Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - [email protected] youtube
lakbima.lk

                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

ආණ්ඩුව කටින් බතල සිටුවද්දී “ජනසංහාර සතියට” උතුරේ සැමරුම්

ඉකුත් සතිය ශ්‍රී ලංකාවාසීන්ට විශේෂයෙන් වැදගත් වූයේ වෙසක් සතිය වූ බැවිනි. විශේෂයෙන් මෙවර  එක්සත් ජාතීන්ගෙ සංවිධානය විසින් නම් කරන ලද ජාත්‍යන්තර වෙසක් දිනය සමරන ලද්දේද ශ්‍රී ලංකාවේදීය. එම අවස්ථාවට ඉන්දීය අග්‍රාමාත්‍ය නරේන්ද්‍ර මෝදි ද පැමිණියේය. රටේ බොහෝ පිරිසකගේ අවධානය කොළඹ පැවැත්වෙන වෙසක් සැමරුම පිළිබඳව යොමු වන විට තවත් පිරිසකගේ අවධානය යොමු වී තිබුණේ උතුරේ පැවැත්වෙන වෙසක් සැමරුම් පිළිබඳවයි.
සාමාන්‍යයෙන් උතුරු පළාත තුළ බෞද්ධ ජනතාවගෙ ප්‍රතිශතය ඉතාමත් සුළු ප්‍රමාණයක්  වුවද වෙසක් සැමරුම මහ ඉහළින් පැවැත්වේ. ලක්ෂය ඉක්ම වූ ත්‍රිවිධ හමුදා හා ‍පොලිස් සාමාජිකයන් පිරිසක් උතුරු පළාතේ රාජකාරි කරන බැවින් ඔවුන්ගේ  මැදිහත්වීමෙන් වෙසක් සැමරුම් මහ ඉහළින්  පැවැත්වේ. කිළිනොච්චිය ආරක්ෂක සේනා මූලස්ථානය විසින් සංවිධාන්‍ය කරන ලද වෙසක් කලාපය අලංකාරවත් ලෙස පැවැත්වින.   මෙහිදී කිළිනොච්චිය නගරය වෙසක් සැරසිලිවලින් ඒකාලෝක කර තිබිණ. කෙසේ නමුත් මේ පිළිබඳව ඇතැමුන් මෙය හඳුන්වා දී තිබුණේ ආගමික ආක්‍රමණයක් ලෙසයි. ඊට හේතුව  ලෙස කියා තිබුණේ කිලිනොච්චියේ බෞද්ධයන් පදිංචි වී නොසිටින  බැවින් වෙසක් සැරසිලි කිරීම නොකළ යුත්තක් බවයි.
නමුත් මෙවර මෙන්ම පසුගිය වසරවලදීද යාපනය, කිළිනොච්චිය, වවුනියාව මුලතිව් ආදී නගරවලද ආරක්ෂක  අංශ සාමාජිකයන්ගෙ මැදිහත්වීමෙන් වෙසක් සැරසිලි  හා දන්සල් පැවැත්වෙන අතර ඒ සඳහා දෙමළ ජනතාව ඉතාමත් උනන්දුවෙන් සහභාගි වීම සාමාන්‍ය දෙයකි. කුඩා දරුවන්ද සමග පැමිණ වෙසක් සැරසිලි හා නිර්මාණ නරඹා දෙමළ ජනතාව විශාල සතුටක් ලබති. එසේ නැතිව වෙසක් සැරසිලි නරඹා බුදු දහම වැළඳ ගන්නේ නැත. එමෙන් ජාතීන් අතර මෙන්ම ආගමික සංහිඳියාවටද උතුරේ වෙසක් සැරසිලි මහත් පිටිවහලක් වේ. ඒ නිසා උතුරේ සිදු කරන බෞද්ධ සැරසිලි දෙස අන්තවාදී කෝණයකින් නොබැලිය යුතුය.

වෙල්ලමුල්ලිවෛක්කාල් සැමරුම

මේ අතර රට වෙසක් සිරියෙන් ඇලලී යන විට උතුරු - නැගෙනහිරට සතියක ශෝක කාලයක් නම් කරන බව උතුරු පළාත් සභා මන්ත්‍රී එම්. කේ. ශිවාජිලිංගම් ප්‍රකාශ කළේය. ශිවාජිලිංගම් එසේ ශෝක සතිය ආරම්භ කරන ලද්දේ රටේ පළමු පුරවැසියාව ජනපතිවරයාට තර්ජනයක්ද කරමිනි.
මේ සතිය තුල ජනාධිපතිතුමා මුලතිව් හා යාපනයට පැමිණීමට නියමිතව තිබෙනවා. ඒ නිසා මම කියන්නේ ජන සංහාර සැමරුම් සතිය තුළ ජනාධිපතිට  උතුරු පළාතට එන්න එපා කියල  මම කියනවා”යැයිද ශිවාජිලිංගම් ප්‍රසිද්ධියේ මාධ්‍යයට ප්‍රකාශ කර තිබුණේය.

