lakbima.lk
2017-06-15 ඇමෙරිකා ඩොලරය ගැනුම් මිල රු.150.8400 , විකුණුම් මිල රු.154.6400 | බි‍්‍රතාන්‍යය පවුම ගැනුම් මිල රු.191.5800 , විකුණුම් මිල රු.198.1100 | යුරෝ යුරෝපය ගැනුම් මිල රු.168.2300, විකුණුම් මිල රු.174.5900 | ස්වීස් ප‍්‍රෑන්ක් ගැනුම් මිල රු.154.3400 , විකුණුම් මිල රු.160.4500 | කැනඩා ඩොලරය ගැනුම් මිල රු.113.2400 , විකුණුම් මිල රු.117.7200 | ඔස්ට්‍රේලියා ඩොලරය ගැනුම් මිල රු.113.7400 , විකුණුම් මිල රු.118.8200 | සිංගප්පූරු ඩොලරය ගැනුම් මිල රු.109.0900 , විකුණුම් මිල රු.113.1000 | ජපානය යෙන් ගැනුම් මිල රු.1.3701, විකුණුම් මිල රු.1.4216 |

මළ ගෙවල් මඟුල් ගෙවල්වලදී ඇදුම වැළඳෙන තරුණියක්

විසිඅට හැවිරිදි අවිවාහක තරුණියක වන සුලක්ඛනා තම පවු‍ලේ ඥාතීන් සමග නුවරඑළියට පැමිණියේ ජීවිතයේ මුල්වරටය. ඒ දිගු කලක් ඉතාලියේ සේවය කළ තම වැඩිමල් සොයුරා ඔහුගේ බිරිඳ දරු දෙදෙනා සහ තම මවද සමගිනි. නුවරඑළි නගර මධ්‍යයේ පිහිටි වික්ටෝරියා උද්‍යානය අද්දර දී රථයෙන් බැසගත් සුලක්ඛනාට එක්වරම දරාගත නොහැකි හිසරදයක් වැළඳුණි.
“අනේ මට අමාරුයි මාව අල්ල ගන්න” සුලක්ඛනා හිසට අත ගසා ගෙන එසේ කියත්ම මව සහ නෑණා වහා ඉදිරිපත්ව පැන ඇය වත්තම් කරගෙන නැවත වාහනය වෙත ගෙන ගියහ. බලවත් අසීරුවෙන් එහි අසුනක් මත දිගාවී සිටි ඇය ඉන්පසු දීර්ඝ ලෙස හුස්ම ඉහළ පහළ හෙලන්නට වූවාය. ඇගේ මෙම ස්වසන අපහසුව දුටු සොයුරා සේම ඔහුගේ බිරිඳ ද මහත් බියට පත්විය.
එහෙත් ඒ නුවරඑළි ගමනේදී හතිය වැළඳීම මුල්කොටගත් රෝගී ස්වභාවයක් පළ කළ සුලක්ඛනා එම චාරිකාව නිමාවීමත් සමගම සාමාන්‍ය තත්ත්වයට පත් වූවාය.
සුලක්ඛනා වරින්වර මුහුණ දෙන එම ඇදුම රෝගී තත්ත්වය දින කිහිපයක් එක දිගට පවතින්නක් නොවේ. බොහෝ විට එය එක් දවසක් තුළ ඇතිවී නැතිවී යන්නකි. එහෙත් එම රෝගී තත්ත්වයට පත්වූ පසු වේගවත්ව හුස්ම ඉහළපහළ හෙළන ඇය අවසානයේ හුස්ම ගැනීමට ඇති අපහසුව දක්වනුයේ සෙස්සන් පවා බියට පත් කරවමිනි. එහෙත් පසුව තමන්ට ස්වසන අපහසුව ඇතිවන අවස්ථා පිළිබඳව සුලක්ඛනා තුළ යම් වැටහීමක් ඇතිවිය. එනම් මංගල උත්සව සහ අවමංගල උත්සව ආදියේදීය. ඒ අනුව එවන් අවස්ථාවල තමන් මුහුණ දෙන අසීරුව වටහා ගත්  නිසාම පසුව එවැනි උත්සව අවස්ථාවලට එක් වීමෙන් වැළකී සිටීමටද ඇය වගබලා ගත්තාය. ඒ කෙසේ හෝ පසුව මෙම තත්ත්වය කතෛක් උග්‍ර වීද යත් තම විවාහ දිනයේ දී ද මෙවන් තත්ත්වයකට පත්වෙතැයි යන සියුම් භීතියක්ද ඇගේ සිත තුළ ජනිත වී තිබිණ.
එමෙන්ම තමන් වෙත පැමිණි විවාහ යෝජනා කිහිපයක් කෙරෙහි විශේෂ අවධානයක් යොමු නොකොට ඒවා මගහැරීමටද සුලක්ඛනා තුළ පැවැති මෙම තත්ත්වය හේතු විය.
ඒ කෙසේ හෝ වරින්වර ඇතිවන මෙම ඇදුම රෝග තත්ත්වය සම්බන්ධයෙන් සුලක්ඛනා ළය රෝග පිළිබඳ විශේෂඥ වෛද්‍යවරයකු වෙත යොමු කරන ලද්දේ ඇගේ වැඩිමල් සොයුරාගේත් ඔහුගේ බිරිඳගේත් බලවත් උනන්දුව නිසාය. ඒ අනුව ඇගෙන් එම රෝග තත්ත්වය පිළිබඳව විමසූ ළය රෝග විශේෂඥ වෛදවරයා සුලක්ඛනා මනෝ වෛද්‍යවරයකු වෙත යොමු කරන ලද්දේ ඇගේ මෙම විස්තරය අනුව ඊට මානසික හේතූන් මුල්වන බව වටහා ගත් පසුවය.
