Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - [email protected] youtube
Coss Ear2
lakbima.lk
COSS Ear 1
                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

ශ්‍රී ලංකාව සහ ඉන්දියාව අතර මොහාලිහි පැවැති දෙවැනි එක්දින ක්‍රිකට් තරගයෙන් ලකුණු 141ක ජයක් ලැබූ ඉන්දියාව තරගාවලිය 1-1ක් ලෙස සම කිරීමට සමත් විය.
මුලින්ම පන්දුවට පහර දුන් ඉන්දියාව රෝහිත් ෂර්මාගේ ද්විත්ව ශතකයෙන්  පන්දුවාර 50දී කඩුලු 4ට ලකුණු 392ක් ලබාගත් අතර, ශ්‍රී ලංකාවට පන්දුවාර 50දී කඩුලු 8ක් දැවී ලබාගත හැකිවූයේ ලකුණු 251ක් පමණි.
මෙම තරගයේදී සිය එක්දින ක්‍රිකට් දිවියේ තෙවැනි ද්විත්ව ශතකය වාර්තා  කරමින් වාර්තා ‍පොතට එක්වූ රෝහිත් ෂර්මා පන්දු 153කදී හතරේ පහර 13ක් සහ හයේ පහර 12ක් සහිතව නොදැවී ලකුණු 208ක් ලබා ගැනීමට සමත් විය.
මීට පෙර රෝහිත් ශ්‍රී ලංකාවට සහ ඕස්ට්‍රේලියාවට එරෙහිව ද්විත්ව ශතක වාර්තා කර තිබූ අතර, ද්විත්ව ශතක තුනක් වාර්තා කළ පළමු පිතිකරුවා බවටද පත්විය.
මුලින්ම පන්දුවට පහර දුන් ඉන්දියාව වෙනුවෙන් රෝහිත් ෂර්මා සහ ෂිකර් ධවාන් මුල් කඩුල්ල වෙනුවෙන් ලකුණු 115ක සම්බන්ධතාවක් තැබූ අතර, පන්දු 67කදී හතරේ පහර 9ක් සහිතව ලකුණු 68ක් ලබා ගැනීමට ධවාන් සමත් විය.
ශ්‍රියාස් අයියර් සහ රෝහිත් ෂර්මා එක්ව දෙවැනි කඩුල්ල වෙනුවෙන් ලකුණු 213ක සම්බන්ධතාවක් වාර්තා කළ අතර, පන්දු 70කදී හතරේ පහර 9ක් සහ හයේ පහර 2ක් සහිතව ලකුණු 88ක් වාර්තා කිරීමට අයියර්ට හැකිවිය.
ශ්‍රී ලංකාව වෙනුවෙන් පන්දුවෙන් දස්කම් දැක්වූ තිසර පෙරේරා ලකුණු 80ට කඩුලු 3ක් බිඳ හෙලූ අතර, නුවන් ප්‍රදීප් ශ්‍රී ලංකාව වෙනුවෙන් එක්දින තරගයකදී පන්දුවාර 10කදී ලබාදුන් වැඩිම ලකුණු සංඛ්‍යාවේ වාර්තාවේ හිමිකරුවා විය.
ප්‍රදීප්ට එරෙහිව ලකුණු 106ක් ලබාගත් අතර, මීට පෙර මුරලිදරන්ට එරෙහිව පන්දුවාර 10දී ලකුණු 99ක් ලබා තිබුණි. 
ලකුණු හඹායාමේදී දුර්වල පිතිහරඹයක් පෙන්නූ ශ්‍රී ලංකා පිතිකරුවෝ කඩුලු සම්බන්ධතා පැවැත්වීමට අසමත් වීමෙන් සටනකින් තොරව පරාජය වීමට සිදුවිය.
හුදෙකලා සටනක නිරත වෙමින් පන්දු 132කදී හතරේ පහර 9ක් සහ හයේ පහර 3ක් සහිතව නොදැවී ලකුණු 111ක් වාර්තා කිරීමට ඇන්ජලෝ මැතිව්ස් සමත් වූ අතර, අසේල ගුණරත්න ලකුණු 34ක්ද, නිරෝෂන් දික්වැල්ල ලකුණු 22ක්ද වාර්තා කළහ.
දෙවැනි එක්දින ශතකය වාර්තා කළ ඇන්ජලෝ මැතිව්ස්  මෙම තරගයේදී එක්දින ලකුණු 5000 සීමාව පසු කිරීමටද සමත් විය.
ඉන්දියාව වෙනුවෙන් පන්දුවෙන් දස්කම් දැක්වූ යස්වෙන්දර් චහාල් ලකුණු 60ට කඩුලු 3ක් බිඳ හෙලූ අතර, ජස්ප්‍රිට් බුම්රා ලකුණු 43ට කඩුලු 2ක් බිඳ හෙළීය.
ශ්‍රී ලංකාව සහ ඉන්දියාව අතර තරගාවලි ජය තීරණය කෙරෙන තීරණාත්මක අවසන් තරගය ලබන 17දා විශාකාපට්නම්හිදී පැවැත්වේ.

