Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - [email protected] youtube
lakbima.lk

                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

ශ්‍රී ලංකා පිල තරග ජය ගන්නා විට ලබා දුන් සහයෝගය කණ්ඩායම වැටී සිටින මෙම මොහාතේදීත් ලබා දෙන ලෙසත් තරග ජය ගන්නා දිනය වැඩි ඈතක නොවන බවත් ශ්‍රී ලංකා නායක චාමර කපුගෙදර තෙවැනි එක්දින තරගය පරාජය වීමෙන් පසු පැවැති මාධ්‍ය හමුවේදී පැවැසීය.
පසුගිය තරග දෙකේදී ශ්‍රී ලංකා පන්දු යැවීමේ විශාල දියුණුවක් දක්නට ලැබුණු බවත් පිතිකරුවන් සිය යුතුකම් කොටස ඉටුකළ විට ශ්‍රී ලංකාවට නැවත ජය මාවතට පිවිසිය හැකි බවත් කපුගෙදර පවසයි.
මෙම තරග දෙකේදීම ඉන්දීය පිතිකරුවන්ට දැඩි පීඩනයක් එල්ල කිරීමට ශ්‍රී ලංකා පන්දු යවන්නන් සමත් වුවද අත්දැකීම් පිරි දෝනි එම අවදානම් අවස්ථාවේ වගකීම ඉටු කරමින් ජය මාවත විවර කර දුන්නේය.
කෙසේ වුවද ශ්‍රී ලංකාවේ අංක 1 පන්දු යවන්නා වන ලසිත් මාලිංග පන්දුවාර 5 ක් පමණක් යැවීම අදහාගත නොහැකි සිදුවීමක් විය.
“දෝනිගේ ඉනිම ඉතා වැදගත්. ඔහු අත්දැකීම් උපයෝගි කරගෙන අසීරු අවස්ථා දෙකෙන්ම ගොඩ ගත්තා. අවසන් තරග දෙකම ඔවුන්ට දිනා දුන් ඔහු විශිෂ්ට ක්‍රීඩකයෙක්” යැයි කපුගෙදර පවසයි.
ශ්‍රී ලංකාව වෙනුවෙන් චන්දිමාල් සහ තිරිමාන්න සාර්ථක සම්බන්ධතාවක් තැබුවද ඉන් පසු කඩුලු බිඳ වැටීම ශ්‍රී ලංකාවේ පරාජයට හේතුවිය. අත්දැකීම් පිරි දෝනි වගකීමකින් පන්දුවට පහර දෙද්දී ශ්‍රී ලංකාවේ අත්දැකීම් පිරි මැතිව්ස් අනවශ්‍ය රිවර්ස් ස්වීප් පහරකින් දැවීයාම බිඳ වැටීමේ ආරම්භය විය.
“අපේ මැද පෙළ දුර්වල වුණා. චන්දි-තිරී සම්බන්ධතාවයෙන් පස්සේ අවශ්‍යම වෙලාවේ කඩුලු වැටුණා. මිලින්ද උත්සාහයක් ගත්තා. අපිට ලකුණු 30 ක් 40 ක් මදිවුණා. සැලසුම් කළ විදිහට ඒ දේවල් සිදුවුණේ නෑ. පන්දු යවන්නන්ගේ වර්ධනයක් තියෙනවා. පිතිකරුවන්ගේ වර්ධනයක් දැන් අවශ්‍යයි”යැයි කපුගෙදර පවසයි.
එක දිගට තරග පරාජය වන විට ඉන් ගොඩඒම අසීරු බව පවසන කපුගෙදර ලොව ඕනෑම කණ්ඩායමකට මෙවන් කාල උදාවන බවත් එක් තරගයක් ජයගෙන මෙම තත්ත්වය වෙනස් කිරීමට හැකි බවද පවසයි.
“අපට මෙම තත්ත්වයෙන් ගොඩ එන්න එක ජයග්‍රහණයක් අවශ්‍යයි. ඊට පස්සෙ ජයග්‍රාහී මානසිකත්වය එනවා. අපි හැමෝම ගහන්නේ දිනන්න. ඉදිරි තරග දෙක දිනන්න හැමෝම බලා‍පොරොත්තුවෙන් ඉන්නේ.” යැයි කපුගෙදර පවසයි.
කණ්ඩායමේ සියලුම ක්‍රීඩකයන් එකාමෙන්ම ශ්‍රී ලංකාවේ ජය වෙනුවෙන් සටන් වදින බව පවසන කපුගෙදර සියලුම දෙනාගේ උත්සාහය ඉදිරි තරග 2 ක ජයගෙන ජය මාවතට පිවිසීම බවද පවසයි.
පුහුණුකරුවන්ට මෙම පරාජය පිළිබඳ දොස් පැවරීම සාධාරණ නොවන බව පවසන කපුගෙදර පිටිය මැදට ගොස් ක්‍රීඩා කරන්නේ ක්‍රීඩකයන් මිස පුහුණුකරුවන් නොවන බව පවසයි.
“අපිට සියලුම දේ ලැබෙනවා. සියලු සැලසුම් ලැබෙනවා. ඒත් ඒ සියල්ල අපි පිටිය මැදදී සාර්ථකව කළ යුතුයි. එසේ නොවන විට එහි වගකීම ක්‍රීඩකයන් භාරගත යුතුයි. පුහුණුකරුවන්ට සහ සෙසු අයට දොස් පැවරීම වැඩකට ඇති දෙයක් නොවෙයි” කපුගෙදර පවසයි.
කොළඹ පැවැත්වෙන ඉදිරි තරග දෙක පිළිබඳව සැලසුමක් සකස් කරන බවත් කෙසේ හෝ එම තරග ජයගෙන යළිත් ජය මාවතට පිවිසීම සියලුම ක්‍රීඩකයන්ගේ අධිෂ්ඨානය බවත් ශ්‍රී ලංකාවේ ජයග්‍රහණය වැඩි ඈතක නොවන බවත් කපුගෙදර පවසයි.

