Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - [email protected] youtube
Coss Ear2
lakbima.lk
COSS Ear 1
                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

සොරගුණේ රක්ෂිතයේ අක්කර හයසියයක් ගොල්ෆ් පිටියකට

හල්දුම්මුල්ල සොරගුණේ දඩයම්‍පොළ යනු ශ්‍රී ලංකාවේ ඉතා සරු ෙජෙව විවිධත්වයක් සහිත කලාපයකි. අලි ඇතුන් වන සතුන් රැසකගේ  නිජ බිමක් වන මෙම ප්‍රදේශය  හපුත‍ලේ හා හෝර්ටන් තැන්න කඳුවැටි වලින් ගලා හැළෙන දිය උල්පත් ඒකරාශී වී කාල්කන් ඔය, වේලි ඔය, හා දෙමට ආර යන ගංගාවලට උපත දෙන්නේය. මෙම ගංගා තුන ඒකරාශී වන ස්ථානයේ ඉදිකර ඇති (වේලි ඔය ප්‍රදේශයේ) වේල්ල මගින් හම්බෙගමුව, කොටවෙහෙර, මංකඩ, වේලි ඔය යන ප්‍රදේශ වලට ජලය ලබා දෙමින් කුඹුරු හෙක්ටයාර් දෙදහස් අටසිය තිහක් උදෙසා දියවර සපයන්නේය. එකි ව්‍යාපාරය තුළින් ගොවි පවුල් පන්දහසකට හයදහසකට අධික පිරිසක් තම ජීවන මාර්ගය සකස් කරගනී. වේලි ඔයේ දියවර ඉන් නොනැවතී මහ වැව් දෙකක් හා කුඩා වැව් තිස් හතරක් ‍පෝෂණය කරන්නීය. එය අවසන් වන්නේ හම්බෙගමුව වැවට ජලය පිරීමෙන් පසුවය. 
 මෙම වටිනා ජලමූලාශ්‍රය හා ඒහා බැඳුණ පරිසර පද්ධතිය මේ වන විට ඇත්තේ විනාශයේ එළිපත්තේය. ඊට හේතුව විදේශීය සමාගමක් සොරගුණේ ප්‍රදේශයේ අක්කර හයසිය විසි අටක් මිලදී ගෙන කාමර දෙදහසකින් යුත් හෝටලයක් හා ජාත්‍යන්තර තලයේ ගොල්ෆ් ක්‍රීඩාංගණයක් ඉදි කිරීමට යෑමය. වේලිඔය කොටවෙහෙර මංකඩ සුදු වැල්ල ශ්‍රී පුලිනතලාරාමාධිපති නෙල්ලිවල සුමේධාලංකාර හිමියෝ පවසන පරිදි මෙම ව්‍යාපෘතිය ඉදි කළහොත් වේලිඔය ව්‍යාපාරය මුළුමනින්ම විනාශ වීමට ඉඩ ඇත. වේලිඔය ව්‍යාපෘතියට ජලය ලැබෙන රක්ෂිත ප්‍රදේශය වන දඩයම්‍පොල රක්ෂිතය තුළ විශාල ගස් විශේෂයෙන් කුඹුක්, බුරුත, කෝන්, පුස්වැල්, වේවැල්, අරළු, නෙල්ලි, ගම්මාලු, වැනි ශාක රාශියක් තිබෙනවා. ඊට අමතරව වන අලින්, ගෝනන් වල් ඌරන්, රිළවුන්, වඳුරන්, ඕලු මුවන් වැනි සතුන් හා විවිධ කුරුලු විශේෂ, මත්ස්‍ය විශේෂ, වර්ග රැසක් මෙම වනාන්තරය කේන්ද්‍ර කරගෙන ජීවත් වෙනවා. මේ හෝටලය ඉදිකළහොත් ඒ ෙජෙව විවිධත්වය නිසැක ලෙසම විනාශ වෙනවා. මෙම ව්‍යාපෘතිය සිදුකළහොත් අනිවාර්යයෙන්ම අලිමිනිස් ගැටුමක් අලුතින් ඇති වෙනවා. බෝගහ පට්ටිය අභය භූමිය, උඩවලව අභය භූමිය, දහයියාගල අභය භූමිය යන අභය භූමිවල ජීවත් වන අලි ඇතුන් නිරන්තරයෙන්ම සොරගුණේ දඩයම්‍පොල ප්‍රදේශයට එනවා. අලි ඇතුන්ට ඔවුනගේ වාස භූමි අහිමි වුවහොත් අනිවාර්යයෙන්ම මිනිසුන් හා අලින් අතර ගැටුම් ඇති වෙනවා යැයි සුමේධාලංකාර හිමියන් වැඩිදුරටත් පවසති. 
