Coss Ear2
lakbima.lk
COSS Ear 1

නව සංකල්පවලට නව සමාජයකට  නව සටනකට යා යුතු බව අමාත්‍ය ආචාර්ය සරත් අමුණුගම මහතා විජය කුමාරතුංගයන්ගේ 30 වන ගුණානුස්මරණ උත්සවයේ අනුස්මරණ දේශනය අමතමින් පැවැසීය. මෙම උත්සවය පසුගිය පෙබරවාරි 15 වන දින බණ්ඩාරනායක සම්මන්ත්‍රණ ශාලාවේදී පැවැත් වූයේ හිටපු ජනාධිපති චන්ද්‍රිකා බණ්ඩාරනායක  මහත්මියගේ ප්‍රධානත්වයෙනි. මෙය සංවිධානය කළේ පූජ්‍ය මාදම්පාගම අස්සජි නායක හිමියන් සහ මහජන සහෘද  සංසදය මගිනි. මෙයට ගිහි පැවිදි විශාල පිරිසක් සහභාගි වූහ.

වසර 30කට පෙර මේ රටේ අවිවාදයෙන්ම වඩාත්ම ජනප්‍රිය  දේශපාලනඥයා වූ විජය කුමාරතුංග වන අපේ මිත්‍රයා ගැන වචන ස්වල්පයක්  කතා කිරීමට ලැබිම මම භාග්‍යයක් ලෙස සලකමි. මේ සභාවේ ඉන්න සියලු දෙනා දෙස බලන විට අද ඉන්නේ එතුමාගේ මිත්‍රයන් හා එතුමාට ආදරය කළ අයයි. ඇත්ත වශයෙන්ම එතුමාගේ ඒ ඝාතනය මම දකින්නේ විකාර රුපයක් ලෙසයි. මොකද මේ ඝාතනය කළ අය වර්ෂ කීපයකට පසු එතුමා ඉදිරිපත් කළ ඒ සංකල්පය පිළි ගන්නා ලදී. එබැවින් ඝාතනයට මුල් වූ කරුණ පසුව පිළි ගන්නා ලදී. ඒ කා‍ලේ තිබුණු 13 න් වන සංශෝධනයට එරෙහිව විශාල ගැටුම් මත භේද ඇති විය. විජය ඝාතනය කෙරුණු 13 වන සංහෝධනය පිළිගැනීමේ 'වරදට'ය නමුත් කල් යාමේදී ඒ නීති රීති පිළි අරගෙන පළාත් සභා පිළිඅරගෙන එසේම  ඒවායේ මන්ත්‍රීවරුන් වී අපිට ඔප්පු කළේ එක්  දාර්ශනිකයෙකු කී පරිදි මේ ලෝකයේ එක්තරා ආකාරයක විකාර රූපයක් තියෙන බවයි. නමුත් ඊට වඩා ගැඹුරු දෙයක් අද අපි කතා කළ යුතුයි.

විජය කුමාරතුංගයන් ඝාතනය කළේ යම් අදහසක්  ඝාතනය කිරීමට අවශ්‍ය නිසාය. අතිශය ජනප්‍රිය චිත්‍රපට නළුවකු වූත් ජනප්‍රිය චරිතයකුත් වූ  ඉතා සුහඳ කෙනෙකුත් වූත් එතුමා ශාරීරිකව ඝාතනය කිරීමෙන් පමණක් ඒ ඝාතකයන් සතුටු වූවා යැයි මම නොසිතමි. ඔවුන් බලා‍පොරොත්තු වූයේ අදහසක් නැති කිරීමකි. ඒ අදහස කුමක්ද? ඉතාම අඳුරු මොහොතක මේ රටේ එකිනෙකාට වෙඩි තබා ගන්නා මරා ගන්නා, කපා කොටා ගන්නා සමයක විජය කුමාරතුංග ප්‍රදීපයක් ලෙස එළියක් ලෙස නැගී සිට ප්‍රකාශ කළේ මේ රටේ ඉපදෙන සියලු දෙනාම ජාති ආගම්, කුල භේද නැතුව  සමගි සම්පන්නව ජීවත් විය යුතු බවයි. එබඳු සමගි සම්පන්න රටක් අපේ කැප වීමෙන් නිර්මාණ කිරීමට හැකි බව එතුමා ප්‍රකාශ කරන ලදී. එපමණක් නොව ජාති ආගම් කුල භේද නැති රටක් සියල්ලන්ගේම හැකියාවන් උපන් හපන්කම් මල්ඵල ගත හැකි රටක් ගොඩ නැගීමට අපේ ජීවිතය දුන්නත් ඒක ලොකු වැඩක් ලොකු පරිත්‍යාගයක් නොවෙයි යන පණිවුඩය හෙතෙම ලෝකයට දුන්නේය.

රටකට වටිනා කමක් තිබෙන්නේ එවැනි සුන්දර  ශිෂට හොඳ අදහසක් වෙනුවෙන් ජීවිතය පූජා කළ හැකි මිනිසුන් එවැනි  මිනිසුන් ජීවත්වන රටකට පමණක් අනාගතයක් ඇත්තේ යනුවෙන් එක්තරා විශ්වාසයක් තිබේ. බොහෝ විද්වත්හු මේ බව ප්‍රකාශ කරති. එබඳු කැපවීමක් කළ නොහැකි නම් එබඳු අඳුරු කාලයක උඩුගම් බලා පීනිය නොහැකි නම් රැල්ලට විරුද්ධව පීනිය නොහැකි නම් එවැනි වෙලාවක යම් යම් දුෂ්කරතාවයන්ට මුහුණ දීමට සිදුවේ.
මේ ගැන මම ටිකක් කල්පනා කළේ දේශපාලන හා දාර්ශනික වශයෙනි. මාක්ස්වාදය අනුව බලන විට මැද පන්තියක් යැයි සිංහලෙන් කිව හැකිය. නිදහසට පසු ලංකාවේ කොටස් දෙකක් තිබුණි. එකක් නම් කොම්ප්‍රදෝරු පන්තියයි. ඒ අය ඒ අධිරාජ්‍ය ව්‍යුහය තුළ නොයෙක්  ආකාරයේ වාසි ලබමින්  රෙන්ටික් වලින් කොමිස් හා නොයෙක් ආකාරයේ ප්‍රතිලාභ ලබමින් එම බැඳිම රැකගෙන තිබුණි. 1556දී බණ්ඩාරනායක මැතිතුමා ඒ බැඳීමෙන් වියුක්ත විකල්ප වශයෙන් දේශීය මැද පන්තියක් නිර්මාණය කර ඒ අයට ඉදිරියට යෑමට අවකාශය සලස්වන ලද්දේය.  එවිට ඒ සාම්ප්‍රදායක ගැටුම් ඒ බටහිර ගැති කොම්ප්‍රදෝරු අදහස් කියන අය සහ දේශීය මැද පන්තිය අතර තිබුණි. එසේම මෙම දේශීය මැද පන්තිය  තුළද කොටස් දෙකක් ඇත. විශේෂයෙන්ම සාම්ප්‍රදායික රටවල්වල  සිටින පසුගාමී කොටස් වර්තමානයේ මේ සියලු දේ කිරීමට  හැකිද කිය ඔවුහු කල්පනා කරති. නමුත් හොඳ දෙයක් යැයි මම කල්පනා නොකරමි. මන්දයත් රටට ඉදිරියට යා නොහැකි නොයෙක් ආකාරයේ ගැටුම් අතීතයේ තිබුණු ඓතිහාසික ප්‍රශ්න නැවතත් වර්තමානයේ ඇති කිරීමට මාන බලන බැවින්  එහෙත් ඒ සමගම තව කොටසක් වන ප්‍රගතිශීලී ජාතික මැද පන්තියක සිටි ඒ  ප්‍රගතිශීලී ජාතික මැද පන්තිය ඉදිරියට යන්නේ කෙසේද? ඒ අයට සමාජයේ ප්‍රධාන තැනක් දෙන්නේ කෙසේද? එතරනදී නැවත වරක් අපිට  මාක්ස්වාදයට යන්නට සිදුවේ. එහි වාද විවාද තිබුණි. මාක්ස් පැවැසුවේ මූලික වශයෙන් ආර්ථික හේතූන් මත එහි යටිතලය මත මතු මහලක් ඇතිවන බවයි. කලාව, නාට්‍ය සහ ඒ සියල්ලටම වඩා ආගම යන ඒ මතු කාලය උසස් තලයක තිබේ. නමුත් පසුව ආපු මාක්ස්වාදී  දාර්ශනිකයන් විශේෂයෙන්ම ග්‍රෑන්සි වැනි අය පැවැසුවේ මේ මතු  මහලත් ආර්ථික සාධනයත්  සමානවම අවශ්‍ය බවයි. එයද රටේ හැඟීම්වලට හැසිරීම්වලට ආර්ථික ක්‍රියාවලියට එකසේ බලපායි.

සියලු දෙනාම නව සංකල්ප වලට අලුත් සමාජයකට අලුත් සටනකට යා යුතුයි. එසේ නැතුව මේ රට නැවත වරක් එවැනි ජාතිවාදී යුද්ධයකට එක් කොටසක් තව කොටසක් සමග ගැටුම්වලට ගියහොත් විශාල විනාශයක් සිදුවේ.  එක අතකින් මෙබඳුදෑ නූතන ලෝකයේ කිරීමටත් අපහසුයි. අවුරුදු 30ට පෙර රටට  පෙර තිබුණු සමාජය අද නොතිබේ. එකල තිබූ ආකාරයේ නළු නිළියන්ට සම්පූර්ණ අධිකාරි බලයක් අද නැත. එම අවධියේ රූපවාහිනිය තිබුණේ නැත. වෙනත් දේවල් තිබුණේද නැත. එසේම එකල අයිකොනික් එසේත් නැත්නම්  සත්භාවය ඇති නළු නිළියන් කියන දේ සියල්ල සියලු දෙනා පිළිගත්හ. අද ඒ අයිකොනික් චරිත සිනමාවේ හෝ ටෙලි නාට්‍යවල අතැයි මම නොසිතමි. ඒ අවුරුදු  30ට පෙර තිබුණු ඒ දැවැන්ත චරිත දැන් නැති බව අපි කල්පනා කරමු. ඒ ආකාරයේ වෙනස්වීම්  තුළින්  අපිට බොහෝ දේවල් අනාගතයේ ඉගෙන ගත හැකිය.

පෙරඅපර දෙදිග තුළ බුදුදහම ප්‍රචලිත කිරීමට සුවිශේෂ මෙහෙවරක් කළ ලන්ඩන්බෞද්ධ විහාරාධිපතිව වැඩ සිටි මහා බ්‍රිතාන්‍ය ප්‍රධාන සංඝනායක මහාචාර්යහම්මලව ශ්‍රී සද්ධාතිස්ස නාහිමිගේ 28වන ගුණසැමරුම ලන්ඩනයේ කිංස්බරිහිසද්ධාතිස්ස ජාත්‍යන්තර බෞද්ධ මධ්‍යස්ථානයේදී පැවැත්විණ.
මෑත යුගයේපෙරඅපර දෙදිග එකසේ බුදු දහම ව්‍යාප්තියට මෙන්ම ශාස්ත්‍රාලෝකය පැතිරවීමට කළයුතු කළ වියත් පඩිරුවනක වූ හම්මලව ශ්‍රී සද්ධාතිස්ස නාහිමියෝ විදේ‍යා්දයපිරිවෙනේ දීප්තිමත් ආදි ශිෂ්‍යයෙක් යැයි මෙහිදී කෙටි අනුශාසනාවක් කළප්‍රංශයේ ප්‍රධාන අධිකරණ සංඝනායක මුරුංගාගස්යායේ ඤාණිස්සර නාහිමියෝපැවැසූහ.
සමය සමයාන්තර දර්ශන පිළිබඳ පුළුල් අවබෝධයක් තිබූ සද්ධාතිස්සනාහිමිට විවිධ බෞද්ධ සම්ප්‍රදායන් තුළ ඉහළ පිළිගැනීමක් තිබූ බවද උන්වහන්සේපැවැසූහ.

ආචාර්ය අකුරැටියේ නන්ද නාහිමියෝ සහ සෝමාවති රජමහ විහාරාධිපති මල්වතු පාර්ශ්වයේනියෝජ්‍ය ‍ලේඛකාධිකාරි, ආචාර්ය පහමුණේ ශ්‍රී සුමංගල නාහිමි,ද මෙහිදී අනුශාසනා කළ අතර ශ්‍රීසද්ධාතිස්ස ජාත්‍යන්තර බෞද්ධ මධ්‍යස්ථානාධිපති අග්ගමහා පණ්ඩිත ගලයායේපියදස්සි නාහිමිගේ උපදෙස් පරිදි පින්කම පැවැත්විණ. උඩුවේ ධම්මාලෝක හිමියෝබෝධි පූජාව පැවැත්වූහ.

කිරුළපන ඇලන්මැතිනියාරාමාධිපති උඩුවේ ධම්මාලෝකහිමි, රෝහල් සේවා මණ්ඩලයේ අධ්‍යක්ෂ රජවැල්‍ලේ සුභූති හිමි, ගාල්ල කච්චිවත්තපුරාණ විහාරාධිපති උළුවිටිකේ බෝධිසීහ හිමි, අස්ගිරි මහ විහාරවාසීගොඩමුන්නේ පියනන්ද හිමි, ලන්ඩන් බෞද්ධ විහාරයේ කෝන්වැවේ අරියරත්න කලුගමුවේකස්සප යන හිමිවරු බර්මිංහැම් විහාරාධිපති ආචාර්ය විතාරන්දෙණියේ කස්සප හිමි, එමවිහාරවාසී අපරැක්කේ ධම්මානන්ද බඹරවානේ උපාලි යන හිමිවරු, බාර්කිං බෞද්ධවිහාරාධිපති ආචාර්ය කබල්ලෑවේ සිරිසුමන නාහිමි, එක්සත් රාජධානියේ ප්‍රධානසංඝනායක කැප්පෙටියාගොඩ ගුණවංශ නාහිමි, බර්මිංහැම් ජේතවන විහාරවාසී මාපලගමසෝරත හිමි, ලන්ඩන් ලුම්බිණි විහාරාධිපති මාතුරේ මංගල හිමි, ලෙච්වර්ත්ධම්මනිකේතන විහාරාධිපති අකුරල සමිත හිමි, කේමිබ්‍රිජ් විහාරාධිපති මතුගමපාලිත හිමි, අප්වන්පාර්ක් සම්බෝධි විහාරවාසී මඩුගල්‍ලේ මහානාහිමි, හිත්රෝඅතුල දස්සන විහාරාධිපති වදුරඹ කස්සප හිමි, ග්‍රින්නාර්ඩ් ලුම්බිණි බෞද්ධවිහාරවාසී නේපාලයේ ඉන්ද්‍රසත් හිමි. ආචාර්ය භාන්ඩුපැල්ගල මහින්ද නාහිමි,නේපාලයේ සුමනහිමි,නේපාලයේ තිස්සහිමි,ගලයායේ ධම්මදස්සිහිමි  මෙම පින්කමට සහභාගිවූහ.

