Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - [email protected] youtube
Coss Ear2
lakbima.lk
COSS Ear 1
                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

සීගිරියටත් වඩා ලොකු ‘පුංචි සීගිරිය නගිමු’

පුංචි ශ්‍රීපාදය යනුවෙන් හඳුන්වන කඳු කීපයක්ම අපේ රටේ විවිධ ස්ථානවල තිබෙනවා. නමුත් ඒ කිසිවක් ශ්‍රීපාද කන්ද තරම් විශාල නැහැ. නමුත් පුංචි සීගිරිය නමින් හඳුන්වන ස්ථාන අප රටේ ඇත්තේ එකම එකක් විතරයි. ඒ තමයි කෑගල්ල දිස්ත්‍රික්කයේ අරණායක ප්‍රාදේශීය ‍ලේකම් කොට්ඨාසයට අයත් බත‍ලේගලකන්ද. නමුත් මෙහි ඇති සුවිශේෂත්වය වන්නේ මෙයට බොහෝ දෙනෙක් පුංචි සීගිරිය කියා කියතත් උසින් සහ වට ප්‍රමාණයෙන් මෙය සීගිරි පර්වතය මෙන් කිහිප ගුණයකින් විශාල වීමයි. ඒ අනුව  බත‍ලේගල කන්ද පුංචි සීගිරිය කියා හැඳින්වීමට හේතු දෙකක් දක්වන්න පුළුවන්.
  
ලෝකයේ  අටවන පුදුමය සේ සැලකෙන සීගිරිය හමුවේ මේ බතලගල පර්වතය දෙවන තැනට පත්වීම ඉන්  පළමු වැන්න වන අතර දෙවැන්න වනුයේ කොළඹ නුවර ප්‍රධාන මාර්ගයේ කඩුගන්නාව ප්‍රපාතය පසු කරනවිට මෙම බත‍ලේගල පර්වතය සීගිරියට වඩා කුඩාවට  දුරට දිස්වීම දෙවැන්නයි. 
 
අලට කන්න බැරි අලගල්‍ලේ කන්ද
බතට කන්න බැරි බත‍ලේගල කන්ද
හුනට කන්න බැරි හුන්නස්ගිරි කන්ද
මේ කඳු තුනට  නායක සමනල කන්ද
 
යනුවෙන් පැවැසෙන පැරණි සබරගමු ජනකවියට අනුව මේ බත‍ලේගල  දුරාතීතයේ සිට ජන අවධානයට ලක් වූ තැනක් බව පැහැදිලියි. මේ කන්දේ හැඩහුරුකම විශාල  ‍පොතකට  සමාන නිසා අතීතයේ අපේ රට පාලනය කළ විදේශිකයන් මෙයට බයිබල් ගල (Bible rock) කියා අපූරු නමක් පටබැඳ තිබුණා මුහුදු මට්ටමින් අඩි 2780 උසින් පිහිටි කන්ද මත පිහිටි බත‍ලේගල, ඒ කියන්නේ පර්වතය අඩි 540ක් පමණ උසින් යුතු බවයි පැවැසෙන්නේ. 
දැනට දක්නට ලැබෙන පුරාවිද්‍යාත්මක සාධක කිසිවක් නැතත් මේ බත‍ලේගල පර්වතය කන්ද උඩරට රාජධානී සමයේ රාජ්‍ය ආරක්ෂක මධ්‍යස්ථානයක් හැටියට යොදාගෙන ඇති බව පර්වතය මුදුනේ දක්නට ලැබෙන ඇතැම් ලකුණුවලින් සාධාරණ ලෙස අනුමාන කරන්න පුළුවන්.
ඒ හැරුණුකොට මේ බත‍ලේගල කන්ද ප්‍රදේශය පාරිසරික වශයෙනුත් ඉතාම වැදගත්වන නිසා සොබාදහම සහ පරිසරය කෙරෙහි ඇල්මක් දක්වන්නවුන් කණ්ඩායම් වශයෙන් මේ සොබාදම් රජ දහනට පිවිසෙනු දැකිය හැකියි. ඇටඹ, වල්දෙල්, බදුල්ල, පුස්වැල්, අරත්ත, තෙබු, හවරිනුග, කැන්ද ආදී ප්‍රදේශයේ ස්වාභාවික ලෙස වැඩෙන තුරුලතාවලින් බහුල මෙහි මුවන්, වල් ඌරන්, ඉත්තෑවන්, වලිකුකුළන්, බළල් දිවියන් ආදී සත්ව ගහනයක්ද සුව සේ දිවි ගවෛනවා.  වසරේ වැඩිම කාලයක් වැසි දිය ඇද හැලෙන මෙම පර්වතය මුදුනේ සාමාන්‍ය උෂ්ණත්වය සෙල්සියස් අංශක 25ක් පමණ වෙනවා. කොළඹ නුවර ප්‍රධාන මාර්ගයේ මාවනැල්ලෙන් හැරෙන අරණායක මාර්ගය ඔස්සේ හත්ගම්පලට පැමිණ එහි ශ්‍රී මහා බෝධි විහාරයට හැරෙන මාවත අද්දරින් ඇරඹෙන බත‍ලේගල පාර ඔස්සේ මේ බත‍ලේගල කඳු පාමුලට පැමිණිය හැකියි. ඒ දක්වා වැටී ඇති රළු ගමන් මග ඔස්සේ වාහන පැමිණිය හැකි වුවත් ඉන්පසු ශීඝ්‍ර නැග්මක් ඔස්සේ මෙම පර්වතය පා ගමනින්ම තරණය කළ යුතු වෙනවා. මේ පර්වත මුදුන කොටස් දෙකකින් යුතු අතර එහි  එක් දකුණු දෙසට වැටී ගත් ගමන්මග අවසන් වන්නේ විහාරස්ථනයකින්. ඒ වගේම  එහි අනෙක් කොටසට හැරුණු විට ඉතා මනරම් හාත්පස සුන්දරත්වයකින් වශීකෘක වීමේ වාසනාව ඔබ සතු වෙනවා. ඒ කෙසේ හෝ මේ සොඳුරු සොබාදම් පාරාදීසය වෙත යන ඔබ  ‍පොලිතීන් ප්ලාස්ටික් වීදුරු ආදී නොදිරන ද්‍රව්‍ය සහ මැසි මදුරුවන් බෝවිය හැකි වෙනත් අපද්‍රව්‍ය එහි රඳවා නොඒම සොබාදම් මවගේ මව් සෙනෙහස උදෙසා කරනු ලබන උත්තම මාතෘ පූජාවක් ලෙසයි අවසන් වශයෙන් කිව යුත්තේ.
 











