Coss Ear2
lakbima.lk
COSS Ear 1

ඕස්ට්‍රේලියාවේ ගෝල්ඩ්කෝස්ට් නගරයේදී පැවැත්වෙන ‍පොදුරාජ්‍ය මණ්ඩලයීය බර ඉසිලීමේ තරගාවලිය සදහා 19 දෙනකුගෙන් යුත් ශ්‍රී ලංකා කණ්ඩායම ලබන සෙනසුරාදා (2දා) ඕස්ට්‍රේලියාව බලා පිටත්ව යයි.
‍‍‍ජ්‍යෙෂ්ඨ, කනිෂ්ඨ සහ යොවුන් ලෙස අංශ තුනක් යටතේ සැප්තැම්බර් 4දා සිට 9දා දක්වා පැවැත්වෙන මෙම තරගාවලියට ශ්‍රී ලංකා ක්‍රීඩක ක්‍රීඩිකාවන් සමග ඩබ්ලිව්. අජිත් තමෙල් මහතාගේ කළමනාකාරීත්වය යටතේ 12 දෙනකුගෙන් යුත් නිලධාරී මඬුල්ලක්ද සහභාගි වෙති.
ශ්‍රී ලංකාව නියෝජනය කරමින් ‍‍‍ජ්‍යෙෂ්ඨ අංශය යටතේ ක්‍රීඩකයින් 8ක් සහ ක්‍රීඩිකාවන් 5ක්ද, කනිෂ්ඨ අංශය යටතේ එක් ක්‍රීඩකයකු සහ ක්‍රීඩිකාවක්ද, යොවුන් අංශය යටතේ ක්‍රීඩකයන් 3ක් සහ එක් ක්‍රීඩිකාවක් සහභාගි වෙති.
‍පොදුරාජ්‍ය මණ්ඩලයීය පදක්කම්ලාභී චින්තන ගීතාල් විදානගේ සහ සුදේශ් පීරිස්ද මෙවර තරගාවලියට එක්වී සිටිති.
ශ්‍රී ලංකා කණ්ඩායමේ ඉසුරු සේනාධීර (කි.ග්‍රෑ. 105ට අඩු) කනිෂ්ඨ සහ ‍‍‍ජ්‍යෙෂ්ඨ යන අංශ දෙකම නියෝජනය කරමින් තරගාවලියට එක්වී සිටීම කැපී පෙනෙන සිදුවීමකි.
‍‍‍ජ්‍යෙෂ්ඨ අංශය :-
චින්තන ගීතාල් විදානගේ (කි.ග්‍රෑ. 77ට අඩු), සුදේශ් පීරිස් (කි.ග්‍රෑ. 62ට අඩු), චතුරංග ලක්මාල් (කි.ග්‍රෑ. 56ට අඩු), ඩී.අයි. කුමාර (කි.ග්‍රෑ. 56ට අඩු), තිලංග පළඟසිංහ (කි.ග්‍රෑ. 62ට අඩු), ඉන්දික දිසානායක (කි.ග්‍රෑ. 69ට අඩු), ශානක පීටර්ස් (කි.ග්‍රෑ. 94ට අඩු), සමන් අබේවික්‍රම (කි.ග්‍රෑ. 105ට අඩු), දිනූෂා හංසනී ගෝමස් (කි.ග්‍රෑ. 48ට අඩු), චමරි මෙන්ඩිස් වර්ණකුලසූරිය (කි.ග්‍රෑ. 48ට අඩු), එම්. උමේරා (කි.ග්‍රෑ. 58ට අඩු), නදීෂානි රාජපක්ෂ (කි.ග්‍රෑ. 58ට අඩු), චතුරිකා ප්‍රියන්ති (කි.ග්‍රෑ. 75ට අඩු)
කනිෂ්ඨ අංශය :-
ඉසුරු සේනාධීර (කි.ග්‍රෑ. 105ට අඩු), ජානකී හපුතැන්න (කි.ග්‍රෑ. 90ට වැඩි)
යොවුන් අංශය :-
බි.කේ.ඩී. බණ්ඩාර, ඒ.එම්.ටී.ඩී. තිලකරත්න, ජේ.ජී.ආර්. ගුණතිලක, පී. ආශිකා