පසුගිය  පෙබරවාරි 10 වන දින පැවැති පළාත් පාලන මැතිවරණය හෙවත් පුංචි ඡන්දයේ ප්‍රතිඵල නිකුත් කිරීමත් සමග ලාංකේය දේශපාලනය අතිශය උණුසුම්ව ඇති අතර, ඒ පිළිබඳව  සමාජීය කතිකාවද උච්චස්ථානයට පත්ව ඇත. මේ පිළිබඳව විවිධ අදහස් හා මතවාද ඉදිරිපත්ව ඇත. සබුද්ධික කතිකාවක් මෙන්ම දේශපාලන ඕපාදූප හා මාතෘකා මත පදනම්ව ගොඩනැගුණු සංවාදද වේ. මෙම නව දේශපාලන තත්ත්වය හා ඊට අනුශාංගිකව වර්ධනය වන අවශේෂ තත්ත්වයන්ට අදාළව ඇති ආණ්ඩුක්‍රම ව්‍යවස්ථාමය නෛතික තත්ත්වයන් හා විධිවිධාන අධ්‍යයනය කර බැලීම මෙහි අරමුණයි.
වර්තමාන පාර්ලිමේන්තුව විසුරුවා හැරීමට ජනාධිපති මෛත්‍රීපාල සිරිසේන  මහතාට මේ අවස්ථාවේදී හැකියාවක් තිබේද?
පාර්ලිමේන්තුව සම්බන්ධයෙන් ජනාධිපතිවරයාට යම් යම් බලතල තිබේ. ජනාධිපතිවරයා පාර්ලිමේන්තුවේ සාමාජිකයෙකු නොවේ. පාර්ලිමේන්තු මන්ත්‍රීවරයන් තෝරා ගනු ලබන්නේ පාර්ලිමේන්තු මැතිවරණයකින් වන අතර ජනාධිපතිවරයා තෝරා පත් කර ගැනෙන්නේ වෙනමම පැවැත්වෙන ජනාධිපතිවරණයෙනි.
ජනාධිපතිවරයාට පාර්ලිමේන්තුවට පැමිණ අසුන් ගැනීමටත්, පාර්ලිමේන්තුව ආමන්ත්‍රණය කිරීමටත් හැකියාව තිබේ. නමුත් පාර්ලිමේන්තුව තුළ පැවැත්වෙන ඡන්ද විමසීමකදී ඡන්දය භාවිතා කිරීමේ ශක්‍යතාව ජනාධිපතිවරයාට නොමැත.
ආණ්ඩුක්‍රම ව්‍යවස්ථාව යටතේද මහජන ආරක්ෂාව සම්බන්ධයෙන් බලපවත්නා නීතිය ඇතුළු වෙනත් යම් ලිඛිත නීතියක් යටතේ ස්වකීය බලතල  කාර්යය හා කර්තව්‍යය යථා පරිදි ක්‍රියාත්මක කිරීම හා යහ පරිදි ඉටු කිරීම පිළිබඳව ජනාධිපතිවරයා පාර්ලිමේන්තුවට වගකිව යුතුය. තවද ජනාධිපතිවරයා යම් අමාත්‍ය ධුරයක් හෝ අමාත්‍ය ධුරයන් දරන්නේ නම් අදාළ ඇමැතිවරයා ලෙසද පාර්ලිමේන්තුවට වගකීමට හා උත්තරදීමට බැඳීසිටී. පාර්ලිමේන්තුව විසිර යාම ජනාධිපතිවරයාගේ පැවැත්මට කිසිදු බාධාවක් නොවේ. මීට අමතරව පාර්ලිමේන්තුවේ එක් එක් සැසි වාරය ආරම්භ කිරීමේදී පාර්ලිමේන්තුව තුළ ආණ්ඩුවේ ප්‍රතිපත්ති ප්‍රකාශය ඉදිරිපත් කිරීමේ බලයද ජනාධිපතිවරයා සතුවේ. තවද පාර්ලිමේන්තුවේ මංගල රැස්වීමේ මූලාසනය දැරීමේ බලයද ජනාධිපතිවරයාට තිබේ. ඒවාගේම කලින් කල පාර්ලිමේන්තුව ප්‍රකාශනයක් මගින් කැඳවීමේ බලය හා වාර අවසාන කිරීමේ බලය ජනාධිපතිවරයාට තිබේ. ගැටලුව වනුයේ ජනාධිපතිවරයාට පාර්ලිමේන්තුව විසුරුවා හැරිය හැකිද යන්නය.
මේ පිළිබඳව කරුණු විමසීමේදී 19 වන ආණ්ඩුක්‍රම ව්‍යවස්ථා සංශෝධනය මගින් සංශෝධනය වූ ආණ්ඩුක්‍රම ව්‍යවස්ථාවේ 70 වන ව්‍යවස්ථාවේ (01) වන අනු ව්‍යවස්ථාව වැදගත්වේ. ඒ අනුව ජනාධිපතිවරයාට ප්‍රකාශයක් මගින් පාර්ලිමේන්තුව විසුරුවා හැරිය හැක. නමුත් යම් පාර්ලිමේන්තුවක ප්‍රථම රැස්වීම පැවැත්වූ දින සිට අවුරුදු 04ක් මාස 06ක් යනතුරු ප්‍රකාශයක් මගින් පාර්ලිමේන්තුව විසුරුවා හැරීමට ජනාධිපතිවරයාට හැකියාව නොමැත. වර්තමාන පාර්ලිමේන්තුව සඳහා මන්ත්‍රීන් තෝරා පත්කර ගැනීම සඳහා මහ මැතිවරණයක් පවත්වන ලද්දේ වර්ෂ 2015 ක් වූ අගෝස්තු 17 වන දිනය. එම දිනයට ආසන්න දිනයකදී  එම පාර්ලිමේන්තුවේ ප්‍රථම රැස්වීම පැවැත්වීය.
එම දිනයේ සිට අවුරුදු 4කුත් මාස 06 යනතුරු පාර්ලිමේන්තුව විසුරුවා හැරීමට ජනාධිපතිවරයාට නොහැක.
නමුත් පාර්ලිමේන්තුවේ නොපැමිණි මන්ත්‍රීවරුන්ද ඇතුළුව මුළු මන්ත්‍රීවරුන්ගෙන්  43කට අඩු නොවන පිරිසක් විසින් පාර්ලිමේන්තුව විසුරුවා හරින ලෙස ජනාධිපතිවරයාගෙන් ඉල්ලා සිටීමට යෝජනාවක් සම්මත කළහොත් ජනාධිපතිවරයා විසින් ඕනෑම මොහොතක අනිවාර්යයෙන්ම පාර්ලිමේන්තුව විසුරුවා හැරිය යුතුය.   නොපැමිණි  මන්ත්‍රීවරුන්ද ඇතුළුව පාර්ලිමේන්තුවේ මුළු මන්ත්‍රීවරුන් සංඛ්‍යාව යනු 225කි. ඒ අනුව ඉහත කී ආකාරයේ යෝජනාවක් යථා පරිදි සම්මත කර ගැනීමට පාර්ලිමේන්තු මන්ත්‍රීවරුන් 150කගේ සහාය අනිවාර්යයෙන්ම ලබගත යුතුයි.
අග්‍රාමාත්‍යවරයාව ධුරයෙන් පහකිරීමේ බලය ජනාධිපතිවරයාට තිබේද?
අගමැතිවරයාව පත්කළ යුත්තේ ජනාධිපතිවරයා විසිනි. ආණ්ඩුක්‍රම ව්‍යවස්ථාවේ  වන පරිච්ජේදයේ 42 වන ව්‍යවස්ථාවේ (04) වන අනු ව්‍යවස්ථාවට අනුව ජනාධිපතිවරයාගේ මතය අනුව පාර්ලිමේන්තුවේ විශ්වාසය උපරිම වශයෙන් ඇති පාර්ලිමේන්තු මන්ත්‍රීවරයාව ජනාධිපතිවරයා විසින් අගමැතිවරයා ලෙස පත් කරනු ලැබිය යුත්තේය. මෙහිදී ජනාධිපතිවරයාට පුළුල් අභිමතයක් හිමිවන අතර අගමැතිවරයාව  පත් කිරීමේදී කිසිදු වෙනත් පාර්ශ්වයක් විමසීමට හෝ වෙනත් පාර්ශ්වයකින් නිර්දේශ ලබා ගැනීමට හෝ අවශ්‍යතාවක් ජනාධිපතිවරයාට නැත.
ගැටලුව වී ඇත්තේ ජනාධිපතිවරයාට අගමැතිවරයාව ධුරයෙන් පහකළ හැකිද යන්නයි. මේ පිළිබඳව වර්තමාන ජනාධිපතිවරයා විසින් නීතිපතිවරයාගේ මතය
විමසීමටද සූදානමින් සිටි බවට පසුගියදා මාධ්‍ය වාර්තා පළවිය. දැනට ක්‍රියාත්මක 19 වන ආණ්ඩුක්‍රම ව්‍යවස්ථා සංශෝධනයට පෙර පැවැති තත්ත්වය වූයේ ජනාධිපතිවරයාගේ අත්සන සහිත ලිපියකින් අගමැතිවරයාව ඉවත් කළ හැකිවීමයි. කට වචනයෙන් කියනවානම් ජනාධිපතිවරයාගේ එක පෑන් පහරින් අගමැතිවරයාව ඉවත් කළ හැකිවීමයි. ජනාධිපතිවරයා සතු වූ එම බලය 19 වන ආණ්ඩුක්‍රම ව්‍යවස්ථා සංශෝධනය බලාත්මකවීමක් සමග ජනාධිපතිවරයාට අහිමි වී තිබේ.
අගමැතිවරයාට තම අත්සන යටතේ ජනාධිපතිවරයා වෙත යවන ලිපියක් මගින් අග්‍රාමාත්‍ය ධුරයෙන් ඉවත් විය හැකිය.  යම් හෙයකින් යම් හේතුවක් නිසා අග්‍රාමාත්‍යවරයාගේ පාර්ලිමේන්තු මන්ත්‍රී ධුරය  අග්‍රාමාත්‍යවරයාට අහිමි වුවහොත් එම හේතුව නිසාම ඔහුට අග්‍රාමාත්‍ය ධුරයද අහිමිවේ. ඉහත කී තත්ත්වයන් සිදු නොවුණහොත් අමාත්‍ය මණ්ඩලය පවතින තාක්කල් අග්‍රාමාත්‍යවරයාට තම ධුරයේ බලතල ක්‍රියාත්මක කිරීමට හා කර්තව්‍යය ඉටු කිරීමට බලය හැකියාව තිබේ.
ඒ කෙසේ වන්නේ වූ නමුත් යම් හෙයකින් අමාත්‍ය මණ්ඩලය විසිරීමට ලක්වුවහොත් අග්‍රාමාත්‍ය ධුරය හිස්වන අතර එවිට ජනාධිපතිවරයා විසින් නව අගමැතිවරයෙකු පත්කළ යුතුයි. නමුත් අමාත්‍ය මණ්ඩලය විසුරුවා හැරීමේ බලය ජනාධිපතිවරයාට නොමැත. අමාත්‍ය මණ්ඩලය විසිරී යන්නේ කවර අවස්ථාවලදී දැයි ආණ්ඩුක්‍රම ව්‍යවස්ථාවේ 48 වන ව්‍යවස්ථාවේ පැහැදිලිව දක්වා  ඇත.
පාර්ලිමේන්තුව විසින් ආණ්ඩුවේ ප්‍රතිපත්ති ප්‍රකාශය ප්‍රතික්ෂේප කළහොත් (පරාජය කළහොත්) අමාත්‍ය මණ්ඩලය (කැබිනට් මණ්ඩලය) විසිරේ. තවද පාර්ලිමේන්තුව විසින් වාර්ෂික විසර්ජන පනත් කෙටුම්පත හෙවත් අයවැය ‍ලේඛනය ප්‍රතික්ෂේප කළහොත් අමාත්‍ය මණ්ඩලය විසිරේ. ආණ්ඩුව කෙරෙහි විශ්වාස භංග යෝජනාවක් පාර්ලිමේන්තුව විසින් යථා පරිදි සම්මත කළහොත් අමාත්‍ය මණ්ඩලය විසිර යයි. ඊට අමතරව ධුරයෙන් ඉවත් කරනු ලැබිමෙන් හෝ ඉල්ලා අස්වීමෙන් හෝ වෙනත් ආකාරයකින් අගමැති ධුරය හිස් වූ විටද අමාත්‍ය මණ්ඩලය විසිරේ. මෙහි අගමැතිවරයා ධුරයෙන් ඉවත් කිරීමක් ගැන සඳහන් වුවද අගමැතිවරයාව ධුරයෙන් ඉවත් කිරීම පිළිබඳව හෝ එසේ කළ හැක්කේ කා හටද යන වගට හෝ කිසිදු ප්‍රතිපාදනයක් 19 වන ආණ්ඩුක්‍රම  ව්‍යවස්ථා සංශෝධනයෙන් සංශෝධනය හා යාවත්කාලීන වූ වර්තමාන ආණ්ඩුක්‍රම ව්‍යවස්ථාවේ නොමැත. 19 වන ආණ්ඩුක්‍රම ව්‍යවස්ථා  සංශෝධනය හරහා පාර්ලිමේන්තුව විසුරුවා හැරීම හා අගමැතිවරයාව ධුරයෙන් ඉවත්කිරීම සම්බන්ධයෙන්  ජනාධිපතිවරයාට තිබූ අභිමතානුකාරී බලය ඉතා පුළුල් ලෙස සීමා කර ඇත. මෙම තත්ත්වය ඉතා වැදගත් ප්‍රජාතාන්ත්‍රික හා ප්‍රගතිශීලී තත්ත්වයක් ලෙස සමහරුන් නිර්වචනය කළද ඇතැම්හු පවසන්නේ මෙය ජනාධිපතිවරයාගේ තටු කපා දැමීමක් ලෙසය. ජනාධිපතිවරයා සතු වූ පුළුල් බලයක් මේ ආකාරයට සීමා කිරීම ජාතික ආරක්ෂාවට, රටේ ඒකීයභාවයට, ජාතික දේශපාලනයේ ස්ථාවරභාවයට හානිකර ලෙස බලපාන බව ඇතැම්හු පවසති. මේ සම්බන්ධයෙන් සමාජය තුළ මිශ්‍ර කතිකාවක් පවතින බව පෙනේ.

