Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - [email protected] youtube
Coss Ear2
lakbima.lk
COSS Ear 1
                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

කොළඹ රාජකීය සහ මහනුවර ත්‍රිත්ව අතර බ්‍රැඩ්බි පළිහ රග්බි තරගයේ දෙවැනි අදියරයෙන් ලකුණු 13-8ක ජයක් වාර්තා කළ රාජකීය බ්‍රැඩ්බි පළිහ දිනා ගැනීමට සමත් විය.
පළමු අදියරයේදී ලකුණු 22-17ක ජයක් වාර්තා කළ රාජකීය විදුහල අදියර දෙක අවාසනයේදී ලකුණු 35-25ක ජයක් හිමිකරගෙන තිබුණි.
දෙවැනි අදියර තරගයේදී රාජකීය වෙනුවෙන් උත්සාහක දිනුම් වාර්තා කිරීමට සසිත කරුණාරත්න සහ හිමන්ත හිරුෂාන් සමත් වූ අතර, මොහොමඩ් ෂරීක් දඬුවම් පහරක් මගින් ලකුණු ලබා ගත්තේය.
ත්‍රිත්ව වෙනුවෙන් අවිශ්ක ප්‍රියංකර උත්සාහක දිනුමක් වාර්තා කළ අතර, ලෂේන් විජේසූරිය දඬුවම් පහරක් මගින් ලකුණු ලබා ගත්තේය.

අන්තර් පාසල් ලීග් රග්බි ප්‍ලේට් තරගාවලිය යටතේ පැවැති කටුගස්තොට ශා. අන්තෝනි සහ ගල්කිස්ස විද්‍යා විදුහල අතර තරගයෙන් ලකුණු 43-17ක ජයක් වාර්තා කළ කටුගස්තොට ශා. අන්තෝනි ප්‍ලේට් ශූරතාව දිනා ගැනීමට සමත් විය.
ශා. අන්තෝනි ගෝල 5ක් උත්සාහක දිනුමක් සහ දඬුවම් පහරක් මගින් ලකුණු ලබාගත් අතර, විද්‍යා විදුහල ගෝල 2ක් සහ උත්සාහක දිනුම් 2ක් මගින් ලකුණු ලබා ගත්තේය.
ප්‍රථම භාගය අවසන් වන වට ශා. අන්තෝනි ලකුණු 22-12ක් ලෙස පෙරමුණේ පසුවිය.
තරග ආරම්භයේදීම දිනුක් අමරසිංහ උත්සාහක දිනුමක් වාර්තා කළ අතර, විද්‍යා විදුහල වෙනුවෙන් ඉෂාර මධුසංඛ සහ 
රොෂේන් උත්සාහක දිනුම් වාර්තා කිරීම නිසා ලකුණු 12-7ක් ලෙස විද්‍යා පෙරමුණ ගත්තේය.
ඉන්පසු ක්‍රියාත්මක වූ දිනුක් අමරසිංහ සිය දෙවැනි උත්සාහක දිනුම වාර්තා කළ අතර, ජනිඳු හිම්සර උත්සාහක දිනුමක් වාර්තා කිරීම හේතුවෙන් ශා. අන්තෝනි ලකුණු 19-12ක් ලෙස පෙරමුණ ගත්තේය.
ප්‍රථම භාගය නිම වීමට ආසන්නයේ සැමුවෙල් මධුවන්ත දඬුවම් පහරක් නිම කිරීම නිසා ශා. අන්තෝනි 22-12ක් ලෙස පෙරමුණ ගත්තේය.
දෙවැනි භාගයේදී යළිත් ක්‍රියාත්මක වූ දිනුක් අමරසිංහ සිය තෙවැනි උත්සාහක දිනුම වාර්තා කළ අතර, එහි ප්‍රවර්ථනය සාර්ථක වීම නිසා ලකුණු 29-12ක් ලෙස ශා. අන්තෝනි පෙරමුණට පැමිණියේය.
ඉන්පසු ජෙහාන් සීලගම සහ ශෂික විජේවර්ධන උත්සාහක දිනුම් වාර්තා කළ අතර, ජෙහාන් සීලගම ප්‍රවර්ථන සාර්ථකව නිම කළේය.
විද්‍යා වෙනුවෙන් දෙවැනි උත්සාහක දිනුම වාර්තා කිරීමට රොෂේන් සමත් වූ අතර, අවසානයේ ලකුණු 43-17ක් ලෙස විද්‍යා විදුහලට ජය හිමිවිය.
මේ අතර ධර්මරාජ සහ වේල්ස් කුමර අතර පැවැති තරගයෙන් ජය වාර්තා කිරීමට ධර්මරාජ සමත් වූ අතර, මහනුවර කිංග්ස්වුඩ් සහ ඩී.එස්. සේනානායක අතර තරගයෙන් ජය ගැනීමට මහනුවර කිංග්ස්වුඩ් සමත් විය.
කටුගස්තොට ශා. අන්තෝනි සහ මහනුවර ධර්මරාජ සම තරග සංඛ්‍යාවක් ජයගෙන තිබුණද වාර්තා කරන ලද වැඩිම උත්සාහක දිනුම් ගණනය කිරීමෙන් ශා. අන්තෝනිට ප්‍ලේට් ශූරතාව හිමිවිය.
 
