Coss Ear2
lakbima.lk
COSS Ear 1

තව මාසෙන් දෙකෙන් හාල් මිල රු. 20කින් 25කින් වැඩිවෙයි

සමස්ත ලංකා සහල් නිෂ්පාදකයින්ගේ සංගමය ඉකුත් සතියේ මාධ්‍ය හමුවක් පවත්වමින් මේ රටේ බත් කන මිනිස්සුන්ට බත් කන්නට නොහැකි වන කාලයක් නුදුරේම උද්ගත වන බවට අනතුරු ඇඟවූයේය.  ඒ දැන් බත් කන රටේ එක බත් වේලක් කන්නට නොහැකි වාතාවරණයක් නිර්මාණය වෙමින් තිබෙන නිසාය. මේ රටේ සමස්ත ජනගහනයෙන් සියයට 95කටත් වැඩි පිරිසකගේ ප්‍රධාන ආහාරය බත්ය. දවසකට එක වේලක් හෝ බත් කන්නෝය. එවන් රටක ජීවත් වන ජනතාවගේ කුසගිනි නිවන්නට තරම් වී නිෂ්පාදනයක් මේ රටේ පසුගිය කන්නයේ සිදුවුණේ නැත. පසුගිය මාස් කන්නයේ වී වගා කරන දිස්ත්‍රික්කවලින් වගාව බේරා ගත හැකි වූයේ සියයට හතළිහක් පමණ බව ආණ්ඩුවේ මැති ඇමැත්තෝද ඉහළම බලධාරියා වන ජනාධිපති මෛත්‍රීපාල සිරිසේනද ඉකුත් දා හෙළිකර තිබුණේය. තත්ත්වය එසේ තිබියදී ‍පොළොන්නරුව, තිරිකුණාමලය, මඩකළපුව, අම්පාර, පුත්තලම, මන්නාරම, හම්බන්තොට ඇතුළු වී වගා කරන ප්‍රධාන ප්‍රදේශවල වගාව බේරා ගත හැකිවූ ගොවි බිම්වලින් සාර්ථක අස්වැන්නක්  ද වාර්තා කර තිබිණි. මහවැලි සී කලාපයේත්, මහවැලි බි කලාපයේත් ඇතැම් ප්‍රදේශයක අක්කර දෙකහමාරක කුඹුරෙන් වී කිලෝ 7000ක වාර්තාගත අස්වැන්නක් ලැබි තිබුණි. ‍පොළොන්නරුව පරාක්‍රම සමුද්‍ර ව්‍යාපාරයේ අක්කරයකට වී බුසල් 120 වාර්තා කර තිබණි. එසේ වුවත් සමස්ත වී අස්වැන්නම පුද්ගලික වී මෝල් හිමියන් හා සහල් නිෂ්පාදන සමාගම් විසින් වැඩි මිලට මිලදී ගත්හ.
සමස්ත ලංකා වී මෝල් හිමියන්ගේ සංගමය ඉකුත් සතියේ සිකුරාදා (28)දා ‍පොළොන්නරුවේ සිය සංගමයේ දිස්ත්‍රික් 10ක නියේජිතයින් හා සාකච්ඡාවක් කැඳවා තිබුණි. එහිදී එකිනෙකාට චෝදනා කර ගනිමින් සහල් මෝල් හිමියෝ පවතින තත්ත්වය විග්‍රහ කරගත්හ. එන්.එම්.එම්. හලීම් මහතා (ශම්ශම් හාල් මෝල කැකිරාව) කියා සිටියේ මෙවැනි කතාවකි. අද අපේ හාල් මෝල් වැහෙන්න යනවා. කුඩා මෝල් හිමියන්ට මහා පරිමාණ මෝල් හිමියන් එක්ක තරග කරන්න බැරිවෙලා තියෙනවා. ඒ අය වී මිල දවසින් දවස ඉහළ ඉස්සුවා. ගොවියා ළඟටම ගිහිල්ලා වී මිලට ගත්තා. කුඹුරේදීම නාඩු කිලෝ එක රුපියල් 49ට, 50 මිල ගියා. බ්‍රෝකර්ලා මේක තවත් ඉහළ දානවා. අතරමැදියා ලාභ ලබනවා. මෝල් හිමියාට මෝල පවත්වාගෙන යන්න වී තොග නැති  තැනට පත්වෙලා. රජය මේකට මැදිහත් වෙන්න ඕන. නැත්නම් හාල් මිල කොහෙන් නවතී ද කියලා  කියන්න බෑ.
