Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - [email protected] youtube
lakbima.lk

                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

විශාඛාවගේ නංගී ඉපදිලා

විශාඛා මහෝපාසිකාවගේ නංගී ඉපදිලාලු. පාසල් ගුරුවරියක වන අමාලිට මීට මාස කිහිපයකට ඉහත එම ප්‍රවෘත්තිය අසන්නට ලැබුණේ එම පාස‍ලේම ගුරුවරියකගෙනි.‘ ඒ මොන බහුබූත කතාවක්ද? කොහොමද අපි එහෙම කියන්නේ2’ අමාලි ඇසුවේ විස්මයෙනි.
‘අපි දන්න තරමින් නම් විශාඛා මහෝපාසිකාවට සහෝදරියක් හිටියා කියලා බණ ‍පොතකවත් නෑ’
එහි සිටි තවත් ගුරුවරියක කීවාය
‘ඒකම තමයි අනේ කියන්නේ ? බණ ‍පොතේ නැති වුණාට එහෙම ඉඳලා තියනවානේ. පුදුමේ කියන්නේ ඔය කියන ගෑනු කෙනා විශාඛාව ගැන හැම තොරතුරක්ම අකුරක් නෑරම මතකයෙන් කියනවානේ. නමුත් එයාට එකම එක සැරයයි බුදු හාමුදුරුවෝ බැහැ දකින්න ලැබිලා තියෙන්නේ. මොකද ඒ කා‍ලේ එයාගේ  පුරුෂයා බ්‍රාහ්මණ ආගමේ කෙනෙක් නිසා  ජේතවනාරාමයට යන්න දීලා නැහැ. නමුත් මෙයා බුදු හාමුදුරුවන්ගේ විස්තර එහෙමත් අකුරක් නැතුව කියනවානේ. ඒ වගේම තමයි එයා කියන බණත්. ඔන්න දැන් එයාට සමහර පන්සල්වල බණටත් ආරාධනා කරනවලු.  එම අපූරු චරිතය පිළිබඳ කී ගුරුවරිය කීවාය.
‘සංසාරේ ගැන එහෙම හිතෙන හිතෙන දේවල් කියන්න අපිට බැහැ. ඒ වගේ දෙයක් විස්තර කරන්න  නම් බුදු කෙනෙක්ම ඉන්න ඕනේ කියලයි බුදු බණේ තියෙන්නේ. අමාලි කීවාය.
ඒ කෙසේ හෝ ඊට පසු දිනයෙක විශාඛාවගේ නැගණිය ලෙසින් තමන් හඳුන්වා ගන්නා කාන්තාව එම ප්‍රදේශයේ සමිතියක්ම විසින් ධර්ම දේශනාවක් සඳහා කැඳවා ගන්නා ලදුව අමාලිගේ පාස‍ලේ ගුරුවරියන් කිහිප දෙනෙක්ද එම දම් දෙසුම ඇසීමට ගියහ.
‘මොනවා වුණත්  එයා කියන දේවල් නම්  එක දිගට පැය ගාණක් වුණත් අහගෙන ඉන්න පුළුවන්. එයා විශාඛාවත්්  එක්ක පුංචි කා‍ලේ වැලිබත් උයපු හැටි හරිම ලස්සනට විස්තර කරනවනේ. ඒ විතරක්ද? එයා අර  විශාඛාවගේ ගුණ ගැන ලියැවුණු කවි ටික අහගෙන ඉන්නකොට කනට මී පැණි ගලනවා වගේ. එම දම් දෙසුම ඇසීමෙන් පසු පාස‍ලේ සෙසු ගුරුවරියෝ එලෙස කතා බහ කරලු අමාලි අසා සිටියේ දැඩි කම්පාවකිනි.
ඉහත සඳහන් සිදුවීමට අතිශයින් සමාන සිදුවීම් මේ වන විට අප රටේ බොහෝ ප්‍රදේශ වලින් අසන්නට ලැබේ. රාවණා රජුගේ නැගණිය වශයෙන් තමන් හඳුන්වා ගන්නා කාන්තාවක ගුප්ත ශාස්ත්‍ර මුවාවෙන් ජනතාව මුලා කරමින් සිටින අතර විහාර මහා දේවිය සහ ඇහැ‍ලේ‍පොළ කුමාරිහාමි යළි ඉපදී ඇති බවටද  ආරංචි පැතිර යමින් පවතී.
 සාමාන්‍ය ජනතාවඅතිශය විස්මය ජනක සිදුවීම් වන මේවායේ ඉතා පැහැදිලි මනෝ විද්‍යාත්මක, මනෝ වෛද්‍ය විද්‍යාත්මක සමාජ මනෝ විද්‍යාත්මක සහ සමාජ විද්‍යාත්මක පැතිකඩ ඇති බව එම ක්‍ෂේත්‍රයටත් සම්බන්ධ පිරිස් දකිති. එහෙත් ඒ කරුණු සාමාන්‍ය ජන සමාජය වෙත සම්ප්‍රේෂණය වනුයේ ඉතා මඳ වශයෙනි.