නීතිඥ බුද්ධික වංශරත්න

පළාත් පාලන ඡන්දයේ ප්‍රතිඵල අසා දැන ගන්නට රට්ටු ඉකුත්  එකොළොස් වැනිදා පාන්දර ජාමයේ රූපවාහිනිය, ගුවන් විදුලිය, වටා එක් රොක් වූවෝය. ඡන්ද ප්‍රතිඵලය කියවද්දී දේශපාලනය ගැන උනන්දුවක් දක්වන අයට අසන්නට ලැබුණේ විස්මය දනවන පුවතකි. ඒ ශ්‍රී ලංකා නිදහස් පක්ෂය අත්තනගල්ලෙන් පරාජයට පත්වී ඇති බවය. ලංකාවේ මැතිවරණ ආසන එකසිය හැටෙන් ශ්‍රීලනිපය එකසිය පනස් නවයක්ම පැරදුනත් එය පිළිගත හැකි කතාවකි. එනමුත් අත්තනගල්ලෙන් ශ්‍රීලනිප පරාජය වීම විස්මය දනවන පුවතක් වීමට විශේෂ හේතුවක් ඇත්තේය. ඒ හේතුව ලියන්නට පෙර අත්තනගල්ල ආසනය ගැන දැන ගැනීම වටී. 
ලංකාවට මුලින්ම සර්ව ජන ඡන්ද බලය ලැබුණේ එක්දහස් නවසිය තිස් එකේදීය. ඒ වසරේ රාජ්‍ය මන්ත්‍රණ සභා මැතිවරණය පැවැත්වෙන විට ලංකා මැතිවරණ සිතියමේ අත්තනගල්ල යනුවෙන් ආසනයක් තිබුණේ නැත. තිබුණේ වේයන්ගොඩ ආසනයයි. එක්දහස් නවසිය තිස් එකේ මුල්ම ඡන්දයෙන් වේයන්ගොඩට පත් වූයේ අත්තනගල්‍ලේ හොරගොල්ල වලව්වේ එස්.ඩබ්ලිව්. ආර්.ඩී. බණ්ඩාරනායක තරුණ මන්ත්‍රීවරයාය. තිස් හයේ රාජ්‍ය මන්ත්‍රණ සභා ඡන්දයේදීත් හෙතෙම යළිදු වරක් නිතරගයෙන් වේයන්ගොඩ මන්ත්‍රීවරයා ලෙස පත් විය. 
එක්දහස් නවසිය හතළිස් හතේදී වේයන්ගොඩ ආසනය අත්තනගල්ල යනුවෙන් වෙනස් විය. අත්තනගල්ල යනුවෙන් ගමක් තිබුණත් අත්තනගල්ලට ටවුමක්  නැත්තේය. එදත් තිබුණේ නැත. අදත් නැත. ඇත්තේ පුංචි හන්දියකි. ඒත් සිරිසඟබෝ රජු හිස දන් දුන් තැන යැයි කියන අත්්තනගල්ල රජමහා විහාරය නම් රට මතු නොව ලොවම ප්‍රකටය. අත්තනගල්ලට කිට්ටුම ටවුම නිට්ටඹුවය. අත්තනගල්‍ලේ හොරගොල්ල වලව්ව යනුවෙන් කීවට හොරගොල්ල ද ඇත්තේ කිලෝමීටර් හය හතක දුරකිනි. හොරගොල්ල වලව්වට කිට්ටුම තැන නිට්ටඹුව ටවුමය. ටවුමේ සිට වලව්වට ඇත්තේ බස් හෝල්ට් දෙකක දුරකි. 
හතළිස් හතේ මුල්ම පාර්ලිමේන්තු මැතිවරණයෙන් අත්තනගල්ල එස්.ඩබ්ලිව්. ආර්.ඩී. බණ්ඩාරනායක ජය ගත්තේ මැතිවරණ වාර්තාවක්ද තබමිනි. ඒ සිය ප්‍රතිවාදියා වූ ලංකා සම සමාජ පක්ෂයේ චන්ද්‍රා ගුණසේකර වැඩි ඡන්ද විසි හය දහස් අටසිය පනස් හතරකින් පරදවමිනි. එම ඡන්දයේ දී ප්‍රතිවාදියා අතරේ වැඩිම ඡන්ද පරතරය තැබුවේ ඔහුය. එජාපයෙන් තරග කළ බණ්ඩාරනායක ශ්‍රීලනිපය පිහිටූ පසුවද අත්තනගල්‍ලේ ඔහුට තරගයක් දෙන්නට කිසිවෙකු නොවීය. මැරෙනතුරා ඔහු අත්තනගල්‍ලේ ශ්‍රීලනිප මන්ත්‍රීය. කොටින්ම කියනවා නම් අත්තනගල්ල ශ්‍රීලනිපයේ නමට සින්නක්කරයටම ලියාදුන් ඔප්පුවක් වැනිය. බණ්ඩාරනායක ඝාතනයෙන් පසුවද අත්තනගල්ල ශ්‍රීලනිපයෙන් පිටට ගියේ නැත. අත්තනගල්‍ලේ මන්ත්‍රී ලෙස ඊළඟට පත් වූයේ බණ්ඩාරනායක පවු‍ලේ කිට්ටු නෑයෙකු වන ජේ.පී. ඔබේසේකරය. එක්දහස් නවසිය හැටපහ දක්වාම ඔහු අත්තනගල්‍ලේ මන්ත්‍රීය. ඔහු හැට පහේදි තරග නොකළේ සිරිමාවෝ බණ්ඩාරනායකට අත්තනගල්ල දෙන්නටය. 
ශ්‍රීලනිපයේ නායකත්වය දරන තුරාම ඇයද සිය සැමියා මෙන් අත්තනගල්ල රැක ගන්නට සමත් වූවාය. හැත්තෑ හතේ එජාපයේ ඡන්ද රැල්ලට මුළු රටින්ම ශ්‍රීලනිපය සේදී යද්දී පවා අත්තනගල්ල රැකගැනීමට ඇයට හැකි වූවාය. ජේ.ආර්. ඇගේ ප්‍රජා අයිතිය තහනම් කළද අත්තනගල්ල ශ්‍රීලනිපයෙන් මුදා ගැනීමට ජේ.ආර්.ට නොහැකි විය. මැතිනිය වෙනුවට පත් වූ ශ්‍රීලනිපයේ ලක්ෂ්මන් ජයකොඩි අත්තනගල්ල රැක ගත්තේය. 
ශ්‍රීලනිපය පිහිටු  වූ දා සිට දශක ගණනාවක් එජාපයට ජය ගැනීමට නොහැකි වූ අත්තනගල්ල මුල්වරට ඔවුන් ජය ගත්තේ දෙදහස් දෙකේ පුංචි ඡන්දයේදීය. ඊට නායකත්වය දුන්නේ එකල අත්තනගල්ල එජාප සංවිධායක වූ සරත්චන්ද්‍ර රාජකරුණාය. ඉතිහාසයේ මුල් වරට එම ඡන්දයේදි අත්තනගල්‍ලේ නිල් කොඩිය බිමට වැටුණි. කොළ කොඩිය එසවුණි. එහෙත් දෙදහස් හතරේ සිට ගිය සතිය දක්වාම යළිත් වරක් අත්තනගල්ල රැක ගැනීමට ශ්‍රීලනිපය සමත් විය. 
කෙසේ නමුදු ගිය සතියේදී යළිදු වරක් අත්තනගල්ල බණ්ඩාරනායකවරුන්ගේ නිල් බලකොටුව බිඳ වැටුණි. 
පුංචි ඡන්දයෙන් ජය ගත්තේ ‍පොහොට්ටුවය. මෙවර ඡන්දයේදී අත්තනගල්ල මන්ත්‍රී කොට්ඨාස විසිහතකට බෙදා තිබුණි. ඒ එළුවාපිටිය, වේයන්ගොඩ, උදම්මිට, තල්ගස්මොටේ, නිට්ටඹුව, පරණ වේයන්ගොඩ, දඩගමුව, මග‍ලේගොඩ, බෙම්මුල්ල, රනිස්්වල, කටුවස්ගොඩ, කත්තොට, රන්‍පොකුණගම, එල්ලක්කල, අත්තනගල්ල, පල්කුඹුර, අලවල, ඌරා‍පොළ, මාතලාන, ඕගොඩ‍පොළ, බෝනෑගල, කොස්කඳවල, පරණගම, බෝපාගම, යනුවෙනි. එම සියලු කොට්ඨාස ජයගෙන තිබුණේ ‍පොහොට්ටුවය. ශ්‍රීලනිපයේ අපේක්ෂකයෝ  සියල්ලෝම පරාජයට පත්වූහ. කොටින්ම කියනවා නම් බණ්ඩාරනායකවරුන්ගේ වලව්ව පිහිටි හොරගොල්ල ගමේ ඡන්ද මධ්‍යස්ථානය වූ නම්බාදළුව පන්ස‍ලේ ඡන්ද පෙට්ටියෙ ශ්‍රීලනිපයට වැටී තිබුණේ ඡන්ද හැට ගණනකි. චන්ද්‍රිකා බණ්ඩාරනායක හිටපු ජනපතිනියත් සිය ඡන්දය දැම්මේ එම පෙට්ටියටය. අත ලකුණට ඡන්ද හැට ගණනක් ලැබෙන විට එම පෙට්ටියේ ‍පොහොට්ටුවට ඡන්ද එක්දහස් ගණනක් ලැබි තිබුණි.
මෙවර පුංචි ඡන්දයේදී අත්තනගල්ල ආසනය වෙනුවෙන් වලංගු වූ ඡන්ද එක්ලක්ෂ අට දහස් අටසිය අටෙන් අතට ලැබි තිබුණේ ඡන්ද විසි හය දහස් නවසිය හතරකි. අත අත්තනගල්‍ලේ සියලුම  තැන්වලින් පරාජය වුවත් මන්ත්‍රීන් හයක් ඔවුන්ට ලැබුණේ සමානුපාතික ලැයිස්තුවට පින් සිදුවන්නටය. 
එහෙත් ‍පොහොට්ටුව ඡන්ද හතළිස් නව දහස් නවසිය හතළිස් නවයක් දිනාගෙන මන්ත්‍රී ධුර විසි හතක් දිනා ගත්තේය. දිනපු පිරිස අතරේ අත්තනගල්ල ප්‍රාදේශීය සභාවේ ශ්‍රීලනිපයේ හිටපු සභාපති ප්‍රියන්ත පුෂ්පකුමාර ද සිටින්නේය. ඔහු මෙවර ඉල්ලුවේ ‍පොහොට්ටුවෙනි. අත්තනගල්ල ආසනයේ දෙවැනි තැන හිමි වූයේ මන්ත්‍රී ධුර දොළහක් ලැබූ එජාපයටය. එසේ බලන විට ශ්‍රීි්‍රලනිපය සිටින්නේ තුන්වැනි තැනේය. එය ශ්‍රීිලනිපය සිය ජන්ම බිමේ ලද දරුණුතම පරාජය වන්නේය. 
පරාජයට පත් වූ ශ්‍රීලනිප අපේක්ෂකයන් අතරේ අශෝක වීරක්කොඩිද සිටී. ඔහු මින් පෙර ශ්‍රීලනිපය නියෝජනය කරමින් අත්තනගල්ල ප්‍රාදේශීය සභාවේ උප සභාපති ධුරයද දැරුවෙකි. ශ්‍රීලනිප අත්තනගල්ලෙන් පැරදුනේ පක්ෂයේ බණ්ඩාරනායකවරුන්ගේ හෝ අපේක්ෂකයන්ගේ ප්‍රශ්නයක් නිසා නොවේ. රටම ‍පොහොට්ටුවට ගියේ රැල්ලට. එයට ආණ්ඩුව වගකිව යුතුයි. ආණ්ඩුව බලයට පත්වුණේ හොරු අල්ලනවා කියලා ජනතාවට සහන දෙනවා කියලා. නමුත් තෙල් මිල අඩු කිරීම හැර ජනතාවට ලැබුණු කිසිදු සහනයක් නෑ. හොරු අල්ලනවා කියලා කළේ බැඳුම්කර වංචාවයි. ආණ්ඩුවේ වැඩවලින් පීඩාවට පත් වූ මිනිස්සුන්ගේ ඡන්ද ගන්න මහින්ද මහත්තයා රැල්ලක් ඇති කළා. මුළු රට හරහා ගිය ඒ රැල්ලට අත්තනගල්ලත් අහු වුණා. 
මේක තනිකරම මහින්ද මහත්තයාගේ නමට දීපු ඡන්දයක් මිසක් ගමේ අපේක්ෂකයන්ගේ හොඳ නරක බලලා දීපු ඡන්දයක් නොවේ.  
උදාහරණයක් විදියට කියනවා නම් ‍පොහොට්ටුවෙන් අත්තනගල්ලට ඉල්ලපු මිනීමැරුම් චෝදනා ඇති අයෙකුත් පත් වෙලා තියෙනවා.  අශෝක වීරක්කොඩි කියන්නේය. 
කෙසේ නමුදු අත්තනගල්‍ලේ ද අන්ත පරාජයත් සමග අත්තනගල්ල ශ්‍රීලනිප සංවිධායිකාව මෙන්ම බණ්ඩාරනායක ‍ලේ උරුමය ඇති චන්ද්‍රිකා බණ්ඩාරනායක හිටපු ජනපතිනිය පැදුරටත් නොකියා ලන්ඩන් නුවර බලා ගිය බව ප්‍රචාරය විය. එනමුත් ඇගේ පාර්ශ්වයෙන් කියැවෙන්නේ එම කතාව අසත්‍යය බවය. ප්‍රතිඵල ප්‍රකාශ වූ පසුව ඇය අත්තනගල්ලට තරග කළ ශ්‍රීලනිප අපේක්ෂකයන් මුණගැසී කරුණු සමාලෝචනය කර ඔවුන්ට රාත්‍රී භෝජන සංග්‍රහයක්ද පවත්වා ඇති බව සඳහන්ය. අශෝක වීරක්කොඩි පවසන්නේ හිටපු ජනපතිනිය කොළඹ ටොරින්ටන් නිල නිවසේ සිටින බවය. එසේම පසුගිය 15 වැනිදා කොළඹදී පැවැති විජයකුමාරතුංග අනුස්මරණ උත්සවය සඳහාද ඇය සහභාගි වූවාය. 
 
මිහිරි ෆොන්සේකා



ග්‍රෑන්ඩ්පාස් කඩාවැටුණු ගොඩනැගිල්ලේ සිද්ධියේදී මරණ පරික්ෂකවරයා ඉදිරියේ අසත්‍ය හා ද්වේශ සහගතව සාක්ෂි දීමෙන් තමන්ගේ කීර්තිනාමයට හානි සිදුව ඇති බවට චෝදනා කරමින් දොස්තර අල් අස්ගර් ෂාබිර් ගුලාන් හුසේන් නමැති අය සාක්ෂිකාරියගෙන් රුපියල් බිලියන 10ක වන්දියක් ඉල්ලා එන්තර වාසියක් යවා තිබේ.


ග්‍රෑන්ඩ්පාස් හි පිහිටි ගොඩනැගිල්ලක් කඩා වැටීමෙන් ඊට යටවූ හත් දෙනකු මියගොස් තිබුණි. මෙසේ මියගිය තහීර් ගුලාම් හුසේන් නමැති අයගේ මරණ පරීක්ෂණයේදී සාක්ෂිදුන් ඔහුගේ ඥාතියකු වන ෆරිඩා සබිර් මහත්මිය එම මරණ සම්බන්ධයෙන් අසත්‍ය, ගොතන ලද බොරු, සාක්ෂි ලෙස ඉදිරිපත් කර ඇති බවද එමගින් තම කීර්තිනාමයට හානි සිදුව ඇති බවද ඒ සඳහා රුපියල් බිලියන 10ක වන්දියක් ගෙවන ලෙස ඉල්ලා එන්තරවාසි යවා ඇත්තේ ඇතුල්කෝට්ටේ වික්‍රමසිංහ පාරේ අංක 980/4 දරන ස්ථානයේ පදිංචි දොස්තර අලි අස්ගර් ෂාබිර් ගුලාන් හුසේන් මහතාය. ඔහුගේ නීතිඥයින් මගින් යවා ඇති එම එන්තරවාසියේ මෙසේද සඳහන් වේ.


ෆරිඩා ෂබිර් මහත්මිය හදිසි මරණ පරීක්ෂණයේදී ලබා දී ඇති අසත්‍ය හා ද්වේශසහගත සාක්ෂියට එදින විද්‍යුත් හා මුද්‍රිත මාධ්‍යවලින් විශාල ප්‍රචාරයක් ලබාදී තිබුණි. එවැනි ගොතන ලද බොරු සාක්ෂියක් ලබාදී ඇත්තේ සාක්ෂිකාරිය හා කඩාවැටුණු ගොඩනැගිල්‍ලේ හිමිකරු අතර පවත්නා නඩු කටයුතුවලදී වාසියක් ලබාගැනීම සඳහාය. සාක්ෂිකාරියගේ සාක්ෂියට මාධ්‍ය මගින් විශාල ප්‍රචාරයක් ලබාදීම නිසා තම සේවාදායකයා කෲර, දෘෂ්ට, අනුකම්පාවිරහිත තැනැත්තෙකු බව හඳුන්වාදීමටත් එසේ හඳුන්වාදීමෙන් ඔහුගේ කීර්තිනාමයට හානි කිරීමටත් අපහාස කිරීමටත් එමගින් උත්සහ දරා ඇති බවද එන්තරවාසියේ සඳහන් වේ.