මංගල ධර්මප්‍රේම

අන්තර් පාසල් ලීග් රග්බි තරගාවලිය යටතේ පැවැති තීරණාත්මක තරගයෙන් මහනුවර ත්‍රිත්ව ලකුණු 22-17 කින් පරාජය කළ කොළඹ රාජකීය 2017 ලීග් ශූරතාව දිනා ගැනීමට සමත්විය.
ඉතා තියුණු මුහුණුවරක් ගත් මෙම තරගයේදී පළමු භාගයේදී රාජකීය ලකුණු 10-05 ක් ලෙස පෙරමුණේ පසුවිය.
රාජකීය ගෝල 2 ක්, උත්සාහක දිනුමක් සහ දඬුවම් පහරක් මගින් ලකුණු රැස් කළ අතර ත්‍රිත්ව ගෝලයක් සහ උත්සාහක දිනුම් 2 ක් මගින් ලකුණු ලබා ගත්තේය.
තරගය ආරම්භයේදීම ත්‍රිත්ව වෙනුවෙන් උත්සාහක දිනුමක් වාර්තා කිරීමට රෂාන් බණ්ඩාරනායක සමත්වූ අතර එහි ප්‍රවර්තනය අසාර්ථක වීමෙන් ලකුණු තත්ත්වය 5-0 ක් විය.
ඉන් පසු ක්‍රියාත්මක වූ මෙහොමඩ් ෂීරෝස් වාර්තා කළ උත්සාහක දිනුමේ ප්‍රවර්තනය නිම කිරීමට මොහොමඩ් ෂකීර් සමත්වීමෙන් ලකුණු 7-5 ක් ලෙස රාජකීය පෙරමුණ ගත්තේය.
පළමු භාගය නිම වීමට පෙර දඬුවම් පහරක් නිම කිරීමට ෂකීර් සමත් වීමෙන් රාජකීය ලකුණු 10-05 ක් ලෙස පෙරමුණ ගත්තේය.
දෙවැනි භාගය ආරම්භයේදීම ක්‍රියාත්මක වූ ලෂේන් විජේසූරිය උත්සාහක දිනුමක් වාර්තා කර එහි ප්‍රවර්තනය නිම කිරීමෙන් ත්‍රිත්ව ලකුණු 12-10 ක් ලෙස ඉදිරියට පැමිණියේය.
ඉමන්ත හිරුෂාන් වාර්තා කළ උත්සාහක දිනුමේ ප්‍රවර්තනය අසාර්ථක වුවද රාජකීය යළිත් ලකුණු 15-12 ක් ලෙස පෙරට පැමිණියේය.
ඉන් පසු අශේන් ප්‍රනාන්දු වාර්තා කළ උත්සාහක දිනුමේ ප්‍රවර්තනය නිම කිරීමට ෂකීර් සමත්වීමෙන් ලකුණු 22-12 ක් ලෙස රාජකීය ජය මාවතට පිවිසියේය.
තරගය නිමවීමට මිනිත්තු 5 ක් තිබියදී උත්සාහක දිනුමක් වාර්තා කිරීමට වොරන් වීරකෝන් සමත් වූවද එය ත්‍රිත්ව පරාජය වළක්වා ගැනීමට ප්‍රමාණවත් නොවීය. අවසන් ලකුණු තත්ත්වය 22-17 ක් ලෙස සටහන් විය.
 
ඉසිපතන 28 යි වෙස්ලි 00 යි
හැව්ලොක් පිටියේ පැවැති ඉසිපතන සහ වෙස්ලි අතර තරගයෙන් ලකුණු 28-00 ක පහසු ජයක් වාර්තා කිරීමට ඉසිපතන සමත්විය.
 
ශා. පීතර 25 යි ශා. තෝමස් 25 යි
බම්බලපිටියේ පැවැති ශා. පීතර සහ ශා. තෝමස් අතර තරගය ලකුණු 25-25ක් ලෙස ජය පරාජයෙන් තොරව අවසන් විය.
 
