Coss Ear2
lakbima.lk
COSS Ear 1
                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

සිංගර් ශ්‍රී ලංකා සමාගමේ අනුග්‍රහය ඇතිව ශ්‍රී ලංකා පාසල් ක්‍රිකට් සංගමය සංවිධානය කරන අවු. 15න් පහළ අන්තර් පාසල් පළමු කොටසේ ක්‍රිකට් තරගාවලියේ දෙවැනි වටයේ තරගයකදී කෑගල්ල ශා. මරියා විද්‍යාලයට එරෙහිව කඩුලු 10ක ජයක් ලැබිමට මොරටුව වේල්ස් කුමර විද්‍යාලය සමත්විය.
මෙම තරගයේදී වේල්ස් කුමර පි‍ලේ දකුණත් පිට දඟ පන්දු යවන සමුද්‍ර මේදිස් පළමු ඉනිමේදී ලකුණු 11කට කඩුලු 7ක් දවාලූ අතර, වමත් පා දඟ පන්දු යවන කුංචන පෙරේරා දෙවැනි ඉනිමේදී ලකුණු 36කට කඩුලු 7ක් දවාලීය.
 
වේල්ස් කුමර කෑගල්ල ශා. මරියා
ශා. මරියා: පළමු ඉනිම - 46 (පන්දුවාර 35.3) සමුද්‍ර මේදිස් 7/11, කුංචන පෙරේරා 2/12
වේල්ස් කුමර: පළමු ඉනිම - 145 (පන්දුවාර 23) දිනුර ප්‍රනාන්දු 43, තරිඳු අමරසිංහ 24, ටී. ලියනගේ 4/45, කේ. එස්. සහසර 3/32
ශා. මරියා: දෙවැනි ඉනිම - 110 (පන්දුවාර 38) ටී. වීරසේකර 33, ටී. ලියනගේ 24, කුංචන පෙරේරා 7/36
වේල්ස් කුමරට කඩුලු 10ක ජයක්.
 
ශා. සෙබස්තියන්-කඳාන දි මැසිනෝද්
ශා. සෙබස්තියන්: පළමු ඉනිම - 259/4 (පන්දුවාර 50) ශකිල පෙරේරා 63, සුඛිත මනෝජ් 54, රවීන් ප්‍රනාන්දු නොදැවී 43, ඉඳුවර අල්විස් 43, ශවිඳු රොද්‍රිගෝ 39, තමිඳු සෙනෙත් 2/54
දි මැසිනෝද්: පළමු ඉනිම - 174 (පන්දුවාර 37.5) සිහින සිතුමිණ 68, රුවින් ෆොන්සේකා 35, ලෙස්ටර් ජයවීර 28, අශාන් ප්‍රනාන්දු 3/30, ශකිල පෙරේරා 2/17
ශා. සෙබස්තියන්: දෙවැනි ඉනිම - 57/1 (පන්දුවාර 8) ශකිල පෙරේරා නොදැවී 24, ශවිඳු රොද්‍රිගෝ 20
තරගය ජය පැරදුමෙන් තොරව අවසන් විය.
 
ශා. සිල්වෙස්තර-සී.ඩබ්ලිව්.ඩබ්ලිව්. කන්නංගර
ශා. සිල්වෙස්තර: පළමු ඉනිම - 243/4 (පන්දුවාර 49) නිමාෂ විජේසිංහ 86, චරිත් රාජගුරු 77, පසිඳු කෝර‍ලේගෙදර 21, දමිත් කාවින්ද 2/54
සී.ඩබ්ලිව්.ඩබ්ලිව්. කන්නංගර: පළමු ඉනිම - 50 (පන්දුවාර 27.4) සමුදිත මුණසිංහ නොදැවී 12, චරිත් රාජගුරු 4/9, මෙවන් ද සොයිසා 3/13
කන්නංගර: දෙවැනි ඉනිම - 68/5 (පන්දුවාර 13) චමෝද්‍ය කුමාර 46, පසිඳු ජයකොඩි 2/3
ශා. සිල්වෙස්තරයට පළමු ඉනිමේ ජයක්.
 