හදිසි මරණ පරීක්ෂක එම්.ඒ. රූම් මහතා ඉදිරියේ පැවැත්වූ මෙම සාක්ෂි විභාගයේදී ෆරිඩා ෂබිර් මහත්මිය ලබාදී ඇති සාක්ෂිය අසත්‍ය, වැරදි, අයුක්ති සහගත අසාධාරණ සාක්ෂියක් බවද එම අන්තරවාසියේ පෙන්වා දී ඇත.
සාක්ෂිකාරියගේ සාක්ෂිය නිසා තම සේවා දායකයා වෘත්තීමය හා ව්‍යාපාරික ක්ෂේත්‍රයන් හි ලබා ඇති කීර්තියට සිදුකරන ලද හානිය රුපියල් බිලියන 10ක් බවද එම තක්සේරු වන්දි මුදල දින 7ක් ඇතුළත  තම සේවා දායකයා වූ දොස්තර අලි අස්ගර් ෂාබිර් ගුලාම් හුසේන් මහතාට ගෙවන ලෙසද ෆරිඩා ෂබිර් මහත්මියට එමගින් දන්වා ඇත.

-ජයසූරිය උඩුකුඹුර-

අදින් වසර ගණනාවකට පෙර රත්නපුරය දරුණු ගංවතුරකින් සේදී ගියේය. එය සබරගමු වාසීහු හැඳින්වූයේ අම්මා මුත්තා කා‍ලේ නොගැලූ ගංවතුරක් ලෙසය. අදටත් ඔවුහු එම ගංවතුරට හේතුව සුළි කුණාටුවක් නිසා ඇති වූ අධික වර්ෂාව බව විශ්වාස නොකරති. සබරගමු වාසීන් සිතනුයේ එකී වර්ෂාව සමන් දෙවියන් කෝපවීම නිසා ඇති වූවක් බවය. එකී දේව කෝපයට හේතුව සිරිපා හිමයේ සැරූ කුරු ඇතෙකු කුරුඳු බාස් නම් සාහසිකයෙකු විසින් වෙඩි තබා මැරීම බව ඔවුහු විශ්වාස කරති. මෙම කුරු ඇතාගේ දළ යුගලයේ ගජමුතු තිබූ බවත්, එකී ගජමුතු ලබා ගැනීමට මෙම ඝාතනය සිදු වූ බවත් සබරගමුවාසීහු විශ්වාස කරති. නමුත් වනජීවී සහ ෙජෙව විවිධත්වය පිළිබඳ දකුණු ආසියානු කලාපයේ සිටින 
විශිෂ්ටතම ප්‍රාමාණිකයෙකු මෙන්ම ශ්‍රී ලංකා රේගුවේ ෙජෙව විවිධත්ව සංස්කෘතික සහ ජාතික උරුමයන් ආරක්ෂා කිරීමේ ඒකකයේ හිටපු නියෝජ්‍ය අධ්‍යක්ෂ සමන්ත ගුණසේකර පවසනුයේ ලංකාවේ ඇතුන්ගේ දළවල ගජමුතු ඇති වීමට ඇත්තේ .001ක අවස්ථාවක් බවය. මේ ප්‍රතිශතය වූ කලී 0ට ආසන්න බැවින් ලංකාවේ ඇතුන්ගේ දළවල ගජමුතු නැතැයි පැවැසීම වඩාත් ප්‍රායෝගිකය. 
එහෙත් වනජීවී සහ ෙජෙව විවිධත්වය පිළිබඳ කලාපීය ප්‍රාමාණිකයන්ගේ විද්වත් මතය මෙරට ගතානුගතික සමාජය පමණක් නොව නොයෙකුත් මිථ්‍යාවන්ගෙන් සිත රවටාගෙන සිටිනා ප්‍රභූපන්තියද පිළිගන්නේ නැත. ඔවුහු ඕනෑම මිලක් ගෙවා මෙකී සත්ව අවශේෂය මිලට ගැනීමට ඉදිරිපත් වෙති. එනිසා ඊට බිහිව ඇති මිල අති මහත්ය. මෙකී මිල ලබා ගනු වස්, වන වදිනා මස් වැද්දෝ දළ ඇතුන් මතු නොව පණු දත් සහිත අලි පවා වෙඩි තබා බිම හෙළා දළ කපා ගනිති. ඒවායේ ගජ මුතු තිබේද නොතිබේද යන්න යන තර්කය කෙසේ වෙතත් දැනට වසර ගණනාවක සිට ගජ මුතු අත්අඩංගුවට පත්වූ පුවත් නිතර නිතර අසන්නට ලැබේ. ඒ පිළිබඳ විශ්‍රාමික රේගු ෙජෙව විවිධත්ව අංශ ප්‍රධානී නියෝජ්‍ය රේගු අධ්‍යක්ෂ සමන්ත ගුණසේකර. දරණුයේ මෙවැනි අදහසකි. 
මගේ රේගු සේවා කාලය අවුරුදු 35ක් විතර. මම කළේ වනජීවී සහ ෙජෙව විවිධත්ව අංශ පිළිබඳ කටයුතුයි. ඒ විෂය සඳහා වන පශ්චාත් සහ ශාස්ත්‍රපති අධ්‍යයනය මා ස්පාඤ්ඤයේදී කර තිබෙනවා. එබැවින් ගජමුතු සම්බන්ධ තොරතුරු මා දිගු කලක සිට ගවේෂණය කර තිබෙනවා. මා වෙත පරික්ෂා කිරීමට ගජමුතු යැයි පැවසෙන ද්‍රව්‍ය නිතර ඉදිරිපත් කරනවා. ඒත් මේවා ගජමුතු නොවෙයි. ගොඩක් ඒවා රවුම් කරන ලද ඇත් දළ කැබලි බව තහවුරු වුණා. ඒ වගේම හරක් කටු රවුම් කරලා ගජමුතු කියා කෝටි ගණනකට විකුණන අවස්ථා තියෙනවා. ඊට අමතරව සුදු තිරුවානා හා රෝස තිරුවානා කහඳ යන පාෂාණත් රවුම් කරලා ගජ මුතු ලෙස විකුණනවා. වරක් ඉතා පැරණි ලී රවුම් කර ගජ මුතු ලෙස විකුණා තිබුණා. ඊට අමතරව මුහුදු බෙල්ලන්ගේ මුතු (Sea perl
ගජමුතු ලෙස වංචනිකව විකුණනවා. 
ඇත් දළ සහ හරක් ඇට තිරුවානා වර්ග ගජ මුතු ලෙස සැකසීම තාක්ෂණික ක්‍රමයකට සිදු කරන්නකි. ඒ සඳහා භාවිත කරනුයේ මැණික් කර්මාන්තයේදී යොදා ගන්නා ටම්බ්ලිං (Tumbling) යන්ත්‍රයයි. ටම්බ්ලිං යන්ත්‍රයට දමා කරකැවීම මගින් රවුම් කර ගන්නා ඇත්දළ, හරක් ඇට හෝ පාෂාණ කැබලි (‍පොලිෂ් කර) ගජමුතු බවට පත් කිරීම කරයි. 
ගජමුතු ඇත් දළයක කුහරයේ නිර්මාණය වන ද්‍රව්‍යයක් ලෙස සමාජය හඳුන්වයි. නමුත් ඇත් දළ සහ ගජමුතු පිළිබඳ දීර්ඝ කාලීන අත්දැකීම් ඇති සමන්ත ගුණසේකර පවසනුයේ ගජමුතු නිර්මාණය වන්නට තරම් කුහරයක් ඇත් දළ තුළ නොමැති බවයි. 
ඇත් දළ කියන්නේ අලියෙකුගේ කෘන්තක දතටයි. එය සෑදී ඇත්තේ එනමලය දන්තීනය කල්ක කුහරය යන කොටස්වලින්. හරියට අපේ දතක් වගේමයි. ඇත් දළයක අපි දකිනුයේ එහි දන්තීනයයි. ඊළඟට ඇත්තේ කල්ක කුහරයයි. මිනිසුන් කියන පරිදි ගජමුතු හැදෙන්න එහි හිස් අවකාශයක් නෑ. කල්ක කුහරය, රුධිර කේෂ නාලිකා, ස්නායු තන්තු, තුනී පටක, පල්ප ජෙල්, ධමනි ශිරා ආදියෙන් පිරී තිබෙනවා. ගජමුතු මට්ටම් වන්නට තරම් අවකාශයක් එහි නෑ. 
ඉතා කලාතුරකින් හෝ එවැනි අවකාශයක් ඇත් දළයක් 
තුළ ඇති විය නොහැකිදැයි යන සැකය කෙනෙකුට ඇතිවිය හැක. එබැවින්ම කුහරයක් ඉතා කලාතුරකින් හෝ ඇති විය නොහැකි බව කිසිවෙකුටත් පැවැසිය නොහැක. හිටපු රේගු අධ්‍යක්ෂ සමන්ත ගුණසේකර ඒ පිළිබඳ දරණුයේ මෙවන් මතයකි. 
ඉතාමත් කලාතුරකින් ඇතෙකුගේ කල්ක කුහරයේ මෙවැනි ඉඩක් නිර්මාණය විය හැකියි. ඒත් ඒ සඳහා කරුණු ගණනාවක් සම්පූර්ණ විය යුතුයි. ප්‍රථමව ඒ සඳහා ඇතෙකුගේ වයස වසර සියයක් වත් විය යුතුයි. එහෙත් එවැනි පරමායුෂය භුක්ති විඳින අලි ඇතුන් ලංකාවේ නෑ. 
අනෙක් කරුණ ලංකාවේ දැනට ඉන්නේ 100ට අඩු දළ ඇතුන් ප්‍රමාණයක්. ඉන් 30ක් පමණ ගංගාශ්‍රිතව ඉන්නවා. ඉතිරි කොටස වනාන්තරවල දිවි ගෙවනවා. පසුගිය මාසයට විතරක් මේ දළ ඇතුන් 5 කට වැඩි ගණනක් මරා දමා තිබුණා. අනෙක් වැදගත් කාරණය තමයි කුහරයක් තිබූ පමණින් ගජමුතු සතුන්ගේ නෑ. ඒ සඳහා ඇත් දළ තුළ ඇති කුඩා බොත්තමක් වැනි දළ කැබැල්ල ගැලවී එකී කුහරය තුළට වැටිය යුතුයි. අනතුරුව එය ඔප මට්ටම් (‍පොලිෂ්) විය යුතුයි. මෙය ඉතා විරල ක්‍රියාවක්. ප්‍රථමව ඇතා වසර සියයකට ආසන්න කාලයක් දිවි ගෙවිය යුතුයි. ඒත් එවැනි හැම ඇතාගේම දළ කුහරයක් පිහිටන්නේ නෑ. අනතුරුව පෙර කී බොත්තම වැනි කොටස ගැලවී එකී කුහරයට වැටිය යුතුයි. අනතුරුව කාලයක් එකී බොත්තම වැනි කොටස ‍පොලිෂ් විය යුතුයි. ඒ සඳහා තවත් වසර 30ක්වත්  යනවා. එතකොට ඇතාට වයස අවුරුදු 110ක්වත් වෙනවා. මෙය කිසිසේත් විය හැකි දෙයක් නොවේ. ලංකාවේ ඇතුන්ගේ දළ තුළ ගජමුතු පිහිටන්නේ 001තරම් අඩුවෙන් බව මා කියන්නේ ඒකයි. 
දැනට ලංකාවේ වැඩිම අලි ඇතුන් ගණනකගේ මරණ පරීක්ෂණ කරලා තියෙන්නේ වනජීවී (සෞඛ්‍ය) අධ්‍යක්ෂ වෛද්‍ය තාරක ප්‍රසාද් විසින්. ඔහුටත් එවැනි කුහර සහිත එක ඇතෙකු පමණයි. මුණගැසී ඇත්තේ. ඒ අවුරුදු 86ක් වයසැති ස්වාභාවිකව මළ ඇතෙකුගේ. 
ගජමුතු පිළිබඳ මෙකී උනන්දුව ඇත්තේ ශ්‍රී ලංකාව සහ දකුණු ඉන්දියාවේ පමණි. අලි ඇතුන් බහුල තායිලන්තයේ පවා ගජමුතු පිළිබඳ උනන්දුවක් නැත. එපමණක්ද නොව ලොව වැඩිම දළ ඇතුන් ප්‍රමාණයක් වාර්තා වෙන අප්‍රිකානු කලාපයේ පවා ගජමුතු පිළිබඳ උනන්දුවක් දක්වන කෙනෙකු නැත.
 
මුතු බෙල්ලෙකු තුළ මුතු ඇතිවන්නේ කෙසේද?
 
මුහුදු බෙල්ලෙකු තුළ මුතු නිර්මාණය වීම සිදුවෙන්නේ විද්‍යාත්මක පසුබිමක් අනුවය. බෙල්ලෙකුගේ ශරීර අභ්‍යන්තරයට ආගන්තුක ද්‍රව්‍ය (දූවිලි හෝ වැලි) ඇතුළුවීම සාගරයේදී සුලබව සිදුවිය හැකි දෙයකි. එවන් අවස්ථාවල එකී ආගන්තුක ද්‍රව්‍ය බෙල්ලාගේ ශරීරයට යම් අපහසුවක් ගෙන දේ. එකී අපහසුවෙන් බෙල්ලා මුදවා ගනු වස් විශේෂ ක්‍රියාවක් සිදුවෙයි. ඒ විශේෂිත රසායනයකින් එකී ආගන්තුක ද්‍රව්‍ය ආවරණය කිරීමය. එකී රසායනය ශ්‍රාවය වීමට විශේෂිත ෙසෙලයක් බෙල්ලාාගේ ශරීරයේ වෙයි. මෙලෙස විශේෂිත රසායනයකින් ආවරණය වන ආගන්තුක ද්‍රව්‍ය පසුකාලීනව මුතු බවට පත් වෙයි. එහෙත් මෙවැනි ක්‍රමවේදයක් ගජමුතු සම්බන්ධව හඳුනාගෙන නැත.
 
