Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - [email protected] youtube
lakbima.lk

                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

මෝදි ඉදිරියේ හැසිරුණු සැටි ගැන සුපිරි නිළියට චෝදනා

Modi
ප්‍රියංකා චොප්රා ඉන්දියාවේ සිටින සුපිරි නිළියන් අතර කෙනෙකි. ඇය මේ වනවිට දස්කම් දක්වමින් සිටින්නේ ඉන්දියාවේ පමණක් නොවේ. ඇමෙරිකානු හොලිවුඩ් සිනමාවේ මෙන්ම රූපවාහිනියේද ප්‍රියංකා දැන් සිය හැකියාවන් ප්‍රදර්ශනය කරමින් සිටියි.
නමුත් මේ දිනවල ඇය කතාබහට ලක්වන්නේ ඇගේ රංගන දක්ෂතා නිසා පමණක් නොවේ. ඇය පසුගිය දිනෙක හැඳ සිටි ඇඳුමක්
නිසාද, දැන් ප්‍රියංකා සම්බන්ධයෙන් ආන්දෝලනයක් හටගෙන ඇත. මෙසේ මතභේදයට ලක් වූ ඇඳුම ප්‍රියංකා හැඳ සිටියේ පසුගිය දිනෙක ඉන්දීය අගමැති නරේන්ද්‍ර මෝදි හමුවීමට පැමිණි අවස්ථාවකය. (ඇය මෙම ඇඳුමෙන් සැරසී අගමැතිවරයා අසල වාඩි වී සිටින සැටි පෙන්වන ඡායාරූපයක් මුලින්ම පළ වූයේ ඇගේම ෆේස්බුක් පිටුවේය).
ප්‍රියංකාගේ ඇඳුම ගැන මෙවැනි මතභේදයක් ඇති වූයේ එය ඇයගේ දෙකකුල් නිරාවරණය වන ආකාරයේ කෙටි ඇඳුමක් වීම නිසාය. සිය රටේ අගමැතිවරයා හමුවීමට පැමිණෙද්දී මීට වඩා ගරුසරු ඇති ආකාරයෙන්, සංවරව හැඳ පැළඳගෙන ආ යුතුය යනුවෙන් ඇයට චෝදනා එල්ල වන්නට විය. මේ චෝදනා බොහොමයක්ම එල්ල වූයේ  සමාජ  අඩවි හරහාය.

වෙබ් අඩවි

අගමැති මෝදි සහ ප්‍රියංකා අතර හමුව සිදුවූයේ ජර්මනියේ බර්ලින් නුවරදීය. පසුගිය දිනවල නරේන්ද්‍ර මෝදි නිල සංචාරයක් සඳහා ජර්මනියට පැමිණි අතර ප්‍රියංකා ද ඒ වනවිට රැඳී සිටියේ බර්ලින් නුවරය. ඒ ඇය අලුතෙන්ම රඟපෑ Baywatch නමැති හොලිවුඩ් චිත්‍රපටයේ ප්‍රචාරක කටයුත්තක් වෙනුවෙනි.
“ප්‍රියංකා, ඔබ අසුන්ගෙන සිටින්නේ අපේ රටේ අගමැතිවරයා සමගය. අඩු තරමින් ඔබේ දෙකකුල් නිසි පරිදි ආවරණය කරගෙන සිටින්නට තරම්වත් මූලික අවබෝධයක් ඔබ සතු විය යුතුව තිබිණි.” එක් ප්‍රතිචාරයක සඳහන් විය.
“ඔබ ලොකු ජාත්‍යන්තර තාරකාවක් විය හැකියි. නමුත් කරුණාකර අපේ අගමැති මෝදි මහතා ඉදිරියේ යම් ගෞරවයක් දැක්වෙන ආකාරයෙන් හැසිරෙන්න බලන්න ඔබ ඔහු ඉදිරියේ වාඩි වී සිටින සැටි” ඒ තවත් ප්‍රතිචාරයක වූ සටහනකි.
“ඊයේ වනතුරු ඔබ ඉන්දියාවේ සමස්ත තරුණ පරපුරට මහත් ආභාෂයක් සැපයූ චරිතයක් විය. මන්ද යත් ඔබ ජාත්‍යන්තරය තුළ යමක් කළ කෙනෙකු වූ නිසාය. නමුත් අද වනවිට ඔබ පෙන්නුම් කර ඇත්තේ මෙවැනි වැදගත් පුද්ගලයෙකු හමුවට යනවිට හැඳගෙන යා යුත්තේ කුමක්දැයි තේරුම් ගන්නට තරම්වත් සාමාන්‍ය අවබෝධයක් ඔබට නැති බවයි. මම ඔබට අනුකම්පා කරමි” ඒ තවත් ප්‍රතිචාරයකි.
බොහෝ දෙනෙකු අදහස් දක්වා තිබුණේ ප්‍රියංකා මේ තුළින් අගමැතිවරයාට කිසියම් නිගරුවක් කර ඇති බව කියමිනි. ප්‍රියංකාට එරෙහිව මේ ආකාරයෙන් චෝදනා එල්ල වෙද්දී ඇය වෙනුවෙන් අදහස් දැක්වූ පිරිස්ද දැක ගත හැකි විය.
“තමා අඳින්නේ කුමක්දැයි තීරණය කිරීමට කාන්තාවකට සම්පූර්ණ අයිතියක් තිබේ. අද අප ජීවත් වන්නේ අඳුරු යුගයක නොවේ” ඒ ඇයට පක්ෂව දක්වා තිබූ එක් අදහසකි.

