Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - [email protected].com youtube
Coss Ear2
lakbima.lk
COSS Ear 1
                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

යූ.ඩබ්ලිව්. සුමතිපාල අනුස්මරණ කුසලාන 65 වැනි ජාතික ශූරතා ස්නූකර් තරගාවලියේ පළමු අදියරේ තරග අද (15දා) කොළඹ මුවර්ස් ක්‍රීඩා සංගම් ශාලාවේදී ආරම්භ කෙරේ.
ජාතික ශූරතා ස්නූකර් තරගාවලිය සඳහා සුමති සමූහ ව්‍යාපාරය 15 වැනි වරටත් අනුග්‍රාහකත්වය දක්වන අතර, එම සමාගමේ නිර්මාතෘ දිවංගත යූ.ඩබ්ලිව්. සුමතිපාල අනුස්මරණ කුසලාන වෙනුවෙන් තරගාවලිය පැවැත්වේ.
ප්‍රාදේශීය තරගවලදී දස්කම් දැක්වූ ක්‍රීඩකයින් 29 දෙනකු සමස්ත ලංකා මට්ටමෙන් පැවැත්වෙන තරගාවලිය සඳහා එක්වී සිටින අතර, එම ක්‍රීඩකයින් කාණ්ඩ 8ක් යටතේ තරග වදියි.
පළමු අදියරේ තරග 8ක් අද පැවැත්වෙන අතර, ලබන 19දා දක්වා පළමු අදියරේ තරග ක්‍රියාත්මක කෙරේ.
තරගාවලිය පිළිබඳව මාධ්‍ය දැනුවත් කිරීමේ හමුවේදී සුමති සමූහ ව්‍යාපාරය මගින් ලබාදුන් අනුග්‍රාහක චෙක්පත ශ්‍රී ලංකා බිලියඩ් සහ ස්නූකර් සම්මේලනයේ සභාපති සුල්ස්කි විසේලා මහතා විසින් එම සංගමයේ භාණ්ඩාගාරික ඇන්ටන් කන්දයියා මහතාට භාරදුන් අයුරු ඡායාරූපයෙන් දිස්වේ.

