Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - [email protected] youtube
lakbima.lk

                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

2017.10.08 සහ 09 දිනවල ජනමාධ්‍යවල පළවූ ඛනිජ තෙල් සම්පත් සංවර්ධන අමාත්‍ය අර්ජුන රණතුංග මහතා විසින් ක්‍රීඩා අමාත්‍ය දයාසිරි ජයසේකර මහතා වෙත එවන ලද ලිපිය සම්බන්ධයෙන් කරුණු දක්වමින් ක්‍රීඩා අමාත්‍යාංශය ඊයේ (09දා) මාධ්‍ය වෙත නිවේදනයක් නිකුත් කර තිබේ.

එම නිවේදනය මෙසේයි.

“උක්ත ලිපිය තුළින් ඛනිජ තෙල් සම්පත් සංවර්ධන අමාත්‍යවරයා ක්‍රීඩා අමාත්‍යවරයාගේ අවධානයට යොමුකරනුයේ පානදුර සහ කළුතර ක්‍රිකට් සමාජන්හි ක්‍රීඩකයන්ට හා පුහුණුකරුවන්ට එරෙහිව ගෙන ඇති නීතිමය ක්‍රියාමාර්ග මෙකී ක්‍රීඩකයන්ට නොව එම ක්‍රීඩා සමාජයන්හි නිලධාරීන්ටද අදාළ විය යුතු බවයි.

ශ්‍රී ලංකාව තුළ ස්ථාපිත ක්‍රිකට් මෙන්ම අනෙකුත් ක්‍රීඩා 61 සම්බන්ධයෙන් ක්‍රීඩා අමාත්‍යවරයා තම තනි අභිමතය පරිදි ක්‍රියා නොකරන බව මාධ්‍යවේදී ඔබ සැම දන්නා කරුණකි. එමෙන්ම ක්‍රීඩා සමාජවල මෙන්ම ක්‍රීඩා සම්මේලන සම්බන්ධ ඕනෑම අනීතික, අසාධාරණ සහ අයුක්තිසහගත ක්‍රියාවකදී අමාත්‍යවරයා නීතිය, සාධාරණය හා යුක්තිය ආරක්ෂා කිරීම උදෙසා මැදිහත්වන අතර, එය සැම විටම විධිමත් අයුරින් සිදුකළ බවට පසුගිය දෙවසරකට ආසන්න කාලය නිරීක්ෂණය කිරීමෙන් තහවුරු කරගත හැකියි. ස්වභාවික යුක්ති මූලධර්ම අනුව අපක්ෂපාතීව සෑම පාර්ශ්වයකටම සවන්දී තීරණ වෙත ප්‍රවේශවීමට අමාත්‍යතුමන් විසින් නිරතුරුව කටයුතු කරයි.

මේ වන විට තරග තහනමට ලක්ව සිටින චාමර සිල්වා ඇතුළු ක්‍රීඩකයන් හට පනවා ඇති තරග තහනම ඉවත් කරන ලෙසට චාමර සිල්වා ක්‍රීඩකයා විසින් ජනාධිපති නීතිඥ කාලිංග ඉන්ද්‍රතිස්ස මහතා මගින් ලිපියක් එවමින් ක්‍රීඩා අමාත්‍යවරයාගෙන් පසුගියදා ඉල්ලීමක් කරනු ලැබිණි. මේ අතර අර්ජුන රණතුංග මහතා විසින්ද ක්‍රීඩා අමාත්‍යවරයා වෙත ලිපියක් එවමින් පවසා සිටියේ පානදුර-කළුතර ක්‍රිකට් සමාජයන්හි නිලධාරීන්ට එරෙහිවත් නීතිය ක්‍රියාත්මක කරන ලෙසයි.

මෙම තත්ත්වය සැලකිල්ලට ගනිමින් ක්‍රීඩා අමාත්‍ය නීතිඥ දයාසිරි ජයසේකර මහතා විසින් 2017.10-04 දින ජනාධිපති නීතිඥ පාලිත කුමාරසිංහ මහතාගෙන් යුත් ඒකපුද්ගල විමර්ශන කමිටුවක් පත් කර ඇති අතර, එළැඹෙන ඔක්තෝබර් 14 වැනිදා පෙ.ව. 9.30ට ක්‍රීඩා අමාත්‍යාංශයේ ශ්‍රවණාගාරයේ මෙම කමිටුව රැස්වීමට නියමිතයි. එහිදී චාමර සිල්වා ඇතුළු පාර්ශ්වයට මෙන්ම අර්ජුන රණතුංග මහතාට ද කරුණු දැක්වීමට අවස්ථාව ඇත. මේ සඳහා සහභාගී වන මෙන් ඉල්ලා 2017.10.04 දින ක්‍රීඩා අමාත්‍යතුමන් විසින් ඛනිජ තෙල්සම්පත් සංවර්ධන අමාත්‍ය අර්ජුන රණතුංග මහතාගෙන් ලිඛිතව ඉල්ලීමක්ද කර ඇත.