කිසියම් පුද්ගලයකු තමන් තුළ මෙවන් අසාමාන්‍ය පෞරුෂයක් ඇති බව ලොවට ප්‍රකාශ කරන ප්‍රධානතම අරමුණ වනුයේ එමගින් අන්‍යයන් රැවටීම පිණිසය. ඒ ඔස්සේ තමන් වෙත සුවිශේෂ සමාජ අවධානයක් යොමු කර ගැනීම ඔවුන්ගේ   අරමුණ බවට සැක නැත. එසේම  ඒ ඔස්සේ තමන් වෙත කීර්තියක් සේම මිල මුදල්ද නොමඳව ගලා එන බව  ඔවුහු දනිති.
ඒ හාරුණු කොට  විවිධ මානසික ගැටලු මානසික අර්බුද සහ මානසික රෝග ලක්ෂණ වශයෙන්ද ඇතැමුන් මෙබඳු අසාමාන්‍ය ප්‍රකාශ සිදු කරන අවස්ථා තිබේ.
අසමාන්‍ය රෝගය නම් වන මානසික රෝගී තත්ත්වය ඒ අතුරින් එකකි. මෙය මෝහාබාධ ගණයට අයත් රෝගයක් වන  මින් පෙළෙන්නවුන් සෑමවිටම තමන් තම සැබෑ පෞරුෂයට වඩා ඉහළ පෞරුෂයකින් යුතු අයෙකු යැයි  සිතති. ඔවුන් එසේ සිතනුයේ අවංකවමය. බොහෝ විට මතුපිටින් සාමාන්‍ය ජීවිතයක් ගත කළද එම සිතුවිල්‍ලේ දී ඔවුන් අසාමාන්‍ය ලක්ෂණ පළ කරති. නිදසුනක් ලෙස තමන් සීතාවක රාජසිංහයන් යැයි සිතා සිටින පුද්ගලයකු පවුල් ප්‍රජා සමාජීය වශයෙන් මතුපිටින් සාර්ථක ජීවිතයක් ගත කළ හැක. එහෙත් කිසියම් අයකු දැන් සීතාවක රාජසිංහ රජු දැන් මෙලොව නැතැයි කිවහොත් ඒ  තැනැත්තා ඉදිරිපත්ව  සීතාවක රාජසිංහයන්ගේ වාර්තමාන  ස්වරූපය තමන් බව පවසනු ඇත. මෙය  භින්නෝන්මාද රෝග භාණ්ඩයට අයත් රෝගයක් සේ සැලකේ.
මීට අමතරව ක්ෂිජතනාව නම් රෝගයේ ලක්ෂණයක් ලෙසද තමන් හට පමණ ඉක්මවන  වටිනාකමක් ආරෝපණය කර ගැනීමට යමකුට පුළුවන. එ එම රෝගය නිසා මොළයේ ඇතිවන ෙජෙව රසායනික අධික ක්‍රියාකාරීත්වය නිසාය. මෙහිදී මෙවන් දැඩි විශ්වාස තුළ  එල්බ ගන්නවුන් ඒවාට එරෙහිවන්නවුන් කෙරෙහි ප්‍රචණ්ඩකාරී ලෙස කටයුතු කිරීමටද පුළුවන.
මනැසේ ඇතිවන ගැටුම්කාරී තත්ත්වයන් මුල්කොට හටගන්නා විඝටනය  නම් මානසික අර්බුදය මත ස්වකීය පෞරුෂයෙන් ඉවත්වන සමහරුන් ඉවත්ව අන් අයකු ලෙසින් සමාජය හමුවේ පෙනී සිටීමටද  පුළුවන. මනෝ වෛද්‍ය විද්‍යාවේදී මෙය හැඳින්වෙන්නේ  විඝටන අනන්‍යතා ආබාධය  යනුවෙනි.
තම සාමාන්‍ය පෞරුෂයෙන් යුතු සමාජයට මුහුණ දිය නොහැකි අර්බුද තත්ත්වයන් යටතේ සමහරකු එම අර්බුදයෙන් අත්මිදීම පිණිස තම ස්වභාවික පෞරුෂයට වඩා ප්‍රබල පෞරුෂයකින් සමාජය හමුවේ පෙනී සිටීම මෙහිදී දකින්නට පුළුවන.
ඒ කෙසේ හෝ ඉහත සඳහන් අයුරින් අසාමාන්‍ය ප්‍රකාශ කරන්නවුන් සායනික පරීක්ෂාවට ලක් කළහෝත් විවිධ පුද්ගලයන් සමාජය හමුවේ මෙලෙසඅන්‍ය පෞරුෂයන්ගෙන් පෙනී සිටීමට සැබෑ හේතුව වටහා ගැනීමට මනෝ වෛද්‍යවරුන්ට හැකිවනු ඇත. එමෙන්ම ඒ සඳහා වන විධිමත් ඖෂධ සහ මනෝ චිකිත්සක ප්‍රතිකාර මගින් එම අසාමාන්‍යතා සමනය කිරීමටද ඔවුනට හැකියාව ලැබෙනු ඇත.