ප්‍රතිචාර

ප්‍රියංකා හැඳ සිටින්නේ බටහිර ඇඳුම් විලාසිතා අතර පිළිගත් ඇඳුමක් බවත්, ඇය වාඩි වී සිටින ඉරියව්වද ඇය වැනි කෙනෙකුගේ පෞර්ෂය විදහා දක්වන ආකාරයේ  එකක් බවත්,  යමෙකු එහි වරදක් දකී නම් එය ඇගේ වරදක් නොව දකින්නාගේ ප්‍රශ්නයක් බවත් සඳහන් ප්‍රතිචාරයන්ද දැකිය හැකි විය.
කෙසේ හෝ වේවා ප්‍රියංකා මේ ප්‍රතිචාරවලට සෘජුව
පිළිතුරු දෙන්නට ගොස් තිබුණේ නැත. ඒ වෙනුවට  තමාත්, තම මවත් දෙකකුල්  යම් තරමකට නිරාවරණය වන ආකාරයේ ඇඳුම් හැඳගෙන  වාඩි වී සිටින තවත් ඡායාරූපයක් සිය ඉන්ස්ටග්‍රෑම් අඩවියට එක් කිරීමට ඇය පියවර ගෙන තිබුණාය. ඒ අතර අගමැතිවරයා ඔහුගේ අතිශය කාර්යබහුල බව අතරේ වුවද තමා හමුවීමට කාලය වෙන් කිරීම ගැන ඇය ඔහුට ස්තූති කර තිබිණි.
මේ වනවිට ප්‍රියංකා චොප්රා රඟපෑ පළමු හොලිවුඩ් චිත්‍රපටය වන Baywatch ලොව පුරා තිරගත වන අතර තවත් ඇමෙරිකානු චිත්‍රපට කිහිපයක් සඳහාම ඇයට ඇරයුම් ලැබි ඇති බවද සඳහන් වෙයි. ඒ අතර ඇය රංගනයෙන් දායක වන Quantico නැමැති ඇමෙරිකානු රූපවාහිනි මාලා නාටකයද ප්‍රේක්ෂකයන් අතර බෙහෙවින් ජනප්‍රිය වී තිබේ. ප්‍රියංකා මේ වනවිට ඉන්දියානු නිළියන් අතර වඩාත්ම සාර්ථක නිළියක් ලෙසිනි සැලකෙන්නේ.

කිත්සිරි මල්වත්ත

 

Add comment

ප්‍රතිචාර දැක්වීමේ කොන්දේසි : -
ප්‍රතිචාර දැක්වීමේදී පරුෂ වචන අපහාස කිරීම් ලිපියට අදාල නොවන ප්‍රතිචාර පල කිරීමෙන් වලකින ලෙස කරුණාවෙන් දන්වා සිටිමු.


Security code
Refresh

IMAGE

ඒ ආදර කතාව ඉවරයි මම දැන් සින්ගල්

IMAGE 2017 Nov 19 17:31
සිරස ජුනියර් සුපර් ස්ටාර් කියන්නේ මේ දවස්වල ප්‍රේක්ෂකයන් ආදරයෙන් වැළඳ ගත් රියැලිටි...
Views - 2978

කේන්ද්‍රයක මාරක අපල තිබීමටත් වඩා නොතිබීම භයානකය

IMAGE 2017 Nov 19 15:19
මහජන බැංකු විශ්‍රාමික සංගමයේ පිළියන්දල කැස්බෑව ශාඛාවේ අටවන සංවත්සරික සභාව පසුගිය...
Views - 1810

නීල හරිත ෆුල් සූට් එක පෙන්වා අමුඩ කෙටිය ගලවා ගන්න එපා

IMAGE 2017 Nov 19 11:35
මෙවර අයවැය ලෝකයේ දියුණුම ආර්ථික සංකල්පයක් වන නීල-හරිත ආර්ථිකයට රට යොමු කරවන්නක් බව මුදල්...
Views - 1392

ඔහු නොවන්නට ලෝක ක්‍රිකට් මේ තරම් දියුණු නොවනු ඇත

IMAGE 2017 Nov 18 00:19
අද මට ඉතාමත් සතුටු දවසක්. ඉන්දියාවේ ජාතික ක්‍රිකට් කණ්ඩායමේ විරාත් කෝලි සහ ඔහුගේ කණ්ඩායමත්...
Views - 3539

මෙතේ බුදු පදවිය ලබන්නේ බැංකු කළමණාකරුවෙක්ද?

IMAGE 2017 Nov 17 12:13
ඔහු මධ්‍යම පළාතේ වාණිජ බැංකුවක කළමණාකරුවෙකි.  ඔහුගේ වයස අවුරුදු 45 ක් පමණ වේ. ක්‍රිස්තියානි...
Views - 5982

බොහෝ කලා කරුවන් තමන්ගේ පවුල් ජීවිත ගැන කියන්නේ බොරු

IMAGE 2017 Nov 16 11:31
වත්මන් ශ්‍රී ලාංකීය ජන සමාජයේ දික්කසාද වීම් සහ පවුල් අර්බුද පැන නැගීම සම්බන්ධයෙන් කලා...
Views - 5246

Please publish modules in offcanvas position.