වෙළෙඳ සේවා ක්‍රිකට් සංගමය 12වැනි වරටත් පවත්වනු ලබන “වෙළෙඳ සේවා ඇකඩමි කනිෂ්ඨ ක්‍රිකට් තරගාවලියේ අවු. 13න් පහළ තරගාවලියේදී ද්විත්ව ශතක වාර්තා කරමින් පළමු කඩුල්ලට ලකුණු 538ක නොබිඳුණු සම්බන්ධතාවයක් පැවැත්වීමට සී.සී.සී. ඇකඩමියේ යෙසිත් කළුපහන සහ නුමුතු ගුණවර්ධන සමත්වූහ.
මාලඹේ හොරයිසන් පිටියේ පැවැති තරගයේදී කෝල්ට්ස් ඇකඩමියට එරෙහිව ලකුණු 447ක විශිෂ්ට ජයක් වාර්තා කිරීමට සී.සී.සී. ක්‍රිකට් ඇකඩමිය සමත්විය.
පන්දුවාර 30ක තරගයක් වූ මෙම තරගයේදී සී.සී.සී. පන්දුවාර 30දී කිසිවකු නොදැවී ලකුණු 538ක් රැස් කළ අතර, පිළිතුරු ඉනිම ක්‍රීඩා කළ කෝල්ට්ස් ඉනිම පන්දුවාර 30දී ලකුණු 91කට සීමා විය.
සී.සී.සී. ආරම්භක පිතිකරුවන් වන යෙසිත් කළුපහන (පානදුර ලයිසියම් ජාත්‍යන්තර පාසල) පන්දු 90කදී හතරේ පහර 37ක් සහ හයේ පහර 18ක් සමගින් නොදැවී ලකුණු 287ක් රැස් කළ අතර, නුමුතු ගුණවර්ධන (බම්බලපිටිය ශා. පීතර) පන්දු 95කදී හතරේ පහර 22ක් සහ හයේ පහර 9ක් සමගින් නොදැවී ලකුණු 226ක් රැස් කළේය.
මෙම පිතිකරුවන් දෙදෙනා හතරේ සහ හයේ පහරවලින් පමණක් ලකුණු 398ක් (පන්දු 86කදී) රැස් කර තිබිම කැපී පෙනෙන සිදුවීමක් වන අතර, තරගයේ පන්දුවාරයකදී ලකුණු 18කට ආසන්න සාමාන්‍යයක් පවත්වා ගැනීමට සමත් වූහ.
 
ලකුණු තත්ත්වය :-
සී.සී.සී. ඇකඩමිය - කෝල්ට්ස් ක්‍රිකට් ඇකඩමිය සී.සී.සී. ක්‍රිකට් ඇකඩමිය: 538/0 (පන්දුවාර 30) යෙසිත් කළුපහන නොදැවී 287, නුමුතු ගුණවර්ධන නොදැවී 226
කෝල්ට්ස් ක්‍රිකට් ඇකඩමිය: 91 (පන්දුවාර 30) කෙවින් ගලගේපිටිය 26, මෙතිල් රුවන්පුර 24, විහාෂ් කරඳුවගේ 4/10, ප්‍රවාන් විලියම්ස් 3/15
සී.සී.සී. ක්‍රිකට් ඇකඩමියට ලකුණු 447ක ජයක්.
 
(පමෝද්)