සටහන දමයන්ති ගමගේ  

Add comment

ප්‍රතිචාර දැක්වීමේ කොන්දේසි : -
ප්‍රතිචාර දැක්වීමේදී පරුෂ වචන අපහාස කිරීම් ලිපියට අදාල නොවන ප්‍රතිචාර පල කිරීමෙන් වලකින ලෙස කරුණාවෙන් දන්වා සිටිමු.


Security code
Refresh

IMAGE

සැමියාගේ බිමත්කම සහ නොගැළපීම නිසයි විවාහය බිඳ වැටුණේ

IMAGE 2017 Nov 23 13:33
තිලකා රණසිංහගේ ජීවිතයේ වඩාත්ම සතුටු වූ අවස්ථාව හා වැඩියෙන්ම දුක් වූ අවස්ථාව සිහිපත් කරන්න...
Views - 3879

ලංකාව හැර ගිය නතාෂා ආපහු ඇවිත් කියපු කතාව

IMAGE 2017 Nov 23 08:03
නතාෂා පෙරේරා පහුගිය කාලයේ වැඩිපුර දකින්නට ලැබුණේ නැහැ. ඒ ඇය තමන්ගේ ආදරණීය සැමියා ප්‍රිහාන්...
Views - 3626

55 වියැති බැංකු ලොක්කා 29 කන්තෝරු නෝනා සමඟ 'හනිමූන්' ගිහින්

IMAGE 2017 Nov 22 12:50
බැංකුවක උසස් නිලයක් දරන පනස්පස් හැවිරිදි සිය සැමියා වසර ගණනාවක් තිස්සේ විසිනව හැවිරිදි රජයේ...
Views - 6707

අහසේ සිට බිමට පනින එස්.ටී.එෆ්. යුවතියෝ

IMAGE 2017 Nov 22 10:55
අම්පාර උහන ගුවන් ධාවන පථයෙන් අහසට නැඟගත්, එම්. අයි. 17 වර්ගයේ හෙලිකොප්ටරය  නිලඹර දෙපළු කරමින්...
Views - 4129

මිහිදුම සහ වැස්ස ගැන 'කාලගුණ විද්‍යාවෙන්' බොරු කී‍වේ ඇයි?

IMAGE 2017 Nov 22 10:43
මේ දිනවල අළුයම් කාලයේ අගනුවර ඇතුළු ප්‍රදේශ රැසක දැඩි මිහිදුම් තත්ත්වයක් දක්නට ලැබුණු බව...
Views - 2568

මුගාබේගේ බිරිඳ ද පක්ෂයෙන් නෙරපයි

IMAGE 2017 Nov 21 09:37
වසර 37  ක කාලයක් සිම්බාබ්වේ දේශය පාලනය කළ රොබට් මුගාබේ නිවාස අඩස්සියට ගනිමින් හමුදාව එරට...
Views - 3371

Please publish modules in offcanvas position.

Web Analytics