Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - [email protected] youtube
lakbima.lk

                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

පැතුම් ඉටු නොවීම නිසා ආගම දහම හා අමනාප වූ සුමාලී

දැන් ඔයා බෝධි පූජාවලට යන්නේ නැද්ද සුමාලි‘ තිස්හත් වියැති අවිවාහක කාන්තාවක වන සුමාලිගෙන් අසල්වැසි මිතුරියක ඇසුවාය.‘ වැඩක් නැහැ අනේ, මම ආයිත් කවදාවත් පන්සල් යන්නේ නැහැ කියලයි හිතාගෙන ඉන්නේ, මට දැන් හැම දෙයක්ම එපා වෙලා’ සුමාලි කීයේ අතිශය කලකිරීම් සහගතවය.
‘ඒ මොකද ඔයාට එහෙම පන්සල එපා වුණේ’ ඒ සමගම මිතුරිය ඇසුවේ විස්මයෙන් ඇළලී යමිනි.
‘මම දැන් කොච්චර කාලයක් නම් බෝධි පූජා තියන්න ඇතිද? ඒත් මොකක්ද මට ඇති සෙතේ. ඒ හින්දා මීට පස්සේ මම ආයිත් පන්සල් නොයන්න තීරණය කළා. සුමාලි කීයේ අතිශය කලකිරීම් සහගතවය. ඇගේ මෙම ප්‍රකාශය ඥාති හිත මිත්‍රාදීන් අතරේ පැතිර යත්ම තවත් බොහෝ දෙනකු ඒ පිළිබඳව විමසුම් කළහ. එවිට ඒ කාහටත් දැන ගත හැකි වූයේ ඒ වනවිට සුමාලි ආගම දහම ගැන මුළුමනින්ම කලකිරි ඇති බවය.
සුමාලිගේ සැමියා රිය අනතුරකින් මිය ගියේ විසි පස්වන වියේ සිටියදීය. එවිට ඇය සත්මස් ගැබිණියකව සිටියාය. සැමියාගේ මරණයෙන් පසු මුළුමනින්ම ආගමික දිවි පවෛතකට යොමු වූ සුමාලී තම පුතුගේ උපතින් පසු ඒ ආගමික භක්තිය තවත් තීව්‍ර කර ගත්තාය.
පාසල් ගුරුවරියක වූ සුමාලිගේ මව විශ්‍රාම ගැනීමත් සමග සුමාලිගේ පුතුගේ භාරකාරත්වය ඇයට පැවැරිණි. සැමියාගේ මරණයෙන් පසු සුමාලිගේ බැංකු ගිණුමට බැර වූ මුදලත් ඇගේ මවගේ විශ්‍රාම වැටුපත් නිසා ආර්ථිකමය වශයෙන් ලොකු අපහසුවකට මුහුණපෑමට ඔවුනට සිදු නොවිණි.
ඒ වනවිටද මනා රූ සපුවකින් යුතුව සිටි සුමාලිට විවිධ පුද්ගලයන්ගෙන් ප්‍රේමාරාධනා සහ විවාහ යෝජනා ලැබෙමින් තිබුණද ඇය ඒ කිසිවකට  එකඟත්වයක් පළ නොකළාය.
ඊට හේතුව ඇය ඒ වනවිට දැඩි ආගමානුකූල දිවිපවෛතකට යොමුව තිබිමය.
සාමාන්‍යයෙන් අප සමාජයේ බොහෝ දෙනකුන් විහාරස්ථානවලට යනුයේ පුන් ‍පොහෝ දිනවලදී පමණි. එහෙත් බෝධි පූජා පවත්වන පිරිස් කෙම්මුර දිනයන් සේ සැලකෙන බදාදා සහ සෙනසුරාදා දිනයන්හිද පන්සල්  පැමිණි අතර සුමාලීද පසුව එම කෙම්මුර දිනවල පන්සල් ගොස් බෝධි පූජා පැවැත්වීමට පෙළඹුණාය. පසුව ඇගේ එම පුරුද්ද දිනපතාම පන්සල් ඒමක් දක්වා වර්ධනය විණි.
