Coss Ear2
lakbima.lk
COSS Ear 1
                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

සිව්වැනි තරගයෙන් ජය ලබා තරගාවලිය සම කිරීමට හැකිවීම තම පිල ලැබූ විශිෂ්ට ජයක් බවත් අද තරගයේදී තවත් පෙරැළියකට සූදානමින් සිටින බව සිම්බාබ්වේ නායක ග්‍රැහැම් ක්‍රීමර් පැවැසීය.
“ශ්‍රී ලංකාව විශිෂ්ට කණ්ඩායමක්. ශ්‍රී ලංකාව ශ්‍රී ලංකාවේදී පරාජය කිරීම ඉතා අසීරු දෙයක්. ඒත් අපේ ක්‍රීඩකයන් තරගාවලිය සම කරන්න සමත් වුණා. පිතිකරුවන් දැක්වූ දස්කම් අති විශිෂ්ටයි” යැයි ක්‍රීමර් පැවැසීය.
සිව්වැනි තරගයේදී දික්වැල්ල සහ ධනුෂ්ක පන්දුවට පහර දෙන විට ශ්‍රී ලංකාව ලකුණු 350-370 ක් පමණ ලබා ගන්නා බවට පෙනුණද තම පන්දු යවන්නන් අවසන් පන්දුවාර 10 දී දැක්වූ දස්කම් මත හඹා යා හැකි ලකුණු ප්‍රමාණයක් හිමි වූ බව ක්‍රීමර් පැවැසීය.
මෙම තරගයේදී කේ‍ර්ග් අර්වින් දැක්වූ පිතිකරණ දක්ෂතා සිම්බාබ්වේ නායකයාගේ පැසසුමට ලක්විය.
“අර්වින් පසුගිය ඉනිම කිහිපයේදී එතරම් දස්කම් දැක්වූයේ නෑ. ඒත් ඔහු අපට ඉන්න තරග දිනවන්නෙක්. මෙම තරගයේදී ඔහු තම හැකියාව යළිත් වරක් ඔප්පු කර පෙන්වූවා” යැයි ක්‍රීමර් පැවැසීය.
තම පිල අවසන් තරගයට පිවිසෙන්නේ කිසිදු පීඩනයකින් තොරව බව පවසන ක්‍රීමර් සියලුම ක්‍රීඩකයන් ජයග්‍රහණය වෙනුවෙන් සූදානමින් සිටින බව පවසයි.

සංචාරක සිම්බාබ්වේ කණ්ඩායම හා ශ්‍රී ලංකා කණ්ඩායම අතර පැවැත්වෙන තරග 05 කින් සමන්විත එක්දින තරඟාවලියේ තෙවැනි තරඟය අද (06) උදෑසන සූරියවැව මහින්ද රාජපක්ෂ ජාත්‍යන්තර ක්‍රීඩාංගණයේ දී ආරම්භ විය.

දිනයේ කාසියේ වාසිය ශ්‍රී ලංකාවට හිමි වූ අතර ශ්‍රී ලංකා කණ්ඩායමේ ආරාධනයෙන් ප්‍රථමයෙන් පන්දුවට පහරදීමට පිටියට පිවිසි සිම්බාබ්වේ කණ්ඩායම තරඟකාරී ලකුණු පුවරුවක් ශ්‍රී ලංකාවට හිමිකර දෙමින් ලකුණු 311  ක ප්‍රබල ඉලක්කයක් අද (06) දහවල් සිය පන්දුවාර 50 අවසානයේ ලබාදීමට සමත් වුණා.