ශ්‍රී ලංකාව සහ ඉන්දියාව අතර තරග 3කින් සමන්විත එක්දින ක්‍රිකට් තරගාවලියේ දෙවැනි තරගය අද (13දා) මොහාලිහිදී පැවැත්වේ.
තරගය ශ්‍රී ලංකාවේ වේලාවෙන් පෙ.ව. 11.30ට ආරම්භ වීමට නියමිතව තිබුණද ධර්මසාලා සිට කණ්ඩායම් මොහාලි වෙත පැමිණීම ප්‍රමාද වීම හේතුවෙන් තරගය ප.ව. 1.30ට ආරම්භ වෙයි.
පළමු තරගයෙන් පසු ධර්මසාලාහි අයහපත් කාලගුණ තත්ත්වය හේතුවෙන් ගුවන් යානා ප්‍රමාද වීමෙන් දිනක් රැඳී සිටීමට කණ්ඩායම් දෙකටම සිදුවී තිබේ.
තරගාවලියේ පළමු තරගයෙන් විශිෂ්ට ජයක් හිමිකර ගත් ශ්‍රී ලංකාව මේ වන විට තරගාවලිය 1-0ක් ලෙස පෙරමුණේ පසුවෙයි. 
අද තරගය ජයගෙන තරගාවලිය ජය ගැනීමේ අරමුණින් ශ්‍රී ලංකා පිල සටනට අවතීර්ණ වෙයි. තරගාවලිය සමකර ගැනීමේ අරමුණින් ඉන්දියාව සටන් වදින බැවින් තියුණු තරගයක් අපේක්ෂා කෙරේ.
පළමු තරගයේ පරාජයෙන් පසු අදහස් දැක්වූ ඉන්දීය නායක රෝහිත් ෂර්මා පැවැසුවේ සිදුවූ වැරදි නිවැරදි කරගනිමින් දෙවැනි තරගයට මුහුණදෙන බවයි.
පළමු තරගය පරාජය වීම සියලුම ක්‍රීඩකයන්ගේ ඇස් ඇරවීමට සමත් වූ බවද ෂර්මා ප්‍රකාශ කර තිබුණි.
අද තරගයේදී ඉන්දීය පිතිකරණ අංශය ශක්තිමත් කිරීමට පළමු තරගයට ක්‍රීඩා නොකළ අජින්ක්යා රහානේ කණ්ඩායමට කැඳවන බව වාර්තා වේ. 
මේ අතර පළමු තරගයේ වීරයා වූ සුරංග ලක්මාල් අසනීප තත්ත්වයකට පත්වී ඇති බව වාර්තා වන අතර, ඔහු ක්‍රීඩා කිරීම 
පිළිබඳව අද පෙරවරුවේ තීරණය කිරීමට නියමිතව තිබේ.
ලක්මාල් ක්‍රීඩා නොකළහොත් එම ස්ථානය දුෂ්මන්ත චමීරට හිමිවන අතර, කුසල් ජනිත් හෝ සධීර සමරවික්‍රමට අද තරගයේදී ස්ථානයක් හිමිවීමට ඉඩකඩ ඇති බවද වාර්තා වේ.
කෙසේ වුවද තරගය ජයගත් කණ්ඩායමේ විශාල වෙනසක් සිදු නොවනු ඇතැයි විශ්වාස කෙරේ. ශ්‍රී ලංකාව සහ ඉන්දියාව අතර තෙවැනි එක්දින තරගය ලබන 17දා විශාඛාපට්නම්හිදී පැවැත්වේ. 
 
ශ්‍රී ලංකා එක්දින සංචිතය
තිසර පෙරේරා (නායක), ධනුෂ්ක ගුණතිලක, උපුල් තරංග, ඇන්ජලෝ මැතිව්ස්, නිරෝෂන් දික්වැල්ල, සධීර සමරවික්‍රම, අසේල ගුණරත්න, ධනංජය ද සිල්වා, ලහිරු තිරිමාන්න, සචිත් පතිරණ, චතුරංග ද සිල්වා, අකිල ධනංජය, සුරංග ලක්මාල්, 
දුෂ්මන්ත චමීර, නුවන් ප්‍රදීප්, කුසල් ජනිත් පෙරේරා 
 
ඉන්දීය එක්දින සංචිතය
රෝහිත් ෂර්මා (නායක), ෂිකර් ධවාන්, අජින්කෙයා රහානේ, ශ්‍රියාස් අයියර්, මනිෂ් පාන්ඩේ, කෙදර් ජදාව්, දිනේෂ් කාර්තික්, එම්.එස් දෝනි, හාර්දික් පාන්ඩ්යා, අක්ෂාර් පටෙල්, කුල්දීප් යදාව්, යස්වෙන්දර් චහාල්, ජස්ප්‍රිට් බුම්රා, බුවනේෂ්වර් කුමාර්, සිද්ධාර්ත් කවුල්