මංගල ධර්මප්‍රේම පල්ලෙකැ‍ලේ සිට

ශ්‍රී ලංකාව සහ ඉන්දියාව අතර පල්ලෙකැ‍ලේදී පැවැති තෙවැනි එක්දින ක්‍රිකට් තරගයේදී පන්දුවට පහර දෙමින් සිටියදී පන්දුවක් අතේ වැදීමෙන් ආබාධයකට ලක්වූ දිනේෂ් චන්දිමාල්ට තරගාවලියේ ඉදිරි තරග අහිමිවී තිබේ.
චන්දිමාල්ගේ අතේ අස්ථි බිඳීමක් සිදුවී ඇති බැවින් මෙසේ ඔහුට ඉදිරි තරග අහිමිවී තිබේ.

ලබන මස පාකිස්තානයේ තරග සංචාරයක නිරත වන ලෝක ක්‍රිකට් පිල නම්කර ඇති අතර, එහි නායකත්වය දකුණු අප්‍රිකානු ක්‍රීඩක ෆැෆ් ඩුප්ලෙසිස් වෙත පවරා තිබේ.
ක්‍රීඩකයින් 14 දෙනකුගෙන් යුත් මෙම 20-20 ලෝක ක්‍රිකට් කණ්ඩායමට ශ්‍රී ලංකාවෙන් තිසර පෙරේරා පමණක් ඇතුළත් වෙයි.
මෙම කණ්ඩායමට නායක ෆැෆ් ඩුප්ලෙසිස් සමගින් දකුණු අප්‍රිකානු ක්‍රීඩකයන් පස්දෙනකු ඇතුළත් වන අතර, ඕස්ට්‍රේලියානු ක්‍රීඩකයන් තිදෙනකු ඇතුළත් වෙති.
කොදෙව් ක්‍රීඩකයන් දෙදෙනකුද ලෝක පිලට ඇතුළත් අතර, එංගලන්තය, බංග්ලාදේශය සහ නවසීලන්තයෙන් එක් ක්‍රීඩකයකු බැගින් නම්කර තිබේ.
ලෝක පි‍ලේ පුහුණුකරු ලෙස ඇන්ඩි ෆ්ලවර් නම්කර ඇත.
පාකිස්තානයේ ලාහෝර්හි වත්මන් ආරක්ෂක තත්ත්වය සතුටුදායක බැවින් මෙම ලෝක කණ්ඩායම 20-20 තරග තුනකට සහභාගි වේ.
ශ්‍රී ලංකා පි‍ලේ එළැඹෙන පාකිස්තානු තරගාවලියේදීද එක් 20-20 තරගයක් ලාහොර් හිදී පැවැත්වීමට අදහස් කර ඇති අතර, බටහිර ඉන්දීය කොදෙව් පිලද පාකිස්තානයේ 20-20 තරගාවලියක් සඳහා සහභාගි වීමට සූදානමින් පසුවේ.

