lakbima.lk
2017-06-15 ඇමෙරිකා ඩොලරය ගැනුම් මිල රු.150.8400 , විකුණුම් මිල රු.154.6400 | බි‍්‍රතාන්‍යය පවුම ගැනුම් මිල රු.191.5800 , විකුණුම් මිල රු.198.1100 | යුරෝ යුරෝපය ගැනුම් මිල රු.168.2300, විකුණුම් මිල රු.174.5900 | ස්වීස් ප‍්‍රෑන්ක් ගැනුම් මිල රු.154.3400 , විකුණුම් මිල රු.160.4500 | කැනඩා ඩොලරය ගැනුම් මිල රු.113.2400 , විකුණුම් මිල රු.117.7200 | ඔස්ට්‍රේලියා ඩොලරය ගැනුම් මිල රු.113.7400 , විකුණුම් මිල රු.118.8200 | සිංගප්පූරු ඩොලරය ගැනුම් මිල රු.109.0900 , විකුණුම් මිල රු.113.1000 | ජපානය යෙන් ගැනුම් මිල රු.1.3701, විකුණුම් මිල රු.1.4216 |

දරුණුම සයිබර් ප්‍රහාරයකින් ලොව කැළඹෙයි

මෑත කාලයේ  වාර්තා වූ දරුණුම සයිබර් ප්‍රහාරය ගැන මේ දිනවල ලොව පුරා විශාල ආන්දෝලනයක් සහ නොසන්සුන්තාවක් හටගෙන තිබේ. WannaCry  යන නාමයෙන් හැඳින්වෙන වෛරසයක් හරහා එල්ල වූ මෙම ප්‍රහාරයට මේ වනවිට ලොව පුරා රටවල් 100කට අධික සංඛ්‍යාවක පරිගණක ජාල ගොදුරු වී ඇති බව වාර්තා වෙයි. මෙය සැලකෙන්නේ සයිබර් ප්‍රහාර  ඉතිහාසයේ දරුණුම සහ සංකීර්ණම ප්‍රහාරයක් වශයෙනි.

මීට අදාළ වෛරසය පරිගණකයකට ඇතුළු වූ විට එය විසින් අදාළ පරිගණකයේ ක්‍රියාකාරිත්වය මුළුමනින්ම නතර කරනු ලබයි. ඉන්පසු කිසිවකුට පරිගණකය සමග කටයුතු කිරීමට හැකියාවක් ලැබෙන්නේ නැත. මෙය එක්තරා ආකාරයකින් එම පරිගණකය ‘ප්‍රාණ ඇපයට’ ගැනීමක් හා සමානය. අනතුරුව ප්‍රහාරකයන් දැනුම් දෙන්නේ කිසියම් කප්පම් මුදලක් ගෙවන තුරු පරිගණකය නිදහස් නොකරන බවයි. ඒ අනුව නැවත පරිගණකය ක්‍රියාත්මක කිරීමට හැකි වන්නේ අදාළ කප්පම ගෙවීමෙන් පසුව පමණි.

මේ වනවිට ලෝකයේ ප්‍රධාන පෙළේ රටවල් රැසක පරිගණක පද්ධති මෙම වෛරසයට ගොදුරු වී අවසන්ය. ඉහළම මට්ටමේ ව්‍යාපාරික සමාගම් රැසක්ද ඒ අතර වෙයි. මහා බ්‍රිතාන්‍යයේ රෝහල් ඇතුළු සෞඛ්‍ය සේවා ආයතනද මෙම ප්‍රහාරයට ගොදුරු වූ ප්‍රධාන ඉලක්කයකි. මේ නිසා බොහෝ රෝගීන්ට ප්‍රතිකාර කිරීමේ කටයුතු අඩාල වූ බැව් වාර්තා විය. ශල්‍යකර්ම ආදිය පවා අවලංගු කර දැමීමට සිදු වූ බවද බ්‍රිතාන්‍ය මාධ්‍ය හරහා අනාවරණය විය. ඇමෙරිකාව, ජර්මනිය, රුසියාව, ස්පාඤ්ඤය, ප්‍රංශය, චීනය, දකුණු කොරියාව, පෘතුගාලය, ඉන්දුනීසියාව ආදී රටවල්ද ප්‍රහාරයට ඉලක්ක වූ ප්‍රධාන රටවල් ලෙස සඳහන් විය. දරුණුම ප්‍රහාරය එල්ල වී ඇත්තේ රුසියාවට බවද සැලකේ. එහි බැංකු, දුම්රිය සේවා සහ ජංගම දුරකථන සේවා ආදිය මීට ගොදුරු වී ඇති බව සඳහන් වෙයි. ඉන්දියාවද වැඩියෙන්ම ප්‍රහාරයට ලක් වූ රටක් ලෙස මේ වනවිට ප්‍රකාශයට පත්ව තිබේ. ඇතැම් රටවල විශ්වවිද්‍යාල වැනි අධ්‍යාපන ආයතන පවා ප්‍රහාරයට ලක්වීම නිසා සිසුන්ගේ අධ්‍යාපන කටයුතු පවා අඩාල වී ඇතැයි අනාවරණය වෙයි.

