Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - [email protected] youtube
lakbima.lk

                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

ෂිකර් ධවාන් ලබාදුන් උඩ පන්දුවක් ස්ලිප් ස්ථානයේ සිට රැක ගැනීමට යාමේදී මහපට ඇඟිල්ල පුපුරා යාමකට ලක්වූ අසේල ගුණරත්නට තරගාවලියම අහිමිවී තිබේ.
ආබාධයට ගොදුරු වූ අසේල ඊයේ කොළඹට රැගෙන යාමෙන් පසු වෛද්‍ය පරීක්ෂණයකට භාජනය කර ඇති අතර ඊයේ රාත්‍රියේදී ශල්‍යකර්මයක් සිදු කිරීමට නියමිතව ඇති බව ක්‍රිකට් කළමනාකරු අසංක ගුරුසිංහ පවසයි.
අසේලගේ අහිමිවීම ඉතාමත් පාඩුවක් බව පවසන ගුරුසිංහ මෙම තරගය 10 දෙනෙකුගෙන් ක්‍රීඩා කිරීමට සිදුවී ඇති බව පවසයි.
මෙම ආබාධය නිසා අසේලට සති 4-6 ක කාලයක් විවේක ගැනීමට සිදුවිය හැකි බවද ගුරුසිංහ පවසයි.

