Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - [email protected] youtube
lakbima.lk
                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

ලොව පුරා කතාවෙන කටාර් ගැනයි මේ

මේ දිනවල ලෝකයේ වැඩි වශයෙන්ම කතාබහට ලක්වන රටක් පවතී නම් එ් අන් කිසිවක් නොව මැදපෙරදිග කලාපයේ පිහිටි ඉස්ලාම් රටක්වන ‘කටාර්’ රාජ්‍යයයි. ඔවුන් ලෝකයේ ඇති විවිධ ත‍්‍රස්තවාදී කණ්ඩායම්වලට විවිධාකාරයෙන් උදව් උපකාර කරමින් මැදපෙරදිග කලාපයේත්, ලෝකයේ සෙසු රටවලත් ත‍්‍රස්තවාදය ව්‍යාප්ත කිරීම ස`දහා උදව් උපකාර කරන්නේය යන චෝදනාව පිට පසුගියදා එහි තදාසන්න රටවල් වන සවුදි අරාබිය, බහරේන්, එක්සත් අරාබි එමීර් රාජ්‍යය, ඊජිප්තුව කටාර් රාජ්‍යය සමග පවතින සියලූ රාජ්‍ය තාන්ත‍්‍රික සම්බන්ධතා අතහැර දැමුවේය. මෙයින් පසු කටාර් යනු කුමනාකාර රාජ්‍යයක්ද, එය පිහිටා ඇත්තේ කොහිද වැනි කරුණු පිළිබ`ද බොහෝ දෙනකු කතා කරන්නට විය. එබැවින් කටාර් රාජ්‍යය පිළිබ`ද යමක් සැකෙවින් කතාබහ කිරීමට මේ හො`දම කාලය යැයි සිතේ.

කටාර් රාජ්‍යය යනු බටහිර ආසියාවේ, අරාබි අර්ධද්වීපයේ ඊසාන දිගට වන්නට කුඩා උප අර්ධද්වීපයක් ලෙස පිහිටා ඇති වර්ග කිලෝමීටර 11,586ක භූමි ප‍්‍රදේශයක් පුරා පැතිර ගිය ස්වාධීන රාජ්‍යයකි. කටාර් අර්ධද්වීපය ගල්ෆ් මුහුද දෙස කිලෝමීටර 160ක් විහිදී තිබේ. වැඩි භූමි ප‍්‍රදේශයක පවතින්නේ නිසරු සහ වැලි සහිත භූමියකි. එහි දකුණ දිග සීමාව සවුදි අරාබියෙන් මායිම් වන අතර භූමියේ අන් සියලූ කොටස් පර්සියානු මුහුදු බොක්කෙන් වට වී තිබේ. මෙහි අග නගරය දෝහා වේ. මුදල් එ්කකය වන්නේ කටාර් රියාල්ය.

19 වැනි සියවසේ මුල් භාගයේ සිටම කටාරය පාලය කරන ලද්දේ ‘තානි’ රාජවංශයයි. කටාර් රාජ්‍යය බිහි කිරීමේ ගෞරවය හිමිවනුයේ ෂීක් ජසිම් බින් මොහොමඞ් අල් තානිහටය. මෙහි පාලන බලය පරම්පරාවෙන් හිමිවන්නක් වන අතර එහි පාලකයා වන්නේ ෂීක් තමිම් බින් අල් තානිනම් එමීර් වරයාය. කටාරය තුළ පැවැතිය යුත්තේ රාජ්‍ය පාලනයක්, එසේත් නැතිනම් ව්‍යාවස්ථානුකූල පාලනයක්ද යන මතය පැන නැගුණෙන් 2003 වසරේදී ජනමත විචාරණයක් පවත්වන ලද අතර එහිදී 98%ක්ම ව්‍යාවස්ථාවක් ස`දහා සිය කැමැත්ත පළ කොට තිබිණි.

2017 වසරේ මුල් සමය වන විට කටාරයේ මුළු ජනගහනය මිලියන 2.6ක් විය. මෙයින් 313,000ක් කටාර් පුරවැසියන් වන අතර සෙසු මිලියන 2.3 සමන්විත වන්නේ විදෙස් සංක‍්‍රමණිකයන්ගෙනි. සමස්ත ජනගහනයෙන් ඉන්දියානුවන් 25%ක්ද, කටාර් වැසියන් 12.1%ක්ද, බංග්ලාදේශ වැසියන් 10.7%ක්ද, ශ්‍රී ලාංකිකයන් 5.6% ක්ද, පාකිස්තානුවන් 4.8% ක්ද ආදී වශයෙන් සමන්විත වේ.

