lakbima.lk
2017-04-21 ඇමෙරිකා ඩොලරය ගැනුම් මිල රු.150.5100 , විකුණුම් මිල රු.154.3100 | බි‍්‍රතාන්‍යය පවුම ගැනුම් මිල රු.191.9300 , විකුණුම් මිල රු.198.4400 | යුරෝ යුරෝපය ගැනුම් මිල රු.160.3000, විකුණුම් මිල රු.166.4200 | ස්වීස් ප‍්‍රෑන්ක් ගැනුම් මිල රු.149.6900 , විකුණුම් මිල රු.155.6300 | කැනඩා ඩොලරය ගැනුම් මිල රු.110.9600 , විකුණුම් මිල රු.115.3500 | ඔස්ට්‍රේලියා ඩොලරය ගැනුම් මිල රු.112.2600 , විකුණුම් මිල රු.117.3100 | සිංගප්පූරු ඩොලරය ගැනුම් මිල රු.107.2200 , විකුණුම් මිල රු.111.1400 | ජපානය යෙන් ගැනුම් මිල රු.1.3712, විකුණුම් මිල රු.1.4229 |

එලාම් ඔරලෝසු කියන්නේ උදේ පාන්දර නැගිටලා සේවයට යන්න ලෑස්ති වෙන අයට ඉතා වැදගත් උපකරණයක්. හැබැයි බොහෝ එලාම් ඔරලෝසුවල නැවත මතක් කරන ගුණ පවතිනවා. ඒ කියන්නේ නියමිත වෙලාවට වැදෙන එලාම් එකට අවදි වුණේ නැත්නම් තව විනාඩි පහකින් තව එලාම් එකක් වැදීමයි.
නමුත් නින්දෙන්ම මෙය ක්‍රියා විරහිත කළොත් වෙන්නේ අපිත් දන්නේ නැතිව අව්ව වැටෙන කල්ම නින්ද යන එක. මේ ගැටලුවට විසඳුමක් විදිහට තමයි Ruggie කියන එලාම් ඔරලෝසුව වෙළෙඳ ‍පොළට එන්නේ. ඔබ ඇඳෙන් නැගිටලා පාපිස්සක් වගේ නිමවා ඇති මේ එළාම් ඔරලෝසුව මත ඔබේ දෙපා තබනතුරු මේක නතර වෙන්නේ නැහැ. ඒ වගේම උදේ අවදි වූවාට කරන දිරිගැන්වීමක් වශයෙන් මෙයින් ඔබේ හිතට දවසේ කියමනක් ද ඇසෙන්නට සලස්වනවා. මේ අපූරු උපකරණය ඇමරිකානු ඩොලර් 79 (රු. 12,000) ක් වෙනවා.

‘ඇවේටර්’ චිත්‍රපටය බලපු කෙනෙක් නම් දන්නවා පාවෙන කඳු ගැන. නමුත් අපේ ලෝකේ භෞතික දේවල් ඒ වගේ පාවෙන අවස්ථා දකින්නට ලැබෙන්නේ නැහැ. එහෙම නැති නිසාම ඇතැම් අය එවැනි දේවල් සාදන්නට උත්සාහ කරනවා. මේ උත්සාහයේ ප්‍රතිඵලයක් විදියට තමයි මේ කියන Levitating Air Bonsai Potted Plant අප අතට ලැබි තිබෙන්නේ. මේ ඇත්තටම පාවෙන බොන්සායි පැළෑටිත් සොබා දහමත් නවීන තාක්ෂණයත් එකිනෙකට සම්බන්ධ වුණු අවස්ථාවක් විදියට
මෙය හඳුන්වන්නට පුළුවන්. පාදම සහ ශාකය සිටුවා ඇති කොටස් යනුවෙන් මෙය කොටස් දෙකකින් සමන්විතයි. පාදම නිමවා තිබෙන්නේ ග්‍රැනයිට් (කළුගල්) වර්ගයකින්. සෘණ අයන නිකුත් වන ආකාරයෙන් එය සකසා තිබෙනවා. පාදමේ මැද ඇති එල්ඊඩී බල්බයෙන් එන ආලෝකයෙන් පාවෙන කොටස ආලෝකවත් වෙනවා. මෙහි පාවෙන කොටස පාදමේ ඉඳන් සෙන්ටිමීටර 2.6ක් ඉහළින් පවතින ආකාරයෙන් සකස් කොට තිබෙනවා. මේ පාවෙන කොටසේ බොන්සායි හෝ ඔබ කැමති ආකාරයේ කුඩා පැළයක් සිටුවා ගත හැකියි. මෙහි මිල නම් ටිකක් ගණන්. ඒ කියන්නේ ඇමෙරිකානු ඩොලර් 299.99ක් (රු. 45,502)ක් වෙනවා.