ලෝක ක්‍රිකට් පිල

ෆැෆ් ඩුප්ලෙසිස් (නායක),හෂීම් අම්ලා, සැමුවෙල් බද්රි, ජෝර්ජ් බේලි, ‍පෝල් කොලින්වුඩ්, බෙන් කටින්, ග්‍රාන්ට් එලියට්, තමීම් ඉක්බාල්, ඩේවිඩ් මිලර්, මෝනි මෝකල්, ටිම් පේන්,තිසර පෙරේරා, ඉම්රාන් තහීර්, ඩැරන් සමී

ශ්‍රී ලංකාව සහ ඉන්දියාව අතර තරග 5කින් සමන්විත එක්දින ක්‍රිකට් තරගාවලියේ දෙවැනි තරගය අද (24දා) පල්ලෙකැ‍ලේ ජාත්‍යන්තර ක්‍රිකට් ක්‍රීඩාංගණයේදී පැවැත්වේ.
දඹුල්‍ලේ පැවැති පළමු තරගයෙන් කඩුලු 9ක ජයක් වාර්තා කළ ඉන්දියාව තරගාවලිය 1-0ක් ලෙස පෙරමුණ ගෙන සිටියි.
අද තරගයෙන් ජයගෙන තරගාවලිය සම කිරීමේ අරමුණින් ශ්‍රී ලංකා පිල සටන් බිමට පිවිසී සිටියි.
පළමු තරගයේදී මුලින්ම පන්දුවට පහර දුන් ශ්‍රී ලංකාව එක් අවස්ථාවක කඩුලු 3ට ලකුණු 150ක් ලබා ප්‍රබල තත්ත්වයක පසු වුවද මැද පෙළ පිතිකරුවන් දැක්වූ දුර්වලතා හේතුවෙන් ඉනිම බිඳ වැටුණි.
අද තරගයේදී ශ්‍රී ලංකා පිතිකරුවන්ට වැඩි වගකීමක් පැවැරී ඇති අතර, ටෙස්ට් තරගාවලියේදී මෙන්ම පළමු තරගයේදී අසාර්ථක වූ නායක උපුල් තරංග යළිත් ලකුණු අතරට පිවිසීම අනිවාර්ය වී තිබේ. 
පළමු තරගයේදී උපුල් තරංග ෆුල්ටොස් පන්දුවකට දැවී යාමත්, කපුගෙදරගේ අනවශ්‍ය දුවද්දී දැවී යාම මෙන්ම වනිඳු හසරංගගේ අනවශ්‍ය ප්‍රහාර හේතුවෙන් ශ්‍රී ලංකාවේ කඩුලු එක පිට එක බිඳ වැටුණි.
හිටපු නායක ඇන්ජලෝ මැතිව්ස් පළමු තරගයේදී නොදැවී කඩුල්‍ලේ රැඳී සිටියද කඩුලු වැටෙන අවස්ථාවේ පිතිකරු අන්තය නොගෙන පළමු පන්දුවෙන්ම අනෙක් අන්තයට මාරුවීම පිළිබඳව දැඩි විවේචන එල්ල වී තිබේ.
මේ අනුව අද තරගය ජය ගැනීමට සියලුම පිතිකරුවන් සිය යුතුකම් කොටස ඉටු කළ යුතු වන අතර, මෙම තරගය පරාජය වුවහොත් තරගාවලියට අවතීර්ණ වීම අසීරු අභියෝගයක් වීමට ඉඩකඩ තිබේ.
මේ අතර පළමු තරගයේදී කඩුලු ලබා ගැනීමට අසමත් වූ සුපිරි වේග පන්දු යවන්නා වන ලසිත් මාලිංගට යළිත් දස්කම් අතරට පිවිසීම අනිවාර්ය වී තිබේ.
ඉන්දීය පිතිකරුවන්ට තර්ජනයක් එල්ල කිරීමට මුල් කඩුලු කිහිපය දවා ගැනීමේ අභියෝගය මාලිංගට පැවැරී ඇති නමුත් දඹුල්‍ලේදී ඔහු ප්‍රහාරයකට ලක් විය. 
සිය 300 වැනි එක්දින කඩුල්ල දවා ගැනීමට කඩුලු 2ක් පසුපසින් සිටින මාලිංගට දඹුල්‍ලේදී එම කඩඉම පසු කිරීමට නොහැකි වූ අතර, පල්ලෙකැ‍ලේදී යළිත් අවස්ථාවක් හිමිවී තිබේ.
අද තරගයේදී මිලින්ද සිරිවර්ධන සහ අකිල ධනංජය ක්‍රීඩා කිරීමේ ඉඩකඩක් පවතින බව වාර්තා වන අතර, කණ්ඩායම පිළිබඳව අවසන් තීරණය අද පෙරවරුවේ ගැනීමට නියමිතව තිබේ. 
මේ අතර ඉන්දීය කණ්ඩායම පළමු තරගයේදී ක්‍රීඩා කළ කණ්ඩායමම අද තරගයට යෙදවීමට බොහෝ දුරට ඉඩකඩ ඇති බව වාර්තා වේ.
පළමු තරගයේදී රෝහිත් ෂර්මා අසාර්ථක වූ අතර, අජින්ක්යා රහානේද ස්ථානයක් බලා‍පොරොත්තුවෙන් පසුවෙයි. 
අද තරගය සඳහා දැඩි ආරක්ෂක විධි විධාන යෙදවීමට කටයුතු යොදා ඇති අතර, පළමු තරගයේදී නරඹන්නන් ක්‍රීඩා පිටිය තුළට පැමිණීම නිසා මෙම තීරණය ගෙන තිබේ.
 
