lakbima.lk
                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්   

ශ්‍රී ලංකා පාසල් රග්බි සම්මේලනය මෙහෙය වූ අන්තර් පාසල් අවුරුදු 18න් පහළ සත් සාමාජික රග්බි තරගාවලියේ ශූරතාව දිනා ගැනීමට මහනුවර ත්‍රිත්ව විදුහල සමත් විය.
කොළඹ තුරඟ තරග පිටියේදී පසුගිය 7 සහ 8 දිනවලදී පැවැති මෙම තරගාවලියේ කුසලාන තරගාවලියේ අවසන් තරගයේදී ශා. ජෝශප් ලකුණු 22-12කින් පරාජය කිරීමට ත්‍රිත්ව සමත් විය.
ඩී.එස්. සේනානායක ලකුණු 22-5කින් පරාජය කරමින් ත්‍රිත්ව අවසන් තරගයට සුදුසුකම් ලැබූ අතර, ගල්කිස්ස විද්‍යා විදුහල ලකුණු 22-17කින් පරදවමින් ශා. ජෝශප් අවසන් මහ තරගයට සුදුසුකම් ලැබිය.
කුසලාන තරගාවලියේ දක්ෂතම ක්‍රීඩකයා ලෙස ත්‍රිත්ව විදුහ‍ලේ වොරන් වීරකෝන් සම්මාන ලැබිය.
මෙම තරගාවලියේ පළඟ ශූරතාව සඳහා පැවැති අවසන් මහා තරගයෙන් රාජකීය ලකුණු 22-14කින් පරාජය කළ කටුගස්තොට ශා. අන්තෝනි පළඟ ශූරතාව දිනා ගත්තේය.
පිළියන්දල මැදි විදුහල ලකුණු 45-0කින් පරාජය කරමින් ශා. අන්තෝනි අවසන් තරගයට පිවිසි අතර, වෙස්ලි ලකුණු 
21-19කින් පරාජය කරමින් රාජකීය අවසන් මහා සටනට පිවිසුණි.
ලුම්බිණි විදුහල ලකුණු 27-10කින් පරාජය කළ විද්‍යාර්ථ විදුහල බඳුන ශූරතාව දිනාගත් අතර, ඇහැලියගොඩ මැදි විදුහල ලකුණු 26-0කින් පරාජය කළ රිච්මන්ඩ් විදුහල පළිහ ශූරතාව දිනා ගත්තේය.
මෙම තරගාවලිය සඳහා මහනුවර කිංග්ස්වුඩ්, ධර්මරාජ, මොරටුව වේල්ස්කුමර, කොළඹ ලලිත් ඇතුළත්මුදලි යන විදුහල් සහභාගි නොවූ අතර, මේ දිනවල පැවැත්වෙන අ‍පොස උසස් පෙළ විභාගය හේතුවෙන් මෙම තීරණය ගෙන තිබූ බව වාර්තා විය.
 
මංගල ධර්මප්‍රේම 

හොංකොංහිදී පැවැති අවුරුදු 20න් පහළ ආසියානු සත් සාමාජික රග්බි තරගාවලියේ හිටපු ශූර ශ්‍රී ලංකාවට මෙවර 2017 තරගාවලියේදී අනුශූරතාවයෙන් සෑහීමට පත්වන්නට සිදුවිය.
කුසලාන අංශයේ අවසන් සටනේදී ශ්‍රී ලංකාව ලකුණු 36-00කින් පරාජය කරමින් මෙවර ශූරතාව දිනා ගැනීමට සත්කාරක හොංකොං සමත් විය.
අවසන් තරගයේ පළමු අර්ධය නිමාවට පත්වන විට ලකුණු 26-00ක් ලෙස පෙරමුණ ගෙන සිටි හොංකොං තරගය අවසන් වන විට ගෝල 3ක් සහ උත්සහක දිනුම් 3ක් සමගින් ලකුණු 36ක් වාර්තා කළේය.
මෙම තරගයේ පළමු වටයේදී ශ්‍රී ලංකාව පිලිපීනය ලකුණු 24-00කින්ද, චීනය ලකුණු 43-7කින්ද, මලයාසියාව ලකුණු 26-5කින්ද, චීන තායිපේ ලකුණු 28-14කින්ද පරාජය කරමින් අපරාජිතව අවසන් පූර්ව වටයට සුදුසුකම් ලබා ගත් අතර, එහිදී කොරියාව ලකුණු 33-5කින් පරාජය කරමින් අවසන් සටනට සුදුසුකම් ලබා ගත්තේය.
මෙම තරගාවලියේ පළඟ අංශයේ අවසන් තරගයේදී මලයාසියාව ලකුණු 21-5ක් ලෙස පරාජය කළ සිංගප්පූරුව පළඟ ශූරතාව දිනා ගත්තේය.