කොට්ටාව ධර්මපාල-මහනුවර ධර්මරාජ
ධර්මපාල: පළමු ඉනිම - 95 (පන්දුවාර 50.4) සෙනිල් දිසානායක 15, චමිල් අකලංක 4/25, ෂෙමිල ලියනගේ 3/20
ධර්මාලෝක: පළමු ඉනිම - 108/6 (පන්දුවාර 41.1) ඉවජිත් ජයතිලක 39, නිමේෂ් මිගාර 24, ෂෙමිල ලියනගේ 22, ජනිත් කුලතුංග 2/2
ධර්මපාල: දෙවැනි ඉනිම - 92/8 (පන්දුවාර 26) ච්ෙතිය වීරකෝන් 26, ෂෙමිල ලියනගේ 3/42, නිමාල් උමේෂ් 2/24
කොට්ටාව ධර්මපාල විද්‍යාලයට පළමු ඉනිමේ ජයක්.   
 
මාතර ශා. තෝමස්-විද්‍යාර්ථ
විද්‍යාර්ථ: පළමු ඉනිම - 100 (පන්දුවාර 46.3) එරංග බණ්ඩාර 26, සචිර රශ්මික 5/24, සිනෙත් සිතාර 3/18
ශා. තෝමස් පළමු ඉනිම - 208/4 (පන්දුවාර 31) වෝෂිත අමරසිංහ 80, නිපුන් රුචිර 63, හිරන්ත ජයසිංහ නොදැවී 50, එස්.ටී. වෙල්ගමගේ 2/58
විද්‍යාර්ථ: දෙවැනි ඉනිම - 93/3 (පන්දුවාර 23) එස්.ටී. වෙල්ගමගේ නොදැවී 52, එරංග බණ්ඩාර 39, නවිඳු මානෙත් 2/26
මාතර ශා. තෝමස් විද්‍යාලයට පළමු ඉනිමේ ජයක්.
 
ශා. ජෝශප්-ජෝශප් වාස් 
ශා. ජෝශප්: පළමු ඉනිම - 217/8 (පන්දුවාර 55) යෙසිත් රූපසිංහ 75, යැනික් පුලර් 60, ෂෙනුක ද සිල්වා නොදැවී 33, සෙනුර ප්‍රනාන්දු 3/50, කාවින්ද ඉෂාර 2/49
ශා. ජෝශප් වාස්: පළමු ඉනිම - 100/3 (පන්දුවාර 40) එන්. ප්‍රනාන්දු නොදැවී 25, නිපුණ ද සිල්වා 21, 
ෂෙරාන් අමිඳු 20 තරගය ජය පැරදුමෙන් තොරව අවසන් විය.
 
තර්ස්ටන්-කළුතර සිරිකුරුස
සිරිකුරුස : පළමු ඉනිම - 194/8 (පන්දුවාර 60) පතීෂ ශ්‍යාමාල් නොදැවී 66, නිලක්ෂ කසුන් 26, ෂෙරොන් ෆොන්සේකා 26, අහමඩ් ආතීෆ් 24,  ෂිමාෂ් නිෂාම් 6/55 
තර්ස්ටන්: පළමු ඉනිම - 125/9 (පන්දුවාර 38) භවන්ත ජයසිංහ 37, අරෝෂ ස්ටෙෆානෝ 5/36, පතීෂ ශ්‍යාමාල් 2/19
තරගය ජය පැරදුමෙන් තොරව අවසන් විය.
 
වෙස්ලි - කෝට්ටේ ආනන්ද ශාස්ත්‍රාලය
වෙස්ලි : පළමු ඉනිම - 249/6 (පන්දුවාර 60) ශාහිල් ඩයස් 85, අනුජිත් වික්‍රමසිංහ 59, සිදත් ධර්මසිරිවර්ධන 49, චමීර ෂිරාෂ් 3/56, වෙනුක් දිල්වන් 2/62 
ආනන්ද ශාස්ත්‍රාලය: පළමු ඉනිම - 152/7 (පන්දුවාර 46) චමීර ෂිරාෂ් 30, ආකාෂ් ඩාවුඩ් 3/33, නිම්තක ඉඳුවර 3/36
තරගය ජය පැරදුමෙන් තොරව අවසන් විය.
 