මනෝ වෛද්‍ය සායනයේ දී සුලක්ඛනාගේ රෝග විස්තරයට සවන් දුන් විශේෂඥ මනෝ වෛද්‍යවරයා ඇයට මෙම ඇදුම රෝගය වැළඳෙන ස්ථානීය පසුබිම පිළිබඳව නිරීක්ෂණය කළේය. කායික රෝග තත්ත්වයක් වශයෙන් ඇදුම හට ගැනීම ආසාදන සහ අසාත්මිකතා මුල්විය හැකි වුවද සුලක්ඛනා හට ඇදුම වැළඳීමේ රටාව ඊට බෙහෙවින් වෙනස් බව නිරීක්ෂණය විණි. ඒ අනුව ඇගෙන් දිගින් දිගටම ප්‍රශ්න කිරීමේ දී හෙළිවූයේ මංගල සහ අවමංගල්‍ය උත්සවවලදී තමන් හට සයිප්‍රස් අතුවල සුවඳ ආඝ්‍රානය වීමත් සමග හිසරදය, ක්ලාන්තය සහ ඔක්කාරය සමග ඇදුම තත්ත්වයක්ද ඇතිවන බවකි.
යම් යම් පුද්ගලයන්ගේ කායික ව්‍යුහයන් අනුව ඇතැම් මල් වර්ග ආදියේ ඇති පරාග (pollen) වැනිදෑ ආඝ්‍රානය වීමෙන් ඇතිවන අසාත්මිකතා මත මෙවන් රෝග තත්ත්වයක් ඇතිවිය හැක. එහෙත් ඇය කී පරිදි සයිප්‍රස් අතුවලින් එවන් පරාග නිකුත් වීමක්ද සිදු නොවේ. සුලක්ඛනා වෙතින් ඇගේ අතීතය සම්බන්ධ කරුණු දීර්ඝ වශයෙන් විමසීමට වෛද්‍යවරයා තීරණය කරන ලද්දේ ඇගේ ඇදුමට බලපාන මෙම මානසික හේතුව වටහා ගැනීමටය.
එහිදී අනාවරණය වූ අන්දමට සුලක්ඛනාගේ පියා මීට වසර විසි දෙකකට පෙර කිසියම් පිරිසක් වෙත ඝාතනයට ලක්ව තිබේ. එය කිසිවකුත් සිහිනයකින්වත් නොසිතූ සිදුවීමකි. එවකට සය හැවිරිදිව සිටි සුලක්ඛනා හට මෙම මරණයේ බැරෑරුම් බව පිළිබඳ එතරම් තැකීමක් නොවිණි. එහෙත්, පියාගේ මෘතදේහය මල් ශාලාවේ සිට නිවසට ගෙන එන මොහොතේ ඇගේ මව යටිගිරියෙන් කෑගැසු අයුරු සුලක්ඛනාගේ මතකයේ යාන්තමින් සටහන්ව තිබේ. සාමාන්‍යයෙන් මෘත දේහයක් මල් ශාලාවකින් නිවසට ගෙනෙනවිට ඒ සමග මල් වඩමක් රැගෙන ඒමද සාමාන්‍ය තත්ත්වයකි. මෙහිදී පියාගේ මරණය පිළිබඳ සැබෑ වැටහීමක් ලද නොහැකි වයසක සිටි සුලක්ඛනාගේ මනැස තුළට ළය කම්පා කරවන මවගේ විලාපය සමග සංවේදනය වූ මල් වඩම්වලින් විහිදෙන සයිප්‍රස් අතු සුවඳ තීව්‍ර ලෙසින් කිඳා බසින්නට ඇත. ඊට පසු පියාගේ අවසන් කටයුතු නිමවා සාමාන්‍ය දිවි පවෛතකට එළැඹුණු ඇගේ මනැසින් පියා පිළිබඳ මතකය මඳින් මඳ ගිලිහුණද ඔහුගේ මෘත දේහය නිවෙසට ගෙනා මොහොතේ දැනුණු සයිප්‍රස් අතු පිළිබඳ තීව්‍ර සංවේදිතාව අවරෝධිත මතකයක් (Repressed memory) ලෙස මනැසේ තැන්පත් වන්නට ඇත. ඉන්පසුව පියාගේ වියෝවින් සිත තුළ හටගත් සංවේගය මුළුමනින් දුරු වුවද එම සංසිද්ධියත් සමග ඇතිවූ සයිප්‍රස් අතු සුවඳ ආඝ්‍රානය වීමේදී යළි තීව්‍ර ආතතියක් ඇගේ සිත තුළ ඇතිවූයේ එදා මෙදා තුර ලබන සම අත්දැකීම් මත පදනම් වන සංඝටනය (Association) නම් තත්ත්වය මුල්කර ගනිමිනි.
මෙම මනෝ විද්‍යාත්මක සාධකය පදනම් කරගත් මනෝ වෛද්‍යවරයා ඒ සම්බන්ධයෙන් සුලක්ඛනා දැනුවත් කරනු ලදුව පියාගේ වියෝව සහ සයිප්‍රස් අතු සුගන්ධය අතර ඇත්තේ හුදු ඇගේ සිත තුළට කාවැදී තැන්පත් වූ මනෝමය සම්බන්ධයක් පමණක් බව වටහා දී කමෛන් එම ආඝ්‍රානයට මුහුණ දීමට මනැස හුරු කරවන ඥානක චර්යාත්මක චිකිත්සා (Cognitive behavioral therapy) ඇය වෙත ලබා දෙන අතරේ ඒ වනවිට ඇය තුළ හටගෙන තිබූ සුළු විශාද තත්ත්වය සඳහා ඖෂධ ප්‍රතිකාර ද නියම කරන ලදී. සුලක්ඛනා තුළ පැවැති සයිප්‍රස් සුවඳ මුල්කොට ගත් ඇදුම තත්ත්වය මුලුමනින් දුරුකර දීමට හැකිවූයේ ඉන්පසුවය.