ශා. ජෝසප් 38 යි සහිරා 14 යි
වැලිසරදී පැවැති ශා. ජෝසප් සහ සහිරා අතර තරගයෙන් ලකුණු 38-14 ක ජයක් වාර්තා කිරීමට ශා. ජෝසප් සමත් විය.
 
මංගල ධර්මප්‍රේම

ආසියානු ශූරතා රග්බි තරගාවලියේ තීරණාත්මක තරගයෙන් ශ්‍රී ලංකාවට එරෙහිව ලකුණු 22-09 ක ජයක් වාර්තා කළ මලයාසියාව ‘ඒ’ කොටසට උසස්වීමට සමත්විය.
පළමු භාගය අවසන් වන විට ශ්‍රී ලංකාව ලකුණු 6-5 ක් ලෙස පෙරමුණ ගෙන සිටියද දෙවැනි භාගයේදී ශ්‍රී ලංකාව පරාජය කිරීමට මලයාසියාව සමත්විය.
මලයාසියාව ගෝල 2 ක් උත්සාහක දිනුමක් සහ දඬුවම් පහරක් මගින් ලකුණු ලබා ගත් අතර ශ්‍රී ලංකාව දඬුවම් පහර 3 ක් මගින් ලකුණු ලබා ගත්තේය.

ආසියානු ශූරතා රග්බි තරගාවලිය යටතේ ශ්‍රී ලංකාව සහභාගි වන දෙවැනි තරගය අද (17දා) එක්සත් අරාබි එමීර් රාජ්‍යයට එරෙහිව මලයාසියාවේදී පැවැත්වේ.
ශ්‍රී ලංකාව සහභාගි වූ පළමු තරගයෙන් පිලිපීනයට එරෙහිව ලකුණු 24-13ක ජයක් වාර්තා කළේය.
මෙම තරගයේදී විශිෂ්ට ක්‍රීඩා විලාශයක නිරත වූ තිළිණ විජේසිංහ දඬුවම් පහර 4ක් සහ ප්‍රවර්ථනයක් මගින් ලකුණු ලබා ගනිමින් ශ්‍රී ලංකා ජය තහවුරු කළේය.
මහනුවර ක්‍රීඩා සමාජය නියෝජනය කරමින් පළමු වරට ශ්‍රී ලංකා පිලට එක්වූ තිළිණ විජේසිංහට අද තරගයේදීද වැඩි වගකීමක් පැවරී තිබේ.
මේ පිළිබඳව අදහස් දක්වා ඇති ශ්‍රී ලංකා නායක රොෂාන් වීරරත්න පවසා ඇත්තේ පළමු තරගයේ ජයග්‍රහණය වෙනුවෙන් තිළිණ විජේසිංහගෙන් සිදුවූ සේවය විශිෂ්ට බවයි.
‘පළමු තරගයේදී තිළිණ හොඳින් ක්‍රීඩා කළා. එය අපේ ජයග්‍රහණයට විශාල රුකුලක් වුණා. අද තරගයේදීත් ඔහුගෙන් එම දස්කම් බලා‍පොරොත්තු වෙනවා’ යැයි රොෂාන් වීරරත්න පවසා තිබේ. 
පිලිපීන තරගයේදී පූර්ණ දස්කම් මතු නොවූ බව පවසන රොෂාන් අද පළමු තරගයට වඩා හොඳින් ක්‍රීඩා කරනු ඇති බවට විශ්වාසය පළ කරයි.
මේ අතර මලයාසියාව සහ එක්සත් අරාබි එමීර් රාජ්‍යය අතර පැවැති තරගයෙන් ලකුණු 36-22ක ජයක් වාර්තා කිරීමට මලයාසියාව සමත් විය.
ෆීජියානු ක්‍රීඩකයන් 7 දෙනෙකු ක්‍රීඩා කරන මලයාසියාවට එරෙහිව තරගය පරාජය වුවත් එමීර් ක්‍රීඩකයන් ලකුණු 22ක් රැස් කිරීම කාගේත් කතාබහට ලක්වී ඇති බව වාර්තාවේ.
මේ අනුව අද එක්සත් අරාබි එමීර් රාජ්‍යයෙන් ශ්‍රී ලංකාවට අභියෝගයක් එල්ලවනු ඇතැයි පැවසේ. 
මේ පිළිබඳව අදහස් දක්වන ශ්‍රී ලංකා නායක රොෂාන් වීරරත්න පවසන්නේ එක්සත් අරාබි එමීර් අභියෝගයට ශ්‍රී ලංකාව සූදානමින් පසුවන බවයි. 
මෙම තරගයෙන් ප්‍රසාද ලකුණද සමග ජයගත් මලයාසියාව ලකුණු 5ක් ලබා ලකුණු සටහනේ පෙරමුණ ගෙන සිටින අතර, පිලිපීනය පරාජය කළ ශ්‍රී ලංකාව ලකුණු 4ක් ලබා දෙවැනි ස්ථානයේ පසුවෙයි.
මේ වන විට ඉ‍පෝ නගරයට සවස් කාලයේ ඇදහැලෙන වර්ෂාව හේතුවෙන් ක්‍රීඩාංගණ තෙතබරිත ස්වභාවයක් උසුලන බවද වාර්තා වේ.
මෙම තරගාවලියේ ගියවර අනුශූරතාව දිනා ගැනීමට ශ්‍රී ලංකාව සමත් වූ අතර, මෙවර ශූරතාව දිනා ගැනීමට එක්සත් අරාබි එමීර් රාජ්‍යය මෙන්ම මලයාසියාවද පරාජය කිරීමට ශ්‍රී ලංකාවට සිදුවී තිබේ.
ශ්‍රී ලංකාව සහ මලයාසියාව අතර තීරණාත්මක තරගය ලබන 20දා පැවැත්වීමට නියමිතව තිබේ.
 