පමෝද් ලසන්ත

සනත් ජයසූරියගේ සභාපතිත්වයෙන් යුත් ක්‍රිකට් තේරීම් කමිටුවේ සේවා කාලය දෙසැම්බර් 31දා දක්වා දීර්ඝ කිරීමට ක්‍රීඩා අමාත්‍යවරයා තීරණය කර ඇති බව ක්‍රිකට් ආයතනය නිවේදනය කරයි.
තේරීම් කමිටුව :- 
සනත් ජයසූරිය (සභාපති), රොමේෂ් කළුවිතාරණ, රංජිත් මධුරසිංහ, එරික් උපශාන්ත, අසංක ගුරුසිංහ

කාන්තා ලෝක කුසලාන ක්‍රිකට් තරගාවලිය යටතේ ඉන්දියාව සහ ශ්‍රී ලංකාව අතර තරගය අද (5දා) ඩර්බිහිදී පැවැත්වේ.
ඉන්දියාව මේ වන විට සහභාගි වූ තරග තුනම ජය ගැනීමට සමත් වී සිටින අතර, ශ්‍රී ලංකාව සහභාගි වූ තරග ත්‍රිත්වයම පරාජය වී සිටියි.
ඉන්දියාව වනුවෙන් මෙම තරගාවලිය පුරා පිත්තෙන් දස්කම් දැක්වූ එස්. මන්දනා ඉක්මණින් දවා ගැනීම අද ශ්‍රී ලංකාවට හිතකර වෙයි. පළමු තරගයේදී ලකුණු 90ක් ලැබූ ඇය දෙවැනි තරගයේදී ශතකයක් වාර්තා කළ අතර, පාකිස්තානයට එරෙහිව පැවැති තෙවැනි තරගයේදී පමණක් අසාර්ථක විය. 
නායිකා මිතලි රාජ් ද පිත්තෙන් සාර්ථක දස්කම් දක්වා සිටින අතර, හර්මන් පී්‍රට් කෝර් ද තරග තුනේදීම සාර්ථක පිතිහරඹයක නිරත විය.
ශ්‍රී ලංකාවේ බලා‍පොරොත්තු ශතකලාභිනිය වන චමරි අතපත්තු වෙත රැඳී ඇති අතර, සෙසු පිතිකාරිනියන් තරගාවලිය පුරාම ලකුණු අතරට පිවිසීමට තවමත් අ‍පොහොසත් වී සිටියි.
මේ අතර අද (5දා) තවත් තරග 2ක් පැවැත්වෙන අතර, ඕස්ට්‍රේලියාව සහ පාකිස්තානය අතර තරගය ලෙස්ටර්හිදීද, එංගලන්තය සහ දකුණු අප්‍රිකාව අතර තරගය බ්‍රිස්ටල්හිදීද පැවැත්වේ.
මේ වන විට ඉන්දියාව සහ ඕස්ට්‍රේලියාව ලකුණු 6 බැගින් ලබා සිටින අතර, ශුද්ධ ලකුණු වේගය අනුව ඉන්දියාව පළමු ස්ථානයේත් ඕස්ට්‍රේලියාව දෙවැනි ස්ථානයේත් පසුවෙයි. දකුණු අප්‍රිකාව ලකුණු 5ක් ලබා තෙවැනි ස්ථානයේ රැඳී සිටින අතර, ලකුණු 4ක් ලැබූ එංගලන්තය සිව්වැනි ස්ථානයේද ලකුණු 3ක් ලැබූ නවසීලන්තය 5 වැනි ස්ථානයේද පසුවෙයි.
ශ්‍රී ලංකාව, පාකිස්තානය සහ බටහිර ඉන්දීය කොදෙව් සහභාගි වූ තරග තුනෙන්ම පරාජය වී සිටියි.
 
