Coss Ear2
lakbima.lk
COSS Ear 1
                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

පොදුරාජ්‍ය මණ්ඩලයීය ක්‍රීඩා උළෙලට ක්‍රීඩක ක්‍රීඩිකාවන් 80කට අධික පිරිසක් යැවීමට අවස්ථාව ඇතත් ක්‍රීඩා උළෙලට සහභාගි කරවන්නේ නියමිත පරිසාධන මට්ටම් ඉක්මවූ අති දක්ෂයන් පමණක් බව ක්‍රීඩා ඇමැති දයාසිරි ජයසේකර මහතා ඊයේ (4දා) පැවැති මාධ්‍ය හමුවේදී පැවැසීය.

“‍පොදුරාජ්‍ය මණ්ඩලයීය ක්‍රීඩා උළෙලට ක්‍රීඩක ක්‍රීඩිකාවන් රැසක් යවන්න අවස්ථාව තියෙනවා. ඒත් නිකරුනේ සල්ලි වැය කරන්නේ නෑ. තෝරා ගන්නා අය විශේෂ කමිටුවක් හරහා පරිසාධන මට්ටම ඉක්මවා ඇත්දැයි පරීක්ෂා කරනවා. ඉන්පසු දක්ෂයන් පමණයි යවන්නේ.” යැයි ක්‍රීඩා ඇමැතිවරයා පැවැසීය.
ක්‍රීඩා සංචිතවල සිටින ක්‍රීඩක ක්‍රීඩිකාවන්ට ‍පෝෂණ දීමනාවක්ද, ජාත්‍යන්තර තරග ජයග්‍රහණ ලබා ගන්නා ක්‍රීඩක ක්‍රීඩිකාවන්ට මුදල් ත්‍යාගද පිරිනමන බව ක්‍රීඩා අමාත්‍ය දයාසිරි ජයසේකර මහතා අවධාරණය කළේය.

නියමිත දක්ෂයන්ගෙන් සපිරි සංචිත නම් කිරීමට තමන් උපදෙස් දී ඇති බවත්, එළැඹෙන ආසියානු ක්‍රීඩා උළෙල සඳහාද සංචිත පිහිටුවා දැන් සිටම සූදානම් විය යුතු බවත් මෙහිදී ක්‍රීඩා ඇමැතිවරයා අවධාරණය කර තිබේ.
පසුගිය කාලයේදී දිගින් දිගටම ක්‍රිකට් තරග පරාජය වීම නිසා ප්‍රශ්නකාරී වාතාවරණයක් උද්ගත වූ බවත්, මේ වන විට ලොව පිළිගත් චන්දික හතුරුසිංහ ශ්‍රී ලංකාවට පැමිණ ඇති බැවින් ඉදිරිය යහපත් වනු ඇති බවත් ක්‍රීඩා ඇමැතිවරයා විශ්වාසය පළ කළේය.

ලබන 7දා ක්‍රිකට් විධායක කමිටු රැස්වීමේදී ගෙන එන ව්‍යවස්ථා සංශෝධන මගින් හතුරුසිංහ තේරීම් කමිටුවට එක්වීමට නියමිතව ඇති බැවින් බොහෝ ප්‍රශ්න විසඳෙනු ඇතැයි ක්‍රීඩා ඇමැතිවරයා විශ්වාසය පළ කළේය.
පාපන්දු බලධාරීන් විසින් දැඩි මුදල් නාස්තියක් සිදුකර ඇති බැවින් වත්මන් පාපන්දු සම්මේලනයට දැඩි මුදල් අහේනියක් ඇති වී ඇති බවත්, කිසිම දෙයකට ගෙවීම් කළ නොහැකි තත්ත්වයක් උදාවී ඇති බවත් ඇමැතිවරයා පවසා සිටියේය.
පාපැදි සහ ජූඩෝ සංගම්වල ඇතිවූ ප්‍රශ්න පිළිබඳව සොයා බලා නිලධාරීන් රැසකට ක්‍රීඩාව තහනම් කිරීමට කටයුතු කළ බවත්, ඔවුන්ට ඉදිරියේදී කිසිදු ක්‍රීඩා සංගමයක කටයුතුවලට සම්බන්ධ විය නොහැකි බවත් ක්‍රීඩා ඇමැතිවරයා අවධාරණය කළේය.
ඔලිම්පික් කමිටුවේ ඇතිවී ඇති ප්‍රශ්නය පිළිබඳව ජාත්‍යන්තර ඔලිම්පික් කමිටුව සමග එක්වී එම ප්‍රශ්නය විසඳීමට උත්සාහ ගන්නා බවත් ඔලිම්පික් කමිටුවේ විගණන වාර්තා වසර 5ක් ලබා දී නොමැති බවත්, එය ක්‍රීඩා පනත උල්ලංඝනය කිරීමක් බැවින් අදාළ නිලධාරීන්ට තරාතිරම නොබලා දැඩි ක්‍රියාමාර්ග ගන්නා බවත් ක්‍රීඩා ඇමැතිවරයා අවධාරණය කළේය.

