Coss Ear2
lakbima.lk
COSS Ear 1

මේ ඉන්නේ චිත‍්‍ර ශිල්පියෙක්. නම ඩූකා සිරොග්ලාවික්. ඉන්නේ ක්‍රෙඒෂියාවෙ. මෙයා පහුගිය කාලෙ හරි අපූරු වැඩක් කළා. ඒ තමයි චිත‍්‍රයක් ඇඳපු එක. චිත‍්‍ර ශිල්පියෙක් චිත‍්‍රයක් අඳින එක අපූරු වැඩක් වෙන්නේ කොහොමද කියලා දැන් හිතෙයි. මේක අපූරු වැඩක් වුණේ ඩූකා ඇඳපු චිත‍්‍රය අරුම පුදුම එකක් වුණු නිසයි.
මේ චිත‍්‍රය මහා දිගකින් යුතු එකක්. හරියටම කියනවා නම් ඒකෙ ප‍්‍රමාණය වර්ග මීටර් 10800 ක්. වර්ග අඩිවලින් කිව්වොත් 116250 ක්.
මේ මහා දිග චිත‍්‍රය ඇඳලා ඉවර කරන්න ඩූණාට හරියටම මාස 5 ක් ගත වෙලා තියනවා.
ඔහු මේක ඇඳලා තියෙන්නේ ක්‍රොඒෂියාවෙ බොල්බ‍්‍රැක් කියන ප‍්‍රදේශයේ පාරක් දිගේ තාවකාලිකව නිර්මාණය කරපු වැටක් දිගේ කියලා තමයි වාර්තා වෙන්නේ.
 

අද කාලේ තියෙන කාර්ය බහුලත්වයත් එක්ක බොහෝ දෙනෙකුට තමන්ගේ හිතට විවේකයක් ලබාදෙන්නත් කාලයක් ඉතිරි වෙන්නේ නෑ. නමුත් කොයි තරම් වැඩකටයුතු අධික වුණත් හිතට විවේකයක් ලබා දිය යුතුයි. වැඩ කරනා අතරේ මේ දේ කරගන්න පුළුවන් නම් එ්ක කාටත් පහසුවක්.
මෙන්න මේ ගැන කවුරුන් හෝ හිතපු නිසා තමයි ’ZenEgg Balancing Wooden Totem කියන අපූරු නිර්මාණය වෙළෙදපොළට ඇවිත් තිබෙන්නේ. මේක හිතේ සහනය ඇති කරගන්නම හදාපු දෙයක්. චීනයේ සෙන් දහමේ මූලධර්මවලට අනුව කළ නිෂ්පාදනයක් බව මෙහි නමින්ම පැහැදිලියි. මෙය දැවයෙන් සාදා ඇති බිත්තරයක්. ඔබේ වැඩකටයුතු කරනා අතරේ ඔබේ අභ්‍යන්තර සිතිවිලි ගැන නිරායාසයෙන්ම හිතන්න මේ දැව බිත්තරය ඔබව පොළඹවනවා. ඔබ කළ යුත්තේ හිතට සහනයක් අවශ්‍ය යැයි හිතන වෙලාවට මේ දැව බිත්තරය සමබර කරන්නට උත්සාහ ගැනීම පමණයි.
මේ කාර්යය ගැන ඔබේ හිත යොමුකරවීමේ දී හිත එ්කාග‍්‍රතාවයකට පත් වෙලා හිතේ සැහැල්ලූ බවක් ඇති වන බව ඔප්පු වී තිබෙනවා. එ් කාර්යයත් එක්ක ඔබ යම්කිසි භාවනාවකට ද යොමු කරවනවා.
හිතේ සැහැල්ලූ බවට අමතරව මේ දැව බිත්තරය සමබර කිරීමට කරනා උත්සාහයේ දී ඔබේ ශරීරය සමබර කිරීමේ හැකියාව ද වර්ධනය වෙනවා. එ් වගේම ඔබේ අතේ මාංශ පේශීවල සෞඛ්‍යයට ද මෙය උදව්වක්. මෙහි මිල ඇමරිකානු ඩොලර් 33ක් (රු. 5,059)ක් වෙනවා.