ඡායාරූපය:- තුෂාර අතපත්තු

ශ්‍රී ලංකා බොක්සිං සම්මේලනයේ මෙහෙයවීමෙන් කොළඹ රාජකීය-මාස් බොක්සිං වළල්‍ලේදී පවත්වන ලද 91 වැනි ක්ලිෆර්ඩ් කුසලාන බොක්සිං තරගාවලියේ සමස්ත පිරිමි ශූරතාව දිනා ගැනීමට ස්ලිම්ලයින් ක්‍රීඩා සමාජය සමත් විය.
මෙවර කාන්තා අංශයේ සමස්ත ශූරතාව යුනිචෙලා ක්‍රීඩා සමාජය සතුවිය.
පිරිමි අනුශූරතාව යුද හමුදාව දිනාගත් අතර, හෙල ක්ලෝතින් ක්‍රීඩා සමාජයට කාන්තා අනුශූරතාව හිමි විය.
පිරිමි සහ කාන්තා දෙවැනි අනුශූරතාව පිළිවෙළින් නාවික හමුදාව සහ ගුවන් හමුදාව සතුවිය.
සමස්ත පිරිමි ශූරතාව දිනාගත් ස්ලිම් ලයින් ක්‍රීඩා සමාජයට  රන් පදක්කම් 6ක්, රිදී පදක්කම් 2ක් සහ එක් ලෝකඩ පදක්කමක් හිමි විය.
එල්.අයි. පෙරේරා (කි.ග්‍රෑම්. 49) යූ.එන්.කේ. අමරවංශ (කි.ග්‍රෑ. 56), අනුරුද්ධ බණ්ඩාර ගුණතිලක (කි.ග්‍රෑ. 60), දිනිදු දුෂාන් සපරමාදු (කි.ග්‍රෑ. 64), ජී.ජී. ඩිල්ෂාන් ගුණසේකර (කි.ග්‍රෑ. 75) සහ ලහිරු රත්නදිවාකර (කි.ග්‍රෑ. 91ට වැඩි) ස්ලිම් ලයින් ක්‍රීඩා සමාජයට රන් පදක්කම් දිනා දීමට සමත් වූහ.
කාන්තා ශූරතාව දිනාගත් යුනිචෙලා ක්‍රීඩා සමාජය රන් පදක්කම් 5ක්, රිදී පදක්කම් 2ක් සහ ලෝකඩ පදක්කම් 3ක් හිමි විය.
අනූෂා කොඩිතුවක්කු (කි.ග්‍රෑ. 48), අනුරාධා ජයසිංහ (කි.ග්‍රෑ. 51), කේෂානි  හංසිකා (කි.ග්‍රෑ. 57), එච්.එන්.කේ.ජී.එල්. උදයංගනී (කි.ග්‍රෑ. 69), ජී.ඩී.එම්. හංසිකා ජයදේව (කි.ග්‍රෑ. 81ට වැඩි) යුනිචෙලා වෙනුවෙන් රන් පදක්කම් දිනා දුන්හ.
දින 5ක් පුරා පැවැති මෙවර තරගා මාලාවේ දක්ෂතම ක්‍රීඩකයා ලෙස සම්මාන දිනා ගැනීමට ස්ලිම් ලයින් ක්‍රීඩා සමාජය නියෝජනය කළ දිනිදු උෂාන් සපරමාදු (කි.ග්‍රෑ. 64 බර පන්තිය) සමත් වූ අතර, යුනිචෙලා ක්‍රීඩා සමාජයේ අනූෂා කොඩිතුවක්කු (කි.ග්‍රෑ. 48 බර පන්තිය) දක්ෂතම ක්‍රීඩිකාව ලෙස සම්මාන ලැබුවාය.
දක්ෂතම ක්‍රීඩකයා වූ දිනිදු සපරමාදු ගිරිඋල්ල වික්‍රමශීලා ජාතික පාස‍ලේ ආදි ශිෂ්‍යයකු වන අතර, ජාත්‍යන්තර මට්ටමේ පදක්කම්ලාභී ක්‍රීඩකයකුද වෙයි. ජාත්‍යන්තර මට්ටමේ පදක්කම්ලාභිනියක වන අනූෂා කොඩිතුවක්කු ගිරිඋල්ල හමංගල්ල මහ විදුහ‍ලේ ආදි ශිෂ්‍යාවකි.
මෙවර තරගාවලියේ දක්ෂතම පරාජිතයන් ලෙස කිලෝ ග්‍රෑම් 56 බර පන්තිය නියෝජනය කළ හෙල ක්ලෝතින් ක්‍රීඩා සමාජයේ ඩී.ජී.ආර්.අයි. වර්ණසූරිය නම් කෙරුණු අතර, කිලෝ ග්‍රෑම් 51 බර පන්තිය යටතේ තරග කළ ශ්‍රී ලංකා යුද හමුදාවේ එච්.එස්. ප්‍රියදර්ශනී දක්ෂතම පරාජිත ක්‍රීඩිකාව ලෙස තිළිණ ලැබුවාය.
මෙවර පිරිමි සමස්ත ශූරතාව දිනාගත් ස්ලිම් ලයින් ක්‍රීඩා සමාජයේ පුහුණුකරුවන් ලෙස රවීන්ද්‍ර වෑකඩ‍පොල, කමල් සමීර, මංජු වන්නිආරච්චි කටයුතු කළ අතර, කාන්තා ශූරතාව දිනාගත් යුනිචෙලා ක්‍රීඩා සමාජයේ පුහුණුකරුවන් ලෙස හර්ෂ කුමාර, චමිල අබේරත්න සහ නිපුන ජයසිංහ කටයුතු කළහ.
ශ්‍රී ලංකා බොක්සිං සම්මේලනයේ නව සභාපති ඩයන් ගෝමස් මහතාගේ ප්‍රධානත්වයෙන් ජයග්‍රාහී කණ්ඩායම් සඳහා තිළිණ ප්‍රදානය සිදු කෙරුණි.

