Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - [email protected] youtube
lakbima.lk

                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

ශ්‍රී ලංකාව සහ ඉන්දියාව අතර සිව්වැනි එක්දින ක්‍රිකට් තරගය අද (31දා) කොළඹ ආර්. ප්‍රේමදාස ජාත්‍යන්තර ක්‍රිකට් ක්‍රීඩාංගණයේදී පැවැත්වේ.
තෙවැනි තරගයට නායකත්වය ලබාදුන් චාමර කපුගෙදර ආබාධයකට ගොදුරු වීම නිසා අද ශ්‍රී ලංකා පිල මෙහෙයවීම ලසිත් මාලිංගට පවරා තිබේ.
තරගය පිළිබඳව අදහස් දක්වන ශ්‍රී ලංකා නායක ලසිත් මාලිංග පවසන්නේ තරගය පිළිබඳව කිසිම පීඩනයක් නොමැති බවත්, සියලුම ක්‍රීඩකයන් සටනට සූදානමින් පසුවෙන බවයි.
“මට කිසිම පීඩනයක් නෑ. මීට වඩා පීඩන යටතේ මම පන්දු යවා තියෙනවා. සෙසු ක්‍රීඩකයන්ටත් පීඩනයක් ඇති නොවන විදිහට මනස හදනවා. එවිට අපිට හොඳ ප්‍රතිඵලයක් ලැබෙයි.” යැයි මාලිංග පවසයි.
මෙම තරගයේදී කණ්ඩායම මෙහෙයවීම තමන්ට අභියෝගයක් බවත්, මෙවන් අභියෝගවලට තමා සැමවිටම කැමැත්තක් දක්වන බවත් මාලිංග පවසයි. 
“මේක මට අභියෝගයක්. තරග තුනක් පැරදිලා ඉන්නේ. ඒත් අපි ඔක්කොම එකතු වුණොත් අද යමක් කරන්න පුළුවන් වෙයි. හැමෝටම ඒ ගැන ලොකු විශ්වාසයක් තියෙනවා.” යැයි මාලිංග පවසයි.
ශ්‍රී ලංකා කණ්ඩායමේ ක්‍රීඩකයන්ගේ දක්ෂතා අඩුවක් නොමැති බවත් භාවිතා කිරීමේ යම් අඩුපාඩු ඇති බවත් එය නිවැරදි කර ගත යුතු බවත් මාලිංග පවසයි. 
සමුගැනීම පිළිබඳව ඇසූ පැනයට පිළිතුරු දුන් මාලිංග පවසන්නේ 2020 වනතෙක් ක්‍රීඩා කිරීමට තමන් බලා‍පොරොත්තුවෙන් පසුවන බවයි. 
මේ අනුව එක්දින කඩුලු 300ට එක් කඩුල්ලක් පසුපසින් සිටින ලසිත් මාලිංග අද නායකත්වය දරමින් එම කඩඉම පසු කිරීමට බලා‍පොරොත්තුවෙන් පසුවෙයි.
අද තරගයේදී ආබාධයකට ගොදුරු වී සිටින ධනුෂ්ක ගුණතිලක ආවරණය කිරීමට ඩිල්ෂාන් මුණවීර කණ්ඩායමට කැඳවා තිබේ. ධනුෂ්ක ගුණතිලකගේ තත්ත්වය අනුව හෙට පෙරවරුවේ ඉනිම ආරම්භ කරන පිතිකරුවා තීරණය කිරීමට නියමිතව තිබේ.
තරගාවලිය ජයගෙන සිටින බැවින් අද ඉන්දීය පි‍ලේ ක්‍රීඩකයන් කිහිපදෙනකු විවේක ගන්වා සෙසු ක්‍රීඩකයන්ට අවස්ථාවක් ලබාදීමට නියමිත බවද පැවසේ.
කෙසේ වුවද අද දහවල් තණතීරුව පරීක්ෂා කිරීමෙන් පසු කණ්ඩායම් දෙකම අවසන් තීරණය ගැනීමට අපේක්ෂාවෙන් පසුවෙයි.
මේ අතර අද තරගය සඳහා දැඩි ආරක්ෂාවක් යෙදවීමට පියවර ගෙන තිබිම කැපී පෙනෙයි.
 