මෙම බිහිසුණු වෛරසය නිර්මාණය කර ඇත්තේ කව්ද යන්න මෙම ලිපිය ලියන අවස්ථාව වනවිටත් අනාවරණය වී තිබුණේ නැත. නමුත් ප්‍රහාරකයන් මෙය නිපදවා ඇත්තේ ඇමෙරිකාවේ ජාතික ආරක්ෂක ඒජන්සිය (National Security Agency) විසින් කලකට පෙර නිර්මාණය කරන ලද  ප්‍රයෝග වාගයක් උදව්වට ගනිමින් බවටද තොරතුරු පළවෙයි. මෙම ප්‍රයෝග පිළිබඳ දත්ත කලකට ඉහත කිසියම් හැකර්වරුන් පිරිසක් විසින් සොරා ගනු ලැබ අන්තර්ජාලයට මුදා හැර තිබූ අතර WannaCry වෛරසයේ නිර්මාතෘවරුන් ඒවායේ උදව්වෙන් මෙම වෛරසය නිපදවා ඇති බවයි පැවැසෙන්නේ.

සුළභව හමුවන වෛරසවලට වඩා මෙම වෛරසය වේගයෙන් ව්‍යාප්ත වන දරුණු වෛරසයක් බවට පත්ව තිබේ. ඊට හේතු වී ඇත්තේ එය ස්වයංක්‍රීයව පරිගණක පද්ධතිවලට ඇතුළු වීමට දක්වන සමත්කමය. බොහෝ විට වෛරසයක් පරිගණකයකට ඇතුළු වන්නේ කෙනකු කිසියම් ඊමේල් පණිවුඩයක් වැනි යමක් විවෘත කිරීමත් සමගය. නමුත් WannaCry වෛරසයට එවැනි කිසිවකින් තොරව වුවද පරිගණකයකට ඇතුළු වීමේ හැකියාව ඇති බව පළවෙයි. ඉන්පසු එම පරිගණකය සමග සම්බන්ධව ඇති සමස්ථ පරිගණක ජාලයක්ම ප්‍රාණ ඇපයට ගැනීමට මීට හැකියාව තිබේ.

මෙම වෛරසය නිසා ශ්‍රී්‍ර ලංකාවේ පරිගණකවලටද පවතින අනතුර සම්බන්ධයෙන් අදාළ අංශ ජනතාව දැනුවත් කිරීමට පියවර ගෙන තිබිණි. මෙයින් ආරක්ෂා වීම සඳහා මූලික පියවර කිහිපයක් යෝජනා කර තිබෙණුද දැකිය හැකි විය. වැදගත් ‍ලේඛනවල පිටපත් පෙන්ඩ්‍රයිව් වැනි බාහිර මෙවලමක ගබඩා කර ගැනීම, සැක සහිත ඊ මේල් පණිවිඩ විවෘත නොකිරීම, වෛරසවලින් ආරක්ෂා වීමේ මෘදුකාංග (Virus Guards) යාවත්කාලීන කර ගැනීම වැනි මූලික ආරක්ෂක පියවර අනුගමනය කිරීම වැදගත් වුවද මෙම වෛරසයේ ඇති ප්‍රබල බව සහ සංකීර්ණ බව නිසා එවැනි පියවරවලින් පමණක් සම්පූර්ණ ආරක්ෂාවක් ඇති කරගත හැකි වේද යන්න සැක සහිතය.

