Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - [email protected] youtube
lakbima.lk

                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

චැම්පියන්ස් කුසලාන ක්‍රිකට් තරගාවලිය යටතේ බර්මින්හැම්හිදී පැවැති ඉන්දියාව සහ පාකිස්තානය අතර තරගයෙන් ඩක්වර්ත් ලුවිස් ක්‍රමයට ලකුණු 124ක ජයක් වාර්තා කිරීමට ඉන්දියාව සමත් විය.
වර්ෂාවෙන් බාධා එල්ල වූ මෙම තරගයේ පළමුවෙන් පන්දුවට පහර දුන් ඉන්දියාව පන්දුවාර 48කදී කඩුලු 3ක් දැවී ලකුණු 319ක් වාර්තා කළේය.
පිළිතුරු ඉනිම ක්‍රීඩා කළ පාකිස්තානයටද වර්ෂාවෙන් බාධා එල්ල වීම හේතුවෙන් ඩක්වර්ත් ලුවිස් ක්‍රමයට පන්දුවාර 41කදී ලකුණු 289ක ඉලක්කයක් හිමිවූ අතර, ඔවුන්ට පන්දුවාර 33.4කදී සියලු දෙනා දැවී රැස්කරගත හැකිවූයේ ලකුණු 164ක් පමණි.
පළමුවෙන් පන්දුවට පහර දුන් ඉන්දීය ආරම්භක පිතිකරු යුගළය වූ රෝහිත් ෂර්මා සහ ෂිකර් ධවාන් පළමු කඩුල්ල සඳහා ලකුණු 136ක විශිෂ්ට සම්බන්ධතාවක් ගොඩනැංවූහ.
රෝහිත් ෂර්මා පන්දු 119කදී හතරේ පහර 7ක් සහ හයේ පහර 2ක් සමගින් ලකුණු 91ක් ලබා දුවද්දී දැවී ගිය අතර, ෂිකර් ධවාන් පන්දු 65කදී හතරේ පහර 6ක් සහ හයේ පහරක් සමගින් ලකුණු 68ක් වාර්තා කළේය.
ඉන්පසු පිටියේ එක්වූ නායක විරාත් කෝලි සහ යුවරාජ් සිං ඉන්දීය ලකුණු පුවරුව ඉහළ නංවමින් දෙවැනි කඩුල්ලට ලකුණු 56ක සම්බන්ධතාවක් ගොඩනැංවීමට සමත් වූහ.
එහිදී වේගවත් ඉනිමක් ක්‍රීඩා කළ යුවරාජ් සිං පන්දු 29කදී අර්ධ ශතකය වාර්තා කරමින් තරගයේ වීරයා බවට පත්විය. ඔහුගේ ඉනිම අවසන් වන විට පන්දු 32කදී හතරේ පහර 8ක් සහ හයේ පහරක් සමගින් ලකුණු 53ක් ලබා සිටියේය.
ඉන්පසු නායක කෝලිට එක්වූ හර්දික් පාන්ඩයා ප්‍රහාරයක් දියත් කරමින් පන්දු 6කදී පිට පිට හයේ පහර 3ක් සමගින් ලකුණු 20ක් වාර්තා කළේය.
ඉන්දීය ඉනිම අවසන් වනතුරු එක් අන්තයක රැඳී සිටි නායක කෝලි පන්දු 68කදී හතරේ පහර 6ක් සහ හයේ පහර 3ක් සමගින් ලකුණු 81ක් රැස් කළේය.
පිළිතුරු ඉනිම ක්‍රීඩා කිරීමට පිටියට පිවිසි පාකිස්තානු ආරම්භක පිතිකරු අසාර් අලී ලකුණු 50ක් රැස් කළ අතර, මොහොමඩ් හෆීස් ලකුණ 33ක් වාර්තා කළේය.
ඉන්දියාව වෙනුවෙන් විශිෂ්ට පන්දු යැවීමක නිරත වූ උමේෂ් යදාව් ලකුණු 30ට කඩුලු 3ක් බිඳ හෙලූ අතර, හර්දික් පාන්ඩයා සහ රවින්ද්‍ර ජඩේජා කඩුලු 2 බැගින්ද, බුවනේෂ්වර් කුමාර් එක් කඩුල්ලක්ද බිඳ හෙලූහ.