ශ්‍රී ලංකා එක්දින සංචිතය
ලසිත් මාලිංග (නායක), ඇන්ජලෝ මැතිව්ස්, නිරෝෂන් දික්වැල්ල, ලහිරු තිරිමාන්න, ධනුෂ්ක ගුණතිලක, කුසල් මෙන්ඩිස්, මිලින්ද සිරිවර්ධන, මලින්ද පුෂ්පකුමාර, අකිල ධනංජය, ලක්ෂාන් සඳකැන්, තිසර පෙරේරා, වනිඳු හසරංග,  දුෂ්මන්ත චමීර, විශ්ව ප්‍රනාන්දු, ඩිල්ෂාන් මුණවීර
 
ඉන්දීය එක්දින සංචිතය
විරාත් කෝලි (නායක), ෂිකර් ධවාන්, ලෝකේෂ් රාහුල්, රෝහිත් ෂර්මා, අජින්ක්යා රහානේ, එම්.එස්. දෝනි, හාර්දික් පාන්ඩ්යා, අක්ෂාර් පටෙල්, කුල්දීප් යදාව්, බුවනේෂ්වර් කුමාර්, ජස්ප්‍රිට් බුම්රා, මනීෂ් පාන්ඩේ, යස්වෙන්දර් චහාල්, කෙදර් ජදාව්, ෂර්දුල් තකූර්
 