ශ්‍රී ලංකා සංචිතය
ඉනෝකා රණවීර (නායිකාව), ප්‍රසාදිනී වීරක්කොඩි (උප නායිකාව), ශෂිකලා සිරිවර්ධන, චමරි අතපත්තු, ඒෂානි ලොකුසූරිය, දිලානි මනෝදරා, ශ්‍රීපාලි වීරක්කොඩි, උදේශිකා ප්‍රබෝධනී, නිපුනි හංසිකා, හසිනි පෙරේරා, ඕෂදී රණසිංහ, හර්ෂිතා මාධවී, අමා කාංචනා, චමරි ‍පොල්ගම්‍පොල, චන්දිමා ගුණරත්න
 
ඉන්දීය සංචිතය
මිතලි රාජ් (නායිකාව) රාජේශ්වරි ගයක්වාඩ්, මන්සි ජෝෂි, වේඩා ක්‍රිෂ්ණමූර්ති, මෝනා ම‍ෂේරාම්, පූනම් යදාව්, පූනම් රාවට්, සුෂ්මා වර්මා, එක්ටා බිෂ්ට්, ජූලන් ගෝස්වාමි, හර්මන් පී්‍රට් කෝර්, එස්. මන්දනා, ෂිකා පාන්ඩේ, නස්හට් පර්වින්, දීප්ති ෂර්මා

ඉන්දියාව සහ බටහිර ඉන්දීය කොදෙව් අතර ඇන්ටිගුවාහි පැවැති සිව්වැනි එක්දින ක්‍රිකට් තරගයෙන් ලකුණු 11ක තියුණු ජයක් වාර්තා කිරීමට කොදෙව් පිල සමත් විය.

මුලින්ම පන්දුවට පහර දුන් බටහිර ඉන්දීය කොදෙව් පන්දුවාර 50දී කඩුලු 9ට ලකුණු 189ක් රැස් කළ අතර, ඉන්දියාවට පන්දුවාර 49.4කදී ලබාගත හැකිවූයේ ලකුණු 178ක් පමණි.

කොදෙව් වෙනුවෙන් විශිෂ්ට පන්දු යැවීමක නිරත වෙමින් ලකුණු 27ට කඩුලු 5ක් බිඳ හෙලූ ජේසන් හෝල්ඩර් තරගයේ වීරයා සම්මානය දිනා ගත්තේය.

ලකුණු තත්ත්වය :-
බටහිර ඉන්දීය කොදෙව් පන්දුවාර 50දී - 189/9යි
එවින් ලුවිස් 35, කයිල් හෝප් 35, ෂායි හෝප් 25, රොස්ටන් ච්ෙස් 24, ජේසන් මොහොමඩ් 20, උමේෂ් යදාව් 36/3, හාර්දික් පාන්ඩයා 40/3, කුල්දීප් යදාව් 31/2
ඉන්දියාව පන්දුවාර 49.4කදී - 178යි
අජින්කයා රහානේ 60, එම්.එස්. දෝනි 54, හාර්දික් පාන්ඩයා 20, හෝල්ඩර් 27/5, ජෝසප් 46/2{jcomments on}