අපි අද ජීවත් වන්නේ, විද්‍යාව හා තාක්ෂණයේ දියුණුව ඉතා ඉහළ යැයි පැවසෙන සමාජ වටපිටාවකය. එහෙත් මිහිතලය මත තවමත් පවතින ඇතැම් රහස් හෙළිකරගන්නට එකී විද්‍යාවේ හෝ තාක්ෂණයේ දියුණුවට තවමත් නොහැකිවී ඇතිසේය. මා එසේ කියන්නේ, විද්‍යාව කොපමණ දියුණු වුවද විවරණය කරගන්නට බැරි කාරණා බොහොමයක් මේ මිහිමත පවතින හෙයිනි. මේ කියන්නට යන්නේද එවැනි කාරණාවක් පිළිබඳවය.
සාමාන්‍යයෙන් ගම්මාන අමුතු නැත. එහෙත් මේ කියන ගම අමුතු ය. මේ කතාබහට මුල්වන ගම්මානය පිහිටියේ නිරිත දිග චීනයේ සිවුවාන් ප්‍රාන්තයේය. එහි පිහිටි යැන්ග්සි ගම්මානය ඉතා දුෂ්කර ගම්මානයකි. එමෙන්ම එය එහි ජීවත්වන අමුතු මිනිසුන් නිසා ලෝක ප්‍රකටවූ ගමක් ලෙසද අපට හැඳින්විය හැකිය.
යැන්ග්සි ගම්මානයේ මුළු පදිංචිකරුවන් සිටින්නේ අසූ දෙනෙකු පමණි. එය අමුතුම ආකාරයේ ගම්මානයක් වන්නේ ඒ නිසාම නොවේ. එහි ජීවත්වන්නේ සාමාන්‍ය පුද්ගලයෙකුගෙන් හරි අඩක් පමණ වන මිනිසුන්ය. කෙටියෙන් කිවහොත් අඟුටුමිට්ටන්ය. සංඛ්‍යා දත්ත අනාවරණය කරන පරිදි, ගමේ සමස්ත ජනගහනයෙන් සියයට හතළිහක පිරිසකගේ උස පවතින්නේ අඩි තුනත් අඩි දෙකත් අතර පරතරයකිනි. එමෙන්ම මෙහි වාසය කරන්නේ විවිධ ප්‍රදේශවලින් පැමිණි කුරු මිනිසුන් නොවේ. මේ කියන පිරිස යැන්ග්සි ගම්මානයේ ඉපිද, ඒ ගමේම හැදී වැඩුණු පුද්ගලයන්ය.
යැන්ග්සි හි ජීවත් වන කුරු මිනිසුන් පිළිබඳව කතාකරන්නට පටන්ගෙන ඇත්තේ, අද ඊයේක සිට නොවේ. 1911 දී ද මෙහි මිටි මිනිසුන් වෙසෙන බවට තොරතුරු හෙළිවී ඇත. විවිධ මානව විද්‍යාඥයන් මේ කුරු බවට හේතු අනාවරණය කර ගන්නට විවිධ පර්යේෂණ ද කර ඇති බවට ඉතිහාසය සාක්ෂි සපයයි. එහෙත් මෙහි වන විශේෂත්වය වන්නේ, එකී කිසිදු පර්යේෂණයකින් ඊට බලපෑ නිශ්චිත හේතුවක් මතෛක් අනාවරණයවී නොතිබිමයි. එමෙන්ම පර්යේෂණ පවත්වා ඇති විද්‍යාඥයන් සියලුදෙනා දේශීය පර්යේෂකයන්ය. ඊට හේතුව වී ඇත්තේ, විදේශීය විද්වතුන්ට මෙහි පැමිණ පර්යේෂණ කරන්නට චීන රජය අවකාශ සලසා නොදීමය.