කටාරයේ පවතින තෙල් නිධි නිසා එය ලෝකයේ පවතින ඉහළ ආදායමක් ඇති රාජ්‍යයක් බවට පත්ව තිබේ. ලෝකයේ පවතින ඉහළතම එ්ක ශීර්ෂ ආදායමක් ඇති රටවල් අතරින් එකක් වන්නේද කටාරයයි. එක්සත් ජාතීන්ගේ සංවිධානය පවසන අන්දමට ලෝකයේ වැඩිම දියුණුවක් ඇති මානව සම්පත ඇත්තේ කටාරයේය. සැලකිය යුතු බලයක්ද හිමි රාජ්‍යයක් වන කටාරය පසුගිය සමයේ පැවැති ‘අරාබි වසන්තය’ නම් කැරළිකාර සමයේදී, ලෝකයේ කැරළිකාර සංවිධාන ගණනාවකට ධනයෙන් හා බලයේ උදව් උපකාර කළේය. එමෙන්ම අල්ජසීරා මාධ්‍ය ජාලය ලෝකය පුරා බලවත්ව ව්‍යාප්ත කරන්නට මූල්‍ය ශක්තිය ලබාදුන්නේද කටාර් රාජ්‍යයමය. කෙසේ නමුත් ඔවුන් සහය ලබා පෝෂණය කළ කැරළිකාර කණ්ඩායම්වල ක‍්‍රියාකාරීත්වයම අද ඔවුන්ට රාජ්‍ය තාන්ත‍්‍රික සබ`දතා අහිමි කරවන තත්ත්වයට වැඩිදියුණු වී තිබෙන බැව් පෙනේ. ඔවුන් පවසන්නේ තමා කිසිදු ත‍්‍රස්තවාදී කණ්ඩායමකට සහය පළ නොකරන බවය. කෙසේ නමුත් ත‍්‍රස්තවාදයේ මුහුණුවර වසා ගනිමින් ලෝකය පුරා ව්‍යාප්ත වාදයක් පවත්වාගෙන යාමට කටාරය මූල්‍ය ශක්තිය සපයන බව නම් පසුගිය කාලය පුරාම ලෝකයේ මාධ්‍යවල නිතර කතාබහට ලක්විය. අප රටේද බොහෝ ව්‍යාප්ත වාදයන් ස`දහා ඔවුන්ගේ මූල්‍ය ශක්තිය ලැබෙන බැව් අසන්නට ලැබිණි.

ක‍්‍රි.ව. 23 වසරේ ඉපිද ක‍්‍රි.ව. 79දී මියගිය රෝම ලේඛකයකු සහස්වභාවික විද්‍යාඥයකු වූ ප්ලිනි කටාර් දේශය සහ එහි වැසියන් පිළිබ`ද සිය ඉතිහාස තොරතුරුවල ස`දහන් කොට තිබේ. ඔහු ඔවුන්ව හ`දුන්වාදී ඇත්තේ ‘කත්තාරෙයි’ නමිනි. ටොලමි සිය සිතියම්වල මෙම දේශය ‘කටාරා’ වශයෙන් ස`දහන් කොට තිබේ. එම සිතියමට අනුව මෙම අර්ධද්වීපයේ නැගෙනහිරට වන්නට ‘කඩාරා’ නමින් පැවැති නගරයක්ද ඔහු සිය සිතියමේ සටහන් කොට තිබේ. ‘කටාර්’ යන්න බි`දීවිත් ඇත්තේ මේ ආකාරයෙන් බැව් පෙනේ.

කටාරයේ මිනිස් වාසභූමි අදින් වසර පනස්දහසක් පමණ අතීතයකට දිවෙන අතර ගල්යුගයට අයත් ජනාවාස කොටස් සහ විවිධ මෙවලම් මෙම අර්ධද්වීපයෙන් හමුවී තිබේ.

ක‍්‍රි.ව. 224දී මෙම ප‍්‍රදේශය සසා නියන් අධිරාජ්‍යයට නතු වූ අතර එම සමයේදී කටාරය වාණිජ මධ්‍යස්ථානයක් ලෙස ඔවුහු භාවිත කළහ. මෙම සමයේ කිතුණු ආගම මෙම ප‍්‍රදේශයේ ව්‍යාප්තව තිබූ බැව් පෙනෙන්නට තිබේ. කෙසේ වෙතත් ක‍්‍රි.ව. 628 දී මුන්සිර් ඉබ්න් සාවා අල් තමීමි මෙම ප‍්‍රදේශය අත්පත් කරගත් අතර එහි යටත් වැසියන්ට ඉස්ලාම් ආගම ඇදහිය යුතු යැයි ඔහු පැවැසූවේය. මේ අනුව මෙම ප‍්‍රදේශයේ බොහෝ දෙනෙක් ඉස්ලාම් ආගම වැළ`ද ගත්හ. ක‍්‍රි.ව. 661-1783ත් අතර සමයේ මේ ආකාරයට මූලික ඉස්ලාම් පාලන තන්ත‍්‍රයක් පැවැති අතර පසුව ක‍්‍රි.ව. 1783 - 1868 ත් අතර බහරේන් සහ සවුදි පාලනයක් පැවැතිණි. ක‍්‍රි.ව. 1871 - 1915 අතර සමයේ ඔටෝමාන් පාලනයක් පැවැති අතර ක‍්‍රි.ව. 1916දී මෙය බි‍්‍රතාන්‍යයේ යටත් ප‍්‍රදේශයක් බවට පත්විය. කටාරය බි‍්‍රතාන්‍යයෙන් නිදහස් වූයේ 1971 වසරේදීය.