ඒ අනුව 2017.10.14 දින රැස්වන ජනාධිපති නීතිඥ පාලිත කුමාරසිංහ මහතාගෙන් යුත් ඒකපුද්ගල කමිටුව ඉදිරියේ තම ලිපියේ සඳහන් චෝදනා පිළිබඳ කරුණු දැක්වීමේ හැකියාව අමාත්‍ය අර්ජුන රණතුංග මහතාට ඇති අතර, එම දිනයේ නොහැකි නම් වෙනත් දිනයක හෝ පැමිණ කරුණු දැක්වීමට අවස්ථාව ඇත. ඉනික්බිති දෙපාර්ශ්වය ඉදිරිපත් කරන කරුණු සැලකිල්ලට ගනිමින් සැකසෙන වාර්තාව දෙසතියක් තුළ ක්‍රීඩා අමාත්‍යවරයා වෙත භාර දීමට නියමිතයි.

එම වාර්තාව පදනම් කරගනිමින් ක්‍රීඩාවේ විනයත්, ක්‍රිකට් ක්‍රීඩාවේ දැඩිව අවධාරණය කරනු ලබන මහත්මා ගුණයත් ආරක්ෂා වන පරිදි සාධාරණ විසඳුමක් ලබා දීමට ක්‍රීඩා අමාත්‍ය නීතිඥ දයාසිරි ජයසේකර මහතා ඉදිරියේදී කටයුතු කරනු ඇත.” යනුවෙන් එම නිවේදනයේ සඳහන්වේ.

ලබන ඔක්තෝබර් මාසයේ ආර්ජන්ටිනාවේ පැවැත්වෙන ලෝක යෞවන දුනු ශිල්ප තරගාවලිය සඳහා ශ්‍රී ලංකාව නියෝජනය කිරීමට රවීන් කවීෂ දල්පතාදු සහ එස්.එච්. තිසරු දිස්නෙක සුදුසුකම් ලබා ගත්හ.

ජාතික දුන්නෙන් විදීමේ සංගමය මෙම තරගාවලිය ඉලක්ක කර ගනිමින් පැවැත්වූ තේරීම් තරගවලදී ඌව දුන්නෙන් විදීමේ සංගමයේ රවීන් කවීෂ ලකුණු 1237ක්ද, කොළඹ ආනන්ද විද්‍යාලයේ එස්.එච්. තිසරු දිස්නෙක ලකුණු 1234ක්ද වාර්තා වාර්තා කරමින් ලෝක යෞවන සමාජ  පරිසාධන මට්ටම ඉක්මවීමට සමත් වූහ.

බණ්ඩාරවෙල ශා. තෝමස් විද්‍යාලයේ 11 ශ්‍රේණියේ ඉගෙනුම ලබන රවීන් කවීෂ ජාත්‍යන්තර මට්ටමේ දුනු ශිල්ප තරග කිහිපයක්ම ජයග්‍රහණය කළ අත්දැකීම් බහුල ක්‍රීඩකයකු වන අතර, තිසරු දිස්නෙක ජාතික මට්ටමේ දස්කම් දැක්වූ ක්‍රීඩකයෙකි.