මෙම විදේශීය සමාගම ඉඩම් මිලදී ගෙන ඇත්තේ හල්දුම්මුල්ල සොරගුණේ කතරගම දේවාලයට අයත් බණ්ඩාර පංගුවේ ඉඩම් බව  හල්දුම්මුල්ල ප්‍රාදේශීය ‍ලේකම් වරිය වන ශිරෝමි ජීවමාලා පවසන්නීය.
මේ ඉඩම් රජයට අයත් ඒවා නොවේ. සොරගුණේ දේවාලයට අයත් බණ්ඩාරපංගු, රාජකාරි පංගු, හා නින්දගම්වලට අයත් ඉඩම් බව ඇය වැඩිදුරටත් කීවාය. හල්දුම්මුල්ල ප්‍රාදේශීය ‍ලේකම් වරිය එසේ ප්‍රකාශ කළද සොරගුණේ දඩයම් ‍පොළ  රක්ෂිතය තුළ ඇත්තේ මහා රූස්ස ගස්ය. සොරගුණේ දේවාලයට අයත් ඉඩම් වුවද වසර සිය ගණනාවකින් එහි කිසි වගාවක් කරනවා තබා මිනිස් පුළුටක් එහි පයගසා නැති බව දැකගන්නට ලැබිණි.
මේ අතර ජනාධිපති මෛත්‍රීපාල සිරිසේන මහතා පසුගිය දිනක විශේෂ ප්‍රකාශයක් කරමින් කියා සිටියේ දිවයින පුරා අක්‍රමවත් අයුරින් සිදුවන  පස් කැපීම්, වනාන්තර එළිපෙහෙළි කිරීම්, සහ වැලි ප්‍රවාහනය පිළිබඳව තමා වෙත තොරතුරු ලැබි ඇති අතර පරිසරයට දැඩි විනාශයක් සිදු කරමින් කරගෙන ගිය බොහොමයක් කටයුතු තම මැදිහත්වීමෙන් නැවැත්වීමට පියවර ගත් බවයි. ඉදිරියේදී පස් කැපීම් සහ වනාන්තර එළි පෙහෙළි කිරීම පිළිබඳව දැනට තිබෙන ආයතනික ව්‍යුහය තුළ අදාළ සියලුම ආයතනවල අනුමැතිය හිමි වුවද අවසානයේ පරිසර අමාත්‍යවරයා ලෙස තමාගේද අනුමැතිය ලබාගැනීමට අවශ්‍ය බවට නීති රීති වෙනස් කරමින් නව චක්‍ර‍ලේඛණයක් නිකුත් කරන බවද ජනාධිපතිවරයා සඳහන් කළේය.
පරිසර සංරක්ෂණය පිළිබඳව මූලික වගකීම දරන සියලු ආයතන මීට වඩා වගකීමෙන් කටයුතු කළයුතු බවද අවධාරණය කළ ජනාධිපති මෛත්‍රීපාල සිරිසේන මහතා ජාවාරම්කාර ව්‍යාපාරකයන්ගෙන් අපගේ පරිසරය ආරක්ෂා කරගැනීම සඳහා සියලු දෙනා කැපවීමෙන් කටයුතු කළ යුතු බව දන්වා සිටියේය. 
රටේ ජනාධිපතිවරයා කුමන ප්‍රකාශ කළද ජාවාරම්කරුවෝ ඒවා තුට්ටුවකට නොසලකති. මෙම වනාන්තර එළිපෙහෙළි කළ ප්‍රදේශවල ගොවි ජනතාවට මහත් විනාශයක් සිදුවනු ඇත. 
අපේක්ෂා කරන හෝටලය ඉදිකළහොත් දහස් ගණනක ගොවි පිරිසකගේ වගාවන් විනාශව ගොස් මහා පරිමාණ ෙජෙව සංහාරයක් නොදුරේදීම වේලිඔය නිම්නයේ දැකගත හැකි වනු ඇත. මේ සොඳුරු වන පෙත රැකගනුවස් මෙහි සියලු ගස් සඟ සතු කරන්නට පරිසර සංවිධාන කටයුතුකර ඇත.
අප මේ පිළිබඳව බලංගොඩ ප්‍රාදේශීය ‍ලේකම් චම්පික නිරෝෂ් ධර්මපාලගෙන්ද විමසීමක් කළෙමු. 