සුමාලිගේ මවට හදිසියේ අංශභාග රෝග තත්ත්වයට පත් වූයේ ඔය අතරේය. එම තත්ත්වයත් සමග ඇගේ සාමාන්‍ය දින චාර්යාව මුළුමනින්ම බිඳ වැටුණු අතර එමගින් සුමාලිගේ දිවිපවෛතද සැලකිය යුතු ලෙසින් පසුබෑමකට ලක්විය. එහෙත් ඒ වනවිට තමන් විසින්  නොකඩවා සිදු කරමින් පවතින බෝධි පූජා කෙරෙන් අත්මිදීමට නොහැකි තත්ත්වයකට සුමාලි පත්ව සිටියාය. එහෙත් මුදලදී පුතුගේ වගකීම් පවා මවට භාර දී තිබූ සුමාලිට මවගේ  රෝගයත් සමගම මවගේත් පුතුගේත් දෙදෙනාගේම වගකීම් දැරීමට සිදුවීම මහත් පීඩාවක් විය. කෙසේ හෝ මවගේ රෝගය නිට්ටාවට සුව කළ නොහැකි වූ මුත් ඇගේ අසනීපය සඳහා සෑහෙන මුදලක් වැය කිරීමට සිදුවීම නිසා පවු‍ලේ ආර්ථිකයද සැලකිය යුතු ලෙස බිඳ වැටිණි.
ආගමික කටයුතුවල යෙදෙන්නවුන් හට ඒ ආගම මගින් රැකවරණ සැලසෙන බව ‍පොදු ජන විශ්වාසයකි. ඒ අනුව ආගම වෙනුවෙන් මෙතරම් කැපවීමක් සිදු කළ තමන්ට මෙබඳු විපත්තිකර තත්ත්වයක් ඇති වූයේ කෙසේදැයි සුමාලි නිතර දෙවේ‍ලේ සිතන්නට වූවාය. එම අංශභාග රෝගය හේතුවෙන් සුමාලිගේ මව මියගියේ ඇයට එම රෝගය වැළදී වසරකට පමණ පසුවය. ඉන්පසුව තම දරුවාද සමග තනි වූ සුමාලි තම මවගේ විශ්‍රාම වැටුප අහිමිවීම නිසා අතිරේක ආර්ථික දුෂ්කරතාවලට මුහුණ පෑමට සිදුවිය.
කෙසේ හෝ සුමාලි තුළ දක්නට ලැබුණු මෙම ආගම් විරෝධය එම  විහාරස්ථානයේ  නායක ස්වාමීන් වහන්සේටද දැන ගැනීමට ලැබිමෙන් පසු උන්වහන්සේ තමන් දන්නා මනෝ වෛද්‍යවරයකු හට විශේෂ දේශනයක් සඳහා එම විහාරස්ථානයට ඇරයුම් කළහ. ඒ යමකු තුළ මෙවන් තත්ත්වයක් ඇති වනුයේ මන්දැයි තම දායක කාරකාදීන්ට මනෝ විද්‍යාත්මකව පැහැදිලි කරදීම පිණිසය.
එම දේශනයේදී විහාරස්ථානයට  රැස් වූ සැදැහැවතුන් ඇමතූ මනෝ වෛද්‍යවරයා ආගමානුකූල දිවි පවෛතක් මගින් යමකුගේ ජීවිතය සාර්ථක කර ගත හැකි බව පැවැසීය. එහෙත් ඒ  එම ආගමේ දාර්ශනික සහ සදාචාරාත්මක හරය නිසි ලෙස වටහාගෙන කටයුතු කිරීමෙන් පමණකැයි වෛද්‍යවරයා කීය.
‘අපි කියවලා තියන බුද්ධ චරිතය තුළින් බුදුන් වහන්සේටත් ජීවිතයේ අවස්ථා රාශියක විවිධ ගැටලු අර්බුද මුහුණ දීමට සිදු වුණු බව මනාව පැහැදිලි  වෙනවා. නිදසුනක් හැටියට සංඝ සමාජයේ ඇති වුණු ගැටලුවක් මුල්කොට උන්වහන්සේට  පාරිලෙයිය වනයට  වැඩමකොට ටික කාලයක් ගත කිරීමට සිදු වුණා. ඒ ඔස්සේ අපට දෙන පණිවුඩය තමයි රෝග පීඩා ගැටලු අර්බුද කම්කටොළු කියන එක මිනිසුන්ගේ ‍පොදු උරුමයක් බව. නමුත් ආගම දහම කියන දේ තුළින් හේ තමන්ගේ සෑම අභිලාෂයක්ම සංතෘප්ත වෙනවා කියන හැඟීම තරයේ සිතේ දරා ගැනීම තුළින් ඒ අරමුණු ව්‍යාර්ථ වෙන කොට වැරදි වැටහීම මුල්කොට ගෙන ආගම දහම එපාවීමක්  ඒ ඔස්සේ විඝටණය නම් මානසිකත්වය ඇතිවීමත් ස්වභාවිකයි. වෛද්‍යවරයා කීය.