මංගල ධර්මප්‍රේම

ශ්‍රී ලංකා ක්‍රිකට් ආයතනය හරහා විශේෂ ප්‍රකාශයක් නිකුත් කරමින් ජාතික ක්‍රිකට් තේරීම් කමිටුවේ සාමාජික සනත් ජයසූරිය (සභාපති), අසංක ගුරුසිංහ, රොමේෂ් කළුවිතාරණ, එරික් උපශාන්ත සහ රංජිත් මධුරසිංහ යන අය නිවේදනයක් නිකුත් කර තිබේ.
“අප ශ්‍රී ලංකා ජාතික ක්‍රිකට් තේරීම් කමිටුව වශයෙන් බරපතල විචාරණයකින් හා සලකා බැලීමකින් පසුව දැන් පැවැත්වන ශ්‍රී ලංකා-ඉන්දීය තරගාවලියෙන් පසුව බලපැවැත්වෙන පරිදි ශ්‍රී ලංකා ක්‍රිකට් ආයතනය විසින් පත්කරනු ලැබූ ක්‍රිකට් තේරීම් කමිටුවේ තනතුරුවලින් ඉල්ලා අස්වීමට තීරණය කර තිබේ.
අප විසින් මෙම තීරණය ගනු ලබන්නේ ක්‍රීඩාවේ උපරිම යහපත පිළිබඳ සැලකිල්ල යොමුකරමින් හා විවිධ පාර්ශ්වයන් මගින් ද්වේශසහගත සිතුවිල්ලෙන් යුක්තව සිදුකරනු ලබන අහිතකර හා අනිසි විවේචන මගින් ක්‍රීඩාවේ නාමයට සිදුවන හානියන් වළක්වා ගැනීමේ අදහසිනි.
ක්‍රීඩාව තුළ වරින් වර සිදුවන විවිධ පසුබැසීම් උපයෝගී කරගනිමින් සිදුකරනු ලබන විවිධ වූ උසිගැන්වීම් මේ වන විට මහජන නොසන්සුන්තාවයන් සඳහාද හේතුවී ඇති අතර, එකී ක්‍රියාමාර්ග මගින් කෙටි හා දිගුකාලීනව ක්‍රිකට් ක්‍රීඩාවේ අනාගතය බිඳ දමන බවත්, එමෙන්ම එවන් වූ හැසිරීම් මගින් ජාතික කණ්ඩායමේ ක්‍රීඩකයන් අධෛර්යයට පත්කරලමින් ශ්‍රී ලංකා කණ්ඩායම, පුහුණු කාර්ය මණ්ඩලය, තේරීම් කමිටුව, පරිපාලනය සහ සමස්ත ශ්‍රී ලංකාවම කෙරෙහි වේදනාකාරී සහ වැරදි සහගත චිත්‍රයක් ජාත්‍යන්තරය ඉදිරියේ නිර්මාණය කිරීමට දායක කරනු ලබයි.
පසුගිය ඉරිදා පල්ලෙකැ‍ලේ පැවැති 3 වන එක්දින තරගයේදී අත්දැකීමට සිදුවූ නොසැලකිලිමත් සහ නොහික්මුණු හැසිරීම් අපහට අත්දැකීමට සිදුවූ අවාසනාවන්තම සිදුවීම වන අතර, සංවිධානාත්මක අඳුරු  පාර්ශ්වයන් විසින් ශ්‍රී ලාංකික ජනතාවගේ සිත් තුල ක්‍රෝධය හා පිළිකුල ඇතිකරවමින් ශ්‍රී ලාංකීය ක්‍රිකට් අභිමානය විනාශ කරලීමට ප්‍රථමව අප විසිල් ඉල්ලා අස්වීම නිවේදනය කරමින් ශ්‍රී ලංකාවේ ක්‍රිකට් ක්‍රීඩාව පමණක් නොව අපේ රටට, අපේ ජනතාවට සහ අපගේ ආඩම්බර සංස්කෘතියට හානි පමුණුවනු ලබන කටයුතු වළක්වාලමින් ගෞරවයක් ගෙන ඒමට හැකිවනු ඇතැයි අප අපේක්ෂා කරයි.
