Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - [email protected] youtube
Coss Ear2
lakbima.lk
COSS Ear 1
                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

මේ පිංතූරයේ ඔබ දකින දියවීගෙන යන නිවස පිහිටා තිබෙන්නේ ප‍්‍රංශයේ පැරිස් නගරයේ. මේ විදියට බැලූවොත් තව පැය කීපයක් ඇතුළත මේ නිවස දියවෙලා පොළොවට පතිත වෙන්න ඉඩ තිබෙනවා. නමුත් කවදාවත් එහෙම වෙන්නේ නැහැ. ඇත්තටම මේක දෘෂ්ටි මායාවක්. මේ නිවස ඉදිකරලා තියෙන්නෙත්, තීන්ත ආලේප කරලා තියෙන්නෙත් දියවෙමින් පවතින ආකාරයක් පෙනෙන විදියටයි. රිචර්ඞ් මර්ෆි කියන ගෘහ නිර්මාණ ශිල්පී සමාගමේ නිර්මාණයක් වුණු මෙහි මේ වනවිට පැරිස් නගරයේ ධන කුවේරයෙකු ජීවත්වෙනවා.

ලෝකයේ බොහොමයක් වනාන්තර තුළ විසඳිය නොහැකි ආකාරයේ අබිරහස් සැඟව ඇතැයි අතීතයේ සිටි ෙජෙව විද්‍යාඥයන් විසින් පවසා තිබේ. ට්‍රාන්සිල්වේනියාවේ ඇති හෝයා බැසියු වනාන්තරය ද එවැනි අබිරහස් රැසක් සැඟව ඇති වනාන්තරයක් ලෙස වාර්තා වී තිබේ. මෙහි ඇති ප්‍රධාන අබිරහස වන්නේ මෙම වනාන්තරය තුළ එක් ප්‍රදේශයක ඇති ගස්වල කඳ වෘත්තාකාර ලෙස වක ගැසී පැවතීමයි. මේ ආකාරයේ ගස් තුන් දහසක් පමණ දැක ගන්නට පුළුවන. ගස්වල කඳන්වල එවැනි වක ගැසීමක් සිදුවූ ආකාරය ගැන කිසිදු මතයක් ඉදිරිපත් කරන්නට ෙජෙව විද්‍යාඥයන්ට පවා හැකි වී නැත. මේ කියන්නට යන්නේ හෝයා බැසියු වනාන්තරයේ ඇති වක ගැසුණු ගස් පිළිබඳව නොවේ. මෙම ගස් පිළිබඳව පර්යේෂණ පවත්වන්නට එක් වසරකට විවිධ රටවලින් ෙජෙව විද්‍යාඥයන් පන්සියයක් පමණ පැමිණේ. ඊට අමතරව මෙම අරුම පුදුම ගස් දැක බලා ගැනීමට වසරකට සංචාරකයන් දස දහස් ගණන් පැමිණේ.

හෝයා බැසියු වනාන්තරයේ ගස්වල අබිරහස අතරට තවත් අබිරහසක් එක්වූයේ 19වන සියවස මැද භාගයේදී එක් මාර්තු මාසයක මෙම අරුම පුදුම වනාන්තරය දකින්නට පැමිණි සංචාරකයන් පිරිසකට පුදුමාකාර අත්දැකීමකට මුහුණ දෙන්නට සිදු වී තිබිණි. ඒ එකවරම ඔවුන්ගේ සිරුරුවලින් පිළිස්සුණු සහ තුවාල කැලැල් දර්ශනය වෙන්නට පටන් ගැනීමයි. මේ පිළිබඳව කිසිදු මතකයක් තුවාල ලැබුවන්ට නොතිබුණේ මෙම තුවාල සිදුවන අවස්ථාවෙ පැයක පමණ කාලයක් ඔවුන් කළ කී සියලුම දේ ඔවුන්ගේ මතකයෙන් ගිලිහී තිබිම නිසාය. එසේ වූයේ කෙසේද යන්න පවා ඔවුන් දැන සිටියේ නැත. ඔවුන්ට මතක තිබුණේ තුවාල සිදුවන්නට මොහොතකට පෙර අවස්ථාවත් තම සිරුරුවල තුවාල ඇති වී තිබෙන ආකාරය දුටු අවස්ථාවත් පමණි. මෙම සිදුවීමෙහි අනෙක් විශේෂත්වය වූයේ මෙම සංචාරකයන් මෙකී අරුම පුදුම අත්දැකීමට මුහුණ දී තිබුණේ ඉහත කී වක ගැසුණු අරුම පුදුම ගස් සහිත ප්‍රදේශයේදී වීමය.