2018 වසරේ ‍පොදුරාජ්‍ය මණ්ඩලයීය ක්‍රීඩා උළෙලට සහභාගි කරවන ශ්‍රී ලංකා බර ඉසිලීමේ කණ්ඩායම නම්කර ඇති අතර, ඊට ක්‍රීඩකයන් 7ක් සහ ක්‍රීඩිකාවන් 4ක් ඇතුළත් වේ.
පසුගිය සැප්තැම්බර් මස ඕස්ට්‍රේලියාවේ ගෝල්ඩ් කෝස්ට්හිදී පවත්වන ලද ‍පොදුරාජ්‍ය මණ්ඩලයීය බර ඉසිලීමේ තරගාවලියේදී දක්වන ලද දක්ෂතා පදනම් කර ගනිමින් ක්‍රීඩක ක්‍රීඩිකාවන් දස දෙනකු සුදුසුකම් ලබාගෙන තිබේ.
පසුගිය ඔක්තෝබර් මස අසර්බයිජාන්හිදී පැවැති ජාත්‍යන්තර ගෘහස්ථ තරගාවලියේදී ඩබ්ලිව්.පී. උෂාන් (කිලෝ ග්‍රෑම් 105ට වැඩි බර පන්තිය) දක්වන ලද දක්ෂතාව පදනම් කර ගනිමින් ‍පොදුරාජ්‍ය මණ්ඩලයීය ක්‍රීඩා උළෙලට නම්කර තිබේ.
මීළඟ ‍පොදුරාජ්‍ය මණ්ඩලයීය ක්‍රීඩා උළෙ‍ලේ බර ඉසිලීමේ තරග 2018 වසරේ අප්‍රේල් මස 4දා සිට 9දා දක්වා ඕස්ට්‍රේලියාවේ ගෝල්ඩ්කෝස්ට්හිදී පැවැත්වේ. 
2006 වසරේ ඕස්ට්‍රේලියාවේදී පැවැති ‍පොදුරාජ්‍ය මණ්ඩලයීය ක්‍රීඩා උළෙ‍ලේදී කිලෝ ග්‍රෑම් 62ට අඩු බර පන්තිය යටතේ රන් පදක්කමක් දිනා ගනිමින් මෙරට බර ඉසිලීමේ ක්‍රීඩාවේ නොමැකෙන සටහනක් තැබූ චින්තන ගීතාල් විදානගේ මෙවර ක්‍රීඩා
උළෙලටද සුදුසුකම් ලබා සිටීම කැපී පෙනෙයි.
එහිදී ඔහු ස්නැච් ක්‍රමයට කි.ග්‍රෑ. 118ක්ද, ක්ලීන් ඇන්ඩ් ජර්ක් ක්‍රමයට කි.ග්‍රෑම්. 153ක්ද ලෙස කි.ග්‍රෑම් 271ක බර එකතුවක් සටහන් කර ගනිමින් රන් පදක්කම දිනා ගත්තේය.
මැන්චෙස්ටර් (2002), මෙල්බර්න් (2006), නවදිල්ලි (2010) සහ ග්ලාස්ගෝව් (2014) ‍පොදුරාජ්‍ය මණ්ඩලයීය ක්‍රීඩා උළෙලවල්ද නියෝජනය කරමින් කැපී පෙනුණු චින්තන විදානගේ නවදිල්ලි තරගාවලියේදී කිලෝ ග්‍රෑම් 69 බර පන්තිය යටතේ රිදී පදක්කමක්ද දිනා ගැනීමට සමත් විය.
2010 වසරේදී ලෝකඩ පදක්කමක් සහ 2014 දී රිදී පදක්කමක් දිනා ගනිමින් කැපී පෙනුණු ඇන්ටන් සුදේශ් පීරිස් මෙවර ‍පොදුරාජ්‍ය මණ්ඩලයීය ක්‍රීඩා උළෙ‍ලේ පරිසාධන මට්ටමට ළඟා නොවීම හේතුවෙන් ශ්‍රී ලංකා කණ්ඩායමට ඇතුළත් වී නොමැත.
චින්තන ගීතාල්ට අමතරව ඉන්දික චතුරංග දිසානායක (2010, 2014), ශානක මධුශංඛ පීටර්ස් (2010, 2014), තිලංග විරාජ් පළඟසිංහ (2014), චමරි වර්ණකුලසූරිය (2014) යන ක්‍රීඩක ක්‍රීඩිකාවන් ‍පොදුරාජ්‍ය මණ්ඩලයීය ක්‍රීඩා උළෙලවල් නියෝජනය කරමින් අත්දැකීම් ලබා ඇති අතර, සෙසු ක්‍රීඩක ක්‍රීඩිකාවන් 6 දෙනා පළමු වරට සුදුසුකම් ලබා සිටියි.
 