ශ්‍රී ලංකාව සහ ඉන්දියාව අතර තරග 3 කින් සමන්විත ටෙස්ට් ක්‍රිකට් තරගාවලියේ පළමු තරගය අද (26දා) ගාල්ල ජාත්‍යන්තර ක්‍රිකට් ක්‍රීඩාංගණයේදී ආරම්භ වෙයි.
ශ්‍රී ලංකා නිත්‍ය ටෙස්ට් නායක දිනේෂ් චන්දිමාල් වෛරස් උණ රෝගයක් හේතුවෙන් අද තරගයට ක්‍රීඩා නොකරන අතර ශ්‍රී ලංකා පිල රංගන හේරත් විසින්ද ඉන්දීය පිල විරාත් කෝලි විසින්ද මෙහෙයවනු ලබති.
තණතීරුව විශිෂ්ට බවත් නව සැලසුම් සහිතව සටන ජය ගැනීමට සූදානම් බව දෙපි‍ලේම නායකයෝ ඊයේ පැවැති මාධ්‍ය හමුවේදී පැවැසීය.
අවසන් වරට ශ්‍රී ලංකාවේදී පැවැති 2015 ටෙස්ට් තරගාවලිය 2-1 ක් ලෙස ජය ගැනීමට ඉන්දියාව සමත්වූ අතර එහිදී ගාල්ලේ පැවැති පළමු ටෙස්ට් තරගය ජය ගැනීමට ශ්‍රී ලංකාව සමත්විය.
ශ්‍රී ලංකාව සහ ඉන්දියාව අතර ශ්‍රී ලංකාවේදී ටෙස්ට් තරග 21 ක් පවත්වා ඇති අතර ඉන් තරග 7ක ජය ශ්‍රී ලංකාවටත් තරග 6 ක ජය ඉන්දියාවටත් හිමිවී තිබේ. තරග 8 ක් ජය පරාජයෙන් තොරව අවසන්වී තිබේ.
ශ්‍රී ලංකාව සහ ඉන්දියාව අතර දෙරටේදීම පවත්වා ඇති මුළු තරග 38 න් තරග 16 ක ජය ඉන්දියාවටත් තරග 7 ක ජය ශ්‍රී ලංකාවටත් හිමිවී ඇති අතර තරග 15 ක් ජය පරාජයෙන් තොරව අවසන්වී තිබේ.
අද තරගයේදී ශ්‍රී ලංකා පි‍ලේ පිතිකරුවන් ලෙස උපුල් තරංග, දිමුත් කරුණාරත්න, කුසල් මෙන්ඩිස්, ඇන්ජලෝ මැතිව්ස්, ධනංජය ද සිල්වා හෝ ධනුෂ්ක ගුණතිලක, නිරෝෂන් දික්වැල්ල සහ අසේල ගුණරත්න ක්‍රීඩා කිරීමට නියමිතව තිබේ.
තරගය පිළිබඳව අදහස් දක්වන රංගන හේරත් පවසන්නේ සියලුම ක්‍රීඩකයන් හොඳ මානසික තත්ත්වයකින් සටනට සූදානම්වී සිටින බවයි.
කණ්ඩායම තේරීම අද පෙරවරුවේ තණතිල්ල පරීක්ෂා කිරීමෙන් පසු සිදුකරන බව පැවැසූ රංගන චන්දිමාල්ගේ ස්ථානයට ධනුෂ්ක හෝ ධනංජය ක්‍රීඩා කරනු ඇති බව පවසයි.
ධනුෂ්කත් ලකුණු අතර ඉන්නේ. ධනංජයත් එහෙමයි. පන්දු යවන්නන්ගෙන් ප්‍රදීප් ආබාධයෙන් පස්සෙ හොඳින් පන්දු යවනවා. අද උදේ අවසන් තීරණය ගන්නවා. යැයි රංගන පවසයි.
ඉන්දියාවට එරෙහිව හොඳ සැලසුමකට අනුව ක්‍රීඩා කිරීමට තම පිල සූදානමින් පසුවන බවද රංගන පවසයි.
මේ අනුව ධනුෂ්ක ක්‍රීඩා කළහොත් තරංග මැද පෙළට එක්වීමට නියමිතව ඇති අතර ධනංජය ක්‍රීඩා කළහොත් ඔහු මැද පෙළින් පිටියට පිවිසෙයි.
දඟ පන්දු යවන්නන් ලෙස රංගන සහ දිල්රුවන්ද වේග පන්දු යවන්නන් ලෙස නුවන් ප්‍රදීප් සහ ලහිරු කුමාර ක්‍රීඩා කිරීමට නියමිතව තිබේ.
ඉන්දීය පි‍ලේ පිතිකරුවන් ලෙස ෂිකර් ධවාන්, අභිනව් මුකුන්ඩ්, විරාත් කෝලි, චෙටස්වර් පුජාරා, අජින්ක්යා රහනේ, රෝහිත් ෂර්මා සහ විදිමන් සහා ක්‍රීඩා කරති.
තරගය පිළිබඳව අදහස් දක්වන ඉන්දීය නායක විරාත් කෝලි පවසන්නේ තියුණු සටනක් ලබාදීමට තම ක්‍රීඩකයන් සූදානමින් පසුවෙන බවයි.
ශ්‍රී ලංකාවේදී ශ්‍රී ලංකාවට එරෙහිව සටන් වැදීම අභියෝගයක් බව පවසන කෝලි පිතිකරුවන් මෙන්ම පන්දු යවන්නන්ද තම වගකීම ඉටු කරනු ඇතැයි විශ්වාසය පළ කරයි.
රංගන හේරත් විශිෂ්ට පන්දු යවන්නෙකු බවත් ඔහුට එරෙහිව සැලසුමකින් යුතුව පිතිකරුවන් ක්‍රීඩා කරනු ඇති බවත් කෝලි පැවැසීය.
ඉන්දීය දඟ පන්දු යවන්නන් ලෙස අෂ්වින් සහ ජඩේජා ක්‍රීඩා කිරීමට නියමිතව ඇති අතර වේග පන්දු යවන්නන් ලෙස මොහොමඩ් ෂමී සහ උමේෂ් යදාව් ක්‍රීඩා කිරීමට බොහෝ දුරට ඉඩ තිබේ.
තරගය ශ්‍රී ලංකාවේ වේලාවෙන් පෙ.ව. 10.00 ට ආරම්භ වෙයි.
 