කාලයත් සමග මෙම සිදුවීම් සියල්ල ජනතාවගේ මතකයෙන් ගිලිහී යන ලදී. නැවත වරක් ඒ පිළිබඳව කතාබහක් ඇති වන්නේ 1968 වසරේදීය. ඒ ඇලෙක්සැන්ඩ්‍ර සිෆ්ට් නම්වූ වනජීවී ඡායාරූප ශිල්පියා විසින් මෙම වනාන්තරය තුළ දී සිය කැමරාවට හසුකර ගන්නා ලද සුවිශේෂී ඡායාරූපයකින් පසුවය. ඔහු විසින්  හෝයා බැසියු වනාන්තරයේ ඡායාරූප ගනිමින් සිටියදී එක්වරම දැවැන්ත ආලෝක කදම්බයක් පතිත වූ බවත්, එම ආලෝකය පතිත වූයේ ‍පොළොවේ සිට මීටර් 100 ක් පමණ ඉහළින් ස්ථානයක එක මත එක නැවූ පීරිසි දෙකක් වැනි අතිවිශාල වස්තුවකින් බවත්, තමන් වහාම එහි ඡායාරූපයක් ගත් බවත් පසු කාලයේ පවසා තිබිණි. ඔහු එය හැඳින්වූයේ පියාඹන පීරිසියක් ලෙසය.

ඉන් අනතුරුව ඔහු වැඩි අවධානයක් යොමු කරන ලද්දේ වනජීවී ඡායාරූප ගැනීමට නොව මෙම වනාන්තරයට පියාඹන පීරිසි එන්නේ දැයි නිරීක්ෂණය කර ඒවා සිය කැමරාවේ සටහන් කර ගැනීමටය. නමුත් ඉන් පසු කිසි දිනක ඔහුට එවැනි අවස්ථාවක් ලැබුණේ ද නැත. ඇලෙක්සැන්ඩ්‍ර විසින් ලබා ගන්නා ලද පියාඹන පීරිසියක් යැයි අනුමාන කළ ඡායාරූපයක් ඉහත කී සංචාරකයන්ගේ සිරුරු එක්වරම පිළිස්සීමත්, ඔවුන්ගේ මතකයෙන් පැය කීපයක් අතුරුදන් වීමත් වැනි සිදුවීම්වල යම් ආකාරයක සම්බන්ධතාවක් ඇති බවට සැකයක් මතු වන්නේ ඇලෙක්සැන්ඩ්‍රගේ ඡායාරූපය මාධ්‍යයේ පළ වීමත් සමගය. ඉන් ඔහුට ඉතා විශාල ප්‍රසිද්ධියක් ද ලැබිණි. 1993 වසරේදී ඔහු මිය යන ලද්දේ ඇසේ ෙසෙල ආශ්‍රිතව ඇති වූ පිළිකාවකිනි. ඉන් මාසයකට පමණ පසු ඔහු විසින් ලබා ගත් ඉහත කී සුවිශේෂී ඡායාරූපය සහ එහි දලසේයා පටය ද අතුරුදන්ව තිබිම පුදුමයට කරුණකි.

දුලංජලී මුතුවාඩිගේ

 

GINI

විශ්වාස කිරීමට නොහැකි, විශ්වාස කිරීමට අපහසු දේවල් මේ ලෝකයේ ඕනෑ තරම් තිබේ. එමෙන්ම විසඳා ගත නොහැකි වූ අබිරහස් ද එමටය. ෆ්‍රැන්සිස් ලෙවීගේ පුදුමාකාර අත්සලකුණේ කතාවද එවැනි අබිරහසකි.