ඇත්තටම මෙම ප්‍රදේශය එළිපෙහෙළි කළහොත් විශාල ලෙස ජල උල්පත් සිඳී යාවි. කල්තොට, වේලිඔය හා කාල්කන් ඔය හරස් කර වාරිමාර්ග ව්‍යාපෘතියක් ආරම්භ කර තිබෙනවා. මේ වන විට එහි වම් ඉවුර යෝජනා ක්‍රමයෙන් හම්බෙගමුව තණමල්විල දක්වා ජලය රැගෙන යන අතර මේ වන විට අක්කර සිය ගණනක් යලමහ කන්න දෙක වී ගොවිතැන කරනවා. 
ඊට අමතරව ඉදිරියේදී දකුණු ඉවුර යෝජනා ක්‍රමය යටතේ කල්තොට මැදබැද්ද, ප්‍රදේශයට මෙම ව්‍යාපෘතියෙන් ජලය ලබා ගෙන වී ගොවිතැන් කිරීමටයි බලා‍පොරොත්තු වන්නේ අනෙක තමයි හම්බෙගමුව තණමල්විල මොණරාගල යන ප්‍රදේශ කොහොමත් වියළි කලාපයට අයත් වන්නේ එසේ තිබියදී මෙලෙස රක්ෂිත වනාන්තර එළිපෙහෙළි කිරීම අනුමත කරන්න බැහැ යැයි පවසන්නේය. 
වේලිඔය ඉදිකර ඇත්තේ මොණරාගල බදුල්ල, රත්නපුර යන දිස්ත්‍රික්ක තුන සම්බන්ධ කර ගෙනය. 
එබැවින් මේ මහා පරිමාණ විනාශය සිදු වුව හොත් ඉන් මේ දිස්ත්‍රික්ක තුනම දැඩි පීඩාවට පත් වෙනු නොඅනුමානය. වේලිඔය ගොවි ජන උරුමය රැකගනු වස් සටන් වදින වේලිඔය ඒකාබද්ධ ගොවි සංවිධානයේ ‍ලේකම් ඩී. එම්. දිසානායක තමුනට සිදුවීමට යන මේ මහා විනාශය පිළිබඳ මෙසේ පවසන්නේය. මේ හෝටලය හැදුවොත් අක්කර දහස් ගණනක ගොවිතැන් ඉවරයි. 
අපේ ජීවිතය පරිත්‍යාග කර හෝ මේ රක්ෂිතය ආරක්ෂා කිරීමට ගොවීන් කැපවී කටයුතු කරනවා. ගොල්ෆ් ක්‍රීඩාංගණය ඉදිකළහොත් වේලිඔය වාරි ව්‍යාපෘතියට විශාල හානියක් සිදු වෙනවා. කාල්කන් ඔය හා වේලිඔය හරස් කර වේල්ලක් ඉදිකර ඇළ මාර්ගයකින් ජලය රැගෙන වේලිඔය ප්‍රදේශයේ කුඹුරු හෙක්ටයාර් දෙදහස් අටසිය තිහක් (2830) ක් වගා කරනවා. ගොවි පවුල් පන් දහසක් හය දහසක් මේ කුඹුරු වලින් ජීවත් වෙනවා. ඒ ඉහත කී ව්‍යාපෘතියට අපගේ දැඩි විරෝධය ප්‍රකාශ කරනවා. ඒකාබද්ධ ගොවි සංවිධානය යටතේ ගොවි සංවිධාන තිස් හතරක් නියෝජනය වෙනවා. 
මෙම පරිසර විනාශය පිළිබඳව පරිසර යුක්ති කේන්ද්‍රය මගින් අධිකරණ ක්‍රියාමාර්ගයක් ගනිමින් සිටින බව එහි නීතිඥ සුගත් අතපත්තු සඳහන් කරයි. වැඩි දුරටත් ඔහු සඳහන් කරන්නේ මෙම ව්‍යාපෘතිය ඉදිකළ හොත් මහත් පරිසර විනාශයක් සිදුවී ගොවීන්ගේ නිජ බිම් විනාශ වී යනු ඇති බවයි. වේලි ඔය ව්‍යාපෘතිය වෙනුවෙන් රුපියල් කෝටි ගණන් රටට ණය වී ඇත. 
වේලිඔය වනසන හෝටල් ව්‍යෘපෘතියේ පීතෘවරු සිටියේ පසුගිය රජයේය. දැන් ආණ්ඩු පෙරළි ඇතත් වේලිඔය වැනසීම නතරව නැත. කැ‍ලේ මාරු වූවාට කොටියාගේ පුල්ලි මාරු වෙන්නේ නැති බව ගොවියන් පවසන්නේ මේ වගේ විගඩම්වලටය. 
 