සපුමල් වීදියබණ්ඩාර

ඉන්දියාවේදී අද (14දා) ඇරඹෙන ඔලිම්පියාඩ් යොවුන් චෙස් තරගාවලිය සඳහා  ශ්‍රී ලංකාවෙන් ක්‍රීඩක ක්‍රීඩිකාවන් පස් දෙනකුගෙන් යුත් කණ්ඩායමක් සහභාගි වෙති.
කුරුණෑගල මලියදේව විද්‍යාලයේ හර්ෂණ තිලකරත්න නායකත්වය දරන මෙම කණ්ඩායමට භානුක නිම්සිත් වික්‍රමසිහ (කොළඹ ආනන්ද විද්‍යාලය), රගුපරන් ඉලම්පූර්ණන් (ගල්කිස්ස ශා. තෝමස් විද්‍යාලය), අයි.එම්.පී.ටී. ගුණවර්ධන (කුරුණෑගල මලියදේව විද්‍යාලය) සහ තරුෂි නික්‍ලේෂා (කොළඹ විශාඛා විද්‍යාලය) ඇතුළත් වෙති.
රත්නපුර ෆර්ගියුසන් බාලිකා විද්‍යාලයේ ආචාරිනී ඒ.ජේ.ඩී. අතුකෝරල මහත්මිය කණ්ඩායමේ කළමනාකරිනිය ලෙස කටයුතු කරයි.
ශ්‍රී ලංකා ජාතික චෙස් පුහුණුකරු ග්‍රෑන්ඩ් මාස්ටර් දිමිතේ‍රා් කොම්රෝ සහ ‍පොදුරාජ්‍ය මණ්ඩලීය චෙස් සංගමයේ ‍ලේකම් ලක්ෂ්මන් විජේසූරිය මහතා සමගින් ශ්‍රී ලංකා කණ්ඩායම ඡායාරූපයෙන් දිස්වේ.
(පමෝද්)

ජාතික ස්කොෂ් සම්මේලනය සංවිධානය කරන 37 වැනි ජාතික ශූරතා ස්කොෂ් තරගාවලිය (2017) ශ්‍රී ලංකා යුද හමුදා අනුග්‍රහයෙන් මේ මස 16දා සිට 19දා දක්වා සුගතදාස ගෘහස්ථ ක්‍රීඩාංගණයේදී පැවැත්වේ.
මෙම තරගාවලිය පිරිමි සහ කාන්තා විවෘත, අවු. 35, 45, 50 සහ 55 යන වයස් කාණ්ඩ යටතේ තරග පැවැත්වේ.
මෙම තරගාවලියට අනුග්‍රාහකත්වය ලබාදෙන ලෙස යුද හමුදාපති ලුතිනන් ජෙනරාල් මහේෂ් සේනානායක මහතාගෙන් ස්කොෂ් සම්මේලනය කරන ලද ඉල්ලීමට අනුව යුද හමුදාපතිවරයා මෙම තරගාවලියට යුද හමුදා අනුග්‍රහය ලබා දීමට පියවර ගෙන තිබේ.

යුද හමුදාව ක්‍රීඩා ඉසව්වක් සඳහා අනුග්‍රාහකත්වය දක්වන ප්‍රථම අවස්ථාව මෙය බව යුද හමුදා මාධ්‍ය අධ්‍යක්ෂ මේජර් ජෙනරාල් රොෂාන් සෙනෙවිරත්න මහතා සඳහන් කරයි.
යුද හමුදා අනුග්‍රාහකත්ව චෙක්පත යුද හමුදා ස්කොෂ් කමිටු සභාපති බ්‍රිගේඩියර් එච්.ජී.අයි. විද්‍යානන්ද මහතා විසින් ජාතික ස්කොෂ් සංගමයේ සභාපති ගුවන් කොමදෝරු (විශ්‍රාමික) ඒ. අබේසේකර මහතාට ප්‍රදානය කළ අයුරු ඡායාරූපයෙන් දිස්වේ. මේජර් ජෙනරාල් රොෂාන් සෙනෙවිරත්න මහතා ඇතුළු නිලධාරීන් එම අවස්ථාවට එක්වූහ.