අජිත් ප්‍රියන්ත - හපුත‍ලේ

පසුගියදා ඉන්දියාවේ කේරලයේ කොචිහි රජිව් ගාන්ධි ගෘහස්ථ ක්‍රීඩාංගණයේ පැවැති ලෝක ‍‍‍ජ්‍යෙෂ්ඨයන්ගේ බැඩ්මින්ටන් තරගාවලියේදී ශ්‍රී ලංකාවට පදක්කම් තුනක් හිමි විය. මෙම ක්‍රීඩා තරගය සඳහා ලංකාවෙන් ක්‍රීඩක ක්‍රීඩිකාවන් 30ක් පමණ සහභාගි වී තිබේ.
මෙහිදී 65+ කාණ්ඩයේ මිශ්‍ර යුගල අංශයෙන් තරග වැදුණු රෝහිණී ජයවර්ධන එම අංශයේ  ලෝකඩ පදක්කමද 40න් ඉහළ කාණ්ඩය යටතේ තරග වැදුණු චන්ද්‍රිකා ද සිල්වා එම අංශයේ රිදී පදක්කමද ජයග්‍රහණය කොට තිබේ. මීට අමතරව ලංකාව නියෝජනය කරමින් තරග වැදුණු ඉන්දුනීසියානු ජාතික ආනල්ඩ් ඩෙන්ඩෙන්ග්ද පිරිමි 50 වයස් කාණ්ඩය යටතේ රිදී පදක්කම දිනාගනු ලැබිය.
රෝහිණී ජයවර්ධන මින්පෙර දකුණු කොරියාවේ පැවැති ඹධපතඤ ථචඵබඥපඵ තරගාවලියේදීද රන් පදක්කමක් හා ලෝකඩ පදක්කමක් දිනාගනු ලැබුවාය. 65+ මිශ්‍ර යුගල තරගයේදී රෝහිණීගේ  සහකරු වූයේ මියන්මාරයේ ෆ්‍රිට්ස් මිනාකිය. ඔහුද ලංකාව නියෝජනය කරමින් තරගයට සහභාගි වීම විශේෂත්වයකි.
මගේ අංශයෙන් රන් පදක්කම දිනාගත්තේ කැනඩාව. ඩෙන්මාර්කයට එහි රිදී පදක්කම හිමිවුණා. මාත් එක්ක තරග කරපු ඉන්දීය කණ්ඩායම පරාද වෙද්දී පදක්කම් වැඩි තරමක් දිනපු ඉන්දියාවට ඒක හොඳටම දැනුණා. මේ තරග සඳහා ගමන් බිමන්, ආහාරපාන, ගුවන් ටිකට්පත් ඇතුළු සියලුම වියදම් ක්‍රීඩක ක්‍රීඩිකාවන්ගේ පෞද්ගලික මුදලිනුයි ඉටුකරගත්තේ. සම්මේලනය පැත්තෙන් කිසිම උදව්වක් ලැබුණේ නම් නෑ. ඒත් ඒකට කමක් නෑ. අපි රට වෙනුවෙන් දෙයක් කළා කියන ආත්ම තෘප්තිය තිබෙනවානේ. ඒ වගේම මෙහෙම හරි මේ ගැන ජනතාව දැනුවත් කරන එක ගැන සතුටුයි. මේ තරගාවලිය පැවැත්වෙන්නේ වසර 2කට වරක්. ඊළඟ තරගය 2019 දී. නිරෝගීව සිටියොත් ඊටත්  සහභාගි වන්න බලා‍පොරොත්තු වනවා.
තම ජයග්‍රහණය පිළිබඳ ලක්බිමට අදහස් පළකළ රෝහිණී ජයවර්ධන එලෙස පවසන්නීය.මිනිසුන් වයසත් සමග බොහෝ දේ අත්හරිති. අපේක්ෂා බිඳගනිති. එසේ වුවද හැත්තෑ වැනි වියද පසුකළ රෝහිණී ජයවර්ධනගේ ක්‍රීඩාශීලී බවින් අඩු නොවූ හඬ හැම දෙනාටම කියා දෙන්නේ හොඳ පාඩමක් නොවන්නේදැයි අපට සිතුණි.
 