පසුගිය මාස 15ක කාලය පුරාවට අප ශ්‍රී ලංකා ක්‍රිකට් ක්‍රීඩාව වෙනුවෙන් අපිරිමිත කැපකිරීම් සිදුකරමින්, පවු‍ලේ සහ ව්‍යාපාරික කටයුතු නොසලකමින් ක්‍රිකට් සමග බද්ධව ඇප කැපවී කටයුතු කළ අතර, අප විසින් ගනු ලැබූ සෑම තීරණයකටම ක්‍රිකට් ක්‍රීඩකයින් ලෙස අප ලැබූ අත්දැකීම් හා විශේෂඥතාවයන් සංයෝජනය කර යොදාගනු ලැබුවා. වරින් වර ක්‍රීඩකයින් විසින් මුහුණ දෙනු ලැබූ හදිසි ආබාධ තත්ත්වයන් මගින් තේරීම් කමිටුව වන අප හට ක්‍රීඩකයින් තේරීම් කටයුතුවලදී අපහසුතාවයන්ට මුහුණ දීමට සිදුවුණා. ප්‍රතිවාදී කණ්ඩායම සඳහා අවශ්‍ය වූ විශේෂිත සංයුතියට ගැළපෙන ක්‍රීඩකයන්ගේ අවශ්‍යතාවය එමනිසා සපුරා ගැනීමේ දුෂ්කරතාවන් හට අප මුහුණදුන්නා. එහෙත් අපගේ ජාතික වගකීම ඉටුකරනු වස් ලැබි ඇති ක්‍රීඩකයින් නිසි පරිදි තරග සඳහා සහභාගී කරමින් ක්‍රීඩකයන්ගේ මනා සංයෝජනයත් සහ උපරිම ඵලදායිතාවයන් ලබා ගනිමින් කටයුතු කිරීමට අප සැමවිටම කටයුතු කළා. 
කඳුළු සඟවමින් අප අද ක්‍රිකට් තේරීම් කමිටුවෙන් ඉවත් ව ගියත්, ශ්‍රී ලංකා ක්‍රිකට් ආයතනය විසින් ගොඩනගා ඇති අති සාර්ථක උපාය මාර්ගික සැලසුමක් මත පදනම්ව කටයුතු කරන බැවින් ශ්‍රී ලංකාවේ ක්‍රිකට් අනාගය වඩා ශක්තිමත්ව ඉදිරියට පැමිණෙන බවට වූ දැඩි විශ්වාසය අපට අස්වැසිල්ලක් ගෙනදෙනවා. ශ්‍රී ලංකා ක්‍රිකට් ආයතනය විසින් දමා ඇති ශක්තිමත් අඩිතාලම මතින් ක්‍රිකට් ක්‍රීඩාව ගොඩනැගීමටත්, එකී පියවරයන් හි ප්‍රතිඵල විද්‍යාමාන වීමටත් කාලය ගතවන බව අප හොඳින් දන්නා අතර, ක්‍රිකට් පරිපාලනය විසින් තෝරා ගන්නා ලද සැලසුම් හා සංවර්ධන කටයුතුවලදී අනුගමනය කරනු ලබන ප්‍රතිපත්ති කෙරෙහි අපි සෑම දෙනාගේම විශ්වාසය ඇත. එම සැලසුම් ඉදිරියට ක්‍රියාත්මක කරගෙන යාම මගින් අද දින ක්‍රිකට් ක්‍රීඩාවේ දක්නට ලැබෙන රළු පැල්ලම් ඉතා ඉක්මණින් සුමට වී ලොව පෙරළිකාර ක්‍රිකට් කණ්ඩායමක් බවට නුදුරේම ශ්‍රී ලංකාව පත්වනු ඇතිබවට අප හට කිසිදු සැකයක් නැත.
ශ්‍රී ලංකා ක්‍රිකට් ක්‍රීඩකයන් විසින් ඔවුන් ක්‍රීඩා කරනු ලැබූ සෑම තරගයකදීම ඔවුන්ගේ උපරිමයෙන් ක්‍රීඩා කොට අප හට සහ සමස්ත ශ්‍රී ලංකාවටම ලබා දුන් සහයෝගය පිළිබඳව අප දැඩි ලෙස ස්තූතිවන්ත වන අතර, ඔවුන්ගේ හැකියාවන් කෙරෙහි සෑම විටම විශ්වාස තැබිමට කටයුතු කරන ලෙසත් මතක් කර දීමට කැමැත්තෙමු.
අප හට නොසැලෙන සහායකින් යුක්තව කටයුතු කළ ශ්‍රී ලංකා ක්‍රිකට් ආයතනයේ සභාපතිතුමා ඇතුළු විධායක මණ්ඩලයේ සාමාජිකයන් හටත්, අප කෙරෙහි විශ්වාසයෙන් කටයුතු කළ ගරු ක්‍රීඩා ඇමැතිවරයාටත් අපගේ ස්තූතිය පළ කරන්නෙමු. අවසාන වශයෙන් ක්‍රිකට් ක්‍රීඩාවට ආදරය කරන සෑම සියලු ශ්‍රී ලාංකිකයකු හටම ඔවුන්ගේ නොමද සහයෝගය හා ක්‍රිකට් ක්‍රීඩාවෙ දැඩි ඇල්ම හා ආශාව වෙනුවෙන් අපගේ ස්තූතිය පුද කරන්නෙමු. 
“එළිය පතිත වීමට පෙර එය සැමවිටම අඳුරුය” බව සිහිපත් කරමින් අපගේ ඉල්ලා අස්වීම මෙසේ සනිටුහන් කරමු.
- ක්‍රිකට් තේරීම් කමිටුව