සිංගර් ශ්‍රී ලංකා සමාගමේ අනුග්‍රහය ඇතිව ශ්‍රී ලංකා පාසල් ක්‍රිකට් සංගමය සංවිධානය කරන අවු. 17න් පහළ අන්තර් පාසල් පළමු කොටසේ ක්‍රිකට් තරගාවලියේ පළමු වටයේදී පන්දුවෙන් දස්කම් දැක්වූ මොරටුව වේල්ස් කුමර විද්‍යාලයේ සුවත් මෙන්ඩිස් ලකුණු 4කට කඩුලු 5ක් බිද හෙළීමට සමත්විය.
සුවත් මෙන්ඩිස් වාද්දුව මධ්‍ය මහා විද්‍යාලයට එරෙහිව පන්දුවෙන් දස්කම් දක්වමින් ලකුණු 4ට කඩුලු 5ක්ද, පිත්තෙන් නොදැවී ලකුණු 23ක්ද රැස් කරමින් වේල්ස් කුමර ජයග්‍රහණයේ නියමුවා බවට පත්විය.
මොරටුව ශා. සෙබස්තියන් විද්‍යාලයට එරෙහිව පිත්තෙන් දස්කම් දැක්වූ කළුතර සිරිකුරුස විද්‍යාලයේ කවිඳු උමයංග ලකුණු 107ක් වාර්තා කළද තම පි‍ලේ ජයග්‍රහණය සඳහා එය ප්‍රමාණවත් නොවිණි.
මෙම තරගවලදී මොරටුව වේල්ස් කුමර, මොරටුව ශා. සෙබස්තියන්, අම්බලන්ගොඩ ධර්මාශෝක, කොළඹ වෙස්ලි, මාරවිල ශා. ෂේවියර්, කොළඹ ශා. ජෝශප් සහ මාත‍ලේ ශා. තෝමස් ජය ලැබිය.
 
වේල්ස් කුමර-වාද්දුව ම.ම.වි.
වාද්දුව: 89 (පන්දුවාර 32.3) කවිඳු සිල්වා 25, සුවත් මෙන්ඩිස් 5/4, දසන් සමරසිංහ 2/17
වේල්ස් කුමර: 92/1 (පන්දුවාර 7.5) ෆහාඩ් ෆායිස් නොදැවී 38, සුවත් මෙන්ඩිස් නොදැවී 23
වේල්ස් කුමරයට කඩුලු 9ක ජයක්.
 
ශා. සෙබස්තියන් -කළුතර සිරිකුරුස
සිරිකුරුස: 216 (පන්දුවාර 49.4) කවිඳු උමයංග 107, සචින් ප්‍රනාන්දු 2, ජනිෂ්ක පෙරේරා 3/31, සඳුල ද සිල්වා 3/26
ශා. සෙබස්තියන්: 219/5 (පන්දුවාර 42.4) ශනෙල් ප්‍රනාන්දු 72, නිශිත අභිලාෂ් 52, නිර්මාල් පෙරේරා 3/27
ශා. සෙබස්තියන්ට කඩුලු 5ක ජයක්. 
 
ධර්මාශෝක-දේවපතිරාජ
දේවපතිරාජ: 126 (පන්දුවාර 30) කල්ප ච්ෙතිය 63, තිසර ඩිල්ෂාන් 16, අකිල මෙන්ඩිස් 4/36, නෙතුමිණ ද සිල්වා 2/22, කවිඳු නදීෂාන් 2/24
ධර්මාශෝක: 127/8 (පන්දුවාර 36.2) දුලීෂ ගගන් 46, රයන් රීෂාන් 21, චමිඳු තාරක 14, පැතුම් මධුසංක 4/29
ධර්මාශෝකයට කඩුලු 2ක ජයක්.
 
වෙස්ලි-ලුම්බිණි
වෙස්ලි: 206/9 (පන්දුවාර 46) තිසුරක අක්මීමණ 52, සනුර අමරසිංහ නොදැවී 45, තිමිර ජයසේකර 26, ශාවින්ද ප්‍රභාෂණ 3/28, ශෂී ප්‍රියශාන් 2/31
ලුම්බිණි: 95 (පන්දුවාර 24.4) ශෂික චන්දිර 23, ෂෙනාල් දංගල්ල 4/35, මොවින් සුබසිංහ 3/14, ශෂී සෝමරත්න 3/19
වෙස්ලි විද්‍යාලයට ලකුණු 111ක ජයක්.
 