ජෙෆ් බෙසොස්’ කියන්නේ කවුදැයි ඔබෙන් ඇසුවොත් එයට පිළිතුරක් දෙන්නට නොහැකි වන්නට පුළුවන්. නමුත් මේ විස්තරය කියවූවාට පසු බොහෝ දෙනෙක් මේ නම මතක තබා ගන්නා බව නොඅනුමානයි. එ් අන් කිසිවක් නිසා නොව අලූත්ම ආර්ථික සහ මූල්‍ය වාර්තාවලට අනුව ලොව ධනවත්ම පුද්ගලයා වන්නේ ජෙෆ් බෙසොස් වීම නිසයි. ලෝක ප‍්‍රකට, විශාලතම අන්තර්ජාල වෙළෙද සමාගම වන ‘ඇමසන්’ හි හිමිකරුවා වන්නේ ද ඔහුයි. ඔහුගේ මුළු වත්කම් ප‍්‍රමාණය ඇමෙරිකානු ඩොලර් බිලියන 105ක් වෙනවා. මේ ප‍්‍රමාණය 153 න් වැඩි කිරීමෙන් මේ වත්කම අප රටේ මුදලින් කීයක් වනවාදැයි සොයා ගන්නට ඔබට අවශ්‍ය නම් හැකියාව තිබෙනවා. එ් වගේම 2016 වසරේ අප රටේ දළ දේශීය නිෂ්පාදනය ඇමෙරිකානු ඩොලර් බිලියන 81.32ක් යැයි කීමෙන් ඔහුගේ වත්කම්වල ප‍්‍රමාණය කෙතරම් දැයි යම් අවබෝධයක් ඔබට ලැබිය හැකියි.
මෙතෙක් වසර ගණනාවක් තිස්සේම ලෝකයේ ධනවත්ම පුද්ගලයා ලෙස කිරුළු පළදා සිටියේ මයික්‍රෝසොෆ්ට් සමාගමේ
බිල් ගේට්ස්. නමුත් පසුගිය දිනෙක ඇමසන් සමාගම කොටස් වෙළෙදපොළේ වේගයෙන් ඉදිරියට පැමිණීම නිසා බිල් ගේට්ස්ව පරදා ජෙෆ් බෙසොස්ට ඉදිරියට එන්නට හැකියාව ලැබුණා.
1964 ජනවාරි 12 වැනිදා ඇමෙරිකා එක්සත් ජනපදයේ
නිව් මෙක්සිකෝ ප‍්‍රාන්තයේ දී ජෙෆ් බෙසොස් උපත ලබන විට ඔහුගේ මව වූ ජැක්ලින් ජෝර්ගෙන්සන්ට වසර විස්සක්වත් සම්පූර්ණ වී තිබුණේ නැහැ. ඔහුගේ පියා වූයේ ටෙඞ්
ජෝර්ගෙන්සන්ය. කෙසේ නමුත් ජෙෆ් බෙසොස් ට අවුරුදු හතරක්වත් සම්පූර්ණ වන්නට පෙර ඔහුගේ මව වෙනත් විවාහයක් කර ගත්තාය. ඔහුගේ නව පියා වූයේ මෙක්සිකානු ජාතිකයකු වූ මයික් බෙසොස්ය. කුඩා කාලයේ සිටම අලූත් දේවල් ගැන සිහින මැවූ ජෙෆ් බෙසොස් ඇමසන් නම් වූ ලෝකයේ අති විශාල අන්තර්ජාල වෙළෙ`දසල දක්වා දිගු ගමනක් ගියේ මේ සිහිනය නිසාම බව බොහෝ ව්‍යාපාරික ස`ගරා පවසනවා.
ඔහු පරිගණක විද්‍යාව සහ විදුලි කාර්මික ශිල්පය කෙරෙහි දැඩි උනන්දුවක් දැක්වූවා. මේ නිසාම මේ ක්ෂේත‍්‍ර දෙකින් ඔහුට උපාධි ගැනීමටත් හැකියාව ලැබුණා. කුඩා කාලයේ දී ඔහු බොහෝ දෙවල් නිර්මාණය කළේ සිය නිවසේ අවශ්‍යතාවයන් වෙනුවෙන්. තමන් සමග කාමරයේ එකට හැදුණු වැඩුණු සහෝදරයන් කාමරයෙන් පිටතට යනවාදැයි බලා ගන්නට ඔහු අපූරු අනතුරු හැගවීමේ උපකරණයක් ද නිපදවූයේ කුඩා කාලයේදීමයි.