හොංකොංහිදී පැවැත්වෙන අවුරුදු 20න් පහළ ආසියානු සත් සාමාජික රග්බි තරගාවලිය සඳහා 12 දෙනකුගෙන් යුත් ලංකා පිල ඊයේ රාත්‍රියේ ලක්බිමෙන් පිටත්ව ගියේය.
කොළඹ ශා. තෝමස් විදුහ‍ලේ නවීන් හීනකංකානම්ගේ ශ්‍රී ලංකා පි‍ලේ නායකත්වය දරන අතර, ගල්කිස්ස විද්‍යා විදුහ‍ලේ සුපුන්  ඩිල්ෂාන් උප නායකයා ලෙස කටයුතු කරයි.
හිටපු යොවුන් සත් සාමාජික රග්බි ශූරයන් වන ශ්‍රී ලංකාව මෙවරද සිය කුසලාන රැක ගැනීමේ අරමුණින් තරගාවලියට එක්වී සිටියි.
අගෝස්තු 4 සහ 5 දිනයන්හිදී හොංකොංහි කිංග්ස් පාර්ක් ක්‍රීඩාංගණයේ පැවැත්වෙන මෙම තරගාවලියට කණ්ඩායම් 10ක් එක්වී සිටින අතර, ‘ඒ’ සහ ‘බි’ වශයෙන් කාණ්ඩ දෙකක් යටතේ තරග පැවැත්වේ.
‘ඒ’ කාණ්ඩය යටතේ ශ්‍රී ලංකාව, මලයාසියාව, චීන තායිපේ, පිලිපීනය සහ චීනය තරග වදින අතර, ‘බි’ කාණ්ඩය යටතේ කොංකොං, තායිලන්තය, දකුණු කොරියාව, සිංගප්පූරුව සහ උස්බෙකිස්තානය තරග වදියි.
ශ්‍රී ලංකාවේ පළමු තරගය ලබන 4දා පිලිපීනයට එරෙහිව පැවැත්වෙන අතර, එදිනම චීනය සහ මලයාසියාව සමගද තරග බිමට පවිසෙයි.
ශ්‍රී ලංකාව සහ චීන තායිපේ අතර තරගය 5දා පවැත්වෙන අතර, එදිනම අවසන් තරග පැවැත්වේ.
ශ්‍රී ලංකා පි‍ලේ පුහුණුකරු ලෙස සුදත් සම්පත් මහතා කටයුතු කරයි.

ශ්‍රී ලංකා අවු. 20න් පහළ රග්බි කණ්ඩායම

නවීන් හීනකංකානම්ගේ (නායක - ශා. තෝමස්), සුපුන් ඩිල්ෂාන් (උප නායක-විද්‍යා විදුහල/නාවික), රනිඳු පද්මසංඛ (ඉසිපතන), චමෝද් ප්‍රනාන්දු (ඉසිපතන), අදීෂ වීරතුංග (ඉසිපතන/නාවික), වජිඩ් ෆවුම් (සහිරා/‍පොලීසිය), සංදේශ් ජයවික්‍රම (ශා. පීතර/‍පොලීසිය), තීක්ෂණ දසනායක (ශා. පීතර), සුරංග බණ්ඩාර (‍පොලීසිය), ලහිරු හේරත් (කන්නනංගර/නාවික), අවිශ්ක ලී (වෙස්ලි), දිනුක් අමරසිංහ (ශා. අන්තෝනි)

සංචාරක පාකිස්තානු යුද හමුදා රග්බි පිල සහ ශ්‍රී ලංකා යුද හමුදා රග්බි පිල අතර අවසන් තරගය සහ යුද හමුදා අන්තර් රෙජිමේන්තු රග්බි අවසන් තරගය අද (28දා) පැවැත්වේ.යුද හමුදාපති ලුතිනන් ජෙනරාල් මහේෂ්  සේනානායක මහතාගේ ප්‍රධානත්වයෙන් කොළඹ තුරඟ තරග පිටියේදී අද පස්වරු 4.00 සිට තරග පැවැත්වේ.

ඩයලොග් ශ්‍රී ලංකා සුපර් සෙවන්ස් රග්බි තරගාවලියේ සමස්ත ශූරතාව දිනා ගැනීමට රොෂාන් වීරරත්නගේ නායකත්වයෙන් යුත් මොබිටෙල් ඊගල්ස් සමත්විය.

මහනුවර පැවැති පළමු අදියරේ ශූරතාව සහ කොළඹ පැවැති දෙවැනි අදියරේ අනුශූරතාව දිනා ගැනීමට මොබිටෙල් ඊගල්ස් සමත්විය.

දෙවැනි අදියරේ අවසන් තරගයේදී මොබිටෙල් ඊගල්ස් ලකුණු 26-12 කින් පරාජය කළ ඊසි වුල්ව්ස් සමස්ත අනුශූරතාව දිනා ගත්තේය.

කොළඹදී පැවැති පාසල් තරගාවලියේ අවසන් මහ තරගයෙන් ශා. ජෝසප්ට එරෙහිව ලකුණු 7-5 ක ජයක් ලැබූ මහනුවර කිංග්ස්වුඩ් පාසල් ශූරතාව දිනා ගත්තේය. කිංග්ස්වුඩ්ට මහනුවර පැවැති පළමු අදියරේ තෙවැනි තැන හිමිවිය.