අන්තර් පාසල් ලීග් රග්බි තරගාවලියේ කුසලාන තරග යටතේ පැවැති තරගවලින් ජයගත් මහනුවර ත්‍රිත්ව සහ කොළඹ රාජකීය ලකුණු සටහනේ පෙරට පැමිණීමට සමත්විය.
මේ අනුව කුසලාන දිනා ගැනීමට ඉසිපතන සහ වෙස්ලි තබා තිබූ බලා‍පොරොත්තු බිඳ වැටුණු අතර ත්‍රිත්ව-රාජකීය බ්‍රැඩ්බි පලිහ පළමු අදියරේ ජය ගන්නා කණ්ඩායමට මෙවර ලීග් ශූරතාව හිමිවේ.
පසුගිය සති අන්තයේ පැවැති ත්‍රිත්ව සහ ඉසිපතන අතර තරගයෙන් තියුණු සටනකින් පසු ලකුණු 15-10 ක ජයක් වාර්තා කිරීමට ත්‍රිත්ව සමත්විය.
පළමු භාගය අවසන් වන විට ලකුණු 12-05 ක් ලෙස ත්‍රිත්ව පෙරමුණේ පසුවුවද දෙවැනි භාගයේදී ඉසිපතනයෙන් තියුණු තර්ජනයක් එල්ලවිය.
එහෙත් අවසානයේ සියලු අභියෝග පරදවමින් ඉසිපතන පරාජය කිරීමට ත්‍රිත්ව සමත්විය.
ත්‍රිත්ව වෙනුවෙන් අවීශ ප්‍රියංකර සහ රශේන් බණ්ඩාරනායක උත්සාහ දිනුම් වාර්තා කළ අතර ලෂාන් විජේසූරිය ප්‍රවර්තනයක් සහ දඬුවම් පහරක් සාර්ථකව නිම කළේය.
පරාජිත ඉසිපතන වෙනුවෙන් චමෝද් ප්‍රනාන්දු සහ හරිත් බණ්ඩාර උත්සාහක දිනුම් වාර්තා කළේය.
මේ අතර තියුණු සටනක් අපේක්ෂා කළ රාජකීය-වෙස්ලි තරගය ලකුණු 35-19 ක් ලෙස ජය ගැනීමට රාජකීය සමත්විය.
පළමු භාගයේදී තියුණු සටනක් පැවතියද දෙවැනි භාගයේදී සිය අණසක පැතිරවීමට රාජකීය ක්‍රීඩකයෝ සමත්වූහ. පළමු භාගයේදී වෙස්ලි ලකුණු 9-7 ක් ලෙස පෙරමුණේ පසුවිය.
රාජකීය වෙනුවෙන් හම්සා රීසා (2), ජනිඳු ඩිල්ෂාන්, ඉඳුවර කරුණාරත්න, නිකිල් ද සිල්වා උත්සාහක දිනුම් වාර්තා කළ අතර 
ෂරික් නවුෆර් ප්‍රවර්තන 5 ක් සාර්ථකව නිම කළේය.
පරාජිත වෙස්ලි වෙනුවෙන් අසංග හර්ෂණ සහ දයාන් සබා උත්සාහක දිනුම් වාර්තා කළ අතර අවිශ්ක ලී දඬුවම් පහර 3 ක් සාර්ථකව නිම කළේය.
ශා. ජෝසප් සහ ශා. තෝමස් අතර හැව්ලොක් පිටියේ පැවැති තරගයෙන් ලකුණු 26-12 ක ජයක් වාර්තා කිරීමට ශා.ජෝසප් සමත් විය.
පළමු භාගයේදී ශා. ජෝසප් ලකුණු 26-7 ක් ලෙස පෙරමුණේ පසුවිය.
ශා.ජෝසප් වෙනුවෙන් සචින් සිල්වා (2) ගිහාන් පෙරේරා, චතුර සෙනවිරත්න උත්සාහක දිනුම් වාර්තා කළ අතර සචින් සිල්වා ප්‍රවර්තන 3 ක් නිම කළේය.
ශා. තෝමස් වෙනුවෙන් ෂරින් නානායක්කාර සහ ක්‍රිස්ටියන් ලීල් උත්සාහක දිනුම් වාර්තා කළ අතර ඩියොන් ඩයස් ප්‍රවර්තනයක් නිම කළේය.
ශා. පීතර සහ සහිරා අතර තරගයෙන් ලකුණු 43-16 ක ජයක් වාර්තා කිරීමට ශා.පීතර සමත්විය.
පළමු භාගය අවසානයේ ශා. පීතර ලකුණු 12-09 ක් ලෙස පෙරමුණේ පසුවිය.
ශා. පීතර වෙනුවෙන් රවීන් ප්‍රනාන්දු (2) ෆියාස් අබ්දුල්ලා, දියත් ප්‍රනාන්දු, එම්. ඉර්ෂාඩ්, ආශා මෙන්ඩිස් සහ තීක්ෂණ හේෂාන් උත්සාහක දිනුම් වාර්තා කළ අතර සුහේල් ප්‍රනාන්දු ප්‍රවර්තන 3 ක්ද, දියත් ප්‍රනාන්දු එක් ප්‍රවර්තනයක්ද නිම කළේය.
සහිරා වෙනුවෙන් මොහොමඩ් අම්ජාඩ් උත්සාහක දිනුමක් වාර්තා කළ අතර සේඩ් සිංහවංශ ප්‍රවර්තනයක් සහ දඬුවම් පහර 3 ක් සාර්ථකව නිම කළේය.
 