ශ්‍රී ලංකා ටෙස්ට් සංචිතය
රංගන හේරත් (නායක), උපුල් තරංග, දිමුත් කරුණාරත්න, කුසල් මෙන්ඩිස්, ඇන්ජලෝ මැතිව්ස්, අසේල ගුණරත්න, නිරෝෂන් දික්වැල්ල, ධනන්ජය ද සිල්වා, ධනුෂ්ක ගුණතිලක, දිල්රුවන් පෙරේරා, සුරංග ලක්මාල්, ලහිරු කුමාර, විෂ්ව ප්‍රනාන්දු, මලින්ද පුෂ්පකුමාර, නුවන් ප්‍රදීප් 
 
ඉන්දීය ටෙස්ට් සංචිතය
විරාත් කෝලි (නායක), රවිචන්ද්‍රන් ඇෂ්වින්, අජින්කෙයා රහානේ, ෂිකර් ධවාන්, රවීන්ද්‍ර ජඩේජා, කුල්දීප් යදාව්, 
බුවනේෂ්වර් කුමාර්, මොහොමඩ් ෂමී, අබිනව් මුකුන්ඩ්, හාර්දික් පාන්ඩයා, චෙටස්වර් පුජාරා, ලෝකේෂ් රාහුල්, විදිමන් සහා, 
ඉෂන්ට් ෂර්මා, රෝහිත් ෂර්මා, උමේෂ් යදාව්.
 
මංගල ධර්මප්‍රේම ගාල්ලේ සිට

සිංගර් ශ්‍රී ලංකා සමාගමේ අනුග්‍රහය ඇතිව ශ්‍රී ලංකා පාසල් ක්‍රිකට් සංගමය සංවිධානය කළ 2015 සහ 2016 වසරවල අවු. 15න් පහළ සහ 17න් පහළ ක්‍රිකට් තරගාවලියේ සම්මාන උළෙ‍ලේදී පිට පිටම දෙවැනි වරටත් 17න් පහළ දක්ෂතම ක්‍රීඩක සම්මානය දිනා ගැනීමට ශා. සෙබස්තියන් විද්‍යාලයේ අවිෂ්ක ප්‍රනාන්දු (2015)  සමත්විය.
2016 වසරේ අවු. 17න් පහළ දක්ෂතම ක්‍රීඩකයාට හිමි සම්මානය බම්බලපිටිය ශා. පීතර විද්‍යාලයේ සංතුෂ් ගුණතිලකට හිමි විය.
වෙන්නප්පුව ජෝශප් වාස් විද්‍යාලයේ නිපුන් ධනංජය පෙරේරා සහ කොළඹ මහානාම විද්‍යාලයේ පවන් රත්නායක 2015 වසරේදී සහ 2016 වසරේදී අවු. 15න් පහළ දක්ෂතම ක්‍රීඩක සම්මාන දිනා ගත්හ.
2015 වසරේ අවු. 15න් පහළ පළමු කොටසේ ක්‍රිකට් ශූරතාව දිනාගත් ගල්කිස්ස ශා. තෝමස් විදුහලද, දෙවැනි කොටසේ සම ශූරතාව දිනාගත් කොළඹ ඩිලාසාල් සහ මොරටුව ශා. සෙබස්තියන් “බි” පිලද මෙහිදී සම්මාන ලැබිය.
එම වසරේ අවු. 15න් පහළ තෙවැනි කොටසේ ශූරතාව දිනාගත් හෝමාගම මහින්ද රාජපක්ෂ විදුහලද සම්මාන ලැබිය.
2015 වසරේ 17න් පහළ පළමු කොටසේ ශූරතාව දිනාගත් කොළඹ ආනන්ද විදුහලද, දෙවැනි කොටසේ ශූරතාව දිනාගත් කොළඹ නාලන්දා “බි”  පිලද, තෙවැනි කොටසේ සම ශූරතාව දිනාගත් පන්නල ජාතික පාසල සහ  පින්දෙණිය ජාතික පාසල මෙහිදී සම්මාන ලැබිය.
2016  වසරේ අවු. 15න් පහළ පළමු කොටසේ ශූරතාව දිනාගත් කොළඹ නාලන්දා විදුහලද, දෙවැනි කොටසේ ශූරතාව දිනාගත් වත්තල ශා ජෝශප් විදුහලද, තෙවැනි කොටසේ ශූරතාව දිනාගත් ලයිසියම් ජාත්‍යන්තර පාසලද සම්මාන ලැබිය.
2016 වසරේ 17න් පහළ පළමු කොටසේ ශූරතාව දිනාගත් මොරටුව ශා. සෙබස්තියන් විදුහලද, දෙවැනි කොටසේ ශූරතාව දිනාගත් කටුනේරිය ශා. සෙබස්තියන් විදුහලද, තෙවැනි කොටසේ ශූරතාව දිනාගත් වත්තල ලයිසියම් ජාත්‍යන්තර පාසලද මෙහිදී සම්මාන ලැබිය.
මෙම සම්මාන උළෙල අධ්‍යාපන අමාත්‍යාංශයේ ‍ලේකම් සුනිල් හෙට්ටිආරච්චි මහතාගේ ප්‍රධානත්වයෙන් පෙරේදා (24දා) කොළඹ බිෂොප් විද්‍යාලයීය ශ්‍රවණාගාරයේදී පැවැත්විණි.
සිංගර් ශ්‍රී ලංකා සමාගමේ අධ්‍යක්ෂ (වෙළෙඳ) කුමාර් සමරසිංහ,  සිංගර් ශ්‍රී ලංකා සමාගමේ අධ්‍යක්ෂ (අලෙවි සහ වාණිජ) මහේෂ්
විජේවර්ධන, ශ්‍රී ලංකා ක්‍රිකට් මෙහෙයුම් නිලධාරී චින්තක එදිරිමාන්න, ශ්‍රී ලංකා පාසල් ක්‍රිකට් සංගමයේ සභාපති සහ පන්නිපිටිය ධර්මපාල විද්‍යාලයේ විදුහල්පති ඔෂාර පණ්ඩිතරත්න යන මහත්වරුන්ද මෙම සම්මාන ප්‍රදාන උළෙලට ආරාධිතයින් ලෙස එක්වූහ.
 