අනතුරුව, යාපනය, මන්නාරම, වවුනියාව, ත්‍රිරිකුණාමලය, කිළිනොච්චිය ආදී නගරවලදී පහන් දල්වා ශෝක සතිය සමරා තිබුණි. මෙහි අවසාන එමෙන්ම ප්‍රධාන  සැමරුම 18දා
වෙල්ලමුල්ලිවෛක්කාල්හිදී  පත්වන බවද ඔහු කීවේය. මෙම පහන් දැල්වීමේ සැමරුම් සඳහා එතරම් ජනතාවක් සහභාගි නොවූ අතර අතලොස්සක් වූ පිරිසක් පමණක් සහභාගි වූහ. මෙහිදී ශිවාජිලිංගම් කළ මතබේදාත්මක ප්‍රකාශ නිසා දකුණේ ජනතාවාදීන්ගේ් අවධානය යොමු වූ අතර රජය වෙනුවෙන් අදහස් පළ කිරීමට ඉදිරිපත් වූයේ ආරක්ෂක රාජ්‍ය අමාත්‍ය රුවන් විජේවර්ධනය. එහිදි ඔහු ප්‍රකාශ කළේ ශිවාජිලිංගම් කීප දෙනෙකු  සමග එක්ව පවත්වන මාධ්‍ය සංදර්ශනය මෙන්ම කොටි නාඩගම මෙවර නවතා දැමීමට කටයුතු කරන බවයි. පෙර වර්ෂවලදීද දෙමළ සන්ධානයේ මෙවැනි  ජාතිවාදී සැමරුම් නවතා දමන බවට ආරක්ෂක රාජ්‍ය ඇමැතිවරයා ප්‍රකාශ කළද උතුරේ දේශපාලනඥයන් ප්‍රභාකරන්   අනුස්මරණය කිරීම නවතා දැමීමට හැකි වූයේ නැත.
බහුතර ජනතාව බලා‍පොරොත්තු වූ පරිදිම මෙවර  වූයේද එයයි. අවසානයේදී රුවන් විජේවර්ධන ඇමැතිවරයාගේ ප්‍රකාශය මාධ්‍ය සංදර්ශනයක් බවට පත් කරමින් සැලසුම් කළ පරිදි විශාල ජනතා සහභාගිත්වයක් සහිතව මුලතිව් වෙල්ලමුල්ලිවෛක්කාල්හිදී ජනසංහාර දිනය පවත්වන ලදී.
කෙසේ  නමුත් වෙල්ලමුල්ලිවෛක්කාල්හිදි පැවති සැමරුම් සඳහා විපක්ෂ නායක ආර්. සම්පන්දන්, උතුරේ මහ ඇමැති සී. වී. විග්නේෂ්වරන්, ටී.එන්.ඒ. පාර්ලිමේන්තු මන්ත්‍රීවරුන් වන එම්. ඒ. සුමන්තිරන්, ශ්‍රීදරන්. මාවෙයි  සේනාධි රාජා, ශිවාජිලිංගම් ඇතුළු  විශාල පිරිසක් පැමිණ තිබිණි. බළලා මල්ලෙන් එළියට පැන්නේ මෙහිදීය. එනම් බොහෝ දෙනා සිතා සිටියේ ජනසංහාර සතිය ශිවාජිලිංගම්ගේ හුදකලා විරෝධතාවක් ලෙසයි. එමෙන්ම ටිඑන්ඒ පිල් කීපයකට බෙදී සිටින බවද සිතා සිටියෝය. නමුත් අහිංසක සිවිල් ජනතාව සිහි කිරීමේ සැමරුමට මුවා වී පවත්වනු ලැබූ ජාතිවාදි සැමරුම සංවිධානය කිරීම සඳහා සියලු දෙනා එක්ව සිටියෝය.
මෙහිදී 'ලක්බිම ඉරිදා සංග්‍රහය'ට අදහස් දැක්වූ ශිවාජිලිංගම් මන්ත්‍රීවරයා මේ උත්සවය කරන්න දෙන්නෙ නැහැ කියලා රුවන් විජේවර්ධන  මහත්තයා කියා  තිබුණා. නමුත් මිය ගිය අහිංසක ජනතාව සැමරීම අපි සාර්ථකව කළා. නමුත් මේ උත්සවයට සහභාගි වන ජනතාව  බියට පත් කරලා තිබුණා. ජනතාව රැගෙන ආ බස් රථවල තොරතුරු  බුද්ධි අංශ ලබාගෙන තිබුණා. මේ බාධා කිරීම නිසා මම උත්සවයට ආවෙත් පරක්කු වෙලා. පසුගිය ආණ්ඩුවෙයි යහපාලන රජයෙයි වෙනසක් නැහැ යැයිද කීවේය.
කෙසේ නමුත් යාපනය විශ්ව විද්‍යාලය තුළ 18 පෙරවරුවේදී ජන  සංහාර සැමරුමක් පවත්වනු ලැබුණි. දෙමළ ජාතික සන්ධානයෙන් වෙන්ව කටයුතු කරන ගජේන්ද්‍ර කුමාර් ‍පොන්නම්බලම්ගේ පක්ෂය හිටපු එල්.ටී.ටී.ඊ, සාමාජිකයන්ගේ පක්ෂය, සර්ව ආගමික නායකයින් සිවිල් සංවිධාන එකතුව යන පිරිස වෙනම සමරුම් 04ක් 18දා පස්වරුවේ  වෙල්ලමුල්ලිවෛක්කාල්හිද පවත්වන ලදී.