ජෙෆ් බෙසොස් ලෝකයේ ලොකුම ධනවතා වුවත් යහපත් විවාහ ජීවිතයක් ගත කරන බව තමයි ව්‍යාපාරික වෙබ් අඩවි පවා සදහන් කරන්නේ. එයට හේතුව ලෝකයේ බොහෝ ධනවතුන්ගේ විවාහ ජීවිතවල යම් යම් අසාර්ථකතාවන් තිබෙන නිසායි. ඔහු විවාහ වී සිටින්නේ මැකන්සි ටට්ල් සමගයි. ඔහුට ඇයව හමු වී ඇත්තේ ඔහු උපාධිය සදහා ඉගෙනුම ලැබූ කාලයේ දී. 1993 වසරේ දී විවාහ වූ ඔවුන් ඇමසන් සමාගම ආරම්භ කිරීම සදහා සියැටල් ප‍්‍රාන්තය කරා සංක‍්‍රමණය වුණා. මේ විවාහයෙන් ඔවුන්ට දරුවන් තිදෙනෙකු ලැබුණා. එයට අමතරව ඔවුන් චීන ජාතික දැරියකව සිය දරුකමට ද හදාවඩා ගත්තා.
ජෙෆ්, ඇමසන් සමාගමේ මුල්ම කාර්යාලය බවට පත් කරගත්තේ සිය නිවසේ ගරාජයයි. ඔහු තම සමාගමට ගැළපෙන විවිධ නම් ගැන සිතුවත් අවසානයේ දකුණු ඇමෙරිකානු ගංගාවක් වූ ‘ඇමසන්’ යන්න එ් සදහා යොදාගැනීමට තීරණය කළා. මේ නමින් නිර්මාණය කළ ඇමසන් වෙළෙද ලාංඡුනයේ ඉංග‍්‍රීසි ‘එ්’ අකුරත් ‘ඉසඞ්’ අකුරත් යාකරමින් ඊතලයක් ඇද තිබෙනවා. එයින් ඔහු අදහස් කළේ ඇමසන් වෙබ් අඩවියෙන්  ඕනෑම දෙයක් (එ් සිට ඉසඞ් දක්වා * මිලට ගත හැකි බවයි.
ඔහු ගරාජ කාර්යාලයේ සිටියදී මේසයක් ලෙස භාවිත කළේ ලීවලින් සෑ දොරක්. ඔහු මේ බව කිසි දිනක අමතක කළේ නෑ. තමා දවසින් දවස දියුණුව කරා පා තැබුවත් මේ මේසය ඔහු සමග ඉදිරියට ගමන් කළා. අද ද ඇමසන් කාර්යාලයේ ඇති සියලූ මේස සකසා ඇත්තේ ලීවලින් තැනූ දොරක ආකෘතියක් සිහිවන ආකාරයෙනුයි.
2003 වසරේ දී ඔහු ගමන් කළ හෙලිකොප්ටරය අනතුරකට ලක් වුණා. එයින් ඔහුට සිදුවූයේ සුළු තුවාලයක් පමණක් වුවත් ඔහු එයින් පසුව හෙලිකොප්ටර්වලින් ගමන් බිමන් යාම සහමුලින්ම නතර කළා.
ඔබ බොහෝ දෙනෙක් ලෝක ප‍්‍රසිද්ධ ‘වොෂිංටන් පෝස්ට්’ පුවත් පත පිළිබද දන්නවා විය හැකියි. 2013 වසරේ දී ජෙෆ් මෙය ඇමෙරිකානු ඩොලර් මිලියන 250 කට මිලට ගත්තා.
ජෙෆ් කුඩා කාලයේ පටන්ම අභ්‍යවකාශ චාරිකා ගැන සිහින මැවූ පුද්ගලයෙක්. මේ සිහිනය ඉටු කරගන්නට ඔහු ‘ඇමසන් ප‍්‍රයිම් එයාර්’ නමින් සමාගමක් ආරම්භ කළා. ඔහු එයින් බලාපොරොත්තු වන්නේ අභ්‍යවකාශ චාරිකා සදහා වැයවූ මුදල් බොහෝ් අඩු කොට වැඩි දෙනෙකුට එම අත්දැකීම ලබා දීමටයි. කෙසේ නමුත් ඇමෙරිකාවේ ෆෙඩරල් ගගන පරිපාලනය තවමත් මෙයට අනුමැතිය ලබා දී නැහැ.
ජෙෆ් ලෝකයේ ලොකුම සල්ලිකාරයා වුණත් ඇතැම් මූල්‍ය ආයතන එය එකවර පිළිගන්නට කැමැත්තක් නැති බව පෙනෙනවා. ඇතැමෙක් පවසන්නේ අද පවතින උද්ධමන අනුපාතය ආදිය පිළිබද සලකා බැලීමේ දී මේ තරම් වත්කමක් මෙයට වසර කිහිපයකට පෙර මයික්‍රොසොෆ්ට් සමාගමේ බිල් ගේට්ස්ට ද තිබුණු බවයි. කෙසේ නමුත් අනෙක් අය පවසන්නේ සිය ව්‍යාපාර තුළින් ඉදිරියට පැමිණ ලෝකයේ ධනවතා බවට පත්ව සිටින ජෙෆ් බෙසොස් හට එම ගෞරවය ලබා දෙන්නට කිසිවකු මැලි නොවිය යුතු බවයි.