ශ්‍රී ලංකා පාසල් ක්‍රිකට් සංගමය සිංගර් ශ්‍රී ලංකා සමාගමේ අනුග්‍රහය ඇතිව සංවිධානය කරන “සිංගර් කුසලාන” අවු. 19න් පහළ අන්තර් පාසල් ක්‍රිකට් තරගාවලියේදී රෙවාන් කෙලී (කොළඹ ඩී.එස්.), පවන් සංදේශ් (දේවපතිරාජ) සහ ෂෙහාන් මලින්ද (දෙබරවැව ජාතික පාසල) ශතක වාර්තා කළ අතර, කෞමාල් නානායක්කාර (වේල්ස් කුමර) පන්දුවෙන් දස්කම් දැක්වීය.
රෙවාන් කෙලී කොළඹ ඩී.එස්. සේනානායක විද්‍යාලයට එරෙහිව ලකුණු 121ක් රැස් කළ අතර, කෞමාල් නානායක්කාර කෑගල්ල ශා. මරියා විදුහලට එරෙහිව ලකුණු 36ට කඩුලු 7ක් බිඳ හෙළීය.
දේවපතිරාජ සහ දෙබරවැව ජාතික පාසල අතර තරගයේදී දේවපතිරාජය වෙනුවෙන් 14 හැවිරිදි පවන් සංදේශ් ලකුණු 121ක් වාර්තා කළ අතර, දෙබරවැව වෙනුවෙන් ෂෙහාන් මලින්ද ශතකයක් (100) වාර්තා කළේය.
කොළඹ ශා. ජෝශප් හමුවේ කොළඹ ඩී.එස්. සේනානායක විද්‍යාලය කඩුලු 7කින් පරාජය ලැබූ අතර, වේල්ස් කුමර විද්‍යාලය හමුවේ කෑගල්ල ශා. මරියා විද්‍යාලය ඉනිමකින් සහ ලකුණු 17කින් පරාජය ලැබිය.
ගංකන්ද මැදි විදුහලට එරෙහිව බණ්ඩාරවෙල මධ්‍ය මහා විදුහල ඉනිමක සහ ලකුණු 31ක ජයක් වාර්තා කළේය.  
 
ශා. ජෝශප්-කොළඹ ඩී. එස්. සේනානායක
ඩී. එස්. සේනානායක: පළමු
ඉනිම - 186 (පන්දුවාර 50.4) පසිඳු ආදිත්‍ය 41, දසුන් පෙරේරා 41, විහාන් ගුණසේකර 43, ශාලින්ද සෙනෙවිරත්න 5/45, අශේන් ඩැනියෙල් 5/61
ශා. ජෝශප්: පළමු ඉනිම - 258/8 (පන්දුවාර 66) රෙවාන් කෙලී 121, විරංග වික්‍රමගේ නොදැවී 46, සචින්ත රවිඳු 38, මෙතුෂාන් කුමාර 4/54, විහාන් ගුණසේකර 2/64 
ඩී. එස්. සේනානායක: දෙවැනි ඉනිම - 132 (පන්දුවාර 46) විහාන් ගුණසේකර 41, උවින් පීරිස් 36, ශාලින්ද සෙනෙවිරත්න 4/32, අශේන් ඩැනියෙල් 2/18
ශා. ජෝශප්: දෙවැනි ඉනිම - 61/3 (පන්දුවාර 17.5) කැමරන් දුරුගේ 20, මුදිත ලක්ෂාන් 2/21
කොළඹ ශා. ජෝශප් විද්‍යාලයට කඩුලු 7ක ජයක්.
 
වේල්ස් කුමර-කෑගල්ල ශාන්ත මරියා
වේල්ස් කුමර: පළමු ඉනිම - 177 (පන්දුවාර 48) විනුජ රන්පුල් 60, දේවක පීරිස් 51, සනෝජ් දර්ශික 20, අකලංක පෙතියාගොඩ 3/27, සංජය රංජිත් 3/28, සජීව රංජිත් 2/26, සුපුන් කුමාර 2/40
ශා. මරියා: පළමු ඉනිම - 75 (පන්දුවාර 25.3) නදුක ප්‍රනාන්දු 5/20, විනුජ රන්පුල් 2/24
ශා. මරියා: දෙවැනි ඉනිම - 85 (පන්දුවාර 45.3) සුජිත් කුමාර 21, කෞමාල් නානායක්කාර 7/36, සවිඳු පීරිස් 3/16
වේල්ස් කුමර විද්‍යාලයට ඉනිමක සහ ලකුණු 17ක ජයක්.
 
දෙබරවැව ජාතික පාසල-රත්ගම දේවපතිරාජ
දෙබරවැව: පළමු ඉනිම - 266 (පන්දුවාර 54.2) ෂෙහාන් මලින්ද 100, චානුක ආශිංසන 35, රවීන් යසස් 3/22, සුදීර වීරරත්න 2/11, පැතුම් මධුසංක 2/64
දේවපතිරාජ: පළමු ඉනිම - 108 (පන්දුවාර 36) පැතුම් මධුසංක 32, ජීවක ශෂීන් 19, සුදීර වීරරත්න 19, උෂාන් තිසාල් 5/18, චතුර  ජයනාත් 2/36
දේවපතිරාජ: දෙවැනි ඉනිම - 219/3 (පන්දුවාර 47) පවන් සංදේශ් 121, සුදීර වීරරත්න නොදැවී 32, ජීවක ශෂීන් 31, චතුර  ජයනාත් 3/73
තරගය ජය පැරදුමෙන් තොරව අවසන් විය.
 