පාසල් තරගාවලියේ දක්ෂතම ක්‍රීඩකයා ලෙස දක්ෂිණ අතුකෝරලද වැඩිම ලකුණු ලාභියා ලෙස ඉෂාර කුරේද සම්මාන ලැබිය.
ග්ලැඩියේටර්ස් ලකුණු 22-19 කින් පරාජය කළ එටිසලාට් පැන්තර්ස් පළඟ ශූරතාව දිනා ගත් අතර වෙස්ලි ලකුණු 36-05 කින් පරාජය කළ ශා.පීතර පාසල් පළඟ ශූරතාව දිනා ගත්තේය.

සොෆ්ට්ලොජික් වොරියර්ස් ලකුණු 34-19 කින් පරාජය කළ ඇක්සස් කිංග්ස් බඳුන ශූරතාව දිනා ගත් අතර ඉසිපතන ලකුණු 19-12 කින් පරාජය කළ විද්‍යා විදුහල පාසල් බඳුන ශූරතාව දිනා ගත්තේය.

ඩ්‍රැගන්ස් ලකුණු 28-17 කින් පරාජය කළ වයිපර්ස් පලිහ ශූරතාව දිනාගත් අතර සහිරා ලකුණු 31-05 කින් පරාජය කළ ශා. අන්තෝනි පාසල් පලිහ ශූරතාව දිනා ගත්තේය.

මංගල ධර්මප්‍රේම

අන්තර් පාසල් සත්සාමාජික රග්බි තරගාවලියේ අවසන් මහා තරගයේ දී ගල්කිස්ස සාන්ත තෝමස් විද්‍යාලයීය කණ්ඩායම ඉසිපතන විද්‍යාලය ලකුණු 19-14ක් ලෙස පරාජයට පත්කරමින් අඛණ්ඩව දෙවන වසරටත් තරගාවලියේ ශූරතාවය ඔවුන් සතුකර ගන්නට සමත් විය.

කොළඹ තුරඟ තරග ජාත්‍යන්තර ක්‍රීඩාංගණයේ දී පැවති මෙම වසරේ අවසන් මහා තරගයට සුදුසුකම් ලැබුවේ පසුගිය වසරේ දී ද අවසන් මහා තරගයට සුදුසුකම් ලැබූ කණ්ඩායම් දෙකම වීම විශේෂත්වයකි.

තොරතුරු මූලාශ්‍ර - Dialog

.

Page 1 of 3

IMAGE

ලිංගික ශක්තිය වඩවන ඉංග්‍රීසි බෙහෙත් තිබේද?

IMAGE 2017 Aug 18 15:22
‘බටහිර වෙදකමේ වාජීකරණ ඖෂධ සහ ප්‍රතිකාර නැත්තේ මන්දැයි’ පසුගිය දිනෙක මගේ හිතවතෙක් අසා...
Views - 1948

youtube සඳහා පෙම්වතිය තැබූ ‘බොරු වෙඩිල්ලෙන්’ පෙම්වතා මරුට

IMAGE 2017 Aug 18 10:40
ෆේස්බුක්, යූ ටියුබ් වැනි සමාජ ජාල වබේ අඩවිවල සිදුවන ආසාමාන්‍ය ක්‍රියාකාරකම් ගැන දැන් නිතර...
Views - 1593

කලා ලොවේ ‘මිස්ටර් හොඳ හිත’ හදිසි අනතුරකින් රෝහලේ

IMAGE 2017 Aug 17 11:20
අපේ කලා කරුවන් අතර විවිධ කරුණු සම්බන්ධයෙන් විශේෂත්වයක් දක්වන කලා කරුවෝ සිටිති. ඒ අතරින් සිනමා...
Views - 2332

දේවභක්තියක් නැතත් යකඩ කොකු වලින් එල්ලෙන්න පුළුවන්!

IMAGE 2017 Aug 16 16:24
ශරීරයේ විවිධ ස්ථාන වලට ගසන ලද යකඩ කොකු වලින් එල්ලී කිසිදු වේදනාවකින් තොරව ඇතැම්විට සතුටින්...
Views - 1574

හම්බන්තොට වරායේ තාත්තාත් මං බාප්පාත් මං

IMAGE 2017 Aug 16 11:43
කීර්තිමත් දේශීය ව්‍යාපාරිකයකු වන ආරියශීල වික්‍රමනායක සමුද්‍රිය කටයුතු පිළිබඳ...
Views - 6123

සිඳූ නිසා මලීට අසාධාරණයක් වුණේ නැහැ

IMAGE 2017 Aug 16 07:52
මලී ටෙලි නාට්‍යයේ මලී ලෙසින් අසීමිත ජනතා ආකර්ශණයට පත් සමාධි ආරුණචායා මලී - 3, සිඳු ටෙලි...
Views - 3927

Please publish modules in offcanvas position.