lakbima.lk
2017-04-21 ඇමෙරිකා ඩොලරය ගැනුම් මිල රු.150.5100 , විකුණුම් මිල රු.154.3100 | බි‍්‍රතාන්‍යය පවුම ගැනුම් මිල රු.191.9300 , විකුණුම් මිල රු.198.4400 | යුරෝ යුරෝපය ගැනුම් මිල රු.160.3000, විකුණුම් මිල රු.166.4200 | ස්වීස් ප‍්‍රෑන්ක් ගැනුම් මිල රු.149.6900 , විකුණුම් මිල රු.155.6300 | කැනඩා ඩොලරය ගැනුම් මිල රු.110.9600 , විකුණුම් මිල රු.115.3500 | ඔස්ට්‍රේලියා ඩොලරය ගැනුම් මිල රු.112.2600 , විකුණුම් මිල රු.117.3100 | සිංගප්පූරු ඩොලරය ගැනුම් මිල රු.107.2200 , විකුණුම් මිල රු.111.1400 | ජපානය යෙන් ගැනුම් මිල රු.1.3712, විකුණුම් මිල රු.1.4229 |

මෝඩ හාමුගෙ කරත්ත රේස් එක

විසි වෙනි සියවසේ මුල් භාගයේ කොස්ගොඩ, බලපිටිය, අහුන්ගල්ල පැත්තේ බොහොම තෙදවත්, බලවත් හාමු මහත්තයෙක් හිටියා. මේ හාමු මහත්තයාට ඒ පළාතේ අක්කර සිය ගාණක පොල්වතු, කුරුඳු වගේම කුඹුරු එහෙමත් තිබුණා. තෙදවත් බලවත්, ධනවත් කම් අතින් ‍කොච්චර ඉහළ ගියත් ගුණවත් කම අතින් නම් මුන්නැහේ අන්තිම පහත් අඩියකට වැටිලා හිටියා. විශේෂයෙන් ගමේ ගොඩේ ඇහැට කනට පේන ළමිස්සියෙක් දැක්කොත් ඒ කෙල්ලව හොඳින් බැරිනම් නරකින් හරි ගොඳුරු කර ගන්නකම් මේ හාමුමහත්තයට නින්ද ගියේ නැති ගාණයි. කොහොම නමුත් මේ හාමු මහත්තයට හිටියේ එකම එක පුතයි හොඳට කඳ බඩ හැදිලා තිබුණට මොකද? මේ පුතා මන්ද මානසික තරුණයෙක්. ඒ හින්දා ඒ තරුණයා කරන තරමක් කළේ අනුවණකම්. ඒ හින්දම මේ තරුණ හාමුව ගමේ හැමෝම හැඳින්වූවේ “මෝඩ හාමු”  කියන නමින්.

එක්දහස් නවසිය තිස් පහේ දෙසැම්බර් පස් වෙනිදා ආචාර්ය කොල්වින් ආර් ද සිල්වාගේ මූලිකත්වයෙන් පිහිටවපු ලංකා සමසමාජ පක්ෂය හරහා අපේ රටේ තරුණයන් අතර වාමාංශික දේශපාලන අදහස් මුල්වරට පැතිරෙන්න පටන් ගත්තා.  ඒ තාක් ගමේ රටේ අප්‍රසාදයට පත්වෙලා හිටපු හාමුමහත්තයා ධනේශ්වර පන්තියේ බලකණුවක් විදිහට වාමාංශික දේශපාලන අදහස් දරපු ගැමි තරුණයන්ට පේන්න ප‍ටන් ගත්තා. ඒකෙන් හාමුමහත්තයා ගම්මුන්ගෙන් තවත් දුරස් වුණා.
 
ඒ කාලේ සිංහල අලුත් අවුරුද්ද වෙනුවෙන් කරත්ත රේස් එකක් සංවිධානය වුණේ ඔය අතරේ. ඒකට ගාල්ල, බෙන්තර වගේ දුර පළාත්වලින් පවා දක්ෂ කරත්ත රේස් කරුවන් ඉදිරිපත් වෙලා හිටියා. මේ කරත්ත රේස් එක බලන්න සිය දහස් ගණන් එක් රොක්වන බව දැන ගත්තු හාමු මහත්තයට විරුද්ධ තරුණ පරපුර ඒ අවස්ථාවෙන් ප්‍රයෝජන අරගෙන උන්නැහේට ලොකු අපහාසයක් එල්ල කරන්න සැලසුම් කළා.
 
ඒ අනුව ඒ තරුණයෝ කීප දෙනෙක් වලව්වේ හාමු මහත්තයා නැතිවෙලාවක් බලලා හීන් සීරුවෙම මෝඩ හාමුට කිට්ටු කළා.
 
“හාමු ඔන්න අහවල් දවසට අතන කරත්ත රේස් එකක් තියනවා. හැබැයි මේකට හාමුත් රේස් කරත්තේ බැඳගෙන ආවොත් පළමුවෙනියා වෙන්න පුළුවන් කිසිම ප්‍රශ්නයක් නැතුව.” මේ තරුණයෝ මෝඩ හාමු  ළඟට ගිහින් කුටු කුටු ගෑවා.
 