සිම්බාබ්වේ කණ්ඩායම සිය පන්දුවාර 50 අවසන කඩුලු 8 කට ලකුණු 310යි. සිම්බාබ්වේ ආරම්භක පිතිකරු හැමිල්ටන් මසකඩ්සා පන්දු 98 ක් පමණක් වැය කරමින් ලකුණු 111 ක් ලබා ගැනීම කැපී පෙනුණ අතර සිය මංගල තරඟයෙන් කඩුලු ත්‍රිත්වයක් ලබාගත් වනිඳු හසරංග අද තරඟයේදී කඩුලු 2 ක් සිය කඩුලු මල්ලට දමා ගැනීමට සමත් කම් දැක්වූවා.

මේ වන විට පන්දුවට පහරදෙමින් සිටින ශ්‍රී ලංකා කණ්ඩායම පන්දුවාර 17 ක් අවසානයේ කිසිවකු නොදැවී ලකුණු 112 ක් රැස්කරගැනීමට සමත්ව සිටී.{jcomments on}

ශ්‍රී ලංකාව සහ සිම්බාබ්වේ අතර තීරණාත්මක තෙවැනි එක්දින ක්‍රිකට් තරගය අද (6දා) සූරියවැව මහින්ද රාජපක්ෂ ජාත්‍යන්තර ක්‍රිකට් ක්‍රීඩාංගණයේදී පැවැත්වේ.
මෙම තරගය වසර දෙකකට පසු සූරිය වැවදී පැවැත්වෙන  පළමු ක්‍රිකට් තරග වෙයි.
දිවා තරගයක් ලෙස පැවැත්වෙන මෙම තරගය පෙ.ව. 9.45 ට ආරම්භ වෙයි.
තරගාවලියේ පළමු තරග දෙක ගාල්ලේදී පැවැති අතර පළමු තරගයේ ජය සිම්බාබ්වේටත් දෙවැනි තරගයේ ජය ශ්‍රී ලංකාවටත් හිමිවීම නිසා තරගාවලිය 1-1 ලෙස සමවී තිබේ.
අද තරගයෙන් ජය ගෙන තරගාවලියේ පෙරමුණ ගැනීමට දෙපිලම සූදානමින් පසුවෙන බැවින් තියුණු තරගයක් ඇතිවෙනු ඇතැයි අපේක්ෂා කෙරේ.
ශ්‍රී ලංකාව සූරියවැවදී එක්දින තරගවලදී සම දස්කම් දක්වා ඇති අතර එහිදී තරග 16 කට ක්‍රීඩා කර තරග 7ක් ජයගෙන තරග 6ක් පරාජයවී තරග 3ක් විසඳුමකින් තොරව අවසන්වී තිබේ.
පළමු තරගයේදී ශ්‍රී ලංකා දඟ පන්දු යවන්නන්ට සාර්ථකව මුහුණ දීමට සිම්බාබ්වේ පිතිකරුවන් සමත් වුවද දෙවැනි තරගයේදී ඔවුන් පාලනය කිරීමට සඳකැන් සහ වනිඳු  සමත්වූහ.
මේ අනුව අද තරගයේදී ශ්‍රී ලංකා පන්දු යවන්නන්ට වෙනස් සැලසුමකට අනුව පහරදීමට සිම්බාබ්වේ පි‍ලේ අපේක්ෂාව වී තිබේ.
මේ අතර ශ්‍රී ලංකා පි‍ලේ වෙනස්කම් දෙකක් සිදුකර ඇති අතර චාමර කපුගෙදර සහ නුවන් කුලසේකර සංචිතයට කැඳවා තිබේ. පළමු තරගයට ක්‍රීඩා කළ ලහිරු මධුසංඛ සහ අමිල අ‍පොන්සුට සංචිතයේ ස්ථාන අහිමිවී තිබේ.
තරගය පිළිබඳව අදහස් දක්වන ශ්‍රී ලංකා නායක මැතිව්ස් පවසන්නේ අද තරගයට දෙවැනි තරගය ජයගත් ජයග්‍රාහී කණ්ඩායමම ක්‍රීඩා කිරීමට බොහෝ දුරට ඉඩකඩ ඇති බවයි.
“අපි දෙවැනි තරගය දිනපු කණ්ඩායම එක්කම මෙම තරගයට යනවා. වේග පන්දු යවන්නන් දෙදෙනකු සංචිතයට කැඳවූයේ ක්‍රීඩාංගණයේ තත්ත්වය ගැන හිතලයි. වෙනසක් සිදුවීමට ඉඩකඩ අඩුයි” යැයි මැතිව්ස් පවසයි.
දිනේෂ් චන්දිමාල් වෙනුවට චාමර කපුගෙදර කැඳවීම පිළිබඳව නැගූ පැනයට පිළිතුරු දුන් මැතිව්ස් පැවැසුවේ මැද පෙළ පිතිකරුවෙකුගේ අවශ්‍යතාව මත කපුගෙදර කැඳවූ බවයි. 
“චන්දිමාල් ක්‍රීඩා කරන්නේ අංක 4යි. දැන් අංක 4ට උපුල් තරංග ඉන්නවා. හදිසියකදී අවශ්‍ය වන්නේ මැදපෙළ පිතිකරුවෙක්. ඒ නිසයි තේරීම් කමිටුව මෙම තීරණය අරගෙන තියෙන්නේ.” යැයි මැතිව්ස් පවසයි.
තරගය පිළිබඳව අදහස් දක්වන සිම්බාබ්වේ නායක ක්‍රීමර් පවසන්නේ ක්‍රීඩාංගණය විශාල බැවින් සිය දඟ පන්දු යවන්නන් යොදවාගෙන ශ්‍රී ලංකා පිතිකරුවන් මෙල්ල කිරීමට තම පිල සූදානමින් පසුවන බවයි.
“ දෙවැනි තරගයේදී රිවර්ස් ස්වීප් සහ ස්වීප් පහරවල්වලින් පිතිකරුවන් දැවී ගියා. ඒකෙන් අපි පාඩමක් ඉගෙන ගත්තා. මේ තරගයේදී වෙනස් උපක්‍රමයක් අනුගමනය කරනවා.” යැයි ක්‍රීමර් පවසයි.
 