 අරුණ ලක්ෂ්මන් ප්‍රනාන්දු

දවසේ සේවය නිමකර නිවෙස් බලා යන බොහෝ දෙනෙකු දූ දරුවන්ට සහ නිවසේ සිටිනා අයට කුමක් හෝ රසකැවිලි විශේෂයක් රැගෙන යාම අතීතයේ සිට පැවැති සම්ප්‍රදායකි. එහෙත් එකී සම්ප්‍රදාය අද වන විට මුළුමනින්ම වෙනස්ව ඇත්තේය. අද සිය මව පියා නිවසින් පිටතට යන විට බහතෝරන වියේ පසුවන ‍පොඩිත්තන් පවා ඉල්ලනුයේ බයිට්, රෝල්ස්, කට්ලට් වැනි යමක් රැගෙන එන ලෙසය. සැබැවින්ම මේ ඉල්ලීම කරනුයේ කුඩා දරුවන් පමණක් නොවේ. ළමා විය ගෙවා නව යොවුන් වියට එළැඹෙන දරුවන් වැඩිහිටියන් වැනි සියලු තරාතිරම්වල අය අද ඉල්ලන්නේ තෙලෙන් බැදි කටට සැර දේවල්ය. සැකැවින් පවසතොත් අද මුළු රටම හොට් ඇන්ඩ් ස්පයිසි රසට ලොල් වී අවසානය.
එහෙත් මෙකී හොට් ඇන්ට් ස්පයිසි රසය යට සැඟවුණ මාරයෙක් වෙයි. ඒ මාරයා සැඟව සිටිනුයේ වඩේ, රෝල්ස්, බයිට් බදිනා තාච්චියේය. නැතහොත් ගැඹුරු තෙල් බදිනයේය. ඒ මාරයා අන් කිසිවෙක් නොව වරක් භාවිත කරන ලද තෙල්ය.
වර්තමානයේ ශ්‍රී ලංකාවේ ඉවුම් පිහුම් කටයුතු සඳහා වැඩි පුරම යොදාගනුයේ ෆාම් තෙල්ය. ඊළඟට ‍පොල් තෙල්, එළවළු තෙල් දෙකය. මේ කොයි තෙලත් භාවිත කළ යුත්තේ එක වරකි. එහෙත් වර්තමානයේදී වරක් භාවිත කරන තෙල් ඉවත ලන්නේ නැත. ඒවා අලුත් තෙල් සේ අසුරා නව බහාලුම්වල දමා වෙළෙඳ ‍පොළේ කුණු කොල්ලයට අලෙවි වන්නේය.
වරක් භාවිත කළ තෙල් දෙවනවරට භාවිත කිරීමේදී සිදුවන රසායනික විපර්යාසය මිනිස් සිරුරට හානිදායකය. එබැවින් තරුපන්තියේ හෝටල් සුපිරි අවන් හල් ආදිය වරක් භාවිත කළ තෙල් මොනම හේතුවක් නිසාවත් දෙවනවරට භාවිත කරන්නේ නැත. ඒවා වෙනත් ගැනුම්කරුවකුට විකුණා දමන්නේය.
මෙලෙස අලෙවි වන වරක් භාවිත කළ ‍පොල්තෙල් කූඨ ව්‍යාපාරිකයන්් වෙළෙඳ‍පොළට නිකුත් කිරීමට පියවර ගෙන තිබේ. මෙම තෙල් වර්ග තරු පන්තියේ හෝටල් භාවිතා කර ඉවත් කළ තෙල් වර්ග වේ. ඒවා වෙළෙඳ ‍පොළට පැමිණෙන්නේ බොහෝ විට සුළු හා මහා පරිමාණ ව්‍යාපාරිකයන් හරහාය. මෙම තෙල් වර්ගවලට හොඳම ගැනුම්කරුවන්ව ඇත්තේ කුඩා පරිමාණ ආහාර වෙළෙඳ සල් හා ඉතා අඩු මිලට කෑම වර්ග ලබා දෙන ස්ථානයන්ය. ඔවුහු සිය ලාභය උපරිම ලෙස පවත්වාගෙන යෑමට වරක් භාවිත කළ තෙල් ඉත සිතින් මිලට ගනිති. ආපන ශාලා හිමියන්ගේ සංගමයේ ජාතික සංවිධායක අසේල සම්පත් පවසන්නේ ලාභයට අතුරු ආහාර (ඉඩධපබඥචබඵ) වර්ග ලබාදෙන වෙළෙඳසල් තම ආහාර වර්ග බැදීමට ගන්නේ මෙම තෙල් වර්ග බවයි. ඔහු වැඩිදුරටත් අපට අදහස් දැක්වූවේ මෙලෙසිනි.
අපේ රටේ ‍පොල්තෙල් තත්ත්වයෙන් බාලයි. විශේෂයෙන් මේ තෙල් වර්ග ගබඩා කිරීමේදී කිසිදු සෞඛ්‍ය ආරක්ෂිත ක්‍රමවේදයක් අනුගමනය කරන්නේ නැහැ. ඒ වාගේම හොඳ ප්‍රමිතියෙන් යුතු ‍පොල්තෙල් වර්ගවල මිල ඉතා අධිකයි. බොහෝ විට ලාභයට ආහාර සපයන වෙළෙඳසල්වලට මෙලෙස මිල අධික ‍පොල්තෙල් මිලදී ගැනීමට බෑ. ඔවුන් ඊට විකල්පයක් ලෙස භාවිතා කරන්නේ තරු පන්තියේ හෝටල් භාවිතා කර ඉවත් කරන තෙල් වර්ගයි. ඒවා ඔවුනට ඉතා අඩු මිලකට ලබා ගැනීමේ හැකියාව පවතිනවා.
මෙලෙස හොර පාරෙන් අලෙවිවෙන තෙල් වර්ග බොහෝ විට භාවිත කරන්නේ බයිට් වර්ග බදිනු පිණිසය. ඊට අමතරව රුපියල් දහයට විස්සට කෙටි කෑම වර්ග ලබා දෙන වෙළෙඳුන්ද මෙම තෙල් භාවිත කරති. ඔවුනට මෙම තෙල් වර්ග භාවිතා කිරීමෙන් එම කෑම වර්ග එවැනි මිලකට ලබාදීමේ හැකියාව පවතියි.
අසේල සම්පත් පවසන ආකාරයට මෙම පිරිසට අමතරව තවත් පිරිසක් මෙම තෙල් වර්ග භාවිත කරති. ඒ ඇතැම් රාජ්‍ය ආයතන හා විශ්වවිද්‍යාලවල සුබ සාධන ආපනශාලා පවත්වා ගෙන යන පිරිසයි.
මම ඇස් දෙකෙන් දැකලා තිබෙනවා රාජ්‍ය ආයතනවල කැන්ටින්වල මෙවැනි වරක් භාවිත කළ ‍පොල්තෙල් වර්ග භාවිත කරනවා. වරක් එක්තරා කැන්ටිමකට මෙම තෙල් ට්‍රැක්ටර් ගෙනත් බානවා මම දුටුවායැයි හෙතෙම පවසන්නේය.
මෙම තෙල් ජාවාරම ජයටම කරන්නේ බෝතල් පත්තර එකතු කරන්නන් බව පැවැසේ. ඔවුන් තරුපන්තියේ හෝටල්වලින් මෙම තෙල් මිලට ගන්නේ සබන් සෑදීමට යැයි පවසාය. එසේම අසේල සම්පත් පවසන ආකාරයට ඇතැම් ‍පොල්තෙල් ප්‍රවාහනය කරන්නෝද මෙම වරක් භාවිත කරන ලද තෙල් (එචඵබඥධඪත) ජාවාරමේ නිරතව සිටිති. තරු පන්තියේ හෝටල්වල සම්මත උෂ්ණත්වයක් යටතේ භාවිත කරන බැවින් මෙම තෙල් වර්ග බැලූ බැල්මට අලුත් ඒවා මෙන් දිස්වෙයි.
එහෙත් මහජන සෞඛ්‍ය පරීක්ෂකවරුන්ගේ සංගමයේ සභාපති උපුල් රෝහණ පවසන්නේ වෙනත් කරුණකි. ඔහු පවසන්නේ මෙම තෙල් ජාවාරම මහා පරිමාණ මට්ටමින් සිදු කරගෙන යන බවයි. ඔවුන් එවැනි ව්‍යාපාරිකයකුට එරෙහිව අධිකරණයේ නඩුවක් පවා පවරා ඇති බවය.
ඉබ්බාගමුව ප්‍රදේශයේ සිටි එක්තරා සැකකටයුතු තෙල් ව්‍යාපාරිකයකු පිළිබඳ අපට තොරතුරු ලැබුණා. පසුව අපි ඔහු ගැන තොරතුරු රහසිගතව සොයා බැලුවා. එහිදී අපට දැනගන්නට ලැබුණා ඔහු තරු පන්තියේ හෝටල්වල භාවිත කර ඉවත් කරන ‍පොල්තෙල් මිලට ගෙන මහා පරිමාණයෙන් ලංකාව වටේ බෙදා හරින බව. ඔහු පිළිබඳ තොරතුරු සොයා බලා අවශ්‍ය කරුණු ගොනුකර නඩු පැවැරීමක් සිදු කළා.
උපුල් රෝහණ පවසන ආකාරයට මෙම ජාවාරම්කරු තරු පන්තියේ හෝටල්වලින් තෙල් ලබා ගෙන ඇත්තේ එම හෝටල්වල ඇතැම් සේවකයන්ට අල්ලස් ලබා දෙමිනි. එසේම මෙම තෙල් නුවර, කෑගල්ල, පුත්තලම, රත්නපුර හා කුරුණෑගල වැනි ප්‍රදේශවල බෙදා හැරීම සිදු කර ඇති බව ද අනාවරණය කරගෙන තිබේ. නමුත් මෙම නඩුව ඉදිරියට ගෙන යාමේදී ඔවුනට විශාල ගැටලුවක් මතු වී තිබේ. එනම් මේ නඩුවේදී මෙම තෙල් භාවිතා කළ තෙල් බවට රස පරීක්ෂක වාර්තාවක් අධිකරණයට ඉදිරිපත් කළ යුතු වීමය. අධිකරණය පිළිගන්නේ රජයේ රස පරීක්ෂක වාර්තා හා අනුමත රස පරීක්ෂක වාර්තා පමණයි. නමුත් රජයේ හෝ රජයේ අනුමත රස පරීක්ෂකාගාරවල මේවා පරීක්ෂා කිරීමට පහසුකම් නැහැ. ඔහු පවසන්නේය.
අවසානයේ ඔවුන් මේ පිළිබඳ වාර්තාවක් ලබා ගෙන ඇත්තේ කාර්මික පරීක්ෂණ ආයතනයේ ඊ වෙත ලබා දීමෙනි. ඔවුනට එම නඩුව ඉදිරියට ගෙන යාමට සිදුව ඇත්තේ මෙවැනි පදනමක් මත සිටයි.
මෙම තෙල් භාවිත කිරීම මගින් පිළිකා ඇති වන බවට සමාජයේ මතයක් පවතී. මෙහිදී අප මේ පිළිබඳ විශේෂඥ පිළිකා රෝග වෛද්‍ය මහේන්ද්‍ර පෙරේරා ගෙන් විමසීමක් කළෙමු.
ගැඹුරු තෙලෙහි බැදීමට ගන්නා තෙල් වර්ග නැවත නැවත භාවිත කිරීම කිසිසේත් සුදුසු නැහැ. මෙවැනි තෙල් භාවිතා කිරීම මගින් අග්න්‍යාසයේ, පිත්තාශයේ, පිත්ත නාලවල හා කුඩා බඩවැල්වල ආසාදන ඇතිවෙනවා. ඒ වාගේම මේ තුළින් පිළිකා ඇති විමේ අවදානමක් තිබෙනවා. යැයි වෛද්‍ය මහේන්ද්‍ර පෙරේරා පවසන්නේය.
වරක් භාවිත කළ තෙල් නැවත භාවිත කිරීම වෙළෙඳසල්වල පමණක් නොව බොහෝ ගෘහණියන් අතින්ද සිදු වේ. වරක් පපඩම් බැදීමට ගත් ‍පොල්තෙල් වසා තබා දින කීපයකින් නැවත කුමක් හෝ දෙයක් බැදීමට ඇතැම් ගෘහණියෝ පුරුදුව සිටිති. එයද යහපත් ක්‍රියාවක් නොවන බව කායික රෝග පිළිබඳ විශේෂඥ වෛද්‍ය වරුණ ගුණතිලක පවසන්නේය.
‍පොල්තෙල් අධික උෂ්ණත්වයට ලක්වීමෙන් එහි ලිපිඩ සංයුතියේ වෙනස් වීම් සිදු වෙනවා. නැවත නැවත මේ තෙල් භාවිතා කිරීම තුළින් රාසායනික විපර්යාස ඇති වෙනවා. මේවා ශරීරයට අහිතකරයි. මේ තුළින් රුධිර පරිවහනයේ ගැටලු ඇතිවෙනවා. ස්ථුලභාවය ඇති වෙනවා. කොලෙස්ටේ‍රා්ල් ඇති වෙනවා. මේවා වැඩිවෙනවා කියන්නේ හෘදයාබාධ මෙන්ම පිළිකාවලට අත වැනීමක්.
වෛද්‍යවරුන් අවධාරණය කරන ආකාරයට ‍පොල්තෙල් මෙන්ම විවිධ තෙල් වර්ග නැවත නැවත භාවිතය කිසිසේත් සුදුසු නොවෙයි. එම නිසා ජාවාරම්කරුවන්ගේ තෙල් වර්ග භාවිතා කර බදින ලද ආහාර ගැනීමෙන් වැළකී සිටීම වඩාත් වැදගත් වෙයි. විශේෂයෙන් මහමග අයිනේ ඇති වඩේ සහ අතුරු කෑම (ඉඩධපබ ඥචබඵ) කෑම බදින ජංගම වෙළෙඳ රථවලින් ආහාර ද්‍රව්‍ය මිලට ගැනීම ඉතා ප්‍රවේශමෙන් කළ යුතුය. ඉතා ලාබදායී ලෙස අලෙවිවන කෙටි ආහාර ද්‍රව්‍ය ගැනීමෙන් වැළකීමෙන් මේ තත්ත්වයට ගොදුරු නොවී සිටිය හැකි බව අසේල සම්පත් පවසන්නේය. එසේම ගෘහණියන් වශයෙන්ද අපටද වගකීමක් ඇත. එනම් එක්වරක් බදින ලද තෙල් වර්ග භාවිතා නොකර සිටීමයි. එය අපට මෙන්ම අපේ දරුවන්ටද යහපත් වෙනවා නොඅනුමානය.
 
ශිරෝමි රත්නායක

මැතිවරණයක් ආරම්භ වන කාලසීමාවේදී ඉතා සුබදායී තත්ත්වයක් පෙන්නුම් කරන ජනතා විමුක්ති පෙරමුණට ඡන්ද විමසීමෙන් පසු, බලා‍පොරොත්තු වූ ඉලක්කවලට ළඟා වන්නට හැකි වී නැති බව ඉකුත් බොහෝ මැතිවරණවලදී පැහැදිලිව දක්නට ලැබුණු කාරණාවකි. ඉකුත් දා අවසන් වූ, පළාත් පාලන මැතිවරණයේදීද මෙම තත්ත්වය වඩාත් හොඳින් කැපී පෙණිනි. මැතිවරණය ළං වෙත්ම කලාකරුවන්, විද්වත් වෘත්තිකයන් රැසක්ද සමගිින් ඉතා හොඳ ප්‍රවණතාවකින් යුතුව ජනතා හදවත් තුළට සමීප වන්නට හැකියාව ලැබුණද, ඔවුන්ගේ ඡන්ද පදනම ශක්තිමත් නොවන්නේ මන්දැයි යන ගැටලුව බොහෝ දෙනා තුළ පවතී. එම කාරණය සම්බන්ධයෙන්, අපි කොළඹ විශ්වවිද්‍යාලයේ දේශපාලන අංශයේ ‍‍‍ජ්‍යෙෂ්ඨ කථිකාචාර්ය ආචාර්ය නිර්මාල් රංජිත් දේවසිරි සමග සාකච්ඡා කිරීමට තෝරා ගත්තේ ඔහුද මෙවර ජවිපෙට සහය දැක්වූ විද්‍යාර්ථියෙකු වන බැවිනි.
 