සපුමල් වීදියබණ්ඩාර{jcomments on}

අධ්‍යාපන අමාත්‍යාංශය සංවිධානය කරන සමස්ත ලංකා පාසල් සහාය දිවීමේ සැණකෙළිය සැප්තැම්බර් 8, 9 සහ 10 දිනවල යාපනය නගරයේ දුරේඅප්පා ක්‍රීඩාංගණයේදී පැවැත්වේ.
මෙවර තරගාවලියට දිවයිනේ සියලුම දිස්ත්‍රික්ක නියෝජනය කරමින් බාලක පාසල් 164ක් සහ බාලිකා පාසල් 138ක් ඉදිරිපත් වී තිබිම විශේෂත්වයකි.
අවුරුදු 12න් පහළ, 14න් පහළ, 16න් පහළ, 18න් පහළ සහ 20න් පහළ (බාලක-බාලිකා) වයස් සීමාවන් යටතේ පැවැත්වෙන මෙවර සහාය දිවීමේ සැණකෙළියේදී තරග ඉසව් 38ක් ක්‍රියාත්මක කෙරේ.
මෙවර තරගාවලිය යාපනය නගරයේදී පැවැත්වීම හේතුවෙන් උතුරු පළාතේ මෙන්ම නැගෙනහිර පළාතෙන්ද පාසල් කණ්ඩායම් රැසක් සියලුම වයස් කාණ්ඩයන් නියෝජනය කරමින් තරගාවලියට ඉදිරිපත් වී සිටීම කැපී පෙනෙන සිදුවීමකි.
ආරම්භක දිනයේදීම සියලුම වයස් කාණ්ඩයන්හි මීටර් 4*100 අවසන් තරග පැවැත්වීමට කටුයතු යොදා තිබේ.
මේ අනුව ක්‍රීඩා උළෙ‍ලේ පළමු දිනයේදී අවසන් තරග ඉසව් 10ක්ද, දෙවන දිනයේදී (9දා) අවසන් තරග ඉසව් 4ක්ද, තෙවැනි දිනයේදී (10දා) අවසන් තරග ඉසව් 24ක්ද පැවැත්වීමට කටයුතු යොදා තිබේ.
මෙවර පිට පළාත්වලින් පැමිණෙන බාලක සහ බාලිකා පාසල් සඳහා නේවාසික පහසුකම් සපයා ඇති අතර, ඒ පිළිබඳ වැඩි තොරතුරු උතුරු පළාත් ක්‍රීඩා අධ්‍යක්ෂ (අධ්‍යාපන) කේ. සත්‍යපාලන් මහතා (0718214900, 0766642980) ඇමැතීමෙන් ලබාගත හැකි බව සංවිධායකයින් දන්වා සිටියි.
අධ්‍යාපන අමාත්‍යාංශ ‍ලේකම් සුනිල් හෙට්ටිආරච්චි, අධ්‍යාපන මාත්‍යාංශයේ විශේෂ ක්‍රීඩා උපදේශක සුනිල් ජයවීර, ශාරීරික අධ්‍යාපන විශේෂ උපදේශක කර්නල් මංජුල කාරියවසම්, නියෝජ්‍ය අධ්‍යාපන අධ්‍යක්ෂ (ශාරීරික අධ්‍යාපන හා ක්‍රීඩා) අතුල විජේවර්ධන යන මහත්වරුන්ගේ ප්‍රධානත්වයෙන් යුත් කමිටුවක් මගින් මෙවර ක්‍රීඩා උළෙල සංවිධානය කෙරේ.