ශ්‍රී ලංකා එක්දින සංචිතය
උපුල් තරංග (නායක), ඇන්ජලෝ මැතිව්ස්, නිරෝෂන් දික්වැල්ල, ධනුෂ්ක ගුණතිලක, කුසල් මෙන්ඩිස්, චාමර කපුගෙදර, මිලින්ද සිරිවර්ධන, මලින්ද පුෂ්පකුමාර, අකිල ධනංජය, ලක්ෂාන් සඳකැන්, තිසර පෙරේරා, වනිඳු හසරංග, ලසිත් මාලිංග, දුෂ්මන්ත චමීර, විශ්ව ප්‍රනාන්දු
 
ඉන්දීය එක්දින සංචිතය
විරාත් කෝලි (නායක), ෂිකර් ධවාන්, ලෝකේෂ් රාහුල්, රෝහිත් ෂර්මා, අජින්ක්යා රහානේ, එම්.එස්. දෝනි, හාර්දික් පාන්ඩ්යා, අක්ෂාර් පටෙල්, කුල්දීප් යදාව්, බුවනේෂ්වර් කුමාර්, ජස්ප්‍රිට් බුම්රා, මනීෂ් පාන්ඩේ, යස්වෙන්දර් චහාල්, කෙදර් ජදාව්, ෂර්දුල් තකූර්
 