කෙසේ වතුදු විද්‍යාවෙන් මීට හේතුවක් සොයාගන්නට නොහැකිවූවාට මේ සම්බන්ධයෙන් ජනප්‍රවාදයේ නම් ඕනෑ තරම් කතා පවතී. ඉන් එක් ජනප්‍රවාදයක් වන්නේ, කාලයකට ඉහත ගිම්හානයේ රැයක යැන්ග්සි ගම පුරා අත්භූත රෝගයක් පැතිර ගොස් ඇත. රෝගයට ගොදුරු වූවෝ, අවුරුදු පහත් හතත් අතර වයස්වල පසුවුණු දරුවෝය. පසුව රෝගය සුව වුවද, ඒ හේතුවෙන් දරුවන්ගේ ශාරීරික වර්ධනය නැවතුණු බව ගම්මුන්ගේ අදහස ය. ශරීර වර්ධනය බාල වූවා පමණක් නොව, ඇතැම් දරුවන් අංගවිකල බවට පත්වූ බවට ද රාවයක් පවතී.
ඒ සම්බන්ධයෙන් වන තවත් කතාවක සඳහන් වන්නේ, නරක ආත්මයන්ගේ බලපෑමක් නිසා තම ගම්වැසියන්ට මෙවැනි තත්ත්වයකට මුහුණ දෙන්නට සිදුවූ බවකි. නිසියාකාරව වතාවත් නොපවත්වා, මුතුන් මිත්තන්ගේ අවසන් කටයුතු සිදුකිරීම නිසා, ඔවුන්ගේ ශාපයකින් මෙවන් විපත්තියකට මුහුණදී ඇති බව ඔවුහු පවසති.එක්තරා කැස්බෑවෙකු මරා ආහාරයට ගත් නිසා මෙම කුරු බව තමන්ට උරුමවූ බව කියවෙන තවත් කතාවක්ද මේ අතර වෙයි. එනම්, එක්තරා පිරිසක් විකෘති ස්වභාවයකින් යුතු  කැස්බෑවෙකු මරා පුළුස්සා කෑ බවත්, ඉන් අනතුරුව ගම පුරා අමුතුම රෝගයක් පැතිර යන්නට පටන්ගෙන ඇති බවත්, ජනප්‍රවාදයේ සඳහන්වේ. රෝගයට හේතුව එකී ශාපය බවත්, ඒ නිසා ගම්වැසියන් උසින් නොවැඩෙන බවත්, ජනතාව විශ්වාස කරති.
කෙසේවතුදු, යැන්ග්සි ගම්මානයේ කුරු මිනිසුන් ඉපදීම තවමත් විසඳා ගත නොහැකිවූ ගැටලුවකි. මේ පිළිබඳව ජනප්‍රවාද කොතෙකුත් වෙතත්, එය විද්‍යාත්මකව පහදා දෙන්නට හැකි පර්යේෂණයක් කෙරෙන තුරු සියල්ලෝ දෑස් දල්වා බලා හිඳිති.