ශ්‍රී ලංකා ක්‍රිකට් තේරීම් කමිටුවේ සභාපති ඇතුළු සියලුම සාමාජිකයන් ඉල්ලා අස්වීමේ ලිපිය ක්‍රීඩා අමාත්‍ය දයාසිරි ජයසේකර මහතා වෙත භාරදුන් බව ක්‍රීඩා අමාත්‍යාංශය නිවේදනය කරයි.
සනත් ජයසූරියගේ සභාපතිත්වයෙන් යුත් ක්‍රිකට් තේරීම් කමිටුවේ සෙසු සාමාජිකයන් වන රංජිත් මදුරසිංහ, රොමේෂ් 
කළුවිතාරණ, අසංක ගුරුසිංහ සහ එරික් උපශාන්ත මහත්වරුන්ගේ අත්සනින් යුත් ඒකාබද්ධ ලිපියක් ක්‍රීඩා අමාත්‍ය දයාසිරි ජයසේකර මහතා වෙත භාරදුන් බව එම නිවේදනයේ සඳහන්වේ.
මේ අනුව 2017 සැප්තැම්බර් 7 වන දින සිට තේරීම් කමිටුව ඉල්ලා අස්වන බව එහි සඳහන්වේ.

ලෝක ක්‍රිකට් පිල සහ ශ්‍රී ලංකා ආරාධිත ක්‍රිකට් පිල අතර සැප්තැම්බර් 8දා පැවැත්වීමට නියමිතව තිබූ සුහද ක්‍රිකට් තරගය කල්දමා ඇති බව ශ්‍රී ලංකා ක්‍රිකට් ආයතනය නිවේදනය කරයි.
ස්වාභාවික විපත්වලින් පීඩාවට පත් දූ දරුවන්ට ආධාර ලබාදීම පිණිස ක්‍රිකට් ඒඩ් වැඩපිළිවෙළ මගින් මෙම තරගය සංවිධානය කර තිබුණි.
ශ්‍රී ලංකා ක්‍රිකට් පිලට ඉදිරියේ කාර්යබහුල තරගාවලි රැසක් පැවැත්වෙන බැවින් මෙම තරගය වෙනත් දිනක පැවැත්වීමට තීරණය කළ බව ක්‍රිකට් ප්‍රධාන විධායක ඈෂ්ලි ද සිල්වා මහතා පවසයි.
මේ දිනවල ජාත්‍යන්තර පිටියේ තරගවලට සහභාගි වීමට ඇති බැවින් හිටපු ක්‍රිකට් ශූරයන් දෙදෙනකු වන මහේල ජයවර්ධන සහ කුමාර් සංගක්කාරද කලින් යොදාගත් දිනයේ පැමිණීමට නොහැකි බව දන්වා තිබුණි.
මේ අනුව මෙම තරගය ඉදිරියේදී පැවැත්වීමට කටයුතු යොදන බවත්, මේ සඳහා කැමැත්ත පළ කළ විදෙස් ක්‍රීඩකයන්ට සිය ස්තූතිය පළකරන බවත් ක්‍රිකට් ප්‍රධාන විධායක නිලධාරියා ප්‍රකාශ කරයි.
මෙම තරගය සඳහා ඉන්දියාවේ සුරේෂ් රයිනා, යූසුෆ් පතාන් සහ රොබින් උතප්පාද, පාකිස්තානයේ ෂහීඩ් අෆ්රිඩි, මිස්බාඋල් හක් සහ අබ්දුල් රසාක්ද, එංගලන්තයේ කයිමාල් මිල්ස්ද, දකුණු අප්‍රිකාවේ ජේ.පී. ඩුමිනි සහ ෆර්හාන් බිහාර්ඩීන්ද, සිම්බාබ්වේ ග්‍රැහැම් ක්‍රීමර්ද, නවසීලන්තයේ ලුක් රොන්කිද කැමැත්ත පළකර තිබුණි.