මෙම වෛරසය සම්බන්ධයෙන් මේ වනවිට ඇමෙරිකාවේ ජාතික ආරක්ෂක ඒජන්සිය වෙත විශාල වශයෙන් චෝදනා එල්ල වීමට පටන්ගෙන තිබේ. ඒ මෙවැනි වෛරසයක් නිපදවීමට උදව් විය හැකි උපක්‍රම නිර්මාණය කිරීම සහ ඒ පිළිබඳ තොරතුරු හැකර්වරුන් අතට පත්වීමට ඉඩ හැරීම සම්බන්ධයෙනි. කලකට පෙර ඉහත ඒජන්සියේ සයිබර් කටයුතු සම්බන්ධයෙන් රහස් රැසක් ලොවට හෙළි කළ එඩ්වඩ් ස්නෝඩන්ද ඇමෙරිකාවට චෝදනා කරන පිරිස අතර වෙයි. ඒ අතර ඇමෙරිකාව මෙම අලුත් සයිබර් ප්‍රහාරය පිළිබඳ වගකීම රුසියානු සයිබර් ප්‍රහාරකයන් වෙත පැටවීමට උත්සාහ කරන ආකාරයක්ද පෙනී යන අතර මෙම සිද්ධිය හරහා මේ දෙපාර්ශ්වය අතර දේශපාලන එදිරිවාදිකම් පිරිමසා ගැනීමේ තත්ත්වයක්ද මේ වනවිට දැකිය හැකි වෙයි.

කිත්සිරි මල්වත්ත

Add comment

ප්‍රතිචාර දැක්වීමේ කොන්දේසි : -
ප්‍රතිචාර දැක්වීමේදී පරුෂ වචන අපහාස කිරීම් ලිපියට අදාල නොවන ප්‍රතිචාර පල කිරීමෙන් වලකින ලෙස කරුණාවෙන් දන්වා සිටිමු.


Security code
Refresh

 
IMAGE

අන්තර් ජාලයේ උයන පිහන මස්තානම්මා

IMAGE 2017 Jun 28 08:49
අන්තර්ජාලය හරහා වැඩි ආකර්ෂණයක් ඇත්තේ තරුණ පිරිස්වලට යැයි බොහෝ විට අපට සිතේ. එහෙත් ඒ සිතුවිල්ල...
Views - 50

'මළගමකට' වෙන් කළ මුදලත් පැහැරගෙන ගිහින් !

IMAGE 2017 Jun 27 20:45
ජීවත් වන්නවුන් වෙනුවෙන් වියදම් කිරීමට ඇති මුදල් ගසා කන්නවුන් පිළිබඳ තොරතුරු අපට නොයෙක් විට...
Views - 207

බුද්ධි-බූඩි අළුත් වැඩක

IMAGE 2017 Jun 26 13:47
ශ්‍රී ලාංකිය සිනමාව නව මගකට යොමුකළ බුද්ධි කිර්තිසේන හා බූඩි කිර්තිසේන පිය පුතු දෙපළ සිනමා...
Views - 1153

ලංකාවේ අවංකම බස් කොන්දොස්තර කුරුණෑගලින්?

IMAGE 2017 Jun 26 10:49
කුරුණෑගල මහ රෝහල ඉදිරිපිට බස් නැවතුම නිතර ජනයාගේන් පිරී පවතින්නකි. විශේෂයෙන් රෝහලේ රෝගීන්...
Views - 2510

සෙල්ෆි ගැසීම මානසික රෝගයක් නොවේ

IMAGE 2017 Jun 26 09:57
තමාගේම ඡායාරූපයක් තම ජංගම දුරකථනයෙන් ගැනීම හෙවත් සෙල්ෆි ගැනීමට ගිය කීපදෙනෙකු අවාසනාවන්ත ලෙස...
Views - 964

නතාෂා රට හැර යාමට සැරසෙයි

IMAGE 2017 Jun 25 19:41
නතාෂා පෙරේරා ගැන අමුතුවෙන් හැඳින්වීම් මොකටද? ඇය රටේම ආදරය දිනා ගත්තේ පුංචිම පුංචි...
Views - 3130

Please publish modules in offcanvas position.