Add comment

ප්‍රතිචාර දැක්වීමේ කොන්දේසි : -
ප්‍රතිචාර දැක්වීමේදී පරුෂ වචන අපහාස කිරීම් ලිපියට අදාල නොවන ප්‍රතිචාර පල කිරීමෙන් වලකින ලෙස කරුණාවෙන් දන්වා සිටිමු.


Security code
Refresh

IMAGE

55 වියැති බැංකු ලොක්කා 29 කන්තෝරු නෝනා සමඟ 'හනිමූන්' ගිහින්

IMAGE 2017 Nov 22 12:50
බැංකුවක උසස් නිලයක් දරන පනස්පස් හැවිරිදි සිය සැමියා වසර ගණනාවක් තිස්සේ විසිනව හැවිරිදි රජයේ...
Views - 2510

අහසේ සිට බිමට පනින එස්.ටී.එෆ්. යුවතියෝ

IMAGE 2017 Nov 22 10:55
අම්පාර උහන ගුවන් ධාවන පථයෙන් අහසට නැඟගත්, එම්. අයි. 17 වර්ගයේ හෙලිකොප්ටරය  නිලඹර දෙපළු කරමින්...
Views - 1645

මිහිදුම සහ වැස්ස ගැන 'කාලගුණ විද්‍යාවෙන්' බොරු කී‍වේ ඇයි?

IMAGE 2017 Nov 22 10:43
මේ දිනවල අළුයම් කාලයේ අගනුවර ඇතුළු ප්‍රදේශ රැසක දැඩි මිහිදුම් තත්ත්වයක් දක්නට ලැබුණු බව...
Views - 880

මුගාබේගේ බිරිඳ ද පක්ෂයෙන් නෙරපයි

IMAGE 2017 Nov 21 09:37
වසර 37  ක කාලයක් සිම්බාබ්වේ දේශය පාලනය කළ රොබට් මුගාබේ නිවාස අඩස්සියට ගනිමින් හමුදාව එරට...
Views - 1903

ඒ ආදර කතාව ඉවරයි මම දැන් සින්ගල්

IMAGE 2017 Nov 19 17:31
සිරස ජුනියර් සුපර් ස්ටාර් කියන්නේ මේ දවස්වල ප්‍රේක්ෂකයන් ආදරයෙන් වැළඳ ගත් රියැලිටි...
Views - 5545

කේන්ද්‍රයක මාරක අපල තිබීමටත් වඩා නොතිබීම භයානකය

IMAGE 2017 Nov 19 15:19
මහජන බැංකු විශ්‍රාමික සංගමයේ පිළියන්දල කැස්බෑව ශාඛාවේ අටවන සංවත්සරික සභාව පසුගිය...
Views - 3481

Please publish modules in offcanvas position.

Web Analytics