‍පොදුරාජ්‍ය මණ්ඩලයීය ක්‍රීඩා උළෙලට සහභාගි වන ශ්‍රී ලංකා කණ්ඩායම
ජේ.ඒ. චතුරංග ලක්මාල් (කි.ග්‍රෑ. 56 බර පන්තිය), තිලංග විරාජ් පළඟසිංහ (කි.ග්‍රෑ. 62 බර පන්තිය), ඉන්දික චතුරංග දිසානායක (කි.ග්‍රෑ. 69 බර පන්තිය), චින්තන ගීතාල් විදානගේ (කි.ග්‍රෑ. 77 බර පන්තිය), ශානක මධුශංඛ පීටර්ස් (කි.ග්‍රෑ. 94 බර පන්තිය), ඒ.ජී. සමන් අබේවික්‍රම (කි.ග්‍රෑ. 105 බර පන්තිය), ඩබ්ලිව්.පී. උෂාන් (කි.ග්‍රෑ. 105ට වැඩි බර පන්තිය), හංසනී ගෝමස් (කි.ග්‍රෑ. 48 බර පන්තිය), චමරි වර්ණකුලසූරිය (කි.ග්‍රෑ. 53 බර පන්තිය), නදීශානි රාජපක්ෂ (කි.ග්‍රෑ. 58 බර පන්තිය), බි. චතුරිකා ප්‍රියන්ති (කි.ග්‍රෑ. 75 බර පන්තිය).
 