ගයාත්‍රි ගීගනආරච්චි

තට්ටු හතක් පුරා වරකට සෙල්ලම් බඩු පනස්දහසක් පමණ ගබඩා කර තිබෙන ලොව ලොකුම සෙල්ලම් බඩු සාප්පුව ඇත්තේ බ්‍රිතාන්‍යයේ ලන්ඩන් නගරයේය. හැම්ලිස් නම් වන එය ලොව පැරණිම සෙල්ලම් බඩු සාප්පුවද වෙයි. 1760 වසරේදී එනම් වසර දෙසිය පනස් හතකට පෙර විලියම් හැම්ලි විසින් ලන්ඩනයේ, හයි හොල්බෝර්න්හි ආරම්භ කරන ලද මේ සෙල්ලම් බඩු සාප්පුව 1881 එය දැනටත් පවතින රිජන්ට් වීදිය වෙත ගෙනෙන ලදී. මේ වනවිට එහි ශාඛා ලොව පුරා ව්‍යාප්තවී ඇත. හැම්ලිස් වෙතින් භාණ්ඩ මිලදී ගන්නට මෙන්ම එය නරඹන්නටත් වසරකට ඇදී එන මිලියන පහකට අධික පිරිස නිසා එය ලන්ඩනයේ ප්‍රධාන පෙළේ සංචාරකයන් ආකර්ෂණය කරගන්නා තැනක් බවට පත්ව තිබේ. මෙයට අමතරව කුඩා ප්‍රමාණයේ හැම්ලිස් සෙල්ලම් බඩු සාප්පු දහයක් බ්‍රිතාන්‍යයේ ඇති අතර ලොව පුරා හැම්ලිස් සාප්පු හැටක් වෙයි.
නෝවාස් ආක් ලෙස ආරම්භයේදී හැඳින්වුණ හැම්ලිස් සාප්පුව විලියම් හැම්ලිගෙන් පසු ක්‍රමයෙන් ඔහුගේ දරුවන් හා මුණුපුරන් විසින් පාලනය කරන ලද අතර එය ඔහුගේ මුණුපුරන් විසින් පාලනය කරනු ලබන 1837 වසර වනවිට එය රාජකීයයන් හා වෙනත් ප්‍රභූවරුන් විසින්ද තම දරුවන් වෙනුවෙන් සෙල්ලම් බඩු මිලයට ගන්නා සුප්‍රකට වෙළඳසලක් බවට පත්ව තිබිණි. හයි හිල්බෝන් හි සාප්පුවේ ඇතිවූ ගින්නක් නිසා රීජන්ට් විදියට ගෙන යනු ලැබූ හැම්ලිස් සාප්පුව දෙවැනි ලෝක යුධ සමයේදී පස්වරක් බෝම්බ ප්‍රහාරයන්ට ගොදුරු විය.
හැම්ලිස් ප්‍රධාන සාප්පුවේ තට්ටු හත වෙන්වී ඇත්තේ විවිධ සෙල්ලම් බඩුවලටය. පහළම තට්ටුව පිරී ඇත්තේ පුළුන් පිරවූ සෙල්ලම් බඩුවලටය.හැම්ලිස් වෙත වාසනාව ගෙනෙන එහි සංකේතයන් ලෙස සැලකෙන්නේද හැම්ලි හා හැටී නම් වන පුළුන් පිරවූ වලසුන් දෙදෙනාය.

නිශානි දිසානායක

අඩුම ගණනේ දවසට දෙපාරක්වත් දත් මැද්දේ නැත්නම් දත්වල පණුවෝ පදිංචි වෙන්න පුළුවන්. ඒ නිසා නිතර දත් මදින්න ඕනේ. දත් මදින එක ඒ තරම් මහන්සි වෙන දෙයක් නොවුණත්, ඒ වැඩේ තවත් ‍ලේසි වෙන්න අලුත් විදියේ දත් බුරුසුවක් ඔන්න දැන් ඇවිත් තියෙනවා. මේක හඳුන්වන්නේ Goby Premium Electric Toothbrush නමින්. කට ඇතුළේ හතර වටේම කැරකි කැරකි දත් මදින්න මේ බුරුසුවට පුළුවන්. මේකේ මදින කොටස මාරු කරමින් පාවිච්චි කරන්න පුළුවන්. මුල්ම වතාවේ බුරුසුවක් මිලට ගන්නා විට දත් මදින්න  අතිරේක කොටසක් නොමි‍ලේ ලැබෙනවා. ඉන් පසුව අවශ්‍ය පරිදි ඒ කොටස් අඩු මිලකට මිලට ගන්නට පුළුවන්. ඔබ දත් මදින අතරේ සෑම තත්පර 30 කටම වරක් ඔබ දත් මදින ඉරියව්ව වෙනස් කරන්න කියා දැනුම් දීමක් කරනවා. ඒ නිසා නිසා දත් සම්පූර්ණයෙන්ම පිරිසිදු කරන බව මෙම බුරුසුව සහතික වෙනවා. මෙහිදී කෙඳි ඉතා සුමට නිසා විදුරුමස්වලට කිසිදු හානියක් සිදුවෙන්නේ නැහැ. හැබැයි මෙහි මිල නම් ඇමෙරිකානු ඩොලර් 50ක් (රු. 7602.50) වෙනවා.