ශ්‍රී ලංකා සංචිතය
ඇන්ජලෝ මැතිව්ස් (නායක), උපුල් තරංග (උප නායක), නිරෝෂන් දික්වැල්ල, ධනුෂ්ක ගුණතිලක, කුසල් මෙන්ඩිස්, අසේල ගුණරත්න, චාමර කපුගෙදර, වනිඳු හසරංග, ලක්ෂාන් සඳකැන්, අකිල ධනංජය, නුවන් ප්‍රදීප්, ලසිත් මාලිංග, දුෂ්මන්ත චමීර, නුවන් කුලසේකර, ලහිරු කුමාර
 
සිම්බාබ්වේ සංචිතය
ග්‍රැහැම් ක්‍රීමර් (නායක), කේ‍ර්ග් අර්වින්, හැමිල්ටන් මසකඩ්සා, වෙලින්ටන් මසකඩ්සා, සොලමන් මයර්, පීටර් මුවර්, ක්‍රිස් මෝෆු, කෙනත් මුසකන්ඩා, රිචඩ් එංගාරවා, ඩොනල්ඩ් ටිරිපානෝ, මැල්කම් වොලර්, ෂෝන් විලියම්ස්, චමූ චිබාබා, ෂිකන්ද රාසා, රයන් බර්ල්, ටෙන්ඩායි චටාරා
 