ෆ්‍රැන්සිස් ලෙවී යනු 1920 වසරේදී ගිනි නිවන හමුදාවට බැඳුණු ඉතා ප්‍රසන්න පුද්ගලයෙකි. සෑමවිටම සිනා මුහුණින් යුතුව ගත කරන ඔහු සිය රැකියාවට මෙන්ම මිතුරන්ට ද පුදුමාකාර ආදරයක් දැක්වීය. ඕනෑම කෙනෙකුට උදව් කිරීමට ඉදිරිපත් වූයේ දෙවතාවක් නොසිතාමය. වසර හතරක් මේ ආකාරයට ඉතා ප්‍රියමනාප ලෙස සේවය කළ ඔහු දිනක් පුදුමාකාර වෙනස් පුද්ගලයෙකු බවට පත්විය. ඒ හරියටම 1924 වසරේ අප්‍රේල් 18 වෙනිදාය. එදින ඔහු සේවයට වාර්තා කළද කිසිවෙකුත් සමග සිනාසුණේ හෝ කතා කළේ නැත. මුහුණු දිහා බැලුවේවත් නැත. වෙනදා මෙන්ම ඔහු චිකාගෝ ගිනි නිවන දෙපාර්තමේන්තුවේ වීදුරු ජනේල පිරිසිදු කිරීමෙන් වැඩකටයුතු ආරම්භ කළේය. ඔහුගේ හැසිරීම වෙනදා මෙන් නොවන බව වටහා ගත් ඔහුගේ මිතුරන් ඒ පිළිබඳව ලෙවීගෙන් විමසන්නට වූහ. ‘අද මම මැරෙනවා’ ඔහු කීවේ එපමණකි.

ඒ සමගම ගිනි නිවන දෙපාර්තමේන්තුවේ දුරකථන නාද වෙමින් අසල වූ ගොඩනැගිල්ලක ඇතිවී තිබෙන ගින්නක් පිළිබඳව වාර්තා කෙරිණි. ලෙවී සහ ඔහුගේ කණ්ඩායමේ කීපදෙනෙකු වහාම ගිනි නිවන රථවල නැගී ගිනි ගත් ගොඩනැගිල්ල ඇති දෙසට වේගයන් ගමන් කරන්නට වූහ. එහි දී ද ලෙවී තොල් මතුරමින් කියා සිටියේ ‘අද මම මැරෙනවා’ යන්නය.

ගිනි ගත් ගොඩනැගිල්‍ලේ ගින්න පැතිරීමෙන් ජීවිත සහ දේ‍පොල හානි විශාල වශයෙන් සිදුවී තිබිණි. ලෙවී වෙනදා මෙන්ම මිනිසුන්ගේ දිවි බේරා ගනිමින් ගොඩනැගිල්‍ලේ වූ ගින්න මැඩලන්නට වහ වහා පියවර ගන්නා ලදී. ඔහු නිසා මිනිස් ජීවිත 50කට අධික සංඛ්‍යාවක් බේරිණි. නමුත් අවසන් විනාඩියේ ලෙවීද ගින්නට හසුවිය. පිළිස්සුම් තුවාල ලැබූ අනිකුත් රෝගීන් සමග ලෙවී ද රෝහල් ගත කරන ලදී. 

පසුදා ගිනි නිවන දෙපාර්තමේන්තුවේ සේවයට වාර්තා කළ ලෙවීගේ මිතුරන්ට දැනගන්නට ලැබුණේ පිළිස්සුම් තුවාල ලබා සිටි ලෙවී මියගොස් ඇති බවයි. මේ ආරංචිය ලැබෙන මොහොතේ ඔහුගේ හිතවතුන් සිටියේ පෙර දින ලෙවී විසින් පිරිසිදු කරමින් සිටි ජනේලය අසලය. පණිවුඩය ලද විගසම සියලු දෙනාට සිහිවූයේ පෙර දින ලෙවී මෙම ස්ථානයේ ජනේලය පිරිසිදු කරමින් සිටින අතර ‘අද මම මැරෙනවා’ යනුවෙන් පැවසූ වදනයි. ඒ සමගම ජනේලය දෙස බැළුණු ඔවුන්ට දැකගන්නට ලැබුණේ මතෛක් කිසිදා ජනෙල් වීදුරුව මත නොතිබුණු අත්ලක සටහනකි. කෙටි මහත ඇඟිලිවලින් යුතු එම අත්ල සහිත සටහන ලෙවීගේම අත්‍ලේ සටහන බවට මිතුරන් විසින් හඳුනා ගන්නා ලදී.