ශ්‍රී ලංකාව සහ සිම්බාබ්වේ අතර ගාල්ල ජාත්‍යන්තර ක්‍රිකට් ක්‍රීඩාංගණයේදී ඊයේ (2දා) පැවැති දෙවැනි එක්දින ක්‍රිකට් තරගයෙන් කඩුලු 7 ක ජයක් ලැබූ ශ්‍රී ලංකාව තරගාවලිය 1-1 ලෙස සම කරීමට සමත්විය.
මුලින්ම පන්දුවට පහරදුන් සිම්බාබ්වේ පන්දුවාර 33.4 දී ලකුණු 155 කට දවා ගැනීමට ශ්‍රී ලංකා පන්දු යවන්නන් සමත්වූ අතර ලකුණු 156 ක ඉලක්කය පන්දුවාර 30.1 දී කඩුලු 3 ක් දැවී පසු කිරීමට පිතිකරුවෝ සමත් වූහ.
ශ්‍රී ලංකාව වෙනුවෙන් පන්දුවෙන් විශිෂ්ට දස්කම් දැක්වූ ලක්ෂාන් සඳකැන් ලකුණු 52 ට කඩුලු 4 ක් බිඳ දමමින් තරගයේ වීරයා සම්මානය දිනාගත් අතර සිය මංගල එක්දින තරගයේදී කඩුලු ත්‍රිත්වයක් ලබා ගනිමින් වාර්තා ‍පොතට එක්වීමට වනිඳු හසරංග සමත්විය.
ලකුණු හඹා යාමේදී විශිෂ්ට පිතිහරඹයක නිරතවූ උපුල් තරංග පන්දු 86 දී හතරේ පහර 8 ක් සහිතව නොදැවී ලකුණු 75 ක් ලබමින් ශ්‍රී ලංකා ජය තහවුරු කළේය.
ඉනිම ආරම්භයේදීම සාර්ථක පන්දු යැවීමක නිරත වෙමින් පිතිකරුවන්ට දැඩි පීඩනයක් එල්ල කළ නුවන් ප්‍රදීප් පළමු තරගයේදී ශතකයක් ලැබූ සොලමන් මිරේ ලකුණු ලබා ගැනීමට පෙර දවා ගැනීමෙන් ශ්‍රී ලංකාවට සාර්ථක ආරම්භයක් හිමිවිය.
හැමිල්ටන් මසකඩ්සා සහ කේ‍ර්ග් අර්වින්ගේ ලකුණු 56 ක සම්බන්ධතාව බිඳ දමමින් ලකුණු 41 ක් ලැබූ මසකඩ්සා පිටියෙන් ඉවත් කිරීමට අසේල ගුණරත්න සමත්වීමෙන් පසු අර්වින් ලකුණු 22 කට දවාගත් සඳකැන් සිය කඩුලු ලබා ගැනීම ඇරඹීය.
රාසා, බර්ල් සහ මුවර් පිටියෙන් ඉවත් කිරීමට සමත්වූ සඳකැන් ලකුණු 52 ට කඩුලු 4 ක් ලබාගත් අතර ෂෝන් විලියම්ස් ලකුණු 13 කට දවා ගැනීමට ධනුෂ්ක ගුණතිලක සමත්විය.
ලකුණු 38 ක් ලබාසිටි වොලර් දවාගත් වනිඳු  ඊළඟ පන්දු දෙකේදී ටිරිපානෝ සහ චටාරා දවා ගැනීමෙන් සිම්බාබ්වේ ඉනිම ලකුණු 155 කට අවසන් විය.
ලකුණු හඹා යාමේදී ධනුෂ්ක (8) සහ මෙන්ඩිස් (00) එකම පන්දුවාරයකදී දවා ගැනීමට චටාරා සමත්වීමෙන් ලකුණු 10 ට කඩුලු 2 ක් බිඳ වැටුණි.
ඉන් පසු පිටියේ එක්වූ දික්වැල්ල සහ තරංග ලකුණු 67 ක සම්බන්ධතාවයක් තැබිමෙන් පසු දික්වැල්ල ලකුණු 35 කට දවා ගැනීමට ක්‍රීමර් සමත් විය.
උපුල් තරංගට නායක මැතිව්ස් එක්වූ අතර තරගයේ 31 වැනි පන්දුවාරයේදී ඉලක්කය පසු කළේය. උපුල් තරංග නොදැවී ලකුණු 75 ක් රැස් කළ අතර නායක මැතිව්ස් නොදැවී ලකුණු 28 ක් ලබාගත් අතර සිව්වැනි කඩුල්‍ලේ නොබිඳුණු සම්බන්ධතාවය ලකුණු 81 ක් විය.
ශ්‍රී ලංකාව සහ සිම්බාබ්වේ අතර තෙවැනි එක්දින තරගය ලබන 6දා සූරියවැවදී පැවැත්වේ.