සපුමල් වීදිය බණ්ඩාර

ආසියානු පාසල් ක්‍රීඩා සභාවේ මෙහෙයවීමෙන් පසුගියදා හොංකොංහිදී පැවැති තෙවැනි ආසියානු පාසල් අවුරුදු 17න් පහළ රට හරහා දිවීමේ තරගයේ බාලක සහ බාලිකා කණ්ඩායම් ශූරතා ද්විත්වයම දිනා ගැනීමට ශ්‍රී ලංකා ක්‍රීඩක ක්‍රීඩිකාවෝ සමත් වූහ.
ආසියානු පාසල් රට හරහා දිවීමේ තරග ඉතිහාසයේ සහභාගි වූ පළමු අවස්ථාවේදීම ශ්‍රී ලංකාවට කීර්තියක් අත්කර දීමට ක්‍රීඩක ක්‍රීඩිකාවෝ සමත් වීම කැපී පෙනුණි.
ශ්‍රී ලංකා ක්‍රීඩිකාවෝ සමස්ත තරගයේ ප්‍රථම ස්ථානය, දෙවැනි ස්ථානය, තෙවැනි ස්ථානය, සිව්වැනි ස්ථානය, සත්වැනි ස්ථානය සහ 17 වැනි ස්ථානය දිනා ගැනීමට සමත් වූහ.
බාලිකා ප්‍රථම ස්ථානය චාමිනී හේරත් දිනාගත් අතර, දෙවැනි ස්ථානය ජයන්ති කණකරත්නටද, තෙවැනි ස්ථානය ප්‍රසාන්ති රත්නායකටද හිමි වූහ.
සිව්වැනි ස්ථානය සුභාෂිණී ප්‍රේමරත්නට හිමිවූ අතර, 7 වැනි ස්ථානය ගිහන්ති ජයසිංහ සතු වූවාය.
කණ්ඩායම් ශූරතාව දිනා ගැනීමට දායක වූ මාතර සුජාතා බාලිකා විද්‍යාලයේ හසන්ති මධුමාලිට 17 වැනි ස්ථානයෙන් සෑහීමට පත්වන්නු සිදු වූවාය.
මෙහි 1, 2, 3, 4 සහ 7 වන ස්ථාන දිනාගත් ක්‍රීඩිකාවන් මහනුවර ක්‍රීඩා පාසල වන වලල ඒ. රත්නායක මධ්‍ය මහා විද්‍යාලය නියෝජනය කිරීම කැපී පෙනෙයි.
මෙවර බාලක කණ්ඩායම් ශූරතාව දිනාගත් ශ්‍රී ලංකා පිල වෙනුවෙන් කැපී පෙනුණු කෑගල්ල රන්දිවෙල මහා විද්‍යාලයේ චමිදු මධුසංඛ රත්නායක කේවල ඉසව්වේ තෙවැනි ස්ථානය දිනා ගැනීමට සමත් විය.
හර්ෂ කරුණාරත්න (වලල ඒ. රත්නායක මැදි විදුහල) සිව්වැනි ස්ථානයද, සිතුම් සංජය ඩෙන්සිල් (වලල ඒ. රත්නායක)  6 වැනි ස්ථානයද, දම්මික විජේසූරිය (කෑගල්ල රන්දිවෙල මහා විදුහල) 8 වැනි ස්ථානයද, ප්‍රදීප් කුමාර (වලල ඒ. රත්නායක) 15 වැනි ස්ථානයද, කවිෂ්ක එරංග (කළුතර බණ්ඩාරනායක මහ විදුහල) 19 වැනි ස්ථානයද දිනා ගනිමින් බාලක කණ්ඩායම් ශූරතාව ශ්‍රී ලංකාවට දිනා දීමට සමත් වූහ.
ආසියානු පාසල් ක්‍රීඩා සභාව විසින් මෙහෙයවන ප්‍රධානතම රට හරහා දිවීමේ තරගය මෙය වන අතර, ඒ සඳහා චීනය, හොංකොං, ඉන්දුනීසියාව, කසකස්ථානය, මැකාවෝ, මොංගෝලියාව, සිංගප්පූරුව, තායිලන්තය සහ ශ්‍රී ලංකාව යන රටවල් නියෝජනය කරමින් ක්‍රීඩක ක්‍රීඩිකාවෝ සහභාගි වූහ.
කණ්ඩායම් බාලක අනුශූරතාව චීනයටද, තෙවැනි ස්ථානය ඉන්දුනීසියාවටද හිමි වූ අතර, බාලිකා කණ්ඩායම් අනුශූරතාව තායිලන්තයටද, තෙවැනි ස්ථානය හොංකොංටද හිමි විය.
(සටහන - සපුමල්)

ශ්‍රී ලංකා පාසල් මලල ක්‍රීඩා සංගමය සංවිධානය කරන 48 වැනි ‘ශ්‍රීමත් ජෝන් ටාබට් කුසලාන’  කනිෂ්ඨ පාසල් මලල ක්‍රීඩා තරගාවලිය අද (8දා) දියගම මහින්ද රාජපක්ෂ ක්‍රීඩාංගණයේදී ආරම්භ වේ.
අඛණ්ඩව 5 වැනි වරටත් සිලෝන් බිස්කට්ස් සමාගමේ ‘රිට්ස්බරි’ අනුග්‍රාහකත්වයෙන් පැවැත්වෙන මෙවර තරගාවලිය ලබන 10දා දක්වා ක්‍රියාත්මක කෙරේ.
අවුරුදු 15න් පහළ, අවුරුදු 14න් පහළ, අවුරුදු 13න් පහළ සහ අවුරුදු 11න් පහළ වයස් සීමා යටතේ බාලක-බාලිකා තරග ක්‍රියාත්මක කෙරෙන මෙවර තරගාවලියට දිවයිනේ පළාත් 9ම නියෝජනය කරමින් තරගකරුවන් 3000කට ආසන්න පිරිසක් සහභාගි වීමට නියමිතව තිබේ.
බාලක තරග ඉසව් 33 කින් සහ බාලිකා තරග ඉසව් 32කින් සැදුම්ලත් මෙවර තරගාවලියට හංවැල්ල, නාවලපිටිය සහ ‍පොළොන්නරුව ආශ්‍රිතව ක්‍රියාත්මක කරන ලද මුල් අදියරේ ජයග්‍රාහක ජයග්‍රාහිකාවන් සහභාගි වෙති.
අද පෙරවරු 8.45ට පැවැත්වෙන සමාරම්භක උත්සවය අධ්‍යාපන අමාත්‍යාංශයේ විශේෂ ක්‍රීඩා උපදේශක සුනිල් ජයවීර මහතාගේ ප්‍රධානත්වයෙන් පැවැත්වේ. 
(සපුමල්)