ශ්‍රී ලංකා පිල තරග ජය ගන්නා විට ලබා දුන් සහයෝගය කණ්ඩායම වැටී සිටින මෙම මොහාතේදීත් ලබා දෙන ලෙසත් තරග ජය ගන්නා දිනය වැඩි ඈතක නොවන බවත් ශ්‍රී ලංකා නායක චාමර කපුගෙදර තෙවැනි එක්දින තරගය පරාජය වීමෙන් පසු පැවැති මාධ්‍ය හමුවේදී පැවැසීය.
පසුගිය තරග දෙකේදී ශ්‍රී ලංකා පන්දු යැවීමේ විශාල දියුණුවක් දක්නට ලැබුණු බවත් පිතිකරුවන් සිය යුතුකම් කොටස ඉටුකළ විට ශ්‍රී ලංකාවට නැවත ජය මාවතට පිවිසිය හැකි බවත් කපුගෙදර පවසයි.
මෙම තරග දෙකේදීම ඉන්දීය පිතිකරුවන්ට දැඩි පීඩනයක් එල්ල කිරීමට ශ්‍රී ලංකා පන්දු යවන්නන් සමත් වුවද අත්දැකීම් පිරි දෝනි එම අවදානම් අවස්ථාවේ වගකීම ඉටු කරමින් ජය මාවත විවර කර දුන්නේය.
කෙසේ වුවද ශ්‍රී ලංකාවේ අංක 1 පන්දු යවන්නා වන ලසිත් මාලිංග පන්දුවාර 5 ක් පමණක් යැවීම අදහාගත නොහැකි සිදුවීමක් විය.
“දෝනිගේ ඉනිම ඉතා වැදගත්. ඔහු අත්දැකීම් උපයෝගි කරගෙන අසීරු අවස්ථා දෙකෙන්ම ගොඩ ගත්තා. අවසන් තරග දෙකම ඔවුන්ට දිනා දුන් ඔහු විශිෂ්ට ක්‍රීඩකයෙක්” යැයි කපුගෙදර පවසයි.
ශ්‍රී ලංකාව වෙනුවෙන් චන්දිමාල් සහ තිරිමාන්න සාර්ථක සම්බන්ධතාවක් තැබුවද ඉන් පසු කඩුලු බිඳ වැටීම ශ්‍රී ලංකාවේ පරාජයට හේතුවිය. අත්දැකීම් පිරි දෝනි වගකීමකින් පන්දුවට පහර දෙද්දී ශ්‍රී ලංකාවේ අත්දැකීම් පිරි මැතිව්ස් අනවශ්‍ය රිවර්ස් ස්වීප් පහරකින් දැවීයාම බිඳ වැටීමේ ආරම්භය විය.
“අපේ මැද පෙළ දුර්වල වුණා. චන්දි-තිරී සම්බන්ධතාවයෙන් පස්සේ අවශ්‍යම වෙලාවේ කඩුලු වැටුණා. මිලින්ද උත්සාහයක් ගත්තා. අපිට ලකුණු 30 ක් 40 ක් මදිවුණා. සැලසුම් කළ විදිහට ඒ දේවල් සිදුවුණේ නෑ. පන්දු යවන්නන්ගේ වර්ධනයක් තියෙනවා. පිතිකරුවන්ගේ වර්ධනයක් දැන් අවශ්‍යයි”යැයි කපුගෙදර පවසයි.
එක දිගට තරග පරාජය වන විට ඉන් ගොඩඒම අසීරු බව පවසන කපුගෙදර ලොව ඕනෑම කණ්ඩායමකට මෙවන් කාල උදාවන බවත් එක් තරගයක් ජයගෙන මෙම තත්ත්වය වෙනස් කිරීමට හැකි බවද පවසයි.
“අපට මෙම තත්ත්වයෙන් ගොඩ එන්න එක ජයග්‍රහණයක් අවශ්‍යයි. ඊට පස්සෙ ජයග්‍රාහී මානසිකත්වය එනවා. අපි හැමෝම ගහන්නේ දිනන්න. ඉදිරි තරග දෙක දිනන්න හැමෝම බලා‍පොරොත්තුවෙන් ඉන්නේ.” යැයි කපුගෙදර පවසයි.
කණ්ඩායමේ සියලුම ක්‍රීඩකයන් එකාමෙන්ම ශ්‍රී ලංකාවේ ජය වෙනුවෙන් සටන් වදින බව පවසන කපුගෙදර සියලුම දෙනාගේ උත්සාහය ඉදිරි තරග 2 ක ජයගෙන ජය මාවතට පිවිසීම බවද පවසයි.
පුහුණුකරුවන්ට මෙම පරාජය පිළිබඳ දොස් පැවරීම සාධාරණ නොවන බව පවසන කපුගෙදර පිටිය මැදට ගොස් ක්‍රීඩා කරන්නේ ක්‍රීඩකයන් මිස පුහුණුකරුවන් නොවන බව පවසයි.
“අපිට සියලුම දේ ලැබෙනවා. සියලු සැලසුම් ලැබෙනවා. ඒත් ඒ සියල්ල අපි පිටිය මැදදී සාර්ථකව කළ යුතුයි. එසේ නොවන විට එහි වගකීම ක්‍රීඩකයන් භාරගත යුතුයි. පුහුණුකරුවන්ට සහ සෙසු අයට දොස් පැවරීම වැඩකට ඇති දෙයක් නොවෙයි” කපුගෙදර පවසයි.
කොළඹ පැවැත්වෙන ඉදිරි තරග දෙක පිළිබඳව සැලසුමක් සකස් කරන බවත් කෙසේ හෝ එම තරග ජයගෙන යළිත් ජය මාවතට පිවිසීම සියලුම ක්‍රීඩකයන්ගේ අධිෂ්ඨානය බවත් ශ්‍රී ලංකාවේ ජයග්‍රහණය වැඩි ඈතක නොවන බවත් කපුගෙදර පවසයි.