පමෝද් ලසන්ත

ශ්‍රී ලංකාව සහ ඉන්දියාව අතර ගාල්ල ජාත්‍යන්තර ක්‍රිකට් ක්‍රීඩාංගණයේදී ලබන 26දා ආරම්භ වන ප්‍රථම ටෙස්ට් ක්‍රිකට් තරගය සඳහා රංගන හේරත්ගේ නායකත්වයෙන් යුත් 15 දෙනකුගෙන් සමන්විත ටෙස්ට් සංචිතය නම් කර තිබේ.
මෙම සංචිතයට ප්‍රථම වරට වමතින් දඟ පන්දු යවන මලින්ද පුෂ්පකුමාර නම් කර තිබේ. මලින්ද පසුගිය වසර කිහිපයේදීම අන්තර් ක්‍රීඩා සමාජ ක්‍රිකට් තරගවලදී විශිෂ්ට දස්කම් දැක්වූ දඟ පන්දු යවන්නෙකි.
මේ අතර තරගාවලි කිහිපයකින් ඉවත් කර සිටි ධනංජය ද සිල්වා දිනේෂ් චන්දිමාල්ගේ ස්ථානයට නම්කර තිබේ.
නිව්මෝනියාව තත්ත්වයක් හේතුවෙන් රෝහල්ගත වී ප්‍රතිකාර ලබන චන්දිමාල් පළමු ටෙස්ට් තරගයට ක්‍රීඩා නොකරයි.
ආබාධයකට ලක්වීම නිසා සිම්බාබ්වේ ටෙස්ට් තරගයට ක්‍රීඩා නොකළ වේගපන්දු යවන නුවන් ප්‍රදීප් සුව වීමෙන් පසු සංචිතයට එක්වී තිබේ.
 