මංගල ධර්මප්‍රේම සූරියවැව සිට

සිංගර් ශ්‍රී ලංකා සමාගමේ අනුග්‍රහය ඇතිව ශ්‍රී ලංකා පාසල් ක්‍රිකට් සංගමය සංවිධානය කරන අවු. 15න් පහළ අන්තර් පාසල් පළමු කොටසේ ක්‍රිකට් තරගාවලියේ දෙවැනි වටයේ තරගයකදී කෑගල්ල ශා. මරියා විද්‍යාලයට එරෙහිව කඩුලු 10ක ජයක් ලැබිමට මොරටුව වේල්ස් කුමර විද්‍යාලය සමත්විය.
මෙම තරගයේදී වේල්ස් කුමර පි‍ලේ දකුණත් පිට දඟ පන්දු යවන සමුද්‍ර මේදිස් පළමු ඉනිමේදී ලකුණු 11කට කඩුලු 7ක් දවාලූ අතර, වමත් පා දඟ පන්දු යවන කුංචන පෙරේරා දෙවැනි ඉනිමේදී ලකුණු 36කට කඩුලු 7ක් දවාලීය.
 
වේල්ස් කුමර කෑගල්ල ශා. මරියා
ශා. මරියා: පළමු ඉනිම - 46 (පන්දුවාර 35.3) සමුද්‍ර මේදිස් 7/11, කුංචන පෙරේරා 2/12
වේල්ස් කුමර: පළමු ඉනිම - 145 (පන්දුවාර 23) දිනුර ප්‍රනාන්දු 43, තරිඳු අමරසිංහ 24, ටී. ලියනගේ 4/45, කේ. එස්. සහසර 3/32
ශා. මරියා: දෙවැනි ඉනිම - 110 (පන්දුවාර 38) ටී. වීරසේකර 33, ටී. ලියනගේ 24, කුංචන පෙරේරා 7/36
වේල්ස් කුමරට කඩුලු 10ක ජයක්.
 
ශා. සෙබස්තියන්-කඳාන දි මැසිනෝද්
ශා. සෙබස්තියන්: පළමු ඉනිම - 259/4 (පන්දුවාර 50) ශකිල පෙරේරා 63, සුඛිත මනෝජ් 54, රවීන් ප්‍රනාන්දු නොදැවී 43, ඉඳුවර අල්විස් 43, ශවිඳු රොද්‍රිගෝ 39, තමිඳු සෙනෙත් 2/54
දි මැසිනෝද්: පළමු ඉනිම - 174 (පන්දුවාර 37.5) සිහින සිතුමිණ 68, රුවින් ෆොන්සේකා 35, ලෙස්ටර් ජයවීර 28, අශාන් ප්‍රනාන්දු 3/30, ශකිල පෙරේරා 2/17
ශා. සෙබස්තියන්: දෙවැනි ඉනිම - 57/1 (පන්දුවාර 8) ශකිල පෙරේරා නොදැවී 24, ශවිඳු රොද්‍රිගෝ 20
තරගය ජය පැරදුමෙන් තොරව අවසන් විය.
 
ශා. සිල්වෙස්තර-සී.ඩබ්ලිව්.ඩබ්ලිව්. කන්නංගර
ශා. සිල්වෙස්තර: පළමු ඉනිම - 243/4 (පන්දුවාර 49) නිමාෂ විජේසිංහ 86, චරිත් රාජගුරු 77, පසිඳු කෝර‍ලේගෙදර 21, දමිත් කාවින්ද 2/54
සී.ඩබ්ලිව්.ඩබ්ලිව්. කන්නංගර: පළමු ඉනිම - 50 (පන්දුවාර 27.4) සමුදිත මුණසිංහ නොදැවී 12, චරිත් රාජගුරු 4/9, මෙවන් ද සොයිසා 3/13
කන්නංගර: දෙවැනි ඉනිම - 68/5 (පන්දුවාර 13) චමෝද්‍ය කුමාර 46, පසිඳු ජයකොඩි 2/3
ශා. සිල්වෙස්තරයට පළමු ඉනිමේ ජයක්.
 
