Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - [email protected] youtube
Coss Ear2
lakbima.lk
COSS Ear 1
                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

ගීතාගේ මන්ත්‍රී ධුරය දේශපාලන අර්බුදයකට පාර කපයිද?

ගීතා කුමාරසිංහ පාර්ලිමේන්තු මන්ත්‍රී ධුරය දැරීමට නුසුදුසු බවට අභියාචනාධිකරණය තීන්දු කිරීමත් සමග ගාල්ල දිස්ත්‍රික් එක්සත් ජනතා නිදහස් සන්ධාන නාමයෝජනා ලැයිස්තුව අවලංගු වේදැයි සැකයක් පැන නැගී ඇත. ඊට හේතුවූයේ ගීතා නීත්‍යනුකූල නොවන ආකාරයට නාමයෝජනා භාරදුන්නා නම් සන්ධාන ලැයිස්තුවේ මුළු නාමයෝජනාද අහෝසි විය යුතු බවට නැගුණු තර්කයය. මේ වනවිටත් සන්ධානයේ මන්ත්‍රී ලැයිස්තුව අහෝසි කිරීමට කරන්දෙණිය එජාප සංවිධායක හා දකුණු පළාත් සභා මන්ත්‍රී ජයන්ත ජයවීර අධිකරණයට යන බවට සඳහන් කර තිබේ.
ස්විට්සර්ලන්ත හා ශ්‍රී ලංකා යන ද්විත්ව පුරවැසිභාවය ගීතා කුමාරසිංහ දරන බැවින් ඇයට මන්ත්‍රීවරියක ලෙස කටයුතු කිරීමට ආණ්ඩුක්‍රම ව්‍යවස්ථාව අනුව නොහැකි බව කියමින් ගාල්ල දිස්ත්‍රික්කයේ පුද්ගලයන් කිහිප දෙනෙකු අභියාචනාධිකරණය හමුවේ පවරා තිබූ නඩුවේ තීන්දුවෙන් පසු ඒ ගැන මේ රටේ ලොකු ආන්දෝලනයක්ද හටගත්තේය.
19 වන ආණ්ඩුක්‍රම ව්‍යවස්ථාව අනුව ද්විත්ව පුරවැසියෙකුට පාර්ලිමේන්තු මන්ත්‍රීවරයෙකු විය නොහැකි බවට වන නීතිය අනුවය. නඩුව විභාග කළ අභියාචනාධිකරණය ගීතා කුමාරසිංහට තවදුරටත් මන්ත්‍රීවරියක ලෙස කටයුතු කළ නොහැකි බව තීන්දු කළේය.
එම තීරණය නීතිපතිවරයා විසින් ඉකුත් 08දා කථානායක කරු ජයසූරිය හා පාර්ලිමේන්තුවේ මහ‍ලේකම් ධම්මික දසනායක වෙත යොමුකර තිබුණි. එම තීරණය ප්‍රකාරව පාර්ලිමේන්තු මහ‍ලේකම්වරයා විසින් ගාල්ල දිස්ත්‍රික්කයේ එක්සත් ජනතා නිදහස් සන්ධානයේ මන්ත්‍රීධුරයක් පුරප්පාඩුවී ඇති බව මැතිවරණ කොමිසමේ සභාපති මහින්ද දේශප්‍රිය වෙත දැනුම් දුන්නේය.
මැතිවරණ කොමිසමට කළ දැනුම්දීම අනුව මැතිවරණ කොමිසම රැස්වී ගාල්ල තේරීම් භාර නිලධාරියා වන ගාල්ල දිස්ත්‍රික් ‍ලේකම්වරයාගෙන් මනාප ලැයිස්තුවේ ඊළඟට වැඩිම මනාප ගත් අපේක්ෂකයාගේ නම ගැනීමට තීන්දු කළේය. එසේම ගාල්ල තේරීම්භාර නිලධාරියා ඊළඟ අපේක්ෂකායගේ නම එවූ පසු එක්සත් ජනතා නිදහස් සන්ධානයේ මහ‍ලේකම්වරයාට මැතිවරණ කොමිසම දැනුම් දුන්නේ ඔවුන්ගේ අපේක්ෂක ලැයිස්තුවේ ඊළඟට සිටින අය නම්කර එවන ලෙසය.