මෙහිදී වී මෝල් හිමියන් කිහිපදෙනකුගෙන්ම මරදගහමුල වී මෝල් හිමියන්ට චෝදනා එල්ල විය. ගමේ බ්‍රෝකර්ලා නිර්මාණය කරමින් ගමේ සුළුවෙන් වී තොග රැස්කරන ගමේ මුදලාලි අභිබවා ගොස් රුපියල් 32.00කට වී මිටිය මිල උස්සන්න තත්ත්වයකට පත් කළ බවට චෝදනා එල්ල විය. එවන් මිලකට වී මිලදී ගතහොත් සහල් නිෂ්පාදන පිරිවැය ගණනය කළ විට රුපියල් 85 ද ඉක්මවා යන්නේය. ඔවුන් පමණක් නොව මහා පරිමාණ වී මෝල් හිමියන් දිනකට තමන්ගේ ධාරිතාවට අවශ්‍ය වී තොග කඩිමුඩියේ රැස් කරන්නට යෑමෙන් මෙසේ විකෘති වූ මිලක් වීවලට නිර්මාණය කළේය. ඇතැම් සමාගමක් දිනකට ලොරි 150කින් පමණ වී තොග ගබඩා කළේය. තවත් ගොවීන් අතර පවතින වී තොගත් හොර රහසේ විවිධ තැරැව්කරුවන් මාර්ගයෙන් මිල උස්සමින් මිලදී ගනිමින් සිටින්නේය. මේ තත්ත්වය  නිසා දැන් දිවයිනේ සහල් මිල ශීඝ්‍රයෙන් ඉහළ යමින් තිබේ. යල කන්නයේ අස්වැන්න ලැබෙන්නේ ලබන  අගෝස්තු, සැප්තැම්බර් මාසවලදීය. එයත් දැඩි අවිනිශ්චිත තත්ත්වයක පවතින්නේ වැසි රහිත කාලගුණය නිසාය. එසේ බැලූ විට අගෝස්තු මාසය පමණ වන විට හඳෙන් හාල් ගෙනාවත් මිල පාලනය කරගත නොහැකි තත්ත්වයක් උද්ගත වනු ඇතැයි සිල්ලර වෙළෙන්දෝ කියති. රජයේ සහතික මිලක් පාලන, පාලනමිලක් සහල්වලට දැම්මේ පවතින තත්ත්වය සැලකිල්ලට ගෙන වුවත් එය අසාර්ථක වී තිබේ. අද වෙනකොට හාල් කීයද නාඩු 85, 89ටත් අලෙවි වෙනවා. අද මේ රටේ නීතියක් නෑ. රජයේ ප්‍රසිද්ධ ගැසට් නිවේදනයකින් රජය තීන්දුවක්, නීතියක් ප්‍රකාශයට පත් කළා. නාඩු සහල් රුපියල් 72ටත්, කැකුළු 70ටත්, සම්බා රුපියල් 80ටත් අලෙවි කරන්න පසුගිය පෙබරවාරි 7 ගැසට් කළ නීතිය  අප්‍රේල් මැද වෙනකොට කැඩුවා. නීතියට පිටින් වැඩ කරන මිනිස්සු ඉන්න රටක් මේක. කෝ නීතිය කෝ නිලධාරීන් වටලනවා, නීති විරෝධීව සහල් මිල වැඩි  කරලා වැඩියෙන් අලෙවි කරන වෙළෙන්දෝ, මෝල් හිමියෝ සමස්ත ලංකා සහල් නිෂ්පාදකයින්ගේ සංගමයේ සභාපති ගාමිණි කුමාරසිංහ කියන්නේය. 