ජනතා විමුක්ති පෙරමුණට තිබූ ඡන්ද පදනම, අනෙක් සුළු පක්ෂ හා සැසඳීමේදී යම් වෙනස් මුහුණුවරක් ගත්ත ද, ඔවුන්ටද මුල් කාලීනව පැවතියේ ඉතා පහළ මට්ටමක ඡන්ද පදනමකි. අනූව දශකය පමණ වන විට ජනතා විමුක්ති පෙරමුණ ලබා ගත් ඡන්ද ප්‍රතිශතය සියයට හතරත්, පහත් අතර ප්‍රමාණයක පැවතිණි. මෙම තත්ත්වය තරමක් වැඩි වූයේ, දෙදහ දශකයේ මුල් භාගයේදීයි. දෙදහස් එකේ පැවැති මහමැතිවරණයේදී මෙහි කැපී පෙනෙන වර්ධනයක් සිදු විය. එහිදී ජනතා විමුක්ති පෙරමුණ සියයට නවයක ඉහළ ඡන්ද ප්‍රතිශතයක් ලබා ගැනීමට සමත් විය. 
දෙදහස් හය වසරේ පැවැති පළාත් පාලන මැතිවරණයේ දී ලබා ගැණුනු ඡන්ද ප්‍රතිශතය පිළිබඳව පැහැදිලිව නොදැක්වුණිද, එහිදී ද ඉහළ ඡන්ද ප්‍රතිශතයක් ලබා ගැනීමට ජවිපෙ සමත් වූ බව පැහැදිලි ය. එම ඉහළ ඡන්ද පදනම ජනතා විමුක්ති පෙරමුණට ලබා ගැනීමට බලපෑ ප්‍රධාන ම කාරණය වූයේ, ඒ වන විට අපේ රටේ පැවැති ප්‍රධානතම දේශපාලන පක්ෂ දෙක වන ශ්‍රී ලංකා නිදහස් පක්ෂයත්, එක්සත් ජාතික පක්ෂයත්, අර්බුදකාරී තත්ත්වයක් යටතේ පැවතීමයි. එමෙන් ම ජනතා විමුක්ති පෙරමුණ ද ඒ වන විට සිටියේ ජාතිකවාදී නැඹුරුවකය., යුද්ධය ජය ගැනීම වෙනුවෙන්, සිංහල බෞද්ධ ජනතාවගේ අදහස් හා සමාන්තරව ගමන් කරමිනි. එකල ඔවුන්ගේ ඡන්ද පදනම ඉහළ යන්නට එම කාරණාවද බලනොපෑ බව සිතිය නොහැකිය. 
එහෙත් ඊට පසුකාලීනව රාජපක්ෂ පාලනය සමඟ සම්බන්ධ වීමත් සමඟ යළි ජනතා විමුක්ති පෙරමුණේ ඡන්ද පදනම කඩා වැටුණු බවක් පැහැදිලිව පෙනෙන්නට තිබුණු අතර, එම ප්‍රතිශතය සියයට පහ පමණ දක්වා පහතට වැටිණි. එය යළි තරමක් ශක්තිමත් වූයේ, ඉකුත් දෙදහස් පහළොවේ පැවැති ජනාධිපතිවරණයේ දීය. වර්තමාන ජනාධිපතිවරයා බලයට පත් කිරීම සඳහා ද ජනතා විමුක්ති පෙරමුණ, යම් ආකාරයක දායකත්වයක් දැක්වූ අතර, ජවිපෙ නායක අනුර කුමාර දිසානායක එකල මැතිවරණ වේදිකාවල ජනප්‍රිය ම කථිකයා බවට ද පත්විය. එතෙක් ජනතා විමුක්ති පෙරමුණට සහාය නොදැක්වූ පිරිස එම මැතිවරණයේදී ඔවුන්ට සහාය පළ කරන්නට වූහ. එහෙත් එවැනි ඉතා ඉහළ ජනතා පිළිගැනීමක් සහිත තත්ත්වයකදීත්, ජනතා විමුක්ති පෙරමුණට ලබා ගත හැකි වූ ඡන්ද පදනම වූයේ, සියයට හතරයි දශම අටයි හතක් වැනි අවම ප්‍රතිශතයකි.
එවන් තත්ත්වයක් සමඟ සැසඳීමේ දී මෙවර පළාත් පාලන මැතිවරණයෙන් ජනතා විමුක්ති පෙරමුණට සියයට හයයි දශම දෙකයි හතක, එනම් සියයට හතකට ආසන්න ඡන්ද පදනමක් ලබා ගැනීමට හැකිවීම සුළුකොට තැකිය හැකි කාරණයක් නොවේ. මෙවර මැතිවරණ ජය ලබා ගත්, මහින්ද රාජපක්ෂ නියෝජනය කළ ශ්‍රී ලංකා ‍පොදුජන පෙරමුණට පවා ඉකුත් දෙදහස් පහළොවේදී ලැබූ තරම් ඡන්ද ලබා ගැනීමට හැකියාව ලැබුණේ නැත. එවන් තත්ත්වයක් තුළ, මෙවර ජනතා විමුක්ති පෙරමුණේ ඡන්ද ගණන ලක්ෂ දෙකකින් පමණ වැඩි වී තිබිම අවතක්සේරු කළ නොහැකි කාරණාවකි.
කෙසේ වතුදු, මේ ආකාරයෙන් බලා‍පොරොත්තු වන ඡන්ද පදනම ළඟා කරගන්නට ජනතා විමුක්ති පෙරමුණට නොහැකි වන්නේ සරල කාරණා කිහිපයක් හේතුවෙනි. ඉන් පළමුවැන්න ඡන්දයක දී ජනතාව කල්පනා කරන ආකාරයයි. එනම්, අපේ රටේ බහුතරයක් දෙනා ඡන්දයක් භාවිත කරන්නට පෙර 
සැළකිල්ලට ගන්නා ප්‍රධානතම සාධකය වන්නේ, තමන් ඡන්දය දෙන පක්ෂය ආණ්ඩු බලයක් පිහිටුවන්නට හැකියාවක් ඇත්දැයි යන කාරණාවයි. එබැවින් තම ඡන්දයෙන් ආණ්ඩුවක් බලයට පත්කොට තමන්ට ගත හැකි ලාභ ප්‍රයෝජනය කුමක්ද යන්න පිළිබඳව ඔවුහු කල්පනා කරති. ඒ අනුව, මැතිවරණයකදී ජනතාව ඡන්දය භාවිත කරන්නේ,  යම් දේශපාලන පක්ෂයකට දිනීමට ඇති හැකියාව සළකා බලමිනි.  
එමෙන්ම තවමත් ජවිපෙට ඡන්දය දෙන්නට කැමති ඉතා සුළු පිරිසක් පමණි. දීර්ඝ කාලයක් පුරා ජනතා විමුක්ති පෙරමුණ සිය ආකර්ෂණය පතුරුවාගෙන සිටි ඇතැම් ග්‍රාමීය ප්‍රදේශවල පිරිස්, ඇතැම් තරුණ පිරිස් ඔවුන්ට ඡන්දය ලබා දීමට කටයුතු කරති. 
ඇතැමුන් මෙම තත්ත්වය විග්‍රහ කරන්නේ, අසූ අට, අසූ නවය වසරවලදී මිනිසුන්ට අත්විඳින්නට ලැබුණු භීෂණකාරී තත්ත්වය මීට හේතුවක් වී ඇති බව පෙන්වා දෙමිනි. එහෙත් එහි සත්‍යතාවක් නොමැත. තවමත් එවන් මානසිකත්වයක් තුළ සිටින පිරිස ඉතා කුඩාය. බහුතරයක් දෙනා දැන් ඒ ගැන විශාල අවධානයක් යොමු කරන්නේ නැත. ඊට හොඳම උදාහරණය ඉකුත් දෙදහස් හතරේ පැවැති මැතිවරණයයි. එක්සත් ජනතා නිදහස් සන්ධානය සමඟ සන්ධානගත වී එම මැතිවරණයට ඉදිරිපත් වූ ජනතා විමුක්ති පෙරමුණ එකල ලැබූ ඡන්ද ප්‍රතිඵලය ඉතා විශාලය. එවර ඔවුන්ට ලැබුණු මනාප සංඛ්‍යාව ද ඉහළය. ජවිපෙ ගැන 
භීෂණකාරී මානසිකත්වයකින් ජනතාව කටයුතු කළේ නම්, එම මැතිවරණයේ දී ඔවුන්ට එවැනි විශාල ජයග්‍රහණයක් හිමි කරගන්නට අවස්ථාවක් ලැබෙන්නේ නැත. 
අනෙක් අතට, ජන්ද නොලැබිම ජවිපෙ දුර්වලතාවක් ලෙස ම දැකිය නොහැකි ය. මිනිසුන් ඡන්දය දෙන්නේ හිතුමනාපයටම නොවේ. ලංකා සමසමාජ පක්ෂය යනු, ජවිපෙටත් වඩා, ඉතා විශිෂ්ට දේශපාලඥයන් සිටි පක්ෂයකි. බහුතරය ආචාර්ය උපාධි සහිත වූවන් වන අතර, ලංකාවේ මතෛක් බිහි වූ හොඳම මුදල් ඇමැතිවරයා බිහිකරන ලද්දේ ද ඔවුන් ය. එහෙත් එවැනි පක්ෂයකට වුව ද ජනතාව හැමදාමත් එකම ආකාරයෙන් ඡන්දය භාවිත කළේ නැත.   
ඡන්දයක් භාවිත කිරීමේ දී යම් යම්  පක්ෂවලට ජනතාව තුළ පවතින සාම්ප්‍රදායික ඇල්ම ද බහුලව බලපායි. පසුගිය කාලය පුරාම අපේ රටේ හැමදාමත් වැඩි ඡන්ද ප්‍රතිශතයක් හිමිකරගත්තේ, ප්‍රධාන ධාරාවේ පැවැති ශ්‍රී ලංකා නිදහස් පක්ෂය (පසුකාලීනව එක්සත් ජනතා නිදහස් සන්ධානය) සහ එක්සත් ජාතික පක්ෂයයි. අද වන විට ශ්‍රී ලංකා ‍පොදුජන පෙරමුණ ද එකතු වී ඇති අතර ප්‍රධාන පක්ෂ තුනට ඒ සාම්ප්‍රදායික ඇල්ම මත ජනතාව සිය ඡන්දය භාවිත කරති. මේ අතර කුමන පක්ෂයක් දිනුවත් කමක් නැත යන මානසිකත්වයෙන් සිටින පිරිසක් ද වෙති. විශේෂයෙන් මධ්‍යම පාන්තික පිරිස් බොහෝ විට කටයුතු කරන්නේ, බලයට පත් වීම වැනි සාධක නොතකා ඒ ඒ කාලවලදී විවිධ පක්ෂවලට ඡන්දය භාවිත කරමිනි. ඔවුන්ගේ ඡන්දය හැරවීම ලෙහෙසි කටයුත්තක් නිසාම ජනතා විමුක්ති පෙරමුණ ද තම මැතිවරණ ව්‍යාපාරය තුළ වැඩිවශයෙන් ආමන්ත්‍රණය කරන්නේ මෙම පිරිස්වලටය.
එහෙත් ඔවුන්ගෙන් බහුතරය තුළ පවතින්නේ සිංහල බෞද්ධ පදනම, රටට එරෙහි විදේශ කුමන්ත්‍රණ පරාජය කිරීම, රට බෙදීමට එරෙහි වීම, වැනි ජාතිකවාදී අදහස් ය. එබැවින් මෙවර එම පිරිසෙන් බහුතරයේ ආකර්ෂණය පැවතියේ ඉහත කී කාරණා වැඩිවශයෙන් පදනම් කරගනිමින් මැතිවරණ ව්‍යාපාරය මෙහෙය වූ ‍පොදුජන පෙරමුණ කෙරෙහිය. මෙම තත්ත්වය ද, ජවිපෙ ඡන්ද පදනම අඩුවන්නට බලපෑවේ යැයි සිතිය හැකිය.
එමෙන්ම තම ප්‍රදේශයේ සිටින යම් යම් දේශපාලනික බලයන් සහිත පුද්ගලයන් සමඟ එක්ව තම තමන්ගේ කටයුතු පහසුවෙන් කර ගැනීමට පුරුදු වූ පිරිස් ද මේ අතර වෙති. එවිට ඔවුන් සිය ඡන්දය ලබා දෙන්නේ, අදාළ පුද්ගලයා නියෝජනය කරන පක්ෂයට පමණි. ඒ තුළින් ජනතාව කල්පනා කරන්නේ, තමන්ට උපකාර කරන පුද්ගලයාට ඡන්දය දිය යුතු බවයි. ඇතැම් විට යටි සිතින් ජවිපෙ දේශපාලන දර්ශනය අගය කරන පුද්ගලයා පවා, වෙනත් පක්ෂයකට ඡන්දය භාවිත කරන්නේ, එලෙස තම කටයුතු පහසුවෙන් කර ගැනීමට ඇති හැකියාව ගැන සිතමිනි. 
එමෙන් ම ජනතා විමුක්ති පෙරමුණේ ඇතැම් ප්‍රතිපත්තිමය කාරණාවල ද ගැටලු නැතැයි ම කිව නොහැකිය. විශේෂයෙන් ම ආර්ථික ප්‍රතිපත්තිය වැනි කාරණාවලදී ඒවා කොයිතරම් ප්‍රායෝගිකව ක්‍රියාත්මක කළ හැකිද යන ගැටලු, ඔවුන්ට සහාය පළ කරන විද්වතුන් තුළ පවා පවතී. එබැවින් ජනතා විමුක්ති පෙරමුණ ඒ සම්බන්ධයෙන් ද නැවත කල්පනා කළ යුතුව ඇත.
කෙසේ වතුදු, පවතින දේශපාලන ගමන් මග දෙස බැලීමේ දී, ඉදිරියේ මෙම තත්ත්වය යම් වෙනසකට ලක් වේයැයි සිතිය හැකිය. උදාහරණයක් ලෙස ඉදිරියේ දී එක්සත් ජාතික 
පක්ෂයේත්, ශ්‍රී ලංකා නිදහස් පක්ෂයේත්, ගමන් මඟ අර්බුදයට ලක් නොවේ යැයි සිතිය නොහැකිය. රනිල් වික්‍රමසිංහගෙන් පසු එක්සත් ජාතික පක්ෂයේ නායකත්වය විශාල අර්බුදයකට ලක් වීම වැළැක්විය නොහැකි කාරණාවකි. එමෙන් ම මහින්ද රාජපක්ෂ නැති කලෙක, දැන් පවතින ආකර්ෂණය ලබා ගැනීමට අනෙක් රාජපක්ෂලාට පහසු කාරණයක් නොවේ. 
අනෙක් අතට විශේෂයෙන්ම ශ්‍රී ලංකා ‍පොදුජන පෙරමුණට ශක්තිමත් පක්ෂ යාන්ත්‍රණයක් නැති බව ඉතාම පැහැදිලිය. ඔවුන්ට පවතින්නේ පක්ෂපාතීත්වය මත පදනම් වූ ඡන්ද පදනමක් පමණි. එහෙත් එය ඕනෑම මොහොතක ලිහිල් විය හැකි ඡන්ද පදනමක් වන අතර, එය සම්පූර්ණයෙන්ම රැඳී පවතින්නේ මහින්ද රාජපක්ෂ කෙරෙහි පවතින ප්‍රතිරූපය මත බව පැහැදිලිය.
එවැනි තත්ත්වයක් තුළ පවතින පක්ෂ දේශපාලන ක්‍රමය අර්බුදයකට යෑම වැළැක්විය නොහැකිය. එවැනි අර්බුද ලොව පුරා ඇති වී තිබේ. එලෙස ඉදිරියේ දී පක්ෂ දේශපාලනයේ වෙනසක් සිදු වීමට ඇති ඉඩකඩ ඉතා වැඩි අතර, එවැනි තත්ත්වයකදී ජවිපෙ වැනි විකල්ප දේශපාලන ක්‍රමයකට ඉදිරියට ඒමට ඇති ඉඩකඩ විශාලය. මේ තත්ත්වය ජනතා විමුක්ති පෙරමුණ ද ප්‍රවේශමෙන් කල්පනා කළ යුතුව ඇත.
 