ඡායාරූපය - නිමල්සිරි එදිරිසිංහ

ශ්‍රී ලංකා වොලිබෝල් සම්මේලනය ඩයලොග් ආසියාටා සමාගමේ පූර්ණ අනුග්‍රාහකත්වය ඇතිව පවත්වනු ලබන ‘ඩයලොග් ජනාධිපති රන් කුසලාන වොලිබෝල් තරගාවලියේ’ විවෘත අංශයේ අවසන් මහ තරග සඳහා සුදුසුකම් ලබා ගැනීමට නාත්තන්ඩිය යුනයිටඩ්, කටාන ඒකාබද්ධ, සියඹලාගොඩ කපිල සහ කොස්වාඩිය විජය ක්‍රීඩා සමාජ සමත් විය.
විවෘත සහ අවු. 22න් පහළ වශයෙන් කාණ්ඩ දෙකක් යටතේ පැවැති මෙම තරගාවලියේ අවු. 22න් පහළ අවසන් තරග සඳහා හුංගම විජයබා, හලාවත ඒකාබද්ධ, කුරුණෑගල කැෂුවලයින් සහ ගලිගමුව බෝයගම සිරි පැරකුම් ක්‍රීඩා සමාජ සුදුසුකම් ලබා ගත්තේය.
දිස්ත්‍රික් ජයග්‍රාහී කණ්ඩායම් 100කගේ සහභාගිත්වයෙන් පැවැති මෙම ජාතික මට්ටමේ තරග පසුගිය 9 සහ 10 දා ඇඹිලිපිටිය මහවැලි ක්‍රීඩාංගණයේදී පැවැත් වුණි.
කාණ්ඩ දෙකේම පිරිමි සහ කාන්තා අවසන් මහා තරග දෙසැම්බර් 18 දා සුගතදාස ගෘහස්ත ක්‍රීඩාංගණයේදී ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් පැවැත්වේ.
විවෘත පිරිමි අවසන් පූර්ව තරගවලදී නාත්තන්ඩිය යුනයිටඩ් වට 3-0කින් (25-18, 25-22, 25-15) බොරැලැස්ගමුව බලරැස් පරාජය කරමින්ද, කටාන ඒකාබද්ධ වට 3-2කින් (22-25, 25-23, 25-20, 25-27, 15-09) දෙබෑගම රන්තරු පරාජය කරමින්ද අවසන් තරග තරග සඳහා සුදුසුකම් ලබා ගත්තේය.
විවෘත කාන්තා අවසන් පූර්ව තරගවලදී කොස්වාඩිය විජය ක්‍රීඩා සමාජය වට 3-0කින් (25-21, 25-16, 25-20) රදාවාන ගෝල්ඩන් බර්ඩ්ස් පරාජය කරමින්ද, සියඹලාගොඩ කපිල ක්‍රීඩා සමාජය වට 3-1 කින් (25-23, 25-18, 23-25, 25-20) කුරුණෑගල කැෂුවලයින් පරාජය කරමින්ද අවසන් තරග සඳහා සුදුසුකම් ලැබිය.
අවු. 22න් පහළ පිරිමි අවසන් පූර්ව තරගවලදී හුංගම විජයබා වට 3-1කින් රුවන්වැල්ල රාජසිංහ පරාජය කරමින්ද, හලාවත ඒකාබද්ධ වට 3-2කින් සීදූව දවිසමර පරාජය කරමින්ද අවසන් තරග සඳහා සුදුසුකම් ලැබිය.
අවු. 22න් පහළ කාන්තා අවසන් පූර්ව තරගවලදී කුරුණෑගල කැෂුවලයින්  වට 2-0කින් ඇහැලියගොඩ ධර්මපාල පරාජය කරමින්ද, ගලිගමුව බෝගම සිරි පැරකුම් වට 2-0කින් හුංගම විජයබා පරාජය කරමින්ද අවසන් තරග සඳහා සුදුසුකම් ලබා ගත්තේය.