ගාල්ල කරාපිටිය ශික්ෂණ රෝහ‍ලේ විශේෂඥ මනෝ වෛද්‍ය රුමි රූබන් M.B.B.S. M.D.Psy විසඳුම් ඉදිරිපත් කරයි

Add comment

ප්‍රතිචාර දැක්වීමේ කොන්දේසි : -
ප්‍රතිචාර දැක්වීමේදී පරුෂ වචන අපහාස කිරීම් ලිපියට අදාල නොවන ප්‍රතිචාර පල කිරීමෙන් වලකින ලෙස කරුණාවෙන් දන්වා සිටිමු.


Security code
Refresh

IMAGE

ඒ ආදර කතාව ඉවරයි මම දැන් සින්ගල්

IMAGE 2017 Nov 19 17:31
සිරස ජුනියර් සුපර් ස්ටාර් කියන්නේ මේ දවස්වල ප්‍රේක්ෂකයන් ආදරයෙන් වැළඳ ගත් රියැලිටි...
Views - 2986

කේන්ද්‍රයක මාරක අපල තිබීමටත් වඩා නොතිබීම භයානකය

IMAGE 2017 Nov 19 15:19
මහජන බැංකු විශ්‍රාමික සංගමයේ පිළියන්දල කැස්බෑව ශාඛාවේ අටවන සංවත්සරික සභාව පසුගිය...
Views - 1815

නීල හරිත ෆුල් සූට් එක පෙන්වා අමුඩ කෙටිය ගලවා ගන්න එපා

IMAGE 2017 Nov 19 11:35
මෙවර අයවැය ලෝකයේ දියුණුම ආර්ථික සංකල්පයක් වන නීල-හරිත ආර්ථිකයට රට යොමු කරවන්නක් බව මුදල්...
Views - 1396

ඔහු නොවන්නට ලෝක ක්‍රිකට් මේ තරම් දියුණු නොවනු ඇත

IMAGE 2017 Nov 18 00:19
අද මට ඉතාමත් සතුටු දවසක්. ඉන්දියාවේ ජාතික ක්‍රිකට් කණ්ඩායමේ විරාත් කෝලි සහ ඔහුගේ කණ්ඩායමත්...
Views - 3546

මෙතේ බුදු පදවිය ලබන්නේ බැංකු කළමණාකරුවෙක්ද?

IMAGE 2017 Nov 17 12:13
ඔහු මධ්‍යම පළාතේ වාණිජ බැංකුවක කළමණාකරුවෙකි.  ඔහුගේ වයස අවුරුදු 45 ක් පමණ වේ. ක්‍රිස්තියානි...
Views - 5986

බොහෝ කලා කරුවන් තමන්ගේ පවුල් ජීවිත ගැන කියන්නේ බොරු

IMAGE 2017 Nov 16 11:31
වත්මන් ශ්‍රී ලාංකීය ජන සමාජයේ දික්කසාද වීම් සහ පවුල් අර්බුද පැන නැගීම සම්බන්ධයෙන් කලා...
Views - 5253

Please publish modules in offcanvas position.