අපි ගිය සතියේ සිකුරාදා පොළොන්නරුවට රැස්වෙලා තීන්දුවක් ගත්තා වී කිලෝව නාඩු 45ට මිල දී ගන්න. සහල් රුපියල් 80 මිලට දෙන්න.  නාඩු වී කිලෝව, සම්බා රුපියල් 90ට දෙන්න අපි තීන්දුවක් ගත්තා. නමුත් කූට ජාවාරම්කාර අතළොස්සක් මේ මිල ඉහළ දාලා තියෙනවා ට්‍රාන්ස්‍පෝට් කියලා මුදලකුත් බිලට එකතු කරනවා. ගමේ හාල් කඩේ මුදලාලිට හාල් බාන්නේ නාඩු 85ට 86ට එයා විකුණනවා රුපියලක් දෙකක් තියාගෙන. මේක තවත් මාසයක් යනකොට රුපියල් 110-120 විතර වෙයි. එතකොට මොකද වෙන්නේ මේ රටේ දුක්විඳින දලු කඩන, වැඩ කරන, ගල් කඩන, කිරි කපන අහිංසක මිනිස්සු කන්නේ නාඩු හා‍ලේ බත්. බඩ බත් එකට පහර වදිනවා. මේක නවත්වන්න ඕන රජය මැදිහත්වෙලා. ගාමිණි කුමාරසිංහ කියන්නේය.
මේ කතාව තහවුරු වන තවත් එක් කතාවක් වී අලෙවි මණ්ඩලය පැත්තෙන් ඇසෙන්නේය. වී අලෙවි මණ්ඩලයට හෝ සතොස හෝ සමූපකාරය හෝ මේ කන්නයේ වී ඇටයක්වත් මිලට ගත්තේ නැත. ඉකුත් කන්නවල ගත් වී තොගද මෝල් හිමියන්ට විටින් විට නිකුත් කළේය. එසේ බැලූ විට අපේ රටේ පාරිභෝගිකයා ආරක්ෂා කර ගැනීමට අවශ්‍ය ආරක්ෂිත වී සංචිත පහළ බැසලාය. රජයට බකන් නිලාගෙන අතළොස්සක් සහල් මාෆියාකරුවන්ට යටවී දුක්විඳින ජනතාව තවත් දුකට පත් වන්නට ඉඩදී සද්ද නැතිව සිටින්නට සිදුවේ. වී අලෙවි මණ්ඩලයේ සභාපති එම්.බි. දිසානායකගෙන් පවතින තත්ත්වය ගැන අපි විමසීමක් කළෙමු. අපි මේ වතාවෙත් වී මිලට ගන්න සූදානමෙන් හිටියා. නමුත් වෙළෙඳ‍පොළේ වී මිල අපේ පාලන මිලත් ඉක්මවා ගිහිල්ලා තිබුණා. ඒ නිසා ගොවීන් කවුරුවත් අපට වී දුන්නේ නෑ. සහල් මිල ඉහළ යන එක පාලනය කරන්න අපි මේ වතාවේ අපි ළඟ තිබුණු වී තොග වී මෝල් 500කට වැඩි ගණනකට බෙදා දුන්නා. ඉතිහාසයේ පළමු වතාවට වැඩිම මෝල් සංඛ්‍යාවකට. අපි සතුව තවත් මෙට්‍රික් ටොන් 76000ක් පමණ තිබෙනවා. මේ වී තොග විටින් විට වෙළෙඳපළ, සහල් මිල දිහා බලලා එය පාලනය කරන්න සතොස හරහා හාල් කරලා අලෙවි කරනවා. මම හිතන්නේ හිඟයක් ඇති වෙන්නේ නෑ. 
එසේ වුවත් අද වන විටත් සහල් වෙළෙඳ‍පොළේ සහල් අලෙවි වන්නේ වැඩි මිලටය. තවත් මාසයක් දෙකක් යන විට දැන් පාලන මිල අභිබවා රුපියල් 5-10 අතර ප්‍රමාණයකින් ඉහළ ගොස් ඇති සහල් මිල රුපියල් 20-25 අතර මිලකින් ඉහළ යනු ඇත. සමස්ත ලංකා සහල් මෝල් හිමියන් කියන්නේ ඔවුන් නීතිමය ක්‍රියාමාර්ග ගැනීමට රජයට බල කරන බවයි. මේ වන විට අදාළ අංශ වෙත ලිඛිතව  දැනුම් දී තිබෙන බවත්ද, යුද හමුදාව ‍පොලීසිය යොදා හෝ සහල් මිල අහස උසට ඉහළ යාම වැළැක්වීමට පියවර ගත යුතු බව ඔවුන්ගේ අදහසයි. එසේ නොවුණහොත් බත් කන මිනිසුන් වෙසෙන රටේ හාල් සේරුවට මිනී මරා ගන්නා යුගයක් නිර්මාණය වනු  ඇත.  
 