කටාරයේ ඉස්ලාම් භක්තිකයන් 67.7ක් සිටින අතර ඉස්ලාමය එහි නිල ආගම වේ. එයට අමතරව 13.8ක් කිතුනුවන්ද, 13.8ක් හින්දු භක්තිකයන්ද, 3.1ක් බෞද්ධයන්ද ජීවත් වෙති.

කටාරය යනු ව්‍යවස්ථාවක් සහිත  රජ පරම්පරාවක පාලනයක් පවතින රාජ්‍යයක් ලෙස හැ`දින්වීම වඩාත් නිවැරදිය. දැනට පාලනය පවතින අල් තානි රාජවංශය මෙහි ස්ථාපිත වූයේ වර්ෂ 1825දීය. දැනට සිටින තමීම් බින් හමාඞ් අල් තානි යනු එරට සිටින අල් තානි රාජවංශයේ අට වැනි එමීර් වරයා වේ.

මෙහි නීති පද්ධතිය මුළුමනින්ම පදනම් වී ඇත්තේ ෂාරියා නීතිය මතය. නමුත් ප‍්‍රයෝගිකව මෙහි සිවිල් සහ ෂාරියා යන නීති මිශ‍්‍රණයක් දක්නට ලැබේ. ආගම අතහැර දැමීම සහ සමලිංගිකත්වය මරණ ද`ඩුවම් ලැබිය හැකි වරදක් වේ. සෙසු ඉස්ලාම් රටවල මෙන්ම මෙහිද ඉස්ලාම් ජාතිකයන්ට මත්පැන් පානය තහනම් ය. ඉස්ලාම් නොවන පුද්ගලයන් වෙනුවෙන් තරු පහේ හෝටල සහ වෙනත් අවසර ලත් ස්ථානවලදී මත්පැන් මිලට ගත හැකිය. ඉස්ලාම් නොවන්නන් ස`දහා පමණක් ඌරුමස් ආනයනටද අවසර ලබා දී තිබේ.

කටාරයේ යුද, ගුවන් සහනාවික වශයෙන් 11,000 කින් සමන්විත හමුදාවක් පවත්වාගෙන යනු ලබයි. ඔවුහු සිය දළ ජාතික නිෂ්පාදිතයෙන් 4.2%ක් ආරක්ෂාව වෙනුවෙන් වැය කරති. 

Add comment

ප්‍රතිචාර දැක්වීමේ කොන්දේසි : -
ප්‍රතිචාර දැක්වීමේදී පරුෂ වචන අපහාස කිරීම් ලිපියට අදාල නොවන ප්‍රතිචාර පල කිරීමෙන් වලකින ලෙස කරුණාවෙන් දන්වා සිටිමු.


Security code
Refresh

IMAGE

සිසුවියන් තිදෙනෙකුගේ මුහුණු වලට ලිංගික 'ස්ප්‍රේ' විදලා

IMAGE 2017 Oct 19 10:56
දඹුල්ල ප්‍රදේශයේ පාසලක අටවන ශ්‍රේණියේ ඉගෙනුම ලබන සිසුවියන් තිදෙනෙකුගේ මුහුණු වලට එම...
Views - 217

සරණාගත කඳවුරු වල කතුන් ලිංගික අතවර වලට

IMAGE 2017 Oct 18 13:35
ආපදා තත්වයන් යටතේ අවතැන්වන කාන්තාවන් හා ගැහැණු දරුවන්ට අනාරක්ෂිතම ස්ථානයක් වන්නේ සරණාගත...
Views - 668

මගේ පෙම්වතිය රඟපාන්න කැමති නෑ - සජිත අනුත්තර

IMAGE 2017 Oct 17 12:52
ඔබට නළුකමට එන්නට පියා ලොකු ආලෝකයක් වුණා අනිවාර්යයෙන්ම ඔව්. ගෙදර කලා පසුබිමක් ඇති වන්නට මුල්...
Views - 930

ලංකාවේ පළමු මෝටර් සයිකල් ලයිසන්කාරිය විමල නයනා

IMAGE 2017 Oct 17 00:21
ඇමෙරිකානුවෙක වූ නීල් ආම්ස්ටේ‍රා්න් සඳ තරණය කළ දා මුළු ලොවම ඒ සඳට ගිය මිනිසා ගැන කතා කරමින්...
Views - 1344

රවීන් දැක්කාම “බුදු අම්මෝ” කියලා ඔළුවේ අත ගහ ගත්තා

IMAGE 2017 Oct 15 18:43
හිමාලි සයුරංගි කියන ඔබ “සතුට” හා “දුක” කියන අත්දැකීම් දෙකට මුහුණ දෙන්නේ මොන විදියටද? ...
Views - 2294

ශලනි ලියපු දසුන්ගේ මරණයෙන් පසු ආ වීඩියෝවේ ඇත්තම කතාව

IMAGE 2017 Oct 15 18:07
දසුන් නිශාන්ගේ හදිසි අභාවයත් එක්ක කරළියට ආපු දසුන්-ශලනි පෙම් කතාව අද කාටත් රහසක් නමෛයි. ශලනි...
Views - 2559

Please publish modules in offcanvas position.