කොට්ටාව ධර්මපාල-මහනුවර ධර්මරාජ
ධර්මපාල: පළමු ඉනිම - 95 (පන්දුවාර 50.4) සෙනිල් දිසානායක 15, චමිල් අකලංක 4/25, ෂෙමිල ලියනගේ 3/20
ධර්මාලෝක: පළමු ඉනිම - 108/6 (පන්දුවාර 41.1) ඉවජිත් ජයතිලක 39, නිමේෂ් මිගාර 24, ෂෙමිල ලියනගේ 22, ජනිත් කුලතුංග 2/2
ධර්මපාල: දෙවැනි ඉනිම - 92/8 (පන්දුවාර 26) ච්ෙතිය වීරකෝන් 26, ෂෙමිල ලියනගේ 3/42, නිමාල් උමේෂ් 2/24
කොට්ටාව ධර්මපාල විද්‍යාලයට පළමු ඉනිමේ ජයක්.   
 
මාතර ශා. තෝමස්-විද්‍යාර්ථ
විද්‍යාර්ථ: පළමු ඉනිම - 100 (පන්දුවාර 46.3) එරංග බණ්ඩාර 26, සචිර රශ්මික 5/24, සිනෙත් සිතාර 3/18
ශා. තෝමස් පළමු ඉනිම - 208/4 (පන්දුවාර 31) වෝෂිත අමරසිංහ 80, නිපුන් රුචිර 63, හිරන්ත ජයසිංහ නොදැවී 50, එස්.ටී. වෙල්ගමගේ 2/58
විද්‍යාර්ථ: දෙවැනි ඉනිම - 93/3 (පන්දුවාර 23) එස්.ටී. වෙල්ගමගේ නොදැවී 52, එරංග බණ්ඩාර 39, නවිඳු මානෙත් 2/26
මාතර ශා. තෝමස් විද්‍යාලයට පළමු ඉනිමේ ජයක්.
 
ශා. ජෝශප්-ජෝශප් වාස් 
ශා. ජෝශප්: පළමු ඉනිම - 217/8 (පන්දුවාර 55) යෙසිත් රූපසිංහ 75, යැනික් පුලර් 60, ෂෙනුක ද සිල්වා නොදැවී 33, සෙනුර ප්‍රනාන්දු 3/50, කාවින්ද ඉෂාර 2/49
ශා. ජෝශප් වාස්: පළමු ඉනිම - 100/3 (පන්දුවාර 40) එන්. ප්‍රනාන්දු නොදැවී 25, නිපුණ ද සිල්වා 21, 
ෂෙරාන් අමිඳු 20 තරගය ජය පැරදුමෙන් තොරව අවසන් විය.
 
තර්ස්ටන්-කළුතර සිරිකුරුස
සිරිකුරුස : පළමු ඉනිම - 194/8 (පන්දුවාර 60) පතීෂ ශ්‍යාමාල් නොදැවී 66, නිලක්ෂ කසුන් 26, ෂෙරොන් ෆොන්සේකා 26, අහමඩ් ආතීෆ් 24,  ෂිමාෂ් නිෂාම් 6/55 
තර්ස්ටන්: පළමු ඉනිම - 125/9 (පන්දුවාර 38) භවන්ත ජයසිංහ 37, අරෝෂ ස්ටෙෆානෝ 5/36, පතීෂ ශ්‍යාමාල් 2/19
තරගය ජය පැරදුමෙන් තොරව අවසන් විය.
 
වෙස්ලි - කෝට්ටේ ආනන්ද ශාස්ත්‍රාලය
වෙස්ලි : පළමු ඉනිම - 249/6 (පන්දුවාර 60) ශාහිල් ඩයස් 85, අනුජිත් වික්‍රමසිංහ 59, සිදත් ධර්මසිරිවර්ධන 49, චමීර ෂිරාෂ් 3/56, වෙනුක් දිල්වන් 2/62 
ආනන්ද ශාස්ත්‍රාලය: පළමු ඉනිම - 152/7 (පන්දුවාර 46) චමීර ෂිරාෂ් 30, ආකාෂ් ඩාවුඩ් 3/33, නිම්තක ඉඳුවර 3/36
තරගය ජය පැරදුමෙන් තොරව අවසන් විය.
 