සපුමල් වීදියබණ්ඩාර

ජාතික මහා ක්‍රීඩා උළෙලට සමගාමීව දකුණු පළාත් ක්‍රීඩා අමාත්‍යාංශය විසින් සංවිධානය කළ 27 වැනි දකුණු පළාත් ක්‍රීඩා උළෙ‍ලේ සමස්ත ශූරතාව දිනා ගැනීමට ගාල්ල දිස්ත්‍රික් කණ්ඩායම සමත්විය.
මාතර කොටවිල දිස්ත්‍රික් ක්‍රීඩා සංකීර්ණයේදී පැවැති මෙම ක්‍රීඩා උළෙ‍ලේදී ගාල්ල දිස්ත්‍රික්කය ලකුණු 1497ක් රැස් කරගත් අතර, ලකුණු 812ක් රැස්කරගත් මාතර දිස්ත්‍රික්කයට අනුශූරතාව හිමිවිය.
මෙවර ක්‍රීඩා උළෙ‍ලේදී නව තරග වාර්තා (මලල ක්‍රීඩා) 8ක් බිහිකිරීමට ක්‍රීඩක-ක්‍රීඩිකාවෝ සමත් වූහ.
මෙහිදී ක්‍රීඩක-ක්‍රීඩිකාවන් දිරිමත් කිරීමේ අරමුණින් එක් නව තරග වාර්තාවක් වෙනුවෙන් රුපියල් 25,000ක මුදල් තිළිණ පිරිනැමීමට දකුණු පළාත් ක්‍රීඩා අමාත්‍යාංශය කටයුතු යොදා තිබුණි.
පිරිමි මීටර් 100 ඉසව්ව තත්පර 10.28කින් නිමකරමින් නව තරග වාර්තාවක් පිහිටුවූ ගාල්ල දිස්ත්‍රික්කයේ විනෝජ් සුරංජය දකුණු පළාත් ක්‍රීඩා උළෙ‍ලේ දක්ෂතම ක්‍රීඩකයා ලෙසත්, කාන්තා මීටර් 400 ඉසව්ව තත්පර 54.9කින් නිමකොට නව තරග වාර්තාවක් පිහිටුවූ හම්බන්තොට දිස්ත්‍රික්කයේ නිමාලි ලියනාරච්චි දක්ෂතම ක්‍රීඩිකාව ලෙසත් සම්මාන ලැබුවාය.
(පමෝද්)

චීන තායිපේහිදී අගෝස්තු 19දා සිට 30දා දක්වා පැවැත්වෙන 29 වැනි ජගත් විශ්වවිද්‍යාල ක්‍රීඩා උළෙල සඳහා ක්‍රීඩක ක්‍රීඩිකාවන් 67 ක් සහ නිලධාරීන් 20කගෙන් යුත් ශ්‍රී ලංකා කණ්ඩායම අද (17දා) මධ්‍යම රාත්‍රියේ ලක්බිමෙන් පිටත්ව යති.
මෙවර ජගත් විශ්වවිද්‍යාල ක්‍රීඩා උළෙල රටවල් 137ක් නියෝජනය කමින් ක්‍රීඩක ක්‍රීඩිකාවන් 7650කට ආසන්න පිරිසකගේ සහභාගිත්වයෙන් පැවැත්වේ.
ශ්‍රී ලංකා කණ්ඩායමේ නායකයා ලෙස හෙල්ල විසිකිරීමේ ජාතික වාර්තාවට හිමිකම් කියන ශ්‍රී ජයවර්ධනපුර විශ්වවිද්‍යාලයේ සුමේධ රණසිංහ කටයුතු කරන අතර, ශ්‍රී ලංකා කණ්ඩායම් ප්‍රධානී ලෙස රුහුණ විශ්වවිද්‍යාලයේ ‍‍‍ජ්‍යෙෂ්ඨ ශාරීරික අධ්‍යාපන උපදේශිකා විනිතා ද සිල්වා මහත්මිය කටයුතු කරයි.
මෙවර තරගාවලියට ශ්‍රී ලංකාවෙන් ක්‍රීඩා 7ක් වෙනුවෙන් තරග වදින අතර, එහිදී මලල ක්‍රීඩා (21), බැඩ්මින්ටන් (10), පිහිනුම් (8), මේස පන්දු (10), ටයිකොන්ඩෝ (6), ටෙනිස් (6) සහ බර එසවීම (6) යන ක්‍රීඩා නියෝජනය කරමින් ක්‍රීඩක ක්‍රීඩිකාවෝ සහභාගි වෙති.
ශ්‍රී ලංකා විශ්වවිද්‍යාල කණ්ඩායම නිලධාරීන් සමග ඡායාරූපයෙන් දිස්වේ.
(ප්‍රභාත්)