සිම්බාබ්වේ

මසකඩ්සා ඇ. හා ප. ගුණරත්න                    41
සොලමන් මිරේ ඇ. දික්වැල්ල ප. ප්‍රදීප්           0
කේ‍ර්ග් අර්වින් ඇ. දික්වැල්ල ප.                  22
ෂෝන් විලියම්ස් ඇ. ප්‍රදීප් ප. ගුණතිලක        13
සිකන්දර් රාසා ඇ. ප්‍රදීප් ප. සඳකැන්               8
රයන් බර්ල් ප. සඳකැන්                               9
මැල්කම් වොලර් ප. වනිඳු                          38
පීටර් මුවර් ප. සඳකැන්                              11
ග්‍රැහැම් ක්‍රීමර් (නොදැවී)                              1
ඩොනල්ඩ් ටිරිපානෝ ක.මු.ක. ප. වනිඳු         0
ටෙන්ඩායි චටාරා ප. වනිඳු                           0
අතිරේක                                                 12
මුළු ලකුණු (පන්දුවාර 33.4කදී සියලු දෙනා දැවී)155
කඩුලු බිඳ වැටීම :- 1-11, 2-67, 3-74, 4-91, 5-102, 6-119, 7-147, 8-155, 9-155, 10-155
පන්දු යැවීම :- ලසිත් මාලිංග 3-1-17-0, නුවන් ප්‍රදීප් 7-0-18-1, දුෂ්මන්ත චමීර 5-0-23-0, ලක්ෂාන් සඳකැන් 10-0-52-4, අසේල ගුණරත්න 5-0-15-1, ධනුෂ්ක ගුණතිලක 1-0-9-1, වනිඳු හසරංග 2.4-0-15-3

ශ්‍රී ලංකාව

නිරෝෂන් දික්වැල්ල ඇ. හා ප. ක්‍රීමර්           35
ධනුෂ්ක ගුණතිලක ප. චටාරා                        8
කුසල් මෙන්ඩිස් ඇ. මුවර් ප. චටාරා               0
උපුල් තරංග (නොදැවී)                              75
ඇන්ජලෝ මැතිව්ස් (නොදැවී)                     28
අතිරේක                                                  12
මුළු ලකුණු (පන්දුවාර 30.1කදී කඩුලු 3ක් දැවී)158
කඩුලු බිඳ වැටීම :- 1-9, 2-10, 3-77
පන්දු යැවීම :- ටෙන්ඩායි චටාරා 5-0-33-2, සිකන්දර් රාසා 10-0-34-0, ඩොනල්ට් ටිරිපානෝ 1-0-6-0, ග්‍රැහැම් ක්‍රීමර් 9.1-0-46-1, ෂෝන් විලියම්ස් 3-0-20-0, රයන් බර්ල් 2-0-15-0