බණ්ඩාරවෙල මැදි විදුහල- ගංකන්ද මැදි විදුහල
බණ්ඩාරවෙල: පළමු ඉනිම - 179 (පන්දුවාර 39.4) චතුර සරත්චන්ද්‍ර 64, සදිත් රත්නායක 39, උදිත බණ්ඩාර නොදැවී 33, චතුරංග නයන 4/47, දිනූෂ සඳරුවන් 2/23, පුබුදු ශෂිමාල් 2/33
ගංකන්ද: පළමු ඉනිම - 52 (පන්දුවාර 24) ලක්ෂාන් ශාලින්ද 4/01, උදිත බණ්ඩාර 3/15, චරිත්‍ර බස්නායක 2/12
ගංකන්ද: දෙවැනි ඉනිම - 96 (පන්දුවාර 23.2) දිනූෂ සඳරුවන් 30, සචිත් මධුරංග 23, චරිත්‍ර බස්නායක 4/28, උදිත බණ්ඩාර 3/26, චතුර සරත්චන්ද්‍ර 2/28
බණ්ඩාරවෙල මැදි විදුහලට ඉනිමක සහ ලකුණු 31ක ජයක්.  
 
රාජකීය-ශා. සෙබස්තියන් 
ශා. සෙබස්තියන්: පළමු ඉනිම - 66 (පන්දුවාර 28.4) ඩිමාල් විජේසේකර 4/18, තරුෂ රුක්ෂාන් 3/19, කවිඳු මදරසිංහ 3/23
රාජකීය: පළමු ඉනිම - 245/9 (පන්දුවාර 61.2) භාග්‍ය දිසානායක 56, කවිඳු මදරසිංහ 48, කමිල් මිෂාර 42, අහන් වික්‍රමසිංහ 7, විනුජ රණසිංහ 3/69, තරුෂ ප්‍රනාන්දු 2/60
ශා. සෙබස්තියන්: දෙවැනි ඉනිම - 303/4 (පන්දුවාර 82) ශනෙල් ප්‍රනාන්දු 77, තරුෂ ප්‍රනාන්දු 75, සුඛිත ප්‍රසන්න 68, ජනුෂ්ක පෙරේරා 32
තරගය ජය පැරදුමෙන් තොරව අවසන් විය.
 
රිච්මන්ඩ්-තර්ස්ටන් 
රිච්මන්ඩ්: පළමු ඉනිම - 226/9 (පන්දුවාර 71.2) අවිඳු තීක්ෂණ 64, ආදිත්‍ය සිරිවර්ධන 44, දිලුම් සුදීර 32, තවීෂ අභිෂේක් 22, නිපුන් ලක්ෂාන් 3/42, ශවන් ප්‍රභාෂ් 2/27, සඳරු ඩයස් 2/48
තර්ස්ටන්: පළමු ඉනිම - 132/3 (පන්දුවාර 31.3) යෙෂාන් වික්‍රමාරච්චි 66, යොහාන් සචිත 29, නිමේෂ් පෙරේරා 26, දිලුම් සුදීර 2/31
තරගය ජය පැරදුමෙන් තොරව අවසන් විය.
 
පමෝද් ලසන්ත

ලබන මස පැවැත්වෙන ශ්‍රී ලංකාව සහ බංග්ලාදේශය අතර තරග දෙකකින් සමන්විත ටෙස්ට් ක්‍රිකට් තරගාවලිය සඳහා බංග්ලාදේශ ක්‍රිකට් පි‍ලේ නායකත්වය ෂකිබ් අල් හසන්ට පවරා තිබේ.
පසුගිය වසරේ බංග්ලාදේශ පි‍ලේ නායකයා ලෙස මුෂ්ෆිකර් රහීම් කටයුතු කළ අතර, දකුණු අප්‍රිකාවට එරෙහි ටෙස්ට් තරගාවලිය පරාජයට පත්වීමත් සමගම මෙම වෙනස්කම සිදු කිරීමට පියවර ගෙන තිබේ.
මතෛක් බංග්ලාදේශ පුහුණුකාරිත්වය දැරූ චන්දික හතුරුසිංහද ඉල්ලා අස්වූ අතර, ඔහු වෙනුවට තවමත් නිත්‍ය පුහුණුකරුවකු පත්කර නොතිබිම කැපී පෙනෙයි. මේ අතර ටෙස්ට් පි‍ලේ උප නායකයා ලෙස මහමදුල්ලා නම්කර ඇති අතර, මීට පෙර උප නායකයා ලෙස තමීම් ඉක්බාල් කටයුතු කළේය.
මුෂ්ෆිකර් රහීම්ට පිතිකරණය කෙරෙහි වැඩි අවධානයක් යොමුකරවීම සඳහා නායකත්වය අත්දැකීම් පිරි ෂක්බ් අල් හසන්ට ලබාදුන් බව බංග්ලාදේශ ක්‍රිකට් පාලක මණ්ඩලය නිවේදනය කර තිබේ. ටෙස්ට් තරගාවලියෙන් පසු ශ්‍රී ලංකාව,බංග්ලාදේශය සහ සිම්බාබ්වේ අතර තුන්කොන් තරගාවලියක්ද බංග්ලාදේශයේදී පැවැත්වීමට නියමිතව තිබේ.