මංගල ධර්මප්‍රේම

Page 5 of 6

IMAGE

තනි දළයා සිපිරිගෙට යනු බලා ගල්ගමු වැසියෝ කඳුළු සලති

IMAGE 2017 Dec 18 13:25
තම පවුලක නාහෙට නාහන හිතුවක්කාර තරුණයෙකු වුව බන්ධනාගාරගත වන්නේ නම් එම පවුලේ ඥාතීන් තුළ විශාල...
Views - 818

සාර්ථක ගැබ් ගැන්වීමක් සඳහා පිරිමියෙකු සතු සුදුසුකම්

IMAGE 2017 Dec 18 12:42
දරු පිළිසිඳ ගැනීමකදී කාන්තාවක තුළ තිබිය යුතු සුදුසුකම් පිළිබඳව බොහෝ දෙනෙක් කථා කරනවා. නමුත්...
Views - 1509

ඉදිරියට යනකොට මට හිතුණා මේ ජයග්‍රහණය ලැබෙයි කියලා

IMAGE 2017 Dec 18 10:00
දෙරණ  සිහින තරු වේදිකාව අදියර හයක් පුරා නවක ගායන තරු රැසක්ම සංගීත ක්ෂේත්‍රයට බිහි කළේය....
Views - 779

හීං බබා සීයා වෙන්න කලින් මම හිඟන්නෙක්

IMAGE 2017 Dec 18 09:11
සේන ගුණවර්ධන කියන ඔබව දැන් රටම හඳුනන්නේ “හීං බබා සීයා” නමින්. වයසට ගිහින් හරි රටම හඳුනන...
Views - 2000

හැරී කුමරුගේ සහ මෙගන් මාර්කල් ගේ විවාහ දිනය නිවේදනය කරයි

IMAGE 2017 Dec 18 09:03
බ්‍රිතාන්‍යයේ රජ පවුල පිළිබඳ තොරතුරු කියවීමට කැමැත්ත දක්වන බොහෝ දෙනෙකු තුළ පසුගිය දිනවල...
Views - 654

තනුජා සිරස හැර යයි

IMAGE 2017 Dec 17 12:25
පෞද්ගලික රූපවාහිනී නාලිකා මේ රටේ ඇති කළ වෙනස තුළ බිහි වූ ප්‍රබල චරිතයක් තමයි තනුජා ජයවර්ධන...
Views - 4501

Please publish modules in offcanvas position.