මංගල ධර්මප්‍රේම ගාල්ලේ සිට

ශ්‍රී ලංකාවේ ක්‍රිකට් කණ්ඩායම කී සැනින් අපේ සිහියට නැගෙනුයේ ඇන්ජෙලෝ මැතිව්ස්ගේ නායකත්වයෙන් යුත් ජාතික ක්‍රිකට් කණ්ඩායමයි. ශ්‍රී ලංකාවට ජාතික කාන්තා ක්‍රිකට් පිලක්ද මේ රටේ තිබෙන බව බොහෝ දෙනකුට අමතක වන්නේය. එහෙත් පසුගිය 29දා ශ්‍රී ලංකාවේ ජාතික කාන්තා ක්‍රිකට් කණ්ඩායම පිළිබඳව මුළු ලෝකයේම අවධානය යොමු වූයේය.
ශ්‍රී ලංකා පි‍ලේ අතිශූර පිතිකාරිනියක වන චමරි අතපත්තුගේ විස්මිත පිතිහරඹය නිසාය.
ශ්‍රී ලංකා කාන්තා ක්‍රිකට් පිල මේ දිනවල සිටිනුයේ එංගලන්තයේ පැවැත්වෙන කාන්තා ලෝක කුසලාන ක්‍රිකට් තරගාවලියට සහභාගි වෙමිනි. එහ පළමු තරගයෙන් නවසීලන්ත පිල හමුවේ පරාජය වූ ශ්‍රී ලංකා ක්‍රීඩිකාවෝ පසුගිය 29දා දෙවන තරගයට මුහුණ දුන්නේ ප්‍රබල ඔස්ට්‍රේලියානු පිල සමගය.
චමරි අතපත්තු පන්දු 143ක් තුළ නොදැවී ලකුණු 178 ලබා ගිණිකෙළි දැක්මක් බදු පිතිහරඹයක් ඉදිරිපත් කළේ එම තරගයේදීය.
පසුගිය 29දා එංගලන්තයේ බ්‍රිස්ටල් හිදී ආරම්භ වූ මෙම තරගයේදී ආරම්භ පිතිකරණය ලෙස කඩුල්ලට පැමිණි චමරි සිය සහයිකාවන් එකා පිට එකා දැවී යද්දී එක් අන්තයක කඩුල්ල රැකගෙන සිටීමට සමත් වූවාය. අවසන කඩුළු පිට කඩුළු වැටුණු දුටු ඕ බ්‍රිස්ටල් පිටිය දෙවනත් කරමින් ප්‍රබල ඔස්ට්‍රේලියානු පන්දු යවන්නියන් වල්මත් කරමින් සුපිරි පිතිහරඹයක යෙදුණාය. චාමරිගේ ඉනිමට හයේ පහර හයක්, හතරේ පහර විසිදෙකක් ඇතුළත් වූ අතර එම ඉනිම ජාත්‍යන්තර කාන්තා ක්‍රිකට් පිටියේ වාර්තාගත එකක් බවට පත්විය.
මේ පිතිහරඹය සමග චමරි ජාත්‍යන්තර කාන්තා ක්‍රිකට් ක්‍ෂේත්‍රයේ ඉනිමකදී තුන්වැනි වැඩිම ලකුණු හිමිකාරනිය බවට පත්වූවාය.  චාමරිට පෙර තුන්වැනි ස්ථානයේ සිටියේ බටහිරට ඉන්දිය කොදෙව් පි‍ලේ හිටපු නායිකාවක වූ චාරලට් එඩ්වර්ඩිය. ඇය ලබා සිටි ලකුණු ගණන 173කි.  (චාමරිට ඉදිරියෙන් සිටිනුයේ ඉන්දියාවේ දීප්ති ශර්මා 180 සහ ඔස්ට්‍රේලියාවේ බ්‍රිලින්ඩා ක්ලාර්ක් 222 දෙදෙනාය)
චාමරි අතපත්තු මීට පෙර ශ්‍රී ලංකාව වෙනුවෙන් ජාත්‍යන්තර ශතක දෙකක් ලබා තිබේ. ඒ අයර්ලන්තයට එරෙහිව ලකුණු 111 හා ද. අප්‍රිකාවට එරෙහිව ලකුණු 106ක් වශයෙනි. ඒ ශතක දෙකම ඈ ලබා තිබුණේ ශ්‍රී ලංකාවේදීය. මවුබිමෙන් පිටතදී නුහුරු නුපුරුදු ක්‍රීඩාංගණයකදී වාර්තා ගත ඉනිමක් ක්‍රීඩා කරමින් නොදැවී ලකුණු 178 ලැබිම තුළින් චාමරි තමා ජාත්‍යන්තර තලයේ පිතිකරිනියක බව ලොවට ප්‍රකාශ කළාය.
1990 පෙබවාරි 09 වන දින ගොකරැල්‍ලේදී උපන් අතපත්තු මුදියන්සේලාගේ චාමරි ජයංගි වමත් පිතිකාරනියකි. දකුණෙන් මදවේග පන්දු යවන ඇය පිටියේ ඕනෑම තැනක කඩිසරව පන්දු රැකීමට හපනියකි. කුරුණෑගල තරුණ කාන්තා ක්‍රිකට් පිල නියෝජනය කළ ඕ 2010-4-18 දින බටහිර ඉන්දීය කොදෙව් පිලට එරෙහිව ක්‍රීඩා කරමින් ජාත්‍යන්තර එක්දින වරම් දිනුවාය. 
එහෙත් ඈ  ශ්‍රී ලංකාව  හාපුරා කියා නියෝජනය කළේ 2009 වසරේදීය. ඒ 20-20 තරගයකදී ඉන්දීය පිලට එරෙහිව  සශිකලා සිරිවර්ධනගෙන් පසු කෙටි කලක් ශ්‍රී ලංකා පිලට නායකත්වය ලබාදුන් ඇය ශ්‍රී ලංකා ක්‍රිකට් ඉතිහාසයේ දසවැනි කාන්තා නායිකාව විය. ජාත්‍යන්තර එක්දින තරග 61දී ලකුණු 1906 ලබා සිටින චාමරි 20-20 තරග 58කදී ලකුණු 1001 ලබා ඇත. පන්දු යවන්නියක ලෙස එක්දින කඩුළු 11 සහ 20-20 කඩුළු 8 දවාගෙන ඇති ඇය වර්තමානයේ ජාත්‍යන්තර කාන්තා ක්‍රිකට් පිටියේ වඩාත් අත්දැකීම් බහුල ක්‍රීඩිකාවන් කිහිපදෙනාගෙන් කෙනෙකි. 
චාමරි අතපත්තු පන්දු 143 තුළ ලැබූ ලකුණු 178 නිසා ශ්‍රී ලංකා පිලට ඕවර 50 තුළ කඩුලු 9 දැවි ලකුණු 257ක් ලැබිමට හැකිවිය. එහෙත් චමරිගේ දස්කමින් ලද ඒ විශාල ලකුණු ප්‍රමාණය ශ්‍රී ලංකාව පරාජයෙන් බේරා ගැනීමට සමත් වූයේ නැත. ඕස්ට්‍රේලියානු ක්‍රීඩිකාවෝ ඕවර 43.5 තුළ කඩුළු 2කට ලකුණු 262 ලබා ශ්‍රී ලංකාව පරාජය කළාය. ක්‍රිකට් ක්‍රීඩාවේ ජය පරාජය චමත්කාර ජනක ලෙස අවිනිශ්චිත යැයි කියන්නේ ඒ නිසාය.
 