මාරවිල ශා. ෂේවියර්-කටුනේරිය ශා. සෙබස්තියන්
ශා. සෙබස්තියන්: 183/9 (පන්දුවාර 50) ශෙෂාන් ප්‍රනාන්දු 05, හෂාන් මධුසංක 2/26, රොෂේන් තරිඳු 2/37 
ශා. ෂේවියර්: 187/3 (පන්දුවාර 28.4) ෂෙහාන් දිනූෂ 59, දුලාජ් අශේන් නොදැවී 57, රවිඳු අංජන 29
ශා. ෂේවියර්යට කඩුලු 7ක ජයක්.
 
මාත‍ලේ ශා. තෝමස් - කටුගස්තොට ශ්‍රී රාහුල
ශ්‍රී රාහුල: 123/9 (පන්දුවාර 48) සඳරුවන් විජේරත්න 36, ජේ.එම්. රාජපක්ෂ 27, චමත් බන්දුසේන 18, එල්.බි. ගොඩකුඹුර 18, ජනිත් කහවත්ත 4/5, ෂෙහාන් අවන්ද්‍ය 4/38
ශා. තෝමස්: 126/4 (පන්දුවාර 23.3) විසල් ඒකනායක 35, ෂෙහාන් අවන්ද්‍ය 43, ජනිත් කහවත්ත 21, චමීර රාජපක්ෂ 15
මාත‍ලේ ශා. තෝමස්ට කඩුලු 6ක ජයක්.
 
ශා. ජෝශප්-ශා. පීතර
ශා. පීතර: 159 (පන්දුවාර 45.3) නිපුනක ෆොන්සේකා 60, ලක්ෂාන් ගමගේ 4/46, මිහිරංග වික්‍රමගේ 2/17
ශා. ජෝශප්: 162/3 (පන්දුවාර 36) කැමරන් දුරුගේ 42, ජොහෑන් ද සිල්වා 52, ලක්ෂාන් ගමගේ නොදැවී 36, රුවින් සෙනෙවිරත්න 2/31
ශා. ජෝශප්ට කඩුලු 7ක ජයක්.
 
මාරිස්ටෙලා-පන්නිපිටිය ධර්මපාල
ධර්මපාල: 195/9 (පන්දුවාර 47) අවිෂ්ක හසරින්ද 52, දුලාජ් එගොඩගේ 44, හසන්ත විශ්වජිත් 30, ෂෙවොන් සෝමරත්න 22, නවීන් ප්‍රනාන්දු 3/24, අවීෂ කේෂාන් 2/32
මාරිස්ටෙලා: 52/2 (පන්දුවාර 5.3) රොෂේන් ප්‍රනාන්දු නොදැවී 26, මලිත් සඳකැළුම් 2/25
තරගය විසඳුමකින් තොරව අවසන් විය.