ශ්‍රී ලංකා ක්‍රිකට් ආයතනය සංවිධානය කරන ප්‍රිමියර් ලීග් අන්තර් ක්‍රීඩා සමාජ ක්‍රිකට් තරගාවලියේ පළමු සති අන්තයේ පැවැති තරගවලදී පූර්ණ ජය වාර්තා කිරීමට චිලව් මේරියන්ස්, කෝල්ට්ස් සහ බි.ආර්.සී. සමත් විය.
චිලව් මේරියන්ස් සහ එන්.සී.සී. අතර තරගයේ එක් දිනයක් ඉතිරිව තිබියදී දෙවැනි දිනයේදී එන්.සී.සී. ලකුණු 94ක පරාජයක් ලැබිම කැපී පෙනෙන සිදුවීමක් විය.
කෝල්ට්ස් හමුවේ බ්ලූම්ෆීල්ඩ් ඉනිමක සහ ලකුණු 55ක පරාජයක් ලැබූ අතර, බි.ආර්.සී. හමුවේ වරාය අධිකාරිය ලකුණු 35ක පරාජයක් ලැබිය.
කෝල්ට්ස් ජයග්‍රහණය වෙනුවෙන් නොදැවී ලකුණු 168ක් රැස් කළ හෂාන් දුමිඳු පළමු සති අන්තයේ ඉනිමකදී රැස් කළ වැඩිම ලකුණුලාභියා බවට පත්වූ අතර, පළමු ඉනිමේදී ලකුණු 26ට කඩුලු 7ක් සහ දෙවැනි ඉනිමේදී ලකුණු 56ට කඩුලු 4ක්  සමගින් මුළු තරගයේදී ලකුණු 82ට කඩුලු 11ක් බිඳ හෙලූ ප්‍රභාත් ජයසූරිය වැඩිම කඩුලු ලාභියා විය.
චිලව් මේරියන්ස් ජයග්‍රහණය වෙනුවෙන් එන්.සී.සී. පිතිකරුවන්ට ප්‍රබල තර්ජනයක් එල්ල කළ මලින්ද පුෂ්පකුමාර මුළු තරගයේදී කඩුලු 8ක් බිඳ හෙලූ අතර, සචිත්‍ර සේරසිංහ කඩුලු 5ක් බිඳ හෙළීය.
මෙම තරගයේදී එන්.සී.සී. පි‍ලේ ලසිත් ඇඹුල්දෙණිය ඉනිම දෙකේදී කඩුලු 10ක් බිඳ හෙළීම කැපී පෙනුණි.
පළමු සති අන්තයේදී ශතක රැස් කිරීමට පිතිකරුවන් 9 දෙනෙක් සමත් වීම කැපී පෙනුණි. එහිදී ඇන්ඩි සොලමන්ස් (සැරසන්ස් - 152), ප්‍රිමෝෂ් පෙරේරා (මුවර්ස් - 142), මනෝජ් සරත්චන්ද්‍ර (ටැමිල් යූනියන් - නොදැවී 119), දසුන් ශානක (එස්.එස්.සී. - නොදැවී 114), ඉරෝෂ් සමරසූරිය (මුවර්ස් - 111), ගමිඳු කණිෂ්ක (සැරසන්ස් - 108), යොහාන් ද සිල්වා (වරාය අධිකාරිය - 103) පැතුම් නිශ්ශංක (බදුරලිය - 100) ශතක රැස් කිරීමට සමත් වූහ.
චිලව් මේරියන්ස්-එන්.සී.සී.
චිලව් මේරියන්ස්: පළමු ඉනිම - 206 (පන්දුවාර 53) කසුන් විදුර 50, රුක්ෂාන් ප්‍රනාන්දු 37, සචිත්‍ර සේරසිංහ 26, ලසිත් ඇඹුල්දෙණිය 5/66, ඇන්ජෙලෝ පෙරේරා 2/34
එන්.සී.සී.: පළමු ඉනිම - 128 (පන්දුවාර 39.5) මහේල උඩවත්ත 46, ළහිරු කුමාර 24, සචිත්‍ර සේරසිංහ 3/21, අසිත ප්‍රනාන්දු 3/30, මලින්ද පුෂ්පකුමාර 3/40
චිලව් මේරියන්ස්: දෙවැනි ඉනිම - 132 (පන්දුවාර 20.2) තික්ෂිල ද සිල්වා 37, ඕෂධ ප්‍රනාන්දු 24, ෂෙහාන් ජයසූරිය 21, ලසිත් ඇඹුල්දෙණිය 5/57, ළහිරු කුමාර 4/40
එන්.සී.සී.: දෙවැනි ඉනිම - 116 (පන්දුවාර 28) සඳුන් වීරක්කොඩි 32, භානුක රාජපක්ෂ 19, මලින්ද පුෂ්පකුමාර 5/25, සචිත්‍ර සේරසිංහ 4/48
චිලව් මේරියන්ස්ට ලකුණු 94ක ජයක්.
බි.ආර්.සී.-වරාය අධිකාරිය  
බි.ආර්.සී.: පළමු ඉනිම - 187 (පන්දුවාර 65.5) විකුම් සංජය 51, චාමිකර එදිරිසිංහ නොදැවී 24, මධුක ලියනපතිරණගේ 3/41, චානක කොමසාරු 3/40
වරාය අධිකාරිය: පළමු ඉනිම - 192 (පන්දුවාර 65.3) යොහාන් ද සිල්වා 103, මධුක ලියනපතිරණගේ 30, යශෝධ ලංකා 26, චාමිකර එදිරිසිංහ 3/40, සුරාජ් රන්දිව් 3/49, ටී.එම්. සම්පත් 2/25