මේ මස 27, 28 සහ 29 දිනයන්හි නාවලපිටිය ජයතිලක ක්‍රීඩාංගණයේදී පැවැත්වීමට සැලසුම් කර තිබූ 48 වැනි ශ්‍රීමත් ජෝන් ටාබට් කුසලාන කනිෂ්ඨ මලල ක්‍රීඩා තරගාවලිය කඳුකරයට ඇද හැලෙන අධික වර්ෂාව හේතුවෙන් දියගම මහින්ද රාජපක්ෂ ක්‍රීඩාංගණයේදී පැවැත්වීමට තීරණය කළ බව ශ්‍රී ලංකා පාසල් මලල ක්‍රීඩා සංගමය දන්වා සිටියි.
මේ අනුව නොවැම්බර් 8, 9 සහ 10 යන තෙදින පුරා දියගමදී මලල ක්‍රීඩා උළෙල පැවැත්වේ.
අවුරුදු 12න් පහළ, 13න් පහළ, 14න් පහළ සහ 15න් පහළ (බාලක-බාලිකා) වයස් සීමාවන් යටතේ මෙවර තරග පැවැත්වෙන අතර, ක්‍රීඩක ක්‍රීඩිකාවන් 4500ක් පමණ තරගාවලියට සහභාගි වීමට නියමිත බව පාසල් මලල ක්‍රීඩා සංගමය දන්වා සිටියි.
 
(සපුමල්)

