආදරණීය සැමියා ප්‍රිහාන්...
Views - 4478

55 වියැති බැංකු ලොක්කා 29 කන්තෝරු නෝනා සමඟ 'හනිමූන්' ගිහින්

IMAGE 2017 Nov 22 12:50
බැංකුවක උසස් නිලයක් දරන පනස්පස් හැවිරිදි සිය සැමියා වසර ගණනාවක් තිස්සේ විසිනව හැවිරිදි රජයේ...
Views - 7633

අහසේ සිට බිමට පනින එස්.ටී.එෆ්. යුවතියෝ

IMAGE 2017 Nov 22 10:55
අම්පාර උහන ගුවන් ධාවන පථයෙන් අහසට නැඟගත්, එම්. අයි. 17 වර්ගයේ හෙලිකොප්ටරය  නිලඹර දෙපළු කරමින්...
Views - 4841

මිහිදුම සහ වැස්ස ගැන 'කාලගුණ විද්‍යාවෙන්' බොරු කී‍වේ ඇයි?

IMAGE 2017 Nov 22 10:43
මේ දිනවල අළුයම් කාලයේ අගනුවර ඇතුළු ප්‍රදේශ රැසක දැඩි මිහිදුම් තත්ත්වයක් දක්නට ලැබුණු බව...
Views - 3104

මුගාබේගේ බිරිඳ ද පක්ෂයෙන් නෙරපයි

IMAGE 2017 Nov 21 09:37
වසර 37  ක කාලයක් සිම්බාබ්වේ දේශය පාලනය කළ රොබට් මුගාබේ නිවාස අඩස්සියට ගනිමින් හමුදාව එරට...
Views - 3913

Please publish modules in offcanvas position.

Web Analytics