මංගල ධර්මප්‍රේම පල්ලෙකැ‍ලේ සිට

මොණරාගල දිස්ත්‍රික් ක්‍රිකට් සංගමයේ අධීක්ෂණය යටතේ මොණරාගල ග්‍රේට් ක්‍රිකට් පාසල ප්‍රථම වරට සංවිධානය කරන ‘වෙල්ලස්ස ශූරයන්ගේ කුසලාන 20-20 ක්‍රිකට් තරගාවලිය අගෝස්තු 26දා ආරම්භ කෙරේ.
පැලවත්ත සීනි සමාගම් ක්‍රීඩාංගණයේ සහ ඌව වෙල්ලස්ස ජාතික ක්‍රීඩාංගණය කේන්ද්‍ර කර ගනිමින් පැවැත්වෙන මෙම තරගාවලිය සැප්තැම්බර් 3දා දක්වා පැවැත්වේ.
මෙම තරගාවලියට ඉන්දු-පාකිස්තාන් ක්‍රීඩකයන් 13ක් සහ ශ්‍රී ලංකා අවු. 19න් පහළ කණ්ඩායම නියෝජනය කළ ක්‍රීඩකයින් රැසක් සහභාගි වන බව තරගාවලිය පිළිබඳව මාධ්‍ය දැනුවත් කිරීමේ හමුවේදී මොණරාගල දිස්ත්‍රික් ක්‍රිකට් සංගමයේ ‍ලේකම් හා තරගාවලියේ ප්‍රධාන මෙහෙයුම් අධ්‍යක්ෂ ඩබ්ලිව්.එම්.එන්. බණ්ඩාර මහතා පැවැසීය.
මොණරාගල දිස්ත්‍රික්කයේ පාසල්, ක්‍රීඩා සමාජ සහ ජාතික තලයේ ක්‍රීඩකයන් හා විදෙස් 15න් පහළ සහ 19න් පහළ ක්‍රීඩකයන්ගෙන් සැදුම්ලත්  කණ්ඩායම් 8ක් තරගාවලියට එක්වී සිටිති.
තරගාවලියේ ශූරයන්ට රුපියල් ලක්ෂයක මුදල් ත්‍යාගයක් සමග කුසලාන පිරිනැමෙන අතර, අනුශූරයන්ට කුසලාන සමගින් රු. 50,000ක මුදල් තිළින පිරිනැමෙන බව සංවිධායකයින් අනාවරණය කළේය. 
 
ඉන්දික රොෂාන් ගරුසිංහ - වැල්ලවාය

බටහිර ඉන්දීය කොදෙව් පිල ලබන නොවැම්බරයේ පාකිස්තානයේ 20-20 තරගාවලියක් සඳහා ක්‍රීඩා කිරීමට සූදානමින් පසුවන බව ලෝක ක්‍රිකට් ආරංචි මාර්ග සඳහන් කරයි.
2009 දී ශ්‍රී ලංකා ක්‍රිකට් පිලට ත්‍රස්ත ප්‍රහාරයක් එල්ල වීමෙන් පසු පාකිස්තානයේ ක්‍රිකට් තරගවලට සහභාගි වීමට කිසිදු කණ්ඩායමක් නොපැමිණියේය.
එහෙත් 2015 දී සිම්බාබ්වේ පිල 20-20 තරග 3කට ලාහෝර් වෙත පැමිණි නමුත් එහිදී 20-20 තරගය අතරතුර ලාහෝර් නුවර බෝම්බ පිපිරීමක් සිදුවිය.
එහෙත් ලාහෝර්හි වත්මන් ආරක්ෂක තත්ත්වය සැලකිල්ලට ගනිමින් ලෝක ක්‍රිකට් පිලක් ලබන මස පාකිස්තානයේ සංචාරයකට සූදානම් වීමත් සමගම පාකිස්තානයට ක්‍රිකට් වසන්තයක් උදාවන ලකුණු පහළ වී තිබේ.
ශ්‍රී ලංකා ක්‍රිකට් පිලද එළැඹෙන පාකිස්තානු තරගාවලියේදී එක් 20-20 තරගයක් ලාහෝර් නුවර පැවැත්වීමට අදහස් කරන බව ක්‍රිකට් සභාපති තිලංග සුමතිපාල මහතා පසුගියදා අනාවරණය කළේය.
පාකිස්තානයේ සංචාරය කරන ලෝක ක්‍රිකට් පි‍ලේ ක්‍රීඩකයන්ගේ නාම‍ලේඛනය අද නිවේදනය කරන බව පාකිස්තානු ක්‍රිකට් පාලක මණ්ඩලය පවසා තිබේ.
කොදෙව් පිල නොවැම්බරයේ ලාහෝර්හිදී තරග 3 කින් සමන්විත 20-20 තරගාවලියකට ක්‍රීඩා කිරීමේ සූදානමකින් පසුවෙයි.
මේ අතර කරච්චි නුවර 
ආරක්ෂක තත්ත්වය සමාලෝචනය කිරීමට පාකිස්තානු ක්‍රිකට් සභාපතිවරයා එහි ගොස් ඇති අතර, කරච්චියේ තරග කිහිපයක් පැවැත්වීම කෙරෙහිද අවධානය යොමුවී තිබේ.
2017 පාකිස්තානු ප්‍රිමියර් ලීග් තරගාවලිය ඩුබායිහි පැවැති අතර, අවසන් මහ තරගය ලාහෝර්හිදී පැවැත්වුණි. එහිදී ජාත්‍යන්තර ක්‍රීඩකයන් රැසක් තරගයට නොපැමිණි නමුත් ඩැරන් සමී ඇතුළු කිහිපදෙනෙක් අවසන් මහ සටනට සහභාගි වූහ. මෙහිදී කිසිදු ප්‍රශ්නයකින් තොරව අවසන් මහ තරගය පැවැත්වුණි.
IMAGE