හීන දකින්න කවුද අකැමැති. ඒත් නින්ද ගියාම අපි කැමති හීන විතරක්ම පෙනෙන්නේ නැහැ නේ. මෙන්න මේ ගැටලුවට විසඳුමක් විදිහට iBand+EEG Lucid Dream Headband කියා ගැජට් එකක් නිර්මාණය කරලා තියෙනවා. මෙය හිසේ පැළඳිය හැකි පටියක් ආකාරයෙන් සකස් කොට තිබෙනවා. භාවිත කරන්නාගේ මොළයේ තරංග, ශරීරයේ චලනයන්, හෘද ස්පන්දනය සහ ශරීර
උෂ්ණත්වය අධීක්ෂණය කිරීමේ හැකියාව මෙයට තිබෙනවා. මෙසේ ලැබෙන දත්ත ඔස්සේ මෙය භාවිත කරන්නාගේ විවිධ නිද්‍රා අවධීන් නිවැරදිව අවබෝධ කර ගැනීමට මෙයට හැකියාව ලැබෙනවා. මේ තොරතුරු ඔස්සේ මෙය භාවිත කරන්නාගේ සහජ ශ්‍රව්‍ය - දෘශ්‍ය උත්තේජ භාවිත කරමින් සුන්දර සිහින පෙනෙන්නට සලස්වන්නට මෙයට පුළුවන්. සිත පහසුවෙන් නිශ්චල තත්ත්වයකට ගෙන සිත භාවනාමය ඒකග්‍රතාවකට ගෙන එන්නටත් මෙයට හැකියාව තිබෙනවා. ඔබගේ ඇන්ඩේ‍රායිඩ් හෝ ඇපල් ස්මාර්ට් දුරකථනයට ස්ථාපනය කර ඇප් එකක් ඔස්සේ මෙය පාලනය කරන්නට පුළුවන්කම තිබෙනවා. මෙහි මිල නම් ටිකක් ගණන් ඒ කියන්නේ ඇමෙරිකානු ඩොලර් 159 ක් (රු. 24175.95) ඒත් ඉතින් සුන්දර සිහින දකින්න පුළුවන් කියන එක අමතක කරන්න එපා.

Page 1 of 5

IMAGE

රූපලාවන්‍ය සැත්කම් ඇබ්බැහියාවට මුල්වන රෝගය අපේ රටේත්!

IMAGE 2017 Apr 26 11:36
රූපලාවන්‍ය සැත්කම් සියයක් මගින් තම රූප සොබාව පවත්වාගෙන යාම නිසා ‘මිනිස් බෝනික්කිය’ යන...
Views - 4

සිවුරු හොරා දිවිල්ලෙන් දැනේ

IMAGE 2017 Apr 25 13:31
“පුහුල් හොරා කරෙන් දැනේ” යනුවෙන් රසවත් ජන කතාවක් ඇත. මේ “සිවුරුහොරා දිවිල්ලෙන් දැනේ”...
Views - 2886

ගම්පහ ටියුෂන් ලිංගික උප සංස්කෘතිය කුරුණෑගලත්?

IMAGE 2017 Apr 25 11:46
කුරුණෑගල ශික්ෂණ රෝහලේ ලිංගාශ්‍රිත රෝග මර්දන ඒකකයෙන් ප්‍රතිකාර ගන්නා පිරිසෙන් යම්...
Views - 1475

ප්ලාස්ටික් සැත්කම් උන්මාදනී මෙලොව හැරයයි

IMAGE 2017 Apr 25 10:17
සිය සිරුර් අගපසග උලුප්පා පෙනෙන ආකාරයෙන් ප්ලාස්ටික් සැත්කම් කර ගැනීමේ උන්මාදයකින් පෙළුණු...
Views - 9689

මිනිපිරියගේ උපන්දිනේට බෙන්ස් එකක් දුන් හිටපු ඇමති සීයා

IMAGE 2017 Apr 24 15:39
හිටපු අමාත්‍ය ප්‍රියංකර ජයරත්න මහතාගේ දියණියගේ දියණිය වන ජොවීන්‍යා (Jovinya) මාරසිංහ පසුගිය දා...
Views - 4250

අඩ නිරුවත් විලාසිතා ලිංගික අපරාධ වලට මුලක් නොවේ

IMAGE 2017 Apr 24 12:36
කාන්තා අඩ නිරුවත් විලාසිතා නිසා ලිංගික අපරාධ වැඩි විය හැකි බවට සමාජය පුරා පැතිරයන මතය කිසිදු...
Views - 1553

Please publish modules in offcanvas position.