පමෝද් ලසන්ත

සනත් ජයසූරියගේ සභාපතිත්වයෙන් යුත් ක්‍රිකට් තේරීම් කමිටුවේ සේවා කාලය දෙසැම්බර් 31දා දක්වා දීර්ඝ කිරීමට ක්‍රීඩා අමාත්‍යවරයා තීරණය කර ඇති බව ක්‍රිකට් ආයතනය නිවේදනය කරයි.
තේරීම් කමිටුව :- 
සනත් ජයසූරිය (සභාපති), රොමේෂ් කළුවිතාරණ, රංජිත් මධුරසිංහ, එරික් උපශාන්ත, අසංක ගුරුසිංහ

කාන්තා ලෝක කුසලාන ක්‍රිකට් තරගාවලිය යටතේ ඉන්දියාව සහ ශ්‍රී ලංකාව අතර තරගය අද (5දා) ඩර්බිහිදී පැවැත්වේ.
ඉන්දියාව මේ වන විට සහභාගි වූ තරග තුනම ජය ගැනීමට සමත් වී සිටින අතර, ශ්‍රී ලංකාව සහභාගි වූ තරග ත්‍රිත්වයම පරාජය වී සිටියි.
ඉන්දියාව වනුවෙන් මෙම තරගාවලිය පුරා පිත්තෙන් දස්කම් දැක්වූ එස්. මන්දනා ඉක්මණින් දවා ගැනීම අද ශ්‍රී ලංකාවට හිතකර වෙයි. පළමු තරගයේදී ලකුණු 90ක් ලැබූ ඇය දෙවැනි තරගයේදී ශතකයක් වාර්තා කළ අතර, පාකිස්තානයට එරෙහිව පැවැති තෙවැනි තරගයේදී පමණක් අසාර්ථක විය. 
නායිකා මිතලි රාජ් ද පිත්තෙන් සාර්ථක දස්කම් දක්වා සිටින අතර, හර්මන් පී්‍රට් කෝර් ද තරග තුනේදීම සාර්ථක පිතිහරඹයක නිරත විය.
ශ්‍රී ලංකාවේ බලා‍පොරොත්තු ශතකලාභිනිය වන චමරි අතපත්තු වෙත රැඳී ඇති අතර, සෙසු පිතිකාරිනියන් තරගාවලිය පුරාම ලකුණු අතරට පිවිසීමට තවමත් අ‍පොහොසත් වී සිටියි.
මේ අතර අද (5දා) තවත් තරග 2ක් පැවැත්වෙන අතර, ඕස්ට්‍රේලියාව සහ පාකිස්තානය අතර තරගය ලෙස්ටර්හිදීද, එංගලන්තය සහ දකුණු අප්‍රිකාව අතර තරගය බ්‍රිස්ටල්හිදීද පැවැත්වේ.
මේ වන විට ඉන්දියාව සහ ඕස්ට්‍රේලියාව ලකුණු 6 බැගින් ලබා සිටින අතර, ශුද්ධ ලකුණු වේගය අනුව ඉන්දියාව පළමු ස්ථානයේත් ඕස්ට්‍රේලියාව දෙවැනි ස්ථානයේත් පසුවෙයි. දකුණු අප්‍රිකාව ලකුණු 5ක් ලබා තෙවැනි ස්ථානයේ රැඳී සිටින අතර, ලකුණු 4ක් ලැබූ එංගලන්තය සිව්වැනි ස්ථානයේද ලකුණු 3ක් ලැබූ නවසීලන්තය 5 වැනි ස්ථානයේද පසුවෙයි.
ශ්‍රී ලංකාව, පාකිස්තානය සහ බටහිර ඉන්දීය කොදෙව් සහභාගි වූ තරග තුනෙන්ම පරාජය වී සිටියි.
 