බි.ආර්.සී.: දෙවැනි ඉනිම - 126 (පන්දුවාර 48.3) ලසිත් ලක්ෂාන් 48, මධුක ලියනපතිරණගේ 3/16, අදීල් මලික් 2/22
වරාය අධිකාරිය: දෙවැනි ඉනිම - 86 (පන්දුවාර 38.5) යශෝධ ලංකා 24, ටී.එම්. සම්පත් 3/18, විකුම් සංජය 2/19, චාමිකර එදිරිසිංහ 2/24
බි.ආර්.සී.ට ලකුණු 35ක ජයක්.
කෝල්ට්ස්-බ්ලූම්ෆීල්ඩ්
කෝල්ට්ස්: පළමු ඉනිම - 400 (පන්දුවාර 148.5) හෂාන් දුමිඳු නොදැවී 168, දිල්රුවන් පෙරේරා 60, සංගීත් කුරේ 37, ඇන්ජෙලෝ ජයසිංහ 26, මලිත් ද සිල්වා 5/105, ළහිරු ප්‍රනාන්දු 3/92
බ්ලූම්ෆීල්ඩ්: පළමු ඉනිම - 151 (පන්දුවාර 54.3) නිසල් ප්‍රැන්සිස්කෝ 33, නිපුන් කරුණානායක 28, ප්‍රභාත් ජයසූරිය 7/26
බ්ලූම්ෆීල්ඩ්: දෙවැනි ඉනිම - 194 (පන්දුවාර 56.5)
රමේෂ් මෙන්ඩිස් 52, නිපුන් හග්ගල්ල 51, දිල්රුවන් පෙරේරා 4/69, ප්‍රභාත් ජයසූරිය 4/56
කෝල්ට්ස්ට ඉනිමක සහ ලකුණු 55ක ජයක්.
ටැමිල් යූනියන්-බදුරලිය
ටැමිල් යූනියන්: පළමු ඉනිම - 332 (පන්දුවාර 93.1) මනෝජ් සරත්චන්ද්‍ර නොදැවී 119, ජීවන් මෙන්ඩිස් 77, සිතාර ගිම්හාන 43, බොබි ප්‍රනාන්දු 40, අලංකාර අසංක 5/106, ඩි‍ලේෂ් ගුණරත්න 3/83, නසීර් මලික් 2/57
බදුරලිය: පළමු ඉනිම - 196 (පන්දුවාර 64.1) පැතුම් නිශ්ශංක 100, අසංක සිල්වා 23, රමිත් රඹුක්වැල්ල 6/40, බොබි ප්‍රනාන්දු 2/26
ටැමිල් යූනියන්: දෙවැනි ඉනිම - 182/5 (පන්දුවාර 48.4) දිනෙත් තිමෝද්‍ය 68, බිනුර ප්‍රනාන්දු 54, ඩි‍ලේෂ් ගුණරත්න 2/55
බදුරලිය: දෙවැනි ඉනිම - 167/6 (පන්දුවාර 52) ඩිල්හාන් කුරේ 55, රමිඳු ද සිල්වා 43, ජෙහන්ගිර් මිර්ෂා 34, රමිත් රඹුක්වැල්ල 2/62
තරගය ජය පැරදුමෙන් තොරව අවසන් විය.
මුවර්ස්-සැරසන්ස්
සැරසන්ස්: පළමු ඉනිම - 432 (පන්දුවාර 102.3) ඇන්ඩි සොලමන්ස් 152, ගමිඳු
කණිෂ්ක 108, චතුර රන්දුණු 41, සචිත්‍ර පෙරේරා 33, තරිඳු රත්නායක 5/156, ශිරාන් ප්‍රනාන්දු 4/111
මුවර්ස්: පළමු ඉනිම - 375 (පන්දුවාර 103.2) ප්‍රිමෝෂ් පෙරේරා 142, ඉරෝෂ් සමරසූරිය 111, සහන් විජේරත්න 43, රොෂාන් ජයතිස්ස 4/53, සචිත්‍ර පෙරේරා 3/67, චතුර රන්දුණු 2/92
සැරසන්ස්: දෙවැනි ඉනිම - 208/7 (පන්දුවාර 57) නවිඳු නිර්මාල් නොදැවී 70, සචිත්‍ර පෙරේරා 50, සාලිය සමන් 34, ශිරාන් අප්‍රනාන්දු 2/21, සුපේෂල ජයතිලක 2/37, තරිඳු රත්නායක 2/105
තරගය ජය පැරදුමෙන් තොරව අවසන් විය.
රාගම-එස්.එස්.සී.
රාගම: පළමු ඉනිම - 187 (පන්දුවාර 66.4) උදාර ජයසුන්දර 71, ෂෙහාන් ප්‍රනාන්දු 47, ජෙෆ්රි වැන්ඩසේ 5/63, සචිත්‍ර සේනානායක 3/25
එස්.එස්.සී.: පළමු ඉනිම - 307/6 (පන්දුවාර 76) දසුන් ශානක නොදැවී 114, මිලින්ද සිරිවර්ධන 60, කෞෂාල් සිල්වා 45, සම්මු අශාන් 23, අමිල අ‍පෝන්සු 4/129
රාගම: දෙවැනි ඉනිම - 156/5 (පන්දුවාර 52) ළහිරු මිලන්ත 61, ෂෙහාන් ප්‍රනාන්දු 50, චරිත් අසලංක 3/26
තරගය ජය පැරදුමෙන් තොරව අවසන් විය.