නිරංජන් චාමින්ද කරුණාතිලක

අයර්ලන්තයට අයිති ලයිටී්‍රම් සහ මායෝ කියන රටවල් දෙකේ හරි අපූරු විවාහ සම්ප්‍රදායක් තියෙනවා. විවාහ උත්සවය පැවැත්වෙන දිනයට කලින් දවසේ රෑ තමයි මේ අපූරු දේ සිද්ධ වෙන්නේ. මනාල පාර්ශ්වයේ පිරිමි අය නව දෙනෙක් පිදුරු හෝ පන් කොළවලින් හදපු ඇඳුම් ඇඳ ගන්නවා. ඒ නව දෙනා කවුද කියලා හඳුනාගන්න බැරි විදියට මුහුණු ආවරණය වෙලා තියෙන්න ඕනේ.
ඒ අයට කියන්නේ 'ස්ටේ‍රා් බෝයිස්' කියලා. ඊට පස්සේ මේ නව දෙනා මනාලියගේ ගෙදරට යනවා. ගිහින් මනාලිය එක්ක නර්තනයේ යෙදෙනවා. ඒ වෙලාවේ මනාලියගේ ගෙදර තවත් ගැහැනු අය ඉන්නවා නම් ඒ අය එක්කත් මේ නව දෙනා නර්තනයේ යෙදෙනවා.
ඊට පස්සේ පහුවදාට ඒ කියන්නේ විවාහ මංගල උත්සවය දවසට මනාලිය හොයා ගන්න ඕනේ කලින් දවසේ රෑ කවුරු එක්කද නැටුවේ කියලා.එහෙම හොයා ගන්න පුළුවන් වුණොත් ඇය හොඳ සංවේදී කෙනෙක් විදියට මනාල පාර්ශ්වය පිළිගන්නවා. 

අපි හිතන්නේ එක එක ප‍්‍රශ්න ආවම සිය දිවි නසා ගන්නේ මිනිස්සු විතරයි කියලනේ. ඒත් ඒක එහෙම නැහැ. ගවයන් පවා සිය දිවි නසා ගන්නා අවස්ථා තියනවා. මේ පිංතූරයේ තියන මාර්ග සංඥා පුවරුව වැඩිපුරම දකින්න පුළුවන් වෙන්නේ ස්විට්සර්ලන්තේ. සමහර ගවයන් උස ස්ථානවලට ඇවිදගෙන ගිහින් ඉන් බිමට පනින අවස්ථා  ඕනෑ තරම් තියෙනවා. ඉතින් මේ වගේ සංඥා පුවරු සවි කරලා තියෙන්නේ ගවයන් දිවි නසා ගන්න තෝරා ගන්නා උස් ස්ථාන ආශ‍්‍රිතවයි. මේ වගේ තැන්වලදී ගවයන් අහම්බෙන් බිමට වැටෙනවාද කියලා ඔබට හිතෙන්න පුළුවන්. ඒත් ඒක නෙවෙයි ඇත්ත. ගවයන් මේ වගේ තැන්වලට ගිහින් විහින්ම බිමට පැනලා මැරෙනවා කියලා තමයි සත්ව විදඥයන් කියන්නේ.