55 වියැති බැංකු ලොක්කා 29 කන්තෝරු නෝනා සමඟ 'හනිමූන්' ගිහින්

IMAGE 2017 Nov 22 12:50
බැංකුවක උසස් නිලයක් දරන පනස්පස් හැවිරිදි සිය සැමියා වසර ගණනාවක් තිස්සේ විසිනව හැවිරිදි රජයේ...
Views - 2330

අහසේ සිට බිමට පනින එස්.ටී.එෆ්. යුවතියෝ

IMAGE 2017 Nov 22 10:55
අම්පාර උහන ගුවන් ධාවන පථයෙන් අහසට නැඟගත්, එම්. අයි. 17 වර්ගයේ හෙලිකොප්ටරය  නිලඹර දෙපළු කරමින්...
Views - 1545

මිහිදුම සහ වැස්ස ගැන 'කාලගුණ විද්‍යාවෙන්' බොරු කී‍වේ ඇයි?

IMAGE 2017 Nov 22 10:43
මේ දිනවල අළුයම් කාලයේ අගනුවර ඇතුළු ප්‍රදේශ රැසක දැඩි මිහිදුම් තත්ත්වයක් දක්නට ලැබුණු බව...
Views - 817

මුගාබේගේ බිරිඳ ද පක්ෂයෙන් නෙරපයි

IMAGE 2017 Nov 21 09:37
වසර 37  ක කාලයක් සිම්බාබ්වේ දේශය පාලනය කළ රොබට් මුගාබේ නිවාස අඩස්සියට ගනිමින් හමුදාව එරට...
Views - 1832

ඒ ආදර කතාව ඉවරයි මම දැන් සින්ගල්

IMAGE 2017 Nov 19 17:31
සිරස ජුනියර් සුපර් ස්ටාර් කියන්නේ මේ දවස්වල ප්‍රේක්ෂකයන් ආදරයෙන් වැළඳ ගත් රියැලිටි...
Views - 5468

කේන්ද්‍රයක මාරක අපල තිබීමටත් වඩා නොතිබීම භයානකය

IMAGE 2017 Nov 19 15:19
මහජන බැංකු විශ්‍රාමික සංගමයේ පිළියන්දල කැස්බෑව ශාඛාවේ අටවන සංවත්සරික සභාව පසුගිය...
Views - 3416

Please publish modules in offcanvas position.

Web Analytics