චැම්පියන්ස් කුසලාන ක්‍රිකට් තරගාවලිය යටතේ ඕවල්හි පැවැති ශ්‍රී ලංකාව සහ දකුණු අප්‍රිකාව අතර තරගයෙන් ලකුණු 96ක ජයක් වාර්තා කිරීමට දකුණු අප්‍රිකාව සමත් විය.
මුලින්ම පන්දුවට පහර දුන් දකුණු අප්‍රිකාව පන්දුවාර 50දී කඩුලු 6ට ලකුණු 299ක් ලබාගත් අතර, ශ්‍රී ලංකාවට පන්දුවාර 41.3කදී සියලුම ක්‍රීඩකයන් දැවී ලබාගත හැකිවූයේ ලකුණු 203ක් පමණි.
දකුණු අප්‍රිකාව වෙනුවෙන් සාර්ථක පන්දු යැවීමක නිරත වෙමින් ශ්‍රී ලංකා පෙර පෙළ බිඳ දැමූ ඉම්රාන් තහීර් (27/4) තරගයේ වීරයා සම්මානය දිනා ගත්තේය.
මෙම තරගයේදී සිය 25වැනි එක්දින ශතකය වාර්තා කළ හෂීම් අම්ලා පන්දු 115කදී හතරේ පහර 5ක් සහ හයේ පහර 2ක් සහිතව ලකුණු 103ක් ලබා ගත්තේය.
ඔහුට අනගි සහයක් දුන් ඩුප්ලෙසිස් පන්දු 70කදී හතරේ පහර 6ක් සහිතව ලකුණු 75ක් ලබාගත් අතර, ජේ.පී. ඩුමිනි නොදැවී ලකුණු 38ක් ලැබිය. 
අම්ලා සහ ඩුප්ලෙසිස් අතර දෙවැනි කඩුල්ල වෙනුවෙන් වාර්තාගත ලකුණු 145ක සම්බන්ධතාවක් වාර්තා විය.
ශ්‍රී ලංකාව වෙනුවෙන් පන්දුවෙන් දස්කම් දැක්වූ නුවන් ප්‍රදීප් ලකුණු 54ට කඩුලු 2ක් බිඳ හෙලූ අතර, ලක්මාල් සහ සීකුගේ එක් කඩුල්ල බැගින් බිඳ හෙළීය.
ලකුණු 300ක ඉලක්කයක් හඹා යාමට පිටියට පිවිසි ආරම්භක පිතිකරුවන් වන දික්වැල්ල සහ තරංග පළමු කඩුල්ල වෙනුවෙන් වේගවත් ලකුණු 69ක් ලබා ගත්තද එය ඉදිරියට ගෙන යාමට සෙසු පිතිකරුවෝ අසමත් වූහ.
දික්වැල්ල පන්දු 33කදී හතරේ පහර 5ක් සහ එක් හයේ පහරක් සහිතව ලකුණු 41ක් ලැබූ අතර, තරංග පන්දු 69කදී හතරේ පහර 6ක් සහිතව ලකුණු 57ක් වාර්තා කළේය.
පිතිකරුවන් ලෙස ක්‍රීඩා කළ මෙන්ඩිස් (11), චන්දිමාල් (12), කපුගෙදර (00), ගුණරත්න (4) අසාර්ථක වීමෙන් අවසානයේදී ශ්‍රී ලංකාවට අන්ත පරාජයක් හිමිවිය.
හුදෙකලා සටනක නිරත වූ කුසල් ජනිත් පෙරේරා පන්දු 66කදී හතරේ පහර 5ක් සහිතව නොදැවී ලකුණු 44ක් ලබා කඩුල්‍ලේ රැඳී සිටියේය.
දකුණු අප්‍රිකාව වෙනුවෙන් පන්දුවෙන් දස්කම් දැක්වූ තහීර් ලකුණු 27ට කඩුලු 4ක්ද, ක්‍රිස් මොරිස් ලකුණු 32ට කඩුලු 2ක්ද බිඳ හෙලූ අතර, රබාඩා සහ මෝකල් එක් කඩුල්ල බැගින් බිඳ හෙළීය.
ශ්‍රී ලංකාවේ මීළඟ තරගය ලබන 8දා ඉන්දියාවට එරෙහිව ඕවල් පිටියේදී පැවැත්වේ.