දියගම මහින්ද රාජපක්ෂ ක්‍රීඩාංගණයේදී ඊයේ (15දා) සවස නිමාවට පත්වූ 33 වැනි සමස්ත ලංකා පාසල් මලල ක්‍රීඩා උළෙලෙහි සමස්ත ශූරතාව දිනා ගැනීමට බස්නාහිර පළාත (ලකුණු 1268) සමත් වූ අතර, අනුශූරතාව මධ්‍යම පළාතටද (ලකුණු 526), තෙවැනි ස්ථානය වයඹ පළාතටද (ලකුණු 438) හිමිවිය. 
මෙවර අති ශූරතම ක්‍රීඩකයා ලෙස අකුරම්බොඩ වීර කැප්පෙටි‍පොල ජාතික පාස‍ලේ එස්.පී. අරුණ දර්ශන සම්මාන ලැබූ අතර, වෙන්නප්පුව ශුද්ධ වූ පවු‍ලේ කන්‍යාරාමයේ බි.එම්. හෂිනි ප්‍රබෝධා අති ශූරතම ක්‍රීඩිකාව ලෙස සම්මාන ලැබුවාය.
අරුණ දර්ශන අවු. 20 න් පහළ මී. 400 ඉසව්වේදී දැක්වූ තත්. 47.19ක දක්ෂතාව පදනම් කර ගනිමින්ද, හෂිනි ප්‍රබෝධා අවු. 20න් පහළ තුන් පිම්ම ඉසව්වේදී දැක්වූ මීටර් 13.22ක දක්ෂතාව පදනම් කර ගනිමින්ද අදාළ සම්මානවලට හිමිකම් කීවේය.
අකුරම්බොඩ වීර කැප්පෙටි‍පොල ජාතික පාස‍ලේ ඉගෙනුම ලබන නිවුන් සොහොයුරන් වන අරුණ දර්ශන සහ පසිඳු බවන්ත දක්ෂතම ජවන ක්‍රීඩකයා සහ විසිකිරීමේ ක්‍රීඩකයා සම්මාන ද්විත්වය දිනා ගැනීමද කැපී පෙනෙන සිදුවීමක් විය.
එස්. අරුණ දර්ශන බාලක මී. 400 ඉසව්වේදී තත්. 47.19ක දක්ෂතාවක් දක්වමින් දක්ෂතම ජවන ක්‍රීඩකයා ලෙසද, එස්. පසිඳු බවන්ත බාලක හෙල්ල විසිකිරීම ඉසව්වේදී මීටර්. 57.01 දක්ෂතාවක් දක්වමින් දක්ෂතම විසිකිරීමේ ක්‍රීඩකයා ලෙසද සම්මාන දිනා ගත්හ.
මෙවර පැනීමේ ඉසව් ආශ්‍රිත දක්ෂතම ක්‍රීඩකයා හෝ ක්‍රීඩිකාව සඳහා පිරිනැමුණු සම්මානය දිනා ගැනීමට වෙන්නප්පුව ශුද්ධ වූ පවු‍ලේ කන්‍යාරාමයේ බි.එම්. හෂිනි ප්‍රබෝධා (බාලිකා තුන්පිම්ම - මී. 13.22) ද, දක්ෂතම කඩුලු මතින් දිවීමේ ක්‍රීඩකයා හෝ ක්‍රීඩිකාව සඳහා පිරිනැමුණු සම්මානය කොළඹ ශා. ජෝශප් විදුහ‍ලේ ෂෙහාන් දිලූෂ කාරියවසම් (බාලක මීටර් 110 කඩුලු - තත්. 13.91) ද දිනා ගත්හ.
දින 5ක් පුරා දියගම මහින්ද රාජපක්ෂ ක්‍රීඩාංගණයේ පැවැති මෙවර මලල ක්‍රීඩා තරගාවලියෙහි සමස්ත බාලක ‍‍‍ජ්‍යෙෂ්ඨ ශූරතාව දිනා ගැනීමට ප්‍රසාද ලකුණු 105 හිමිකර ගත් මීගමුව මාරිස්ටෙලා විදුහල සමත් වූ අතර, ප්‍රසාද ලකුණු 187ක් හිමිකරගත් වලල ඒ. රත්නායක මැදි විදුහලට සමස්ත බාලිකා ‍‍‍ජ්‍යෙෂ්ඨ ශූරතාව හිමිවිය.
සමස්ත බාලක අනුශූරතාව කොටහේන ශා. බෙනඩික්ට් විදුහලටද (ලකුණු 97), බාලිකා සමස්ත සම අනුශූරතාව රත්නපුර සුමනා බාලිකා විදුහලට සහ රාජගිරිය ගේට්වේ ජාත්‍යන්තර පාසලට  (ලකුණු 62) හිමිවිය.
බාලක තෙවැනි ස්ථානය ලකුණු 92ක් ලැබූ වලල ඒ. රත්නායක මැදි විදුහල සතු විය.
මෙවර තරගාවලියේ කනිෂ්ඨ බාලක සමස්ත ශූරතාව කුරුණෑගල ශ්‍රීමත් ජෝන් කොතලාවල විදුහල (ලකුණු 37) දිනාගත් අතර, කනිෂ්ඨ බාලිකා සමස්ත ශූරතාව මීගමුව ආවේ මරියා කන්‍යාරාමය (ලකුණු 29) සතුවිය.
කනිෂ්ඨ බාලක අනුශූරතාව කොළඹ රාජකීය විදුහල (ලකුණු 20) සතු වූ අතර, තෙවැනි ස්ථානය වෙන්නප්පුව ශා. ජෝෂප් වාස් විදුහල (ලකුණු 19) සතුවිය.  
කනිෂ්ඨ බාලිකා අනුශූරතාව රත්නපුර සුමනා බාලිකා විදුහල (ලකුණු 23) සතු වූ අතර, තෙවැනි ස්ථානය නාවල ජනාධිපති බාලිකා විදුහල (ලකුණු 22) සතුවිය.
මෙවර බාලක සහය දිවීමේ ශූරතාව කොටහේන ශා. බෙනඩික්ට් විදුහල (ලකුණු 37) දිනාගත් අතර, වලල ඒ. රත්නායක මැදි විදුහලට (ලකුණු 46) බාලිකා සහය දිවීමේ ශූරතාව හිමිවිය.
සහය දිවීමේ බාලක සම අනුශූරතාව පන්නිපිටිය ධර්මපාල සහ මීගමුව මාරිස්ටෙලා (ලකුණු 20) දිනාගත් අතර, බාලිකා අනුශූරතාව කුරුණෑගල ශ්‍රීමත් ජෝන් කොතලාවල විදුහල (ලකුණු 22) සතුවිය.
මිශ්‍ර පාසල් ශූරතාව දිනා ගැනීමට වලල ඒ. රත්නායක මධ්‍ය මහා විදුහල (ලකුණු 269) සමත් වූ අතර, වත්තල ලයිසියම් ජාත්‍යන්තර පාසලට (ලකුණු 73) අනුශූරතාව හිමිවිය. 
ලකුණු 69ක් ලැබූ පන්නිපිටිය ධර්මපාල විදුහල (ලකුණු 69) තෙවැනි ස්ථානයට පත්විය. 
ක්‍රීඩා 28ක් වෙනුවෙන් ක්‍රීඩක ක්‍රීඩිකාවන් 39700කගේ සහභාගිත්වයෙන් පසුගිය 2දා කොළඹ රාජකීය විදුහල් ක්‍රීඩාංගණයේදී ඇරඹුණු 33 වැනි සමස්ත ලංකා පාසල් ක්‍රීඩා උළෙ‍ලේ සමාප්ති උලෙළ ඊයේ (15දා) අධ්‍යාපන අමාත්‍ය අකිල විරාජ් කාරියවසම් මහතාගේ ප්‍රධානත්වයෙන් පැවැත්විණි.