මැතිවරණ කොමිසම කළ දැනුම්දීමට අනුව එක්සත් ජනතා නිදහස් සන්ධානයේ මහ‍ලේකම් මහින්ද අමරවීර මනාප ලැයිස්තුවේ ඊළඟ වැඩිම මනාපලාභියා වන පියසේන ගමගේ ගේ නම මැතිවරණ කොමිසමට දැනුම්දී තිබුණි.
ඒ අනුව මැතිවරණ කොමිසමට දැන් ඉතිරිව ඇත්තේ ඊට අදාළ ගැසට් නිවේදනය නිකුත් කිරීමටය. 
ගීතා කුමාරසිංහ විසින් ශ්‍රේෂ්ඨාධිකරණයට ඇපෑල ඉදිරිපත් කරන ලද්දේ ඉකුත් අඟහරුවාදාය. ඒ ගැන ඇය විසින් මැතිවරණ කොමිසමද දැනුවත් කර තිබුණි. මේ නිසා ඇයගේ මන්ත්‍රීධුරය වෙනුවට වෙනත් කෙනෙකු මැතිවරණ කොමිසමට නම් කළ නොහැකි බව ඒකාබද්ධ විපක්ෂයේ මන්ත්‍රීවරු ප්‍රකාශ කළහ. ගීතාගේ පුරප්පාඩුවට මන්ත්‍රීවරයකු පත්කිරීම මැතිවරණ කොමිසම විසින් මේ වන විට අත්හිටුවා ඇත. ඒ ශ්‍රේෂ්ඨාධිකරණය විසින් ලබා දුන් තීන්දුවත් සමගය. මැතිවරණ කොමිසම මන්ද ගීතා වෙනුවට වෙනත් මැතිවරණ කොමිසමද මේ පිළිබඳව නීති උපදෙස් ගෙන ඇති බවද එම කොමිසමේ ආරංචි මාර්ග සඳහන් කරයි.
මේ අතර දේශපාලන වේදිකාවේ කතාබහට ලක්වූයේ ගීතා කුමාරසිංහ සම්බන්ධයෙන් ලබාදුන් නඩු තීන්දුව හේතුවෙන් ගාල්ල දිස්ත්‍රික්කයේ එක්සත් ජනතා නිදහස් සන්ධානයේ අපේක්ෂක ලැයිස්තුවම අහෝසි වන බවකි. කොළඹ නීති විද්‍යාලයේ කථිකාචාර්ය ආචාර්ය ප්‍රතිභා මහානාමහේවා පෙන්වා දෙන්නේ අදාළ මැතිවරණය සමානුපාතික ඡන්ද ක්‍රමයට පැවැත්වීමත් ඒ වනවිට 19 වෙනි ආණ්ඩුක්‍රම ව්‍යවස්ථාව සම්මතවී තිබිමත් නිසා අපේක්ෂක ලැයිස්තුවම අහෝසි වන බවත්ය. මේ අනුව එක්සත් ජනතා නිදහස් සන්ධානයට ගාල්ල දිස්ත්‍රික්කයෙන් හිමි මන්ත්‍රී ධුර හය එක්සත් ජාතික පක්ෂයට හා ජනතා විමුක්ති පෙරමුණට ඔවුන් ගත් ඡන්ද සංඛ්‍යාව අනුව බෝනස් ආසන ලෙස හිමිවන බවද මහානාම හේවා කීය.
අනෙක මේ පෙත්සම මැතිවරණය අවසන්වී දින 21කට පසුව ඉදිරිපත් කළ නඩුවක් බැවින් මැතිවරණ කොමිසමට ඒ සම්බන්ධයෙන් ස්වාධීනව තීරණයක් ගන්නට සිදුවන බවද ඔහු සඳහන් කළේය. අපේක්ෂක ලැයිස්තුව අහෝසිවීම මත ඒ ආසන අනෙක් පක්ෂවලට බෙදා දෙනවාද නැතිනම් නැවත ගාල්ල දිස්ත්‍රික්කයේ ඡන්දය පවත්වනවාද යන්න තීරණය මැතිවරණ කොමිසමට ගතහැකි බවද ඔහු කීවේය.
මේ සම්බන්ධයෙන් පැෆරල් ආයතනයේ විධායක අධ්‍යක්ෂ නීතිඥ රෝහණ හෙට්ටිආරච්චි දරන්නේ වෙනත් අදහසකි. උද්ගත වූ ප්‍රශ්නය අර්ථ දැක්විය යුත්තේ අධිකරණය මිසක් වෙනත් කෙනෙකු නොවන බව ඔහු සඳහන් කරයි. එක් පුද්ගලයෙකුට එරෙහිව නඩු තීන්දුවක් දී ඇත්තේ මැතිවරණ පෙත්සමක් මත නොවන නිසා අනෙක් අපේක්ෂකයන්ට මෙයින් බලපෑමක් නොවන බවද ඔහු සඳහන් කළේය.