චැම්පියන්ස් කුසලාන ක්‍රිකට් තරගාවලිය යටතේ ඕස්ට්‍රේලියාව සහ නවසීලන්තය අතර මූලික වටයේ තරගය අද (2දා) බර්මින්හැම්හිදී පැවැත්වේ.
ඕස්ට්‍රේලියානු පිල ස්ටීවන් ස්මිත් විසින් මෙහෙයවනු ලබන අතර, නවසීලන්ත පිල කේන් විලියම්සන් විසින් මෙහෙයවනු ලබයි
පසුගියදා පැවැති පුහුණු තරගවලදී ශ්‍රී ලංකාව පරාජය කිරීමට ඕස්ට්‍රේලියාව සහ නවසීලන්තය සමත් වූ අතර, එහිදී ඉතා ඉහළ ලකුණු සංඛ්‍යාවක් හඹා ගොස් ජය ගැනීමට දෙපිළම සමත් විය.
මේ අනුව දෙපි‍ලේම පිතිකරුවන් ලකුණු අතරට පිවිසී සිටින බැවින් අද තරගය උණුසුම් මුහුණුවරක් ගනු ඇතැයි අපේක්ෂා කෙරෙයි.
මෙවර තරගාවලියේදී ඕස්ට්‍රේලියාව අවසන් පූර්ව වටයට පිවිසෙනු ඇතැයි මේ වන විටත් අනාවැකි පළවී ඇති අතර, ජයග්‍රාහී ආරම්භයක් ලබා ගැනීමේ අරමුණින් ඔවුන් අද පිටියට පිවිසී සිටියි.
නවසීලන්තයටද අවසන් පූර්ව වටයට පිවිසීමට අසීරු සටනක් දියත් කරීමට සිදුවී ඇති බැවින්, පළමු තරගයෙන් ජය ගැනීම වැදගත් වී තිබේ.
මෙම තරගය ශ්‍රී ලංකාවේ වේලාවෙන් පස්වරු 3.00ට ආරම්භ වීමට නියමිතව තිබේ.
ඕස්ට්‍රේලියාව
ස්ටීවන් ස්මිත් (නායක), ඩේවිඩ් වෝනර්, පැට් කමින්ස්, අරොන් ෆින්ච්, ජෝන් හේස්ටින්ග්ස්,
ජොෂ් හේසල්වුඩ්, ටේ‍රවිස් හෙඩ්, මෝසස් හෙන්රිකස්, ක්‍රිස් ලින්, ග්ලෙන් මැක්ස්වෙල්, ජේම්ස් පැටින්සන්, මිචෙල් ස්ටාර්ක්, මාර්ක් ස්ටොයිනිස්, මැතිව් වේඩ්, ඇඩම් සම්පා
නවසීලන්තය
කේන් විලියම්සන් (නායක), කෝරි ඇන්ඩර්සන්, ටේ‍රන්ට් බෝල්ට්, නීල් බෘෘම්, කොලින් ඩි ග්‍රෑන්ඩ්හෝම්, මාටින් ගප්ටිල්, ටොම් ‍ලේතම්, මිචෙල් මැක්ලෙනගන්, ඇඩම් මිල්නේ, ජිමී නීෂම්, ජීතන් පටෙල්, ලුක් රොන්කි, මිචෙල් සැන්ට්නර්, ටිම් සවුති, රොස් ටේලර්

2017 චැම්පියන්ස් කුසලාන ක්‍රිකට් තරගාවලිය සත්කාරක එංගලන්තය සහ බංගලිදේශය අතර තරගයෙන් අද (31දා) ඕවල් පිටියේදී ආරම්භ වෙයි.
තරගාවලිය ආරම්භ කරමින් පැවැත්වෙන මෙම තරගය තියුණු මුහුණුවරක් ගනු ඇතැයි අපේක්ෂා කෙරේ.
මේ වන විට එංගලන්තය ප්‍රබල තත්ත්වයක පසු වුවද
පෙරළිකාර බංගලිදේශය පසුගියදා නවසීලන්තයද පරාජය කිරීමට සමත් වීම නිසා තියුණු සටනක් ඇතිවෙතැයි ඉඟි පළවී තිබේ.
අද තරගයේදී එංගලන්ත පිල එවයින් මෝගන් විසින් මෙහෙයවනු ලබන අතර, බංගලිදේශ පිල මෂ්රෆි මොර්ටාසා විසින් මෙහෙයවනු ලබයි.
එංගලන්තය තරගවදින මෙම කාණ්ඩයට ඕස්ට්‍රේලියාව, නවසීලන්තය සහ බංගලිදේශය ඇතුළත් වී සිටිති.
මේ අතර ඕස්ට්‍රේලියාව සහ නවසීලන්තය අතර තරගය හෙට (2දා) බර්මින්හැම්හිදී පැවැත්වේ.

එංගලන්ත සංචිතය
එවයින් මෝගන් (නායක), මොයින් අලී, ජොනී බේස්ටෝව්, ජේක් බෝල්, සෑම් බිලින්ග්ස්, ජොස් බට්ලර්, ඇලෙක්ස් හේල්ස්, ලියම් ප්ලන්කට්, අදිල් රෂීඩ්, ජෝ රූට්, ජේසන් රෝයි, බෙන් ස්ටෝක්ස්, ඩේවිඩ් විලී, ක්‍රිස් වෝක්ස්, මාර්ක් වුඩ්