සහන් සංකල්ප සිල්වා 

Add comment

ප්‍රතිචාර දැක්වීමේ කොන්දේසි : -
ප්‍රතිචාර දැක්වීමේදී පරුෂ වචන අපහාස කිරීම් ලිපියට අදාල නොවන ප්‍රතිචාර පල කිරීමෙන් වලකින ලෙස කරුණාවෙන් දන්වා සිටිමු.


Security code
Refresh

IMAGE

ෆේස්බුක් එකෙන් ඔබේ හිතේ ලෙඩ ගැනත් කියන්න පුළුවන්

IMAGE 2017 Dec 15 10:42
ඔබටත් ෆේස්බුක් ගිණුමක් තිබෙනවාද? එසේ ගිණුමක් තිබෙනවා නම් ඔබ ඒ සඳහා දවසකට; සතියකට හෝ මාසයකට පැය...
Views - 1261

සුද්දන්ට උණවටුන එපා කරවන ඩිස්කෝ ඩාන්ස්

IMAGE 2017 Dec 14 07:56
ආචාර්ය ආතර් සී. ක්ලාක් විද්වතා පවසන ආකාරයට උණවටුන වෙරළ තීරය ලෝකයේ ඇති දර්ශනීය වෙරළ දොළහෙන්...
Views - 2709

ගැබිණි නිලධාරිනිය අධ්‍යක්ෂක හා 'හනිමූන්' ගිහින්

IMAGE 2017 Dec 13 10:33
ඔහු මෙරට ප්‍රමුඛතම සමාගමක අධ්‍යක්ෂ වරයෙකි. වයස අවුරුදු 40 ක් පමණ වන ඔහු දරු දෙදෙනෙකුගේ පියෙක්...
Views - 8205

2017 විශ්ව රූ රැජින ඩෙමී සහ අපේ ක‍්‍රිස්ටියානා

IMAGE 2017 Dec 13 10:17
ලෝක රූ රැජින තේරීමේ තරගයේ උණුසුම පහව යෑමටත් පෙර තවත් සුරූපිනියක් විශ්ව රූ රැජින ලෙස  කිරුළ...
Views - 4106

ඉන්දීය ක්‍රිකට් නායක විරාත් කෝලි නිලියක ගේ අත ගනී

IMAGE 2017 Dec 12 12:41
ඉන්දීය ක්‍රිකට් නායක විරාත් කෝලි ඊයේ (11) යුග දිවියට එළඹුණි. ඔහුගේ අතගත් මනාලිය වූයේ බොලිවුඩ්...
Views - 4331

පාතාලයට ඔත්තු දීමේ වරදට වෙඩි කෑ රූපලාවන්‍ය ශිල්පිනිය

IMAGE 2017 Dec 12 10:22
අතුරුගිරිය නගරයේ පිහිටි සයෝනාරා රූපලාවන්‍යාගාරයේ හිමිකාරිය වන හතළිස්හත් වියැති මංජුලා...
Views - 5994

Please publish modules in offcanvas position.