19 වෙනි ආණ්ඩුක්‍රම ව්‍යවස්ථාවේ සඳහන් වෙන්නේ ද්විත්ව පුරවැසියකුට පාර්ලිමේන්තු මන්ත්‍රීවරයෙකු ලෙස කටයුතු කළ නොහැකි බව පමණක් යැයිද ඔහු සඳහන් කළේය. මේ නිසා නාමයෝජනා භාරදෙන අවස්ථාවේ ද්විත්ව පුරවැසියෙකු ලෙස සිටීම ගැටලුවක් ලෙස දක්වා නැති බව රෝහණ හෙට්ටිආරච්චිගේ අදහසයි. අනෙක නාමයෝජනා දුන් පසු විරෝධතා ගොනුකිරීමට ඇති පැය භාගයක කාලය තුළ ද්විත්ව පුරවැසියෙකුද නැතිද යන කාරණය තේරීම්භාර නිලධාරියාට සෙවීමට තරම් පහසුකම් නැති බවද ඔහු කීවේය. එම අවස්ථාවේ බලනුයේ මැතිවරණ පනත අනුව නාමයෝජනා පත්‍රයේ සුදුසුකම් පවතිනවාද යන්න පමණකි.
එනම් අපේක්ෂකයන් නියමිත වයස සපුරා ඇතිද, නාමයෝජනා ලැයිස්තුවේ අපේක්ෂක දිවුරුම ලබාදී තිබේද, එම දිවුරුම සහතික කර තිබේද, පිළිගත් දේශපාලන පක්ෂයක් නම් ‍ලේකම්වරයාගේ අත්සනද ස්වාධීන කණ්ඩායමක් නම් කණ්ඩායම් නායකගේ අත්සන තිබෙනවාද යන කාරණාවන්ය.
මීට අමතර දෙයක් පරීක්ෂා කිරීමේ බලය පවතින්නේ අධිකරණයට බවද ඔහු පෙන්වා දුන්නේය. එම නිසා මෙම නඩු තීන්දුව අනෙක් මන්ත්‍රීවරුන්ට බලපෑමක් නොමැති බවද ඔවුහු පවසයි.
ද්විත්ව පුරවැසිභාවය සම්බන්ධයෙන් 2015 අගොස්තු මාසයේ පැවති මැතිවරණයේදී පැමිණිල්ලක් පැමිණියේ මාතර දිස්ත්‍රික්කයේ අපේක්ෂකයෙකුට එරෙහිවය. ඒ හිටපු ඇමැතිවරයෙකු වූ එච්.ජී. සිරිසේනගේ පුත් මනෝජ් ප්‍රසන්න සම්බන්ධයෙනි. නමුත් එම අවස්ථාවේ තේරීම්භාර නිලධාරියා තීරණය කළේ 1981 පාර්ලිමේන්තු මැතිවරණ පනත ආණ්ඩුක්‍රම ව්‍යවස්ථා සංශෝධනය අනුව යාවත්කාලීන කර නොමැති නිසා එම විරෝධතාව පිළිගත නොහැකි බවකි.
ජනාධිපති නීතිඥ ජේ.සී.වැලිඅමුණ කියා සිටියේ එක් අපේක්ෂකයෙකු සම්බන්ධයෙන් දුන් තීන්දුවකදී අපේක්ෂක ලැයිස්තුව අහෝසි වෙන ක්‍රමයක් නීතියේ නොමැති බවකි. ලංකාවේ මැතිවරණ නීතිය අනුව විරෝධතා ගොනුකරන්න අවස්ථාවක් ඇතත් එය තීරණය කරනුයේ තේරීම්භාර නිලධාරියා විසින් බව ඔහු පෙන්වාදේ.
එයට විරුද්ධව මැතිවරණ පෙත්සමක් ඉදිරිපත් කළ හැකි වුණත් මේ වනවිට ඒ කාලයත් අහෝසිවී ඇති නිසා දැන් ඇත්තේ මේ මන්ත්‍රීධුරය සම්බන්ධයෙන් තීරණයක් ගැනීම පමණක් බවද ඔහු ප්‍රකාශ කළේය. එසේ නොමැතිව මුළු ලැයිස්තුවම අහෝසි වන කතාව ගොතන ලද කතාවක් පමණක් බවද පෙන්වා දුන්නේය.
කෙසේ නමුත් ගීතා කුමාරසිංහගේ මන්ත්‍රී ධුරයට පියසේන ගමගේ පත්වේද ඒත් සමග ගාල්ල දිස්ත්‍රික්කයේ එක්සත් ජනතා නිදහස් සන්ධාන අපේක්ෂක ලැයිස්තුවම අහෝසිවේද යන්න පිළිබඳ තීරණය ඇත්තේ මැතිවරණ කොමිසම ගන්නා තීන්දු තීරණ ප්‍රකාරවය.
 