පළමු ටෙස්ට් තරගය සඳහා ශ්‍රී ලංකා සංචිතය
රංගන හේරත් (නායක), උපුල් තරංග, දිමුත් කරුණාරත්න, කුසල් මෙන්ඩිස්, ඇන්ජලෝ මැතිව්ස්, අසේල ගුණරත්න, නිරෝෂන් දික්වැල්ල, ධනන්ජය ද සිල්වා, ධනුෂ්ක ගුණතිලක, දිල්රුවන් පෙරේරා, සුරංග ලක්මාල්, ලහිරු කුමාර, විශ්ව ප්‍රනාන්දු, මලින්ද 
පුෂ්පකුමාර, නුවන් ප්‍රදීප්

සංචාරක ඉන්දීය ක්‍රිකට් පිල සහ ශ්‍රී ලංකා ක්‍රිකට් සභාපතිගේ පිල අතර පැවැති දෙදින පුහුණු ක්‍රිකට් තරගය ජය පරාජයෙන් තොරව අවසන් විය.
මුලින්ම පන්දුවට පහර දුන් ක්‍රිකට් සභාපතිගේ පිල ලකුණු 187කට දවා ගැනීමට ඉන්දීය පන්දු යවන්නෝ සමත් වූහ.
සාර්ථක පන්දු යැවීමක නිරත වූ කුල්දීප් යදාව් ලකුණු 14කට කඩුලු 4ක් බිඳ හෙලූ අතර, රවීන්ද්‍ර ජඩේජා ලකුණු 31ට කඩුලු 3ක් බිඳ හෙළීය.
ක්‍රිකට් සභාපතිගේ පිල වෙනුවෙන් සාර්ථක පිතිහරඹයක නිරත වූ ධනුෂ්ක ගුණතිලක හතරේපහර 11ක් සහිතව ලකුණු 74ක් ලබාගත් අතර, ළහිරු තිරිමාන්න හතරේ පහර 5ක් සහ හයේ පහර 2ක් සහිතව ලකුණු 59ක් වාර්තා කළේය.
රොෂේන් සිල්වා ලකුණු 29ක් වාර්තා කළ අතර, කෞෂාල් සිල්වා, ධනංජය ද සිල්වා, අශාන් ප්‍රියංජන් සඳුන් වීරක්කොඩි, කිත්රුවන් විතානගේ සහ ෂෙහාන් ජයසූරිය අසාර්ථක වූහ.
පිළිතුරු ඉනිම ක්‍රීඩා කළ ඉන්දියාව කඩුලු 9ට ලකුණු 312ක් රැස් කළ අතර, අභිනව් මුකුන්ඩ් සහ චෙටස්වර් පුජා හැර සෙසු සියලු පිතිකරුවෝ සාර්ථක පුහුණුවක නිරත වූහ.
ශ්‍රී ලංකා පන්දු යවන්නන්ට සාර්ථක වීමට ඉඩ නොලැබුණු අතර, විශ්ව ප්‍රනාන්දු සහ තරිඳු කෞෂාල් කඩුලු 2 බැගින් බිඳ හෙළීය.
 
ශ්‍රී ලංකා ක්‍රිකට් සභාපතිගේ පිල සියල්ල දැවී 187යි
ධනුෂ්ක ගුණතිලක 74, කෞෂාල් සිල්වා 4, ළහිරු තිරිමාන්න 59, ධනංජය ද සිල්වා 0, රොෂේන් සිල්වා (නොදැවී) 29, අශාන් ප්‍රියන්ජන් 2, සඳුන් වීරක්කොඩි 10, කිත්රුවන් විතානගේ 2, ෂෙහාන් ජයසූරිය 1, තරිඳු කෞෂාල් 1, ලහිරු ගමගේ 1, මොහොමඩ් ෂමී 9/2, රවින්ද්‍ර ජඩේජා 31/3, කුල්දීප් යදාව් 14/4 
 