මෙම අත්‍ලේ සටහන වීදුරුව මත සටහන් වූයේ කෙසේද යන්න ගැන කිසිවෙකුටත් සිතාගත නොහැකි වූයේ කොතරම් පිරිසිදු කළද එය මැකී නොගිය බැවිනි. පසුකාලයේ, එනම් 1944 වසරේ චිකාගෝ ගිනි නිවන දෙපාර්තමේන්තුව එතැනින් ඉවත් කර වෙනත් ස්ථානයක ස්ථාපිත කරනතුරු ලෙවීගේ අත්‍ලේ සටහන එහි පැහැදිලිව දකින්නට තිබුණු අතර අසල සෙල්ලම් කළ කුඩා 

ළමුන් පිරිසක් එල්ල කළ බෝල පහරක් වැදීමෙන් ජනේලය බිඳීයාම ලෙවීගේ අත්‍ලේ සලකුණෙහි අවසානයද විය.

 

දදුලංජලී මුතුවාඩිගේ

Page 8 of 8

IMAGE

ෆේස්බුක් එකෙන් ඔබේ හිතේ ලෙඩ ගැනත් කියන්න පුළුවන්

IMAGE 2017 Dec 15 10:42
ඔබටත් ෆේස්බුක් ගිණුමක් තිබෙනවාද? එසේ ගිණුමක් තිබෙනවා නම් ඔබ ඒ සඳහා දවසකට; සතියකට හෝ මාසයකට පැය...
Views - 1846

සුද්දන්ට උණවටුන එපා කරවන ඩිස්කෝ ඩාන්ස්

IMAGE 2017 Dec 14 07:56
ආචාර්ය ආතර් සී. ක්ලාක් විද්වතා පවසන ආකාරයට උණවටුන වෙරළ තීරය ලෝකයේ ඇති දර්ශනීය වෙරළ දොළහෙන්...
Views - 3268

ගැබිණි නිලධාරිනිය අධ්‍යක්ෂක හා 'හනිමූන්' ගිහින්

IMAGE 2017 Dec 13 10:33
ඔහු මෙරට ප්‍රමුඛතම සමාගමක අධ්‍යක්ෂ වරයෙකි. වයස අවුරුදු 40 ක් පමණ වන ඔහු දරු දෙදෙනෙකුගේ පියෙක්...
Views - 9032

2017 විශ්ව රූ රැජින ඩෙමී සහ අපේ ක‍්‍රිස්ටියානා

IMAGE 2017 Dec 13 10:17
ලෝක රූ රැජින තේරීමේ තරගයේ උණුසුම පහව යෑමටත් පෙර තවත් සුරූපිනියක් විශ්ව රූ රැජින ලෙස  කිරුළ...
Views - 4683

ඉන්දීය ක්‍රිකට් නායක විරාත් කෝලි නිලියක ගේ අත ගනී

IMAGE 2017 Dec 12 12:41
ඉන්දීය ක්‍රිකට් නායක විරාත් කෝලි ඊයේ (11) යුග දිවියට එළඹුණි. ඔහුගේ අතගත් මනාලිය වූයේ බොලිවුඩ්...
Views - 4849

පාතාලයට ඔත්තු දීමේ වරදට වෙඩි කෑ රූපලාවන්‍ය ශිල්පිනිය

IMAGE 2017 Dec 12 10:22
අතුරුගිරිය නගරයේ පිහිටි සයෝනාරා රූපලාවන්‍යාගාරයේ හිමිකාරිය වන හතළිස්හත් වියැති මංජුලා...
Views - 6576

Please publish modules in offcanvas position.