ලසන්ත වීරකුලසූරිය

Add comment

ප්‍රතිචාර දැක්වීමේ කොන්දේසි : -
ප්‍රතිචාර දැක්වීමේදී පරුෂ වචන අපහාස කිරීම් ලිපියට අදාල නොවන ප්‍රතිචාර පල කිරීමෙන් වලකින ලෙස කරුණාවෙන් දන්වා සිටිමු.


Security code
Refresh

IMAGE

ෆේස්බුක් එකෙන් ඔබේ හිතේ ලෙඩ ගැනත් කියන්න පුළුවන්

IMAGE 2017 Dec 15 10:42
ඔබටත් ෆේස්බුක් ගිණුමක් තිබෙනවාද? එසේ ගිණුමක් තිබෙනවා නම් ඔබ ඒ සඳහා දවසකට; සතියකට හෝ මාසයකට පැය...
Views - 1264

සුද්දන්ට උණවටුන එපා කරවන ඩිස්කෝ ඩාන්ස්

IMAGE 2017 Dec 14 07:56
ආචාර්ය ආතර් සී. ක්ලාක් විද්වතා පවසන ආකාරයට උණවටුන වෙරළ තීරය ලෝකයේ ඇති දර්ශනීය වෙරළ දොළහෙන්...
Views - 2716

ගැබිණි නිලධාරිනිය අධ්‍යක්ෂක හා 'හනිමූන්' ගිහින්

IMAGE 2017 Dec 13 10:33
ඔහු මෙරට ප්‍රමුඛතම සමාගමක අධ්‍යක්ෂ වරයෙකි. වයස අවුරුදු 40 ක් පමණ වන ඔහු දරු දෙදෙනෙකුගේ පියෙක්...
Views - 8214

2017 විශ්ව රූ රැජින ඩෙමී සහ අපේ ක‍්‍රිස්ටියානා

IMAGE 2017 Dec 13 10:17
ලෝක රූ රැජින තේරීමේ තරගයේ උණුසුම පහව යෑමටත් පෙර තවත් සුරූපිනියක් විශ්ව රූ රැජින ලෙස  කිරුළ...
Views - 4111

ඉන්දීය ක්‍රිකට් නායක විරාත් කෝලි නිලියක ගේ අත ගනී

IMAGE 2017 Dec 12 12:41
ඉන්දීය ක්‍රිකට් නායක විරාත් කෝලි ඊයේ (11) යුග දිවියට එළඹුණි. ඔහුගේ අතගත් මනාලිය වූයේ බොලිවුඩ්...
Views - 4333

පාතාලයට ඔත්තු දීමේ වරදට වෙඩි කෑ රූපලාවන්‍ය ශිල්පිනිය

IMAGE 2017 Dec 12 10:22
අතුරුගිරිය නගරයේ පිහිටි සයෝනාරා රූපලාවන්‍යාගාරයේ හිමිකාරිය වන හතළිස්හත් වියැති මංජුලා...
Views - 5998

Please publish modules in offcanvas position.