ඉන්දියාව මුල් ඉනිම 312/9යි
ලෝකේශ් රාහුල් 54, මුකුන්ඩ් 0, පුජාරා 12, විරාත් කෝලි 53, රහානේ 40, රෝහිත් ෂර්මා 38, ෂිකර් ධවාන් 41, විදිමන් සහා (නොදැවී) 36, පාන්ඩයා 11, ජඩේජා 18, විශ්ව ප්‍රනාන්දු 37/2, ලහිරු ගමගේ 65/0, විකුම් සංජය 64/1, කසුන් රාජිත 52/0, තරිඳු කෞෂාල් 81/2, ෂෙහාන් ජයසූරිය 8/0

උණ රෝගී තත්ත්වයක් හේතුවෙන් ශ්‍රී ලංකා ටෙස්ට් ක්‍රිකට් නායක දිනේෂ් චන්දිමාල් රෝහල් ගත කිරීම නිසා ඉන්දියාව සමඟ පැවැත්වෙන පළමු ටෙස්ට් තරඟයට ඔහු සහභාගී නොවන බවත් ශ්‍රී ලංකා පිලේ නායකත්වයට රංගන හේරත් පත්කර ඇති බවත් ශ්‍රී ලංකා ක්‍රිකට් ආයතනය නිවේදනය කරයි.

IMAGE

සැමියාගේ බිමත්කම සහ නොගැළපීම නිසයි විවාහය බිඳ වැටුණේ

IMAGE 2017 Nov 23 13:33
තිලකා රණසිංහගේ ජීවිතයේ වඩාත්ම සතුටු වූ අවස්ථාව හා වැඩියෙන්ම දුක් වූ අවස්ථාව සිහිපත් කරන්න...
Views - 4324

ලංකාව හැර ගිය නතාෂා ආපහු ඇවිත් කියපු කතාව

IMAGE 2017 Nov 23 08:03
නතාෂා පෙරේරා පහුගිය කාලයේ වැඩිපුර දකින්නට ලැබුණේ නැහැ. ඒ ඇය තමන්ගේ ආදරණීය සැමියා ප්‍රිහාන්...
Views - 4030

55 වියැති බැංකු ලොක්කා 29 කන්තෝරු නෝනා සමඟ 'හනිමූන්' ගිහින්

IMAGE 2017 Nov 22 12:50
බැංකුවක උසස් නිලයක් දරන පනස්පස් හැවිරිදි සිය සැමියා වසර ගණනාවක් තිස්සේ විසිනව හැවිරිදි රජයේ...
Views - 7096

අහසේ සිට බිමට පනින එස්.ටී.එෆ්. යුවතියෝ

IMAGE 2017 Nov 22 10:55
අම්පාර උහන ගුවන් ධාවන පථයෙන් අහසට නැඟගත්, එම්. අයි. 17 වර්ගයේ හෙලිකොප්ටරය  නිලඹර දෙපළු කරමින්...
Views - 4425

මිහිදුම සහ වැස්ස ගැන 'කාලගුණ විද්‍යාවෙන්' බොරු කී‍වේ ඇයි?

IMAGE 2017 Nov 22 10:43
මේ දිනවල අළුයම් කාලයේ අගනුවර ඇතුළු ප්‍රදේශ රැසක දැඩි මිහිදුම් තත්ත්වයක් දක්නට ලැබුණු බව...
Views - 2816

මුගාබේගේ බිරිඳ ද පක්ෂයෙන් නෙරපයි

IMAGE 2017 Nov 21 09:37
වසර 37  ක කාලයක් සිම්බාබ්වේ දේශය පාලනය කළ රොබට් මුගාබේ නිවාස අඩස්සියට ගනිමින් හමුදාව එරට...
Views - 3622

Please publish modules in offcanvas position.

Web Analytics