“අනේ මං රේස් කරත්ත පදින්න දන්නේ නැහැනේ. අනික ඕක කරන්න ගියොත් තාත්තා මාව මරයි.” මෝඩ හාමුත් අසරණ විදිහට කිවුවා.
 
“හාමු කොහොම හරි එදා නියම වෙලාවට තාත්තට හොරෙන් කරත්තේ බැඳගෙන එතනට එන්නකෝ. ඉතුරු හරිය අපි බලා ගන්නම්.” තරුණයෝ මෝඩ හාමුට හීන් සීරුවෙම කිව්වා. ඒ හැමෝගෙම අරමුණ කරත්ත රේස් එකේ දී මෝඩ හාමු කරන විගඩම මුලු ගමටම පෙන්නලා හාමු මහත්තයගේ බල බිඳින්න.
 
කොහොම හරි ඔන්න නියම දවසේ නියම වෙලාවට එතැනට ආපු දක්ෂ රේස් කරත්ත කාරයෝ අතරේ මෝඩ හාමුත් තමන්ගේ රේස් කරත්තේ තියාගෙන ඉන්නවා. දැන් තරුණයන්ගේ අරමුණ මෝඩ හාමු රේස් එක පටන්ගත්තු තැන ඉඳලා හූ කියමින් සමච්චල් කරන්න. ඔන්න කොහොම හරි කරත්ත රේස් එකත් පටන් ගත්තා කියමුකෝ. අර තරුණයොත් මොකද කරන්නේ තරඟාරම්භක සංඥාව ලැබෙන කොටම කරත්තේ නැගලා ඉන්න මෝඩ හාමු වටේ රොක්වෙලා හූ කියන්න පටන් ගත්තා. කොහොම හරි මේ හූ සද්දෙට කලබල වුණු මෝඩ හාමුගේ කරත්තේ බැඳලා හිටපු ගොන් නාම්බා පුළුවන් තරම් වෙර වීරිය අරන් කරත්තෙත් ඇදගෙන දුවන්න පටන් ගත්තේ නැතැයි. අන්තිමට මොකද වුණේ? එතන හිටපු කිසිම කෙනෙක් හීනෙන් වත් නොහිතපු විදිහට ඒ කරත්ත රේස් එකෙන් ජයගත්තු “මෝඩ හාමු” කප් එකත් ගහගෙන වලවුවට ගියා.
 
සහන් සංකල්ප සිල්වා

Add comment

ප්‍රතිචාර දැක්වීමේ කොන්දේසි : -
ප්‍රතිචාර දැක්වීමේදී පරුෂ වචන අපහාස කිරීම් ලිපියට අදාල නොවන ප්‍රතිචාර පල කිරීමෙන් වලකින ලෙස කරුණාවෙන් දන්වා සිටිමු.


IMAGE

විවාහය සතුටක් තනිකඩ ජීවිතය දුකක් ඒත් මම විවාහ වෙන්නේ නෑ

IMAGE 2017 Apr 23 18:12
“සතුටයි දුකයි“ අතර ගෙවී යන ජීවිතයේ අහුමුළු ස්පර්ශ කරන ‘සතුටයි දුකයි‘ කියන අපේ...
Views - 674

කුණු කන්දට විරුද්ධ වුණාම මට ගැහුවා, නඩු දැම්මා

IMAGE 2017 Apr 23 14:22
මීතොටමුල්‍ලේ කුණු කන්දේ මේ ඛිෙදවාචකය සිදු වන බවට කල් තියාම දැනගෙන හුන් පුද්ගලයෙක් හුන්නේය....
Views - 555

ශරීරයේ සීනි අඩුකරන 'මස්බැද්ද' ගැන රහසක්

IMAGE 2017 Apr 20 12:15
මගෙන් ප්‍රතිකාර ගන්නා රෝගියකුට දියවැඩියාව පාලනය කර ගැනීම පිණිස වන ඖෂධ සහ වෛද්‍ය උපදෙස් නියම...
Views - 29193

සෝමාලියානු කොල්ලකරුවන්ගෙන් නිදහස් වූ අපේ සූපවේදියා

IMAGE 2017 Apr 19 13:29
අපි අටදෙනාට පණ පිටින් ලංකාවට ඒමට අවස්ථාවක් ලැබෙයි කියලා මම කවදාවත් හිතුවේ නෑ. මට අද විශාල...
Views - 2492

මතුරට තරුණියට වතුපිටිවලින් හමුවූ ‘විස්මිත නෑයෝ’

IMAGE 2017 Apr 19 12:04
දිනය පසුගිය අප්‍රේල් දහසය වන ඉරිදාය. ස්ථානය වතුපිටිවල ප්‍රදේශයේ  නිවසකි. වේලාව පස්වරු දෙක...
Views - 6771

වැඩිපුර අවුරුදු කෑ සිවිල් ආරක්ෂක සෙබළා මරුට

IMAGE 2017 Apr 19 10:06
වැඩිමහල් සහෝදරයාගේ නිවසේ පැවැති අවුරුදු සාදයකට සහභාගි වී ප්‍රමාණය ඉක්මවා රාත්‍රී ආහාරය...
Views - 3297

Please publish modules in offcanvas position.