සටහන හා ඡායාරූප : සරත් වීරවංශ

Add comment

ප්‍රතිචාර දැක්වීමේ කොන්දේසි : -
ප්‍රතිචාර දැක්වීමේදී පරුෂ වචන අපහාස කිරීම් ලිපියට අදාල නොවන ප්‍රතිචාර පල කිරීමෙන් වලකින ලෙස කරුණාවෙන් දන්වා සිටිමු.


Security code
Refresh

IMAGE

ෆේස්බුක් එකෙන් ඔබේ හිතේ ලෙඩ ගැනත් කියන්න පුළුවන්

IMAGE 2017 Dec 15 10:42
ඔබටත් ෆේස්බුක් ගිණුමක් තිබෙනවාද? එසේ ගිණුමක් තිබෙනවා නම් ඔබ ඒ සඳහා දවසකට; සතියකට හෝ මාසයකට පැය...
Views - 1264

සුද්දන්ට උණවටුන එපා කරවන ඩිස්කෝ ඩාන්ස්

IMAGE 2017 Dec 14 07:56
ආචාර්ය ආතර් සී. ක්ලාක් විද්වතා පවසන ආකාරයට උණවටුන වෙරළ තීරය ලෝකයේ ඇති දර්ශනීය වෙරළ දොළහෙන්...
Views - 2716

ගැබිණි නිලධාරිනිය අධ්‍යක්ෂක හා 'හනිමූන්' ගිහින්

IMAGE 2017 Dec 13 10:33
ඔහු මෙරට ප්‍රමුඛතම සමාගමක අධ්‍යක්ෂ වරයෙකි. වයස අවුරුදු 40 ක් පමණ වන ඔහු දරු දෙදෙනෙකුගේ පියෙක්...
Views - 8214

2017 විශ්ව රූ රැජින ඩෙමී සහ අපේ ක‍්‍රිස්ටියානා

IMAGE 2017 Dec 13 10:17
ලෝක රූ රැජින තේරීමේ තරගයේ උණුසුම පහව යෑමටත් පෙර තවත් සුරූපිනියක් විශ්ව රූ රැජින ලෙස  කිරුළ...
Views - 4111

ඉන්දීය ක්‍රිකට් නායක විරාත් කෝලි නිලියක ගේ අත ගනී

IMAGE 2017 Dec 12 12:41
ඉන්දීය ක්‍රිකට් නායක විරාත් කෝලි ඊයේ (11) යුග දිවියට එළඹුණි. ඔහුගේ අතගත් මනාලිය වූයේ බොලිවුඩ්...
Views - 4333

පාතාලයට ඔත්තු දීමේ වරදට වෙඩි කෑ රූපලාවන්‍ය ශිල්පිනිය

IMAGE 2017 Dec 12 10:22
අතුරුගිරිය නගරයේ පිහිටි සයෝනාරා රූපලාවන්‍යාගාරයේ හිමිකාරිය වන හතළිස්හත් වියැති මංජුලා...
Views - 5998

Please publish modules in offcanvas position.