ප්‍රභාත් විදානපතිරණ
 

ශ්‍රී ලංකා පාසල් පාපන්දු සංගමය සංවිධානය කරන අවු. 14න් පහළ අන්තර් පාසල් පාපන්දු තරගාවලියේ ගාල්ල දිස්ත්‍රික් ශූරයන් වෙමින් සමස්ත ලංකා තරගාවලියට සුදුසුකම් ලබා ගැනීමට මහින්ද විදුහල් පිල සමත් විය.
පාසල් 20කට අධික සංඛ්‍යාවකගේ සහභාගිත්වයෙන් පැවැති ගාල්ල දිස්ත්‍රික් තරගාවලියේ අවසන් තරගයේදී ශා. ඇලෝසියස් විද්‍යාලයට එරෙහිව දඬුවම් පහර ආශ්‍රිතව ගෝල 3-1ක ජයක් වාර්තා කිරීමට මහින්ද විද්‍යාලය සමත්විය.
මහින්ද විද්‍යාලය අවසන් පූර්ව තරගයේදී ගිංතොට සහිරා විද්‍යාලය ගෝල 1-0කින් පරාජය කරමින් අවසන් තරගයට සුදුසුකම් ලබා ගත්තේය.
ඕ.කේ.ජී. අකලංක මහින්ද විදුහල් පි‍ලේ නායකයා ලෙස කටයුතු කළ අතර, ඒ.එම්.ඒ. නිශාන්ත මහතා පුහුණුකරු ලෙස කටයුතු කරයි.
(පමෝද්)

Page 1 of 11

IMAGE

ෆේස්බුක් එකෙන් ඔබේ හිතේ ලෙඩ ගැනත් කියන්න පුළුවන්

IMAGE 2017 Dec 15 10:42
ඔබටත් ෆේස්බුක් ගිණුමක් තිබෙනවාද? එසේ ගිණුමක් තිබෙනවා නම් ඔබ ඒ සඳහා දවසකට; සතියකට හෝ මාසයකට පැය...
Views - 1273

සුද්දන්ට උණවටුන එපා කරවන ඩිස්කෝ ඩාන්ස්

IMAGE 2017 Dec 14 07:56
ආචාර්ය ආතර් සී. ක්ලාක් විද්වතා පවසන ආකාරයට උණවටුන වෙරළ තීරය ලෝකයේ ඇති දර්ශනීය වෙරළ දොළහෙන්...
Views - 2720

ගැබිණි නිලධාරිනිය අධ්‍යක්ෂක හා 'හනිමූන්' ගිහින්

IMAGE 2017 Dec 13 10:33
ඔහු මෙරට ප්‍රමුඛතම සමාගමක අධ්‍යක්ෂ වරයෙකි. වයස අවුරුදු 40 ක් පමණ වන ඔහු දරු දෙදෙනෙකුගේ පියෙක්...
Views - 8222

2017 විශ්ව රූ රැජින ඩෙමී සහ අපේ ක‍්‍රිස්ටියානා

IMAGE 2017 Dec 13 10:17
ලෝක රූ රැජින තේරීමේ තරගයේ උණුසුම පහව යෑමටත් පෙර තවත් සුරූපිනියක් විශ්ව රූ රැජින ලෙස  කිරුළ...
Views - 4115

ඉන්දීය ක්‍රිකට් නායක විරාත් කෝලි නිලියක ගේ අත ගනී

IMAGE 2017 Dec 12 12:41
ඉන්දීය ක්‍රිකට් නායක විරාත් කෝලි ඊයේ (11) යුග දිවියට එළඹුණි. ඔහුගේ අතගත් මනාලිය වූයේ බොලිවුඩ්...
Views - 4343

පාතාලයට ඔත්තු දීමේ වරදට වෙඩි කෑ රූපලාවන්‍ය ශිල්පිනිය

IMAGE 2017 Dec 12 10:22
අතුරුගිරිය නගරයේ පිහිටි සයෝනාරා රූපලාවන්‍යාගාරයේ හිමිකාරිය වන හතළිස්හත් වියැති මංජුලා...
Views - 6003

Please publish modules in offcanvas position.