අරුණ ලක්ෂ්මන් ප්‍රනාන්දු{jcomments on}
IMAGE

බස් එකේ ඉන්න කාගේ හරි චේන් එකක් කඩාගන්න මට හිතුණා

IMAGE 2018 Jan 21 12:54
ජීවිතේ අපි අත් විඳපු සමහර අත්දැකීම් අපේ හිත පතු‍ලේ හැංගිලා හිතටම කා වැදිලා හැමදාමත් තියෙනවා....
Views - 201

මේක විහිළුවක් නෙමෙයි සමහර විට යාළුකම් නැතිවෙන්නත්...

IMAGE 2018 Jan 21 12:30
මඟුල් කපුකම් කරනවාට වඩා තමන්ට ලැබෙන්න තියෙන මුදල් ටික එකතු කර ගත්තොත් හොඳයි කියලා හිතපු...
Views - 219

බ්‍රොයිලර් කාපුවාම හෘද රෝග-දියවැඩියාව හැදෙනවාමයි

IMAGE 2018 Jan 21 11:38
කුකුළු මස් සහ පීකුදු ආහාරයට ගැනීම පිළිබඳ මේ දිනවල සමාජයේ උණුසුම් කතිකාවක් ගොඩ නැගෙමින් පවතී....
Views - 316

‍ජ්‍යොතිෂය පට්ටපල් බොරුවක්

IMAGE 2018 Jan 21 10:29
ජ්‍යොතිෂය මිථ්‍යාවක් වන්නේ කෙසේද? යන මැයෙන් (පසුගිය ජනවාරි 16 අඟහරුවාදා කොළඹ 08, කොටා රෝඩ් හි...
Views - 468

රැඳවියකු බැලීමට ආ රූමතියට නියාමකගෙන් 'යෝජනාවක්'

IMAGE 2018 Jan 18 10:53
අනුරාධපුර බන්ධනාගාරයේ රක්ෂිත බන්ධනාගාර ගත කර සිටින සිය ඥාතියකු බැලීමට සහෝදරියක සමග ගිය...
Views - 7071

අයිවෝ ඩෙනිස් රෝහ‍ලේ

IMAGE 2018 Jan 17 10:59
මෙරට බිහි වූ විශිෂ්ටතම සංගීතඥයකු වූ සුනිල් ශාන්තයන්ගේ ගීත උරුමය ඉදිරි පරපුර වෙත රැගෙන ආ...
Views - 4641

Please publish modules in offcanvas position.

X

Right Click

No right click