ලොව මතෛක් බිහිවූ විශිෂ්ටතම කෙටි දුර ධාවන ශූරයා වන ජැමෙයිකාවේ උසේන් බෝල්ට් සිය අවසන් ජාත්‍යන්තර තරග ඉසව්වේදී පාදයේ ආබාධයක් හේතුවෙන් අතර මග නතර වීම නිසා රන් පදක්කම් බලා‍පොරොත්තු සුන්වී ගියේය.
ලන්ඩන්හි පැවැත්වෙන ලෝක ශූරතා මලල ක්‍රීඩා උළෙ‍ලේ මීටර් 4*100 සහාය දිවීමේ අවසන් තරගයට සහභාගි වූ ජැමෙයිකානු කණ්ඩායමේ තරගය අවසන් කිරීමේ ක්‍රීඩකයා ලෙස යෂ්ටිය අතට ගත් උසේන් බෝල්ට් මීටර් 60ක් පමණ ධාවනයේ යෙදීමෙන් පසු පාදයේ ඇතිවූ ආබාධයක් හේතුවෙන් අතර මග නතර වූ අතර, පසුව බිම ඇද වැටුණි. 
ඉන්පසු දහස් සංඛ්‍යාත ක්‍රීඩා ලෝලීන්ගේ උණුසුම් ප්‍රතිචාරය මධ්‍යයේ උසේන් බෝල්ට් රෝද පුටුවක ආධාරයෙන් ක්‍රීඩාංගණයෙන් ඉවත්ව ගියේය.
ලන්ඩන් ලෝක ශූරතා ක්‍රීඩා උළෙල තමන් සහභාගි වන අවසන් ජාත්‍යන්තර තරගාවලිය ලෙස උසේන් බෝල්ට් තරගාවලියට පෙර සිටම ප්‍රකාශ කර තිබූ අතර, ඔහුට මෙම තරගාවලියේ මීටර් 100 තරගයෙන්ද ලෝකඩ පදක්කමකින් සෑහීමට පත්වන්නට සිදුවිය. 
මේ අනුව ඉතා අමිහිරි අත්දැකීම් මධ්‍යයේ ලෝක ශූර උසේන් බෝල්ට්ට ජාත්‍යන්තර ක්‍රීඩා පිටියෙන් සමුගැනීමට සිදුවිය.
මෙම පිරිමි මී. 4*100 අවසන් තරගයේදී ඇමෙරිකාවේ ජස්ටින් ගැට්ලින් ප්‍රමුඛ කණ්ඩායම (තත්. 37.52) දෙවැනි තැනට ඇද දමමින් රන් පදක්කම දිනා ගැනීමට මහා බ්‍රිතාන්‍යය (තත්. 37.47) නියෝජනය කළ කණ්ඩායම සමත් වූ අතර, ලෝකඩ පදක්කම ජපානය (තත්. 38.04) සතුවිය.
මීටර් 4*100 සහාය දිවීමේ කාන්තා අවසන් තරගයේදී මෙවර කාන්තා මීටර් 100 රන් පදක්කම්ලාභී ටෝරි බෝවි ප්‍රමුඛ ඇමෙරිකානු කණ්ඩායම රන් පදක්කම (තත්. 41.82) දිනාගත් අතර, මහා බ්‍රිතාන්‍යයට රිදී පදක්කමද (42.12), ජැමෙයිකාවට ලෝකඩ පදක්කමද (42.19) හිමි විය.
කාන්තා මීටර් 200 අවසන් තරගයේදී නෙදර්ලන්තයේ ඩැෆ්නි ස්චිපර්ස් (තත්. 22.05) රන් පදක්කම දිනාගත් අතර, රිදී පදක්කම අයිවරි කෝස්ට්හි මාරි ජොසේටද (22.08), ලෝකඩ පදක්කම බහරේනයේ ෂාවුනේ මිලරුයිබෝටද (22.15) හිමි වූහ.
මෙම තරගාවලියේ කාන්තා මීටර් 800 තරගයට සහභාගි වූ ශ්‍රී ලංකාවේ නිමාලි ලියනාරච්චිට (මි. 2.08.49) සහ පිරිමි හෙල්ල විසිකිරීම තරගයට සහභාගි වූ වරුණ ලක්ෂාන්ට (මී. 73.16) සිය මූලික වටයේ තරගවලින්ම ඉවත්ව යාමට සිදු වූහ.

දේශීය ක්‍රීඩා ක්‍ෂේත්‍රයේ සුවිශාලතම ක්‍රීඩා එකතුව ලෙස සැලකෙන ජාතික මහා ක්‍රීඩා උළෙලෙහි 43 වැන්න සැප්තැම්බර් මස 22, 23 සහ 24 දිනයන්හිදී මාතර කොටවිල ක්‍රීඩා සංකීර්ණයේදී පැවැත්වීමට සංවිධායකයින් වන ක්‍රීඩා අමාත්‍යාංශය සහ ක්‍රීඩා සංවර්ධන දෙපාර්තමේන්තුව තීරණය කර තිබේ.