බැලූ බැල්මට ඉත්තෑවෙක් ඔළුව උඩ තියාගෙන ඉන්නවා වගේ පෙණුනට ඇත්තටම මෙයාගේ ඔළුව උඩ තියෙන්නේ එයාගෙම කොණ්ඬේ කියලා හොඳට බැලූවොත් දකින්න පුළුවන්. මෙයාගේ නම එරික් හැන්. ඉන්නේ ඇමෙරිකාවේ නෙබ‍්‍රස්කාවල. එරික්ට පුංචි කාලේ ඉඳලා තිබුණු ආසාවකට අනුව එයා එයාගේ කොණ්ඬේ දිගට වවලා ඊට පස්සේ දෙපැත්තෙන් තට්ටෙ ගාලා මේ විදියට උඩට උස්සලා හදා ගෙන. හරියටම මැනලා බැලූවාම එරික්ගේ කොණ්ඩයේ දිග නෙවෙයි උස සෙන්ටි මීටර් 68.58ක්, ඒ කියන්නේ අගල් 27ක් වෙනවා. ඒ කොහොම වුණත් එයාව ඉත්තෑවෙක් වගේ පෙනෙන එකට නම් පිළියමක් නැහැ.

Page 1 of 10

IMAGE

සංසාර සිහිනයේ ගී සංකල්පනය මම 'ටැබ් එකේ ටයිප් කරපු' එකක්

IMAGE 2018 Feb 21 12:00
සනුක වික්‍රමසිංහ ගායනා කරන “සංසාර සිහිනේ” කලක පටන් බොහෝ ගීත දර්ශකවල පෙරමුණ ගෙන තිබෙන...
Views - 2012

මම නාට්‍ය කලාවෙ ඉන්නේ ඒ ගැන තියන 'උණ' නිසයි

IMAGE 2018 Feb 21 11:53
වේදිකාව, පුංචිතිරය සහ සිනමාව යන මාධ්‍ය ත්‍රිත්වයෙහිම සිය ප්‍රතිභාව ප්‍රකට කළ කලාකරුවකුවන...
Views - 1102

බිරිඳ රැකියාවක් නොකිරීම මගේ සාර්ථකවයට හේතුවක්

IMAGE 2018 Feb 20 14:38
“සිරස ජූනියර් සුපර් ස්ටාර්..” තරගය ගැන මුලින්ම අප ඔබගෙන් විමසන්න කැමතියි.. ඇත්තෙන්ම “සිරස...
Views - 5118

බිරිඳට පින් තකා සුනඛයන්ට දිනපතා සහල් කිලෝ 08ක දනක්

IMAGE 2018 Feb 20 14:23
මිනිසා තිරිසනුන් වන අවස්ථාත් තිරිසනා මිනිසුන් වන අවස්ථාත් අපට බොහෝ විට දක්නට ලැබුණද...
Views - 2945

ලංකාවේ අන්තිම රජු සැඟවූ නිධානය කෝ?

IMAGE 2018 Feb 19 11:34
මහනුවර රජ කළ රාජාධිරාජසිංහ රජුට බිසෝවරුන් කිහිප දෙනෙක්ම සිටියහ. ඔවුන් අතර අලමේලු අම්මා,...
Views - 5030

රඟපෑමෙන් සමුගත් හේතුව නදීකා කියයි

IMAGE 2018 Feb 19 10:41
“චංචල රේඛා” චිත්‍රපටයේ “දං චූටි” නාඳුනන කෙනෙක් එදා සිනමා ලෝලීන් අතර හිටියේ නැහැ....
Views - 6257

Please publish modules in offcanvas position.