ප්‍රසාදිකා ජයවර්ධන 

වෙළෙඳ සේවා වොලිබෝල් සංගමය මගින් සංවිධානය කරන ලද 2017 වෙළෙඳ සේවා වොලිබෝල් තරගාවලියේ සුපර් ලීග් පිරිමි ශූරතාව කටුනායක මාස් ඇක්ටිව් ලෙෂර්ලයින් දිනාගත් අතර, කාන්තා ශූරතාව දිනා ගැනීමට මාවතගම මාස් හෝල්ඩිංග්ස් සමත් විය.
මෙවර තරගාවලියේ විශිෂ්ටතම ක්‍රීඩකයා ලෙස සම්මාන දිනාගත් ෂෙහාන් ලක්ෂිතට (මාස් ඇක්ටිව් ලෙෂර්ලයින්) රු. 2,70,000ක් වටිනා යතුරුපැදියක් තිළිණ කෙරුණු අතර, විශිෂ්ටතම ක්‍රීඩිකාව ලෙස සම්මාන දිනාගත් තක්ෂිලා මධුරංගිට (මාස් හෝල්ඩිංග්ස්) රු. 1,80,000ක් වටිනා ස්කූටර් වර්ගයේ යතුරු පැදියක් ප්‍රදානය කිරීම කැපී පෙනෙන සිදුවීමක් විය.
පිරිමි සුපර් ලීග් අවසන් මහ තරගයේදී මාස් ඇක්ටිව් ලෙෂර්ලයින් හමුවේ ටීජේ ලංකා වට 3-1ක පරාජයක් ලැබූ අතර, කාන්තා සුපර් ලීග් අවසන් මහ තරගයේදී මාවතගම මාස් හෝල්ඩිංග්ස් හමුවේ මීරිගම බ්‍රැන්ඩික්ස් ෆාස්ට් ෆැෂන් තරග වට 3-0ක පරාජයක් ලැබිය.
කෝර්ටුවල්ඩ්ස් ක්ලෝතින් ලංකා පිල පිරිමි තෙවැනි ස්ථානයද, සීදූව බ්‍රැන්ඩික්ස් ග්‍රීන් ප්ලාන්ට් කාන්තා තෙවැනි ස්ථානයද දිනා ගැනීමට සමත් විය.

ප්‍රභාත් විදානපතිරණ

2017 මංචි ජාතික ශූරතා වොලිබෝල් තරගාවලිය මේ මස 30දා ආරම්භ කිරීමට සියලු කටයුතු සූදානම් කර තිබේ. මේ වසරේදීද සුපර් ලීග් යන ආධුනික ලෙස තරගාවලි දෙකක් පැවැත්වෙන අතර පිරිමි කාන්තා අංශ දෙකෙන්ම තරග පැවැත්වේ.
තරගාවලිය සඳහා 10 වැනි වරටත් සිලෝන් බිස්කට්ස් ආයතනයේ මංචි අනුග්‍රහය දක්වන බව පසුගියදා පැවැති මාධ්‍ය හමුවේදී අනාවරණය විය.

තරගාවලියෙ සමාරම්භක උළෙල ලබන 30දා වොලිබෝල් සභාපති විදුලි බල හා පුනර්ජනනීය ඇමැති රංජිත් සියඹලාපිටිය මහතාගේ ප්‍රදානත්වයෙන් ගලිගමුව මහ විදුහල් ක්‍රීඩාංගණයේදී පැවැත්වේ.
සුපර් ලීග් පිරිමි තරගාවලියට ගුවන් හමුදාව, නාවික හමුදාව, යුද හමුදාව, විදුලි බල මණ්ඩලය, ජාතික තරුණ සේවා, වරාය, ‍පොලීසිය හා වෙළෙඳසේවා ඒකාබද්ධ පිල තරග වදිති.
සුපර්ලීග් කාන්තා තරගාවලියට යුද හමුදාව, ගුවන් හමුදාව, නාවික හමුදාව, වරාය, වෙළෙඳසේවා හා ජාතික තරුණ සේවා කණ්ඩායම් තරග වදිති.

ආධුනික තරගාවලිය සඳහා අයැදුම්පත් ගැනීම ඔක්. 1දා අවසන් වන අතර තරග ගෘහස්ථ එළිමහන් පිටි වලදී පැවැත්වේ. සුපර් ලීග් තරගාවලියේ අවසන් තරග නොවැම්බර් 18දා තරුණ සේවා ගෘහස්ථ ක්‍රීඩාංගණයේදී පැවැත්වේ. සුපර් ලීග් ශූරයන් රු. 1,50,000ක්ද අනුශූරයන්ට රු. 1,00,000ක්දතෙවැනි ස්ථානයට රු. 50,000ක්ද පිරිනැමේ.

ආධුනික තරගාවලියේ ශූරයන්ට රු. 1,00,000ක්ද අනුශූරයින්ට 50,000ක්ද තෙවැනි ස්ථානයට රු. 25,000ක්ද පිරිනැමේ.