ජාතික මහා ක්‍රීඩා උළෙලක් මාතර දිස්ත්‍රික්කයේ කොටවිල ප්‍රදේශයේදී පැවැත්වෙන පළමු අවස්ථාව මෙය වෙයි.
ඒ සඳහා බස්නාහිර, මධ්‍යම, ඌව, වයඹ, නැගෙනහිර, උතුරු මැද, උතුර, සබරගමුව සහ දකුණ යන පළාත් නියෝජනය කරමින් ක්‍රීඩක ක්‍රීඩක ක්‍රීඩිකාවන් සහභාගි වීමට නියමිතය.

මෙවර ක්‍රීඩා උළෙ‍ලේ පළමු අදියර ඒ ඒ ප්‍රාදේශීය ‍ලේකම් කොට්ඨාසයන්හි පැවැති ක්‍රීඩා සමාජාන්තර තරග ලෙස පැවැති අතර, දෙවැනි අදියර ඒ ඒ දිස්ත්‍රික් මට්ටමින් ක්‍රියාත්මක කෙරුණි.

අනතුරුව පැවැති පළාත් ක්‍රීඩා තරග ආශ්‍රිතව ජයග්‍රහණ වාර්තා කරගත් ක්‍රීඩක ක්‍රීඩිකාවන් මෙවර ජාතික මහා ක්‍රීඩා උළෙලට සුදුසුකම් ලබා සිටියි.

මෙවර ක්‍රීඩා උළෙ‍ලේ ආරම්භක දින ඔලිම්පික් පහන දැල්වීමට පෙර අගෝස්තු මස 28 දින සිට සැප්තැම්බර් 22දා දක්වා මුළු දිවයිනම ආවරණය වන පරිදි ඔලිම්පික් ගිනිසිළුව ධාවනය කරවීමටද සංවිධායකයින් කටයුතු කර තිබේ.

මෙහි ආරම්භය අගෝස්තු 28 දින පෙරවරු 8.00ට ගාල්ල සමනළ ක්‍රීඩාංගණයේ සිදු කෙරේ.
43 වැනි ජාතික මහා ක්‍රීඩා උළෙල ක්‍රියාත්මක කෙරෙන 2017 වසරට ක්‍රීඩා අමාත්‍යාංශය ආරම්භ කර වසර 50ක් සපිරීම සංකේතවත් කරමින් ක්‍රීඩා ප්‍රදර්ශනයක් පැවැත්වීමට කටයුතු කර තිබිමද කැපී පෙනෙයි.

ශ්‍රී ලාංකේය ක්‍රීඩා ක්‍ෂේත්‍රයේ ආරම්භය, විකාශනය සහ ක්‍රීඩා අමාත්‍යාංශයේ දායකත්වය සමග ලබාගත් ජාත්‍යන්තර මට්ටමේ ජයග්‍රහණ සහිත සංකේත සහ ඡායාරූප මෙන්ම ලිපි ‍ලේඛනද මෙම ප්‍රදර්ශනයට ඇතුළත් වෙති.

අ‍පොස උසස් පෙළ විභාගයට පෙනී සිටින ශිෂ්‍ය ශිෂ්‍යාවන්ට මෙවර ජාතික මහා ක්‍රීඩා උළෙලට සහභාගි වීමට හැකිවන පරිදි තරග දින දර්ශනය සංශෝධනය කර ඇති අතර, ඒ අනුව ඉදිරි කණ්ඩායම් ක්‍රීඩා තරග සැප්තැම්බර් 3දා සිට ආරම්භ කිරීමට කටයුතු යොදා තිබේ.

සැප්තැම්බර් මස 3, 4 සහ 5 දිනවල ටයිකොන්ඩෝ තරග කොළඹදීද,  වෙරළ කබඩි තරග පානදුරේදීද, ජූඩෝ තරග ‍පොළොන්නරුවේදීද, වෙරළ වොලිබෝල් තරග මීගමුවේදීද පැවැත්වේ.
සැප්තැම්බර් 4 සහ 5 තුන් ප්‍රයාම තරග නිකවැරටියේදී පැවැත්වෙන අතර, සැප්තැම්බර් 6 සහ 7 දා මල්ලව‍පොර තරග නාවලපිටියේදීද, කරාතේ තරග දිගනදීද, පිහිනුම් තරග කොළඹදීද පැවැත්වේ.
සැප්තැම්බර් 4, 5 සහ 6 දිනවල ජිම්නාස්ටික් තරගද සැප්තැම්බර් 9 සහ 10දා රග්බි තරග කොළඹදී පැවැත්වේ.