බංග්ලාදේශ සංචිතය
මෂ්රෆී මොර්ටාසා (නායක), තමීම් ඉක්බාල්, සෞම්‍යා සකාර්, ඉම්රුල් කේයස්, මුෂ්ෆිකර් රහීම්, ෂකිබ් අල් හසන්, සබිර් රහමන්, මහමදුල්ලා, මොසඩැක් හොසේන්, මුස්ටාෆිසූර් රහමන්, රුබෙල් හොසේන්, ටස්කින් අහමඩ්, සන්සමුල් ඉස්ලාම්, මෙහෙදි හසන්, ෂෆිඋල් ඉස්ලාම්





 

ශ්‍රී ලංකාවේ කාන්තා ක්‍රිකට් ඉහළ නැංවීමේ ක්‍රිකට් සභාපති තිලංග සුමතිපාල මහතාගේ නව දැක්ම යටතේ අවුරුදු 23න් පහළ කාන්තා සංවර්ධන සංචිතයට 30 දෙනකු නම් කිරීම පසුගියදා සිදු කෙරුණි.
මෙහිදී අවුරුදු 23න් පහළ පළාත් තරගාවලියේදී දැක්වූ දස්කම් මත තෝරාගත් 68 දෙනකු අතරින් 30 දෙනකු නම් කිරීමට තේරීම් කමිටුව පියවර ගෙන තිබුණි.
මෙම සංචිතයට තෝරාගත් ක්‍රීඩක ක්‍රීඩිකාවන් සහ දෙමව්පියන් ක්‍රිකට් සභාපති තිලංග සුමතිපාල මහතා විසින් පිළිගැනීම පසුගියදා ක්‍රිකට් ආයතනයේදී සිදු කෙරුණි.
මෙහිදී අදහස් දැක්වූ කාන්තා ක්‍රිකට් සංවර්ධන නිලධාරිනී අප්සාරි තිලකරත්න මහත්මිය පැවසුවේ ක්‍රිකට් සභාපතිවරයාගේ නව දැක්ම අනුව දක්ෂතා ඇති ඕනෑම ක්‍රීඩිකාවකට ශ්‍රී ලංකා ජාතික පිල නියෝජනය කිරීමට අවස්ථාවක් උදාවී ඇති බවයි.
මෙහිදී තවදුරටත් අදහස් පළකර ඇති අප්සාරි තිලකරත්න මහත්මිය මෙම ක්‍රීඩිකාවන් 30 දෙනා පළාත් පුහුණුකරුවන් යටතේ පුහුණුව ලැබිමෙන් පසු අවසානයේදී ජාතික සංචිතයට 20 දෙනකු නම් කිරීමට නියමිත බවත් පැවසුවාය.
මෙහිදී අදහස් දක්වා ඇති උප සභාපති කේ. මතිවානන් මහතා කාන්තා ක්‍රිකට් ක්‍රීඩාවේ ප්‍රවර්ධනය
පිළිබඳව තමන් සෑහීමකට පත්වන බවත්, ඉදිරියේදී ජාතික සහ ජාත්‍යන්තර මට්ටමේදී ශ්‍රී ලංකා කාන්තා ක්‍රීඩිකාවන් දස්කම් දක්වනු ඇති බවත් පවසයි.
සංචිතය සඳහා තෝරා ගන්නා ලද ක්‍රීඩිකාවන් 30 දෙනාට මාසිකව රුපියල් 12,000ක දීමනාවක් ලබා දීමටද ශ්‍රී ලංකා ක්‍රිකට් ආයතනය පියවර ගෙන තිබේ.