 ගයාත්‍රි ගීගනආරච්චි 

ලොව කීර්තිමත් රාජ්‍ය නායකයන් දෙපළක් වූ ශ්‍රීමත් එස්.ඩබ්.ආර්.ඩී. බණ්ඩාරනායක ශ්‍රීමතාණන්ගේ සහ සිරිමාවෝ බණ්ඩාරනායක මැතිනියගේ බාල දරුවා ලෙස අනුර බණ්ඩාරනායකයන් 1949 පෙබරවාරි 15 දින උපත ලබා වසර 59ක් ජීවත්ව විචිත්‍රවත්, නොකැලැල් දේශපාලන මාවතක ගමන් කොට 2008 මාර්තු 16 දින මියගියේ ශ්‍රී ලාංකික ජන හදවත් අතිශය කම්පනයකට ලක් කරමිනි. එතුමා රාජ්‍ය නායකත්වයට පත් නොවුණත් ලෝකයේ ප්‍රබල රටවල නායකයන් ඉතා සමීපව ඇසුරු කළේය. එතුමාට කුඩා කල සිටම මෙම වාසනාව හිමි විය. එතුමා ඇසුරු කළ ලෝක නායකයන්ගේත් වෙනත් වැදගත් දේශපාලන ඡායාරූපත් නිරීක්ෂණය කළහොත් දේශපාලන ඉතිහාසය අඩංගු අගනා කෘතියක් සම්පාදනය කළ හැකි වනු ඇත. එතරම් දුර්ලබ ඡායාරූප එතුමාට තිබුණි. මෙබඳු වැදගත් නායකයකු ගැන අද කවුරුවත් කතා කරන බවක් නොපෙනේ. මෙතුමාගේ සරණින් ඉහළට ගිය බොහෝ නායකයන් මුනිවත රැක්කත්  අප ළඟින් ඇසුරු කළ මේ නායකයාගේ උපන්දිනය යෙදෙන අද දින යමක් ලිවීම වැදගත් යැයි හැගේ. 
කේම්බ්‍රිජ් විශ්වවිද්‍යාලයේ ඉතිහාසය පිළිබඳ ගෞරව උපාධිධාරියකු වන අනුර බණ්ඩාරනායක මහතා ශ්‍රී ලනිපයට කළ අමිල සේවාව අද බොහෝ නායකයන්ට 
අමතකය. ඔහු පාසල් ඉගෙනුම ලබන සමයේ සිටම එනම් 1965 සිටම සෑම මැතිවරණයකටම සෘජුවම හවුල් වී පක්ෂයේ උන්නතිය උදෙසා ඉමහත් මෙහෙවරක් කළේය. ඔහු දිවා රෑ නොතකා ඈත ගම් දනව් කඳු පල්ලම් පීරමින් ගැමි ජනතාව මුණ ගැසුණු අයුරු  පැරණි පක්ෂ සාමාජිකයෝ කෘතවේදීව අදත් සිහිකරති. එසේම එතුමා ඈත ගම්වල සිටි දක්ෂතා පිරි උගත් තරුණ පිරිස් පක්ෂයට සම්බන්ධ කරමින් ඔවුන්ව දේශපාලන ලෝකයේ ඉහළටම රැගෙන ආවේය. අද ඔවුහු ඉහළ තලයේ වැජඹෙති. බොහෝ අයට ඒ බවක් අද මතක නැත. එසේම 1970 මහ මැතිවරණයේදී මෙතුමා විශ්වවිද්‍යාල අධ්‍යාපනය හදාරද්දිම අත්තනගල්ල ආසනයේ මැතිවරණය මුළුමනින්ම තනිවම මෙහෙයවීය. එසේ තනිවම මෙහෙයවන්නට සිදුවූයේ එතුමාගේ සහෝදරියන් දෙදෙනාම විදේශගතවී සිටි බැවිනි. එවකට වසර 21ක් වූ මෙතුමා අත්තනගල්ලෙන් වැඩි ඡන්ද 21000කින් ජයග්‍රහණය කරවීමට සමත්විය. එතෙක් මැතිනිය අත්තනගල්ලෙන් එවන් වැඩි ඡන්ද ප්‍රමාණයක් මීට පෙර ලබා නොගත් බවද සිහිපත් කරමි. තවද එම මැතිවරණයේදී මෙතුමා රටපුරා සංචාරය කරමින් රැස්වීම් ඇමතීම සමගි රජයේ ජයට ප්‍රබල හේතුවක් විය. එමෙන්ම 1970- 74 බ්‍රිතාන්‍ය විශ්වවිද්‍යාල අධ්‍යාපනය හදාරණ අතරතුර ලංකාවේ පැවැති සෑම අතුරු මැතිවරණයකටම පැමිණ ඒවා මෙහෙයවීය. 
විශ්වවිද්‍යාල අධ්‍යාපනය හමාර කොට පැමිණි අනුර බණ්ඩාරනායකයන් 1974 සිට පක්ෂයේ තරුණ නායකයා ලෙසින් සමගි රජයේ ජනප්‍රසාදය පිරිහෙමින් පැවැති දේශපාලන පසුබිමක වුවද පක්ෂයක තරුණ රැල්ලක් මතු කිරීම ඔහුගේ හපන්කම් කදිමට කියාපාන්නකි. එතුමා ගිය සෑම රැස්වීමකම, සම්මන්ත්‍රණයකටම විශාල පිරිස් රොක් වූහ. එමෙන්ම 1976 ජා ඇල අතුරු මැතිවරණය පැමිණියේ සමගි පෙරමුණු රජය දැඩි පිරිහීමකට ලක්වී  තිබුණු පසුබිමක් තුළය. ඒ නිසා කිසිම  ප්‍රබල ඇමැතිවරයකු මෙම අතුරු මැතිවරණය මෙහෙයවීම මගහැරි අතර මෙතුමා එය තනියෙන්ම මෙහෙයවීය. ඉන් පෙර කිසිම අවස්ථාවක  ශ්‍රී ලනිපය නොලද ඡන්ද සංඛ්‍යාවක් ජා ඇලින් ලබා ගත්තේය. ඒ තුළින් එතුමාගේ දක්ෂ මෙහෙයුම සංවිධාන ශක්තිය ජනප්‍රියත්වය කදිමට ඔප්පු විය. 
1977 දී අනුර පාර්ලිමේන්තුවට පිවිසෙන්නේ සිය මාපිය පාර්ශ්වයේ දේශපාලන බල කොටු වූ තමන්ට හුරු පුරුදු අත්තනගලු ආසනයෙන් හෝ ගම්පහ දිස්ත්‍රික්කයෙන් නොවේ. එතුමා පාර්ලිමේන්තුවට පිවිසෙන්නේ වතු කම්කරු ඡන්ද බහුතරයක් ඇති 
නුවරඑළිය - මස්කෙළිය මැතිවරණ කොට්ඨාසයෙනි. මෙතුමා මෙම ආසනය වෙනුවෙන් කැප කිරීමට සිදුවූයේ දින 6ක් පමණි. ඉතිරි සමස්ත කාලය රටපුරා  මැතිවරණ ව්‍යාපාරය මෙහෙයවීය. කිසිවකු නොසිතූ අයුරින් නුවරඑළිය - මස්කෙළිය ආසනයෙන් ඡන්ද 49000ක් ලබා ගෙන  ඔහු ආසනයේ දෙවනි මන්ත්‍රීවූයේ වතු ද්‍රවිඩ නායක තොණ්ඩමන් තෙවනියා බවට පත් කරමිනි. 
එවකට ප්‍රබල නායකයන් දෙදෙනකු වූ ගාමිණී දිසානායක  සහ තොණ්ඩමන් සමග කරට කර සටනක් දී තවත් අපේක්ෂකයන් 14ක් පරදවා සිය ආසනය සඳහා දින 6ක් පමණක් ගතකොට ලැබූ ජය ලංකා මැතිවරණ ඉතිහාසයේ සුවිශේෂ සිද්ධියකි. එතුමා මෙසේ ගත්තේ ප්‍රබලයන් මග ගස් මුලින් ඉදිරී වැටෙන්නාක් මෙන් 
පක්ෂය සෝදා ගෙන යන විට හා 8 දෙනෙක් පමණක් දිනූ පසුබිමක් තුළය. 
අනුර බණ්ඩාරනායකයන් ලංකාවේ පමණක් නොව ‍පොදු රාජ්‍ය මණ්ඩලයේද ළබාලතම විපක්ෂ නායක විය. එතුමා 1983 විපක්ෂ නායක ධුරය හිස් වූ විට එයට පත්වූයේ සියල්ලන්ගේම එකඟත්වයෙනි. එතුමා එම ධුරයේ වගකීම ශ්‍රීලනිප මන්ත්‍රීන් 8ක් වැනි සුළු පිරිසක් සමග එජාප මන්ත්‍රීන් 148ක් සමග කරට කර හැප්පෙමින් ඉහළින්ම කළ බව කවුරුත් පිළිගනිති. පරිණත දේශපාලනඥයෙකුගේ ඉහළම ලකුණු පහළ කරමින් එතුමා එදා කළ කාර්යභාරය නූතන නායකයන්ට කදිම ආදර්ශයක්ද වන්නේය. 
1988 මැතිනිය ඉදිරිපත්වූ ජනාධිපතිවරණයේ සමස්ත බරම කරට ගෙන ක්‍රියා කළේ රාජ්‍ය භීෂණය, කොටි 
ත්‍රස්තවා දී තර්ජන මධ්‍යයේය. එම ජනාධිපතිවරණයේදී හැම පළාතටම රැස්වීම් 115 අමතමින් එතුමියගේ ඡන්ද ව්‍යාපාරයට නායකත්වය දුන්නේ එම රැස්වීම්වලට බෝම්බ  වෙඩි වරුසා පතිත වෙද්දීය. භීෂණය හා හොර ඡන්ද නොවන්නට 1988 ජනපතිවරණය ජය ගන්නේ මැතිනියයි. එසේම 1989 මහ මැතිවරණයද අනුර මව සමග මෙහෙයවීය. එමෙන්ම පාද යාත්‍රා රථ යාත්‍ර මගින් ජනතාව අවදි කිරීමට එතුමා සමත් විය. එදා පාද යාත්‍රා, රථ යාත්‍රා සමග අනුර එනතුරු ජනතාව හුළු අතු පත්තු කරගෙන සිටි අයුරු අද බොහෝ නායකයන්ට අමතකය. 
අනුර බණ්ඩාරනායක මැතිතුමා පාර්ලිමේන්තුවේ උත්තරීතර තනතුර වන කථානයක ධුරයට පත්වූයේද ආණ්ඩු පක්ෂයේ මෙන්ම විපක්ෂයේද ‍පොදු එකඟත්වයෙනි. ඔහු නිසා තනතුර බැබළීය. මෙතුමා ව්‍යවස්ථාදායකය. උත්තරීතරය. යනුවෙන් ඓතිහාසික තීන්දුවක් දුන්නේය. මෙතුමාගේ උනන්දුව හා කැපවීම නිසා සන්ධානය බිහිවිය. එසේ බිහි නොවන්නට 2004 දී  ශ්‍රී  ලනිපය ප්‍රමුඛ රජයක් බිහි නොවනු ඇත. අනුර බණ්ඩාරනායකගේ ගුණ සමරන්නට එතුමා ගැන ලියන්නට අද කිසිවෙක් නැත. ඒත් එතුමා ජීවත්ව සිටියදී එතුමාගේ සරණින් දේශපාලන ලෝකයේ හිනිපෙත්තට නැගගත් බොහෝ දෙනා අද එතුමා ගැන වචනයක්වත් කතා කරන බවක් නොපෙනේ. ඒ තරමටම අද ලංකාවේ දේශපාලනය අකෘතඥ බවින් වේලී ගොස් ඇත. අනුර බණ්ඩාරනායක වැනි 
විශිෂ්ට දේශපාලනඥයන්ගේ  අඩුව අපේ රටට එදාට වඩා අද තදින් දැනේ. 
 