ගාල්ල කරාපිටිය ශික්ෂණ රෝහ‍ලේ විශේෂඥ මනෝ වෛද්‍ය රුමි රූබන් (M.B.B.S.) M.D.Psy විසඳුම් ඉදිරිපත් කරයි
 
සැකසුම දමයන්ති ගමගේ

Add comment

ප්‍රතිචාර දැක්වීමේ කොන්දේසි : -
ප්‍රතිචාර දැක්වීමේදී පරුෂ වචන අපහාස කිරීම් ලිපියට අදාල නොවන ප්‍රතිචාර පල කිරීමෙන් වලකින ලෙස කරුණාවෙන් දන්වා සිටිමු.


Security code
Refresh

 
IMAGE

සිංහල මාධ්‍යවල අපරාධ වාර්තාකරණයත් බිහිසුණුයි

IMAGE 2017 Jun 28 11:07
එකම පවුලක කිහිප දෙනෙකු ඝාතනය කිරීම ඕනෑම ශිෂ්ඨ සම්පන්න සමාජයක් මගින් මහත් පිළිකුලින් යුතුව...
Views - 695

අන්තර් ජාලයේ උයන පිහන මස්තානම්මා

IMAGE 2017 Jun 28 08:49
අන්තර්ජාලය හරහා වැඩි ආකර්ෂණයක් ඇත්තේ තරුණ පිරිස්වලට යැයි බොහෝ විට අපට සිතේ. එහෙත් ඒ සිතුවිල්ල...
Views - 1626

'මළගමකට' වෙන් කළ මුදලත් පැහැරගෙන ගිහින් !

IMAGE 2017 Jun 27 20:45
ජීවත් වන්නවුන් වෙනුවෙන් වියදම් කිරීමට ඇති මුදල් ගසා කන්නවුන් පිළිබඳ තොරතුරු අපට නොයෙක් විට...
Views - 526

බුද්ධි-බූඩි අළුත් වැඩක

IMAGE 2017 Jun 26 13:47
ශ්‍රී ලාංකිය සිනමාව නව මගකට යොමුකළ බුද්ධි කිර්තිසේන හා බූඩි කිර්තිසේන පිය පුතු දෙපළ සිනමා...
Views - 1457

ලංකාවේ අවංකම බස් කොන්දොස්තර කුරුණෑගලින්?

IMAGE 2017 Jun 26 10:49
කුරුණෑගල මහ රෝහල ඉදිරිපිට බස් නැවතුම නිතර ජනයාගේන් පිරී පවතින්නකි. විශේෂයෙන් රෝහලේ රෝගීන්...
Views - 3224

සෙල්ෆි ගැසීම මානසික රෝගයක් නොවේ

IMAGE 2017 Jun 26 09:57
තමාගේම ඡායාරූපයක් තම ජංගම දුරකථනයෙන් ගැනීම හෙවත් සෙල්ෆි ගැනීමට ගිය කීපදෙනෙකු අවාසනාවන්ත ලෙස...
Views - 1259

Please publish modules in offcanvas position.