අවුරුදු 23න් පහළ කාන්තා සංවර්ධන සංචිතය
කාවින්දි පාරමී (දේවපතිරාජ ම.වි.), ලිහිණි අප්සරා (තලාව දකුණ ම.වි.), පියුමි වත්සලා (බෙලිඅත්ත ධම්මපාල බා.වි.), පූජා රෂ්මි (දේවපතිරාජ), සත්‍යා සන්දීපනී (දේවපතිරාජ), උමාෂා තිමේෂිනී (දේවපතිරාජ), ඉරේෂා චතුරානි (දේවපතිරාජ), සචිනි නිසංසලා (දේවපතිරාජ), අමාෂා අංජලී (බාරොන් ජයතිලක ම.වි.), ශෂිකලා සිල්වා (රාගම බැසිලිකා ම.වි.), තාවිකා සෙව්වන්දි (කොළඹ විහාරමහාදේවි බා.), සිත්මි හිරාෂා (නුගේගොඩ අනුලා), සඳනි තිවංකා (මතුගම සී.ඩබ්.ඩබ්. කන්නංගර),සචිනි නදීෂා (බොරැල්ල ගෝතමී බාලිකා), හරිනි සුලක්ෂණා (නුගේගොඩ අනුලා), දිලිනි ජයවර්ධන (පානදුර ශා. ජෝන්), සචිනි ඩිල්ෂානි (රාගම බැසිලිකා), සඳනි ඩිල්ෂානි (රගම බැසිලිකා), රුවනි මධුෂිකා (ගම්පහ යසෝදරා බාලිකා), කේ.කේ. සුරන්ති (වේල්ස් කුමරි බාලිකා), උදාරා බණ්ඩාර (මහනුවර මහාමායා), ජනූෂි සුධීරා (රත්නපුර සුමන බාලකා), සචිනි දයාරත්න (කටුගස්තොට ශා. අන්තෝනි), තරුෂි රාජකරුණා (නුගවෙල මැදි විදුහල), තිළිණි
කෞෂල්‍යා (කුලියාපිටිය සාරානාත් ම.වි.), කෞෂල්‍යා මධුමාලි (එප්පාවල මැදි විදුහල), සයනි ශෂිකලා (තෙල්දෙණිය ජාතික පාසල), ඉරේෂා ශ්‍යාමලී (රත්නපුර දෑල මහා විදුහල), රූබි රජින්තා (මාත‍ලේ ශා. ජෝන් බාලිකා), ජිනංජලී විජේනායක (මාත‍ලේ ලෙලිඅඹේ ම.වි.)

IMAGE

සැමියාගේ බිමත්කම සහ නොගැළපීම නිසයි විවාහය බිඳ වැටුණේ

IMAGE 2017 Nov 23 13:33
තිලකා රණසිංහගේ ජීවිතයේ වඩාත්ම සතුටු වූ අවස්ථාව හා වැඩියෙන්ම දුක් වූ අවස්ථාව සිහිපත් කරන්න...
Views - 4467

ලංකාව හැර ගිය නතාෂා ආපහු ඇවිත් කියපු කතාව

IMAGE 2017 Nov 23 08:03
නතාෂා පෙරේරා පහුගිය කාලයේ වැඩිපුර දකින්නට ලැබුණේ නැහැ. ඒ ඇය තමන්ගේ ආදරණීය සැමියා ප්‍රිහාන්...
Views - 4131

55 වියැති බැංකු ලොක්කා 29 කන්තෝරු නෝනා සමඟ 'හනිමූන්' ගිහින්

IMAGE 2017 Nov 22 12:50
බැංකුවක උසස් නිලයක් දරන පනස්පස් හැවිරිදි සිය සැමියා වසර ගණනාවක් තිස්සේ විසිනව හැවිරිදි රජයේ...
Views - 7232

අහසේ සිට බිමට පනින එස්.ටී.එෆ්. යුවතියෝ

IMAGE 2017 Nov 22 10:55
අම්පාර උහන ගුවන් ධාවන පථයෙන් අහසට නැඟගත්, එම්. අයි. 17 වර්ගයේ හෙලිකොප්ටරය  නිලඹර දෙපළු කරමින්...
Views - 4534

මිහිදුම සහ වැස්ස ගැන 'කාලගුණ විද්‍යාවෙන්' බොරු කී‍වේ ඇයි?

IMAGE 2017 Nov 22 10:43
මේ දිනවල අළුයම් කාලයේ අගනුවර ඇතුළු ප්‍රදේශ රැසක දැඩි මිහිදුම් තත්ත්වයක් දක්නට ලැබුණු බව...
Views - 2884

මුගාබේගේ බිරිඳ ද පක්ෂයෙන් නෙරපයි

IMAGE 2017 Nov 21 09:37
වසර 37  ක කාලයක් සිම්බාබ්වේ දේශය පාලනය කළ රොබට් මුගාබේ නිවාස අඩස්සියට ගනිමින් හමුදාව එරට...
Views - 3693

Please publish modules in offcanvas position.

Web Analytics