සැප්තැම්බර් 10 සහ 11දා දැල්පන්දු තරග ‍පොළොන්නරුවේදීද, 10, 11 සහ 12 දිනයන්හි කබඩි තරග මාතරදීද පැවැත්වේ.
සැප්තැම්බර් 12, 13 සහ 14 දිනවල ක්‍රිකට් තරග කුරුණෑගලදීද, එල්‍ලේ සහ වූෂු තරග අනුරාධපුරයේදීද, පැසිපන්දු තරග අම්බලන්ගොඩදීද, හොකී තරග කොළඹදීද පැවැත්වේ.

සැප්තැම්බර් 16, 17 සහ 18දා බැඩ්මින්ටන් තරග කොළඹදීද, 16, 17, 18 සහ 19දා හෑන්ඩ්බෝල් තරග බණ්ඩාරගමදීද, 19 සහ 20 කඹ ඇදීමේ තරග කොළඹදීද පැවැත්වේ.
සැප්තැම්බර් 20, 21, 22 සහ 23 දිනවල වොලිබෝල්, බොක්ෂිං සහ පාපන්දු තරගද, කායවර්ධන තරග 23 වන දින මාතරදීද පැවැත්වේ.
ඒ අනුව පිරිමි සහ කාන්තා වොලිබෝල්, පිරිමි සහ කාන්තා බොක්ෂිං, පිරිමි සහ කාන්තා පාපන්දු සහ පිරිමි කාය වර්ධන තරග 43 වැනි ජාතික මහා ක්‍රීඩා උළෙලෙහි මලල ක්‍රීඩා තරග ඉසව්වලට සමගාමීව මාතරදී පැවැත්වීම කැපී පෙනෙයි.

 

සපුමල් වීදියබණ්ඩාර{jcomments on}

IMAGE

සංසාර සිහිනයේ ගී සංකල්පනය මම 'ටැබ් එකේ ටයිප් කරපු' එකක්

IMAGE 2018 Feb 21 12:00
සනුක වික්‍රමසිංහ ගායනා කරන “සංසාර සිහිනේ” කලක පටන් බොහෝ ගීත දර්ශකවල පෙරමුණ ගෙන තිබෙන...
Views - 521

මම නාට්‍ය කලාවෙ ඉන්නේ ඒ ගැන තියන 'උණ' නිසයි

IMAGE 2018 Feb 21 11:53
වේදිකාව, පුංචිතිරය සහ සිනමාව යන මාධ්‍ය ත්‍රිත්වයෙහිම සිය ප්‍රතිභාව ප්‍රකට කළ කලාකරුවකුවන...
Views - 240

බිරිඳ රැකියාවක් නොකිරීම මගේ සාර්ථකවයට හේතුවක්

IMAGE 2018 Feb 20 14:38
“සිරස ජූනියර් සුපර් ස්ටාර්..” තරගය ගැන මුලින්ම අප ඔබගෙන් විමසන්න කැමතියි.. ඇත්තෙන්ම “සිරස...
Views - 3202

බිරිඳට පින් තකා සුනඛයන්ට දිනපතා සහල් කිලෝ 08ක දනක්

IMAGE 2018 Feb 20 14:23
මිනිසා තිරිසනුන් වන අවස්ථාත් තිරිසනා මිනිසුන් වන අවස්ථාත් අපට බොහෝ විට දක්නට ලැබුණද...
Views - 1799

ලංකාවේ අන්තිම රජු සැඟවූ නිධානය කෝ?

IMAGE 2018 Feb 19 11:34
මහනුවර රජ කළ රාජාධිරාජසිංහ රජුට බිසෝවරුන් කිහිප දෙනෙක්ම සිටියහ. ඔවුන් අතර අලමේලු අම්මා,...
Views - 3778

රඟපෑමෙන් සමුගත් හේතුව නදීකා කියයි

IMAGE 2018 Feb 19 10:41
“චංචල රේඛා” චිත්‍රපටයේ “දං චූටි” නාඳුනන කෙනෙක් එදා සිනමා ලෝලීන් අතර හිටියේ නැහැ....
Views - 4874

Please publish modules in offcanvas position.