ශ්‍රී ලංකා සංචිතය
ඉනෝකා රණවීර (නායිකාව), ප්‍රසාදිනී වීරක්කොඩි (උප නායිකාව), ශෂිකලා සිරිවර්ධන, චමරි අතපත්තු, ඒෂානි ලොකුසූරිය, දිලානි මනෝදරා, ශ්‍රීපාලි වීරක්කොඩි, උදේශිකා ප්‍රබෝධනී, නිපුනි හංසිකා, හසිනි පෙරේරා, ඕෂදී රණසිංහ, හර්ෂිතා මාධවී, අමා කාංචනා, චමරි ‍පොල්ගම්‍පොල, චන්දිමා ගුණරත්න
 
ඉන්දීය සංචිතය
මිතලි රාජ් (නායිකාව) රාජේශ්වරි ගයක්වාඩ්, මන්සි ජෝෂි, වේඩා ක්‍රිෂ්ණමූර්ති, මෝනා ම‍ෂේරාම්, පූනම් යදාව්, පූනම් රාවට්, සුෂ්මා වර්මා, එක්ටා බිෂ්ට්, ජූලන් ගෝස්වාමි, හර්මන් පී්‍රට් කෝර්, එස්. මන්දනා, ෂිකා පාන්ඩේ, නස්හට් පර්වින්, දීප්ති ෂර්මා
IMAGE

ඡන්දය වෙනුවෙන් 'වඩියකට' ඉඩ දෙන්නැයි අපේක්ෂකයෝ ඉල්ලති

IMAGE 2018 Jan 16 10:42
තමන් කිසිදා  කසිප්පු පෙරීම නොකළ නමුත් මැතිවරණය අවසන් වන තුරු පමණක්  කාර්යාලය පිටුපස දින...
Views - 1489

අහඹු ගැබ් ගැනීම් වලකන පෙති ඇසුරුම් 20 අනුරපුර පාසලක

IMAGE 2018 Jan 16 09:59
පාසල ශුද්ධ පවිත්‍ර කිරීමේ ශ්‍රමදානයකට සහභාගී වූ මවකට අනුරාධපුර නගරයේ පාසලක තිබී අහඹු ලෙස...
Views - 1765

අන්තර්ජාල ඡායාරූපයේ සත්‍ය කතාව උදාරි හෙළි කරයි

IMAGE 2018 Jan 15 12:15
ප්‍රවේගය සිනමා පටයෙන් බොහෝ දෙනාගේ ආදරය දිනාගත් උදාරි පෙරේරාගේ තට්ට හිස සහිත ඡායාරූප පෙළක්...
Views - 3025

හොලිවුඩ් නිළියන්ටත් ලිංගික හිංසන

IMAGE 2018 Jan 15 11:49
වසර හැත්තෑ පහක කාලය තුළ අමුතුම ආකාරයේ ගෝල්ඩන් ග්ලෝබ් සම්මාන උළෙලක් පළමු වරට පසුගිය ඉරිදා...
Views - 1613

SMS මිස්කෝල් ෆෙස්බුක් නිසා කාන්තාවන් 26%ක් ගුටිකති

IMAGE 2018 Jan 15 08:37
සැමියා පහරදීම නිසා කාන්තාවන්ගෙන් සියයට විසිහයක් හිංසනයට ලක්ව ඇත්තේ ජංගම දුරකථනවලට එන කෙටි...
Views - 1938

හැන්දෑවට හඩා වැටෙන සියඹලාගසේ භූතයා

IMAGE 2018 Jan 14 13:05
නිකවැරටියට ආසන්න පිටිසරබද ගම්මානයක භූතයකු අරක්ගත් සියඹලා ගසක් පිළිබඳව මීට වසර කිහිපයකට පෙර...
Views - 3509

Please publish modules in offcanvas position.

Web Analytics
X

Right Click

No right click