මංගල ධර්මප්‍රේම පල්ලෙකැ‍ලේ සිට

ශ්‍රී ලංකාව සහ ඉන්දියාව අතර පල්ලෙකැ‍ලේදී පැවැති තෙවැනි එක්දින ක්‍රිකට් තරගයේදී පන්දුවට පහර දෙමින් සිටියදී පන්දුවක් අතේ වැදීමෙන් ආබාධයකට ලක්වූ දිනේෂ් චන්දිමාල්ට තරගාවලියේ ඉදිරි තරග අහිමිවී තිබේ.
චන්දිමාල්ගේ අතේ අස්ථි බිඳීමක් සිදුවී ඇති බැවින් මෙසේ ඔහුට ඉදිරි තරග අහිමිවී තිබේ.

IMAGE

ඒ ආදර කතාව ඉවරයි මම දැන් සින්ගල්

IMAGE 2017 Nov 19 17:31
සිරස ජුනියර් සුපර් ස්ටාර් කියන්නේ මේ දවස්වල ප්‍රේක්ෂකයන් ආදරයෙන් වැළඳ ගත් රියැලිටි...
Views - 2983

කේන්ද්‍රයක මාරක අපල තිබීමටත් වඩා නොතිබීම භයානකය

IMAGE 2017 Nov 19 15:19
මහජන බැංකු විශ්‍රාමික සංගමයේ පිළියන්දල කැස්බෑව ශාඛාවේ අටවන සංවත්සරික සභාව පසුගිය...
Views - 1813

නීල හරිත ෆුල් සූට් එක පෙන්වා අමුඩ කෙටිය ගලවා ගන්න එපා

IMAGE 2017 Nov 19 11:35
මෙවර අයවැය ලෝකයේ දියුණුම ආර්ථික සංකල්පයක් වන නීල-හරිත ආර්ථිකයට රට යොමු කරවන්නක් බව මුදල්...
Views - 1394

ඔහු නොවන්නට ලෝක ක්‍රිකට් මේ තරම් දියුණු නොවනු ඇත

IMAGE 2017 Nov 18 00:19
අද මට ඉතාමත් සතුටු දවසක්. ඉන්දියාවේ ජාතික ක්‍රිකට් කණ්ඩායමේ විරාත් කෝලි සහ ඔහුගේ කණ්ඩායමත්...
Views - 3544

මෙතේ බුදු පදවිය ලබන්නේ බැංකු කළමණාකරුවෙක්ද?

IMAGE 2017 Nov 17 12:13
ඔහු මධ්‍යම පළාතේ වාණිජ බැංකුවක කළමණාකරුවෙකි.  ඔහුගේ වයස අවුරුදු 45 ක් පමණ වේ. ක්‍රිස්තියානි...
Views - 5984

බොහෝ කලා කරුවන් තමන්ගේ පවුල් ජීවිත ගැන කියන්නේ බොරු

IMAGE 2017 Nov 16 11:31
වත්මන් ශ්‍රී ලාංකීය ජන සමාජයේ දික්කසාද වීම් සහ පවුල් අර්බුද පැන නැගීම සම්බන්ධයෙන් කලා...
Views - 5250

Please publish modules in offcanvas position.