ගාමිණී ගුණසේකර 
සභාපති - අධ්‍යාපන මිත්‍රත්ව සංසඳය 

මෑත ඉතිහාසයේ දේශපාලන ක්ෂේත‍්‍රයේ වැඩියෙන්ම කතාබහට ලක්වූ කොමිෂන් සභා වාර්තාව වූයේ බැඳුම්කර වාර්තාවය. එම වාර්තාව කොතරම් දුරදිග ගියේ දැයි කිවහොත් එ් ගැන පාර්ලිමේන්තු විවාදයක් පවත්වන්නටද පක්‍ෂ නායකයන්ට සිද්ධ විය. එ් පිළිබඳ විවාදය ඇරඹුණේ ඉකුත් හයවැනිදාය.
මහ බැංකු බැඳුම්කර ජනාධිපති කොමිෂන් සභා වාර්තාවට අමතරව එදින බරපතල වංචා දූෂණ පිළිබඳ ජනාධිපති කොමිෂන් සභා වාර්තාව  පිළිබඳවද විවාදයට ගැනීම විශේෂ සිද්ධියකි.
මෙම විවාදය කෙරෙහි පුළුල් ජනතා අවධානයක් යොමුවූ  බැවින්, ඉතා වගකීමකින් යුක්තව විවාදයට සහභාගි වන ලෙස කථානායක කරු ජයසූරිය විවාදය  ආරම්භයේදීම සියලූ පාර්ශ්වයන්ගෙන් ඉල්ලා සිටියේය. කෙසේ නමුදු මුළු රටම පාර්ලිමේන්තුව දෙස බලා සිටියත් විවාදයේ දිස් වූයේ ඇල්මැරුණු ස්වභාවයකි. මැති ඇමැතිවරුන්ගේ සහභාගිත්වය අඩුවීම හේතුවෙන් මෙම විවාදය බොහෝ දෙනෙකු අපේක්ෂා කළ මට්ටමේ උණුසුම් ස්වභාවයක් නොගත්තේය. පුංචි ඡන්දයේ ප‍්‍රචාරක කටයුතු සඳහා පසුගිය සතියේ මැති ඇමැතිවරුන් රැසක්ම කොළඹින් පිට ප‍්‍රදේශ කරා ගොස් සිටීම ඊට හේතු විය. රටේ මූල්‍ය පාලනය සම්බන්ධ සිද්ධියකට වඩා ඔවුන්ට කතිරය ලොකු වී තිබුණි.
නමුත් ආණ්ඩු පක්ෂයේ මෙන්ම විපක්ෂයේද ප‍්‍රධාන පෙළේ දේශපාලනඥයෝ කිහිපදෙනෙක්ම මෙම විවාදයට එක්ව සිටියහ. ඒ නිසාවෙන්ම ඉතාමත් වැදගත් දේශපාලන කරුණු කිහිපයක්ම මෙහිදී සාකච්ජාවට බඳුන්විය.
සභාව කල් තබන අවස්ථාවේ විවාදයක් ලෙස මෙම බැඳුම්කර විවාදය පැවැත්විණි. ඒ අනුව සභාව කල්තබන අවස්ථාවේ යෝජනාව ඉදිරිපත් කරන ලද්දේ අග‍්‍රාමාත්‍ය රනිල් වික‍්‍රමසිංහ විසිනි.
අග‍්‍රාමාත්‍ය රනිල් වික‍්‍රමසිංහ මෙහිදී මෙම විවාදයට දෙන ලද්දේ තරමක ඇල්මැරුණු ආරම්භයකි. බැඳුම්කර වාර්තාව පිළිබඳව ඉතා අඩුවෙන් කරුණු දැක්වූ අගමැතිවරයා වැඩි වශයෙන් කරුණු දැක්වූයේ බරපතළ වංචා දූෂණ පිළිබඳ ජනාධිපති කොමිෂන් සභා වාර්තාව  පිළිබඳවය.
මෙම රටාව මෙම විවාදය පුරා දක්නට හැකි සුවිශේෂී කරුණක් විය. එනම්  එජාපයේ සියලූම කථිකයෝ බැඳුම්කර වාර්තාව පිළිබඳ අඩුවෙන් අදහස් දක්වමින් බරපතළ වංචා දූෂණ පිළිබඳ ජනාධිපති කොමිෂන් සභා වාර්තාව පිළිබඳව වැඩියෙන් කරුණු දැක්වූහ. එසේම ඒකාබද්ධ විපක්ෂයේ මන්ත‍්‍රීවරු බරපතල වංචා දූෂණ පිළිබඳ ජනාධිපති කොමිෂන් සභා වාර්තාව පිළිබඳව අඩුවෙන් කතා කරමින් බැඳුම්කර වාර්තාව පිළිබඳව වැඩිපුර කරුණු දැක්වූහ. කෙසේ වෙතත්  ආණ්ඩුවේ ශ‍්‍රීලනිප පාර්ශ්වය හා ජනතා විමුක්ති පෙරමුණේ මන්ත‍්‍රීවරු නම් වාර්තා දෙකම පිළිබඳ බොහෝ දුරට සම සම ප‍්‍රමාණයෙන්  කරුණු දක්වනු දක්නට විය.
අගමැතිවරයා තම ආරම්භක අදහස් දැක්වීමේදී බැඳුම්කර වාර්තාව පිළිබඳව සඳහන් කරමින් පැවැසුවේ ඊට අදාළ නීතිමය පියවරයන් දැනටමත් ක‍්‍රියාත්මක බව පමණි. කෙසේ වෙතත් බරපතළ වංචා දූෂණ පිළිබඳ ජනාධිපති කොමිෂන් සභා වාර්තාව  පිළිබඳව ඔහු වැදගත් කරුණු රැසක් සඳහන් කළේය.
බැඳුම්කර ගනුදෙනුවට අදාළ චූදිතයන්ට එරෙහිව ක‍්‍රියාමාර්ග ගෙන ඇතත් බරපතළ වංචා හා දූෂණ කොමිෂන් සභා වාර්තාවෙන් චෝදනා එල්ල වී ඇති දැනට පාර්ලිමේන්තුවේ සිටින මන්ත‍්‍රීන් ගැන මෙතෙක් පියවර ගෙන නැතැයි අගමැති රනිල් වික‍්‍රමසිංහ මෙහිදී මුලින්ම සඳහන් කර සිටියේය. අනතුරුව එම වාර්තාව නිර්දේශ කර ඇති නීති සංශෝධන කිහිපයක් පිළිබඳවද අගමැතිවරයා සඳහන් කළේය. මෙහිදී මේ දිනවල වැඩි වශයෙන් කතාබහට ලක්වන, දේශපාලනඥයින්ගේ ප‍්‍රජා අයිතිය පිළිබඳ වැදගත් කරුණු කිහිපයක්ද මෙහිදී අගමැතිවරයා විසින් ඉදිරිපත් කළේය.
මන්ත‍්‍රී පදවියෙන් නෙරපීම හා ප‍්‍රජා අයිතිය අහෝසි කිරීම පිළිබඳව මෙම වාර්තාවේ නව නිර්දේශ ඉදිරිපත්ව ඇති බවත් ඒ අනුව එම නිර්දේශ ක‍්‍රියාත්මක කිරීම පිළිබඳ අවධානය යොමු කළ යුතු බවත් අගමැතිවරයා කීය.
ජනාධිපති කොමිෂන් සභාවක නිර්දේශය මත මන්ත‍්‍රීවරයෙකු එම ධුරයෙන් නෙරපීම සහ ප‍්‍රජා අයිතිය අහෝසි කිරීම පිළිබඳ සඳහන් ව්‍යවස්ථාවේ 81 වැනි වගන්තිය සංශෝධනය කරනවාද නැද්ද යන අයිතිය ඇත්තේ පාර්ලිමේන්තුවට බවද  අගමැති රනිල් වික‍්‍රමසිංහ මෙහිදී ප‍්‍රකාශ කළේය. ආණ්ඩුක‍්‍රම ව්‍යවස්ථාවේ 81 වැනි වගන්තියේ සඳහන් වන්නේ මන්ත‍්‍රීවරයෙක් නෙරපීම සහ ප‍්‍රජා අයිතිය පිළිබඳවය. ජනාධිපති පරීක්ෂණ කොමිෂන් සභාවක් විසින් කළ නිර්දේශයකට අනුව පාර්ලිමේන්තුවේ තුනෙන් දෙකක ඡන්දයෙන් අදාළ පුද්ගලයාට වසර හතක් ප‍්‍රජා අයිතිය අහෝසි කිරීම සහ ඒ තැනැත්තා පාර්ලිමේන්තු මන්ත‍්‍රීවරයකු නම් ඔහු පාර්ලිමේන්තුවෙන් නෙරපීම ද කළ හැක්කේය යනුවෙන් 81 වගන්තියේ සඳහන් වේ.
කෙසේ වෙතත්, කිසිදු කෙනෙකුගේ ප‍්‍රජා අයිතිය අහෝසි කරමින් ‘දේශපාලන ගේම්’ ගැසීමට තමන් කිසිසේත් සහාය නොදෙන බව ආණ්ඩුවේ පාර්ශ්වකරුවකු වන ශ‍්‍රී ලංකා නිදහස් පක්ෂයත්, විපක්ෂයේ පාර්ශ්වකරුවකු වන ජනතා විමුක්ති පෙරමුණත් මෙම විවාදය අතරතුර අවධාරණය කළහ.
මැතිවරණ ප‍්‍රචාරක කටයුතු වෙනුවෙන් ස්වාධීන රූපවාහිනිය යොදාගෙන රජයට අලාභ කිරීමේ චෝදනාව යටතේ හිටපු ජනාධිපති මහින්ද රාජපක්ෂට එරෙහිව කොමිෂන් සභා වාර්තාවේ නිර්දේශ පිළිබඳ අදහස් දක්වමින් විපක්ෂයේ ප‍්‍රධාන සංවිධායක ජවිපෙ මන්ත‍්‍රී අනුර කුමාර දිසානායක සහ ධීවර ඇමැති මහින්ද අමරවීර මේ බව කියා සිටියහ. විවාදයට එක්වූ අනුර කුමාර දිසානායක මහතා ප‍්‍රකාශ කළේ තමන්ට අවශ්‍ය වන අය සොයා බලා දඬුවම් දීමේ ක‍්‍රියාමාර්ග තම පක්ෂය පරාජය කරන බවයි.
පාර්ලිමේන්තුව නඩු අසා දඬුවම් දෙන ස්ථානයක් නොවන බව කී හෙතෙම හිටපු අගවිනිසුරු ශිරාණි බණ්ඩාරනායකට එරෙහි යෝජනාවක් පාර්ලිමේන්තුව හමුවට ගෙනැවිත් රාජපක්ෂ ආණ්ඩුව ඇයට පාර්ලිමේන්තුව මගින් දඬුවම් නියම කළ අඳුරු ඉතිහාසයක් ඇතැයි ද කීය.
දේශපාලන ගේම් වෙනුවෙන් කිසිදු අයකුට එරෙහිව නීති සෑදීමට හෝ නඩු ඇසීමට පාර්ලිමේන්තුව තුළ දී තමන් ඉඩ නොදෙන බවද ඔහු කීවේය.
එම නිසා මහින්ද රාජපක්ෂ හෝ වෙනත් කිසිදු අයකුගේ ප‍්‍රජා අයිතිය අහෝසි කිරීමට තමන් ඉඩ නොදෙන බව කී අනුර දිසානායක දූෂණ චෝදනාවන්ට වරදකරු වන අයකු යළි මහජන නියෝජිතයකු ලෙස පත් කිරීම තහනම් කරමින් නීති සම්පාදනය කරන්නේ නම් තමන් ඊට එකඟ බවද ප‍්‍රකාශ කළේය.
මෙම විවාදයට එක්වූ ඇමැති මහින්ද අමරවීර ප‍්‍රකාශ කළේ හිටපු ජනාධිපතිවරයාගේ ප‍්‍රජා අයිතිය අහෝසි කරන බවට සංවාදයක් පවතින බවත් තමන් එවැනි යෝජනාවකට කිසිසේත් පක්ෂ නොවන බවත්ය.
කෙසේ වෙතත්  අධිකරණ ක‍්‍රියාමාර්ගවලට අමතරව මහ බැංකුවට අදාළ නීති කිහිපයක් සකස් කරලීම පිළිබඳවද අගමැතිවරයා අදහස් දැක්වූ අතර ඒවාට විපක්ෂයෙන් කිසිදු විරෝධයක් මතු නොවීය.
මෙම විවාදයේ තරමක් දැඩි අන්දමින් අදහස් දැක්වූවන් අතර අනුර කුමාර දිසානායක කැපී පෙනිණ, ඔහු දිගින් දිගටම වත්මන් රජයට මෙන්ම පසුගිය රජයටද, වංචා දූෂණ චෝදනා එල්ල කරන්නට විය.
බැඳුම්කර ගනුදෙනුව වූ මොහොතේ සිට අගමැතිවරයා, දූෂිතයා ආරක්ෂා කිරීම හා දූෂණය වසන් කිරීමේ පිළිවෙතක සිටි බව කියමින් චෝදනා කළ ඔහු මෙම පරීක්ෂණ හමස් පෙට්ටියට යාමේ අවදානමක් ඇති බවද සඳහන් කළේය.
විවාදය සඳහා ආණ්ඩුවේ ශ‍්‍රීලනිප පාර්ශ්වයෙන් එක්වූ අමාත්‍ය මහින්ද අමරවීර මහතා මෙන්ම නියෝජ්‍ය අමාත්‍ය ලසන්ත අලගියවන්න අවධාරණය කර සිටියේ වාර්තා දෙකෙහිම සඳහන් කරුණු නිසි ලෙස සලකා බලා, ඒ සියලූම වරදකරුවන්ට පක්ෂ පාට භේදයකින් තොරව නීතිය මගින් දඬුවම් ලබාදිය යුතු බවයි.
එක්සත් ජාතික පක්ෂය නියෝජනය කරමින් විවාදයට එක්වූවන්ගෙන් වඩාත්ම කැපී පෙනුනේ හිටපු මුදල් අමාත්‍ය රවි කරුණානායක මහතාගේ අදහස් දැක්වීමය. ඔහු එහිදී ආන්දෝලනාත්මක කරුණු රැසක්ම සඳහන් කළේය.
‘බැඳුම්කර  සිද්ධියේ දී මා එකම පව්කාරයා බවට පත්කරලා. මහ බැංකුව හෝ රජයේ බැංකු මා යටතේ නොවෙයි තිබුණේ. මා වැරැද්දක් කර නැති නිසා බිය නැතිව කොමිසම ඉදිරියට ගොස් සාක්ෂි දුන්නා’ ඔහු මෙහිදී සඳහන් කළේය.
කෙසේ වෙතත් එජාපය වෙනුවෙන් විවාදයට එක්වූ සෙසු මැති ඇමැතිවරුන් වන ඉරාන් වික‍්‍රමරත්න, අජිත් පී. පෙරේරා හා ආචාර්ය හර්ෂ ද සිල්වා විශේෂයෙන් සඳහන් කළේ 2008 වසරේ සිටම මෙම බැඳුම්කර වංචා සිදුව ඇති බැවින් ඒ පිළිබඳවද පුළුල් විමර්ශනයක් කළ යුතු බවයි.
එජාප පාර්ශ්වයෙන් තරමක වෙනස් අදහසක් මතුකරමින් මෙහිදී අදහස් දැක්වූයේ හර්ෂ ද සිල්වා ඇමැතිවරයාය. ඔහු එහිදී මෙසේ පැවැසීය.
‘‘ජනාධිපතිට හෝ අගමැතිට මේ හොරු අල්ලන්න බැරි නම් අපටත් තීරණයක් ගන්න වෙනවා. මොකද මේ ආණ්ඩුව පත්වුණේ හොරු අල්ලනවා කියලා”.
ඒකාබද්ධ විපක්ෂය වෙනුවෙන් අදහස් දැක්වූවන් අතර කැපී පෙනුනේ විමල් වීරවංශ මන්තී‍්‍රවරයාය. ඔහු වත්මන් රජයට  මෙන්ම ජනතා විමුක්ති පෙරමුණටද විවේචන එල්ල කරමින් අදහස් දැක්වීය.
‘‘රටේ සිදුවූ සියලූම වංචා තරාදියක එක පැත්තකටත්, බැඳුම්කර වංචාව අනෙක් පැත්තටත් දැම්මොත් බැඳුම්කර වංචාව බර වැඩියි. මේක සැලසුම් සහගත හොරකමක්. මේ නිසා රටේ මුදල් සංසරණය හීනවෙලා. ශ‍්‍රී ලංකන් එයාර් දූෂණයක් වෙලා තියෙනවා නම් ඒක බලපෑවේ ඒ සමාගමට පමණයි. නමුත් මේක සමස්ත ආර්ථිකයටම බලපෑවා.”
 2008 සිට බැඳුම්කර වංචා සිදුවූ බව එජාපයේ මැති ඇමැතිවරුන්  ප‍්‍රකාශ කිරීම රටට හානිදායක බව මෙහිදී බන්දුල ගුණවර්ධන මහතා සඳහන් කළේය , ‘‘එහෙම කීවොත් ආයෝජනය කර ඇති ආයෝජකයන් තම මුදල් ඉවත් කරගෙන යාවි. එයින් විදේශ සංචිත බිඳ වැටෙනවා. වහාම තේරීම්කාරක සභාවක් පත්කර මේ දේ නිවැරැදි කළ යුතුයි.” යයි බන්දුල ගුණවර්ධන මන්ත‍්‍රීවරයා මෙහිදී සඳහන් කළේ එජාප මැති ඇමැතිවරුන්ගේ ප‍්‍රකාශයන්ට විරුද්ධත්වය පළකරමිනි.
මැති ඇමැතිවරුන්ගේ සහභාගිත්වය අවම වීම හේතුවෙන් පසුගිය සතියේ පැවති මෙම  විවාදය පෙරවරු 10.30 සිට පස්වරු 4 දක්වා සීමා කර තිබූ නමුත් යළි ලබන 20 හා 21 දිනයන්වල නැවත මෙම විවාදය පැවැත් වීමට දැනට  නියමිතව ඇත. පුංචි ඡන්දයෙන් අනතුරුව සියලූම මැති ඇමැතිවරුන්ගේ සහභාගීත්වයෙන් පැවැත්වෙන මෙම විවාදයන් වඩාත් උණුසුම් ස්වභාවයක් ගනු ඇති බව බොහෝ දෙනාගේ විශ්වාසය වී ඇත.

පැතුම් වික‍්‍රමරත්න

Page 1 of 14

IMAGE

සංසාර සිහිනයේ ගී සංකල්පනය මම 'ටැබ් එකේ ටයිප් කරපු' එකක්

IMAGE 2018 Feb 21 12:00
සනුක වික්‍රමසිංහ ගායනා කරන “සංසාර සිහිනේ” කලක පටන් බොහෝ ගීත දර්ශකවල පෙරමුණ ගෙන තිබෙන...
Views - 1939

මම නාට්‍ය කලාවෙ ඉන්නේ ඒ ගැන තියන 'උණ' නිසයි

IMAGE 2018 Feb 21 11:53
වේදිකාව, පුංචිතිරය සහ සිනමාව යන මාධ්‍ය ත්‍රිත්වයෙහිම සිය ප්‍රතිභාව ප්‍රකට කළ කලාකරුවකුවන...
Views - 1049

බිරිඳ රැකියාවක් නොකිරීම මගේ සාර්ථකවයට හේතුවක්

IMAGE 2018 Feb 20 14:38
“සිරස ජූනියර් සුපර් ස්ටාර්..” තරගය ගැන මුලින්ම අප ඔබගෙන් විමසන්න කැමතියි.. ඇත්තෙන්ම “සිරස...
Views - 4999

බිරිඳට පින් තකා සුනඛයන්ට දිනපතා සහල් කිලෝ 08ක දනක්

IMAGE 2018 Feb 20 14:23
මිනිසා තිරිසනුන් වන අවස්ථාත් තිරිසනා මිනිසුන් වන අවස්ථාත් අපට බොහෝ විට දක්නට ලැබුණද...
Views - 2873

ලංකාවේ අන්තිම රජු සැඟවූ නිධානය කෝ?

IMAGE 2018 Feb 19 11:34
මහනුවර රජ කළ රාජාධිරාජසිංහ රජුට බිසෝවරුන් කිහිප දෙනෙක්ම සිටියහ. ඔවුන් අතර අලමේලු අම්මා,...
Views - 4952

රඟපෑමෙන් සමුගත් හේතුව නදීකා කියයි

IMAGE 2018 Feb 19 10:41
“චංචල රේඛා” චිත්‍රපටයේ “දං චූටි” නාඳුනන කෙනෙක් එදා සිනමා ලෝලීන් අතර හිටියේ නැහැ....
Views - 6172

Please publish modules in offcanvas position.