මංගල ධර්මප්‍රේම

මේ දිනවල වස්කඩුවේ සිට්රස් හෝටලය කේන්ද්‍ර කොටගෙන පැවැත්වෙන 2 වැනි බටහිර ආසියානු යොවුන් චෙස් තරගාවලියේදී වේගී අංශයේ ඉසව් 12න් රන් පදක්කම් 8ක්ම දිනා ගැනීමට ශ්‍රී ලංකා ක්‍රීඩක-ක්‍රීඩිකාවෝ සමත් වූහ.
බටහිර ආසියානු කලාපයේ ශ්‍රී ලංකාව, ඉන්දියාව, එක්සත් අරාබි එමීර් රාජ්‍යය, බංගලිදේශය, කසකස්තානය, කිර්ගිස්තානය, ටර්ක්මෙනිස්තානය සහ මාලදිවයින යන රටවල් නියෝජනය කරමින් ක්‍රීඩක-ක්‍රීඩිකාවන් 175 දෙනෙක් පමණ මෙම තරගාවලියට එක්වී සිටිති.
වයස අවුරුදු 8න් පහළ, 10න් පහළ, 12න් පහළ, 14න් පහළ, 16න් පහළ සහ 18න් පහළ වයස් සීමාවන් යටතේ බාලක-බාලිකා තරග ඉසව් 12ක් පැවැත්විණි.
මෙහිදී රන් පදක්කම් දිනා ගැනීමට කැන්ඩිඩේට් මාස්ටර් ටී.ඩී. වික්‍රමරත්න (8න් පහළ බාලක), එම්. එසඳි නෙවංසා (8න් පහළ බාලිකා), ලළිඳු සෙත්මිණ (10න් පහළ බාලක), එම්. තිසල් මංජිත් පියුමන්ත (12න් පහළ බාලක), කැන්ඩිඩේට් මාස්ටර් හර්ෂණ තිලකරත්න (14න් පහළ බාලක), කාන්තා කැන්ඩිඩේට් මාස්ටර් නික්‍ලේෂා තරුෂි (14න් පහළ බාලිකා), කාන්තා කැන්ඩිඩේට් මාස්ටර් සයුනි ගිහංසා ජයවීර (16න් පහළ බාලිකා) සහ ජී.එම්.එස්. තිලකරත්න (18න් පහළ බාලක) සමත්වූහ.
(පමෝද්)
IMAGE

ඒ ආදර කතාව ඉවරයි මම දැන් සින්ගල්

IMAGE 2017 Nov 19 17:31
සිරස ජුනියර් සුපර් ස්ටාර් කියන්නේ මේ දවස්වල ප්‍රේක්ෂකයන් ආදරයෙන් වැළඳ ගත් රියැලිටි...
Views - 2983

කේන්ද්‍රයක මාරක අපල තිබීමටත් වඩා නොතිබීම භයානකය

IMAGE 2017 Nov 19 15:19
මහජන බැංකු විශ්‍රාමික සංගමයේ පිළියන්දල කැස්බෑව ශාඛාවේ අටවන සංවත්සරික සභාව පසුගිය...
Views - 1813

නීල හරිත ෆුල් සූට් එක පෙන්වා අමුඩ කෙටිය ගලවා ගන්න එපා

IMAGE 2017 Nov 19 11:35
මෙවර අයවැය ලෝකයේ දියුණුම ආර්ථික සංකල්පයක් වන නීල-හරිත ආර්ථිකයට රට යොමු කරවන්නක් බව මුදල්...
Views - 1394

ඔහු නොවන්නට ලෝක ක්‍රිකට් මේ තරම් දියුණු නොවනු ඇත

IMAGE 2017 Nov 18 00:19
අද මට ඉතාමත් සතුටු දවසක්. ඉන්දියාවේ ජාතික ක්‍රිකට් කණ්ඩායමේ විරාත් කෝලි සහ ඔහුගේ කණ්ඩායමත්...
Views - 3544

මෙතේ බුදු පදවිය ලබන්නේ බැංකු කළමණාකරුවෙක්ද?

IMAGE 2017 Nov 17 12:13
ඔහු මධ්‍යම පළාතේ වාණිජ බැංකුවක කළමණාකරුවෙකි.  ඔහුගේ වයස අවුරුදු 45 ක් පමණ වේ. ක්‍රිස්තියානි...
Views - 5984

බොහෝ කලා කරුවන් තමන්ගේ පවුල් ජීවිත ගැන කියන්නේ බොරු

IMAGE 2017 Nov 16 11:31
වත්මන් ශ්‍රී ලාංකීය ජන සමාජයේ දික්කසාද වීම් සහ පවුල් අර්බුද පැන නැගීම සම්බන්ධයෙන් කලා...
Views - 5250

Please publish modules in offcanvas position.