ප්‍රියන්ත බණ්ඩාර

 

IMAGE

නෙලා සමග ඔබ හමුවට එන බෙනට්ගේ පුතා

IMAGE 2018 Feb 25 14:21
අද වෙද්දී උදාර රත්නායක කියන්නේ නළුවෙක්ද? එහෙමත් නැතිනම් දේශපාලනඥයෙක්ද? නළුකම මගේ වෘත්තිය...
Views - 636

මගෙන් නම් සල්ලි ඉල්ලුවේ නෑ ඒත් මේ වගේ කතාවක් නම් කිව්වා

IMAGE 2018 Feb 25 14:08
මේ වෙද්දී ඉන්දිකාගේ කලා දිවිය දශක දෙකකටත් එහා ගිය එකක් නේද? ඔව්. මම මුලින්ම ක්‍ෂේත්‍රයට එකතු...
Views - 1160

රනිල් සල් සපු නා හැර ගියේ ඇයි?

IMAGE 2018 Feb 25 13:52
“සල් සපු නා” ටෙලි නාට්‍යයේ දැන් රනිල්ව දකින්නට ලැබෙන්නේ නැහැ. ඇයි ඒ ? මම තාවකාලිකව ‘සල්...
Views - 1018

තාත්තගේ අකමැත්තෙන් රඟපාන්න ආපු උපාසක අම්මා

IMAGE 2018 Feb 25 12:18
කොහොමද ඔබට අංජනා එහෙමත් නැත්නම් උපාසක අක්කා වෙන්න අවස්ථාව ලැබුණේ? මාව උපාසක අම්මා කළේ...
Views - 786

බසයේදී දුන් බොරු විවාහ පොරොන්දුවෙන් පවුල්ජීවිතේ 'හබක්'

IMAGE 2018 Feb 23 12:25
ඔහු අගනුවර ප්‍රසිද්ධ සමාගමක විධායක නිලධාරියෙකි. වයස අවුරුදු 40 ඉක්මවූ ඔහුට රූමත් බිරිඳක් සහ...
Views - 5445

අහිමි පෙම ඉල්ලා පෙම්වතියට ප්‍රසිද්ධියේ ගුටි ඇනලා

IMAGE 2018 Feb 23 10:42
පැරණි පෙම්වතියගෙන් අහිමි වූ ආදරය නැවත ඉල්ලා එය නොලැබුණු විට නාරාහේන්පිට ප්‍රදේශයේදී ඇයට...
Views - 3599

Please publish modules in offcanvas position.