Page 1 of 11

IMAGE

රැඳවියකු බැලීමට ආ රූමතියට නියාමකගෙන් 'යෝජනාවක්'

IMAGE 2018 Jan 18 10:53
අනුරාධපුර බන්ධනාගාරයේ රක්ෂිත බන්ධනාගාර ගත කර සිටින සිය ඥාතියකු බැලීමට සහෝදරියක සමග ගිය...
Views - 2283

අයිවෝ ඩෙනිස් රෝහ‍ලේ

IMAGE 2018 Jan 17 10:59
මෙරට බිහි වූ විශිෂ්ටතම සංගීතඥයකු වූ සුනිල් ශාන්තයන්ගේ ගීත උරුමය ඉදිරි පරපුර වෙත රැගෙන ආ...
Views - 2317

ඡන්දය වෙනුවෙන් 'වඩියකට' ඉඩ දෙන්නැයි අපේක්ෂකයෝ ඉල්ලති

IMAGE 2018 Jan 16 10:42
තමන් කිසිදා  කසිප්පු පෙරීම නොකළ නමුත් මැතිවරණය අවසන් වන තුරු පමණක්  කාර්යාලය පිටුපස දින...
Views - 3836

අහඹු ගැබ් ගැනීම් වලකන පෙති ඇසුරුම් 20 අනුරපුර පාසලක

IMAGE 2018 Jan 16 09:59
පාසල ශුද්ධ පවිත්‍ර කිරීමේ ශ්‍රමදානයකට සහභාගී වූ මවකට අනුරාධපුර නගරයේ පාසලක තිබී අහඹු ලෙස...
Views - 4365

අන්තර්ජාල ඡායාරූපයේ සත්‍ය කතාව උදාරි හෙළි කරයි

IMAGE 2018 Jan 15 12:15
ප්‍රවේගය සිනමා පටයෙන් බොහෝ දෙනාගේ ආදරය දිනාගත් උදාරි පෙරේරාගේ තට්ට හිස සහිත ඡායාරූප පෙළක්...
Views - 5203

හොලිවුඩ් නිළියන්ටත් ලිංගික හිංසන

IMAGE 2018 Jan 15 11:49
වසර හැත්තෑ පහක කාලය තුළ අමුතුම ආකාරයේ ගෝල්ඩන් ග්ලෝබ් සම්මාන උළෙලක් පළමු වරට පසුගිය ඉරිදා...
Views - 3066

Please publish modules in offcanvas position.

X

Right Click

No right click