පමෝද් ලසන්ත

Page 1 of 37

IMAGE

ෆේස්බුක් එකෙන් ඔබේ හිතේ ලෙඩ ගැනත් කියන්න පුළුවන්

IMAGE 2017 Dec 15 10:42
ඔබටත් ෆේස්බුක් ගිණුමක් තිබෙනවාද? එසේ ගිණුමක් තිබෙනවා නම් ඔබ ඒ සඳහා දවසකට; සතියකට හෝ මාසයකට පැය...
Views - 1269

සුද්දන්ට උණවටුන එපා කරවන ඩිස්කෝ ඩාන්ස්

IMAGE 2017 Dec 14 07:56
ආචාර්ය ආතර් සී. ක්ලාක් විද්වතා පවසන ආකාරයට උණවටුන වෙරළ තීරය ලෝකයේ ඇති දර්ශනීය වෙරළ දොළහෙන්...
Views - 2719

ගැබිණි නිලධාරිනිය අධ්‍යක්ෂක හා 'හනිමූන්' ගිහින්

IMAGE 2017 Dec 13 10:33
ඔහු මෙරට ප්‍රමුඛතම සමාගමක අධ්‍යක්ෂ වරයෙකි. වයස අවුරුදු 40 ක් පමණ වන ඔහු දරු දෙදෙනෙකුගේ පියෙක්...
Views - 8219

2017 විශ්ව රූ රැජින ඩෙමී සහ අපේ ක‍්‍රිස්ටියානා

IMAGE 2017 Dec 13 10:17
ලෝක රූ රැජින තේරීමේ තරගයේ උණුසුම පහව යෑමටත් පෙර තවත් සුරූපිනියක් විශ්ව රූ රැජින ලෙස  කිරුළ...
Views - 4113

ඉන්දීය ක්‍රිකට් නායක විරාත් කෝලි නිලියක ගේ අත ගනී

IMAGE 2017 Dec 12 12:41
ඉන්දීය ක්‍රිකට් නායක විරාත් කෝලි ඊයේ (11) යුග දිවියට එළඹුණි. ඔහුගේ අතගත් මනාලිය වූයේ බොලිවුඩ්...
Views - 4336

පාතාලයට ඔත්තු දීමේ වරදට වෙඩි කෑ රූපලාවන්‍ය ශිල්පිනිය

IMAGE 2017 Dec 12 10:22
අතුරුගිරිය නගරයේ පිහිටි සයෝනාරා රූපලාවන්‍යාගාරයේ හිමිකාරිය වන හතළිස්හත් වියැති මංජුලා...
Views - 6000

Please publish modules in offcanvas position.